فتوى سعودية بجواز بجواز قتل ملاّك القنوات الفضائية

[المحارب العتيق]

هلأ أنت ناقشتني على الكلمة يلي أنا كتبتها . وشرحتلك قصدي

أنا قريت مقالة العربية . وماشفت فيها تحديد نوع الفتنة المقصودة . ولا شخص او قناة معينة مقصودين .

يعني كلام عام وبس

[Abu ToNi]

كاتب النص الأصلي : المحارب العتيق

هلأ أنت ناقشتني على الكلمة يلي أنا كتبتها . وشرحتلك قصدي

أنا قريت مقالة العربية . وماشفت فيها تحديد نوع الفتنة المقصودة . ولا شخص او قناة معينة مقصودين .

يعني كلام عام وبس

نصيحة
المرة الجاية فكر شوي قبل ما تحكي احسن ما ينقال عنك " بتعلك " وبتحكي حكي مانك فاهم شو معناه واذا كان جاي على بالك تعطي امثلة فخليها قريبة ولو بخيط رفييييع عن الموضوع .

اعرب الجملة التالية

وشرحتلك قصدي

[المحارب العتيق]

وقال الشيخ -ردا على سؤال حول الموقف من ملاك القنوات الفضائية العربية التي تثير الفتنة-: "إن من يدعون إلى الفتنإذا قُدر على منعه ولم يمتنع قد يحل قتله؛ لأن دعاة الفساد في الاعتقاد أو في العمل إذا لم يندفع شرهم بعقوبات دون القتل جاز قتلهم قضاء . فالأمر خطير لأن الله جل وعلا لما ذكر قتل النفس قال: "أو فساد في الأرض"، فالإنسان يقتل بالنفس أو بالفساد في الأرض، وإفساد العقائد، وإفساد الأخلاق، والدعوة لذلك نوع من الفساد العريض في الأرض".

شكلك أنت العلاك ويلي عم تحكي بدون ماتقرا يلي عم تناقش فيه . لونتلك بالاحمر كلمة أفساد الأخلاق . جيب هلأ معجم عربي وأقرا . ماشي

هي نص كلام الشيخ . مشان تقراه قبل ماتناقش

أولا هو أشترط محاولة المنع . إذ لم يستطع فيكون الأمر قضاء . أكيد ماقال أنو كل شخص مابتعجبو قناة يقتل صاحبها

[Abu ToNi]

ما ناوي ادخل معك ببنقاش بروح له شي عشر صفحات على كلمة انت مفسرها بطريقتك الخاصة ، من بعد ما نقلت للشباب مسلسل مافي امل كتير اثر على مفاهيم ونظرتي للاشخاص .
بس بحب اهمس بدانك :
فكرة البورنو مش موجودة على القنوات العربية لأن الخبر محدد بشكل كتير واضح :

من ملاك القنوات الفضائية العربية التي تثير الفتنة

فيمكن الشب بالنسبة اله تظهر مذيعة على قناة الفضائية السورية .. هاد مثير للشهوات " بحسب تفسيرك " ويدعو إلى الفتنة " بحسب تفسيرك ايضا " وبالتالي قد يكون قصده روتانا وميلودي والفضائية السورية حتى !! ، كون جميع المراسلات والمذيعات ومقدمات الرامج هم من السافرات المثيرات للفتنة ، برجع بقول بحسب مفهومك طبعا .



لكن السؤال اللي صار لتالت مرة بسألك عليه وكأنك لهلق ما قريته

مع انه الهاموش هاد لازم يكون هوي صلب الموضوع والحكي اللي فوق عبارة عن هامش لفكرة " ملبسة " بالموضوع تلبيس

هل يوجد اطار شرعي بيسمح لانسان يقرر الحفاظ على حياة انسان ما او هدرها ؟!
هل من حق انسان على وجه الكرة الأرضية ان يعلوا منبر ما ويصرّح بجواز قتل انسان ما على الكرة الارضية ؟!
يا زلمة بن لادن اللي برقبته مدري كام الف قتيل ما حُلل قتله .. هي وزلمة ارهابي بكافة المقاييس غربية كانت ام عربية وباجماع كافت المذاهب الدينية
فاذا كان زلمة بيمتلك قناة .. هاد سبب منطقي انه يُحلل قتله ؟! لك حتى لو كان بورنوا لك حتى لو كان مخرج فذ في عالم السكس هاد بيسمح لي امنح نفسي الشرعية بالقضاء على حياته ؟!؟!!؟!؟!؟!؟!؟!؟!؟!؟

حتى لو كانوا برونو على حد تعبيرك من حقه يشرع عملية قتلهم ؟!
ومشان ما تنتقل لي على غير نقطة تستوردها من مدري وين عبحكي بالتحديد على هاد السطر

لأن دعاة الفساد في الاعتقاد أو في العمل إذا لم يندفع شرهم بعقوبات دون القتل جاز قتلهم قضاء

وفي اكتر من نقطة بتستاهل واحد يحكي فيها بس خايف متل العادة اذا كترنا الأسئلة تتهمش الاجوبة وينطف سؤال عن التاني لهيك بعيف لك السؤال البعده لبين ما تخلص من هي النقطة
للمرة الرابعة بسألك
هل يحق للانسان تقرير انهاء حياة شخص تاني .. شو ما كان الشخص "" وما بتختلف معي انه البورنو ما عبضر حدا بالاخير ما حدا جابرك توقف على القناة ... الا اذا كان انت بدك ... ""

الافكار الدموية هل تصلح لانسان عايش بالقرن الحالي ؟!
في زمن عبتحاول فيه منظمات حقوق الانسان تمنع وتنفي الحكم بالاعدام بناء على ان حق الحياة حق لكل انسان شو ما كان يكون حتى لو كان من ابشع المجرمين فكيف اذا كان انسان ما ارتكب بحياته اي ذنب او اي خطئية او اي جريمة بمعنى الجريمة ؟!؟!

[المحارب العتيق]

كاتب النص الأصلي : Abu ToNi

ما ناوي ادخل معك ببنقاش بروح له شي عشر صفحات على كلمة انت مفسرها بطريقتك الخاصة ، من بعد ما نقلت للشباب مسلسل مافي امل كتير اثر على مفاهيم ونظرتي للاشخاص .
بس بحب اهمس بدانك :
فكرة البورنو مش موجودة على القنوات العربية لأن الخبر محدد بشكل كتير واضح :
فيمكن الشب بالنسبة اله تظهر مذيعة على قناة الفضائية السورية .. هاد مثير للشهوات " بحسب تفسيرك " ويدعو إلى الفتنة " بحسب تفسيرك ايضا " وبالتالي قد يكون قصده روتانا وميلودي والفضائية السورية حتى !! ، كون جميع المراسلات والمذيعات ومقدمات الرامج هم من السافرات المثيرات للفتنة ، برجع بقول بحسب مفهومك طبعا .

غريب . لما قلتلك أن هو مو شارح قصدو تماما . وأنو كلام الخبر بيحمل وجهين . هجمت عليي بقصة العلاك

لكن السؤال اللي صار لتالت مرة بسألك عليه وكأنك لهلق ما قريته
حتى لو كانوا برونو على حد تعبيرك من حقه يشرع عملية قتلهم ؟!

أرجاع أقرا كلامو . هو قال وجب قتله قضاء . ماقال كل شخص يقتل على حسب تفسيرو
رح سهلك ياها
لو كانت المتصلة عم تسألو شو حكم قاتل النفس مثلا . كان جاوبها قتلو
أكيد لما بدو يقول قتلو . مابيكون عم يقول أنو كل شخص يروح يقتل . بيكون كلامو ضمن قوانين الشريعة يلي هية مطبقة بالسعودية . ومو مطبقة عنا مثلا
ومشان ما تنتقل لي على غير نقطة تستوردها من مدري وين عبحكي بالتحديد على هاد السطر
وفي اكتر من نقطة بتستاهل واحد يحكي فيها بس خايف متل العادة اذا كترنا الأسئلة تتهمش الاجوبة وينطف سؤال عن التاني لهيك بعيف لك السؤال البعده لبين ما تخلص من هي النقطة
للمرة الرابعة بسألك
هل يحق للانسان تقرير انهاء حياة شخص تاني .. شو ما كان الشخص "" وما بتختلف معي انه البورنو ما عبضر حدا بالاخير ما حدا جابرك توقف على القناة ... الا اذا كان انت بدك ... ""
حبيب البورنو ماعم يضر من جهة نظرك . من وجهة نظري بعتقد من أي جهة نظر طبيعية هو غلط .
لأنو أكيد ماحدا جابرني وفيني الغي المحة أو غيرها . بس الفكرة أنو ممكن كون مسؤول عن تنشئة عائلة . وأبعاد هي القنوات الوسخة حيكون هدف أخلاقي قبل مايكون ديني ( مع أن مافي ولا دين حسب أعتقادي بيلاقي البرنو شغلة عادية )
بالغرب يلي على طول منتشدق فيه وبأفعالو . في حزم معينة ببرامج التلفزيون حسب الوقت وحسب البرنامج لمين موجه . بتحذف منو كل المشاهد الجنسية . أو يلي ممكن تشجع على هالشي . فليش لحنا منضل نعوم كلشي تحت بندحرية التعبير
الافكار الدموية هل تصلح لانسان عايش بالقرن الحالي ؟!
في زمن عبتحاول فيه منظمات حقوق الانسان تمنع وتنفي الحكم بالاعدام بناء على ان حق الحياة حق لكل انسان شو ما كان يكون حتى لو كان من ابشع المجرمين فكيف اذا كان انسان ما ارتكب بحياته اي ذنب او اي خطئية او اي جريمة بمعنى الجريمة ؟!؟!

أنت شايف أنها بتكون شغلة طبيعية
أنا بشوفها شغلة غلط
غيري ممكن يشوفها أبشع جريمة
والقصة قصة سؤال ديني . مو سؤال قانوني . وبرجع بقول أن جوابوعام ومبهم

[Abu ToNi]

وفسر الماء بالماء ...

أرجاع أقرا كلامو . هو قال وجب قتله قضاء . ماقال كل شخص يقتل على حسب تفسيرو
رح سهلك ياها
لو كانت المتصلة عم تسألو شو حكم قاتل النفس مثلا . كان جاوبها قتلو
أكيد لما بدو يقول قتلو . مابيكون عم يقول أنو كل شخص يروح يقتل . بيكون كلامو ضمن قوانين الشريعة يلي هية مطبقة بالسعودية . ومو مطبقة عنا مثلا

اول تلوينة " قاتل النفس "
شو حكم قاتل النفس ؟! وشو اله علاقة هاد السؤال بهداك الجواب ؟!
اذا قالت له شو حكم قاتل النفس ... وجاوبها .. قتلو .. كان صار سفاح ومجرم وارهابي .. اكتر ما هوي هلق ارهابي " كون الارهابي بنظري هوي الانسان اللي بيقتل بناء على اسباب غير انسانية او عير منطقية متل ما اني روح فجر مبني .. هيك اجا على بالي .. او اني كفر قنوات تلفزيونية واسمح بقتل ملاكها .. وجهان لعملة واحدة بنظري "
فاعول صوغيّر /
على فكرة ... جملة " قاتل النفس " مش واضحة اكتر من "القنوات العربية "

تاني تلوينة :
بشرفك انت قاري المقال شي .؟!
خيو اول سطرو بتشوفه :

أفتى رئيس مجلس القضاء الأعلى في السعودية الشيخ صالح اللحيدان بجواز قتل ملاّك القنوات الفضائية

بحاجة لشرح ؟!
ما بعتقد .

فكرة عنا او عندن انا ما عبناقش فكرة رجل دين مسلم بيدعو للقتل ..
انا عبحكيك على انسان مش فاهم شو معنى الانسانية .. مش فاهم شو معنى الحياة ... مش عنده القدرة يستوعب شو معناتها انسان يملك حق الحياة ... طالما معتبر من صلاحيته يفتي بجواز سفك دماء العالم ام لا فهاد اقرب ما يمكن للسفاح وانا شخصيا مع فكرة محاكمة امثال هال شكيلات لأن من الخطا يبقى هيك عالم مع هيك افكار بين الشعب خصوصا انه بيمتلك وزن كبير كونه رئيس مجلس القضاء .. فممكن بكلمة متل هي يزعزع لي البلد كله ويقلب الدنيا فوقاني تحتاني .. خصوصا انه بين ايدي نموذج من المواطن بينظر لكافة الاشخاص اللي بمثلوا الدين على انهم رمز من رموز الدين ... وبالتالي فتاويهم لا تقل قيمة بالنسبة لهاد المواطن عن الدين نفسه .. فـ .. مصيبة بالمشرمحي ..

حبيب البورنو ماعم يضر من جهة نظرك . من وجهة نظري بعتقد من أي جهة نظر طبيعية هو غلط .
لأنو أكيد ماحدا جابرني وفيني الغي المحة أو غيرها . بس الفكرة أنو ممكن كون مسؤول عن تنشئة عائلة . وأبعاد هي القنوات الوسخة حيكون هدف أخلاقي قبل مايكون ديني ( مع أن مافي ولا دين حسب أعتقادي بيلاقي البرنو شغلة عادية )
بالغرب يلي على طول منتشدق فيه وبأفعالو . في حزم معينة ببرامج التلفزيون حسب الوقت وحسب البرنامج لمين موجه . بتحذف منو كل المشاهد الجنسية . أو يلي ممكن تشجع على هالشي . فليش لحنا منضل نعوم كلشي تحت بندحرية التعبير

والله العظيم
واعيد واكرر
والله العظيم " من هول المصيبة ومن هول الواقع وليس امانا ...بشكل بديهي يعني "
يا اخي انا فتحت تمي وقلت لك البورنو شي مقدس او شي مشجع ؟!
ولا انت اللي لزقت لي صفة " الفن " بالبورنو كطليشة للفن العاري ومشيت بهاد الطريق ؟!
خيو البورنو وسخ ، حقارة ، انحطاط اخلاقي وفكري ، وشكل من اشكال الاسائة لقدسية العلاقة الانسانية اللي بتجكع بين الرجل والامرأة
والله العظيم وبرجع بقول لك والله العظيم ما حدا قال او بده يقول غير هيك
بس بشرف .. فهمني .. شو جاب البورنو لهون ؟! ليش هلق عمنحكي على البورنو نحن ؟!
ولك حتى لو معتبر انه سيادة المفتي قاصد البورنو العربي مع برجع بذكرك مافي بورنو عربي
بس ولنفرض انه كان قاصد البورنو العربي " ان وجد " ما من حقه ينهي حياة الانسان اللي بيشتغل بهاد المجال ..
ما بدي قدم لك محاضرة حول الحريات الشخصية ... (( قلت لك فايز قزق وبسام كوسا كتير اثروا فيني شخصيا يعني ))
يعني فهمنا قصة الحرية الشخصية مفهوم نسبي وحدوده مبهمة المعالم كون التصرف اللي انا عبأديه تحت باب الحرية ممكن يأذي غيري بشكل او بآخر او ممكن يكون مش شي صحي اجتماعيا وبالتالي بتم ادراجه تحت باب الفساد وبصير ممارسة النشاط السابق تحت اسم الحرية اقرب منه للضرر منه لحرية التعبير لهيك قلت لك .. مافي امل بالنقاش ... وبالأصل ما هون محل النقاش بهي القصص

بس حرية الحياة
والله العظيم للمرة الرابعة في تاريخي بكتب حلفان بنفس المشاركة
في شي اسمه " حق للحياة "
يا اخي من حقي اعيش
من حقه يعيش
ليش مصرّين تشرعنوا الافكار اللي بتمنع من هاد الحق ما بعرف !!!
يا اخي لا سيادة المفتي المدري شو سما رب اسمه .. ولا دين من الاديان حتى ... ولك حتى لا احد الآلهة اللي مرت على تاريخ البشرية بحق لها تسترجي تقرب على هاد الحق ..

حق الحياة شي مقدس اكتر من قدسية الآلهة نفسها يا سيدي ... واذا كانت الآلهة بتقول غير هيك فطز بهيك آلهة .

الحياة حق من حقوق الانسان اللي بديهيا بحق له يتمتع فيه لا بل الاديان بتطلع خارج هاد الاطار وبتقدس الحق هاد وبتقول احول هي النقطة ما حدا بحق له يتحكم بحق الحياة حتى الانسان نفسه ما بحق له يتحكم بحياته ونتحر.. هاد من وجهة نظر دينية .. فكيف بدك انت اللي ما معروف قرعة ابوك منين " الحديث إلى سيادة العفاس السعودي " انك تحلل لنفسك وتتجرأ تقرب على حق غيرك بالحياة .

بشر لازمهم يتعلموا الفابيت الحياة والانسانية

أنت شايف أنها بتكون شغلة طبيعية
أنا بشوفها شغلة غلط
غيري ممكن يشوفها أبشع جريمة
والقصة قصة سؤال ديني . مو سؤال قانوني . وبرجع بقول أن جوابوعام ومبهم

فينك غير مرة تجاوبني لنوا على سؤال واحد بس ... مشان ما اشعر بالكآبة واحس اني عبغني بالطاحون .. متل العادة يعني ...

[lostman1]

ظهر الشيخ على التلفزيون السعودي و صحح الفتوى - فقط لقنوات السحر والشعوذة - شكلو آكل قلم مرتب و بهدلة من ولاة الامر ..

[المحارب العتيق]

كاتب النص الأصلي : Abu ToNi

فينك غير مرة تجاوبني لنوا على سؤال واحد بس ... مشان ما اشعر بالكآبة واحس اني عبغني بالطاحون .. متل العادة يعني ...

أي عفوا . أنا كنت عم جاوب سوا ربينا أنا بغير موضوع ومالي دريان

بكل الأحوال شي طبيعي تحس أنك عم تغني بالطاحون . لانو كل كلامي ما أستوعبتو . وعم تقلي جاوبني . وكأني كنت عم غني عتابا

بئلك حكموا القتل عبر القضاء ومابيصير كل واحد يحكم بالقتل لحالو . بترد بتهرب منها . وبتعطيني دروس بل أنسانية

بئلك أنو كلامو لحالات معينة . بتعملو لحام وبدو يقتل الناس يمين ويسار

سيدي الحق عليي وعليه . من الأخير يعني

[المحارب العتيق]

كاتب النص الأصلي : lostman1

ظهر الشيخ على التلفزيون السعودي و صحح الفتوى - فقط لقنوات السحر والشعوذة - شكلو آكل قلم مرتب و بهدلة من ولاة الامر ..

صحح

شو صحح ؟

هو وضح كلامو الأول . يلي كل واحد أخدو وفسروا على كيفو

فيك تعطيني شي بكلامو التاني بيناقد الأول

[Abu ToNi]

كاتب النص الأصلي : المحارب العتيق

أي عفوا . أنا كنت عم جاوب سوا ربينا أنا بغير موضوع ومالي دريان

بكل الأحوال شي طبيعي تحس أنك عم تغني بالطاحون . لانو كل كلامي ما أستوعبتو . وعم تقلي جاوبني . وكأني كنت عم غني عتابا

بئلك حكموا القتل عبر القضاء ومابيصير كل واحد يحكم بالقتل لحالو . بترد بتهرب منها . وبتعطيني دروس بل أنسانية

بئلك أنو كلامو لحالات معينة . بتعملو لحام وبدو يقتل الناس يمين ويسار

سيدي الحق عليي وعليه . من الأخير يعني

ما بحب اعلقك على شي ما اله طعمة .. بعتقد اي واحد بيفهم شوي لغة عربية وبيرجع بيقرا الردود بيفهم شو اللي صاير ... وسعدو عوجا ...

كاتب النص الأصلي : المحارب العتيق

صحح

شو صحح ؟

هو وضح كلامو الأول . يلي كل واحد أخدو وفسروا على كيفو

فيك تعطيني شي بكلامو التاني بيناقد الأول

كل واحد ؟! ما انت هوي الشخص الوحيد اللي " خلق " فكرة " بورنو على القنوات العربية " والشخص الوحيد اللي فسر الحكي على كيفو ... والشخص الوحيد المستغرب من هال تصرفات بنفس الوقت

حكوا لي مافي امل .. بس ما كنت متوقع لهي الدرجة والوضع مذري ...

[ASH]

اكتر من السعوديه شاطرين بالعلاك مافي الحمد لله ، ليش ما طلعو فتوى تجيز قتل من أتمن على الحرم المكي و قام سرقو متل ال سعود مثلا ؟؟؟؟!

[المحارب العتيق]

كاتب النص الأصلي : Abu ToNi

ما بحب اعلقك على شي ما اله طعمة .. بعتقد اي واحد بيفهم شوي لغة عربية وبيرجع بيقرا الردود بيفهم شو اللي صاير ... وسعدو عوجا ...


كل واحد ؟! ما انت هوي الشخص الوحيد اللي " خلق " فكرة " بورنو على القنوات العربية " والشخص الوحيد اللي فسر الحكي على كيفو ... والشخص الوحيد المستغرب من هال تصرفات بنفس الوقت

حكوا لي مافي امل .. بس ما كنت متوقع لهي الدرجة والوضع مذري ...

ياسيدي عنجد مافي أمل

أول شي فكرة بورنو أجت من فكرة أفساد الأخلاق يلي مكتوبة بالفتى إذا قريتها قبل ماتناقش , يلي لونتلك ياها بالأحمر

تاني شي لمعلوماتك . قريت معلومة من فترة . مابذكر بأي موقع . عم تحكي عن قنوات البورنو الفضائية . وعن عشرات العرب من أصحاب القنوات . ويلي بذكرو أنو بيحتل المركز الأول بجنسياتهم المصريين

تالت شي تفسير كلامو . إذا بترجع بتقرا النقاش يلي صار هون بغير أماكن حول الموضوع ( بس شوي . بمنطق . وبعيد عن كرهك للأسلام ) . بتلاقي أنو نذكر كتير أسماء قنوات شي فسرها سياسي . وجاب سيرة العربية والجزيرة والمنار . وشي فسرها ترفيهي وجاب سيرة الأرتي وروتانا وغيرهم . وهكذا

بس يظهر عوجا ( بس تبعي من بقعة ضوء )

[MadMax]

كاتب النص الأصلي : lostman1

ظهر الشيخ على التلفزيون السعودي و صحح الفتوى - فقط لقنوات السحر والشعوذة - شكلو آكل قلم مرتب و بهدلة من ولاة الامر ..

طلع هالشيخ مو بس أهبل
أهبل و جبان كمان

[satoman]

يعني مسلسل الفتاوي من السعودية ماحلو يخلص 0000000000000000 ملينا

[Abu ToNi]

أول شي فكرة بورنو أجت من فكرة أفساد الأخلاق يلي مكتوبة بالفتى إذا قريتها قبل ماتناقش , يلي لونتلك ياها بالأحمر

مش اجت .. انت جبتها .. لا تخربط القصص .. متل العادة ... بالأخير طلع مع صاحبنا قصده ب " افساد الاخلاق " السحر والشعوذة .. برجع بقول لك .. مافي بورنو بكل فحوة الفتوة فاجتهاداتك الشخصية ما تعتبرها مسلمات وتبني عليها ابنية ومجمعات سكنية ..

تاني شي لمعلوماتك . قريت معلومة من فترة . مابذكر بأي موقع . عم تحكي عن قنوات البورنو الفضائية . وعن عشرات العرب من أصحاب القنوات . ويلي بذكرو أنو بيحتل المركز الأول بجنسياتهم المصريين

وجيت معك
الزلمة قاصد قنوات البورنو العربية " مع انه طلع قصده (( السحر والشعوذة )) بس على امل اني اطلع معك بنتيجة بدي اجي على (( افتراضك )) بانه قاصد البورنو
وبرجع على افتراضك السابق بسألك نفس السؤال اللي هي رابع او خامس مرة بحط لك ياه .. خربطتني بالعد من كتر ما صار سألتك وكل مرة بتتهرب من شباك جديد ...

هل يوجد اطار شرعي بيسمح لانسان يقرر الحفاظ على حياة انسان ما او هدرها ؟!
هل من حق انسان على وجه الكرة الأرضية ان يعلوا منبر ما ويصرّح بجواز قتل انسان ما على الكرة الارضية ؟!
يا زلمة بن لادن اللي برقبته مدري كام الف قتيل ما حُلل قتله .. هي وزلمة ارهابي بكافة المقاييس غربية كانت ام عربية وباجماع كافت المذاهب الدينية
فاذا كان زلمة بيمتلك قناة .. هاد سبب منطقي انه يُحلل قتله ؟! لك حتى لو كان بورنوا لك حتى لو كان مخرج فذ في عالم السكس هاد بيسمح لي امنح نفسي الشرعية بالقضاء على حياته ؟!؟!!؟!؟!؟!؟!؟!؟!؟!؟[/

بتحب رقم لك الأسئلة ؟!؟!

كان بدي اسألك على انك معتبر حالك داخل بنقاش ؟! بس خايف ما انك اتجاوب على هاد السؤال وترجع متل العادة تنسى بقية الاسئلة اللي يفترض منها تكون هية الموضوع وردك عبارة عن رد على افكار الموضوع ...



[quote

=المحارب العتيق;1113244]


تالت شي تفسير كلامو . إذا بترجع بتقرا النقاش يلي صار هون بغير أماكن حول الموضوع ( بس شوي . بمنطق . وبعيد عن كرهك للأسلام ) . بتلاقي أنو نذكر كتير أسماء قنوات شي فسرها سياسي . وجاب سيرة العربية والجزيرة والمنار . وشي فسرها ترفيهي وجاب سيرة الأرتي وروتانا وغيرهم . وهكذا

بس يظهر عوجا ( بس تبعي من بقعة ضوء ) [/quote]متل العادة
اي محاولة لمناقشة فكرة من واحد جربوع" مع عدم احتراماتي كونه (( انسان )) ما بيعرف ابسط قواعد الانسانية وابسط المفاهيم واللي هوي حق الحياة وقدسيته "
بتتحول لعداء إلى الاسلام وبتتحول لمحاربة الأديان ومعاداة السامية .. نقصت جملة اني عميل انبطاحي اسرائيلي يا زلمة مانك حفظان الدرس منيح .. هلق برمضان عبيعملوا دورات باسعار مرخصة لحق حالك وسجل باقرب مركز سيرتيل .

ملاحظة : طالما ما جاي على بالك تعذب حالك وترد على ولا فكرة بتتعلق بالموضع .. بنصحك بقسم المسابقات ... بينفع بهيك حالات ...

[ASH]

يعني ولله امركم غريب لسعتكم عم تناقشو هل فتوى اي علي الحلال الشيخ ذات نفسو ما ناقش هل فتوى بهل طريقه لووول

بعدين ليكو تراجع عنها الشيخ الجميل ، و بالنهايه انتو شو هاممكم من هل موضوع

الشيخ طلع انبطاحي زئبقي مالو حل و اكل هرا بالمعلئه يعني و عدلها

فضوها سيره

[المحارب العتيق]

كاتب النص الأصلي : Abu ToNi

مش اجت .. انت جبتها .. لا تخربط القصص .. متل العادة ... بالأخير طلع مع صاحبنا قصده ب " افساد الاخلاق " السحر والشعوذة ..


بس ملاحظة صغيرة . بما أنو صرت مابعرف أنو قاري بشو عم نتناقش ولا لأ

السحر والشعوذة أجت على باب أفساد العقائد بكلامو . مو على كلمة أفساد الأخلاق

وبالنسبة لسؤالك جيب حدا يقرا النقاش ويجاوبك . لأنو بعتقد جاوبتك أكتر من مرة

بالنسبة لقصة سيرتل أنا من جماعة أن تي أن . مالي بحاجة احفظ درسي لأنو ديني بين وواضح

هو بيني وبينك كان لازم تجي الفتوى تبعو باطنية مشان ماتعمل قصص

تحياتي لنقاشك العالي المستوى . ويلي كلو منطق ومن ضمن الموضوع

الزلمة و ضح كلامو . ومارح يغير شي كل هالنقاش . في موضوع تاني عن توضيح كلامو . فيك تروح تسبو هنيك

[Abu ToNi]

بس بقول لك بالأخير كان عندي امل اني ادخل معك بنقاش .. بس للأسف ما طلعنا بولا فكرة

صار لي يومين عبلعي قلبي معك وحضرتك مش راضي ترد ولا على فكرة .. بتترك لي رد كامل وبتلحق لي سطر واحد لا اكتر ولا اقل ...

صار لازم ينكتب شروط خاصة للدخول لمنبر الأخوية ... اولها القدرة على القراءة ... وبعدين منشوف ترتيبة بقية الشروط ...

قصة الموضوع هاد خلصت .. وانت ما رديت على ولا فكرة ..
بزمناتي تعودت اني انسخ حكيي والصقه مرتين بالاخوية مشان العالم على تاني مرة تقراه
بس انه احط الرد نفسه 4 مرات وما تفكر انك تقراه ؟!


كتبنا لك الفكرة بالهاموش ما قريتها
كتبناها ب 10 ردود ما قريتها

خيو اكبر لك الخط ولونه حتى يبين معك ؟!
برجع بسالك نفس السؤال اللي هوي بنفس الفكرة

هل بحق لانسان ينهي حياة انسان آخر ؟! وخصوصا اذا ما كان الانسان الآخر مجرم بشي ؟!
وبرجع لفرضيتك اللي فرضتها وغرفت فيها
حتى لو كان بورنو تحت نطاق اي شرعية وباي منطق انساني كان او غير انساني بحق لي انهي حياة شخص .. شو ما كانت الشروط تكون .. بالنهاية حياة الشخص هل هية من حقي التلاعب فيها ام لا

واذا كنت شايف اني عبعادي الاسلام كوني عبعارض فكرة قتل العالم .. على راحتك .. كيف ما بدك تشوف .. مع اني متاكد انه حيعلق معك 100 واحد على انه هاد الحكي خارج الاسلام بالأصل كونه بعارض تعاليمه .. وما بتعرف يمكن العالم تهدر دمك وتحلل قتلك كونك اعتبرت الحكي السابق يخص الاسلام .

بالأخير ردودي واضحة .. واي شخص قادر ويتمتع بقدرة القراءة بيقدر يقدر الشي اللي صار بالموضوع هون ... او غيره .. و .. دمتم بالعافية .