|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
29/07/2008
|
#1 | ||||||
|
عضو
-- قبضاي --
|
حابب تسافر لتشتغل براة البلد؟؟؟ مر لهون بالاول. ماراح تندم
 انصدمت والله لما شفت انو عدد الزوار ع مشاركة باسم اليكم برنامج عمل السيرة الذاتية CV ومصدر استغرابي انو كل هالكم لبرنامج بس. بس بعدين انتبهت لحالي انو لأ.. كل هالناس فاتت لأنها مهتمة بموضوع السيرة الذاتية وبتحديد اكبر مهتمة تلاقي شغل وخاصة براة البلد. أخي تعى لهون وخود بخمس ليرات نصائح اذا كان حكيي صحيح...اذا كنت حابب تسافر لبرة لازم تحط بين عيونك كم شغلة أهمها. 1- كبلي وراك العقلية المتخلفة اذا كنت حاويها لا سمح الله. يعني احترم الكل هون ( بالغربة , بسوريا اذا بدك تتمصخر ع واحد بتقلو يا فلبيني. هون ممكن يكون رب عملك أو رئيسك المباشر فلبيني أو هندي فاذا عاملتو بقلة احترام!!!!!!!!! مشكلة. 2- اتعب ع حالك باللغة الانكليزية لأنو ولو كان شغلك بالعربي وهاد جداً نادر فانت راح تحتك حكماً باجانب لو بالبقالية وبالتالي الانكليزي ماصارت كماليات هون. 3- الكمبيوتر مافي داعي نأكد عليه. مو مطلوب منك تكون معلم من معلمية البحصة. لأ بس الاساسيات كبرامج الاوفيس وكيف تتعامل مع الويندوز. ( حسب العمل) 4- راجع معلومات كليتك قبل ماتجي واذا كنت شغال من قبل فخود شهادات الخبرة وحضر حالك لأنو راح يسألوك شو كان شغلك وشو كانت مهامك بالشغل. 5- انت رايح للترزق الله وتبني مستقبلك, فلازم تكون نار, كثير ناس انرفضوا بس لأنن خجولين أو ع القليل ابدو بعض الخجل اثناء المقابلة, فكون وخاصة كوني واثقين من حالكن بالمقابلات. لأنو ممكن مؤهلاتكن ماتكون مناسبة لألن بس ثقتكن بنفسكن تشفعلكن مع توفيق رب العباد. 6- خدها قاعدة. عرض العمل اللي بتحصلو بسوريا ممكن تحصلو هون بس بضعف المبلغ. ليش؟؟؟؟ لانو كل الشركات المحترمة والكبيرة مابتستقدم موظفين من الخارج. انت بالبلد, حط عندن سيفيتك, بيتصلوا فيك وبتعمل المقابلات والسلام. وبالتالي اذا في قدرة مادية فحاول تشتري فيزة ع حسابك وتطلع وهنيك بدور. هي مغامرة بس احتمال الايجاب فيها اكبر وأفضل من السلبي. وكلو توفيق من الله. 7- سيرتك الذاتية هي بوابتك لعرض جهودك وتسويقها فاكتبها باتقان. بها الخصوص باذن الله ع القريب راح حمللكن كتابين رائعين عن كتابة السيرة الذاتية. بس بكل الاحوال حاول تأمن اكثر من نموذج لسير ذاتية واسترشد بالاشخاص اللي بتعرفن او من النت. 8- انا كان حلمي انو سافر لانو قصتي قصة. والله رزقني بالسفر وشغل بشركة محترمة. بتمنى انو الله بيروقكن احسن من اللي رزقني اياه بس اتوكلوا ع الله وبدها صبر سلااااااااااااااااااااااا اااام
سبحان الله, الحمد لله, لا اله إلا الله والله أكبر
سبحان الله عدد خلقه ورضى نفسه وزنة عرشه و مداد كلماته سبحانك اللهم إني كنت من الظالمين آخر تعديل sandra يوم 29/07/2008 في 23:33. |
||||||
|
|
30/07/2008
|
#3 | ||||||
|
عضو
-- زعيـــــــم --
|
والله يا معلم شوية نصايح شي مهم على فكرة
تسلم هلانامل رح حاول طبقها لان بدي سافر  بس والله اللون الاحمر بيوجع العيون
بما إنو
العيشة سودا ومش بيضا اجتمعنا وقررنا نسلق بيضة شي مغذي شي خفيف شي مطمئن شي مخيف |
||||||
|
|
|
31/07/2008
|
#4 | ||||
|
عضو
-- قبضاي --
|
وهي 5 ليرات
شكرا عالنصائح اخدت فيهن بقا فيك تطلعني لبلد اجنبي هلا؟؟؟؟؟؟؟؟؟؟؟؟؟
في كل زاوية أراك
وفي كل فاصلة.. كتبت في الطيب.. في غيم السجائر في الشراب .. اذا شربت أنت القتيل.. أم أنا حتى بموتك ما استرحت حبيبي.. لم أقتلك انت وانما... نفسي قتلت |
||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 09:29 (بحسب عمك غرينتش الكبير +3)