أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 28/10/2009   #37
صبيّة و ست الصبايا ritka
عضو
-- قبضاي --
 
الصورة الرمزية لـ ritka
ritka is offline
 
نورنا ب:
Sep 2008
المطرح:
canada
مشاركات:
485

افتراضي


اقتباس:
كاتب النص الأصلي : butterfly عرض المشاركة
تسؤ ما اقتنعت أنا لسى ، ( أحيانا بتضربني من حيثما شوية تناحة )



حسب التقرير أنو نصف الأفراد بالوطن العربي ، بيقبضو باليوم 2 دولار تمام ؟

أنا في عالم عندو نظرية بحبها ، أسمها هي النظرية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

" اسمو هو العالم ماسلو "

وهي صورتو للهرم


هلق إذا جينا ع سوريا وطلعنا ع التقرير اللي صدر من نفس الأمم المتحدة الإنمائية ، بال 2006
منشوف

يعني بعملية جمع بسيطة منكتشف أنو نص الشعب السوري إلا شوي 41.5 % فقير
يعني الاحتياجات ، الماء .. السكن ، البقاء .. الطعام ( هي المفروض شاغلة بالو ورح تشغل بالو على مدى السنين القادمة ) فهادا بدكن تستثنو معظم هي الطبقة من مشاريع الإبداع والاختراع وتحقيق الذات .. وما إلى هنالك اللي هي بأعلى هرم الاحتياجات

هادا من دون ما أدخل بخانة تبع الاحترام وقدي الإنسان عنا حاسس حالو محترم ومحقق عندو هالحاجة الاجتماعية فلهيك بيكفي لهون لنفهم عمي .. بدها حلول اقتصادية ، وسياسية .. و .. و .. كوشة شغلات الله وكيلك ( باقي على اللي ما شاغل بالو لا انو يجيب بيت ، ولا أنو يلاقي شغل ، ولا أنو يدفع دوا ضغط ودوا شحوم ودوا مدري شو ، واللي بيشكلو نص راتبو ) باقي على هالكمالة " اللي المفروض أنو هي تكون قدام مسؤولياتها .. ( لو بيعملولنا قدي من هدول اللي ما بيشغل بالن هالقصص .. هني نصابين و فاسدين في الدولة .. وما بيعنيلن لا إبداع ولا اختراع ولا هباب السخن )
وقتا منقدر نعرف قدي في نسبة ناس فينا تبدع وتخترع وتقرا وما عم تبدع وتخترع وتقرا
اي ميمو؟ و بعدين؟
وضعنا عم يمشي من سيئ لـ اسوأ.. بدنا نستنى يتغير لحالو هيك؟ فجأة؟ او يا ستي بعد شي مليون سنة؟ كمان بدو يتغير لحالو؟
ما رح يتغير ازا احنا ما غيرناه..
بدك تستني يصير احسن .. عمرو ما حدا بيبدع ولا حدا بيغير

اقتباس:
شو قصتك مع الزهزهزة والتزهزه؟
شي متل مصطلحي المفضل فيك تقول.. بستخدمو بدون ما حس

اقتباس:
هاي أنا ما قريتها.. سمعتها بهالزمانات من هابّرلو مادنة جامع بخطبة الجمعة..

طلع مع الشيخ -فض فوه- يومتها.. إنو الله سخّرلنا الغرب وأهل الغرب حتى يخترعولنا وسائل راحة.. سيارات.. طيارات.. تلفزيونات.. مراوح.. كل شي.. هاي شغلتهن بالحياة..

بينما نحنا ما لازم نشغل حالنا إلا وفقط إلا بعبادة الله..


أما علم واختراع وقراية ومدري شو!! كش برّا وبعيد
..
عم تمزح انت؟ .. معقول؟

اقتباس:
حطيتي ايدك على الجرح تمام
بيسعدني رأيك ..

سأكتب جملة أغلى من الشهداء و القبّل:
"فلسطينية كانت.. و لم تزل!"

طلقة حب و طلقة نار و نسّم يا هوا بلادي :)

you are unique, just like every one else !
  رد مع اقتباس
قديم 28/10/2009   #38
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
كاتب النص الأصلي : ritka عرض المشاركة
اي ميمو؟ و بعدين؟
وضعنا عم يمشي من سيئ لـ اسوأ.. بدنا نستنى يتغير لحالو هيك؟ فجأة؟ او يا ستي بعد شي مليون سنة؟ كمان بدو يتغير لحالو؟
ما رح يتغير ازا احنا ما غيرناه..
بدك تستني يصير احسن .. عمرو ما حدا بيبدع ولا حدا بيغير
لأ ما بدي استنى ، بدي حاول ( وفي كتير ناس عم يحاولو .. كونو ما حدا عم يسمع فين منكن بس ما بيعني أنن ما موجودين )
بس انو وقت عم يكون الناس هيك ما عم اخجل ابدا ولا عم حسها حقائق بتخجل .. عم اتفهم
انو وقت بيكون هاجس كل عيلة أنها إذا مرض حدا من عندا ممكن تبيع اللي فوقها واللي تحتها
انو هالعيلة ما يكون يعني تاركة كل شي من إيدها وقاعدة عم تترجم كتاب مشان ما تلاقي دار نشر تنشرو لأنو ما بيبيع .. فهكذا يعني


انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 28/10/2009   #39
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
كاتب النص الأصلي : butterfly عرض المشاركة
لأ ما بدي استنى ، بدي حاول ( وفي كتير ناس عم يحاولو .. كونو ما حدا عم يسمع فين منكن بس ما بيعني أنن ما موجودين )
بس انو وقت عم يكون الناس هيك ما عم اخجل ابدا ولا عم حسها حقائق بتخجل .. عم اتفهم
انو وقت بيكون هاجس كل عيلة أنها إذا مرض حدا من عندا ممكن تبيع اللي فوقها واللي تحتها
انو هالعيلة ما يكون يعني تاركة كل شي من إيدها وقاعدة عم تترجم كتاب مشان ما تلاقي دار نشر تنشرو لأنو ما بيبيع .. فهكذا يعني

و الله يا خالتي فراشة ما بعرف شو بدي قللك
شفتينا عم نلوم الطبقة الفقيرة العايفة حالها للتخلف الصاير بالبلد؟

طيب انا معك شعوبنا فقيرة و ناقصها مقومات الحياة واكتر من تلات رباعها مو فاضي ليترجم او يقرا.

ما في شباب مقضية وقتها عالنت و التشات و حكي التليفونات؟
ما في شباب همها شو في جديد نغمات للموبايل؟ و شو في موديلات جديدة؟
عا مستوى المنتدى هون وين المشاركة أكبر بقسم الملطوشات و عالطاير ؟ لما بقسم الفلسفة أو العلوم أو التاريخ؟
طيب هالشب اللي عندو فراغ لا منتهي ما في يقرا كتاب؟ يترجم شي مقالة أو بحث و لو عا قد أمكانياتو؟

جاوبيني


.

نحن ننتظر الضياء و لكننا نرى الظلام

---------------------------------------------------------------

ذو العينين البراقتين ......... الذي يقرر المصائر .............


DaRkNeSs LoRd

Lord Of DarkneSs

Lord Of The Sweet Sadness
  رد مع اقتباس
قديم 28/10/2009   #40
صبيّة و ست الصبايا sandra
مشرف
 
الصورة الرمزية لـ sandra
sandra is offline
 
نورنا ب:
Dec 2007
مشاركات:
3,859

افتراضي


قريت أغلب الردود وفي أفكار بوافق عليها وأفكار لا
أنا معكم أنو الشباب عنا مقضيها حكي عالتلفون والموبايل والنت وهمو يلحق الموضة و شو عمل فلان وفلانة
وفعلاً كل ما بنزل عسوريا كان يضرب على عصبي هالنماذج التافهة

هلا ليش شعبنا مو متعود عالقراءة ولا مهتم بالعلم ولا بالبحث العلمي
في غلط أكيد بس هالغلط شو مصدرو !! شبابنا تافه ؟ مافيه عقل؟ مانو ذكي ؟؟ لا

في ناحيتين
الناحية الأولى متل ما قالت بترفلاي
أنا ما فيني لوم شعب عايف حالو وهمو يلاقي لقمة عيشو
ومافيني قارن شب عم يكدح ليل نهار ليقدر بيوم من الايام يشتري بيت ويأسس عيلة ويرتبط بالبنت يلي بيحبا مع شاب عايش ما عندو ربع هالمشاكل المادية وعندو تأمين صحي
الناحية االتانية وهي نظام التربية والتعليم وهون الحديث يطول جدا وجدا
العلم في الصغر كالنقش على الحجر .. تمام
مثلاً من خلال تجربتي ببعض المدارس الفرنسية بتلاقي قاعة للمطالعة فيها كل الكتب يلي من الممكن يقرأها الطفل والقصص والمجلات ..
هي ما عدا في واجبات مدرسية بأنو كل طفل لما بيقرا قصة بيحكي ادام رفقاتو هو شو قرأ وبعدا بيعطي رأيه بالقصة
وركزولي على كلمة يعطي رأيه ... ومن هون بيبدا التفكير النقدي ... هالشي نحن عنا مش موجود بمدارسنا ولا حتى بالتنشئة الاجتماعية عنا
وين المكتبات بالمدارس ؟ وين التحفيز عالقراءة ؟ وين تشجيع المواهب ؟؟ مافي

منجي عالجامعة وعأساس الوضع هنيك أفضل
بيفوت الدكتور وبدو حلقات بحث والطلاب بيتحمسو .. بيروحو على مكتبة الكلية .. بدنا هالكتاب مو موجود وهاد مُعار وأخيراً بتشوف كتاب موجود بس بدك ترجعو بعد بوكرا وإلا منحرمك من الاعارة
طيب مناخدو لهالكتاب ومننسخ منو كم فقرة ومنغير فيهم ومنعطي حلقة البحث للدكتور وخالصين

يعني نظامنا التعليمي والتربوي فااااااااشل ومعتمد عالتلقين والحفظ الصم

فمنيح منو هالطفل لما عم يكبر عم يفوت جامعة بفرع غالباً مش رغبتو كان ويتخرج وبعدا بتبلش معركة الحياة وهون منرجع للنقطة الأولى وهي يأمن لقمة عيشو والله يحميه من الأمراض مشان ما ينخرب بيتو ومستقبلو

// وأنّ حضورك في دمي مسكُ الختام //
  رد مع اقتباس
قديم 28/10/2009   #41
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
شب عم يكدح ليل نهار ليقدر بيوم من الايام يشتري بيت ويأسس عيلة ويرتبط بالبنت يلي بيحبا مع شاب عايش ما عندو ربع هالمشاكل المادية وعندو تأمين صحي
انا هاد المعقدني عنا انو الواحد بيشق حالو ليعمر غرفة .. غرفة واحدة ها .. فوق السطوح و يجيب اوضة نوم و يروح يخطب و يتجوز بشغلة
100 الف لك يا شيخ ما بدك تجيب ولاد و تعترن بالعيشة لما اللهم اني أسألك نفسي.

يعني ليش طموح الشب انو يتجوز شو هاد هدف الحياة التكاثر بس

صفينا شو منفرق عن اي مخلوقات دنيا تانية

اذا ما راحت هالأفكار ما رح نتطور بنوب

شو تعريفنا للمستقبل نحن ؟

الزواج بس.
  رد مع اقتباس
قديم 28/10/2009   #42
صبيّة و ست الصبايا sandra
مشرف
 
الصورة الرمزية لـ sandra
sandra is offline
 
نورنا ب:
Dec 2007
مشاركات:
3,859

افتراضي


اقتباس:
كاتب النص الأصلي : DARKNESS عرض المشاركة

انا هاد المعقدني عنا انو الواحد بيشق حالو ليعمر غرفة .. غرفة واحدة ها .. فوق السطوح و يجيب اوضة نوم و يروح يخطب و يتجوز بشغلة
100 الف لك يا شيخ ما بدك تجيب ولاد و تعترن بالعيشة لما اللهم اني أسألك نفسي.

يعني ليش طموح الشب انو يتجوز شو هاد هدف الحياة التكاثر بس

صفينا شو منفرق عن اي مخلوقات دنيا تانية

اذا ما راحت هالأفكار ما رح نتطور بنوب

شو تعريفنا للمستقبل نحن ؟

الزواج بس.
لا مو بس الزواج بس أحدها الزواج والزواج مو بس غايتو التكاثر ... الزواج هو رابط بين 2 لينمو مع بعض بظل هالعلاقة
أستخدمت الزواج كبديل عن مصطلح الارتباط العاطفي يلي هو مهم بحياتنا كبشر
لأن الارتباط العاطفي شوي صعب ببلدنا خارج إطار الزواج لهيك الشباب بيطمح الو ...
في حين بغير بلاد الزواج مش مهم لكن العلاقات العاطفية والمساكنة موجودة ويلي هي بتشبه الزواج ببلادنا لكن الفرق هو الشرعية القانونية أو الدينية

الإنسان كائن اجتماعي وبالتالي بحاجة لعلاقات اجتماعية وأيضاً عاطفية
وعندو غريزة الحياة "الايروس" وهي متصلة بالحب
ولاحظ بسلم الحاجات عند موسلو العلاقات الأسرية والحب والعاطفة والألفة الجنسية بتجي قبل أشيا كتيرة

  رد مع اقتباس
قديم 28/10/2009   #43
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
الإنسان كائن اجتماعي وبالتالي بحاجة لعلاقات اجتماعية وأيضاً عاطفية
معناتو خلي العاطفة و الحب ينفعنا ما بزمانو الحب جاب غير الخراب

دخلك في شي غير العاطفة دهورنا

الحب ما بأمن بهالكلمة بنوب
  رد مع اقتباس
قديم 29/10/2009   #44
شب و شيخ الشباب achelious
مشرف
 
الصورة الرمزية لـ achelious
achelious is offline
 
نورنا ب:
Oct 2006
المطرح:
الغدّ
مشاركات:
2,008

افتراضي


اقتباس:
كاتب النص الأصلي : DARKNESS عرض المشاركة

معناتو خلي العاطفة و الحب ينفعنا ما بزمانو الحب جاب غير الخراب

دخلك في شي غير العاطفة دهورنا

الحب ما بأمن بهالكلمة بنوب
لشو التجني؟

العاطفة هي ما يميّز الكائن الحي عن الآلة,
هي وراء الترجمة والاختراع والابداع بأنواعه;
الي ما بيعرف يحب مابيعرف يعمل شي


لا أحتاجُ لتوقيعٍ .. فالصفحةُ بيضا
وتاريخُ اليوم ليس يعاد ..

اللحظةُ عندي توقيعٌ ..
إن جسمكِ كانَ ليَّ الصفحات
  رد مع اقتباس
قديم 30/10/2009   #45
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : butterfly عرض المشاركة
لأ ما بدي استنى ، بدي حاول ( وفي كتير ناس عم يحاولو .. كونو ما حدا عم يسمع فين منكن بس ما بيعني أنن ما موجودين )
بس انو وقت عم يكون الناس هيك ما عم اخجل ابدا ولا عم حسها حقائق بتخجل .. عم اتفهم
انو وقت بيكون هاجس كل عيلة أنها إذا مرض حدا من عندا ممكن تبيع اللي فوقها واللي تحتها
انو هالعيلة ما يكون يعني تاركة كل شي من إيدها وقاعدة عم تترجم كتاب مشان ما تلاقي دار نشر تنشرو لأنو ما بيبيع .. فهكذا يعني

في ناس عم يحاولوا.. (كل واحد مفروض ينطلق من حالو) بس سدقيني مش كتار.. أبداً..

مدري شو صاير للعالم بهالبقعة!! شو نكبتهن ما كنت أعرف!!

متمسحين؟ مضروب ع قلبهن؟ منوّمين مغناطيسياً! الله بيعرف؟!

بدك نحكي عن الظروف الحياتية الـ*ـرائية؟.. ما منخلص لبكرة

وفينا نلاقي مبررات لكل شي..

بس إنو خلينا نشوف شعوب تانية حوالينا.. ما كانوا أحسن منا.. من كذا سنة بس

بتعرفي الصين كيف كانت من خمسين سنة بس؟ كام مليون حشاش كان فيها (بعد حرب الأفيون اللي عملتها إنكلترا عليها) مثلاً..

اليابان كيف طلعت بعد الحرب؟ وقامت من تحت قنبلتين نوويات؟
شايفة صور هيروشيما وناغازاكي اليوم؟

طيب إلمانيا؟ اللي ما كان في بيت بـ برلين إلو سقف بعد الحرب!!

الثورة الصناعية اللي بدأت باختراع المحرك البخاري نهاية القرن التمنطعش.. أخدت مع إنكلترا 130 سنة.. بينما صارت بإلمانيا خلال 44 سنة.. وبالصين خلال 34 سنة

طيب كيف؟

ما كانت ظروفهن أحسن منا.. أبداً..


التخلف والفقر (ع صعيد جمعي مش فردي) مشربكين ببعض.. ما فينا نخلص من وحدة طالما التانية موجودة..

ونحنا مشغولين بس بالفقر..

بس ما رح نطلع منو إذا ما اشتغلنا ع التنتين سوى


إذا بدنا نحكي ع صعيد فردي..
كتار طلعوا من الفقر.. بس ما طلعوا من التخلف..

من هيك.. وضعنا بيخجّل.. نعم

وهيدي مش من نظرة فوقية للناس والشعب.. أبداً..

بس لازم نعرف إنو في توك فينا نحنا.. مدري شو هو..

وما نركن لـ "الزعما عم يستغلوا الشعب.. والشعب معتّر"..

مش مزبوطة هاي بس
إنو لحالها.. مش مزبوطة.. من كل بز في شي معها.. أكيد

يمكن في إشارات عم تطلع من الأرض.. توصل ع مخو للزلمة.. ويعكف..
لازم نبحش بالأرض.. نشوف شو بدنا نعمل..


ودق.. بيفتحوا.. سعيدة يابا.. ودعوس..

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 30/10/2009   #46
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : achelious عرض المشاركة
العاطفة هي ما يميّز الكائن الحي عن الآلة,
هي وراء الترجمة والاختراع والابداع بأنواعه;
"هكذا تكلم باولو كويلو"
  رد مع اقتباس
قديم 31/10/2009   #47
صبيّة و ست الصبايا ritka
عضو
-- قبضاي --
 
الصورة الرمزية لـ ritka
ritka is offline
 
نورنا ب:
Sep 2008
المطرح:
canada
مشاركات:
485

افتراضي


اقتباس:
كاتب النص الأصلي : butterfly عرض المشاركة
لأ ما بدي استنى ، بدي حاول ( وفي كتير ناس عم يحاولو .. كونو ما حدا عم يسمع فين منكن بس ما بيعني أنن ما موجودين )

بس انو وقت عم يكون الناس هيك ما عم اخجل ابدا ولا عم حسها حقائق بتخجل .. عم اتفهم
انو وقت بيكون هاجس كل عيلة أنها إذا مرض حدا من عندا ممكن تبيع اللي فوقها واللي تحتها
انو هالعيلة ما يكون يعني تاركة كل شي من إيدها وقاعدة عم تترجم كتاب مشان ما تلاقي دار نشر تنشرو لأنو ما بيبيع .. فهكذا يعني
و لا انا قلتلك اني بخجل.. ولكني بخاف.. بقلق
بفكر بـ بكرا بالمستقبل .. بالواقع .. باليوم
بشبابنا اللي عم يكش دبان و بيتصنف لـ 3 اصناف:
1- "مشكووووووووووووووووووررر رررررررر "
2- شعارات ما بيطبق منها شي.. او يأس و يلعن عيشتي (حطيتهم بخانة وحدة عمدا)
3- عم يحاول يغير ع قدو

ما اختلفنا.. الناس دايما بتفكر بالاولويات بشكل اساسي
ولكن.. هالشي ما بيعطينا الحق انو نوقف و نركن ع جنب لحتى يتحسن وضعي و يصير فيني اقرا كتاب!

هلا .. نسبة اللي بتغير بالمجتمع.. قدي؟
كونو ما حدا بيسمع فيهم ما بينفي انهم موجودين.. ولكن ما بينفي ايضا انهم مش منتشرين بالقدر الكافي
لحتى نقول انو.. اي في ناس عم تغير
هاي النسبة .. طبيعي تكون موجودة.. نسبة ضئيلة لو ما كانت موجودة مصيبة كتير.. بس وجودها ما بيرمز للوضع المنيح.. و الفرص الكبيرة لمستقبل زاهر..
الكل لازم يكون ايد بايد.. و الكل لازم يقتنع بحالو اولا.. مشان يصير في تغير ملموس

اقتباس:

معناتو خلي العاطفة و الحب ينفعنا ما بزمانو الحب جاب غير الخراب

دخلك في شي غير العاطفة دهورنا

الحب ما بأمن بهالكلمة بنوب
الحب هو الامل.. هو الفيتامين اللي بيعطيني و بيعطيك القوة لحتى تتمالك نفسك رغم كل شي و تكفي طريقك
هو الشي الاساسي اللي ما فيك تستغني عنو.. و تتخيل انو رح يطلع معك شي.. ان ما حبيت الناس حواليك.. ان ما بيت الاشياء الحواليك
لو ما حبيت الشمس ... الربيع .. لو ما حبيت اهلك.. لو ما حبيت حبيبتك

لك احنا بلا حب ما منسوى يا مخلوق
اقتباس:
من هيك.. وضعنا بيخجّل.. نعم

وهيدي مش من نظرة فوقية للناس والشعب.. أبداً..
طبيعي ما تكون نظرة فوقية للشعب
ليش انت مين؟ لك اي اي .. انت الشعب و الشعب انت !

ازا بدنا نمشي لقدام.. ما بدنا نخجل من حالنا
بدنا نتصالح مع حالنا.. نلملمها متل ما هي.. نشكل منها شي جديد..
و نكفي فيها للامام
  رد مع اقتباس
قديم 31/10/2009   #48
صبيّة و ست الصبايا rama1985
عضو
-- أخ لهلوب --
 
الصورة الرمزية لـ rama1985
rama1985 is offline
 
نورنا ب:
Feb 2008
المطرح:
بهالعالم
مشاركات:
272

افتراضي


النظام التربوي بالدول العربيه متل ماحكت ساندرا نظام فااااشل وبجدااااارة
انا بعلم بمدرسه ولاحظت هاد الشي المناهج كلها مناهج تعتمد على التلقين والحفظ
مافيا ايا مجال للتفكير والابداع كلو حشوبحشو
والهدف بالنسبه للطالب النجاح ومن المعلم يدرس هالمنهج ويينهيه
حسب المواعيد المحددة وبيتحاسب على هاد الشي وبس
بس تخرجت كان عندي شغلات كتير براسي اعملها بس اصطدمت بالواقع
المنهج بيربط الايدين انو مافي مجال منوب الحصة بتكون ساعه الاربع
والدرس مليااااااان معلومات مطلوب تلقيها ع الطلبه ويحفظوها
مافي مجال نهائيا تحكي غير معلومات الدرس
مافي مجال تحاور الطلاب تناقشهن تسألهن عن رأيهن بالمعلومات يلي سمعوها انو احفظ وبس
غير هيك لاحظت المناهج مرتبطه بالماضي بشكل غريب انو حلو الواحد يفتخر بأمجادو
بس انو كل شي بتحكي العالم العربي الفلاني شو اخترع والعلتاني شو ساوى
وانو نحنا العرب كان النا الريادة بالعلم الفلاني أي وبعدين؟؟هلأ شو؟؟
انو خلص اكتفينا بهاي الشغلات وخلص ماعد في داعي نعمل شي ولانخترع مافي داعي نشغل مخنا ونفكر؟؟؟
لك حتى لاحظت شغله غريبه الطالب يلي بيكون نبيه وذكي وبيسأل وبيستفسر وبيشغل مخو وبدو يفهم
هاد طالب مو طبيعي وبتمارس عليه كل انواع القمع والعلاج لحتى يسكت وماعد يفتح تمو
ومايحرج الانسه بالفصل بأسئلتو يلي بلا طعمي
عم نقتل بايدينا ايا مخ بيحاول يفكر وازا صدف ومخ مانقتل وكبر وحكى
بيتكمم تمو من النظام او بيهرب برا وبيخلص يعني مقتول مقتول كبير ولا صغير
المناهج بتغذي ثقافة التطرف والعنف والارهاب وكره الاخرعند الصغار وهاد الشي لاحظتو بنفسي
ماعم تعلمهن ثقافة التسامح ماعم تعلمهن يتعاملو مع الاخر كانسان بغض النظر عن دينو وملتو وفكرو
بتربي فيهن التعامل مع الاخر بفوقيه وانو نحنا الافضل
وهنن كفار وغلط ونحنا الصح عم يكبرو سطحيين انانيين اتكاليين.
غير المناهج الانظمة عودت شعوبها على الطاعه والانقياد والخضوع والاستسلام
خلت شعوبها ع الاغلب طبقات كادحة وفقيرة وربطتهن بقيود
الخوف والضعف والجهل والفقر والمرض والأمية
حتى يضلو يسفقوا للحاكم ويهتفو باسمو ويسبحو بحمدو
طمعا في ايا شي بيرميه الحاكم إلهن من فتات الاكل والمصاري والدواء.
انوعم نحكي ونحكي وبس مافي شي فعلي عم بيصير
صحي في ناس عندها الاستعداد والحماس للتغيير للافضل
بس هدول قله والامكانيات مابتسمحلهن بهاد التغيير لزلك منضل نحكي ونحكي وخلص

تصبحو على خير!!!!!


سوريا يا بلدي يا أحلى البلاد ... دبحتيني بحبك اي حاجي عاد

متى ستعرف كم اهواك يا املا ابيع من اجله الدنيا ومافيها
لو تطلب البحر في عينيك اسكبه او تطلب الشمس في كفيك ارميها

I want to be with you all the time

الكلمات الجميلة تشبه اصحابها
  رد مع اقتباس
قديم 01/11/2009   #49
صبيّة و ست الصبايا ritka
عضو
-- قبضاي --
 
الصورة الرمزية لـ ritka
ritka is offline
 
نورنا ب:
Sep 2008
المطرح:
canada
مشاركات:
485

افتراضي


اقتباس:
كاتب النص الأصلي : ritka عرض المشاركة
اقتباس:
لأ ما بدي استنى ، بدي حاول ( وفي كتير ناس عم يحاولو .. كونو ما حدا عم يسمع فين منكن بس ما بيعني أنن ما موجودين )

بس انو وقت عم يكون الناس هيك ما عم اخجل ابدا ولا عم حسها حقائق بتخجل .. عم اتفهم
انو وقت بيكون هاجس كل عيلة أنها إذا مرض حدا من عندا ممكن تبيع اللي فوقها واللي تحتها
انو هالعيلة ما يكون يعني تاركة كل شي من إيدها وقاعدة عم تترجم كتاب مشان ما تلاقي دار نشر تنشرو لأنو ما بيبيع .. فهكذا يعني
و لا انا قلتلك اني بخجل.. ولكني بخاف.. بقلق
بفكر بـ بكرا بالمستقبل .. بالواقع .. باليوم
بشبابنا اللي عم يكش دبان و بيتصنف لـ 3 اصناف:
1- "مشكووووووووووووووووووررر رررررررر "
2- شعارات ما بيطبق منها شي.. او يأس و يلعن عيشتي (حطيتهم بخانة وحدة عمدا)
3- عم يحاول يغير ع قدو

ما اختلفنا.. الناس دايما بتفكر بالاولويات بشكل اساسي
ولكن.. هالشي ما بيعطينا الحق انو نوقف و نركن ع جنب لحتى يتحسن وضعي و يصير فيني اقرا كتاب!

هلا .. نسبة اللي بتغير بالمجتمع.. قدي؟
كونو ما حدا بيسمع فيهم ما بينفي انهم موجودين.. ولكن ما بينفي ايضا انهم مش منتشرين بالقدر الكافي
لحتى نقول انو.. اي في ناس عم تغير
هاي النسبة .. طبيعي تكون موجودة.. نسبة ضئيلة لو ما كانت موجودة مصيبة كتير.. بس وجودها ما بيرمز للوضع المنيح.. و الفرص الكبيرة لمستقبل زاهر..
الكل لازم يكون ايد بايد.. و الكل لازم يقتنع بحالو اولا.. مشان يصير في تغير ملموس

اقتباس:

معناتو خلي العاطفة و الحب ينفعنا ما بزمانو الحب جاب غير الخراب

دخلك في شي غير العاطفة دهورنا

الحب ما بأمن بهالكلمة بنوب
الحب هو الامل.. هو الفيتامين اللي بيعطيني و بيعطيك القوة لحتى تتمالك نفسك رغم كل شي و تكفي طريقك
هو الشي الاساسي اللي ما فيك تستغني عنو.. و تتخيل انو رح يطلع معك شي.. ان ما حبيت الناس حواليك.. ان ما بيت الاشياء الحواليك
لو ما حبيت الشمس ... الربيع .. لو ما حبيت اهلك.. لو ما حبيت حبيبتك
لك احنا بلا حب ما منسوى يا مخلوق

اقتباس:
من هيك.. وضعنا بيخجّل.. نعم

وهيدي مش من نظرة فوقية للناس والشعب.. أبداً..
طبيعي ما تكون نظرة فوقية للشعب
ليش انت مين؟ لك اي اي .. انت الشعب و الشعب انت !

ازا بدنا نمشي لقدام.. ما بدنا نخجل من حالنا
بدنا نتصالح مع حالنا.. نلملمها متل ما هي.. نشكل منها شي جديد..
و نكفي فيها للامام

ما بعرف ليش ردي طالع عندي نصو , يعني عم يطلع اول كام كلمة بس ,, و ما بعرف ان كان طالع نصو عند الكل كمان..
الاخوية عندها تحشيشاتها شو بدك بالحكي
قمت قلت لحالي برجع بحطو استحياطيا
  رد مع اقتباس
قديم 03/11/2009   #50
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


و الله انا بلشت إقلق فعلا.. شي مقلق

مو المقال يلي مقلقني .. هالمشاركات يلي مقلقتني.. و انا على فكرة قلقتي صعبة يعني بيصير معي اشمخرار بالوريد الأفعر

و مو سهلة هه


على كل حال.. يلي أقلقني هوي ليش ما حدا جاب سيرة الدين. الكل عم يلف و يدور و يحاول يلاقي سبب مقنع بس بصراحة مافي سبب مقنع اكتر من الدين

الانسان العربي ما بيقرأ و لما بيقرأ بيقرأ عن الدين.. حتى الروايات يلي بيقرأوها هيي روايات دينية. الشعب السوري بعمرو ما فتح كتاب برات المنهاج الدراسي بس فجأة بخاويش القلب صار كتاب شيفرة دافنشي "كتابهم المفضل".. على اساس الواحد منهم عندو خمسين كتاب على القائمة و هادا المتصدر حاليا

لما الإنسان العربي بدو يرفّه عن نفسه.. كمان بيلتحق بمؤسسات دينية.. بيروح و بيجتمع و بيقضي اسابيع يمكن عم يخيم و يلعب و يسمع محاضرات بلا طعمة لا بتقدم و لا بتأخر (اذا كان مسيحي).. و يمكن بيختم القران خمس ست مرات و بيروح بيحج اذا كان مسلم..

يعني انا بطفولتي لما اهلي احتاروا فيني انو شو لازم يعمل هادا الصبي نشاطات.. بعتوني على الاخوية مشان نقعد نلوّن و نلعب طابة و نسمع حصة ديانة بايخة و بلا طعمة .. و يا ريت منستفيد منها شي حقيقي كلو كلام سطحي

كل طاقات الإنسان العربي موجهة نحو الدين.. ان كان بشكل رسمي او بشكل غير رسمي

هي حكينا فوق عن الغير رسمي.. يعني هي هواياتنا الشخصية

بس في توجهات رسمية من قبل المؤسسات الدينية. في تيارات دينية بتغضب عليك و بتكفرك اذا انت بتضيع وقتك بقراءة كتب "تافهة" بدل ما تكون قاعد عم تقرأ قران و تسبح الخالق

هالهجمة الدينية و التشبث المرعب بخرافات نبذتها كل الشعوب المتحضرة من اليابان لأميركا عم تسبب تحجر عقلي و تكلّس بواسير دماغي

الدين عم يعمل الإنسان العربي انسان نقوز و عصبي ما بيتقبل اي كلمة.. هلق انا و عم احكي رأيي اكيد بكون أكلت خمسين مسبة. مع انو هادا رأيي الطبيعي و انا حر فيه و حر اتمسخر كيف ما بدي .. بس الإنسان العربي بسبب التكوينة الطائفية القبلية هوي انسان لا ديمقراطي بذات نفسه (و بيقولولنا بدنا ديمقراطية)

انا لازم روح ضب الجاجات بالبراد (مطبوخين مو أحياء يرزقون).. بس بظن الفكرة واضحة

بدنا شوية تفتيحة ذهن و flexibility ذهنية بينا و بين انفسنا اول شي.. (قبل ما نحكي على رعاع الشعب).. لنقدر نحنا نتقبل انو حدا ينتقد الدين تبعنا و المقدسات تبعوتنا.. و بعدين منقدر نحلم بشوية انفتاح ثقافي و ثورة علمية

اما ثورة علمية هيك جاهزة للإخوة المؤمنين ترباية المؤسسات الدينية فهادا مستحيل

ما عم نحكي على إزالة الدين بالغصب.. بس على الأقل يفك عن رقبة العالم شوي و يكون متل ما المفروض يكون.. مجرد رأي شخصي ما بيحمل اي قدسية معينة

ذكرى مرور عام على وفاة الأديب العالمي سيبيري ماسكوليه 1932 - 2008
  رد مع اقتباس
قديم 03/11/2009   #51
شب و شيخ الشباب الأدهم
عضو
-- أخ لهلوب --
 
الصورة الرمزية لـ الأدهم
الأدهم is offline
 
نورنا ب:
Sep 2009
مشاركات:
130

افتراضي


والله شي بيبكي
الحقيقة مرررررررررررررررررررررررة وصعبة

قتلناك ياأخرالأ نبياء
قتلناكَ .. ليسَ جديداً علينا
اغتيالُ الصحابةِ والأولياءْ
فكم من رسولٍ قتلنا.. وكم من إمامٍ
ذبحناهُ وهوَ يصلّي صلاةَ العشاءْ
فتاريخُنا كلّهُ محنةٌ .. وأيامُنا كلُّها كربلاء
  رد مع اقتباس
قديم 03/11/2009   #52
صبيّة و ست الصبايا حنين.
عضو
-- زعيـــــــم --
 
الصورة الرمزية لـ حنين.
حنين. is offline
 
نورنا ب:
Oct 2008
المطرح:
L'Algérie mon amour
مشاركات:
1,516

افتراضي


والله انا اللي اتضاعف قلقي مدري كم مرة
اللي بدو يحط الحق على التخلف واللي يقول السبب الفقر واللي قال الحب هو السبب وهلق صار الدين
كانو مافي حدا من دولة متخلفة او فقير او عاشق او متدين قدر يعمل شيء ابدا
بس بما اننا عم نحاول نلاقي اعذار وشماعات لسباتنا رح ضيف عذر كمان
المناهج الدراسية وجدول الزمن وطريقة التدريس
لانو وقت كان يجي على بالي افتح شي كتاب اقراه ما كنت اتراجع وقل لا لازم اقرا قرآن واختم ختمة زيادة الا برمضان
اما باقي السنة فكنت بستخسر الوقت اللي اقرا فيه جريدة ولما يشدني مقال بخبيه وقول اقراه بعدين
وقول لا لازم اعمل ملخصات للدروس الطويلة اللي ما كانت تخلص ولازم ارجع اكتب اللي عالوراق اللي عطونا ياها على وراق جديدة وحط وراها جدول وبيانات واستنتاجات الاعمال التطبيقية اللي عملناها تقريبي بمحلول عمرو اكبر من عمري وماعاد في شي يدل عليه غير الاسم المكتوب من برا
دوام من السبت للجمعة من ساعة 8 الصبح للساعة 18 المساء والاجازة اسبوع كل تلات اشهر ونص الاساتذة مختلين عقليا او اخلاقيا او ... والله ما كنا نلاقي وقت لناكل مضبوط ولا لنراجع كفاية كيف يخطرلنا نقرا او نترجم او بعيد الشر نبدع
ومع هيك رايي ان اللي بيتميز بيبئة ابداعية وكل الظروف متوفرة لراحتو الجسدية والنفسية وعندو كل الوسائل متاحة قدامو ما بعتبرو مبدع
المبدع عن جد بيشق الحجر ويطالع ابداعو منو
المسالة مسالة ايمان بقدرة العقل وتحدي لكل الظروف

جـزائـر يـال حـكــايـة حـبي ..ويا من حـملـتي السلام لقـلـبي
ويامن سكبت الجمال بروحي ..ويا من أشعت الضياء بدربي

لحظة شروق الشمس.. لحظة غروب اليأس..
ننسى دموع الأمس.. بين الامل نطويها..
  رد مع اقتباس
قديم 10/11/2009   #53
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
كاتب النص الأصلي : حنين. عرض المشاركة
والله انا اللي اتضاعف قلقي مدري كم مرة
اللي بدو يحط الحق على التخلف واللي يقول السبب الفقر واللي قال الحب هو السبب وهلق صار الدين
كانو مافي حدا من دولة متخلفة او فقير او عاشق او متدين قدر يعمل شيء ابدا
بس بما اننا عم نحاول نلاقي اعذار وشماعات لسباتنا رح ضيف عذر كمان
المناهج الدراسية وجدول الزمن وطريقة التدريس
لانو وقت كان يجي على بالي افتح شي كتاب اقراه ما كنت اتراجع وقل لا لازم اقرا قرآن واختم ختمة زيادة الا برمضان
اما باقي السنة فكنت بستخسر الوقت اللي اقرا فيه جريدة ولما يشدني مقال بخبيه وقول اقراه بعدين
وقول لا لازم اعمل ملخصات للدروس الطويلة اللي ما كانت تخلص ولازم ارجع اكتب اللي عالوراق اللي عطونا ياها على وراق جديدة وحط وراها جدول وبيانات واستنتاجات الاعمال التطبيقية اللي عملناها تقريبي بمحلول عمرو اكبر من عمري وماعاد في شي يدل عليه غير الاسم المكتوب من برا
دوام من السبت للجمعة من ساعة 8 الصبح للساعة 18 المساء والاجازة اسبوع كل تلات اشهر ونص الاساتذة مختلين عقليا او اخلاقيا او ... والله ما كنا نلاقي وقت لناكل مضبوط ولا لنراجع كفاية كيف يخطرلنا نقرا او نترجم او بعيد الشر نبدع
ومع هيك رايي ان اللي بيتميز بيبئة ابداعية وكل الظروف متوفرة لراحتو الجسدية والنفسية وعندو كل الوسائل متاحة قدامو ما بعتبرو مبدع
المبدع عن جد بيشق الحجر ويطالع ابداعو منو
المسالة مسالة ايمان بقدرة العقل وتحدي لكل الظروف
ممم

يبدو انو عنجد انو الموضوع صار كل واحد يحط فكر معين من غير ما نشوف الحل عم نتطرق للمشكلة بس

يعني خدوني عا قد عقلاتي المصديين

خليني احكي عا مستوى المنتديات السورية ولا العربية كا منتدى اللي بيروح و بيكتب موضوع طويل عريض عن موضة بناطرين علي بابا و اصولها الفكرية و النمطية ما بيقدر بنفس هالوقت اللي اخدو هالموضوع يسوي موضوع عن الطاقة او عن اي شي بيفيد هالخلق

اينو احسن الواحد يتعمق بالفكر الفلسفي الديالكتي للمفكر الما بعرف شو اسمو و تداعيات النظرية الجدلية في الارهاص الفكري في منطقية المطابقة

ولا شرح بسيط مفهوم لكل المبادئ و لو انو انا مو من محبي الفلسفة و التمنطق متل ما قال فولتيير بالزمانات علماء الميكانيك قدمو للبشرية
اكتر من ما قدمه الفلاسفة و علماء المنطق و حكيي مو يعني انو انا من مناهضي الحركات التمنطقية او المشاركات بنمط فلسفي بحت.

بس لكل شي حدودو


اذا ما بلشنا بحالنا ما حدا رح يبلش فينا الا شيء واحد مبلش فينا و نازل متل المنشار عالطالعة بياكل و النازلة بياكل و هوي التخلف
التخلف دبحنا دبح دمرنا على الصعيدين التخلف الفكري و التخلف بالتحليل الفكري كمان


  رد مع اقتباس
قديم 10/11/2009   #54
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
على كل حال.. يلي أقلقني هوي ليش ما حدا جاب سيرة الدين. الكل عم يلف و يدور و يحاول يلاقي سبب مقنع بس بصراحة مافي سبب مقنع اكتر من الدين
يا سيدي مو الدين اللي عليه كل هالشي انما اللي خلا الدين هوي الايطار اللي محدودة فيه حياتو هوي اللي خلا التخلف يعشش فينا
يعني بربك واحد بيسمع بأنفلونزا الخنازير لما بربطها بحديث مدري من وين ناكشو و بيستنتج انو من علامات يوم القيامة شو بيكون هاد؟
انو دين بيقللك تحلل هالتحليلات الخنفشارية؟

مبدأ انو الدين اساس الحياة يمكن مبدأ فاشل

احلى مبدأ هوي الدين لله و الأرض للجميع يعني الأرض ككل كل هالكوكب مو انو القطعة اللي منحددها بحدود و منسميها وطن
نحن كبشر وطننا الارض اللي نحن فيها

بس مو بس الدين سبب تخلفنا

االأمويين و العباسيين كان حكمن اسلامي بس كان في تخلف شي ايامن؟ لا لأنو الدين كان عندن غير عنا يعني؟

الشي اللي بيحد اذا الدين هوي سبب للتخلف او للتقدم هيي طريقة فهمو و تطبيقو
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 22:56 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.19516 seconds with 14 queries