أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 06/11/2009   #1
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي المنبر المأسوف على شبابه...!


انطلاقاً من إنو المنبر الحر أول شي وأكتر شي حبيتو بأخوية وخلاني تابعها رغم ما مرّ عليها وعلي وعلينا من ظروف وأحوال وبما إنو المنبر الحر حر... حبيت احكي في هالموضوع... حال المنبر مو عاجبني ... والقصة ما إلها علاقة بس بالمواضيع وعدد المشاركات والأعضاء... لكن، حسيت إنو في شي اختفى من فترة لا بأس بها وقد تكون طويلة... الشي اللي اختفى وكأنو كل المشاكل والقضايا والمواضيع اللي ممكن نحكي فيها هون راحت.. اختفت ... يمكن انحلّت ومشي حالها... هو الشغف يعني الـ passion.

ما بعرف إزا هالشي مرتبط باختفاء الأعضاء الشغوفين أو بالمواضيع اللي ما عادت تعني حدا... أو الإشباع اللي صار عند الكل من كل شي.. أو انو ارتباطنا صار حصراً بمشاكلنا الخاصة مو بالهموم العامة. أو معقول يكون ما ضل في حدا عندو شي يحكي فيو إلا القلّة القليلة من الأعضاء. معقول وصلنا لمرحلة أنو موقع متل هالموقع الالكتروني اللي أعضاؤه وصّلو الآلاف ما فيو شي عشرين أو عشرة أو خمسة أعضاء يستلمو هالمنبر.. بقصد من ناحية المواضيع والنشاط المنبري مو الإدارة.

برأيي الخاص.. خسارة يكون في منبر حر وما ينحكى فيو شي لازم ينحكى أو نمرّ عليه مرور الكرام.

ممكن جداً أكون غلطانة .. وهالموضوع ما لو أساس من الصحة... بس هني كلمتين أو أكتر حبيت قولهم... بهمني أعرف السبب... لأنو الشي اللي بعرفو ومتأكدة منو إنو المنبر ما كان هيك. كان فيو نشاط ومشاركات وأهم شي شغف... لأنو المنبر مو مجموعة معلومات نكتبها أو مقالات ننشرها ... المنبر حوار... وكأنو هالمفهوم "الحوار"، ما عاد إلو مكان في هالمنبر.

بتمنى لاقي حدا يشاركني بهالموضوع ... وإن عُرِف السبب بَطُل العجب.

كل جنون بينكتب بالدم ..
  رد مع اقتباس
قديم 06/11/2009   #2
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


نقاشات المنتديات موضة إلها وقت عز و وقت بتخف فيه.. عادة بتعجق وقت الامتحانات لما الواحد بيكون عم يحاول يضيع وقت و ما عرفان كيف و بصير بدو يناقش بالثورة الصناعية تبع روسيا و انعكاساتها على تطهير الاولاد المسلمين باندونيسيا.. كل شيء إلا الدراسة

على صعيد اخر لاحظنا مع الوقت انو قد ما ناقشنا بالمنبر الحر ففي حائط كبير اسمو واقع بلادنا عم نصطدم فيه و انو ما فينا نعمل شي و نحقق شي قد ما كان صغير بس عن طريق الكتابة هون.. بقى في ناس رح تترك و في ناس جداد لسا عندهم أمل و رؤية وردية بنفسجية للحياة بيجوا و بيحلوا محلهم لحين ما ينصابوا هني كمان بالاحباط و يتركوا... و هكذا دواليب

ذكرى مرور عام على وفاة الأديب العالمي سيبيري ماسكوليه 1932 - 2008
  رد مع اقتباس
قديم 06/11/2009   #3
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


هالموضوع اللي فتحتيه ذكرني بي ايام عز كان عايشها هالموقع و التدهور الكبير اللي صار فيه بأخر فترة
و الحكي اللي بدي احكيه بجوز قاسي شوي بس ما عم احكيه الا لأنو أخوية موقع بيعنيلي كتير
و أعضائو سوو شغلات و نقاشات ما صارت بمنتديات تانية

ليش هيك عم يصير ليش مجموعة كبيرة من أعضائنا راحو و ما عد يرجعو ا شو اللي تغيير؟
ليش هالمشاكل الضخمة اللي صارت مع المشرفين و اختلافون انتو هون من شان تفرضوا رايكن الشخصي
ولا من شان تديرو اخوية
بالفترة الأخيرة اعضاء كتار الهن اثر كبير بي اخوية راحو من غير رجعة مع انو مواضيعون لساتها شغالة و الها اثر كبير بالمنتدى طيب ليش؟ ليش؟تركتو هالمنتدى و هجيتو؟ لبش طمنشتو و طنشتو أعضائو اللي بيهمتو لأمركن؟ ليش جاوبوني؟

كنا عم نتناقش عن الأسباب اللي خلت بعض العالم اللي الها الاثر الأكبر بالمنبر قالو انو اخوية ما عادت اخوية
اخوية صارت نقل لصور المشرفين اللي بصراحة 90 بالمية من تدهور المنتدى بيقع عليهن
لك وين المسؤولين عن السيرفر ..... وين المسؤلين عن الأقسام ...
ليش لحتى المشاركات المخالفة عم تضل احيانا اسبوع و شهور و ما حدا يتطلع فيها
سؤالي هوي وين المشرفين؟وينكن؟ ليش تركتو اخوية؟ و هي محتاجتكن؟

لك مو عار انو موقع الو متل هالتاريخ يكون المشاركات اللي موجودة فيه حاليا معظمها يا بالملطوشات يا بالنكت؟ يا عالم مو عيب؟

انا الي طلب من اشخاص هني الوحيدين القادرين يغيرو الوضع ارجوكم اسمعوا ندائي

من الحكيم حسام وينك؟ اخوية بدها ياك؟ ما عد يمشي الحال اذا ما تدخلت

فريق الاشراف الاداري؟شو ناطرين ؟ ما صار لازم تتدخلو؟ اخوية عم تحتضر شو لسا بدكن اكتر من هيك؟

الأعضاء و المشرفين اللي هجو من المنتدى مو مشان المنتدى بس من شانكن من شان انجازاتكن هون ما
الها قيمة عنكن؟ ما صار لازم ترجعو؟ اخوية مو بالداتا و الدومين تبعها اخوية بالأعضاء و المشاركين
البيت اللي عشتو فيه و شاركتو فيه و بنيتو انتو محتاجكن فما بتلبو ندائو؟

ما صار لازم يصير في نوع من النقاش و الحوار بين المشرفين و الأعضاء اللي هجو او لساتن موجودين و نامو؟

بجوز كترت عليكن بالحكي
بس كلو من شان اخوية و ما حدا يزعل مني بس التقصير واضح سواء من المشرفين ولا من الأعضاء

صار بدها حركة القصة ما بدي يجي يوم و ما لاقي هالمنتدى موجود فيه

و دمتم و دامت اخوية

بوركت اخوية

نحن ننتظر الضياء و لكننا نرى الظلام

---------------------------------------------------------------

ذو العينين البراقتين ......... الذي يقرر المصائر .............


DaRkNeSs LoRd

Lord Of DarkneSs

Lord Of The Sweet Sadness
  رد مع اقتباس
قديم 06/11/2009   #4
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


اقتباس:
كاتب النص الأصلي : Joe عرض المشاركة
نقاشات المنتديات موضة إلها وقت عز و وقت بتخف فيه.. عادة بتعجق وقت الامتحانات لما الواحد بيكون عم يحاول يضيع وقت و ما عرفان كيف و بصير بدو يناقش بالثورة الصناعية تبع روسيا و انعكاساتها على تطهير الاولاد المسلمين باندونيسيا.. كل شيء إلا الدراسة

على صعيد اخر لاحظنا مع الوقت انو قد ما ناقشنا بالمنبر الحر ففي حائط كبير اسمو واقع بلادنا عم نصطدم فيه و انو ما فينا نعمل شي و نحقق شي قد ما كان صغير بس عن طريق الكتابة هون.. بقى في ناس رح تترك و في ناس جداد لسا عندهم أمل و رؤية وردية بنفسجية للحياة بيجوا و بيحلوا محلهم لحين ما ينصابوا هني كمان بالاحباط و يتركوا... و هكذا دواليب
متأكدة انو كلامك صح... لأنو كل واحد بمر عليه وقت بحس أنو خلص بس وكلو عالفاضي وما في أمل ومن هالعالم أنا ... بس بتصور انو هالحالة مرحلة وبتمر ... لأنو اللي بحب اللعي والفلسفة وما بيستغني عنهم بيرجع لطوره ومساره.. شي طبيعي يحس البني آدم إنو خلصت طاقتو... وعقلو صار مخ مع وقف التنفيذ.. كمان متل ما صاير معي... وهون دور الشغف اللي بحكي عنو... لانو أعراض إدمان الحكي اللي بطعمة وبلا طعمة بتبدا تظهر على الواحد. وهاد اللي خلاني حط الموضوع من أساسو... كمان، وازا اصطدمنا بالواقع، الكتابة هون بحد ذاتها فشّة خلق وممكن يكون إلها فائدة ولو بسيطة.. ما بنكر إنو النقاش بالمنبر كان يحركلي مخي... لأنو كان في حوار وأعضاء بحركو المخ رغماً عنه. ولو ما في فايدة لما انحجب الموقع!

وبدي تلاحظ معي أنو لما اعتزلوا الأعضاء اللي صابهم احباط... ما عاد بيّن غيرهم، عالأقل مو بالشكل المطلوب أو يا دوب الحد الأدنى ... لماذا؟
  رد مع اقتباس
قديم 06/11/2009   #5
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


اقتباس:
كاتب النص الأصلي : DARKNESS عرض المشاركة
هالموضوع اللي فتحتيه ذكرني بي ايام عز كان عايشها هالموقع و التدهور الكبير اللي صار فيه بأخر فترة
و الحكي اللي بدي احكيه بجوز قاسي شوي بس ما عم احكيه الا لأنو أخوية موقع بيعنيلي كتير
و أعضائو سوو شغلات و نقاشات ما صارت بمنتديات تانية

ليش هيك عم يصير ليش مجموعة كبيرة من أعضائنا راحو و ما عد يرجعو ا شو اللي تغيير؟
ليش هالمشاكل الضخمة اللي صارت مع المشرفين و اختلافون انتو هون من شان تفرضوا رايكن الشخصي
ولا من شان تديرو اخوية
بالفترة الأخيرة اعضاء كتار الهن اثر كبير بي اخوية راحو من غير رجعة مع انو مواضيعون لساتها شغالة و الها اثر كبير بالمنتدى طيب ليش؟ ليش؟تركتو هالمنتدى و هجيتو؟ لبش طمنشتو و طنشتو أعضائو اللي بيهمتو لأمركن؟ ليش جاوبوني؟

كنا عم نتناقش عن الأسباب اللي خلت بعض العالم اللي الها الاثر الأكبر بالمنبر قالو انو اخوية ما عادت اخوية
اخوية صارت نقل لصور المشرفين اللي بصراحة 90 بالمية من تدهور المنتدى بيقع عليهن
لك وين المسؤولين عن السيرفر ..... وين المسؤلين عن الأقسام ...
ليش لحتى المشاركات المخالفة عم تضل احيانا اسبوع و شهور و ما حدا يتطلع فيها
سؤالي هوي وين المشرفين؟وينكن؟ ليش تركتو اخوية؟ و هي محتاجتكن؟

لك مو عار انو موقع الو متل هالتاريخ يكون المشاركات اللي موجودة فيه حاليا معظمها يا بالملطوشات يا بالنكت؟ يا عالم مو عيب؟

انا الي طلب من اشخاص هني الوحيدين القادرين يغيرو الوضع ارجوكم اسمعوا ندائي

من الحكيم حسام وينك؟ اخوية بدها ياك؟ ما عد يمشي الحال اذا ما تدخلت

فريق الاشراف الاداري؟شو ناطرين ؟ ما صار لازم تتدخلو؟ اخوية عم تحتضر شو لسا بدكن اكتر من هيك؟

الأعضاء و المشرفين اللي هجو من المنتدى مو مشان المنتدى بس من شانكن من شان انجازاتكن هون ما
الها قيمة عنكن؟ ما صار لازم ترجعو؟ اخوية مو بالداتا و الدومين تبعها اخوية بالأعضاء و المشاركين
البيت اللي عشتو فيه و شاركتو فيه و بنيتو انتو محتاجكن فما بتلبو ندائو؟

ما صار لازم يصير في نوع من النقاش و الحوار بين المشرفين و الأعضاء اللي هجو او لساتن موجودين و نامو؟

بجوز كترت عليكن بالحكي
بس كلو من شان اخوية و ما حدا يزعل مني بس التقصير واضح سواء من المشرفين ولا من الأعضاء

صار بدها حركة القصة ما بدي يجي يوم و ما لاقي هالمنتدى موجود فيه

و دمتم و دامت اخوية

بوركت اخوية
تعددت الأسباب والموت واحد... بما لا شك فيو أنو أخوية عم تحتضر لأنو المنبر هوي روح أخوية، وإزا اختفت هالروح ما ضل شي، هاد رأيي الخاص. وازا بدها ترجع أخوية قوية لازم ترجع روحها. ما ظنيت انو أخوية انعملت مشان تكون موقع للملطوشات والنكت ومدري شو... بس هاد اللي صاير...

التقصير ما بعرف... المشرفين بالنهاية مهمتهم الإدارة ومشان هيك العبء يقع عالكل كاعضاء وبما انو المشرفين فقط عليهم عبء الإدارة، فما بنقدر نلومهم ونحملهم عبء أكبر من طاقتهم. لكن الأعضاء اللي شغلتهم الكتابة في المنتدى هني المعنيين أكتر بتحمل مسؤولية النشاط المنبري. وبغض النظر عن شو غايات المشرفين، هاد مو شي يخلي الواحد يبطل يكتب أو يشارك.. كمان في اعضاء لازم يعرفو شو يكتبو... خصوصاً انو ولاحظتها كتير أنو في أعضاء بتجاوزو الخطوط الرئيسية لأسس أخوية، وبيستغلو المنبر لغايات معينة.. مثال مليون مرة قيل انو المنبر مو مكان للنقاش الديني، ومليون مرة صارت مخالفات بهالموضوع بالذات.. اذن الخطأ مو خطأ مشرفين بس، واعضاء كمان. والأعضاء أكتر... لأنو ازا ما ارتكبت خطأ المشرف ما رح يقدر يعملك شي.. ما تخلي للمشرف او غيرو سبب يبعدك عن المنتدى أو يخالفك أو الخ.

المشكلة إنو غالبية الأعضاء توجهاتهم ملطوشات ونكت وألعاب.. ماشي الحال... هالأقسام موجودة على كل حال وماشي حالها وسوقها شغال... لكن، الأعضاء اللي عندهم وعي سياسي أو اجتماعي وينهم؟ هل هني موجودين أساساً؟ خلي في مواضيع تتكرر ونقاشات وحوار ينفتح من جديد. في أعضاء جداد وممكن يشاركو حتى لو حكينا بهالمواضيع مليون مرّة.

بس معقول ما يكون في مجموعة من الآلاف المشاركة في المنتدى وإن قلنا في خمسين عضو فعال، ما في عشرة منهم عندهم وعي سياسي أو اجتماعي أو ثقافي أو اقتصادي... يعملو شوية نشاط بالمنبر؟

عذراً للمطمطة والتطويل!
  رد مع اقتباس
قديم 06/11/2009   #6
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
ما في عشرة منهم عندهم وعي سياسي أو اجتماعي أو ثقافي أو اقتصادي... يعملو شوية نشاط بالمنبر؟



نفرض جدلا في ناس عندهم وعي و الادراك يترى كل الأبواب مفتوحة حاليا للنقاش بمنبر اخوية؟

بالفترة الاخيرة معظم النقاشات انتقلت للصالون و صار فيها مناوشات و ما بعرف شو يمكن لانو اغلب النقاشات اللي انفتحت بالفترة الاخيرة من اعضاء ما عاصرو وقت عز المنبر

من جهتي انا ما بهتم بالمنبر لكم سبب اولون انو ممكن يفوت جاهل و يناقش فيه و يحط راي ينزع و يغير مسرى
النقاش كلو و وقت الحوار بفضل انو يكون مع ناس بعرفون و بعرف تفكيرون
هالمشكلة صارت بفترة ما بالمنبر بسبب تاطير و توجيه النقاش يعني في ناس صارت تناقش
لمجرد انو تشد مع مشرف او شي عضو بارز و هالشي كان يأثر سلبا على النقاش

كمان شغلة تانية منشوف انو في ناس بيحقلها ما لا يحق لغيرها و بتحكي و كانو المنبر ساحة الحارة تبعتو
و الناس بتاخد الشغلة عا محمل المزح و التافلة

كمان عم تقليلي المشرفين عندن حياتن الخاصة على عيني و راسي
طيب وينون؟
انا عم شوف نقص بالكادر بتلاقي اقسام كانت ماشية و شغالة بس المشرفين اختفوا او راحو اوا هجو او حدا طفشون يعني متل ما انو نحن اعضاء المشرفين اعضاء و بيقوعو بالخطاء كمان ما حدا كامل و لازم يصير في خطوط حمرا لشغلة المحسوبيات و المشاكل اللي وقع المنتدى فيها بالفترة الاخيرة

مثال قصة مورنينغ : كانت ممشية قسم التصوير و الفن بشكل رائع و فجأة أختفت

طيب وين؟و ليش؟ حدا اهتم بقصت غيابها؟

المشرف ما بيتعين عليه انو يقوم بدورو بالمنتدى؟
مو لازم يكون في حدا بيقف معو او محلو اذا غاب

المشاكل اللي صارت بين المناقشين من الاعضاء و بين المشرفين او المنسقين ما لازم يكون في حدا كبير يحلها؟

وينك يا حكيم؟ وينك يا ياس؟ وين المساهمين؟ او المختارين؟

اللي بي ايدن التغيير؟

بعدين وضع السيرفر الو دور كبير جدا جدا يتراجع المنتدى ؟ طيب هاد ذنب اعضاء لما ذنب مين؟


  رد مع اقتباس
قديم 07/11/2009   #7
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


اقتباس:
كاتب النص الأصلي : DARKNESS عرض المشاركة



نفرض جدلا في ناس عندهم وعي و الادراك يترى كل الأبواب مفتوحة حاليا للنقاش بمنبر اخوية؟

بالفترة الاخيرة معظم النقاشات انتقلت للصالون و صار فيها مناوشات و ما بعرف شو يمكن لانو اغلب النقاشات اللي انفتحت بالفترة الاخيرة من اعضاء ما عاصرو وقت عز المنبر

من جهتي انا ما بهتم بالمنبر لكم سبب اولون انو ممكن يفوت جاهل و يناقش فيه و يحط راي ينزع و يغير مسرى
النقاش كلو و وقت الحوار بفضل انو يكون مع ناس بعرفون و بعرف تفكيرون
هالمشكلة صارت بفترة ما بالمنبر بسبب تاطير و توجيه النقاش يعني في ناس صارت تناقش
لمجرد انو تشد مع مشرف او شي عضو بارز و هالشي كان يأثر سلبا على النقاش

كمان شغلة تانية منشوف انو في ناس بيحقلها ما لا يحق لغيرها و بتحكي و كانو المنبر ساحة الحارة تبعتو
و الناس بتاخد الشغلة عا محمل المزح و التافلة

كمان عم تقليلي المشرفين عندن حياتن الخاصة على عيني و راسي
طيب وينون؟
انا عم شوف نقص بالكادر بتلاقي اقسام كانت ماشية و شغالة بس المشرفين اختفوا او راحو اوا هجو او حدا طفشون يعني متل ما انو نحن اعضاء المشرفين اعضاء و بيقوعو بالخطاء كمان ما حدا كامل و لازم يصير في خطوط حمرا لشغلة المحسوبيات و المشاكل اللي وقع المنتدى فيها بالفترة الاخيرة

مثال قصة مورنينغ : كانت ممشية قسم التصوير و الفن بشكل رائع و فجأة أختفت

طيب وين؟و ليش؟ حدا اهتم بقصت غيابها؟

المشرف ما بيتعين عليه انو يقوم بدورو بالمنتدى؟
مو لازم يكون في حدا بيقف معو او محلو اذا غاب

المشاكل اللي صارت بين المناقشين من الاعضاء و بين المشرفين او المنسقين ما لازم يكون في حدا كبير يحلها؟

وينك يا حكيم؟ وينك يا ياس؟ وين المساهمين؟ او المختارين؟

اللي بي ايدن التغيير؟

بعدين وضع السيرفر الو دور كبير جدا جدا يتراجع المنتدى ؟ طيب هاد ذنب اعضاء لما ذنب مين؟


بصراحة المشكلة الأولى ما عندي فكرة عنها، يمكن عندي تصور بس حقيقة ما عندي شي ملموس ممكن ناقشك فيو... لكن المشرفين بالنهاية بشر وعرضة للصح والخطأ.

الشي اللي بدي أأكد عليه، انو العمل في أخوية تطوعي، يعني المشرف ممكن يعطي جزء من وقتو بس أكيد ما بيقدر يعطي كل وقتو... ومتل ما بتعرف الكل بمر عليهم ظروف معينة. كما انو كل ما يتعلق بأخوية يقع عبؤه غالباً على شخص واحد من ناحية تقنية وغيرو.
لكن اللي بقصدو، فلان عم بفوت على أخوية، وين عم بروح؟ ليش ما عم يفوت عالمنبر؟ عندو وعي كافي ليشارك بموضوع أو حوار، ليش ما يشارك؟ ... وازا ما في وعي،
ليش ما في وعي؟ ليش ما في شباب بدرجة معقولة من الثقافة والوعي لمحيطها؟ ولازم يكون هالوعي موجود، كيف نخلقو؟

بالنسبة للجهلة، اتجاهلهم... من اسمهم، جهلة، اذن بتجاهلهم ازا ما بدي العي قلبي وانا بحاول حاورهم.
  رد مع اقتباس
قديم 07/11/2009   #8
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


يا عمي المنبر ... آخ عالمنبر.. انا من الناس يلي ما بشارك بالمنبر بس هاد مو يعني اني ما بقرا فيه ... انا بقرا وبقرا كتير.. وكتير من القصص تغيرت فيني من ورا هالمنبر ...

بس يا عم شو بدك تعمل ازا كل ما بدهن يفتحوا موضوع نقاش هلأ .. بيبلش التنظير.. والحكي يلي ما بيودي لنتيجة ؟؟
شو بدك تعمل ازا نحنا عم نحكي وعم نحكي ... بس عم بيضل هالحكي جدل سافسطائي .. ما عم بيودي لأي نتيجة ؟

المشكلة هون .. مو بالناس بس .. المشكلة بالمواضيع يلي انطرحت .. او المطروحة .. انو والله يا خالتي ما عاد صفي مواضيع تنطرح ... عن شو بدنا نحكي .. عن غلاء الاسعار ؟ عن الفساد ؟ عن التشرد ؟ ... كل هاد حكينا عنو .. شو بعد في كمان !!


بيكل الاحوال ميرسي نيرفانا عالموضوع يلي بيفش الخلق شوي

الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
  رد مع اقتباس
قديم 07/11/2009   #9
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


اقتباس:
كاتب النص الأصلي : saman عرض المشاركة
يا عمي المنبر ... آخ عالمنبر.. انا من الناس يلي ما بشارك بالمنبر بس هاد مو يعني اني ما بقرا فيه ... انا بقرا وبقرا كتير.. وكتير من القصص تغيرت فيني من ورا هالمنبر ...

بس يا عم شو بدك تعمل ازا كل ما بدهن يفتحوا موضوع نقاش هلأ .. بيبلش التنظير.. والحكي يلي ما بيودي لنتيجة ؟؟
شو بدك تعمل ازا نحنا عم نحكي وعم نحكي ... بس عم بيضل هالحكي جدل سافسطائي .. ما عم بيودي لأي نتيجة ؟

المشكلة هون .. مو بالناس بس .. المشكلة بالمواضيع يلي انطرحت .. او المطروحة .. انو والله يا خالتي ما عاد صفي مواضيع تنطرح ... عن شو بدنا نحكي .. عن غلاء الاسعار ؟ عن الفساد ؟ عن التشرد ؟ ... كل هاد حكينا عنو .. شو بعد في كمان !!


بيكل الاحوال ميرسي نيرفانا عالموضوع يلي بيفش الخلق شوي

أكيد المواضيع رح تتكرر، لكن، كل موضوع إلو أكتر من منظور وكل شخص عندو رؤية معينة.
ومعك أحياناً بكون الجدل سفسطائي، بس هاد ما بيعني انو ما إلو قيمة معينة.
واللي بدي ركّز عليه انو ممكن رغم كل التكرار والجدل نتعلم فن الحوار ونستمتع بالحوار... متل الأيام الخوالي يعني..

المشكلة اللي عم تظهر، انو كل هاد الحكي بدو دم جديد... يعني أعضاء فريش بالإضافة إلى الأعضاء القدامى اللي ممكن يفوتو عالمنبر. لكن، الدم الجديد يمكن ولا على بالو وما لو خلاق لا لحوار أو غيرو... أو بيتجاهل المنبر لسبب من الأسباب.

يمكن في بعض أعضاء ما لهم خلاق على القراءة في المنبر مثلاً، لكن ممكن يدخلو يعطو رأي خاص، يشاركو بكام كلمة.. وهالشي منيح من ناحية انو بتشجعو يفوتو على المنبر. يعني الموضوع يكون فكرة أو معلومة معينة مختصرة وبدون إسهاب .. ممكن!

ومتل ما هالموضوع بفش الخلق شوي، المنبر بفش الخلق كتير!
  رد مع اقتباس
قديم 07/11/2009   #10
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : Nirvana عرض المشاركة
انطلاقاً من إنو المنبر الحر أول شي وأكتر شي حبيتو بأخوية وخلاني تابعها رغم ما مرّ عليها وعلي وعلينا من ظروف وأحوال وبما إنو المنبر الحر حر... حبيت احكي في هالموضوع... حال المنبر مو عاجبني ... والقصة ما إلها علاقة بس بالمواضيع وعدد المشاركات والأعضاء... لكن، حسيت إنو في شي اختفى من فترة لا بأس بها وقد تكون طويلة... الشي اللي اختفى وكأنو كل المشاكل والقضايا والمواضيع اللي ممكن نحكي فيها هون راحت.. اختفت ... يمكن انحلّت ومشي حالها... هو الشغف يعني الـ passion.

ما بعرف إزا هالشي مرتبط باختفاء الأعضاء الشغوفين أو بالمواضيع اللي ما عادت تعني حدا... أو الإشباع اللي صار عند الكل من كل شي.. أو انو ارتباطنا صار حصراً بمشاكلنا الخاصة مو بالهموم العامة. أو معقول يكون ما ضل في حدا عندو شي يحكي فيو إلا القلّة القليلة من الأعضاء. معقول وصلنا لمرحلة أنو موقع متل هالموقع الالكتروني اللي أعضاؤه وصّلو الآلاف ما فيو شي عشرين أو عشرة أو خمسة أعضاء يستلمو هالمنبر.. بقصد من ناحية المواضيع والنشاط المنبري مو الإدارة.

برأيي الخاص.. خسارة يكون في منبر حر وما ينحكى فيو شي لازم ينحكى أو نمرّ عليه مرور الكرام.

ممكن جداً أكون غلطانة .. وهالموضوع ما لو أساس من الصحة... بس هني كلمتين أو أكتر حبيت قولهم... بهمني أعرف السبب... لأنو الشي اللي بعرفو ومتأكدة منو إنو المنبر ما كان هيك. كان فيو نشاط ومشاركات وأهم شي شغف... لأنو المنبر مو مجموعة معلومات نكتبها أو مقالات ننشرها ... المنبر حوار... وكأنو هالمفهوم "الحوار"، ما عاد إلو مكان في هالمنبر.

بتمنى لاقي حدا يشاركني بهالموضوع ... وإن عُرِف السبب بَطُل العجب.

المشكلة مو بس بالمنبر .. بالرغم من أهمية هالقسم
المشكلة بالمنتدى ككل


(مثلاُ .. أول مرة من تاريخ تسجيلي لهلأ .. بينزل عدد الأعضاء الفعالين عن الـ 5000 )


المنتدى بدو نفضة جذرية
هالنفضة في اسباب و مشاكل عم تعيق تحقيقا هلأ ( المفروض انتي عندك فكرة عنها )

انشالله هالمشاكل بتنحل قريباً

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 07/11/2009   #11
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
انشالله هالمشاكل بتنحل قريباً
صرلنا زمان عم نسمع هالكلمة قريبا

و ما عم نلاقي غير الكلمة بس


طيب ليش؟
  رد مع اقتباس
قديم 07/11/2009   #12
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : Nirvana عرض المشاركة
متأكدة انو كلامك صح... لأنو كل واحد بمر عليه وقت بحس أنو خلص بس وكلو عالفاضي وما في أمل ومن هالعالم أنا ... بس بتصور انو هالحالة مرحلة وبتمر ... لأنو اللي بحب اللعي والفلسفة وما بيستغني عنهم بيرجع لطوره ومساره..
إذا متل ما عم تقولوا!! ليش عداد قراءات أتخن موضوع ما عم يتجاوز الـ 20-30؟</p>(بيديق خلقهن من اللعي.. كمان بيبطلوا قراءة؟!!)..</p></p> القصة مو قصة ديقان خلق من النقاش.. هناك شيء مااااا يحترق

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 07/11/2009   #13
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


عني؟.. سبب ما بيخليني إكتب كل شي بدّي ياه.. هو إني ما عم بقدر هالفترة نسّق رد متل الخلق.. كلو عم يطلع مدحوش بطيز بعضو.. يعني ما بعرف إذا كتبت.. قديش حدا رح يفهم.. أنا بيديّقلي خلقي النص اللي فات ببعضو!! فـ صوري..
  رد مع اقتباس
قديم 08/11/2009   #14
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


طيب و بعدين و ين الحل؟


عرضنا شوية من الاسباب يلي وصلت بالمنبر لهون بس الحلول شو
و بعدين ........


لازم نلاقي طريقة للنهوض بالمنبر


يمكن تبرع بعض اعضاء اخوية بمهمة النهوض بهالقسم هي الخطوة الاولى لانهاء هالحالة


  رد مع اقتباس
قديم 08/11/2009   #15
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


اقتباس:
كاتب النص الأصلي : MadMax عرض المشاركة
المشكلة مو بس بالمنبر .. بالرغم من أهمية هالقسم
المشكلة بالمنتدى ككل


(مثلاُ .. أول مرة من تاريخ تسجيلي لهلأ .. بينزل عدد الأعضاء الفعالين عن الـ 5000 )


المنتدى بدو نفضة جذرية
هالنفضة في اسباب و مشاكل عم تعيق تحقيقا هلأ ( المفروض انتي عندك فكرة عنها )

انشالله هالمشاكل بتنحل قريباً
صحيح المشكلة مو بالمنبر... بس متل ما قلت قبل برأيي إن والمنبر هوي روح أخوية.

بتمنى يتحقق هالشي وتتنحل هالمشاكل (عندي فكرة بسيطة عنها بس للأسف ما عم إفهم شي) "مخ تخين".

بس بعد هالنفضة.. هل رح يكون في أعضاء ومشاركة فعالة في المنبر؟
  رد مع اقتباس
قديم 08/11/2009   #16
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


اقتباس:
كاتب النص الأصلي : mhsen77 عرض المشاركة
طيب و بعدين و ين الحل؟


عرضنا شوية من الاسباب يلي وصلت بالمنبر لهون بس الحلول شو
و بعدين ........


لازم نلاقي طريقة للنهوض بالمنبر


يمكن تبرع بعض اعضاء اخوية بمهمة النهوض بهالقسم هي الخطوة الاولى لانهاء هالحالة


الحل اللي ممكن يكون بإيد الأعضاء... انو يشاركو بالمنبر سواء بمواضيع أو أفكار أو مشاركة في الحوار بأسلوب محترم وطبعاً ملتزم بقوانين المنتدى..
أنا عن نفسي ما بحب القوانين وخصوصاً الكتيرة... لكن، مشان وصّل كلمة بدي قولها بحترم المكان االلي أنا فيو.. حتى لو كان مكان افتراضي متل منتدى على الانترنت مثلاً.
  رد مع اقتباس
قديم 08/11/2009   #17
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


اقتباس:
كاتب النص الأصلي : Nirvana عرض المشاركة
الحل اللي ممكن يكون بإيد الأعضاء... انو يشاركو بالمنبر سواء بمواضيع أو أفكار أو مشاركة في الحوار بأسلوب محترم وطبعاً ملتزم بقوانين المنتدى..
أنا عن نفسي ما بحب القوانين وخصوصاً الكتيرة... لكن، مشان وصّل كلمة بدي قولها بحترم المكان االلي أنا فيو.. حتى لو كان مكان افتراضي متل منتدى على الانترنت مثلاً.
معك ميرفانا انو الحل بايد الاعضاء و معك بالنسبة للقوانين

بس لازم حدا يبلش بالمواضيع

و موضوعك هاد اكيد رح يحرك الشباب شوي

  رد مع اقتباس
قديم 08/11/2009   #18
شب و شيخ الشباب ..Jimy
عضو
-- قبضاي --
 
الصورة الرمزية لـ ..Jimy
..Jimy is offline
 
نورنا ب:
Aug 2006
المطرح:
بمدينة الياسمين..بس حياتي بالوادي
مشاركات:
731

افتراضي


المنبر روح اخوية..
واخوية كانت مبدأ نسمة حرية منبر لقضية..
بعدين صارت هيي بحد ذاتها قضية..
اخوية كانت بتحضن كل الاتجاهات وكل الانتمائات..
بعدين صارت هيي اتجاه وهيي بذاتا انتماء..

كان الجدل والخلاف يصير عن طريق اخوية..
بعدين صار الجدل والخلاف يصير عاخوية وعن اخوية..

مافيني اكتب نص اكبر من هيك ..بس انو فهمتو عليي؟

At the end everything will be OK..
If it's not OK..
So...it's not the end.

"Sa'do I Trust In U"
It's Kind Of Revolution
A m a r t a
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 23:06 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.20160 seconds with 12 queries