لماذا يكره الاسلاميون العلمانية...

[مالي خايف]

بس هي تعتبر نقطة ضد العلمانية

[suryoyo]

كاتب النص الأصلي : على دلعونا

حبيب
انا لم اقل ان العلمانيه هي الحاد , كيف فهمت من كلامي انني اصف العلمانيه بالالحاد ؟؟

من تصف العلمانية كأنها دين ... يعني تفرض وجود تعاليم الكل تمشي عليها .. و رجال مؤمتمنين عليها

بالعكس اصلا العلمانية منفتحة و قابلة للتغير ... لانها نظام سياسي بحت ...

لو تمعنت جيدا وقرات اخر كلامي في الرد السابق , لعرفت كيف وصلت لهذا الاستنتاج .

تمعنت جيدا ... و فهمت قصدك .. .. و لكن في كثير بلاد الحاكم ما يحدد الدستور و الدولة !

[maged-syrian]

[quote=Barleb;1089123]نشئت العلمانية نتيجة لـ ظروف دينية و علمانية ؟


كلمة علمانية هنا جائت غلطة مطبعية كان لازم ينكتب بدالها ظروف لادينية

البلاء كان قبل قدوم العلمانية وليس بعدها

اعطيك مثال واحد بس ... لو نظرت الى تركيا كدولة اسلامية كيف كانت قبل نظام اتاتورك العلماني وكيف صارت بعد هذا النظام ..

قصدك قل من انتبه ألى ضرورة الغلمانية في البلاد بعد ان كان الطابع الديني - الفاشي سأئداً فيها

نظام ديني فاشي لايوجد على الاطلاق .. ان كان يوجد ياريت تعطيني مثال حي
هنالك فقط نظام شريعة اسلامية بالسعودية وللاسف لايطبق على الجميع ولو طبق عالجميع دون استثناء القبليات لما شاهدت جريمة واحدة تحصل بالسعودية

صرت عم تخربطني شوي .. كان هدف هل بعثات زعزعة أيمان المسلمين .. ولا قيادة المسلمين نحو المسيحية ولا نشكر الفكر العلماني ؟

الاثنين .. طبعاُ تلك البعثات حاطة بالحسبان انه لايمكن لمسلم ان يتحول الى الدين المسيحي الا من كان متأسلم يعني مسلم بالاسم فقط ... وهذا الشيء نادر نسبة 1 على مليون على اقل تقدير ... لذلك تحول هدفهم الى عصرنة المجتمعات الاسلامية عن طريق نشر مفاهيم العلمانية التي هي بالاساس ضد الدين الاسلامي

رغم هل شي .. كل الجمعيات الأدبية و العلمية و الفكرية .. و الأحزاب العلمانية ما بين شيوعيين و ليبراليين و يساريين فشلت فشلت في تحقيق أهدافها

اكيد رح تفشل لأن مبادئها باطلة وانكشف تعصب وغلو بعض العلمانيين

صديقي .. تتحدث عن العلمانية و كأنها مرض دخل البلاد ..

برأيي الشخصي اعتبر العلمانية مرض طول مالعلمانيين وراء علمنة المجتمع وابعاد المجتمع عن الالتزامات الدينية وهذا هو هدفهم الاسمى ... بكل الاحوال لم نسمع عن علمانية ناجحة لاتقل لي فرنسا لأن علمانية فرنسا أثرت على المسلمين الفرنسيين حصراً ولم تؤثر على غيرهم سلباً

العلمانية كانت الدواء .. ولكن رغم قوتها و فاعليتها .. فشلت امام فيروسات الجهل و التخلف .. تحياتي

استغرب وصفك لكل شيء غير علماني بفيروس الجهل والتخلف ...
تحية

[maged-syrian]

كاتب النص الأصلي : Barleb

أنما حل أفضل

الحل الافضل يكون بدولة تطبق القانون الالهي على جميع ابنائها لافرق بين غني وفقير ولاامير ولامدير كلهم سواسية .. تطبق هذا القانون بدون تشدد وتعصب فالتشدد والتعصب والفكر الاقصائي منبوذ ... ففي ذلك حفظ للمجتمع وتنمية الوازع الديني لديه هذا الوازع الذي يمنع كل الافعال الاجرامية والافعال المنافية لطبيعة الانسان ولكي لايعم الفساد في الارض ... فالعلمانية لاتحتوي على عقوبات رادعة تمنع الجرائم من الحدوث مرة أخرى ...
=====
بعطيك مثال أنا كفرد عادي لدي نزعات شيطانية في تدمير مديري وسرقته ونهبه لأنه انسان سيء ويستحق كل ماهو سيء ... لكن وازعي الدين يمنعني من ان احتال عليه مع انني قادر على .. فلو كنت من اتباع العلمانية لما كان هنالك شيء يردعني غير المفهوم الضعيف الذي يتشدق به العلمانيون وهو المفهوم الانساني بالتعامل بين الناس .... الانسان يخطىء لكن الوازع الديني يمنعه من الخطأ أو تكراره ...
العلمانية هدفها ايجاد بديل للقوانين الآلهية لأنهم لايقتنعون بتلك القوانين ... ويريدون احلال القوانين الانسانية محلها وسيفشلون بذلك لامحالة ...

[LiOnHeArT.3LA2]

الحل الافضل يكون بدولة تطبق القانون الالهي على جميع ابنائها

لك ما هون المشكلة

ما عرفانين على مبدأ اينو اله بدنا نمشي .. لانو بكون بكل دولة في عدة آلهة

[LiOnHeArT.3LA2]

بعطيك مثال أنا كفرد عادي لدي نزعات شيطانية في تدمير مديري وسرقته ونهبه لأنه انسان سيء ويستحق كل ماهو سيء ... لكن وازعي الدين يمنعني من ان احتال عليه مع انني قادر على .. فلو كنت من اتباع العلمانية لما كان هنالك شيء يردعني غير المفهوم الضعيف الذي يتشدق به العلمانيون وهو المفهوم الانساني بالتعامل بين الناس .... الانسان يخطىء لكن الوازع الديني يمنعه من الخطأ أو تكراره ...

اها .. يعني هلأ ما في عندك مبادء انسانية ابدا انتي .. حلوة هي .. نقطة تسجّل ..

العلمانية هدفها ايجاد بديل للقوانين الآلهية لأنهم لايقتنعون بتلك القوانين ... ويريدون احلال القوانين الانسانية محلها

لك برد بقلك .. مانا عرفانين على اينو قوانين آلهية بدنا نمشي .. عطيني قوانين الهية .. لاعطيك قوانين منافية الها .. بس كمان " يقال " انها آلهية .. فاينو اله بدنا نسدق .. واينو عالم عم يحكو عالآله بدنا نسدق

وسيفشلون بذلك لامحالة ...

يا الهي او .. يا الهك

[Barleb]

اعطيك مثال واحد بس ... لو نظرت الى تركيا كدولة اسلامية كيف كانت قبل نظام اتاتورك العلماني وكيف صارت بعد هذا النظام ..

من وجه نظر اسلامية .. تركيا كانت في اوج تألقها

لا تنسى المجازر يلي قام فيها العثمانين بحق الأرمن و السريان و الأشوريين ..

هل المجازر كانت وفقاً لـ قوانين ألهية ؟

نظام ديني فاشي لايوجد على الاطلاق .. ان كان يوجد ياريت تعطيني مثال حي
هنالك فقط نظام شريعة اسلامية بالسعودية وللاسف لايطبق على الجميع ولو طبق عالجميع دون استثناء القبليات لما شاهدت جريمة واحدة تحصل بالسعودية

النظام السعودي .. هون حطنا الجمال ..

هلا اذا عم تحكي عـ نسبة الجريمة .. بواقفك رح تقل كتير .. اذا كان كل واحد بدو يسرق بدنا نقطع ايدو

وكل وحد بيزني منقطع ****

هاد ابداً مانو الحل

أذا كان برأيك مقايس تطور الدول بينقاس بـ نسبة الجريمة .. ( و هوي ما نو هيك أبداً )

بس رح اجي معك ..
الحرامي بـ سويد .. بس ينمسك .. أو خليني أعطيك مثال حي
في شخص قرايبي .. دخل عندو حرامي عـ البيت .. و هل زلمة عايش لحالو و معاق .. ما بيقدر يمشي

الحرامي حمل هل زلمة و حطو بت الحديقة و قعد يحكي معو ( الحرامي كان من دولة عربية كمان )

المهم .. هوي عم يحكي مع الحرامي .. و الحرامي عم ينقل غراص من البيت لـ برا .. الزلمة دق للشرطة .. اجت الشرطة .. و بكل أحترام و عاملوه كأنو وزير عنا .. حطوه بـ السيارة و أخدوه .. قعدوه بت غفة سألوه ليش أنت عم تسرق .. قالون جوعان و ما معي اكل

أخدوه على مطعم عملوله أشتراك لت مدة سنة مبلاش ( على حسابون ) راحو أشترولو تياب .. دبرولو شغل و سكنوه بـ الكامب

ما قطعو ايدو

هاد من طرف .. من طرف تاني .. تطور الدولة يتعلق بـ مدى حريات الشخصية .. أنا كـ مسيحي .. ما فيني اظهر صليبي داخل السعودية .. مافيني اطلع أتمشى بـ الشارع وقت الأفطار بـ رمضان ..

الاثنين .. طبعاُ تلك البعثات حاطة بالحسبان انه لايمكن لمسلم ان يتحول الى الدين المسيحي الا من كان متأسلم يعني مسلم بالاسم فقط ... وهذا الشيء نادر نسبة 1 على مليون على اقل تقدير ... لذلك تحول هدفهم الى عصرنة المجتمعات الاسلامية عن طريق نشر مفاهيم العلمانية التي هي بالاساس ضد الدين الاسلامي

خليني قلك أنو مو غلط لما بتفصل السياسة عن الدين .. الغلط انو تدخلون بـ بعض ..

لهيك مو مبادئ العلمانية خاطئة .. حاشا و كلا ..

اكيد رح تفشل لأن مبادئها باطلة وانكشف تعصب وغلو بعض العلمانيين

مبادئها خاطئة من وجهة نظر يلي بدو ينضر منها .. أصلاً ما تعرفنا على أهدافها و ما شفنا أي تنفيذ لـ مشاريعها حتى نحدد انو غلط أو صح

برأيي الشخصي اعتبر العلمانية مرض طول مالعلمانيين وراء علمنة المجتمع وابعاد المجتمع عن الالتزامات الدينية وهذا هو هدفهم الاسمى ...

أبداً .. أبعاد السياسة عن الدين .. ليس المجتمع ..

بكل الاحوال لم نسمع عن علمانية ناجحة لاتقل لي فرنسا لأن علمانية فرنسا أثرت على المسلمين الفرنسيين حصراً ولم تؤثر على غيرهم سلباً

ألمانيا - سويد - بلجيكا - هولندا

سوريا عملياً و ليس نظرياً

استغرب وصفك لكل شيء غير علماني بفيروس الجهل والتخلف ...

لا تستغرب .. كل شي محدد بـ قوانين لا يحق لنا المساس بها أو تغيرها.. فاشل حتماً

بعطيك مثال أنا كفرد عادي لدي نزعات شيطانية في تدمير مديري وسرقته ونهبه لأنه انسان سيء ويستحق كل ماهو سيء ... لكن وازعي الدين يمنعني من ان احتال عليه مع انني قادر على .. فلو كنت من اتباع العلمانية لما كان هنالك شيء يردعني غير المفهوم الضعيف الذي يتشدق به العلمانيون وهو المفهوم الانساني بالتعامل بين الناس .... الانسان يخطىء لكن الوازع الديني يمنعه من الخطأ أو تكراره ...

انسانية - أخلاق - ضمير - محبة - تسامح - سلام

هل صفات أسمى بـ كتير من القوانين الألهية - ان وجدت و ان صحت - .

العلمانية هدفها ايجاد بديل للقوانين الآلهية لأنهم لايقتنعون بتلك القوانين ... ويريدون احلال القوانين الانسانية محلها وسيفشلون بذلك لامحالة ...

ذكرتي بـ حرب مو متذكر اسما .. بس بعرف انو كانت بين العرب و الفرس يمكن

المهم

الفرس كان معهم بواريد .. قامو العرب طلعو يحاربوهن بـ السيف على اعتبار انه سلاح الرسول و أنو الأنتصار مسبقاً
ضامنينو .. و اكيد خسرو

[Barleb]

كاتب النص الأصلي : LiOnHeArT.3LA2

لك ما هون المشكلة
ما عرفانين على مبدأ اينو اله بدنا نمشي .. لانو بكون بكل دولة في عدة آلهة

في الله بيقلك أنو فلسطين لليهود

ذات الله بيقلك أنو من لطمك على الأيسر أدر له الأيمن

نفس الله بيقلك اللي بيطلع عن دين الحق أهدر دمه

هوي الله ما غيرو يلي حرم الطلاق .. و نفسو يلي منع الزواج الا بـ امرأة واحدة .. وعينه يلي قال اتجوز 4

في الله بيعطل الجمعة .. و في الله بيعطل السبت .. وفي الله بيعطل الأحد

" ما لازم تخاف يا قاسم .. امشي و اتكل على الله
رامز : و بلكي يلي معو فنبلة و بدو يفجرها كمان متكل على الله ؟ "

[VivaSyria]

كاتب النص الأصلي : Barleb

من وجه نظر اسلامية .. تركيا كانت في اوج تألقها

لا تنسى المجازر يلي قام فيها العثمانين بحق الأرمن و السريان و الأشوريين ..

هل المجازر كانت وفقاً لـ قوانين ألهية ؟

هون بس بدي ضفلك عل يلي ذكرلك ياهون بارليب كأمثلة على عظمة الدولة العثمانية:

نسيت احتلالها لبلادنا 400 سنة؟؟ ونسيت سحب شباب سوريا على جيوش السلطان وموتون بهالحروب يلي ما إلهون فيها لا ناقة ولا جمل؟؟؟ نسيت تجويعهون لشعبنا 400 سنة؟؟ هاد كلو من عظمة الامبراطورية العثمانية "الاسلامية"

[فسحة أمل]

بظن هلا عرفت كيف أجت عبر فوهات المدافع والمدارس التبشيرية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Donald Duck]

كاتب النص الأصلي : فسحة أمل

على حكيك إذا كان في بلد فيه 100 دين وكل دين الزم يتدخل بأمور السياسة يعني ما عاد في دولة صارت سلطة الحكاية كل زعيم طائفة بيتدخل بتخرب الدنيا وهيك ما عاد في دولة العوض بسلامتك وهي نقطة الكل عم يتغافلها

قصدت بحكي عن دولة ذو اغلبية مسلمة ..

[فسحة أمل]

كاتب النص الأصلي : maged-syrian

الحل الافضل يكون بدولة تطبق القانون الالهي على جميع ابنائها لافرق بين غني وفقير ولاامير ولامدير كلهم سواسية .. تطبق هذا القانون بدون تشدد وتعصب فالتشدد والتعصب والفكر الاقصائي منبوذ ... ففي ذلك حفظ للمجتمع وتنمية الوازع الديني لديه هذا الوازع الذي يمنع كل الافعال الاجرامية والافعال المنافية لطبيعة الانسان ولكي لايعم الفساد في الارض ... فالعلمانية لاتحتوي على عقوبات رادعة تمنع الجرائم من الحدوث مرة أخرى ...
=====
بعطيك مثال أنا كفرد عادي لدي نزعات شيطانية في تدمير مديري وسرقته ونهبه لأنه انسان سيء ويستحق كل ماهو سيء ... لكن وازعي الدين يمنعني من ان احتال عليه مع انني قادر على .. فلو كنت من اتباع العلمانية لما كان هنالك شيء يردعني غير المفهوم الضعيف الذي يتشدق به العلمانيون وهو المفهوم الانساني بالتعامل بين الناس .... الانسان يخطىء لكن الوازع الديني يمنعه من الخطأ أو تكراره ...
العلمانية هدفها ايجاد بديل للقوانين الآلهية لأنهم لايقتنعون بتلك القوانين ... ويريدون احلال القوانين الانسانية محلها وسيفشلون بذلك لامحالة ...

انا معك لافرق بين غني وفقير ولا امير ولا مدير بس برأيك شو وضع المسيحيين بكل مذاهبهم واليهود وبعض الأقليات كالدوز والاسماعيلية والعلوية وغيرهم وغيراتهم هدون بكونو كلهم سواسية ولا بدهم يدفعو جزية ولا شو وضعهمالإجتماعي والقانوني بكونو مواطنين درجة تانية مثلاً
أما بالنسبة للوازع الديني بظن أنو القوانين الوضعية فيها وازع كمان صح ولا لأ يعني مو ضروري تقطع أيد الواحد أو ترجمو لحتى يرتدع

هاد المفهوم الضعيف الي عم تحكي عنو هو أساس تسميتك أنسان والي بميزك عن غيرك من الكائنات الحية والعقل هوي يلي بيمنعك من الخطأ مو الدين محاكمتك للموضوع هيي يلي بتمنعك مو الدين واذا كان الواحد ذو ميول اجرامية أو غيرها لا دين ولا غيرو ممكن يردعو

[فسحة أمل]

كاتب النص الأصلي : Donald Duck

قصدت بحكي عن دولة ذو اغلبية مسلمة ..

معك انا بس الأقلية غير المسلمة والي ممكن تكون متعددة شو بكون وضعها

[Donald Duck]

كاتب النص الأصلي : VivaSyria

غريب أنا كل شي طلبتو منك انك تقرا الموضوع... المهم ما علينا:


ما رح قلك اذا مو عاجبك الطرح .. ليش شرفتنا .. ؟؟

و صحيح انت حر بآرائك و قبول ما تشاء ورفض ما تشاء لكن مو من حقك لكن ليس من حقك أن تقصي فئة كاملة من البشر لمجرد اختلاف الرأي

الفكر الاستقصائي ما ممكن يؤسس دولة حديث ومجتمع متطورة لكنه يخربهما بكل الاحوال و يخرب كل شيئ...


هون عندي سؤال وبرجع بطالب بالمنطق والأدلة:

كيف عرفت انو الدين الاسلامي يلزم التدخل .. و مين قال أن الاحزاب الاسلامية هي الاسلام؟؟؟

اولا انا ما اقصيت اي فئة .. يعني خليك منتبه شوي ..

بعدين ..

كأنك ما بتعرف شي عن الدين الاسلامي .. !!!

وشو شرائعة وفرائضة ... ولا كأنك ما بتعرف هالشرائع والفرائض شو بتحكي ومع مين بتحكي ..

يعني مثلا الدين الاسلامي بحرم الخمر .. بس العلمانية بترفض هالشي ..

وبتقول خلي دينك بجنب .. ممنوع الدين يدخل في امور الدولة ..

ما بعرف اذا انت قريت كتاب اسمه قران وافهمت الي فيه .. !!

وما حدا قال انو الاحزاب الاسلامية هو الدين الاسلامي ..

لانو انا ما بتبع لولا حزب اسلامي .. ومع كل هالشي شايف انو العلمانية بتتعارض مع ديني ..

بس شغلة يعني .. غير كل هالشي .. انت ما بتعرف انو العلمانية .. بتمنع تعليم الدين في المدارس .. !!!

لانو تعليم الدين لازم يكون في البيوت ..

[Donald Duck]

كاتب النص الأصلي : فسحة أمل

معك انا بس الأقلية غير المسلمة والي ممكن تكون متعددة شو بكون وضعها

شو شو بكون وضعها الدين الاسلامي بفرض على المسلمين .. مو بفرض على غير المسلمين ..

يعني شو دخل الاقليات في تدخل دين الاكثرية بحكم الدولة ..!!!

ليش مو على اساس انو الاكثرية هي الي بتقرر امور الدولة .. طبعا ما ننسى وبتراعي ظروف الاقليات ..

[فسحة أمل]

كاتب النص الأصلي : Donald Duck

اولا انا ما اقصيت اي فئة .. يعني خليك منتبه شوي ..

بعدين ..

كأنك ما بتعرف شي عن الدين الاسلامي .. !!!

وشو شرائعة وفرائضة ... ولا كأنك ما بتعرف هالشرائع والفرائض شو بتحكي ومع مين بتحكي ..

يعني مثلا الدين الاسلامي بحرم الخمر .. بس العلمانية بترفض هالشي ..
طيب أنا بشرب خمر والمسيحي بيشرب خمر وكل الشباب بأخوية بيشربو خمر معقول انو يتحرم الخمر بالدولة الي أنا عايش فيها وتنتفي حريتي الشخصية
وبتقول خلي دينك بجنب .. ممنوع الدين يدخل في امور الدولة ..
طبعاً وهاد الشي المنطقي لنو الدين حالة روحية بتخص كل فرد بينو وبين ربو
ما بعرف اذا انت قريت كتاب اسمه قران وافهمت الي فيه .. !!
بالنسبة للقرآن مارح أدخل بالتفاصيل معك مشان ما نطلع عن الموضوع لأني ما مقتنع بس قريتو
وما حدا قال انو الاحزاب الاسلامية هو الدين الاسلامي ..
طبعاً ما هيي الدين الإسلامي هيي تطبيق وتجسيد لفكرة هاد الدين

لانو انا ما بتبع لولا حزب اسلامي .. ومع كل هالشي شايف انو العلمانية بتتعارض مع ديني ..

بس شغلة يعني .. غير كل هالشي .. انت ما بتعرف انو العلمانية .. بتمنع تعليم الدين في المدارس .. !!!

لانو تعليم الدين لازم يكون في البيوت أو بالجوامع وهيي الأماكن الطبيعية لهاد الشي ..

........

[jano.]

كاتب النص الأصلي : Donald Duck

يعني مثلا الدين الاسلامي بحرم الخمر .. بس العلمانية بترفض هالشي ..

شو جاب النظام العلماني للخمر وتحريم الخمر
وشو الي خلاك تفكر انو العلمانية فاضية لهيك امور؟... يا عمو بالدولة العلمانية فيك تحرم نفسك من الخمر ان كان لسبب الدين او بسبب صحتك او بسبب الوضع المالي هاي حريتك الشخصية.

انت ما بتعرف انو العلمانية .. بتمنع تعليم الدين في المدارس .. !!!

هاي موضة جديدة !!
طلعت العلمانية بتمنع حصة الديانة
بس حابب أعرف من أي قناة فضائية جبت معلوماتك عن العلمانية؟!

[jano.]

كاتب النص الأصلي : Donald Duck

لانو تعليم الدين لازم يكون في البيوت ..

مافي شي اسمو "لازم"... وهاي شغلة أنو "الدين بينك وبين الله" يلي بتسمعها من العلمانيين, ما بتعني انو مافيك تبني حياتك على اسس دينك وشريعتك, فيك تمارس دينك كالمعتاد يعني فيك اتطبّق الشريعة على حياتك متل ما بيطبقها حالياً السعودي بالسعودية (كمثال),,, بس الفرق الوحيد انو بالدولة المدنية هالشي مارح يكون مفروض من الدولة إنّما فقط من الدين.
وصل؟