فتح قطاع الكهرباء في سورية أمام القطاع الخاص بنهاية العام..

[ayhamm26]

فتح قطاع الكهرباء في سورية أمام القطاع الخاص بنهاية العام.. وشركة يملكها رامي مخلوف ستكون الأولى



تواصل سورية خطوات خصخصة القطاع العام الخدمي بعد أن كان هذا القطاع مقتصراً على الحكومة ومؤسساتها وحدها، وهذه المرة في قطاع الكهرباء، ومن المقرر أن تبدأ الشركات الخاصة بإقامة مشاريعها (محطات توليد كهرباء وشبكات توزيع وصيانة) مع مطلع العام القادم.

وأكّد معاون وزير الكهرباء عبد الحليم قاسم في تصريح صحفي نشرته وكالة الأنباء السورية (سانا) اليوم الاثنين أنه سيتم صدور قانون متكامل وشامل للكهرباء في سورية قبل نهاية العام الجاري لتنظيم قطاع الطاقة الكهربائية من حيث التوليد والنقل والتوزيع، ويفسح المجال للقطاع الخاص للمشاركة في تلك المجالات.

ووفقاً للمصادر فإن أولى الشركات الخاصة التي ستستثمر في قطاع الكهرباء في البلاد هي (شام القابضة) حيث ستقوم الشركة ببناء محطة توليد كهرباء باستطاعة 750 ميغاوات وتشغيلها في موقع محطة توليد جندر، وتقوم وزارة الكهرباء السورية بشراء الطاقة الكهربائية المنتجة من هذه المحطة.

ووفقاً للمصادر الرسمية فإن الحكومة لن تبيع القطاع العام الخدمي وإنما ستسمح للقطاع الخاص بالتوسع والدخول في مجالات كانت محتكرة من قبل القطاع العام.

وكانت سورية، وضمن توجهاتها الاقتصادية الجديدة التي بدأت مع صعود الرئيس بشار الأسد إلى سدة السلطة، قد بدأت بطرح العديد من شركات القطاع العام للاستثمار كحل لتفادي خسائرها، ومنها شركة الأخشاب وشركات الكبريت والحديد والبطاريات والصناعات الكيميائية والدباغة وغيرها.

كما سمحت للقطاع الخاص بالاستثمار قي قطاعات كانت محصورة في الحكومة كالبنوك وشركات الطيران والتأمين والاتصالات والنقل الداخلي وسواها.
ويعتبر المراقبون أن طرح شركات القطاع الخاص للاستثمار وخاصة قطاع الاتصالات والكهرباء والتقل هو مقدمة لخصخصة القطاع العام برمته. ورغم أن الموقف الرسمي للحكومة السورية يرفض عملية بيع القطاع العام إلا أنها بالمقابل توافق على استثمار هذا القطاع من قبل القطاع الخاص بذريعة أن الملكية ما زالت للقطاع العام.

ويشار إلى أن شركة شام القابضة التي تبنت أول مشروع خاص لتوليد الكهرباء في سورية تأسست عام 2006 برأسمال 350 مليون دولار، وشارك بتأسيسها رجال أعمال سوريين على رأسهم رجل الأعمال وابن خال الرئيس السوري رامي مخلوف الذي فرضت الولايات المتحدة حظراً على بعض شركاته في سورية (سيرياتيل والأسواق الحرة).

اخبار الشرق

[مجنون يحكي وعاقل يسمع]

أي وين الغلط ما بيقصرو
بيصير فينا متل ما بيقول المثل : من تحت الدلف لتحت المزراب
أو
وما يضرّ الشاة السلخ بعد الذبح
والشاة بالداء المربوطة متل مو مربوط كل مواطني بين المائين هي غير التشات اللي بتم بواسطة الأنترنيت

[saman]

ويشار إلى أن شركة شام القابضة التي تبنت أول مشروع خاص لتوليد الكهرباء في سورية تأسست عام 2006 برأسمال 350 مليون دولار،

اي ليش لأ ..
بتوقع انو رح يطلع هالراسمال خلال شهر واحد .. من بعد ما يساووا المشروع

و كـــــــــــول يا مواطن
-----------------------
ع جنب : الـ "كـــــــــول " .. مو نفسها الكول شيت جماعة الـ cool .. هي الـ "كـــــول" شيت البلع

[I_Love_Syria]

الكهربا وقطاع عام ماعم نلحق فواتير أهلين بس تصير قطاع خاص بتصير أقل فاتورة رزمة خمسميات خمسين ألف يعني

[Abu ToNi]

بصراحة ما بعرف ليش ما كتير انصدمت وقت سمعت الخبر
على أرض الواقع سمعنا كتير اشاعات من هلشي وقت طلعنا بالجامعة على المحطة الحرارية الموجودة بحلب .. بتذكر ان الدكتور حكى على اشاعة خصخصة قطاع التوليد الكهرباء وتحويلها
وبوقتا قرب رفيقي وهمس بأدني ( لا يكون مخلوف وراها )

واقع المحطات التوليد الكهربائي ( الاغلبيتها حرارية بعكس ما البعض بيتوقع بأنها مائية ومصدرها مياه الفرات ) مذري لدرجات مبكية
افضل المحطات العالمية بتعمل بمردود تقريبا 60 %
ومع مضي الوقت بتتناقص من عامل المردود ، بتقدر الصيانة تعيد جزء من الطاقة الضائعة بس لكل محطة عمر معين بعدها بتتحول لقطعة خردة لأن مردودها بصير سيء جدا لدرجة بصير فيها بناء محطة أرخصلك من انك تشغلها

حاليا وللأسف الشديد بحسب تقديرات القائمين على محطة حلب الحرارية المردود بحدود الـ 20% !!
فتخيل يرعاك الله

[Abu ToNi]

كاتب النص الأصلي : I_Love_Syria

الكهربا وقطاع عام ماعم نلحق فواتير أهلين بس تصير قطاع خاص بتصير أقل فاتورة رزمة خمسميات خمسين ألف يعني

لا تقولا
ما خطرلي انه معقول يعملوا تغيير جديد بشرائح الاستهلاك

ان شاء الله يكون في شروط معينة او حدود واسعار محطوطة من قبل الدولة مشان مشروع البهدلة مو مشان شي

[I_Love_Syria]

كاتب النص الأصلي : Abu ToNi

لا تقولا
معقول يعملوا تغيير جديد بشرائح الاستهلاك

من غير ما يعملوا بس عادة أي خدمة بتقدمها الدولة بتكون أرخص من الخدمة يلي بيقدمها القطاع الخاص
ووضع الكهربا حاليّاً عنا بالبلد جداً مخزي

بس خلينا نحسبها بطرقة تانية
مع القطاع الخاص الكهربا مارح تنقطع بالمرّة
مع القطاع الخاص مافي مزاجية موظف مرّة بيقرأ العدّاد وعشرة لاء, وإذا بتقرأ شكاوي سيريانيوز بتلاقي شكاوي كتير على مشكلة قراءة العدّاد يعني بيكون واحد فاتورتوا الطبيعية 4000 ليرة فجأة بتنط ل 15 الف كيف محدا بيعرف....
كمان لما يكون في أكتر من شركة للكهرباء بيصير في منافسة بالأسعار بس مع هيك رح تضل أغلى من الدولة

أنا بس اتجوز بدي إعمل بيتي عاللوكسات يلي بتشتغل بالزيت كاز أوفر شي

[saman]

وما عم ياكلها غير المواطن بالحالتين ..
يعني متل ما قلت

يعني بيكون واحد فاتورتوا الطبيعية 4000 ليرة فجأة بتنط ل 15 الف كيف محدا بيعرف....

هالمرة بتكون الفاتورة 15 الف بدون ما تنط

[Abu ToNi]

كمان لما يكون في أكتر من شركة للكهرباء بيصير في منافسة بالأسعار بس مع هيك رح تضل أغلى من الدولة

مزبوط هلشي وقت بصير سوق تنافسية مو احتكارية متل حالتنا

أنا بس اتجوز بدي إعمل بيتي عاللوكسات يلي بتشتغل بالزيت كاز أوفر شي

بتخيل كلنا بدنا نعمل نفس الشي
لا تستغرب نرجع نربيلنا كام حصان علبلكون نخلين عميركضوا وعم يولدنا كهربا

بتعرف بهلبلد كلشي عم يغلى باستثناء الشعير عم يرخص

[mhsen77]

ووفقاً للمصادر فإن أولى الشركات الخاصة التي ستستثمر في قطاع الكهرباء في البلاد هي (شام القابضة) حيث ستقوم الشركة ببناء محطة توليد كهرباء باستطاعة 750 ميغاوات وتشغيلها في موقع محطة توليد جندر، وتقوم وزارة الكهرباء السورية بشراء الطاقة الكهربائية المنتجة من هذه المحطة.

ويشار إلى أن شركة شام القابضة التي تبنت أول مشروع خاص لتوليد الكهرباء في سورية تأسست عام 2006 برأسمال 350 مليون دولار،

سلام شباب
انا موظف بشركة توليد جندر وبعرف انو في مشروع توسع بالشركة بس اليوم حتى عرفت انو قطاع خاص مع العلم انو اللجان لدراسة مشروع التوسع من عنا من الشركة
معقول يقبل القطاع الخاص بهي الدراسات؟
بعدين تكلفة انشاء محطة توليد جندر هيي 525 مليون دولار بتمويل كان من بنك الكويت \بسعر التكلفة \ لصالح شركة ميتسوبيشي اليابانية باستطاعة 700 ميغا وات انشئت عام 1994 بمردود جيد نسبيا بين المحطات السورية
فا بتوقع مو معقول تزبط مع القطاع الخاص برأسمال اقل بعد مرور 15 سنة و كمان استطاعة اكبر

انو مو شي بيحط العقل بالكف

[المحارب العتيق]

أطلقت الشركة السورية القطرية القابضة الاثنين أعمالها في سورية من خلال توقيع عدد من مذكرات التفاهم المتعلقة بمجموعة من مشاريعها الاستثمارية المتخصصة في مختلف القطاعات الاقتصادية.

وقال الرئيس التنفيذي للشركة القابضة حسان مقيد على هامش فعاليات منتدى الاستثمار الخليجي الأول في سورية إن "المنتدى شكل المنصة الأنسب للإعلان عن مشاريعنا الاستثمارية، وقدمت لنا الشراكات التي أعلنا عنها من خلال مذكرات التفاهم فرصة ثمينة كي نستعرض مشاريعنا القادمة ولنبين التزامنا بدعم الاقتصاد المحلي".

وبدأت أعمال منتدى الاستثمار الخليجي الأول الذي تقيمه الهيئة العامة للاستثمارأمس الأحد,إذ دعا رئيس مجلس الوزراء محمد ناجي عطري في افتتاح المنتدى المستثمرين الخليجيين إلى توسيع قاعدة استثماراتهم وتأسيس وعقد الشراكات في القطاعات التنموية والخدمية كالكهرباء والنفط والغاز والزراعة والنقل وغيرها في سورية.
وتتضمن مشاريع الشركة القابضة تشييد وإدارة محطات توليد كهرباء عالمية المستوى في مناطق مختلفة من سورية, وتزويد الشبكة الوطنية السورية بالطاقة المنتجة مما يلبي احتياجات الدولة الحالية والمستقبلية.
وتشير تقارير إلى أن الطلب على الطاقة الكهربائية في سورية يزداد سنوياً بنسبة 10%, وأن هذا الأمر يتطلب إنشاء محطات توليد جديدة تصل استطاعتها إلى أكثر من 800 ميغا واط سنويا.
ويتوقع خبراء في قطاع الكهرباء أن تحتاج سورية خلال السنوات الخمس القادمة لنحو 5ر3 مليارات يورو (218.3 مليار ليرة) للاستثمار في مجال التوليد وحده, لاسيما أن عدد مشتركي الطاقة الكهربائية يصل إلى نحو5 ملايين مشترك, بينما يتوقع أن يكون الطلب على الكهرباء عام2010 نحو 44 مليار كيلو واط ساعي.
كما تتضمن مشاريع الشركة القابضة تطبيق تقنيات الري الحديث لتحقيق الاستخدام الأمثل للموارد المائية في سورية, وذلك من خلال استثمار اثنتين من مزارع الري من خلال تطبيق أحدث تقنيات الري والأساليب الزراعية.
كما ستقوم الشركة السورية القطرية القابضة بالاستثمار في احتياطي الفوسفات في سورية من خلال تأسيس شركة لتشييد وإدارة منشأة عالمية المستوى لإنتاج للأسمدة الفوسفاتية.
وتهدف الخطط الأولية للمشروع إلى إنتاج نصف مليون طن من الأسمدة الفوسفاتية سنوياً.
كما ستقوم الشركة بتطوير أول مدينة طبية عالمية المستوى في سورية, والتي ستوفر أعلى مستويات العلاج الطبي والعناية الصحية التي ستحقق فوائد كبيرة للمجتمع المحلي، كما ستشجع المرضى من منطقة الشرق الأوسط على القدوم إلى سورية لضمان الحصول على المستوى المرجو من العناية الطبية.
يذكر أن سورية وقطر وقعتا منذ العام 2007 اتفاقية لإحداث الشركة السورية القطرية القابضة برأسمال مصرح به يبلغ خمسة مليارات دولار أمريكي وستبدأ برأسمال مدفوع قيمته 500 مليون دولار.

[MadMax]

كاتب النص الأصلي : ayhamm26

ووفقاً للمصادر فإن أولى الشركات الخاصة التي ستستثمر في قطاع الكهرباء في البلاد هي (شام القابضة)

الله يستر إذا صارت الكهربا كمان بإيد رامي مخلوف




منيح أنو لسا عنا هون نبعة مي منقدر نشرب منها ... و إلا كنا خفنا ع مستقبل المي كمان بعد الكهربا

[VivaSyria]

الخطوة القادمة تعديل اسم سوريا لسورياتل ايماناً من الشعب بالقدرات التطويرية الهائلة لشركة شام القابضة...

[Abu ToNi]

كاتب النص الأصلي : VivaSyria

الخطوة القادمة تعديل اسم سوريا لسورياتل ايماناً من الشعب بالقدرات التطويرية الهائلة لشركة شام القابضة...

اذا هيك فخليها تصير سيريال على اسم مدونتي

[saman]

كاتب النص الأصلي : Abu ToNi

اذا هيك فخليها تصير سيريال على اسم مدونتي

شو يا ؟
شايفك اخدت وش


بس انو شو مشان زايد هـ الايام اكل الـ خـ هوا ؟
بتوقع انو بعد تلت سنين رح نصير لبنان جديد
خصخص خصخص خصخص خصخص

[Genifer]

يلا منيح صار لازم يكون في قطاع خاص للكهرباء
بس يا ترى قديش رح يكون الاشتراك الشهري ؟؟ بالدولار ولا باليورو ..ولابالسوري ؟؟؟؟؟؟؟
وهالشي رح يأثر ع مدى جودة القطاع العام الكهربائي

[المحارب العتيق]

مشروع قانون في أروقة الحكومة يسمح للقطاع الخاص الاستثمار في مجال الكهرباء

الاخبار المحلية

معاون وزير الكهرباء: القانون سيحكم العلاقة بين المستهلك والجهات المعنية بالكهرباء
"الشركات الخاصة أكثر ديناميكية في العمل من الدولة"
بدأت وزارة الكهرباء العمل لإعداد مشروع قانون متكامل وشامل للكهرباء في سورية يسمح للقطاع الخاص الاستثمار في مجال انتاج ونقل وتوزيع الطاقة الكهربائية, ويضبط العلاقة بين المواطن والجهات المعنية بالكهرباء.

وقال معاون وزير الكهرباء عبد الحليم قاسم لـسيريانيوز إن "الوزارة شكلت لجنة متخصصة لإعداد مشروع قانون متكامل وشامل للكهرباء في سورية بهدف تنظيم قطاع الطاقة الكهربائية من حيث التوليد والنقل والتوزيع", متوقعا صدوره "مع نهاية العام الحالي".
وتأتي هذه الخطوة الحكومية ضمن توجهات الحكومة لمواجهة التحديات التي تتعرض لها المنظومة الكهربائية ومنها زيادة الطلب على الطاقة, ما دفعها إلى البحث عن بدائل لاستهلاك الطاقة وعلى رأسها الحد من الهدر والفاقد ونشر ثقافة الترشيد.
وعن الهدف من القانون, قال قاسم إن "القانون يفسح المجال للقطاع الخاص المشاركة في مجالات انتاج ونقل وتوزيع الطاقة الكهربائية وإحكام العلاقة بين الجهات المعنية بالكهرباء والمستهلك من خلال وجود هيئة ناظمة لقطاع الكهرباء في سورية", مشيرا إلى أن "القانون سيكون خطوة ألأولى نحو إعادة هيكلة قطاع الكهرباء".
وينظم المرسوم 65 عمل قطاع الكهرباء في سورية ويحصره بالدولة ويحظر على القطاع الخاص العمل فيه.
وأضاف قاسم أن "القانون الجديد سيحفز الاستثمار في مجالات الترشيد والحفاظ على الطاقة الكهربائي وإنتاجها سواء من المصادر التقليدية للوقود الأحفوري او من مصادر الطاقة الجديدة والمتجددة".
وتواجه سورية تزايدا مضطردا في الطلب على الطاقة الكهربائية, في وقت يتراجع إنتاجها من النفط الذي تستخدم مشتقاته في محطات توليد الكهرباء التقليدية.
وعن دور القانون في حل قضايا الاستجرار غير المشروع للكهرباء وصدور فواتير بمبالغ عالية, قال قاسم إن "القانون الجديد سيساهم في حل هذه الإشكالات بشكل غير مباشر, إذ أن الشركات الخاصة ستكون أكثر ديناميكية في ملاحقة أمورها والحفاظ على ربحها من الدولة", مشيرا إلى أن "القوانين الناظمة الآن تحاسب الموظف المقصر والمرتشي ما يسبب حصول خطأ ببعض الفواتير كما تحاسب المستهلك الذي يقوم بالتلاعب بالعدادات واستجرار الكهرباء بطرق غير مشروعة".
ووضعت وزارة الكهرباء برنامجا لتخفيض الفاقد خلال الخطة الخمسية العاشرة (2006- 2010) ليصل إلى 20 % عام 2010, خاصة وان الفاقد الكهربائي تجاوز 25 % بكل مركباته في عام 2006.
وتشير دراسات إلى أن سورية ستحتاج إلى 1700 ميغاواط عام 2010 وهذا يعني الحاجة إلى مشاريع ضخمة لتوليد الطاقة الكهربائية, تحتاج إلى استثمارات خاصة بما يتجاوز 1.4 مليار دولار ( 70 مليار ليرة سورية) لمواجهة الطلب المتزايد على الطاقة الكهربائية.

[ayhamm26]

كاتب النص الأصلي : المحارب العتيق

الاخبار المحلية

معاون وزير الكهرباء: القانون سيحكم العلاقة بين المستهلك والجهات المعنية بالكهرباء
"الشركات الخاصة أكثر ديناميكية في العمل من الدولة"

اي فعلا الشركات الخاصة اكثر ديناميكية وخاصة اذا كان اول حرف من اسم ضاحبها رامي.

انو هالدولة اللي عنا عاملة متل الام الحنون لرامي بيك, بتشيل من تمها وبتحطلو بتمو. و كل القطاعات اللي عم تدر على الدولة مصاري عم يعطو ياها.

بس قمة الانحطاط الاخلاقي لهيك دولة رح تكون انو يعملو بقصة الكهربا متل الموبايل, المواطن ما عندو الا خيار واحد وممنوع اي مستثمر تاني ينافس رامي بيك, مشان يضمنوا الارباح كلها تصب بجيبتو

و سوريا الله حاميها يا شباب