أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > المكتبة > قرأت لك

إضافة موضوع جديد  إضافة رد
 
أدوات الموضوع
قديم 14/11/2009   #19
شب و شيخ الشباب حلبي
عضو
-- مستشــــــــــار --
 
الصورة الرمزية لـ حلبي
حلبي is offline
 
نورنا ب:
Jan 2008
المطرح:
هوووون
مشاركات:
1,985

افتراضي


اقتباس:
كاتب النص الأصلي : MadMax عرض المشاركة
لا مو صح ..
بتقدر تقول أنو بعض المحجبات ... محجبات عن قناعة ..

أخي أنا أعيش في الغرب و من سابع المستحيل أن يكون أكراه من ناحيت الأهل

ممكن في حالة مثل أذا كانو الأهل أغنياء و الفتاة تطمع برضى أهلها من أجل المال
أو فتاة تحب شاب يرغب بأن تكون زوجته محجبة لذا تحجبت من أجل أرضاء حبيبها

و في كتير غيرون مو عن قناعة

هذا ينطبق على الوضع في البلاد العربية
في بعض من اجبار الاهل ..
و في البعض الآخر من اجبار قوانين و أنظمة متخلفة .. متل يللي بصير بالسعودية و بإفغانستان يللي كانو يطبقو الحد على يللي بيحلق دقنو

صحيح و هذه الأنظمة هي أنظمة تخضع لقانون القبيلة و العشيرة أي عادات و تقاليد و قوانينهم مفصلة على الشكل التي ترضى عنه القبيلة و العشيرة بحلة أسلامية

و على سيرة الغرب يللي عم تحكي عنو
في كتير ناس هاجرت عليه .. لتخلص من الانظمة الدينية المقرفة بالدول يللي بيحكمها نظام ديني

عمم يا أخي عمم الناس تركت سوريا و النظام في سوريا ليسى ديني
هناك أسباب كثيرة للهجرة

شو السلبيات ..
أنو النظام ما بيجبر الناس تتحجب ...!!
بالعكس .. من هالناحية أفضل قانون بالعالم هو القانون السوري
أنا أقصد من ناحيت الحجاب الناس و ليسى النظام الناس عندنا متمسكة بالعادات و التقاليد أكثر بكثير من الدين و أذا وجدت الملتزم في الدين تراه ماسك الدين من ذيله

{ إن في خلق السموات والأرض واختلاف الليل والنهار لآيات لأولي الألباب }
  رد مع اقتباس
قديم 14/11/2009   #20
شب و شيخ الشباب I_Love_Syria
عضو
-- زعيـــــــم --
 
الصورة الرمزية لـ I_Love_Syria
I_Love_Syria is offline
 
نورنا ب:
Nov 2008
المطرح:
بالشام قريباً
مشاركات:
1,019

افتراضي


من وقت ما دخلت على هالمنتدى وموضوع الحجاب صار مطروح أكتر من مرّة ودائماً بتتكرر العبارات هي:

اقتباس:
كاتب النص الأصلي : nahla12 عرض المشاركة
الحجاب جاء ليحجب المراة عن المجتمع ليحجب عقلها عن التفكير وطبعا هذا رايي ...
الحجاب هو عادة جاهلية جاءتنا من الصحراء و وطبيعتها التي تفرضه على المراة
وانا اعتبره رمز للعبودية وإلغاء لشخصية وكينونة المرأة التي خلقها الله حرة كالرجل
مابعرف ليش بينربط موضوع الحجاب بالجهل وحجب التفكير, يعني شو المقياس أو الرابط بين الحجاب والتفكير, أو بين الحجاب والعقل عم حاول لاقي رابط بس ما عم لاقي.
هلأ أنا بشوف إنّو في نسبة كبيرة من يلي مو متحجبين جاهلين ومابيفكروا


اقتباس:
انا اجبرت على لبسه لاعن قناعة ولكن بالترهيب ولكن عندما استطعت خلعه رميته لاني لست مقتنعة به ولم اشعر بانسانيتي الا وانا بدونه .....

في حال إنتي أجبرتي على لبسوا فهاد ما بيعني إنو كل البنات مجبرين على لبسوا يعني ما تعممي حالتك أو حالت مية أو ألف أو مليون متلك عالباقي, لإنو في كتير بنات لبسوه عن قناعة وتفكير كتير حتى بعرف منهن مين صار بينو وبين أهلوا مشاكل كرمال الحجاب.

فإنو ارحمونا من التعميم وخصوصي تعميم التجارب الشخصية على مجتمع كامل

أنا الدمَشقي لو جرحت جسدي .... لسال منه عناقيد وتفاح
  رد مع اقتباس
قديم 21/11/2009   #21
صبيّة و ست الصبايا nahla12
عضو
-- أخ لهلوب --
 
الصورة الرمزية لـ nahla12
nahla12 is offline
 
نورنا ب:
Jul 2009
المطرح:
بهالدنيا.......
مشاركات:
332

افتراضي


اقتباس:
كاتب النص الأصلي : I_Love_Syria عرض المشاركة
من وقت ما دخلت على هالمنتدى وموضوع الحجاب صار مطروح أكتر من مرّة ودائماً بتتكرر العبارات هي:



مابعرف ليش بينربط موضوع الحجاب بالجهل وحجب التفكير, يعني شو المقياس أو الرابط بين الحجاب والتفكير, أو بين الحجاب والعقل عم حاول لاقي رابط بس ما عم لاقي.
هلأ أنا بشوف إنّو في نسبة كبيرة من يلي مو متحجبين جاهلين ومابيفكروا




نسبة كبيرة ؟؟؟؟؟ ومومتحبين ...شوو قصدك ماعرفت ؟؟؟

يا رايح صوب بلادي دخلك وصللي السلام...........
  رد مع اقتباس
قديم 21/11/2009   #22
صبيّة و ست الصبايا Huzun
عضو
-- أخ لهلوب --
 
الصورة الرمزية لـ Huzun
Huzun is offline
 
نورنا ب:
May 2009
المطرح:
بـ أخوية
مشاركات:
335

افتراضي


اقتباس:
كاتب النص الأصلي : nahla12 عرض المشاركة
الحجاب برايي يا صديقة انه لادخل له بصون المرأة ولا بعفتها ... الحجاب جاء ليحجب المراة عن المجتمع ليحجب عقلها عن التفكير وطبعا هذا رايي ...
الحجاب هو عادة جاهلية جاءتنا من الصحراء و وطبيعتها التي تفرضه على المراة


اسمحيلي وقف عند هالرأي ,,
خلينا نطلع شوي عالغرب ,, تحديدا الكنايس,, تحديدا الراهبات
لما بتشوفي الراهبة محجبة حجاب كااامل متل المرأة المسلمة وأكتر يمكن برأيك شو أصلو؟؟
الجاهلية والصحرا ؟؟؟؟؟؟


اقتباس:
وانا اعتبره رمز للعبودية وإلغاء لشخصية وكينونة المرأة التي خلقها الله حرة كالرجل فقطعة القماش تلك لا تحمي المراة ولا تحافظ على عفتها ابدا بل تثقيف المراة هو الذي يحميها لا ذلك الحجاب
عندك جديجة بن قنة مثال جدا رائع عن المرأة اللي ماوقفتها قطعة القماش تلك
عن إنها تكون إمرأة مثقفة عاملة إلها دور كبير كتير بالإعلام العربي والعالمي أيضا

و ماهينور اوزدمير أول إمرأة محجبة بالبرلمان البلجيكي
داليا مجاهد مستشارة الرئيس الأمريكي محجبة وغيرهم كتار الله يزيدهم


الحجاب يانهلة مو هو اللي بيلغي شخصية المرأة وكينونتها
المجتمع الذكوري هو اللي للأسف عم يحاول يعمل هالشي ,,
إذا فرضا أنا محجبة و كتير ومرتاحة فيه بس لما لاقي المجتمع اللي حواليي عم يرفض إني روح عالمدرسة أو عالجامعة وإتعلم فيه أو إني إشتغل بأي مهنة لنقول الإعلام أو شركات أو وظائف أو مناصب سياسية وعم يضيق عليي الفرص ,, العيب هون مابيكون من الحجاب ,, العيب من هالناس اللي أفكارها ملتوية وعم تحاول توجه كرهك وضيقك لشي تاني (اللي هو هون الحجاب)


بس الزمن وقوة تحدي المرأة اللي عم بتكون محجبة عم يثبت إنو فيها تكون محجبة و تكون مثقفة و تشتغل بأعلى المراكز وأعلى المناصب وإلها مكانتها بالمجتمع والكل ينظر لإلها بإحترام وتقدير
لأنو قطعة هالقماش مو معقول توقف عائق قدام تفكير وتحرك وإنسانية وعقلانية وقوة المرأة


وطني .. وحياتك وحياة المحبة
شو بني؟؟ عم إكبر وتكبر بقلبي
  رد مع اقتباس
قديم 21/11/2009   #23
صبيّة و ست الصبايا Huzun
عضو
-- أخ لهلوب --
 
الصورة الرمزية لـ Huzun
Huzun is offline
 
نورنا ب:
May 2009
المطرح:
بـ أخوية
مشاركات:
335

افتراضي


اقتباس:
كاتب النص الأصلي : مملكة الورود عرض المشاركة

بس للأسف بنلاقي هالأيام في بنات بيلبسو الحجاب غصبن عنن ومشان يساوو الي بدن اياه بيخترعو فيه اختراعات
متل اظهار الرقبة والأذن مع انو مو هيك صفة الحجاب بالاسلام...


لهيك بيقولو المفروض يلبسو البنات الحجاب من وهني زغار
ليتعودو عليه ومايتضايقو منو
  رد مع اقتباس
قديم 21/11/2009   #24
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


انا كنت حابة احكي عن تجربة عشتها.. انا لما كنت صف سابع اتحجبت تأثرا بمعلمتي اللي لحد الان بشوفها رمز المرأة القوية والمتوازنة.. ورغم انو عائلتي هيي عائلة فينا نقول يسارية الا انو هنن ما عارضو الفكرة.. بعد فترة شلت الحجاب وكمان اهلي ما عارضو.. وبقيت فكر فترة طويلة لحتى اتعلمت كيف احترم الاخرين وكيف انظر لاختلافاتنا كبشر..
ورغم انو الي حاليا رأي معارض للحجاب الا انو بيجرحني كتير كأنسانة قرار منع الحجاب بفرنسا مثلا... وقرار منع رفقاتنا المحجبات من وضع حجابهون أمام الاساتذة لما كنا بالمدرسة .. وبحس حالي مخنوقة كمان لما بذكر حوادث كشف رؤوس المحجبات بدمشق.. بعد احداث الاخوان.. بال 82
انا بعتبر انو الحياة تجربة وكل انسان بيشوف اللي بيناسبو طالما هوي ما عم يزعج الاخرين..

طائر واحد يكفي لكي لا تسقط السماء
فرج بيرقدار
  رد مع اقتباس
قديم 21/11/2009   #25
صبيّة و ست الصبايا nahla12
عضو
-- أخ لهلوب --
 
الصورة الرمزية لـ nahla12
nahla12 is offline
 
نورنا ب:
Jul 2009
المطرح:
بهالدنيا.......
مشاركات:
332

افتراضي


اقتباس:
كاتب النص الأصلي : Nay عرض المشاركة
انا كنت حابة احكي عن تجربة عشتها.. انا لما كنت صف سابع اتحجبت تأثرا بمعلمتي اللي لحد الان بشوفها رمز المرأة القوية والمتوازنة.. ورغم انو عائلتي هيي عائلة فينا نقول يسارية الا انو هنن ما عارضو الفكرة.. بعد فترة شلت الحجاب وكمان اهلي ما عارضو.. وبقيت فكر فترة طويلة لحتى اتعلمت كيف احترم الاخرين وكيف انظر لاختلافاتنا كبشر..
ورغم انو الي حاليا رأي معارض للحجاب الا انو بيجرحني كتير كأنسانة قرار منع الحجاب بفرنسا مثلا... وقرار منع رفقاتنا المحجبات من وضع حجابهون أمام الاساتذة لما كنا بالمدرسة .. وبحس حالي مخنوقة كمان لما بذكر حوادث كشف رؤوس المحجبات بدمشق.. بعد احداث الاخوان.. بال 82
انا بعتبر انو الحياة تجربة وكل انسان بيشوف اللي بيناسبو طالما هوي ما عم يزعج الاخرين..
كتير كتير مشاركتك رائعة ناي وبالنسبة لتجربتك بوضع الحجاب كانت تجربة جيدة الك وخصوصا عائلتك يسارية ولكن لو كانت بالعكس كنت ارتديتي الحجاب من عمر 5 سنوات وعندما تكبرين تجدين صعوبة بخلعه
وانا معك بان حرية اللباس حرية شخصية واللذي حصل بفرنسا وبدمشق كان امر غير معقول
وحتى بالامس حصلت مشكلة في ولاية تكساس من اجل الحجاب فقد تطاولت سيدة امريكية على سيدة محجبة فلسطينية وحاولت ان تخلع لها الحجاب بالقوة وتقول لها ان الضابط الفلسطيني الذي قتل اكثر من 13 شخص انه مسلم وكل المصائب منكم ايها المسلمون
ورفعت السيدة المحجبة دعوى عليها بالمحكمة قبل ايام ومن حقها محاكمتها لانها تعدت على حريتها الشخصية باللباس
وبالنهاية انا لست ضد الحجاب لا.. انا ضد من يفرضه بالقوة وبالتخويف والترهيب لابالاقناع
  رد مع اقتباس
قديم 21/11/2009   #26
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : nahla12 عرض المشاركة
كتير كتير مشاركتك رائعة ناي وبالنسبة لتجربتك بوضع الحجاب كانت تجربة جيدة الك وخصوصا عائلتك يسارية ولكن لو كانت بالعكس كنت ارتديتي الحجاب من عمر 5 سنوات وعندما تكبرين تجدين صعوبة بخلعه
وانا معك بان حرية اللباس حرية شخصية واللذي حصل بفرنسا وبدمشق كان امر غير معقول
وحتى بالامس حصلت مشكلة في ولاية تكساس من اجل الحجاب فقد تطاولت سيدة امريكية على سيدة محجبة فلسطينية وحاولت ان تخلع لها الحجاب بالقوة وتقول لها ان الضابط الفلسطيني الذي قتل اكثر من 13 شخص انه مسلم وكل المصائب منكم ايها المسلمون
ورفعت السيدة المحجبة دعوى عليها بالمحكمة قبل ايام ومن حقها محاكمتها لانها تعدت على حريتها الشخصية باللباس
وبالنهاية انا لست ضد الحجاب لا.. انا ضد من يفرضه بالقوة وبالتخويف والترهيب لابالاقناع
شكرا نهلة..
انا بالمقابل بعرف صديقات مقربات مني .. وبينتمو لعائلة متدينة.. كانو متحجبين من عمر الخمس سنوات.. ولما كبرو درسو بكندا.. واتغيرت قناعاتون.. الخمس صبايا شالو الحجاب.. وهنن بنظر أنفسهون ما زالو مسلمات.. ومسلمات متدينات كمان.. والون اعتباراتهون وقناعاتهون بخصوص الحجاب..
محبتي
  رد مع اقتباس
قديم 22/11/2009   #27
شب و شيخ الشباب قرصان الأدرياتيك
عضو
-- زعيـــــــم --
 
الصورة الرمزية لـ قرصان الأدرياتيك
قرصان الأدرياتيك is offline
 
نورنا ب:
Jan 2008
مشاركات:
1,446

افتراضي


يذكّرني هذا الحوار بكلِّ ما جاءَ فيه بقولٍ الكاتبِ السّوريّ نبيل فيّاض:
"إنّ أغربَ ما في الإسلام، كمنظومة معقّدة للغاية، هو هذه القوة الاستلابيّة التي تجعل المرأة تدافع عن تحقيرها الذاتي".

وإذا كانَ الإسلامُ في نصوصِه الأصليّة والأولى (القرآن) لا يوصي بالحجاب، فما هي الأسباب التي جعلت منه إحدى العقائد "الشكليّة" للمرأة المسلمة؟! ولماذا يكون هذا الدّفاع المُستميت عنه وهو في جذورِه يرى في "شعر" المرأة عورةً كالفرج يجب إخفاؤها؟!

Mors ultima ratio
.
www.tuesillevir.blogspot.com
  رد مع اقتباس
قديم 22/11/2009   #28
صبيّة و ست الصبايا جـدل
عضو
-- قبضاي --
 
الصورة الرمزية لـ جـدل
جـدل is offline
 
نورنا ب:
Jul 2007
المطرح:
هناك حيثُ أنت
مشاركات:
696

افتراضي


شخصياً بشوف الحجاب بالدرجة الأولى هو حجاب الروح
يعني الحجاب هو شي بيرتبط بالروح قبل الشعر والجسم
وإذا بدنا نرجع لسبب الحجاب وهو حسب الإسلام حماية المرأة "لسة ما عم أفهم من شو" ومنع الإغراء وعدم لفت النظر
فالتالي أي شي بخليني غير ملفتة للنظر وغير مغرية بكون حجاب
يعني إذا بلبس حجاب بتعمد فيه "النية" الإغراء فهذا أكيد مو حجاب
وإذا أنا لابسة بقصد "النية" إني بس أطلع ع جامعتي أو ع شغلي فأنا عم طبق تعاليم الإسلام الأصيلة وهي عدم الإغراء ولفت النظر ويمكن وقتها بتوفر الشي اللي اسمه حماية المرأة "بظن من الرجل"
مع العلم أن عدد الاعتداءات الجنسية والتحرشات متقاربة بين المحجبات والغير المحجبات
يعني فكرة الحماية صارت بلا معنى والحجاب ما بيحميني
أنا بس بقدر أحمي حالي
بقوتي وثقتي بنفسي

قلْ هُوَ الحُبُ
كَأَنَّ اللهَ لا يَحْنُوْ عَلى غَيْرِكَ
لا يَسْمَعُ إِلاَّكَ
ولا فِي الكَوْنِ مَجْنُونٌ سِواكْ.
لَكَأَنَّ اللهَ موجُودٌ لِكَيْ يَمْسَحَ حُزْنَ النَاسِ فِي قَلْبِكَ،
يَفّْدِيْكَ بِمَا يَجْعَلُ أَسْرَارَكَ فِي تَاجِ المَلاَكْ.
  رد مع اقتباس
قديم 23/11/2009   #29
شب و شيخ الشباب I_Love_Syria
عضو
-- زعيـــــــم --
 
الصورة الرمزية لـ I_Love_Syria
I_Love_Syria is offline
 
نورنا ب:
Nov 2008
المطرح:
بالشام قريباً
مشاركات:
1,019

افتراضي


اقتباس:
كاتب النص الأصلي : nahla12 عرض المشاركة
نسبة كبيرة ؟؟؟؟؟ ومومتحبين ...شوو قصدك ماعرفت ؟؟؟

قصدي واضح ومابدو شرح
  رد مع اقتباس
قديم 23/11/2009   #30
شب و شيخ الشباب I_Love_Syria
عضو
-- زعيـــــــم --
 
الصورة الرمزية لـ I_Love_Syria
I_Love_Syria is offline
 
نورنا ب:
Nov 2008
المطرح:
بالشام قريباً
مشاركات:
1,019

افتراضي


اقتباس:
كاتب النص الأصلي : قرصان الأدرياتيك عرض المشاركة
يذكّرني هذا الحوار بكلِّ ما جاءَ فيه بقولٍ الكاتبِ السّوريّ نبيل فيّاض:
.
.
.
هالإسم هاد بيكفي لحتى نستشهد فيه وخصوصي إنو شخصية معروفة بموقفها من المسلمين والإسلام

في بعض الأشخاص بهالعالم العربي عندن قدرة غريبة على تحويل ردود الأفعال بطريقة تناسب أهوائهم وتفكيرهم إلي مافي حيادية أصلا وناتج عن كره
  رد مع اقتباس
قديم 23/11/2009   #31
شب و شيخ الشباب I_Love_Syria
عضو
-- زعيـــــــم --
 
الصورة الرمزية لـ I_Love_Syria
I_Love_Syria is offline
 
نورنا ب:
Nov 2008
المطرح:
بالشام قريباً
مشاركات:
1,019

افتراضي




على كل حال كل واحد بيشوف الناس كيف مابدو وبالطريقة إلي بدو ياها والحجاب باقي شاء من شاء وأبى من أبى

  رد مع اقتباس
قديم 23/11/2009   #32
شب و شيخ الشباب قرصان الأدرياتيك
عضو
-- زعيـــــــم --
 
الصورة الرمزية لـ قرصان الأدرياتيك
قرصان الأدرياتيك is offline
 
نورنا ب:
Jan 2008
مشاركات:
1,446

افتراضي


اقتباس:
كاتب النص الأصلي : I_Love_Syria عرض المشاركة
هالإسم هاد بيكفي لحتى نستشهد فيه وخصوصي إنو شخصية معروفة بموقفها من المسلمين والإسلام
في بعض الأشخاص بهالعالم العربي عندن قدرة غريبة على تحويل ردود الأفعال بطريقة تناسب أهوائهم وتفكيرهم إلي مافي حيادية أصلا وناتج عن كره
إذا كان عندك قدرة عالرد عَ الكاتب بأسلوب منطقي (حجّة مقابل حجّة) فالمفروض فيك وفيّي (وفينا) كأعضاء بمنتدى يسمّي نفسه "منتدى حرّ" أنّو نردّ بطريقة عقلانيّة تحليليّة، يعني مناقشة الفكرة، مو الكلام عن أسماء وأشخاص وخلفيّات وعمالة... إلخ! الشّاطر هوّ اللي يبرهن على فكرتو من خلال نصوص (نظري) وسلوك وتطبيقات (عملي)!
وبكلامك أعلاه ما في أيّ ردّ من هالقبيل... مجرّد اتّهام للكاتب "كموقف" وعرض الأفكار بما يناسب "الأهواء"... واتّهام آخر بعدم الحياديّة، برغم أنّو الكاتب نفسه ولا بأيّ كتاب من كتبه أو مقولاته جاب شي من بيت أبوه... كلّو من المصادر والمراجع الأصيلة... وما في حاجة نسمّيا!

اقتباس:
كاتب النص الأصلي : I_Love_Syria عرض المشاركة
على كل حال كل واحد بيشوف الناس كيف مابدو وبالطريقة إلي بدو ياها والحجاب باقي شاء من شاء وأبى من أبى
المسألة مو بقاء الحجاب أو عدم بقائه... لأن هو أساساً مرتبط "بالمرأة المسلمة" يللي للأسف ما كان ألها أي دور فكري أو عقائدي في الإسلام على مدى 1400 سنة... مؤخّراً صار في بوادر خجولة بتعبّر عن هالدور وخاصّة في بلدان المغرب العربي... بالإضافة لمحاولات فرديّة وقليلة في التجمّعات الإسلاميّة في أوروبا والأميركتين!
المسألة هي عرض فكرة "الحجاب" والرّجوع لأصلها وأسبابها وتبيان إذا كانت هالأسباب منطقيّة بما يناسب إنسان (أو امرأة) القرن 21 أو لأ!!!
ونحن هون بنعرض الأفكار ونناقشها لا أكثر ولا أقلّ...
وبرجع بقلّك أنت ما نفيت بأسلوب "نقدي" لما جاء أعلاه... مجرّد ردّ "مشاعريّ" بيعبّر عن تأييدك للحجاب!
.
  رد مع اقتباس
قديم 23/11/2009   #33
شب و شيخ الشباب قرصان الأدرياتيك
عضو
-- زعيـــــــم --
 
الصورة الرمزية لـ قرصان الأدرياتيك
قرصان الأدرياتيك is offline
 
نورنا ب:
Jan 2008
مشاركات:
1,446

افتراضي


بتمنّى من جميع المتحاورين بـ هالمسألة (المؤيّدين والرّافضين) الاطّلاع ولو بشكل سريع على مقالة "حجاب المدينة" للكاتب السوريّ محمّد علي الأتاسي:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



وهي مقالة تتحدّث عن الحجاب انطلاقاً من "المرأة" ودورها السياسيّ والاجتماعيّ (في مصر والشّام) وبدايات السّفور والردّة (العودة إلى الحجاب)...

وسبق للكاتب نفسه أن نشر مقالة وافية عن "الحجاب" في جريدة "النهار" حكي فيها عن الأصول حتّى اليوم...

.
  رد مع اقتباس
قديم 23/11/2009   #34
شب و شيخ الشباب حلبي
عضو
-- مستشــــــــــار --
 
الصورة الرمزية لـ حلبي
حلبي is offline
 
نورنا ب:
Jan 2008
المطرح:
هوووون
مشاركات:
1,985

افتراضي


اقتباس:
كاتب النص الأصلي : قرصان الأدرياتيك عرض المشاركة
بتمنّى من جميع المتحاورين بـ هالمسألة (المؤيّدين والرّافضين) الاطّلاع ولو بشكل سريع على مقالة "حجاب المدينة" للكاتب السوريّ محمّد علي الأتاسي:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



وهي مقالة تتحدّث عن الحجاب انطلاقاً من "المرأة" ودورها السياسيّ والاجتماعيّ (في مصر والشّام) وبدايات السّفور والردّة (العودة إلى الحجاب)...

وسبق للكاتب نفسه أن نشر مقالة وافية عن "الحجاب" في جريدة "النهار" حكي فيها عن الأصول حتّى اليوم...

.
بعد التجول في عدة مواقع تنشر للسيد النابلسي
يلاحظ و بكل بساطة أنها مواقع علمانية و هنا يجب علينا أن نكون صريحين للغاية
يعني هم لا يؤمنون بتطبيق الدين أساساً و لا يؤمنون بالدين لا كماً و لا نوعاً و لا كيفية
و مع ذلك سنناقش بعض الشيئ
السرد الذي طرحه السيد النابلسي في هذا الموضوع عن المائة سنة الماضية كدليل على أن الناس الذين قامو بتحرير البلد من الأستعمار كانو كما وصفهم و الشرح الذي قدمه يمكن أن يراجعه من يهمه أن يتعرف على هؤلاء الناس و أسمائهم و عوائلهم
أخي الكريم
الفترة هذه التي يتحدث عنها ليست دليل
الدليل هو القرأن و السنة و ما أتفق عليه علماء الصحابة و التابعين و تابعي التابعين الى يومنا هذا

و هنا أقتبس مقطع من مقالته و هو دليل صريح على أنه معارض حتى لتعليم القرأن و يلوم الدولة على التغاضي عن هذه المدارس و الجامعات

اقتباس:
لقد خرجت السلطة أكثر قوة من صراعها المدمر في الثمانينات مع "جماعة الإخوان المسلمين". وكان ثمن المواجهة مع العنف الإسلامي المسلح، مصادرة المجتمع بقضه وقضيضه وإلغاء الحريات بالكامل. في المقابل تم السماح لمجموعة من علماء الدين المنحدرة عائلاتهم من الطرق الصوفية، وفي الأخص من الطريقتين النقشبندية والشاذلية، بأن ينشطوا في دمشق ويوسعوا من حلقات المريدين ويقيموا الجمعيات والمعاهد، ويروجوا لفهم معيّن للإسلام، يبتعد ظاهريا عن السياسة ولكنه غاية في الشراسة والتخلف على المستويين الاجتماعي والثقافي.
هناك اليوم في دمشق آلاف الجوامع التي تشرف عليها مباشرة دار الإفتاء. ويوجد إلى جانب كلية الشريعة التي تضم في حدود 9 آلاف طالب من أصل 50 ألفا في جامعة دمشق، العديد من معاهد الأسد لتحفيظ القرآن، هذا بالإضافة إلى مجمع أبو النور التابع لنجل المفتي السابق الشيخ أحمد كفتارو والذي يضم في مبناه الضخم "المعهد الشرعي للدعوة والإرشاد" وأربع كليات دينية مرتبطة بجامعات إسلامية خارجية. وهناك معهد الفتح الإسلامي التابع للشيخ حسام الدين فرفور.
وقفت الدولة موقف غض النظر من هذه المعاهد، فلا هي منعتها ولا هي اعترفت بها، وقد مضت هذه المعاهد مع ذلك في سبيلها وتطورت فتحولت إلى كليات والكليات إلى جامعات، وهي تمنح اليوم درجات التخريج حتى الدكتوراه. هذا في وقت تضن الدولة بالسماح ليس فقط للمنتديات السياسية ولكن لأي نشاط ثقافي أو فكري تنويري خارج عن إشرافها المباشر!
يعني ماذا نستشف من هذا الكلام بالأضافة الى موضيع عديدة له في مواقع أخرى

في شيئ كتير بيعجبني في العلمانيين الغربيين هم يصرحون علناً نحن لسنا دينيين و يقولون أننا كافرون بالأديان يا أخي حتى أن لهم مقابر خاصة بهم لا تمت الى الدين بشيئ

يعني حتى أني منذو قليل شاهدة فيلم يتحدث عن أحد المثليين و هو مصاب بمرض الأيدتز بينما هو على فراش الموت طلب منه صديقه أن يأتي له بقديس لكي يلقنه التوبة قبل الموت فرفض و قال لست نادم على شيئ و لا أؤمن بذلك

أما نبيل فياض و جمال البنا و محمد على النابلسي و غيرهم
ترى التخبط و التناقض في طرحهم يريدون أسلام على كيفهم و حسب أهوائهم
و مرات عديدة شاهدت مناظرات للبنا و غيره من هؤلاء الذين يتبنون نفس الخطاب

تلاحظ بكل وضوح أنهم متناقضون

و بصراحة تشعر من خلال كلامهم أنهم يطبقون المثل القائل

يا قوم ليست منكم .
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 22:55 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.15358 seconds with 14 queries