|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
08/04/2008
|
#1 | ||||||
|
عضو
-- قبضاي --
|
الثقة وقصتها
بسم الله توكلنا على الله نلاحظ كثير من الأوقات أني الثقة بين البنات بتكون ضعيفة إذا قارناها بين الشباب يعني بحكي قصة صغيرة منشان تصل الرسالة . رفيقي وزوجته صار خلاف بينهم وطبعا ما كان أول خلاف بقدر أقول ثالث خلاف وكل خلاف بتشيل حالها مرته من البيت وبتروح بتحرد عند أهلها ( أثناء جيت أختها من الغربة إلى حلب ) ورفيقي بيحب مرته كتير وما بقدر يستغني عنها بتاتا وخاصة أني ببناتهم أيام وحب وعشرة وطفل يعني هو إلي بصالحها كل مرة بأخر مشكلة صارت معهم قالت الزوجة لزوجها : نحنا مستحيل نكمل مع بعض , وشالت حالها وراحت حردت عند أهلها رفيقي ركب رأسه وقال : هالمرأة ما بقيت أروح أجيبها , البيت بيتها أيمتا ما بدها تجي . وطبعا هي متوقعته يجي يصالحا وهالحردة صلها شهرين وبهالشهرين أعز أصدقاء زوجته بديو يدقوله تلفون ويحاولو يرطبو عليه منهم عزابيات حاولوا التودد منه هو بينه وبين نفسه قال : هي طلبت الطلاق وحاولت أبعتلها رسايل مع قرايبنا منشان ترجع وهي ماسكة راسها , ليش أنا ما أتزوج وألبيلا طلبها بالطلاق . وبالفعل راح خطب أعز صديقة لها وقبلو أهلها للبنت .... ونزل طلق مرته طبعا ما كل النساء متل بعض ولا كل الشباب متل بعض . المفاجئة والصدمة الكبرى لدى الزوجة أني ألي خطبها زوجها هي من أعز صديقاتها والمقربين منها وما بعرف إذا قدرت تتحمل الصدمة أو لا ؟ وهون في سؤال بطرح نفسه ليش رفيقتها لهالزوجة باعتها بسهولة واحتلت محلها ونسيت الخبز والملح والعشرة ألي بيناتهم ؟ والسؤال الموجه للجميع هل مصداقية الثقة بين الرجال أقوى , أم بين النساء أقوى ؟ ولماذا ؟ بأنتظار أرائكم
(إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآَخِرَةِ وَاللهُ يَعْلَمُ وَأَنْتُمْ لاَ تَعْلَمُونَ) [النور:19]
|
||||||
|
|
10/04/2008
|
#2 | ||||||
|
شبه عضو
-- اخ حرٍك --
|
بشكل عام الثقة بين الرجال اكتر منها بين النساء لسبب بسيط أنو الغيرة بين النسوان أكتر منها بين الرجال.. طبعا ما عم قول انو ما بيكون في غيرة بين الرجال بس الغيرة بين النسوان أكبر بكتير وهي يلي بتسيطر بأغلب الأحيان على علاقات النسوان مع بعضها.
|
||||||
|
|
![post[field7]](images/gender/undisclosed.gif)
|
10/04/2008
|
#4 | ||||||
|
عضو
-- زعيـــــــم --
|
الرجل طبعا
الرجل إذا حب بحب بصدق وما بخون ولا بكذب بينما المرأة حتى إذا حبت بتكذب وما بتكون صريحة شكرا على الموضوع الحلووووووووو متلك
عيناها بيتي وسريري ....... ووسادة رأسي اضلعها
تمحو كل هموم حياتي...... لو مس جبيني اصبعها ((ضميني يا احلى مرأة لو صمتت قلبي يسمعها)) انا لا احاول ان اكون مقبولاً من الاخرين انا لا ابحث عن الحب انا فقط اريد ان اكوّن ذاتي |
||||||
|
|
|
11/04/2008
|
#7 | |||||||
|
مشرف
|
القصة ما تتعلق برجال و نسوان ..
القصة تعتمد على نسيان الخبز و الملح و كل شي ب 5 دقائق من قبل الطرفين الزوج و الصديقة! الزوج خان زوجته ... و راح تزوج اعز صديقة الها ...... خلي نلوم هذا الرجل راح طلق مرتو و تزوج صديقتها ... اقتباس:
منو الاقرب الى الشخص ..... شريك الحياة لو الصديق ؟؟؟؟؟ فعلا ... بتي آدم ما يتأمنون ابدا
أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران
اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟ لن نبق اسرى الماضي ... |
|||||||
|
|
|
11/04/2008
|
#8 | ||||||
|
عضو
-- مستشــــــــــار --
|
انا برأي انو الئصة صارت جكر بجكر
هي بدها تغيظو طلبت الطلاء وهو بدو يجاكرها راح اختار اعز اصدقائها انو شغلة الثقة شي معتدل مافينا نقول الثقة بين الرجال احسن من بين النسوان يعني اول نقطة مافينا ناخد هي الئصة شي لنرتكز عليه بمسألة الثقة متل ما حكى صديقي suryoyo نقطة التانية الرجال بيحكو انو النسوان مالون امان ونفس الشي هنن بيحكوا عن الرحال انو الرجال مالون امان انا برأي انو مسألة الثقة معتدلة بين الرجل والمرأة ومتل ما بيقول المتل: ((مو كل اصبيعك متل بعضها ))  |
||||||
|
|
|
11/04/2008
|
#9 | ||||||
|
عضو
-- قبضاي --
|
قبل هالمرة عمنقلكم حردت مرتين وقت أختها أجت من الغربة يعني بالتزامن مع جية أختها
وضلت حردانة مرة 3 اسابيع وراح الزلمة جابها وباس أيديها وهو عبيرضيها والحردة التانية ضلت شهر ورجع صار يترجاها لبين ما رجعت وأخر مرة العينتين قال حاجتي أكون ممسحة بترجع على بيتها هو بيتها قبل ما يكون بيتي وأنا ماقلتلها طلعي من البيت هي راحت حردت برضاها والله وكيلكم إذا بتعرفو المشكلة بتضحكو بجد بتضحكو بس سرعة أخذها قرار الحرد أصبح لا أرادي متل الكاسة الماء قبل ما يطلق الزلمة رجع بعت من طرف أهلها وقلهم يا جماعة خليها ترجع والبيت بيتها بس هي مشكلتها بصراحة مع أحترامي للنفس الأنسانية بتكون أوقات جكرة يعني في متل بيقول : ( ألي بيجاكر حالو بالأخير بيخ... بلبيسه ) وهيك صار مع الزوجة والنقطة الأهم هي هي الأهل وقدر أستماعنا لنصائح أهلنا وهي لا بتسمع لنصيحة أم ولا أب ولا خال ولا عم يعني موالها من راسها ولو كانت مأخطئة أما بالنسبة للثقة فأنا بقول أن الثقة بالله سيريو شقد بده الزلمة بده يكسر على أنفه بصلة ويسكت يعني بتريده طول عمره يكون مزلول على حردة وقوم صالحا وحردت وقوم صالحها ... هات وخود يعني برأيك وقت راح وتزوج صديقتها تقريبا بعد شهر ونصف حرد بيكون أرتكب جريمة والا عبينتقم منها ؟؟ وسبب أختياره لصديق زوجته مو جكر متل ما تفضلت بس كل ما هنالك أنو البنت بتحبه وهي الي تقربتله وباعت صديقتها فالزلمة قال ألي بتعرفه أحسن من الي مابتعرفه وبما أنه البنت حببته وقبلانه فيو فوين الجكر بالموضوع ؟ أنا مستعد انسى الخبز والملح على أن لا تدمن زوجتي أحتقاري أو أستفزازي لأنه كل شي بهالدنيا ميزان يعني مشاكل وصلحات نسبة وتناسب مو كلها مصايب |
||||||
|
|
|
12/04/2008
|
#10 | ||||||
|
عضو
-- مستشــــــــــار --
  |
الخيانة خيانة سواء من الرجل او من المراة
انا صار معي نفس الشي بس كانت العلاقة غير رسمية و فعلا توددت اكتر من وحدة من رفقاتها الي بس انا رفضت حسيت اني لح خونها بهي الطريقة حتى لو نحنا بعاد عن بعض بس متل ما قلتلك الخيانة خيانة مايسترو
"We ask the Syrian government to stop banning Akhawia
اخوية باقية.. بقينا ام لم نبقى... |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 03:18 (بحسب عمك غرينتش الكبير +3)