أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 03/11/2009   #19
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


الديمقراطية الاوروبية ما اجت فجأة من العدم.. سبقها علمانية و ثورة علمية و صناعية.. تصدير الديمقراطية للعالم العربي بهالطريقة بظن صار واضح للاعمى انها عملية محتومة بالفشل بظل التخلف و الغباء و الطائفية و الفساد و وو وو

نحنا متأخرين جدا بكل حقول الحياة و العلم و ما بعرف كيف هيك شعب بيقدر يستلم قدر نفسه بصراحة

ذكرى مرور عام على وفاة الأديب العالمي سيبيري ماسكوليه 1932 - 2008
  رد مع اقتباس
قديم 03/11/2009   #20
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : Joe عرض المشاركة
الديمقراطية الاوروبية ما اجت فجأة من العدم.. سبقها علمانية و ثورة علمية و صناعية.. تصدير الديمقراطية للعالم العربي بهالطريقة بظن صار واضح للاعمى انها عملية محتومة بالفشل بظل التخلف و الغباء و الطائفية و الفساد و وو وو

نحنا متأخرين جدا بكل حقول الحياة و العلم و ما بعرف كيف هيك شعب بيقدر يستلم قدر نفسه بصراحة


دايما لازم ناخد ابعد طريق لنوصل للهدف !!!.. طيب ليش مطالبين بثورة صناعية و علمية و ثقافية و تغيير جذري بفاهيمنا سواء بفهمنا للمواطنة او علاقة الأديان و القوميات ببعضها قبل ما نحاسب المجرم و نقلو اترك الكرسي و اسكن واحد من سجونك يلي مليت فيها البلد !! ...

اصلا لو قدرنا نغير بحالنا للدرجة الكبيرة هي ..و الديكتاتور موجود ....براهنك جو انو هاد مو ديكتاتور

That is not Dead which Can Eternal Lie And With Strange Aeons even Death may Die

لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي



Who Sacrifices The Social Liberties For The National Security Deserves Neither  
  رد مع اقتباس
قديم 03/11/2009   #21
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


هلا صديقي اللدود

مشان ما يكون رأينا متحيز كوننا عم نحكي عن سوريا, خلينا نحكي بشكل عام عن كل الدول يلي وضعها متل سوريا..

و خلينا نحكي بالعملي.. انت بتعرف عن اي دولة اجتمع فيها الثلاثي المرح (فقر, تخلف, دين) و قدرت عن طريق الديمقراطية المستوردة انها تحقق شي بالنهاية؟

انا شخصيا.. ما عندي علم. بس انا جاهل بالسياسة العالمية مقارنة بالكثير منكم.. بقى نوّرني

بس حسب معرفتي المتواضعة.. لما الثورة الفرنسية قامت كانت مترافقة مع ارادة شعبية جامحة و افكار جديدة ثورية بكل معنى الكلمة.. شو بتحمل الشعوب العربية من فكر جديد لتقوم عليه اي ثورة؟ مفاهيمنا كلها قديمة و مستوردة و مسبقة التعليب
  رد مع اقتباس
قديم 03/11/2009   #22
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : Joe عرض المشاركة
هلا صديقي اللدود

مشان ما يكون رأينا متحيز كوننا عم نحكي عن سوريا, خلينا نحكي بشكل عام عن كل الدول يلي وضعها متل سوريا..

و خلينا نحكي بالعملي.. انت بتعرف عن اي دولة اجتمع فيها الثلاثي المرح (فقر, تخلف, دين) و قدرت عن طريق الديمقراطية المستوردة انها تحقق شي بالنهاية؟

انا شخصيا.. ما عندي علم. بس انا جاهل بالسياسة العالمية مقارنة بالكثير منكم.. بقى نوّرني

بس حسب معرفتي المتواضعة.. لما الثورة الفرنسية قامت كانت مترافقة مع ارادة شعبية جامحة و افكار جديدة ثورية بكل معنى الكلمة.. شو بتحمل الشعوب العربية من فكر جديد لتقوم عليه اي ثورة؟ مفاهيمنا كلها قديمة و مستوردة و مسبقة التعليب
اسهل طريقة للمراوغة وقت ما بيكون في اجابة لسؤال صعب هي اللجؤ للفلسفة ... التعبير " الديمقراطية المستوردة " صياغتو فيها غلط و تقليل من قيمتي و قيمتك و قيمة الشباب كلها هون .لأنو الديمقراطية هي احترام رأي الأنسان و الأهم احترام حقوق الأنسان ,, بلا الرأي ...و مناخود الحقوق ,,,حقوقي انا كأنسان غير مرتبطة بتجربة او نظام حكم قريب كان او بعيد ...يعني الديمقراطية مو حكر على الغرب و لا هو مين اوجدو ...الديمقراطية هي حالة انسانية بتتشارك فيها كل البشر بغض النظر عن اللون و التصنيف ,,فأنا يوم بطالب بحقوقي ببلدي ما بكون عم استورد شي !!

الثلاثي المرح ( فقر و تخلف و دين ) كان موجود بكل الديمقراطيات الحالية ...و هون النقطة ...انو الثلاثي المرح هاد بكل دول العالم كان عامل مسرع بزوال الملكية او الديكتاتورية إلا عنا بسوريا ,,الثلاثي المرح عم يساعد الديكتاتور و ليش عنجد ما بعرف ...يعني كل ما رجعنا لورا اكتر كل ما زاد تعلقنا برأيسنا و كل ما جعنا و انذلينا كل ما حبيناه اكتر ,,,هلئ بظن الموضوع ابسط من هيك ...السبب هو نفسو ليش انا و انت ما فينا نحكي الكلام هاد بسوريا بشكل مفتوح للكل .. و حل المشكلة بسيط كتير ...نوقف كلام




























و نبدا بالشغل !
  رد مع اقتباس
قديم 03/11/2009   #23
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


مو القصد التقليل من اهمية اي شخص هون لا سمح الله

بس مصطلح الديمقراطية المستوردة مانه مصطلح خيالي. في ديمقراطيات بتنشأ من ثورة داخلية و في ديمقراطيات بتنشأ من دعم و تبني خارجي و في ديمقراطيات بتجي (او بيكون مشروع ديمقراطية) عن طريق تدخل عسكري مباشر خارجي

و انا بظن سؤالي مانو فلسفي كتير و سؤال ملحّ و حقيقي.. كيف بدك تخلي "الكل" يصير ديمقراطي لما الجزء يلي هوي المواطن العربي بالاساس مانو مواطن ديمقراطي.. مواطن بيمارس القمع على اصغر المستويات. الأب بيقمع الأولاد و الأم.. و الأولاد بيقمعوا بعض و بينقمعوا بالمدارس.. و هالشي مالو علاقة بسياسة الدولة. الدولة ما بتفرض على حدا يقمع الطالب او الاهل يقمعوا الابناء او الاخوات الشباب يقمعوا اخواتهم البنات.. هي هيك بتجي من التركيبة الحالية بسبب الظروف الحالية

ثم ما قلتلي.. مين هيي الشعوب يلي انتقلت فورا من حالة فقر و تخلف و دين لحالة مجتمع مدني متطور؟ الأمثلة الشهيرة متل الدول الأوروبية و اميركا و كندا كلها مرّت بثورات دموية و انقلابات فكرية رهيبة جدا و ثورات علمية.. تخلصوا من الدين و بعدين بالعلم و الصناعة تخلصوا من الفقر و الجهل بعدين صار عندك ديمقراطية..

انت بدك اقصر طريق بس حسب رواية ليلى و الذئب فأقصر طريق محفوف بالمخاطر
  رد مع اقتباس
قديم 03/11/2009   #24
شب و شيخ الشباب الأدهم
عضو
-- أخ لهلوب --
 
الصورة الرمزية لـ الأدهم
الأدهم is offline
 
نورنا ب:
Sep 2009
مشاركات:
130

افتراضي


الديمقراطية حلم ضائع لن يحققه العرب أبداااااااااااًً
وسيبقى حلم.............للأسف

قتلناك ياأخرالأ نبياء
قتلناكَ .. ليسَ جديداً علينا
اغتيالُ الصحابةِ والأولياءْ
فكم من رسولٍ قتلنا.. وكم من إمامٍ
ذبحناهُ وهوَ يصلّي صلاةَ العشاءْ
فتاريخُنا كلّهُ محنةٌ .. وأيامُنا كلُّها كربلاء
  رد مع اقتباس
قديم 03/11/2009   #25
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


انا بكل صدق و صراحة شايف مشكلة كبيرة بجعل الديمقراطية هي الغاية و الوسيلة بنفس الوقت

الديمقراطية بحد ذاتها ما بتعمل شي اذا الناس يلي رح تنتخبهم بشكل ديمقراطي رح يكونوا جحاش و الناخب اجحش

انا عايش بكندا من سبع سنين و مارست حقي و واجبي الانتخابي بكل فرصة و ما شعرت بأي فائدة بصراحة بل على العكس كندا بلد سياساته الداخلية متخبطة و غير واضحة و سياسته الخارجية فضيحة و عار انساني

كل شيء بياخد سنين لحتى يتحقق ببلد لازم يكون من اكبر بلدان العالم الصناعي.. الديمقراطية الزائدة عم تكون عائق بدل ما تكون عامل مساعد. في امثلة كتير بقدر احكي عنها.. كندا البلد الوحيد مثلا يلي قانونيا و "ديمقراطيا" اذا بدك.. ممكن مقاطعات معينة تحصل على استقلالها بشكل قانوني من الفيدرالية. تخيل؟ معقول توصل فيك الديمقراطية بالنهاية لتدمر نفسك كدولة؟
من وقت ما انتهت اخر ولاية لكريتيان بال2003 و البلد تقريبا بدون قيادة واضحة و استراتيجية واضحة و الانتخابات عم تكون بلا طعمة و نفس الوجوه عم تكرر و دائما رئيس الوزراء لازم يكون من احد حزبين كبار متل بأميركا

مجرد محاولة تخفيض كلفة الدراسة بالجامعة عم يفشلوا بتحقيقها الطلاب الكنديين رغم مظاهرات متعددة كل سنة.. الديمقراطية ما عم تقدر تخدم الطلبة.. (مافي سياسي مستعد يلتفت لمشاكل الطلبة لانهم بيعرفوا انو الطلبة ما بينتخبوا).. الحل الوحيد الحقيقي هو العنف بس مين بيقدر يحكي هالحكي؟

الديمقراطية اكيد شيء رائع و مطلوب بالنهاية و مافي اسمى من قدرة الانسان على انتخاب الممثلين عنه.. بس بالنهاية هالشي كلو بدون معنى اذا ما ترافق مع ثورة فكرية حقيقية
  رد مع اقتباس
قديم 05/11/2009   #26
شب و شيخ الشباب stormsmaker
عضو
-- قبضاي --
 
الصورة الرمزية لـ stormsmaker
stormsmaker is offline
 
نورنا ب:
Oct 2003
المطرح:
بلاد أستغرب لماذا أعشقها
مشاركات:
433

افتراضي


تحية
يعني انا برأيي المتواضع انو الديمقراطية صايرة عند الأشخاص يلي بيهمون هالموضوع غاية عمياء يعني انو صار الواحد بيفوت ينام بالتخت و هوي عم يفكر كيف بدو يفيق الصبح يلاقي انخلاق أو انبعاث للديمقراطية في كافة مجالات الحياة من حولو سواء بالمدرسة سواء بالبيت سواء بعلاقتو مع مرؤسو وين ما كان و هالشي بظن مستحيل شوي
أما مجموعة أخرى بتفتح كتاب تاريخ بتقرا عن تجربة ديمقراطية ناجحة بجزر لاوس بسنة 7000 قبل الميلاد مثلا و انو في واحد كان لابس كنزة حمرا و شحاطة خضرا عمل مظاهرة و حصل عالديمقراطية فصاحبنا بينزل عالشارع يدور على واحد لابس شحاطة خضرا و كنزة حمرا مشان يحقق الديمقراطية ببلدو سنة 7000 بعد الميلاد
يعني بالاخر و بهالظروف الحالية أنا بشوف انو الوصول للديمقراطية شيء شبه مستحيل الااااااااااااااااا اذا تحولت الديمقراطية أو ما تحولت رجعت لأصلها و صارت أسلوب حياة في حياة كل مواطن أو كل جلمود ضخر حطه السيل من علي
أما بالنسبة لتحولها لأسلوب حياة هون برجع لفكرة كاتب المقال و بفكر شوي و بكتئب
و دمتم

على هذه الأرض ما يستحق الحياة
الموت لا يعني لنا شيئا نكون فلا يكون
ان صرخت بكل قواك و رد عليك الصدى من هناك...فقل للهوية شكرا
ان تذكرت حرفا من اسمك و اسم بلادك كن ولدا طيبا ليقول لك الرب شكرا
بلاع يا وطن بلاع و أضيف بلاع يا أخوية بلاع
  رد مع اقتباس
قديم 05/11/2009   #27
صبيّة و ست الصبايا Huzun
عضو
-- أخ لهلوب --
 
الصورة الرمزية لـ Huzun
Huzun is offline
 
نورنا ب:
May 2009
المطرح:
بـ أخوية
مشاركات:
335

افتراضي



هلق الديمقراطية شو بتجيب؟؟
بتجيب أمان
سلام
إعمار
رفاهية
مساواة
قـــــــــــــــــــــوة اقتصادية عسكرية اجتماعية ........ الخ


وطبعا هالإشيا بتخوف أمريكا والغرب ,,
نحنا بس لو نستخدم عقلنا وقوتنا وثرواتنا ونفطنا بالشكل الصح عن جد بنخوف العالم كلو وبنحكم الأرض للأبد

لذلك بيحاولو دايما يثيرو الفتن ويشجعو ويدعمو الأنظمة العربية تقوى ,, مو عالعدو ,, عالشعب
إذا ضلو هيك يعملو فينا ونحنا ضلينا متل القطيع نمشي مع هالفتن وهالطائفية والتضليل
بنستنتج إنو الديمقراطية بعيدة عن سمانا

وطني .. وحياتك وحياة المحبة
شو بني؟؟ عم إكبر وتكبر بقلبي
  رد مع اقتباس
قديم 05/11/2009   #28
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : stormsmaker عرض المشاركة
تحية
يعني انا برأيي المتواضع انو الديمقراطية صايرة عند الأشخاص يلي بيهمون هالموضوع غاية عمياء يعني انو صار الواحد بيفوت ينام بالتخت و هوي عم يفكر كيف بدو يفيق الصبح يلاقي انخلاق أو انبعاث للديمقراطية في كافة مجالات الحياة من حولو سواء بالمدرسة سواء بالبيت سواء بعلاقتو مع مرؤسو وين ما كان و هالشي بظن مستحيل شوي
أما مجموعة أخرى بتفتح كتاب تاريخ بتقرا عن تجربة ديمقراطية ناجحة بجزر لاوس بسنة 7000 قبل الميلاد مثلا و انو في واحد كان لابس كنزة حمرا و شحاطة خضرا عمل مظاهرة و حصل عالديمقراطية فصاحبنا بينزل عالشارع يدور على واحد لابس شحاطة خضرا و كنزة حمرا مشان يحقق الديمقراطية ببلدو سنة 7000 بعد الميلاد
يعني بالاخر و بهالظروف الحالية أنا بشوف انو الوصول للديمقراطية شيء شبه مستحيل الااااااااااااااااا اذا تحولت الديمقراطية أو ما تحولت رجعت لأصلها و صارت أسلوب حياة في حياة كل مواطن أو كل جلمود ضخر حطه السيل من علي
أما بالنسبة لتحولها لأسلوب حياة هون برجع لفكرة كاتب المقال و بفكر شوي و بكتئب
و دمتم
اذا هناك حركات فكرية و على ارض الواقع .. تمنع الحلم بالمجتمع الافضل ..

خلي الواحد يحلم بانشاء ثورة مشابهة لثورة لاوس .. وين المشكلة

و التاريخ اثبت انو شرق اسيا مثل غرب آسيا ... و يمكن يشابه باقي العالم ...


اتفق معك انو الديمقراطية لازملها شغل ... بس االشغل الحقيقي يبدي بالارادة و الرغبة ...

و ما لازم نحبط اي رغبة حقيقية بالحرية ... و بعدين نقول وين الارادة !

أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران

اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟

لن نبق اسرى الماضي ...
  رد مع اقتباس
قديم 05/11/2009   #29
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : Huzun عرض المشاركة
هلق الديمقراطية شو بتجيب؟؟
بتجيب أمان
سلام
إعمار
رفاهية
مساواة
قـــــــــــــــــــــوة اقتصادية عسكرية اجتماعية ........ الخ
وطبعا هالإشيا بتخوف أمريكا والغرب ,,

وممكن الديمقراطية الشكلية تجيب شغلات اخرى ... تخدم مصالح الامبرياليات الغربية و غير الغربية (بكافة اشكالها و اطيافها)


اقتباس:
نحنا بس لو نستخدم عقلنا وقوتنا وثرواتنا ونفطنا بالشكل الصح عن جد بنخوف العالم كلو وبنحكم الأرض للأبد

لذلك بيحاولو دايما يثيرو الفتن ويشجعو ويدعمو الأنظمة العربية تقوى ,, مو عالعدو ,, عالشعب
إذا ضلو هيك يعملو فينا ونحنا ضلينا متل القطيع نمشي مع هالفتن وهالطائفية والتضليل
بنستنتج إنو الديمقراطية بعيدة عن سمانا
بس لو نعرف مين نحنا ... اول شي ...

و نعرف نحترم كل الاراء و نفكر بالانسانية ... في تلك الساعة رح نكون خطونا خدمة نحو الامام

لذلك ما رح نخلص من المشاكل الطائفية و العرقية ...

طالما ما زال الفرد العربي اسير التفكير بالجماعة (اللي موجود قبل قرون طويلة)
  رد مع اقتباس
قديم 06/11/2009   #30
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


الديمقراطية

شي جميل و حلو منسمع فيه كتير بس ما منشوفو




فشلت التجارب الديقراطية !!!!!!!!!

مين قال انها فشلت و بالعالم العربي كمان

غلطانين كتيييييييييييير كتيييييييييير

ما فشلت ابدا

لانو بالاساس مافي
  رد مع اقتباس
قديم 08/11/2009   #31
شب و شيخ الشباب الأدهم
عضو
-- أخ لهلوب --
 
الصورة الرمزية لـ الأدهم
الأدهم is offline
 
نورنا ب:
Sep 2009
مشاركات:
130

افتراضي


شكراااااااااااااااااااااا اااااااااا على الموضوع
  رد مع اقتباس
قديم 08/11/2009   #32
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


....طيب ماشي ما بدنا ديمقراطية ....و لا ضرّاب السّخن ...اذا الوضع ميؤوس منو ..هاد ما بيعني انو خلص ما عاد عنا مسؤوليات ...على الأقل ..حدا فينا لازم يعمل شي لمساجين الضمير .... و الأعتقال التعسفي ....يعني بكلام تاني ...ما بدنا ديمقراطية ..و اذا الديكتاتورية هي قدر محتوم ...ليش حتى على الأقل ما تكون ديكتاتورية على شاكلة ديكتاتورية مبارك ..او الملك حسن ..( بمحل مافي شبه قانون احزاب و شبه صحافة حرة)...لأنو ديكتاتورية كوريا الشمالية .....طلعتلنا روحنا ....

و من جهة تانية ....الوضع الميؤوس نحنا لي منصنعوا ..و للي بيشوف انو الوضع ميؤوس ...من الأحسن انو ما يروّج لحالة الأحباط.... يلي الحكومة السورية نفسها على مدى عشرات السنيين حاولت تكرسها بقلوبنا
  رد مع اقتباس
قديم 10/11/2009   #33
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : mhsen77 عرض المشاركة
الديمقراطية

شي جميل و حلو منسمع فيه كتير بس ما منشوفو




فشلت التجارب الديقراطية !!!!!!!!!

مين قال انها فشلت و بالعالم العربي كمان

غلطانين كتيييييييييييير كتيييييييييير

ما فشلت ابدا

لانو بالاساس مافي
ايوا بالضبط محسن..
مافي.ز التجارب بلبنان والعراق.. مافيك تسميها تجارب فاشلة او ناجحة.. انما هيي محاولات انا بحرترمها انما ما فيي احكم عليها ولا بأي شكل..

طائر واحد يكفي لكي لا تسقط السماء
فرج بيرقدار
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 21:15 (بحسب عمك غرينتش الكبير +3)


Powered by vBulletin® Copyright ©2000 - 2021, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.12756 seconds with 12 queries