|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
14/08/2009
|
#145 | ||||||||||
|
عضو
-- زعيـــــــم --
|
اقتباس:
اقتباس:
معناه انو الحياه لا تستقيم بوجود الغنى فقط ؟ تخيل انو كل الناس فى هاد العالم أغنياء . لا وجود لفقير واحد يلا تخيل أخى أرجوك .. تخيل بعدين المشاكل لى راح تصير ... هل يرضى الغنى العمل كبناء . كشرطي . فى المناجم . كمنظف شوارع .....الخ ماذا يحدث اذن ؟ ادعوك لتفكر .. اقتباس:
الانسان هو السبب لما يخالف اوامر الشريعه الاسلاميه . الانسان هو السبب عندما لا يزكى من أمواله ..عندما يكنز ثروته و يحرمها الفقراء و المساكين و قد سبق و ذكرت هذا فى رد من ردودى السابقه اقتباس:
النوم فى الشوارع له اسبابه العديده منها كون الانسان بلا اب و ام .. يعنى لقيط و الشريعه الاسلاميه تحرم الزنا و تعاقب كل من زنى بالجلد و قد يكون السبب فى قسوه زوجه الاب و سوء معاملتها لأربابها و الله تعالى فى ديننا يعذب من يسيء معامله الحيوانات فما بالك بالاساءه للبشر و تتعدد الاسباب و الاسلام دائما يعطيك الحلول
كتب رولاند رايس عن الموسيقى الأندلسية قائلا: (... لا أحد سمع وأحس لغة مماثلة كما هي في الغناء الأندلسي, ولا أحد شعر بنشوة أكثر عمقًا منها ...)
|
||||||||||
|
|
14/08/2009
|
#146 | ||||||||
|
مشرف
|
اقتباس:
الغنى شيئ و الفقر شيئ ... و الطبقة المسحوقة شي تاني ممكن الشخص يكون طبقة متوسطة و يشتغل شرطي .. ممكن شخص ما يحب الدراسة يشتغل عامل و هي العالم المتحضر هيك بس بعالمنا العربي ... الناس تنام بالشوارع من الفقر المدقع ... و من الاستغلال باسم الوطن و اسم الدين ... و استغلال اصحاب الاموال للفقراء و لذلك لعدم وجود قوانين تحيد الاحتكار و الاقطاع ... الرجاء .. فكري انو انتي كنتي بلا بيت و بلا شغل و لا الدولة ما تهتم فيكي و لا المؤسسات الدينية او الخيرية ما تهتم .. . و يجي واحد يقلك هذه مشيئة الله ان تعيشي بالفقر المدقع ! اقتباس:
و طبعا غير القوانين بكمل البلاد العربية هي اسلامية ... من تقدموا حل ... كونوا واقعيين جدا اما نحد تكوين الثروات من بطون الفقراء .. او نسكت على الاقل ... [/quote] النوم فى الشوارع له اسبابه العديده منها كون الانسان بلا اب و ام .. يعنى لقيط [/quote] هذا تغيير للموضوع ... و خارج نطاق البحث .. اعطيني مثال واقعي عملي على انه الحل بالزكاة ... بلا نظريات و مثاليات
أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران
اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟ لن نبق اسرى الماضي ... |
||||||||
|
|
|
14/08/2009
|
#147 | |||||||
|
مشرف متقاعد
|
تكبير الخط هو تعبير عن العجز الفكري والضعف بالنقاش
اقتباس:
شو هالعمر اللي مش باقي شي لولا الوقت الولا خلى شي خلالي طريقي و رح أمشيه
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||
|
|
|
14/08/2009
|
#148 | ||||||||||
|
مشرف
|
اقتباس:
لا مو هون القصد ... اذا اعطيتي الفقير يومية كم درهم تكفيه لسنوديشتين فلافل او دراهم اكثر تكفيه لسندويش همبركر ما رح نصل لنتيجة و ما ممكن توصلي الفقير الى الحياة المقبولة بينما من يتم استثمار الاموال بشكل واسع و خلق وظائف جديدة ... الحال تختلف الموارد موجودة و لكن تحويلها الى حنطة ... شي يحتاج الى دقة و الى اقتصاد منفتح و دراسة اقتباس:
اقتباس:
العالم يحتاج الى فكر اقتصادي حقيقي يضمن للكل الحق بالحياة الكريمة مو مبادئ تقر بالطبقية الشاسعة على انها من الله ! اقتباس:
ثانيا بدل من ان تحزني من التطاول ... احزني على الطفل الذي يموت من البرد و الجوع و المرض ... و من التشرد ليش دائما العرب يغنوا خارج السرب ماذا لو كان هذا الطفل المميت من الجوع ... اقاربك .. و رأيتي ابوه في حالة مزرية و يقول كلام غير مفهوم .. ستعذري الاب لانه حزين ! |
||||||||||
|
|
|
14/08/2009
|
#149 | ||||||||||||
|
عضو
-- زعيـــــــم --
|
اقتباس:
الشرطى طبقه متوسطه لكن لو هذا الشرطى وجد فى عالم فيه اغنياء فقط- يعنى لا وجود لمصطلح اسمه الفقر- لاشتغل رجل اعمال و ليس شرطى نفس الشى بالنسبه للعامل لى ما يحب الدراسه اقتباس:
اقتباس:
المتمثل فى الزكاه bref النظام المالى الاسلامى يحرم الربا .برأيك لماذا لم تتأثر البنوك الاسلاميه بالأزمه العالميه اقتباس:
قلنا انو الدوله الاسلاميه الحقه هى التى تطبق كل صغيره و كبيره فى الشريعه الاسلاميه نعم و السعوديه ايضا من شاكله هذه الدول لكنهم جميعا لا يطبقون الشريعه فى جميع ميادينها الاسلام ليس فقط عباده و فتاوى و هيئه نهى عن المعروف كما هو الحال فى السعوديه الاسلام أكبر من هذا بكتير و كما قال الرسول صلى الله عليه و سلم " الاسلام المعاملة" اقتباس:
سبحان الله انت خرجت عن الموضوع اولا و جبت سيره التشرد اقتباس:
زمان فى عهد الرسول صلى الله عليه و سلم و بعد وفاته أيضا آخر تعديل الأندلسية يوم 14/08/2009 في 17:33. |
||||||||||||
|
|
|
14/08/2009
|
#150 | ||||||||||
|
عضو
-- زعيـــــــم --
|
اقتباس:
اقتباس:
يلا ناقشي معنا خلينا نشوف مستواك الفكرى العالى اقتباس:
علاش سبق و ذكرت انى راح نغادر الاخويه ؟ عباره "نفس الشى بالنسبه لى " يا ذكيه يا فاهمه كانت ردا للعباره هادى اقتباس:
|
||||||||||
|
|
|
14/08/2009
|
#151 | ||||||
|
عضو
-- قبضاي --
 |
يعني اللي منفهمو أو الفقر موجود لحتى يلتقى حدا يخدم الأغنياء ويشتغل بالإشيا اللي ما بيحبو يشتغلوها، يعني هاد اللي رفع الدعوى غلطان لأنو هو الله خالقو ليتمرمط عن سابق قصد وتصميم لحتى غيرو ما يضطر يشتغل هالشغل اللي هو بيشتغلو؟
إبحث أنت عن المعرفة فالمعرفة لا تبحث عن أحد
Whether humanity will consciously follow the law of love, I do not know. But that need not disturb me. The law will work just as the law of gravitation works, whether we accept it or not Ghandi |
||||||
|
|
|
14/08/2009
|
#152 | ||||||
|
عضو
-- مستشــــــــــار --
|
عندما تلبس الحكومات اردية الآلهة ويبقى الترميز الحصن
لابد من رفع دعوة قضائية على الله اى على الدولة الرأسمالية الإحتكارية
شُذَّ، شُذَّ بكل قواك عن القاعدة
لا تضع نجمتين على لفظة واحدة وضع الهامشيّ إلى جانب الجوهريّ لتكتمل النشوة الصاعدة |
||||||
|
|
|
14/08/2009
|
#153 | ||||||
|
عضو
-- قبضاي --
|
علاش سبق و ذكرت انى راح نغادر الاخويه
صدقيني لن تغادري خاليه الوفاض!
يا الهي كتير صعبه................... هونها..............
|
||||||
|
|
|
15/08/2009
|
#155 | ||||||||
|
عضو
-- مستشــــــــــار --
|
اقتباس:
اقتباس:
أهم نقطة من النقط المشتركة أنني لا أنكر وجود خالق بالمطلق.. سميه خالق سميه الله سميه المؤسس فالتسمه ماشئت لكننا متفقين على وجوده بالأساس لكن الخلاف بالتفاصيل الأخرى النقاط الغير مشتركة والتي من غير المفيد الخوض فيها مثالاً الفقرة المقتبسة أعلاه.. شوف أخي أنا قصة نمرود مابتعنيلي شي.. مابتعنيلي مع كامل احترامي لحقك بتصديقها واعتبارها مثالاً وقاعدةً واي شيئ تريده... انا مابنكر حدوثها ولا أؤكده لكنها لا تعني لي شيئاً.. فمشان هيك صعب نتناقش بشي أو تضرب لي مثل بشي انت مآمن فيه وأنا مابآمن فيه.. يعني لقلك كيف على فرض انت عايش بالهملايا وانا عايش بالإكوادور وعندكون فصيلة من الحيوانات اسمها "البقبيق"  انا بعمري مو شايفها ولاسمعان فيها ومانها ضمن ثقافتي وما دروسني شي عنها بالجامعة أو بالمدرسة وما لمست إلها أي وجود بحياتي..فمنجي عم نتناقش انا وياك حول تأثيرات أشعة الشمس على جلد الكائنات بشكل عام بتقلي انت انو أشعة الشمس بتزيد من انتاج أجسام الكائنات لفايتمين XZ وبتخلي الجلد يتحول إلى اللون الأزرق.. بجي بقلك أنا مستحيل هالحكي وتعا نتناقش ضمن الثقافة المشتركة بيناتنا.. بتقلي لاء مو مستحيل والدليل هو حيوان "البقبيق" يلي انت عرضتو للشمس وصار أزرق !!! طيب ياصاحبي اذا انا مو مآمن بوجود "البقبيق" (وهذا لايعني أنه غير موجود) ولا أعرف عنه شيئ كيف بدي آمن انو تحول البقبيق إلى اللون الأزرق لدى تعرضه لأشعة الشمس؟؟!!! خلينا نتناقش ضمن العوامل لمتفق عليها من قبلي وقبلك وهي ماهية الشمس وأشعتها وتركيبة الجلد والتحليل العلمي للأشعة المنبثقة عن الشمس.. وخلي "البقبيق برات القصة " بالإسقاط على حالتنا هون أنا شو دخلني بنمرود؟؟ إنت عم تستشهد بقصة أنا لم أكن موجوداً حين حدوثها ولاتدخل ضمن قناعاتي أو ثقافتي ولا أنكر عليك نهائياً إيمانك بحدوثها.. بس بالنسبة إلي كأنك عم تحكيلي حادثة صارت على أورانوس وبدك ياني أخد العبر منها... طيب كيف إذا هالمثال أنا أساساً مابعرف شي عنو ولاني متأكد من حدوثه؟؟ كيف بدي اسقطو على حالات حالية وقول اي والله اذا مع نمرود هيك صار فعادي هاد صاحب الدعوى يطلع معو هيك؟؟ فبفضل تبقى الأمثلة والنقاش ضمن العوامل المشتركة "مهما قلت" مشان مايصير فينا متل تنين عم يتناقشو واحد عم يحكي صيني والتاني ألماني.. قد يكون أي أحد منهما على صواب أو كليهما لكنهما لن يصلا أبداً إلى نتيجة.. هلأ النقاط الغير المشتركة والمفيد النقاش بها هي مسألة مهمات الخالق وواجباته وصلاحياته "باعتبارنا متفقين على وجوده" ضمن اطار المنطق والعقل البشري لامسلماتك او مسلماتي... يعني هل يحق للعبد كما حال صاحب الدعوى أن يشكوا من انعدام العدل الإلهي "بوجهة نظره" وبالأمثلة التي أوردها؟؟ وهل يتحمل الله مسؤولية كل الكوارث التي تحصل للبشر والبشرية؟؟ وهل هو المسؤول عن توفير العدالة للبشر باعتباره خالقهم "بغض النظر عن الجنة والنار مشان البقبيق  "؟؟طيب وهل الخالق الذي يجب على البشر عبادته والرضوخ المطلق له لايحق لأحد النقاش بأعماله؟؟ وماهو تصورك لأعماله؟؟ كل شيئ من تقديره وترتيبه لحكمة لانعرفها أم لاهو اختص ببعض الأساسيات واحجم عن التدخل بباقي مناحي الحياة؟؟ وسؤال عالهامش باعتبار أسقط بيد نمرود عندما طلب إيه أن يأتي بالشمس من المغرب وتوضحت الصورة أنه ضغيف أمام جبروت الخالق... إذا إنت من الأساس مصر انو كل تفصيل من تفاصيل الحياة والكون صنعها الخالق فما أدراك أنه هو من صنعها على هذا الشكل؟؟ هل شاهدتها بصورة قبل الحالية؟؟ قبل أن يقال لنمرود آتي بها من الغرب... هل جربت أن تقول للله أن يأتي بها من الغرب وأثبت لك أنه يستطيع فحكمت حينها أنه المتحكم بها؟؟ أنا من كورت الأرض وجعلتها كروية على شكلها الحالي "مجرد إدعاء طبعاً" وأنا اليوم أتحدى الله أن يجعلها مربعة الشكل لإثبات من منا الذي كورها... فلماذا ترد إدعائي ولايرد إدعائك بأن الله هو من كورها؟؟ هل السبب أنك تستطيع الوصول إلي "لنمرود مثلاً" ولاتستطيع الوصول إلى الله؟؟ ما أدراك أن مكور الأرض ليست الطبيعة ؟؟ لماذا تعطي لنفسك الحق بنسب أي شيئ لمن تريد كقول "إن أصبت فمن الله وإن أخطئت فمن نفسي والشيطان".. أليس بهذا تناقض؟؟ فاما تحمل الله كل نتائج تصرفاتك واما لاتحمله.. اما هذه الانتقائية فهي من مسلماتك ولذلك قلت لك أن تتركها خارج النقاش.. انتبه انو انا بأخر فقرة ماعم انكر انو في خالق خلق الكون وانما عم وضحلك فكرتي من عدم استخدام المسلمات الشخصية كأدلة إثبات كقصص الديانات وتفاصيلها وماشابه.. أما عن نظرتي للخالق فاذا أردت مني توضيحها فأنا جاهز... " لم اقتبس كل مشاركتك لأوفر في مساحة الرد وحاولت أن أجمل الرد غلى كامل المشاركة فيما سبق  "
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!! كيف سينتصر على غزاة القمر؟؟!! |
||||||||
|
|
|
15/08/2009
|
#156 | |||||||||||
|
عضو
-- مستشــــــــــار --
|
اقتباس:
.. المهم أخي أنا وين قلتلك ناقشني بصحة النص القرآني؟؟ بالعكس اقرا قصة "البقبيق" بتعرف اني عم طالب باحترام تفاصيل القناغات الشخصية كالأديان والمذاهب لكن بالمقابل أطالب بتحييدها كدليل.. بمعنى وقت قلك انو في نص قرآني بيقول "في السماء رزقكم وماتوعدون" بيكون المفهوم واضخ دون الخوض بالتفاسير المتعددة والتبريرات المتناقضة مع بعضها...أما مفهومي لمسلمات الدين أو حتى فيك تعتبرها مسلمات كافة الأديان فمانو بحاجة لشرح وبوعدك إنو مافيه أي كمين.. اقتباس:
بمعنى كيف بتبرر حادث السيارة على انو قضاء وقدر ومابتبرر إنو واحد طلع مجرم نتيجة للظروف يلي الله خلقو فيها حسب قناعتك وقناعتي؟؟ في حدا بيخلق حرامي أو قاتل؟؟ مو الظروف هي يلي بتجدد شخصية الإنسان؟؟ ولعلمك انا كان هو مخلوق هيك بغض النظر عن الظرف أو الظرف هو يلي بيحكم شكل شخصيته بالحالتين لايجوز حسابه بناءً على مفهوم الدين للقضاء والقدر... بالحالتين مابيصير يتحاسب... لانو اذا مخلوق ليطلع مجرم فإذاً ما إلو دور ولاذنب بهالموضوع وإذا الوسط يلي خلق فيه والظرف يلي عاش فيه حكم على شخصيته انها تتكون بهالشكل فكمان ما إلو ذنب.. مثلاً لو الله خلقه بظرف تاني كان ماطلع مجرم وإنما عالم فضاء... من هالحكي بتقدر تعرف مين يلي لازم يتحاسب يوم القيامة.. من هالمنطلق بطالبك تعطيني مفهوم واضح للقضاء والقدر برأيك وحدود تدخل الله... اذا انت بتقول انو الله وقضائه وقدره هو فقط تحديد بداية الحياة ونهايتها اذاً لاحاجة للدعاء لأنه لايتدخل في تفاصيل الحياة.. أما إذا كان رأيك أن القضاء والقدر هو كل تفاصيل الحياة اذاً الدعوى القضائية التي اقامها الشخص صحيحة 100% وحساب البشر على افعالهم هو ظلم مظلق على اعتبار ان الله قدر لهم كل تصرفاتهم ولايستطيعون تغيير قدرهم.. اما عن فكرة العدالة الاجتماعية ، فهي الشي اللي لاقى قبول ومشاعر ايجابية لدي لنقاشه ولكنها ستخرجنا خارج اطار الموضوع الرئيسي ، اكتبلك فكرة ملخصة هلق واذا بدك منكمل عليها هون او بموضوع مستقل ، اقتباس:
اذا لا بالمال متساويين ولابالصحة متساويين ولابالجمال متساويين.. قد استوعب مثلاً ان كل منهم ينقصه شيئ ويوازنه بالآخر أما أن يكون بعضهم يملك كل شيئ مماسبق والآخر لايملك حتى النذر اليسير من أي شيئ فهاذا ما أطالب بتفسيره... انت بتقول انو في عدل إلهي أنا بقلك قارن سكان بيفرلي هيلز بسكان العشوائيات بمصر وقلي وين العدل؟؟ قارن أنجيلينا جولي بأحد الأطفال الذين يخلقون بمرض مميت لأبويين فقيرين وقلي وين العدل؟؟ عطيني مقياس واحد للعدالة بين البشر غير قصة الجنة والنار مشان مانرجع لموضوع "البقبيق"... أنا هون محمد وعلى غير كل حواراتنا عم إسألك من كل قلبي... هل إنت مقتنع بالعدالة الإلهية وإلا بتجيير الموضوع للآخرة والجنة والنار لأقتناعك أن مايحصل في هذا الكوكب هو الظلم بعينه؟؟ هل تلجئ لتمنية النفس بالآخرة لعلمك أنه لايوجد نقطة واحدة يشترك فيها البشر بعدالة على هذه الأرض؟؟ الجمال؟؟ المال؟؟ الصحة؟؟ الأطفال؟؟ الحروب؟؟ الكوارث؟؟ أي عدالة هذه؟؟ بالعكس ألا تلاحظ أن من يملك شيئاً أنه من النادر أن تجد كياناً يتمتع بواحدة منها فقط.. بل لاحظ أنها عندما يتوفر الجمال مثلاً يتوفر معه المال والدلال وماشابه أو قد يكون العكس يعني بأي شكل تشاهد أن الظلم يتسع جداً وحتى هذه العوامل لاتتوزع على مخلوقات الله.. حتى على صعيد الدول.. شاهد الدول الفقيرة والتي فيها مجاعة.. يبتليها الله أيضاَ بالحروب "ساعتبره ابتلاء مجازاً" وانتقل بالنظرة الى الدول الغنية.. وشاهد ديموقراطيتها ورفاهيتها.. لك حتى شعبها حلو يازلمة.. صدق شي غريب.. بتلاقي واحد فقير ومريض وفوق البلا بيخلقو ولاده مرضى ومامعو جق علاجون... جير القصة على الجنة والنار لأنو ماعندك حل تاني  اقتباس:
برجع بسألك هل برأيك كل المؤمنين حول العالم ماعم يعرفو سر الدعاء الصحيح؟؟ وبرجع بضربلك الأمثلة" فلسطين-العراق-الصومال" - "الجوع- الفقر-الكوارث- الزلازل"... لك دولة متل الصومال كل فقرها وجوعها وفوق البلا حروب وفوق البلا جفاف.. وفوق كل هاد أمراض.. طيب كل اهل الصومال عم يدعو.. وين النتيجة؟؟ شفت انو كل عامل مصيبة بيجر عامل تاني وكل عامل جيد بيجر عوامل تانية حتى لو كان عند أمريكا وإسرائيل مثلاً.. اقتباس:
حتى لو جزء من هالمصايب من صنع البشر.. بس وقت يكون في جفاف بالصومال عم يموتو الأطفال بسببه وتقلي انو المطر بإيد الله بقلك هاد ظلم وليس هناك أي طريقة لإلباسه ثوب عدالة من أي نوع أو تبريره بأي طريقة.. حاولت اختصر من المشاركة لتوفير مساحة كمان.. مو متلك مفكر الكتابة ببلاش  |
|||||||||||
|
|
.
انت استاذي |
15/08/2009
|
#157 | ||||||||
|
عضو
-- مستشــــــــــار --
|
احرجتني بكلمتك الاخيرة
ربما يكون اخر رد الي عليك هو هاد (لذلك رح نزلو على دفعات حتى يكون قصير)اقتباس:
انا بكتب بسرعة ومابراجع الرد ، وارد انك تلاقي حرف سبق حرف او حرف مكان حرف او خطأ متل هاد ينتج عن السرعة او عدم التركيز اوعدم التدقيق أو المراجعة. عودة الى احد ردودك الاولى : اقتباس:
رقم واحد- ان الله بيقول اشياء غير حقيقية ، وعد بانو رح يستجيب للداعي وعلى ارض الواقع في داعى دعا ولم يستجب الو (هاد اللي بتسميه بردك تقصير ،تعالى الله عما تقول) . رقم اتنين- البديل ان الله مو مقصر ولكن هالحكي مو على لسانه وما وعد هيك وعد . مافيني ناقش معك رقم 1 على الشكل اللي انت طرحتو ، الله غير مقصر ابدا وويفي بوعوده ، و رقم 2بديل اخر على شكل انت ما طرحتو . انما ممكن ناقش معك تفسير النص القرءاني ، ربما انت فاهم غلط او الزلمة فاهم غلط وهاد اللي ممكن نتناقش حولو ، انما انت تيجي تقول الله ما نفذ وعوده والله مقصر وبدك ياني اناقش معك هيك افكار فهاد اللي رح كررو للمرة التالته واقول الك مارح ناقش فيه ابدا . |
||||||||
|
|
البوكر ثلاثي الورقات|
15/08/2009
|
#158 | |||||||
|
عضو
-- مستشــــــــــار --
|
اقتباس:
مابعرف شو بدي اقول الك غير "حسبي الله ونعم الوكيل " كل رد جديد الك تجيب الي نقاط نقاشية جديدة والانكى انها بعيدة عن الدعوى القضائية والموضوع الرئيسي . هلئ بدك نتناقش بالقضاء والقدر !! ، هالمرة رح ناقشك من باب جبر الخواطر ، لو ما ناقشتك ردي رح يكون فاضي . انا مؤمن بالقضاء والقدر وبنفس الوقت باخد بالاسباب ، حاول توزن الامور بالكفتين ، كفة وحدة ما رح تعطيك توازن فكري ، موضوع حادث السيارة قضاء وقدر ولكن في اسباب وراء الحادث لازم ناخدها بعين الاعتبار ، لذلك ارجعت مسئولية الحادثة الى تلك الاسباب . اما عن المجرم اللي بدك تقول انو صار مجرم قضاء وقدر نتيجة الظروف اللي خلقه الله فيها . شوف يا معلم ، انا عندي قناعة فكرية ان الله مارح يحاسب حدا على شيئ كان مجبر يعملو "قناعة ثابته" كل خطأ بتعملو رغما عنك او وانت مافي خيار تاني قدامك بتكون مجبر ، ومقتنع ان الله مارح يحاسبك . الولد المجرم اذا ما كان عندو خيار غير الاجرام ، فهون هاد رغما عنو وبعتقد مارح يتحاسب ، الشغلة راجعة للخيارات المتاحة ، افرض ان كان عندو خيار يشتغل باي حرفة باجر بسيط ويبتعد عن الاجرام ؟ هون رح يتحاسب ولا تقلي قضاء وقدر ، طول ما عندو خيار يكون شيئ تاني غير انو يكون مجرم فلا تقلي قضاء وقدر ولا شيئ ، يعني نرجع للاسباب وناخدها بعين الاعتبار وبعدين نقول قضاء وقدر وليس العكس على كل حال اعتقد ان يكون الانسان ماعندو خيار ابدا الا انو يكون مجرم فهاد شيئ قليل الحدوث بدرجة بعيدة ، واذا حدث فنحنا اتفقنا انو مارح يتحاسب (كيف رح يتحاسب على شيئ ما ب يدو !!) . القضية الفلسفية الاخيرة حول مفهوم القضاء والقدر وحدود تدخل الله وقضية الدعاء ، هاي قضية فلسفية ضخمة وبدها عدة مواضيع (ولاحظ انها اصلا لا تتضمن بالدعوى القضائية ولكني مستعد لجمع كل افكارك والنقاش فيها بموضوع جديد ) وانا لا زالت على امل انك تيجي تناقشني بالموضوع الرئيسي . هامش : انا عاجبني موضوع القضاء والقدر وفي نظرية براسي حول الموضوع اود اطرحها (بس لانك مشتتني هون بالموضوع الرئيسي مارح احطها هون لان بدي تاخد حقها من النقاش ) بس هي فيها رد على فكرتك اللي عرضتها . |
|||||||
|
|
|
15/08/2009
|
#159 | |||||||
|
عضو
-- مستشــــــــــار --
|
اقتباس:
بيخدعك او بيخدع حاله اللي يقلك ان كل نصيبك او اللي تستحقو رح تاخدو بالدنيا ايا كان دينو او مفهومه حول الاله ورح ارجع لهالنقطة فيما بعد . بتسالني عن العدل الالهي ؟! وكتبتلك في صعوبة علينا كبشر اننا نفهمو ببساطة رح قلك ، افرض ان في اله للكون و نحنا بنحكي عن عدله ، مفهوم العدل الالهي هاد مو متل مفهوم العدل البشري ، الطبيعي ان المفاهيم البشرية رح تكون بمرتبة اقل من مرتبة المفاهيم الالهية لان مافي تساوي بين البشر والالهة بالفكر او القدرات (والا كان البشر الهة ) قلتلك اذا كنا نحن البشر مختلفين حول مفهوم العدل البشري من دولة لدولة ومن حقبة تاريخية لحقبة تاريخية اخرى على نفس الدولة وبين شريعة لشريعة وهكذا ، صعب الادراك ، افهمني . مافيني اجبلك مقياس العدل الالهي ، 100 نقطة صحة و100 نقطة ذكاء و100 نقطة مال و100 نقطة جمال و100 نقطة علم والبشر كلون متساويين نصيبون 400 نقطة من اجمالي ال600 موزعين على هالشغلات (كيف رح جبلك متل هالمقياس !!)ما انا إلا بشر مثلك ، لا افوقك بقدرات اضافية عن قدرات البشر العقلية لحتى اجبلك هالمقياس ، مافيني الا اني اقدملك وجهة نظر مختلفة عن وجهة نظرك او اقدملك فكرة ما خطرت عبالك ) اذا بتقبل هيك انا معك واذا مابتقبل ، بقلك مافي عندي قدرات تفوق قدراتك البشرية ، انا بس بقدم فكرة توزيع الرزق في عدة صور ، منها المال ومنها الابناء ومنها الزوجة ومنها الصحة ومنها العلم وهكذا (اما عن المقياس الالهي للعدل فهاد يفوق قدرات عقلي البشري) ولاحظ اني بطرح الفكرة معتقدا صوابها ولست جازما . انت بتقول البشر لا بالمال متساوين ولا بالصحة ولا بالجمال ولا بالاولاد ولا بالعلم ولا ولا ولا ... أحسنت هاد اللي كنت بحاول اوصلو بفكرتي ، سكان بيفرلي هيلز عندون مال وعلم واذا في حدا بيجيب اطفال بيكون طفل او 2 لكل اسرة سكان العشوائيات عندون صحة وعندون ذكاء واذا حدا عندو اطفال بيكون 4 و5 و 6 وانت طالع واذا سنحت لك الظروف تروح عشة اوبيت واحد من سكان العشوائيات، اخر اليوم رح تلاقيه قاعد يضحك ويتسامر مع مرتو واولادو وقد لا تجد نفس الشيئ ببيفرلي هيلز . كنت حطيت الك جملة بالبداية حان وقت الرجوع الها . بيخدعك او بيخدع حاله اللي يقلك ان كل نصيبك او اللي تستحقو رح تاخدو بالدنيا اي كان دينو او مفهومه حول الاله ورح ارجع لهالنقطة فيما بعد . ما الدنيا الا دار اختبار مهما طال عمرك بالدنيا فهو نقطة ببحر عمرك بالجنة . انت بدك تاخد كل شيئ هون ، وامثالك بيعرفو ان جنتهم في الدنيا وعلى الارض لذلك انا متفهم طبيعة موقفك ، انت بدك نبعد الجنة والنار عن الحديث وبنفس الوقت جاي تناقش عن الله وجايب اية من أحد كتبه ، مافينا نفصّل حالة نقاشية على رغبتنا باستبعاد عوامل والابقاء على اخرى وبالنهاية بدنا نقول هاد نقاش كامل ونتائجه دقيقة صحيحة . لاء مش صحيح ، انا اتفهم نقاش الملحد لما يقلي لو سمحت استبعد الغيبيات انما يجي يقلي لو سمحت استبعد الجنة والنار ويجي يقلي نتناقش بقا ونكمل عن الله !! هي ماصارت من ملحد لانو بالنسبة الو الجنة والنار متل الله ، بس القصد ان يا ابو شريك كلها حلقة واحدة غير قابلة للفصل . انا ما كان بدي ناقش من الاصل لانك لازلت بعيد عن الدعوى القضائية بصراحة انا مستغرب من ردك والنقاط النقاشية اللي بتوردها ، بتحطني بمازق اذا ظليت اتركها وما اناقشك رح الاقي حالي برا الموضوع متفرج . - بتحكيلي عن الكوارث والحروب والمصايب اللي بالارض ، يعني انت مابتعرف اسبابها ؟ الحروب اسبابها طمع البشر وجشعهم وحب السيطرة بتحكيلي عن الكوارث الطبيعية والانسان هو المسئول الاول عنها !! مين اللي لوث الجو والزرع والمياه ؟ اتسبب في مرض ملايين البشربهالتلوث مين اللي رفع وبيرفع درجة حرارة الارض ورح يتسبب بارتفاع منسوب المياه على الكوكب ورح يغرق ملايين البشر ؟ مين اللي اخترع القنبلة النووية ؟ مين القاها على هيروشيما ونجازاكي ؟ مين المسئول عن قتل عشرات الاف من الارمن ؟ ومين المسئول عن قتل المسلمين بالقدس ايام الحملات الصليبية ومين مسئول عن محاكم التفتيش ؟ مين مسئول عن ضحايا برجين التجارة ومين مسئول عن ضحايا غزة ؟ الجواب واحد "الانسان"مش الله الانسان عمل العديد من الاختلالات الكونية ورح يعمل لسى اكتر . في معرض حديثك استوقفتني مقارنة بين الدول الفقيرة والدول الغنية اتغزلت بدموقراطيتها ورفاهيتها والحديث عن الدول الغنية ، بس لعلمك مافي دول نشات غنية ، انما تراكم الثورات نتج عن تعب ومجهود وعمل متواصل ، اوربا الغنية المتعلمة القوية ، من قرون بسيطة كانت فقيرة جاهلة ضعيفة والدول العربية الفقيرة الجاهلة الضعيفة كانت من قرون غنية قوية عالمة ، اليابان دولة فقيرة بالموارد الطبيعية ومع ذلك عملت ب50 سنة نجاح قياسي ، اشتغلو وفكرو وتعبو واجتهدو وبالنهاية حققو اهدافهم ودول شرق اسيا بتعمل شيئ مقارب اما الانسان باميركا الجنوبية وبافريقيا بصفة عامة واقف بدو العالم تيجي تبني الو دولتو وتعملو بني ادم متحضر ، لا كرامة لانسان ينتظر معونة غذائية كيف العالم ناطرة منو يشارك بركب الحضارة والتقدم ، - الدول الفقيرة، اللي انت طلعت كريم معي بالنقاش وقلت تم ابتلائها بالحروب ، نفس الحروب كانت موجودة باميركا بين الهنود والانجلو سكسون وبعدها حروب بين الشمال والجنوب (الغزاة مع بعضهم) وبكل بقعة في العالم ، أخيرا رح قلك ، الحروب من صنع البشر بدول فقيرة او غنيه ،،، حتى الحروب اللي خاضها البشر تحت اسم الله . |
|||||||
|
|
|
15/08/2009
|
#160 | ||||||||
|
عضو
-- مستشــــــــــار --
|
اقتباس:
وانا ليش اترك صاحب الدعوى واجي اناقشك بقضايا الدعاء بخصوص فلسطين والعراق والصومال ؟ وليش اناقشك بخصوص الجوع والفقر والكوارث والزلازل ؟؟ كل شوي تقلي الصومال الصومال وهلئ جايب اميركا واسرائيل !! ليش اناقشك بهالخصوص واترك الدعوى ؟!! اقتباس:
ليش اناقشك بخصوص هالحدا المريض اللي ماعندو مال ولا ولاد ؟ ليش ؟ اصلا ليش نتناقش عن المجاعات ؟ ليش اناقشك عن المصايب ؟ ليش اناقشك عن جفاف الصومال ؟ وليش اناقشك بقضية ان المطر بايد الله وطريقة توزيع المطر ؟ ليش على اساس ما عنا دعوى قضائية نتناقش فيها ؟ انت شايف ان هاد توسع للموضوع ، اوك ، انا شايف ان هالتوسع رح يضر بنقاش الموضوع الاصلي لذلك مارح اتوسع معك ورح اكتفي بنقاش الموضوع الاصلي "الدعوى القضائية " |
||||||||
|
|
