مواصفات البنت السورية

[zeenaa]

..



أولاً: فيسبوكياً:
1- اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين.
2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني.
3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين.

ثانياً- مسنجرياً:
1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو.
( مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي.
2- اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..
3- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها.
4- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.

ثالثا: في الشارع:
1- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.
2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك.
3- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت
رابعا: في المحلات التجارية:
1- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور....
2- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن.
3- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها.

[pretty girl94]

2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك.
ههههههههههه
حلووة

[zeenaa]

لا بس اللي بضحك انو هيك بصير جد ميرسي عالمرور الحلو

[mhsen77]

مكرر




lol:

[Maher 4x4]

خدو مواصفات البنت السورية من عندي

بتمشي بالشارع و هية مشغلة خمسطعشر الف حساس ( اي شب بيتطلع فيا و اي شب بيضحكلا و شو نوع التطليعة و وين عم يتطلع هي اهم نقطة .. ) مع العلم انها بتكون دايرة وشها لجهة تانية و كتير من لأحيان بتكون لابسة نضارات الشمس ( مشان ما تعرف انت وين هيي عم تتطلع )

بتكون ميتة ع شي شب حلو يحكي معا وازا ما حكا معا وطنشا بتقول عنو خجلان من جمالي ( بيكون هوي قرفان ) مو منا من الحياة ههههه ، و ازا حكا معا بتقول ليكو وقع تئلي حالك يا بنت ( بيكون هوي عم يسألا قدي الساعة او وين المكان الفلاني وغالبا بيكون مو ملاقي حدا يسألو بالطريق فاضطر.. )

غالبا بتسوي حالا مرتبطة او مشغولة و ازا شب حاول يتطلع فيا مجرد تطليعة بتساوي حالا عم تبحبش بالموبايل او انو اجاها شي مس كول .. و بتعمل حالا عم تحكي ع الموبايل و بتتضحك و بتعلي صوتا

ازا شب حلو تطلع فيا بتدير وشا فجأة وازا دار وشو بترد بتتطلع عليه ( قال لعدم تلاقي النظرات ) و ازا كانو شلة بنات بيصيرو يتحركشو بالشب بطريقة او تانية و يتغامزو عليه ( ع مبدأ القوة للأكثرية )

بتحط ماكياج كتير و بتصرف ع عمليات التجميل كل راتبها ( هي أزا كانت عم تشتغل ) وازا ما بتشتغل بتشحد اهلها حتى تصرف

بدها شب فل اوبشن وغير هيك بدها تستورد واحد من برا يمكن مواصفات خليجية

[zeenaa]

كل هدول بصيرو بس حدا يتبرع ويحطلنا حسنات البت السورية

[Syrian_love]

يسلمووووووووووو بس ليش حاملين على البنات السوريات ؟؟؟؟!!!!!!

[mary_55]

كاتب النص الأصلي : aboodalkadri

يسلمووووووووووو بس ليش حاملين على البنات السوريات ؟؟؟؟!!!!!!

غيرانين...


يسلمو إيديكي عالموضوع

[Syrian_love]

كاتب النص الأصلي : mary_55

غيرانين...


يسلمو إيديكي عالموضوع

اي يمكن انا سوري بتعجبني السورية

[Maher 4x4]

كاتب النص الأصلي : zeenaa

كل هدول بصيرو بس حدا يتبرع ويحطلنا حسنات البت السورية

هي مواصفات البنت السورية مشمولة بحسنات وسيئات

[leonardo_dicabreo]

كاتب النص الأصلي : mhsen77

مكرر

lol:

عراصي السّكرتير . . ! !

موضوع جداً جداً حلو ! !

[zeenaa]

كاتب النص الأصلي : aboodalkadri

يسلمووووووووووو بس ليش حاملين على البنات السوريات ؟؟؟؟!!!!!!

اولا أنا سورية بس بحس إني فعلا بنعمل هيك مو بإيدنا

[بنفسجة]

انا ما شفت ولا شغلة بتطبق عليي الا هي

- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو.

[shareef98]

كاتب النص الأصلي : بنفسجة

انا ما شفت ولا شغلة بتطبق عليي الا هي

تعي لنجرّب...إذا فعلا بتنطبق عليكي...

[mhsen77]

كاتب النص الأصلي : zeenaa

كل هدول بصيرو بس حدا يتبرع ويحطلنا حسنات البت السورية

اهم شي انو نحنا الشباب منحبها هيك

روحو خليها تبين معكن

كاتب النص الأصلي : leonardo_dicabreo

عراصي السّكرتير . . ! !

موضوع جداً جداً حلو ! !

من بعدك معلم

[zeenaa]

كاتب النص الأصلي : mhsen77

اهم شي انو نحنا الشباب منحبها هيك

روحو خليها تبين معكن



من بعدك معلم

لك شو هاد زعيم اخجلتم تواضعنا لك عراسي حارتك والله

[بنفسجة]

كاتب النص الأصلي : shareef98

تعي لنجرّب...إذا فعلا بتنطبق عليكي...

انا ما بحكي مع شباب

[mhsen77]

كاتب النص الأصلي : zeenaa

لك شو هاد زعيم اخجلتم تواضعنا لك عراسي حارتك والله

عراسي كل الصبايا الحلوين يلي بتبين معها الكلمة الحلوة

كاتب النص الأصلي : بنفسجة

انا ما بحكي مع شباب

جد طلعتي هيك بتعملي