|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
13/07/2008
|
#146 | ||||||
|
عضو
-- مستشــــــــــار --
|
بالعربي فلان ( بعد صمت طويل وطويل جدا ..) : بالعربي ...علتان ( متأملا بكاسة الشاي اللي بايده ): شو بالعربي ؟ فلان : برنامج تلفزيوني ... علتان : أني منهم ... فلان : بالعربي ... علتان : لك اي فهمت .. بس أي واحد منهم .. ؟! فلان : هيك اسمه .. بالعربي .. علتان : ما عرفته .. فلان : لك هاد اللي بساوا فيه مقابلات مع شخصيات مهمة علتان : ها... اي اي اي .. عرفته . فلان : مُغرق بالصراحة .. اكتر برنامج صريح بالمحطات العربية قاطبةً .. علتان : اي يمكن لأنك ما بتشوف غيره .. في برامج صريحه متله فلان : شق .. ما في علتان : إلا لا في .. بعدين حسب الشخص اللي مستضيفينه .. شو عرفتك انه عبيحكي بصراحة .. شو عرفك اذا ما كان عبفنّس علينا على كيفه فلان : انا ما عمّا احكي عن اجوبة الناس اللي عبيعملوا معهم مقابلات .. مو هون الصراحة بالبرنامج علتان : لكن وين .. ؟! باسئلة المذيعة .. فلان : شق السؤال سؤال .. ما فيه صراحة وغير صراحة .. علتان : لكن وين الصراحة ؟! فلان : الصراحة بعد البرنامج .. علتان : والله كانك عبتحكي الغاز ولا انا غلطان !! فلان : لا مافي الغاز انا عما احكي واقع .. علتان : يا اخي .. شي بتقول لي البرنامج صريح .. شي بتقول لي الصراحة بعد البرنامج .. بعد البرنامج شلون صراحة ؟! فلان (مجيبا ): بعد ما يخلص البرنامج بيطلع لك واحد ..بدج لك ياها دج بين عيونك وما حدا منتبه علتان : شو هية ؟ فلان : بقول لك ياها هيك بلهجة خطابية .. بالعربي .. علتان : وين الصراحة فيها ؟! فلان : مو فيها .. بعد المنها علتان : وشو بعد المنها ؟! فلان : بعد ما يقول بالعربي .. بقول برعاية .. فورد ( ضحكة مكتومة ) علتان : لك اي عادي .. لك اي كل برنامج واله راعي فلان : مزبوط ما عمقول لك لا .. بس مو فورد ... علتان : يعني شو فرقت معك اذا كان فورد ولا غيره فلان : كتيير ... لأن بين كل الرعيان .. فورد بالتحديد ها .. مستحيل يرعى بالعربي .. علتان : ها .. اي فلان : ان شاء الله بدهم يتضحكوا علينا ..قال بالعربي ( ضحكه محششة ) .. مصخرة ما رح تزبط معك 
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
05/09/2008
|
#147 | ||||||
|
عضو
-- مستشــــــــــار --
|
خيو وصلنا لمفترق الطرق
يا اما بترضوا بالفيديويات والنصوص كاملين مكملين باستثناء العناويين يا اما خلونا نروح على بيتنا ونرتاح من القصة ونختم المسلسل من اللحظة هي بس بما انه الجماهير الواسعة بالوطن العربي بتعشق هاد المسلسل فما بعتقد بدنا نوقف على قصة العنوان فبعد محادثات ومناوشات مافيا لا صفنات ولا فيا استنتاجات ولا فيا قرارات ولا فيا ارتقاء ولا فيا تفضيل ولا في قرون استشعار عن بعد ولا فيا جلسات تحضير ارواح حتى قررت انه بدي كمل الفيديويات والحلقات بدون عنوان واللي ما عجبه ليكه اكبر حيط موجود بالاخوية ينطح راسه فيه ويرد لي خبر شو اللي بصير معه فلان وعلتان يشربان المتة علتان : ها .. ها لك صحيح .. امبارحة وعدتني تجي وما اجيت فلان ( متعجبا ): انا وعدتك ما !! علتان : اي نعم وعدتني ..وضليتني ملطوع انتظرك كذا ساعة فلان : وما اجيت !! علتان : وما اجيت فلان : اي لا تواخذني مشان الله علتان : نسيت !!؟!!؟ فلان : لا شو نسيت ... قال نسيت قال ...بس بتقدر تقول اني انشغلت شوي يعني علتان ( متعجبا ): ها !! انت انشغلت !!!! ... بشو بالله ؟! فلان ( هامسا ): كنت عما صفّق علتان ( مستفسرا ):عمّا تصفّق !!! ها .. يعني من التصفيق  فلان : اي ... من التصفيق علتان : وشو المناسبة اللي كنت عما تصفق فيا فلان : مافي ولا مناسبة .. هيك كنت عما صفّق لحالي علتان : ها !! .. وشو الله جابرك فلان : ما بعرف .. بس .. يعني حسيت انه صار لي زمااااان ما صفّق بقى خفت اني افقد لياقتي شوي علتان ( ضاحكا ): ههه !! وشو المشكلة لا تواخذوني يا جماعة طالع بالنص فاصل اعلاني ونسيت شيله على المونتاج زرعوا بدقني هي المرة هوي يعني الفاصل مش طويل شغلة 20 ثانية وبتحسوه كمان من وحي الجو يعني شي حشيش بحشيش كله ماشي على بعض اعلام ودول وشغلات يعني شي حشيش المهم منرجع للمسلسل فلان ( مستهجنا الحديث الفائت " اللي قبل الفاصل يعني " ): قال شو المشكلة قال ... علتان : تسؤ .. يعني اذا .. اذا مافي شي يضطرك تصفق .. اي ما مشكلة فلان : هلق مو مشكلة بس اذا ردّت رجعت موضة التصفيق انا شو بعمل بحالي .. اي لا انت ولا غيرك رح يصفق عني علتان : يعني من هاي الناحية معك حق ... ما حدا بصفق عن حدا .. بس يعني انا قصدي كأنو شغلة التصفيق هي بطلت .. بعدين اتطلع الناس اللي حوليك هون وهنيك .. اي ما حدا عنده رغبة ولا عنده استعداد يصفق فلان : انت هلق هيك بتقول ..بس عند الحذة واللذة .. كله بده يصفق يا حبيب علتان : اي ما بظن فلان : بتراهن علتان : اي براهن .. بس شلون بدك تعرف فلان : قال كيف بدي اعرف قال الكمالة بعيفها مفاجئة .. نزلوا الفيديو بتعرفوا كيف عرف ومين ربح الرهن
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
05/09/2008
|
#148 | ||||||
|
عضو
-- مستشــــــــــار --
|
علتان : تسؤ ... هلق بدي اسألك سؤال . فلان : اممم علتان : مين اكتر .. نحن ولا هنن ؟! فلان : حسب .. شو قصدك بنحن .. علتان : بشكل عام .. فلان : وهنن ؟! علتان : كمان بشكل عام فلان : والله اذا بشكل عام .. نحن اكتر منهم بكتير .. علتان : طيب ليش دائما هنن بيربحونا ؟! فلان : ايوا .. يا سيدي هنن بيربحونا لأنون عبطبقوا علينا خطة علتان : وشو هالخطة دخلك فلان : خطة فرّق تَسد علتان : ايوا ... طيب وليش نحن ما منطبق معن شي خطة ؟! فلان : عمنطبق مين اللي قالك انه ما عمنطبق ؟! علتان : انو خطه ?! فلان : نفس الخطة علتان : هي تبع .. فرّق تَسد ؟! فلان : بحذافيرا علتان : اي وليش هنن عميربحونا !؟ فلان : لأنو نحن عمنطبق معهن نفس الخطة علتان : ما فهمت عليك !! فلان : لك قلت لك !! ..عمنطبّق معهن نفس الخطة علتان : لك امبلا امبلا .. هي فهمتا فلان : هي بالذات ما فهمتا علتان : لأ فهمتا .. عمنطبّق معن نفس الخطة .. بس ليش هنن دائما بيربحونا !!! فلان : لك لأنو عمنطبّق معهن نفس الخطة .. يعني معهن مو عليهن .. فهام علتان : ايوا ..ايوا .. هلق فهمت عليك .. بتفرق ... بتفرق فلان :بتفرق لكن ما بتفرق .. علتان : العمى العمى .. فلان : منيح اللي فهمت عليّ علتان : معن .. مو علين فلان ( محدثا نفسه ): شغلة واضحة متل الشمس بده 3 ساعات ليفهما علتان : العمى العمى .. ما رح تزبط معك
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
05/09/2008
|
#149 | ||||||
|
عضو
-- مستشــــــــــار --
|
... عودة حميدة ..
متابع .. للرمق الاخير
,, Abu Mustafa ,,
الخيار لك...والرغبة منك...والحل بيدك...لنكون كلنا معا في سبيل مستقبل أخوية... .. عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له .. .. احتجاج دماغي . |
||||||
|
|
|
05/09/2008
|
#150 | |||||||
|
عضو
-- مستشــــــــــار --
|
اقتباس:
انت بدنا نسميك عوعو تو لان عوعو ون هوي ابو زوزيف فانت عوعو تو " عبحن لبرنامج الموزات بالبيجامات ... بركدا بنزل لكم ياه هوي التاني اهداء إلى عوعو ون وعوعو تو  " |
|||||||
|
|
|
06/09/2008
|
#151 | |||||||
|
عضو
-- مستشــــــــــار --
|
اقتباس:
بس ليقرا علاء1 هالرد
*** لنصير مزبلة و بدون تاريخ ***
"محمد الماغوط " حطم سيفك , تناول فأسك , و اتبعني و ازرع السلام و المحبة في كبد الأرض "رسالة الرب بعل إلى شعبه السوري " عالوعد يا كمون أخوية ... أبو وليام على طول الدرب |
|||||||
|
|
|
06/09/2008
|
#153 | ||||||
|
عضو
-- مستشــــــــــار --
|
فلان ( يطالع الجريدة ويقلب بصفحاتها )
علتان ( نائما ) فلان ( بيتحركش بعلتان وبقول له ): هلق بتعرف كيف تشكل البحر الأحمر ؟! علتان : متل كل البحور .. فلان : تسؤ ... غلط علتان : هات نورني لشوف فلان : بدك جواب عربي ولا دولي ؟! علتان ( متنهدا ) : دولي فلان : يا عيني عليك .. معلّم .. يا سيدي الجواب الدولي بقول .. انه من قديم الزمان .. من زمان كتير يعني .. كانت الارض شقفة وحدة وحولا وحوليها في مي .. علتان : يعني كان في بحر واحد وارض وحدة .. فلان : برافو عليك .. بس يبدوا انه الشغلة ما رسملت مينح .. فبديت تقوم الزلازل والبراكين ..هــيــك ... لحتى تشققت الارض وصارت كل شقفة عبتروح بقرنة .. علتان : يا لطيف !!! فلان : متل ما عما قلّك .. وصارت الشقفة تدفش الشقفة اللي بجنبا بتقول مو طايقتها !! علتان : ها .. من وقتا !! فلان : من وقتها .. علتان : وبعدين شو شو صار ؟! فلان : اللي صار يا سيدي انه بين كل شقفة وشقفة تسرسبت هال مي وبديت تتشكل هالبحار ..شي صار البحر الاطلسي ...وشي البحر الاسود ...وشي البحر الابيض .. علتان ( مضيفا ): وشي البحر الاحمر فلان : لا لا لا هاد البحر الاحمر اله قصة تانية .. هادا صار نتيجة شق انهدامي . علتان : شق انهدامي ؟! فلان : نعم ..شق انهدامي هادا اللي صار من ناح باب المندب هــيــك للقرنة اللي ساوا فيها بعدين قناة السويس ... علتان : ها !! فلان : ابدا !! علتان : حلو .. وشو هوي الجواب العربي ؟! فلان : والله بعتقد .. انه نفس الشي .. علتان : اي يعني مافي فرق .. فلان : لا لا في فرق علتان : شو هوي ؟! فلان : الرؤيا المستقبلية . علتان : بشو ؟! فلان : بما سيؤولي اليه البحر الاحمر مستقبلا ... علتان : كيف ؟! فلان : يا سيدي اكتشفوا انه هال الشق الانهدامي ما هدي قلبه ولا راق باله .. وانه في القريب العاجل ..يعني بعد كام سنة اذا الله ما خيّب املي ...رح يكمل مسيرته المظفرة علتان : لوين ؟! فلان : من القرنة اللي وقف عندا هنيك لنواحي جبال طوروس علتان : يا خفيّ الالطاف نجّنا مما نخاف !! فلان : لك لا خوف ولا شي . طلع المربح معنا .. علتان : مع مين ؟! فلان : مع العرب .. علتان : شلون بقى ؟! فلان : قال هادا الشق الانهدامي المناضل .. رح يبلع من جملة اللي رح يبلعهم ...دولة الكيان الصهيوني علتان : شلون يعني ؟! فلان : لك فهمها عالطاير .. يعني ما عاد في داعي لكل حركات التحرير .. وكل النضال والكفاح المرير .. والتصدي .. علتان : ها .. وقولتك بيمشي الحال ؟! فلان : اوف .. وليش ما بيمشي .. ؟! راح يصير تحرير جيولوجي .. علتان : والله فرحتني .. يا سبحان الله .. الله جاب كيدهن بنحرن. فلان : لكن عمي .. الشغلة مو لعبة .. بقى حاجي لعي قلب وحكي فاضي .. علتان : دخلت ونحنا مارح ناكلا بهال دوكة ؟! فلان : آه ..( متفاجقا ) والله ما بعرف بسأل لك .. علتان : اي دخيلك .. بدنا نرسى على بر قبل ما اتطوش الشغلة ونتبهدل . قال تحرير جيولوجي قال .. فلان : انا كل ظني انه يعني الشغلة ..
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
مارح تزبط معك |
||||||
|
|
|
06/09/2008
|
#154 | ||||||
|
عضو
-- مستشــــــــــار --
|
فلان ( يتصفح الجريدة )
علتان ( مستفسرا ):دخلك بدي اسئلك .. فلان ( يتابع تصفحه بدون اهتمام بعلتان ): سآل .. علتان : ممكن تقول لي شو يعني حقوق المواطن وواجباته !!؟! فلان : بدك ياني اشرحلك ياها يعني ؟!؟! علتان : اذا تكرّمت .. فلان ( يرمي الجريدة على الطاولة ) : يا سيدي اولا ... من واجبات المواطن احترام القانون علتان ( محدثا نفسه ):ايه .. اي ضروري ... ضروري المواطن يحترم القانون .. ( محدثا فلان ) بس هيك !! فلان : لك لا .. استنى عليّ شوي .. ومن واجبات المواطن .. انه يحترم قرارات الحكومة وينفذها كمان .. علتان : اي .. اي ضروري .. ضروري .. لأن الحكومة بتعرض شو لازم يصير وشو لازم ما يصير .. فلان : وكمان من واجبات المواطن .. الحفاظ على نظافة مدينته علتان : اي .. اي ضروري .. لأنو النظافة حضارة .. ولا تنسى .. مشان السياحة فلان ( يتلفّت حوله ويشير إلى علتان للاقتراب للهمس في اذنه ) : ومن واجباته ايضا .. يخبّر الاجهزة المختصّة .. عن كل المسيئين والمشاغبين والفوضويين والارهابيين والنقاقين والعلاكين .. علتان : طبيعي .. لكن شلون بدها تكشفون ؟! ..يعني تعيّن لكل مواطن مُخبر ؟! فلان ( يعود إلى وضعيته الطبيعية في الجلوس ): ومن واجبات المواطن ان ينجب اولاد نجباء .. لكي تكبر هذه الأمّة باولادها .. علتان : اي طبعا ضروري .. ضروري نسبق اعدائنا بعدد السكان لحتى نتغلب عليهم .. فلان : ومن واجب المواطن .. مشاركة الدولة .. بكل افراحها .. واتراحها .. علتان : لك اي طبيعي .. يعني اذا نحن ما وقفنا بجانب حكوماتنا بمحبة في افراحها واتراحها مين بده يوقف ؟! فلان : وكمان في شغلة مهمة كتير .. علتان ( باهتمام ): شو هية ؟! فلان : وانه يشتغل اكتر من استطاعته .. من دون شكوى او تذمّر .. علتان : يا اخي الشكوى لغير الله مذلّة .. بعدين في احلى من الشغل ؟! .. فلان : ومن اهم واجبات المواطن .. انه ما يعمل هيكي .. اضرابات وشوشرة ويعارض الحكومة على الطالعة والنازلة ويشاغب عليها علتان : اي معلوم .. الحكومة بدها هدوء لحتى تعرف تشتغل بدون وجع راس .. فلان : هي على كل حال .. هيك موجز سريع .. على عُجالة لبعض واجبات المواطن .. لأن القائمة تطول جدا .. فهمتا !؟!؟ علتان : اي فهمتا .. الله يعطيك العافية .. كمّل .. فلان ( متعجبا ) : شو بدّي كمّل ؟!!؟ علتان :يعني انت شرحتلي شو واجبات المواطن .. بس ما بدك تشرح لي شو معناتا حقوق المواطن ؟! فلان : شو ؟! غقوق المواطن ؟! علتان : اي حقوق المواطن .. شبنا ؟! فلان : بفكر فيا .. والله انا ماني سمعان بهي شو .. غقوق ؟! علتان : ح ..ح.. حقوق .. فلان : حقوق !! علتان : المواطن .. فلان : بسألك .. بشوف شي مرجع .. اهل العلم .. اهل الحكمة .. اهل المعرفة .. حقوق !!
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
06/09/2008
|
#155 | ||||||
|
عضو
-- مستشــــــــــار --
|
علتان واضعا ضماضا على عينه
فلان ( يطمئن على علتان ): شبك ..؟!شوفي ..؟! هاي .. ارجيني .. افففف .. وين خابط وجّك ؟! علتان : مو خابطة .. آكل بوكس على عيني فلان : ها .. ومع مين متخانق ؟! علتان : انا ومحمود .. فلان : مشان شو ؟! علتان : شغلة .. هيك .. فلان : شغلة شو ؟! علتان : مشانك .. فلان ( متعجبا ): مشاني انا !! علتان : اي .. فلان : ليش انا شو دخلني بالموضوع ؟! علتان : خلص خيو .. مرّقا .. فلان : لا مارح مرقا .. بدي اعرف علتان : بصراحة .. حكى عليك .. فلان ( منصدما ): حكى عليّ !! علتان : اي ... فلان : شو حكى !! علتان : تسؤ .. خلص خيّو .. مضت .. راحت فلان ( بعصبية ):لأ ما مضت وما راحت .. بدي اعرف هلق شو حكى عليّ علتان : حكى عليك كلام ما بيسوى .. يعني .. بصراحة خايق قولك تقوم ترتكب جريمة .. فلان : اخي مارح ارتكب جريمة .. بس قول لي شو حكى عليّ علتان : لك اخي كنا قاعدين بالقهوة .. مدري مين جاب سيرتك .. هيك بالصدفة .. بس .. خلص بلاها عنجد عنجد بلاها فلان : لك خلصني بقى احكي .. شو قال عنّي محمود ؟! علتان : اي ما خلّى عليك ستر مغطا اتهمك انّك .. شريف .. وشجاع .. وآدمي .. بس انا ما سكتت له .. قلت له خسئت .. وفشرت بنص عينك الرجال .. جبان ..وحرامي .. وازعر وقليل ادب .. فلان : اي انت اللي بدك قواص .. مو محمود .. علتان : ليش ؟! .. لأني دافعت عنّك !! فلان : شلون دافعت عنّي ؟! كيف عما تقول اني حرامي ؟! .. شو سرقت لحتى عم تقول اني حرامي !؟! علتان : اعوذ بالله .. عم قول عنك حرامي لاني بعرف انك ما سرقت .. فلان : والله ما فهمت عليك !! يعني كيف ما سرقت .. وحرامي !! علتان : طبعا ماراح تفهم .. لأنك ما عبتابع شو اللي عبصير بالعالم .. فلان : ليش شو عما يصير !؟ علتان : اي تغيّرت المصطلحات بالعالم .. فلان : مصطلحات شو !؟ علتان : كل المصطلحات .. الاحتلال صار تحرير .. والمقاومة صارت ارهاب .. كلّه قلب بالعكس .. هلق هلق .. اذا بدك تسب واحد بتقول له .. يا آدمي .. واذا بدك تمدحه بتقول له .. يا حقير فلان : العمى انا شو متخلّف .. ما عما تابع تطورات الامور بنوب .. علتان : تسؤ تسؤ .. لازم اتابع .. مشان ما تغلط مع العالم .. فلان : آخ ..اخي .. بخصوص محمود .. الحقيقة انا بشكرك على سفالتك معي .. علتان : ولو .. هادا واجبنا يا تافه .. فلان ( يهمّ بالخروج ) : يا الله بالأذن ... علتان : وين ؟! فلان : بدي روح لعند هاد الزلمة ..وفرجيه قيمته .. لكن انا .. يقول عني شريف !! هال آدمي انت الآدمي !! ...هال اخلاقي .. هال فهيم هال مربى هال مؤدب .. انا !!
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
08/09/2008
|
#156 | ||||||
|
عضو
-- مستشــــــــــار --
|
علتان ( نائم وهو متمسك بحقيبة بنية الون )
فلان ( يوقظ علتان ويساله ): شبك متعربط بالشنطة كل الوقت ...؟! شو فيها .. ؟! علتان : فيها كل ما املك في هذه الحياة ... ثروتي !! فلان ( متعجبا ): اوف !! ليش انت عندك ثروة ؟! ( مستهزءا ) على علمي بحياتك ما شبعت الخبز .. علتان : اي .. مزبوط مو شبعان خبز .. ( بحزم ) بس شبعان علم .. فلان ( باستهزاء ): هلق الشنتاية تبعك معباية علم يعني ... علتان : شهادات .. من وانا وصغير حطيت قدام عيوني ما خلي شهادة الا وآخدا ( يفتح الحقيبة ويستكمل كلامه بحزم ) وحصّلتن .. ( يخرج علتان ورقة من الحقيبة ويقدمها إلى فلان ) هي شهادة الابتدائي .. ابي كان بده يطالعني من المدرسة...بدون ما آخدا .. مشان ساعده بالشغل .. ( يخرج ورقة اخرى من الحقيبة ) وهاي شهادة الاعدادي ... فلان ( يتفحص الورقة مهمهما ) علتان : امّي كان بدها اتطالعني من المدرسة من غير ما آخدا .. مشان ساعد ابي بالشغل .. بس أبي ما قبل .. فلان : وليش امّك غيرت موقفا .. يعني صارت ضد العلم !! علتان : تسؤ تسؤ تسؤ تسؤ .. لا لا لا لا ... ابي تعبت صحته .. وامي شفقت عليه .. ( يخرج ورقة جديدة من الحقيبة ) وهاي شهادة البكلوريا .. امي وابي كان بدهم يطالعوني من المدرسة قبل ما آخدا .. بس اخدتا .. فلان : اتفقوا عليك ما !!! علتان : تسوء تسوء تسوء تسوء .... ما اتفقوا .. ما كان معن نكلة يصرفوا عليّ ... ( ورقة جديدة من الحقيبة ) وهاي الليسانس فلان : هي ما حاد وقف ضدك فيها ؟!! علتان : لا لا لا لا .. اصلا ما كان في حدا يوقف ضدي .. ابي وامي ماتوا .. فلان ( يتفحص الاوراق التي بين يديه ): الله يرحمهم علتان ( يخرج ورقة جديدة قائلا ): يرحم امواتك .. وهاي الماجيستير .. الحياة كلها كانت ضدي .. ودرست واخدتا .. فلان : اوف !! الحياة كانت ضدك شلون بقى ؟! علتان : اي لما درست واخدتا ما كان معي آكل .. وتحت عمود الكهربا كنت ادرس .. فلان : ايوا .. علتان ( يخرج ورقة فريدة من نوعها ): وهاي الدوكتورا ... ( بفخر )عملت المستحيل لحتى اخدتا .. عشرين مرض وقفوا بوجي .. بس تحديت وصبرت .. واخيرا ظفرت... فلان ( ملقيا بمجموعة الشهادات التي بين يديه على الطاولة ) : خلصوا ... علتان : شو لسّى بدك !؟!؟ .. اي ما ضل شهادة الا اخدتا .. فلان : تسؤ .. لسا في شهادة لازم تاخدا .. مشان تحقق هدفك .. علتان :تسؤ تسؤ تسؤ تسؤ .. دخيلك ... مليت .. ما عاد عندي جلد لا للقراية ولا للامتحانات .. فلان : هي لا بدا قراية .. ولا امتحانات .. بتاخدها اوتوماتيك .. علتان :اوف .. اي وشو هي الشهادة اللي بتتاخد اوتوماتيك ؟! فلان : شهادة فقر الحال .. انت بس رحت لعند المختار وشاف شهاداتك المتلتلة .. دغري بيعطيك ياها ..( مستطردا ) صعي في شهادة .. هي بتاخدا من دون قراية ومن دون تعب .. بعدين مو انت بتطالعا .. يعني ولادك بطالعوا لك ياها .. علتان :شو هي الشهادة ؟! فلان : شهادة الوفات ... هههه علتان ( يلملم اوراقه بانزعاج ) ما رح تزبط معك
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
08/09/2008
|
#157 | ||||||
|
عضو
-- مستشــــــــــار --
|
علتان ( يقدم الشاي إلى فلان ): شو ؟!! ... طمّنا .. عرف الدكتور من اينهي النفخة اللي معك .. ؟!
فلان : عرف .. بس بعد ما عمل لي جلطة الله لا يوفقه .. علتان : خير !! فلان ( متنهدا ): آخ ...قلي بلا بالتحاليل لا تجي .. بده ياني اعمل تحاليل .. علتان : اي عادي .. بدون التحاليل بكون الوضع اصعب .. فلان : لا مو عادي .. انت بتعرف قديش بتكلّف التحاليل .. ؟! علتان : اي معك حق .. من هالناحية معك حق .. فلان : لأ وبالتحاليل ما طلع معه شي !! ... ما اقتنع .. قال بدك تروح تعمل ايكو .. علتان : ايه ... الايكو بساعد الدكتور .. بشخّص احسن .. فلان : بساعد الدكتور .. بس بيخرب لك بيتك .. انت بتعرف قديش بكلّف الايكو .. ؟! علتان : مزبوط .. شغلة مكلفة .. بس المهم شو طلع بالايكو .. ؟! فلان : تسؤ .. ما طلع شي .. ومو انه اقتنع .. لا .. قال لازم تروح تعمل تنظير .. علتان : والله التنظير بهد الحيل .. بكلف قد الايكو والتحاليل سوا .. فلان : يلعن ابو المصاري .. بس يوجعك بطنك .. ما بتعود بتسأل على المصاري بنوب .. بيعملوا لك بطنك استديو .. بفوتوا هالكاميرا لجوا هيييييك .. وبتصير بتشوف كل شي على الشاشة .. بث مباشر يعني علتان : اي بس يعني شو طلع معن بالتنظير .. ؟! فلان : ما طلع شي ... لك مصريني انا من جوا متل الحرير ( شارحا ) هيك .. خوش انا بعرف شو اللي بيتاكل وشو اللي ما بيتاكل .. ماني بهيمة لحتى لوش كل شي بشوفه قدامي .. علتان : طيب .. وهالمرة لوين بعتك ؟! فلان : ما صفي محل يبعتني .. وين يعني بده يبعتني .. علمريخ !! .. علتان : يعني ما عرف هلفنخة .. من شو !؟! فلان : تسؤ .. لا .. حطني تحت المراقبة اربعو عشرين ساعة لحتى عرف .. علتان : ومن شو ؟! فلان : طلع من نشرة الاخبار ... علتان : اوف !! هههه .. معقول !! فلان : اي معقول .. علتان : اي انا ما بفوت ولا نشرة اخبار وحدة .. ليش ما صار معي نفخة متل حكايتك ؟!؟! فلان : انت لأنك بتتفرج على نشرة الاخبار .. وانت فاتح تمّك ..انا لما بتفرج على نشرة الاخبار بكون مسكر تمي كتير .. علتان : اي واذا فاتح تمّي !! فلان : قال واذا !! لك الشغلة بتفرق كتير .. علتان : ها طيب .. وهي شلون بتتعالج !؟! فلان : بسيطة كتير .. قال يا سيدي من اول ما بتبدا نشرة الاخبار .. هـــيــــك .. لحتى تخلص النشرة الجوية .. وانت بتضلّك فاتح تمّك وعما تقول .. اوووووووووووووووووووووووف .... هيك .. ما بضل معك نفخة بالمرة .. جرّبا علتان : لك اوووف فلان : ايوا .. علتان : اوووووووووووف ... بخاف تجيني الدوخة !! فلان : اي بس بتروح النفخة ... .. جربا .. من جوات قلبك علتان : يا الله .. اوووووووووووف ... اووووووووووووف ما رح تزبط معك ...
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
08/09/2008
|
#158 | ||||||
|
عضو
-- مستشــــــــــار --
|
شبيبة خلصنا المسلسل وبيقدر كل واحد يلم فرشته ويفرقنا بريحة طيبة
ومشان ما تقولوا تقليعة نظامية هي شارة الختام " فيديو "
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
وللطماعين اللي بحبوا يلوشوا كل شي بالأرض اخضر كان او يابس واللي عبدوروا على الشارة بلا الفيديو هي كرمال حضرتكم تعبت حالي وحولت الفيديو ل MP3 مشان ما حدا يقرق لي سماي ويصرعني صرع تضربوا بين الشعب ... ما بتستحوا ...
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
مارح تزبط معك .. مافي حدا يسمعك ... لا يصح الا الا الصحيح ... هيك بقول المتل ... خلي عندك امل ... يمكن مافي امل ... |
||||||
|
|
|
08/09/2008
|
#159 | |||||||
|
عضو
-- قبضاي --
|
اقتباس:
عملت مجلد خص نص منشان هل المسلسل ع الكمبيوتر.. مية وردة  |
|||||||
|
|
|
08/09/2008
|
#160 | |||||||
|
عضو
-- مستشــــــــــار --
|
اقتباس:
انا كل اللي عملته اني كملت شغلهم الناقص يضربوا بهال شكل فعلا عرب .. ما بيعرفوا يعملوا شغلة ويخلصوها على الآخر  |
|||||||
|
|
|
08/09/2008
|
#162 | |||||||
|
مشرف متقاعد
|
اقتباس:
ابوووووووووس سعدو ابووووووووووووس سعدو طلع اسمنا   عشت اخوي عشت تسلم تسلم بعض مما عندكم 
انا بحبك وانتي بتحبيني وفخار يطبش بعضو
بحموشك انا بحموشك |
|||||||
|
|
