أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 22/06/2009   #1
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي الموت للديكتاتور والخلود لنداء الحرية...


الموت للديكتاتور "صرخت نداء" وكانت الرصاصة الأولى التي إخترقت قلبها...


الموت للديكتاتور "بصوت أضعف هذه المرة بسبب الرصاصة الأولى" وكانت الرصاصة الثانية التي إخترقت عينها...

حاولت أن لاتسقط أرضاً لكن هيهات فرصاصتين في قلبها وعينها هو حمل ثقيل على جسم برقة الندى... لم تدري نداء أن سقوطها أرضاً هو قيامة شعبها فالأحرار عندما يسقطون برصاص الطغاة تزهر أرواحهم ملايين أزهار الربيع المفعمة بالندى...








الحكاية من البداية:

هي شابة إيرانية عشرينية تدعى نداء سأمت القمع والديكتاتورية والإرهاب... قالو لها إذهبي مع مواطنيك إلى صناديق الإقتراع لتنتخبوا رئيساً لإيران ففرحت ندى كما كل الشعب ظناً منها أنها ستختار المرشح الأقرب لتحقيق أحلامها وأحلام جيلها...

ذهبت نداء وشعبها وإختاروا مرشحاً يدعى مير حسين موسوي أملاً منهم بأنه أحسن المرشحين الموجودين لكن لا فما نفع أصوات الشعوب في مواجهة قرار الله أو عفواً آية الله الخامنئي وحرسه الثوري وأجهزته الأمنية...

لم ترضى نداء وشعبها بإهمال أصواتهم وهدم أحلامهم وتدمير حياتهم أكثر من هذا... لم ترضى ندى أن تكون جزءً من أكبر كذبة عرفها التاريخ ونعيشها كل يوم... لم ترضى نداء أن يعتقل شعبها بإسم الثورة وأن يظلم أهلها بإسم الممانعة وأن يموت إخوتها من الجوع بإسم الصمود...

قالو لها لاتخرجي مع رفاقك إلى الشوارع فسوف يتصدى الباسيج لكي ولهم... فقالت كيف لحرس الثورة أن يتصدى لصناع الثورة؟؟ كيف لحرس الثورة أن يقمعنا ونحن من أتى بهذه الثورة إلى سدة الحكم؟؟!!!

خرجت وخرج ملايين الإيرانيين إلى الشوارع والساحات يحملون شعاراً أخضراً موحداً يقول "أين صوتي"؟؟ً

ففوجئ المتظاهرون بأعداد كبيرة من الأمن والحرس الثوري يستخدمون الرصاص الحي ويلقون المياه الساخنة على المتظاهرين من الطائرات ويستعملون القنابل في وجه الشباب والنساء العزل...

هذه الأسلحة التي ظن الإيرانيون أنها لن تستعمل إلا ضد إسرائيل أثناء عملية إزالتها عن الخارطة التي سيقوم بها قريباً القائد الملهم وحليف القادة الملهمين أحمدي نجاد ...

رموهم بالقنابل بالرصاص فردوا بالكلمة الحرة "الموت الديكتاتور"...

سقطت نداء تتلوى على الأرض جراء رصاصتين غادرتين مممن ظنت يوماً أن مهمتهم هي حمايتها وحماية أهلها من الأعداء لكن نداء لم تدري أن أعداء هذه الأنظمة الوحيدون هم شعوبها... سقطت ولم تغمض عينيها فهم الخائفون القتلة وهي الشجاعة الباسلة...




.......................

.................................................. ..أعتذر عن بشاعة صورة الجريمة




سقطت نداء وأسقطت معها الديكتاتور لكن هي سقطت بشرفها وبكرامتها أما هو فسيسقط من دون شرف أو كرامة...


سقطت نداء وأسقطت معها وسائل إعلام الديكتاتور وحلفاء الديكتاتور التي تحاول تغطية مايجري في إيران... سقطت مضرجة بدماء حمراء لم يستطيعوا إخفائها... سقطت نداء وبعثت روحها في ملايين الزهور والسنابل... سقطت نداء ورفاق لنداء بالعشرات على درب الحرية القادمة رغم أنف المنافقين والمرتزقين...

سقطت نداء ولم تنفع كل إجراءات التعتيم وطرد وسائل الإعلام في إخفاء زلزال سقوطها...

سقطت نداء ولكن هيهات فهل يسقط نداء الحرية... وهل يسقط الياسمين... وهل تسقط الصواري التي ترفع السماء..

سقطت نداء وواجهت الموت بعيون مفتوحة.. لتعلم درساً لمن يواجه الحياة بعيون مقفلة

ودمتم والرحمة للشهيدة البطلة.



__________________________________________




أخر لحظات نداء قبل إغتيالها تصرخ الله أكبر والموت للديكتاتور:


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 




إغتيال ندى بين ذراعي والدها:


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


الحرية لكل أسرى الحرية في سوريا...


العربي الذي لايجرأ من الذل والخوف على رفع رأسه لرؤية القمر !!!

كيف سينتصر على غزاة القمر؟؟!!
  رد مع اقتباس
قديم 22/06/2009   #2
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


too much drama

ضيعان شبابها
  رد مع اقتباس
قديم 22/06/2009   #3
صبيّة و ست الصبايا pretty girl94
عضو
-- أخ لهلوب --
 
الصورة الرمزية لـ pretty girl94
pretty girl94 is offline
 
نورنا ب:
May 2009
مشاركات:
123

افتراضي


لا حول ولا قوة الا بالله العلي العظيم
  رد مع اقتباس
قديم 22/06/2009   #4
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


الخلود الها ولكل الشهداء الي سقطو بالايام الماضية بشوارع طهران
والحرية للشعب الايراني ولكل الشعوب من نير الانظمة الرجعية الديكتاتورية

اسكر اسكر اسكر...فهذا العالم مملوء بالليل
  رد مع اقتباس
قديم 22/06/2009   #5
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : Joe عرض المشاركة
too much drama
Excuse me mate...Ur being so sarcastic by the comment " too much Drama" !! well ..previously U Said that the demonstrators broke into the Security headquarter n vandalized the building which was occupied by metropolitan Police ..now ..I doubt how Such a Girl could do that !! apparently this weak Girl had been punished brutally just cuz of her Opinions ..I really wish that U dont belittle all these Sacrifices in an attempt to show the recent events just as Chaos cuzd by mercenaries backed by the infidel western Countries !! .. Civilain casualties had fallen and most of them werre Women and students ..they werent gangsters or outcasts ..so We should show some respect to the courageous actions taken by those courageous Youngsters ..never before had this social upheaval in Iran been predictable ,especially if we take into account the brroding apprehension in which the Iranian Society had drown since the dust of the Islamic revolution had settled three decades ago ..mate ..These events r so appreciable ..at least to me ..I really dont know from wot perspective Ur looking to the whole events ..but obviously mine is way different in terms of considering the sacrifices which being made by unarmed Civilians ..and the harsh reaction of the Security forces ... which is defienitly unjustified !!..All these lessons should by revised thoroughly by Our people there in Syria to learn how weak people cud rise against the totalitarian regim...

Cheers

That is not Dead which Can Eternal Lie And With Strange Aeons even Death may Die

لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي



Who Sacrifices The Social Liberties For The National Security Deserves Neither  
  رد مع اقتباس
قديم 22/06/2009   #6
صبيّة و ست الصبايا حنين.
عضو
-- زعيـــــــم --
 
الصورة الرمزية لـ حنين.
حنين. is offline
 
نورنا ب:
Oct 2008
المطرح:
L'Algérie mon amour
مشاركات:
1,516

افتراضي


فضاعة قمة الفضاعة

جـزائـر يـال حـكــايـة حـبي ..ويا من حـملـتي السلام لقـلـبي
ويامن سكبت الجمال بروحي ..ويا من أشعت الضياء بدربي

لحظة شروق الشمس.. لحظة غروب اليأس..
ننسى دموع الأمس.. بين الامل نطويها..
  رد مع اقتباس
قديم 22/06/2009   #7
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


في ناس ابرياء رح يوقعوا ضحايا العنف مافي خلاف على هالشي
انا قلت الله يرحم شبابها ماني عم اتمسخر عليها
عم اتمسخر على طريقة الطرح المثيرة للاشمئزاز... هالادبيات المملة يلي ما بتطعمي خبز

هادا اخر رد إلي بموضوع ايران لانو حاجتني هزة بدن.. مليت
يلي حابب يشوف التظاهرات السلمية للحملان و الخرفان بإيران بيقدر يراجع موقع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


بتشوفوا وقتها تفجير مبنى الباسيج و الاقتحامات و و

ماني عم قول انو الرد مانو عنيف و اكيد رح يكون في مخالفات انسانية من قبل الشرطة.. بس شو متوقعين؟ هي riot مو demonstration

ما بعرف شو الظروف يلي انقتلت فيه هالمسكينة.. بس الكذب ما حلو
lying will actually undermine their honest struggle.. i'm sure there are many who are protesting in good faith and in good spirit

but these will be lost
و بيروحوا بالعجقة
in the midst of the violence by these so-called demonstrators

خلينا نسرد الحقائق متل ما هيي و بلا كلام رومانسي فاضي
  رد مع اقتباس
قديم 22/06/2009   #8
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : Joe عرض المشاركة
في ناس ابرياء رح يوقعوا ضحايا العنف مافي خلاف على هالشي
انا قلت الله يرحم شبابها ماني عم اتمسخر عليها
عم اتمسخر على طريقة الطرح المثيرة للاشمئزاز... هالادبيات المملة يلي ما بتطعمي خبز

هادا اخر رد إلي بموضوع ايران لانو حاجتني هزة بدن.. مليت
يلي حابب يشوف التظاهرات السلمية للحملان و الخرفان بإيران بيقدر يراجع موقع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


بتشوفوا وقتها تفجير مبنى الباسيج و الاقتحامات و و

ماني عم قول انو الرد مانو عنيف و اكيد رح يكون في مخالفات انسانية من قبل الشرطة.. بس شو متوقعين؟ هي riot مو demonstration

ما بعرف شو الظروف يلي انقتلت فيه هالمسكينة.. بس الكذب ما حلو
lying will actually undermine their honest struggle.. i'm sure there are many who are protesting in good faith and in good spirit

but these will be lost
و بيروحوا بالعجقة
in the midst of the violence by these so-called demonstrators

خلينا نسرد الحقائق متل ما هيي و بلا كلام رومانسي فاضي
خيو مين جاب سيرة الاقتحامات و غيرو, الواضح انو هدول طلاب جامعات عزل, ما معن سلاح و عم ينضرب علين رصاص حي والنتيجة الصورة الفظيعة اللي شفتها فوق

حتى لو عم يصير حرق لمقرات الباسيج وغيرها من المقرات الحكومية, فانا بعتبر الحق اساسا على التعامل الهمجي للسلطات الايرانية مع مظاهرات سلمية

الله يرحمها, وبتمنى دمها ما يروح هدر ويكون اول الطريق لحرية شعبها ويمكن شعوب تانية كمان .
  رد مع اقتباس
قديم 22/06/2009   #9
شب و شيخ الشباب سوا ربينا
عضو
-- مستشــــــــــار --
 
الصورة الرمزية لـ سوا ربينا
سوا ربينا is offline
 
نورنا ب:
Oct 2007
المطرح:
انا والاردن بقلب بعضنا
مشاركات:
2,815

إرسال خطاب MSN إلى سوا ربينا
افتراضي


لاحول الله ... الله يرحمها .. وان شاء الله من الشهداء...

إذا كان حبي للاردن عنصرية... فليشهد العالم اني اكبر عنصري

-------------------------------
N 1 H 1>>No One Have One

ماحدا لحدا >>>يا حبيبي (:
  رد مع اقتباس
قديم 22/06/2009   #10
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : Joe عرض المشاركة
في ناس ابرياء رح يوقعوا ضحايا العنف مافي خلاف على هالشي
ضحايا العنف ولا ضحايا الإجرام وميلشيات الحكومات الديكتاتورية؟؟ العنف بيكون بين أطراف متوازنة بالقوة نوعاً ما أو على الأقل الطرفين عندون قوة بس بمعادلة إيران وسوريا وماشابه قي طرف بيملك كل القوة والجبروت وطرف مابيملك غير الكلمة والرغبة بالتغيير...

اقتباس:
انا قلت الله يرحم شبابها ماني عم اتمسخر عليها
عم اتمسخر على طريقة الطرح المثيرة للاشمئزاز...
طريقة الطرح المثيرة للإشمئزاز بتبقى أرفع بكتير من الإستهتار بتضحيات الشعوب ورغباتها والإنجرار ورا الحكام الطغاة...

اقتباس:
هالادبيات المملة يلي ما بتطعمي خبز
على القليلة بتبقى أدبيات "كلمة مشتقة من أدب وأداب" وبتبقى أحسن بكتير من قلة الأدب والإجرام بحق الشعوب...

اقتباس:
هادا اخر رد إلي بموضوع ايران لانو حاجتني هزة بدن.. مليت
ياريت ترتاح وتريحنا وخاجتك تمل وينهز بدنك بصور القتلى بالشوارع وبالنقاش حول المعتقلين بالسجون السورية بموضوع أخر... يعني شو بدك بوجعة هالراس خليك بشي مفيد وبيطعمي خبرز على قولتك..

اقتباس:
يلي حابب يشوف التظاهرات السلمية للحملان و الخرفان بإيران بيقدر يراجع موقع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


بتشوفوا وقتها تفجير مبنى الباسيج و الاقتحامات و و
منيح يلي عم تعترف إنو تدمير مبنى الباسيج والمشكلة عم تحكي عن تدمير مبنى الباسيج وكأنك عم تحكي عن تدمير هالمشاغبين الغوغائيين لمشفى لأمراض السرطان عند الأطفال.. المهم هي رأي بتدمير مباني أجهزة القمع:

ثورة ونضال وشرف تدمير مبنى ميليشا الباسيج وتدمير مبنى أي جهاز قمعي إستخباراتي بأي بلد وتدمير هالمباني يامحترم هو خطوة على درب التغيير الحقيقي يلي بيوم من الأيام حيدمر كل معتقلات الأنظمة الديكتاتورية وأجهزة إستخباراتها يلي استباحت كرامة ودم الشعوب...

اقتباس:
ماني عم قول انو الرد مانو عنيف و اكيد رح يكون في مخالفات انسانية من قبل الشرطة.. بس شو متوقعين؟ هي riot مو demonstration..
خلص معناها كل شي بتعملو أجهزة القمع مبرر وإعتقال المناضلين والمفكرين والشباب وحتى قتل المتظاهرين بالشوارع مبرر...

اقتباس:
ما بعرف شو الظروف يلي انقتلت فيه هالمسكينة.. بس الكذب ما حلو
رفاع المستوى شوي ولاتقول كذب لأنو كتير سهل أوصف كلامك بصفات أبداً ماتعجبك...
اقتباس:

lying will actually undermine their honest struggle.. i'm sure there are many who are protesting in good faith and in good spirit
but these will be lost
و بيروحوا بالعجقة
طبعاً هالنضالات حتضيع طول مافي أشخاص بينكروا على الشعوب حقها بالتغيير وبالنضال وبينصبوا حالون مدافعين عن أعمال هالأنظمة المجرمة مهما بلغت بشاعتها...


اقتباس:
خلينا نسرد الحقائق متل ما هيي و بلا كلام رومانسي فاضي
بالفعل كلامي فاضي مقارنة بكلامك المليان كره للشعوب وإنكار لتضحياتها والترويج والتبرير للقتل يلي اعتبرتو حضرتك ردة فعل... أخر زمن

اقتباس:
too much drama


بالفعل مافي شي بيستاهل كم قتيل بإيران فدا صرماية أحمدي نجاد وخامنئي وكم ألف معتقل بسوريا فدا صرماية النظام وانتهاك حقوق الإنسان وإمتهان كرامتو وبهدلتو وحتى موتو شي أبداً مابيستاهل ينعمل عليه دراما بهالزمن الوسخ.

الزمن يلي النسوان بتستشهد فيه بالشوارع مشان الحرية والديموقراطية والشر...
  رد مع اقتباس
قديم 22/06/2009   #11
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


خيو انا بقدر اندفاعك الشبابي بس هيك امور ما هيك بتنحل بالفوضى

يعني على عيني رمزيات النضال و انو تدمير مبنى الباسيج هو رمز لانتفاضة الانسان الشرق اوسطي المقهور من تحت الرماد إلخ إلخ.. بس شو بدك الانظمة الديكتاتورية توقف و تتفرج و لا ترش عليهم الورد؟

الموضوع خرج عن اطار احتجاجات سلمية.. و بهيك حالة ايا دولة عندها كامل الحق انها تستخدم العنف لقمع المتظاهرين بالطريقة يلي بتشوفها مناسبة. ان عجبنا هالكلام او ما عجبنا.. بس هي الحقيقة. الموضوع موضوع امن داخلي و الدولة مضطرة تحافظ على حالها خاصة لما تكون شايفة انو الاحتجاجات فيها ادلة تخطيط مسبق و عملية انقلاب او تدخل اميركي .. يعني ما بعرف ليش الموضوع لهل درجة معقد. اذا نص هالاحتجاجات بتصير باميركا اي و الله لتشوف العجب

مافي شي اسمو دول ديكتاتورية و دول مو ديكتاتورية بهيك قصص. لما يتهدد كيان الدولة ما بقى في يا امي رحميني. و كل شخص عم يتواجد بالشوارع وقت الاحتجاجات عم يعرض حالو للخطر. على كل حال انا شخصيا لهلق ما شفت الفديو الكامل لقتل البنت و لا عرفنا مين قتلها و تحت ايا ظروف.. شفتلا فديو قبل و فديو بعد... اذا عندك شي تاني خلينا نشوف

على كل حال اذا حضرتك كتير مهتم الاحسن انك تنزل على الشارع و تبين تعاضدك. اذا كنت بسوريا احسن و احسن لانو صوتك رح يوصل لما يعتقلوك.. احسن ما قاعد هون عم تبيض علينا "انسانية" و تألف اشعار ما؟ يعني خدوم قضيتك بليرة يا زلمة تلحلح شبك
  رد مع اقتباس
قديم 23/06/2009   #12
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : Joe عرض المشاركة
خيو انا بقدر اندفاعك الشبابي بس هيك امور ما هيك بتنحل بالفوضى
طيب اذا اندفاعي شبابي شو بدي سمي موقفك؟؟ يعني فينا نسميه رضوخ أخر العمر ولا الإرتضاء بالأمر الواقع بحكم انك صرت بالخمسنات؟؟


اقتباس:
يعني على عيني رمزيات النضال و انو تدمير مبنى الباسيج هو رمز لانتفاضة الانسان الشرق اوسطي المقهور من تحت الرماد إلخ إلخ.. بس شو بدك الانظمة الديكتاتورية توقف و تتفرج و لا ترش عليهم الورد؟
له شو ترش عليون ورد؟؟ تقتلون وتعتقلون وتحرق سماهون هاد الصح..

اقتباس:
الموضوع خرج عن اطار احتجاجات سلمية.. و بهيك حالة ايا دولة عندها كامل الحق انها تستخدم العنف لقمع المتظاهرين بالطريقة يلي بتشوفها مناسبة. ان عجبنا هالكلام او ما عجبنا.. بس هي الحقيقة. الموضوع موضوع امن داخلي و الدولة مضطرة تحافظ على حالها خاصة لما تكون شايفة انو الاحتجاجات فيها ادلة تخطيط مسبق و عملية انقلاب او تدخل اميركي .. يعني ما بعرف ليش الموضوع لهل درجة معقد. اذا نص هالاحتجاجات بتصير باميركا اي و الله لتشوف العجب
بعيدة كتير بيناتنا طالما انت معتبر هالأنظمة هي دول وعم تشتغل لمصلحة الحفاظ على كيان دول معناها الحكي معك متل قلتو... هالأنظمة همها الوحيد هو الحفاظ على إستئثارها بالسلطة وقمع الشعوب وبعمرها ماكان بحساباتها الحفاظ على كيان الدولة ومواطنيها...

أما بالنسبة لنظرية المؤامرة والتدخلات الخارجية الجاهز للإلصاق بأي تحرك وطني أو شعبي معارض فما ذكرتني غير بالتهم الجاهزة عند المخابرات السورية من تخابر مع جهات خارجية ووهن نفسية المواطن ومحاربة النظام الإشتراكي.. عادي يعني إنو هيك أنظمة تخون أي تحرك وطني وأي مواطن يقول لاء وأحقر شي إنون قتلوهون وخونوهون يعني حتى ماعطوهون فرصة ليدافعو عن حالون... في أسفل من هيك إقتلك وبعدين إتهمك على كيفي؟؟

وبتعرف شو يلي بيقهر أكتر شي؟؟

إنو هالحكي يطلع من شب كان شاهد على إعتقالات لشباب بأخوية ألصقت فيون نفس هالتهم من عمالة وخيانة وتخابر مع مدري مين وماشابه... فدخيلك لاتروج للأكاذيب المكشوفة لهالأنظمة لأنو مو حلوة بحقك ولابحق يلي عم يناقشوك..

اقتباس:
مافي شي اسمو دول ديكتاتورية و دول مو ديكتاتورية بهيك قصص. لما يتهدد كيان الدولة ما بقى في يا امي رحميني. و كل شخص عم يتواجد بالشوارع وقت الاحتجاجات عم يعرض حالو للخطر. على كل حال انا شخصيا لهلق ما شفت الفديو الكامل لقتل البنت و لا عرفنا مين قتلها و تحت ايا ظروف.. شفتلا فديو قبل و فديو بعد... اذا عندك شي تاني خلينا نشوف
ماقلتلك بعيدة بيناتنا إذا معتبر قتل الشعب وحرقو حفاظ على كيان "الدولة" فكيف بدي ناقشك أنا؟؟

صحيح عرفتو لكيان الدولة يلي عم تحكي عنو.. قصدك كيان الفساد والظلم والديكتاتورية وأجهزة الإستخبارات "يلي بقيو بلا مقر ياحرام"... أخي دخيل عيونك حاج تستغبيني يعني بالفعل كتير مزعج وقت تناقش إنسان ويجاوبك شي إنت مقتنع إنو هو مقتنع إنو مانو مقتنع فيه "معليش صعبة الجملة شوي"...

اقتباس:

على كل حال اذا حضرتك كتير مهتم الاحسن انك تنزل على الشارع و تبين تعاضدك. اذا كنت بسوريا احسن و احسن لانو صوتك رح يوصل لما يعتقلوك.. احسن ما قاعد هون عم تبيض علينا "انسانية" و تألف اشعار ما؟ يعني خدوم قضيتك بليرة يا زلمة تلحلح شبك
إي حكيا من الصبح يازلمة... قلي انو المطلوب من كل كاتب أو مثقف أو معارض ينزل على الشارع مشان تعتقلو المخابرات ومايضل بالبلد غير قرطة "بالروح بالدم"... بعدين تعا لقلك لاعم بيض عليك ولابيهمني اني بيض عليك لأنو فكري ومبادئي أشرف من إنها تكون بيض على البشر يامحترم ...

أما بالنسبة لقضيتي فبعرف منيخ كيف إخدمها ودافع عتها بدون ما إترك بلدي لكم مرتزق من المهللين المطبلين المزمرين... يلي بتحترق بلادون وبتنسرق وبينسجن شعبون وبيلتعن ربو وهنن عم يبرروا ويغنو وفوق البلا بيعلمونا الوطنية والأخلاق... ولعلمك بيكفيني شرف إنو عندي قضية دافع عنها بيلي بقدر عليه...

كلمة أخيرة إحترم دم هالبشر يلي انهدر كرمال قضية هنن شايفينها محقة... لك مابدك تحترم دمون إحترم مبادئون وفكرون... مابدك تحترم لاتضحياتون ولافكرون ولامبادئون ولاشي... على القليلة سكوت وخلي تضحياتون بقيمتها لأنو كبيرة كتير إنو كل شي عم يصير بهالبلاد وانت بدك تنظر عليون وعلينا.

آخر تعديل VivaSyria يوم 23/06/2009 في 00:28.
  رد مع اقتباس
قديم 23/06/2009   #13
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


طيب دادا

بس تعرف تفرق بين رأي شخصي و بين وصف لحالة ارجع احكي... لسا كل ما نحكي كلمة بيطالعونا انو نحنا صرنا احباب النظام الايراني و هلق شوي تاني بتعملني عميل مخابرات سورية... هادا الناقص و الله

اخي انا عم حاول انقلك وجهة نظر النظام الايراني لما ينحط بهيك موقف.. و انت مصر تلزق الموضوع فيني شخصيا

يعطيك العافي عن جد
  رد مع اقتباس
قديم 23/06/2009   #14
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : Joe عرض المشاركة
طيب دادا
تسالي تسالي يالله

اقتباس:
بس تعرف تفرق بين رأي شخصي و بين وصف لحالة ارجع احكي...
وصف الحالة من وجهة نظرك هو رأي شخصي لأنو بتعرف انت ماعم تعطي نتيجة مباراة كرة قدم بحيادية وتجرد وإنما عم توصف هالأوضاع بالموضوع الإيراني والسوري من وجهة نظرك.. فإذاً أنا بعرف فرق ومو ناطر جنابك لتقلي إيمت إرجع إحكي وإيمت ما إحكي...

كل شي شخصنة بحكيك وتهجم على الموضوع المثير للإشمئزاز واتهامات وتكذيب واتهام المتظاهرين بالخيانة والعمالة والغوغائية هاد إسمو وصف حالة؟؟ لكن شو هو الإنحياز بنظرك؟؟

اقتباس:
لسا كل ما نحكي كلمة بيطالعونا انو نحنا صرنا احباب النظام الايراني و هلق شوي تاني بتعملني عميل مخابرات سورية... هادا الناقص و الله
يعني بيضل أهون مانخون وعمل ناس استشهدوا وناس بالمعتقلان كرمال قضية...

اقتباس:
اخي انا عم حاول انقلك وجهة نظر النظام الايراني لما ينحط بهيك موقف..
هون بدك تعتمد لأنو صار في تناقض لازم تعالجو فوق قلت أنك عم توصف الحالة وهالشي بيعني انك عم توصفها بحياد وهون عم تقول انك عم تعطي وجهة نظر النظام الإيراني.. فإنو إعتمد لنعرف كيف بدنا نناقشك...

ومنيح خبرتني انك مكلف بنقل وجهة نظر النظام الإيراني ومبرراتو... وإنك الناطق بإسم الخميني.. بتعرف يعني نحنا متعودين وقت واحد يحكي يكون عم يعبر عن رأيو إلا إذا كان ناطق رسمي فلا تأخزنا دخيلك...


اقتباس:
و انت مصر تلزق الموضوع فيني شخصيا
إيوا يعني انت مو موافق على كل الحكي يلي حكيتو فوق؟؟ وانو هالحكي انت بتعرفو انو غلط بس عم تنقللنا ياه من باب العلم بالرأي الأخر؟؟ يعني كل شي تكضيب واتهامات بالتهويل ودراما ومدري شو هاد ما كان رأيك؟؟ إي إذا هيك شي تاني حقك عليي أنا فهمت غلط..
  رد مع اقتباس
قديم 23/06/2009   #15
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


اقتباس:
كاتب النص الأصلي : VivaSyria عرض المشاركة

كل شي شخصنة بحكيك وتهجم على الموضوع المثير للإشمئزاز واتهامات وتكذيب واتهام المتظاهرين بالخيانة والعمالة والغوغائية هاد إسمو وصف حالة؟؟ لكن شو هو الإنحياز بنظرك؟؟



يعني بيضل أهون مانخون وعمل ناس استشهدوا وناس بالمعتقلان كرمال قضية...



هون بدك تعتمد لأنو صار في تناقض لازم تعالجو فوق قلت أنك عم توصف الحالة وهالشي بيعني انك عم توصفها بحياد وهون عم تقول انك عم تعطي وجهة نظر النظام الإيراني.. فإنو إعتمد لنعرف كيف بدنا نناقشك...

ومنيح خبرتني انك مكلف بنقل وجهة نظر النظام الإيراني ومبرراتو... وإنك الناطق بإسم الخميني.. بتعرف يعني نحنا متعودين وقت واحد يحكي يكون عم يعبر عن رأيو إلا إذا كان ناطق رسمي فلا تأخزنا دخيلك...




إيوا يعني انت مو موافق على كل الحكي يلي حكيتو فوق؟؟ وانو هالحكي انت بتعرفو انو غلط بس عم تنقللنا ياه من باب العلم بالرأي الأخر؟؟ يعني كل شي تكضيب واتهامات بالتهويل ودراما ومدري شو هاد ما كان رأيك؟؟ إي إذا هيك شي تاني حقك عليي أنا فهمت غلط..

ليك انا عم احكي معك برواق.. بس ما تبلش تحط كلام على لساني انا ماني حاكيه احسن ما نبلش نزعل من بعض
خليك مروق و ما تنحمق لانك ما رح تستفيد شي و رح تضل تكرر نفس الديباجة

أولا
أنا ما وصفت المتظاهرين بالعمالة. انا قلت انو في تحريض اميركي و في فئات معينة رح تكون موجودة ضمن المتظاهرين هدول إلهم اهداف مختلفة عن بقية المتظاهرين و هدول بيقوموا بتصعيد شكل المظاهرة من مظاهرة سلمية, لشبه ثورة عسكرية. هلق اذا موسوي حابب يعمل انقلاب شعبي, خليه يعلن هالشي بركي بينضب خلال نص ساعة هوي و هالجماهير الحاشدة على اساس. بس حتى الايرانيين يلي بعرفهم مع موسوي ما بدهم هالشي و ما حدا هون بدو انقلاب كامل و ثورة كاملة بل بدهم اصلاح فقط. بس صاروا شايفين الوضع كيف اتجه اتجاه مختلف تمام عن يلي كان ببالهم. صار واضح انو موسوي طلع أزعر و عـرصة كبير و عم يلعب فيهم. ادلة التزوير تافهة و هالحكي صار مذكور من لجنة صيانة الدستور و كمان من اكتر من وسيلة اعلام غربية في منهم محترم جدا متل ال Washington Post
ثانيا
الادلة يلي بتربط موسوي برفسنجاني كتيرة و رفسنجاني خلقة إلو تاريخ باجراء قنوات اتصال و زيارتو لمصر كتير غريبة قبل اسبوعين. في مواقع كمان نقلت تصرياحة غريبة عن البيت الابيض بخصوص انقلاب بايران
اقرا هي اذا حابب

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


ثالثا و اخيرا بخصوص القتلى
انا طبعا ضد قتل اي انسان. انا حبيت وضحلك انو طريقة عرضك للموضوع الدراماتيكية هي ما رح تفيد حدا و اكيد ما رح تفيد الايرانيين و رح تأدي لمزيد من الضحايا. و في فديوهات بتورجي كمية العنف يلي صارت من قبل الطرفين. هلق الطرف الايراني بعمرو ما قال عن حالو مسالم و حباب.. و كلنا منعرف هالشي. بينما الطرف المتظاهر على اساس مسالم بقى كيف بتفسر العنف؟ يا عمي باميركا و كندا الشرطة بيرتكبوا انتهاكات كتيرة و معظمها بيروح بدون محاسبة بقى شلون اذا دولة عالم تالت قمعية متل ايران.. يا ريت بقى تفهم و تستوعب اني ماني مع ايران و لا بعمري رح كون مع ايران بس في شي اسمو وقائع و في شي اسمو خيال رومانسي يلي انت عايش فيه
  رد مع اقتباس
قديم 23/06/2009   #16
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


شي بيخجل..
صبية بتموت وهيي عم تنادي بالحرية.. ونحنا منقول دراما... دراااااااامااااااااااا...

والصورة كمان بتحمل دراما.. ومشهد الصبية عم تنادي كمان دراما..

اصلا المشهد الايراني هالكام يوم كلو دراما.. فوز احمدي نجاد وخطبة الجمعة تبع خامنئي.. ومنع وكالات الانباء.. والخبيط اللي صاير.. دراااااااماااا




طائر واحد يكفي لكي لا تسقط السماء
فرج بيرقدار
  رد مع اقتباس
قديم 23/06/2009   #17
شب و شيخ الشباب جاد81
عضو
-- قبضاي --
 
الصورة الرمزية لـ جاد81
جاد81 is offline
 
نورنا ب:
Dec 2008
المطرح:
lebanon
مشاركات:
706

افتراضي


أنا بعمري ما سمعت عن نظام ديكتاتوري سقط او تنازل عن كراسيه بالمظاهرات السلمية...

يعني نظام قائم على المخابرات و الحرس الثوري و حكم الكرسي الواحد كيف بدو يسقط بدون سفك الدماء

للشباب العربي إقرئو التاريخ جيدا ً كي نتعلم كيف نستخلص حريتنا من أفواه السباع

الفتاة التي استشهدت حملت دمها على راحة يدها و نزلت للشارع .... هي لا تستجدي من أحد الرحمة ...قبل ما تتعاطفوا معها إنسانيا ً تساءلوا عن القوة التي تملكها هذه الفتاة و بماذا تؤمن..

والشباب يلي عما يدافع عن صدق النظام الإسلامي بإيران هو حر ...بس معو معو بيفهم الحقائق اكتر

انظري خيط الدم ِ القاني على الأرض ، هنا مرَّ ، هنا انفقأت تحت خطى الجند عيون الماء و استلقت على التربة قامات السنابل
  رد مع اقتباس
قديم 23/06/2009   #18
صبيّة و ست الصبايا فـُقاعةحائرة
مسجّل
 
الصورة الرمزية لـ فـُقاعةحائرة
فـُقاعةحائرة is offline
 
نورنا ب:
Jun 2009
مشاركات:
14

افتراضي



أخي فيفاسيريا معؤول نترك المئات من إخوتنا وأخواتنا عرب غزة الأبرياء,
ضحايا الإجرام اليهودي الإسرائيلي,
وبدنا نترحم على بنت ماتت بمظاهرة بطهران؟!
وبعدين ما في ديكتاتور بالعالم غير الرئيس الإيراني؟!
بيكفي إنو وائف وصامد ضد أميركا,
بينما أكتر الحكام عم يركعوا لسيد البيت "الأسود"!
ويللي بيطالع كتب التاريخ بيلائي إنو نظام الشاه ما كان أفضل!
وللعلم أنا مو شيعية!

آخر تعديل فـُقاعةحائرة يوم 23/06/2009 في 16:24.
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 06:47 (بحسب عمك غرينتش الكبير +3)


Powered by vBulletin® Copyright ©2000 - 2021, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.19010 seconds with 12 queries