أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > علوم > فلسفة و علم نفس

إضافة موضوع جديد  إضافة رد
 
أدوات الموضوع
قديم 05/12/2009   #1
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي تقنيات في التربية


جميع خبراء التربية بيأكدو على انو التربية هي شيء مكتسب.. بمعنى اخر ما حدا بيولد وهوي بيعرف يربي أولادو.. وعلم التربية تطور كتير بالقرن الماضي وفي طرق للتربية كانت متبعة سابقا صارت غير مقبولة بتاتا..

بهادا الموضوع رح حاول حط مجموعة تقنيات بتساعد الاهل على السيطرة على سلوك ابناؤهم وايجاد طرق وخطوط وصل بتحسن علاقتهون وبتخلي الحياة اكتر سهولة للأطفال اولا وللأهل ثانياً..

الموضوع عم يهتم بالاطفال من عمر سنة ونص وحتى عمر 7 سنوات بشكل رئيسي

مصادر الموضوع:
-خبيرة التربية جو فروست صاحبة برنامج سوبر ناني ومجموعة مهمة من كتب التربية الحديثة
- متابعتي لنصائح مايا خاطر مقدمة فقرة أولادنا في تلفزيون المستقبل
- حديث الى الامهات كتاب للدكتور سبوك احد أهم وأشهرخبراء التربية في القرن الماضي
- مقالات مترجمة عن كتاب العائلة اولا للدكتور فيل

طائر واحد يكفي لكي لا تسقط السماء
فرج بيرقدار

آخر تعديل Nay يوم 05/12/2009 في 03:48.
  رد مع اقتباس
قديم 05/12/2009   #2
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


بعض النصائح العامة

-اهم شي بتربية الطفل الاتفاق بين الوالدين على الاستراتيجيات والطرق.. وان تكون التعليمات موحدة وواضحة للطفل وأن يعرف الطفل أن الوالدين متفقين تماما بخصوص تربيته
- أن لا تظهر توترك او حيرتك تجاه سلوك الطفل مهما كان سيئا ...لازم تكون دايما عرفان شو بدك
- أن تختار الاوقات "حتى لو كانت قليلة" التي يكون فيها الطفل جيد السلوك وتعطيه ضمة كبيرة وقبلة.. وتخبره انه طفل كويس
- أن لا تتحدث عن كونه طفل صعب او غبي او شيطان أمام الاخرين لأن هذا يكرس فكرة انه فعلا طفل مشاغب.. بل بالعكس امدحه دايما امام امه وما م الاخرين
- كل تصرفاتنا مع الولد هيي رسائل عم نبعتلو ياها.. وهوي بيترجمها متل ما بيحس
- مقولة مهمة كتير: اختار معاركك مع الطفل
يعني مو كل شغلة ممنوع أحيانا بدك تمرّق.. لما بدك تقول ممنوع لازم يعرف الطفل انو انت مستحيل تتراجع عن كلمتك.. وممنوع يعني ممنوع.. ولا تقول ممنوع أصلا اذا كنت بدك تتراجع..
- انا ما بشوف انو الحب والبوسات الكتيرة والضمات واللعب مع الولد بيتعارض مع كونك صارم أبدا..
- استسلامك للبكاء والعياط والصريخ وتنفيذ رغبةالطفل اللي سبق ورفضت انت تنفيذها يعتبر رسالة واضحة منك الى طفلك " اصرخ وابكي لأنفذ لك رغباتك"

يتبع..
  رد مع اقتباس
قديم 05/12/2009   #3
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


وأخيراً نزل ...

يسلمو ايديك ...

متابعين ..

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 05/12/2009   #4
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


شكرا ابو النجب.. انت المشجع الوحيد..
  رد مع اقتباس
قديم 05/12/2009   #5
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


رح احكي عن مجموعة مواقف.. وكيف ممكن نواجهها على ارض الواقع وبدون تنظير..

الدكان - السوبر ماركت
قبل الذهاب الى التسوق لازم يعرف الطفل انو بدنا نشتري كذا وكذا وانو هوي بدو يشتري كذا فقط.. وانو المصاري اللي معنا بتكفي بس لهدول الاغراض..
بس نروح ويجن متل العادة.. لازم ننبهو مرة او مرتين بصوت واطي وصارم وبعدين اضرب طنااااااااااااااااااااااا ش..
وكأنو انطرشو أدنيك ..
نوبة الغضب عند الطفل بتتصاعد بشكل خط بياني بيكون خفيف بعدين بيتصاعد وبيرجع بينزل وبتروح النوبة وبتطول او بتقصر الفترة حسب كل طفل أكتر فترة ممكن تتوقعها هيي عشرين دقيقة الى نص ساعة.. وبيكون بأثناءها الطفل عم يحاول يخليك تحكي معو وتستجيب الو.. وانت بسكوتك بتكون عم توجهلو رسالة واضحة هيي "هادا السلوك غير مقبول وانا ما بسمعك وقت تصرخ"
اذا قطعت سكوتك وحكيت مع الطفل اثناء نوبة الغضب بتكون قطعت الخط البياني وممكن يرجع الطفل بالخط البياني للنقطة اللي بلش منها.. مشان هيك حافظ على سكوتك وحاول تدندن شي غنية بقلبك او تحكي مع زوجتك او مع الاخ التاني اثناء زعيق الولد.. وتعاملو كانو غير مرئي.. يعني اهمال تام..
بالزيارة التانية للسوبر ماركت او للسوق رح تشوف فرق واضح.. وخلال 3 زيارات رح تحس انو هادا الولد غير هداك اللي كان يجي معك من قبل..
  رد مع اقتباس
قديم 06/12/2009   #6
صبيّة و ست الصبايا sandra
مشرف
 
الصورة الرمزية لـ sandra
sandra is offline
 
نورنا ب:
Dec 2007
مشاركات:
3,859

افتراضي


اقتباس:
كاتب النص الأصلي : Nay عرض المشاركة
بعض النصائح العامة

-اهم شي بتربية الطفل الاتفاق بين الوالدين على الاستراتيجيات والطرق.. وان تكون التعليمات موحدة وواضحة للطفل وأن يعرف الطفل أن الوالدين متفقين تماما بخصوص تربيته

يتبع..
كتير مهمة هالنقطة بنظري
بلاحظ كتير ولاد بيحاولو ياخدون إذن من الأم بعمل شي ولما بترفض بيحاولو فوراً مع الأب لأن عادة بيمرق هيك قصص والعكس صحيح
هالشي كتير غلط لأن بتأثر عموضوع الرسائل يلي ذكرتيها بنفس المشاركة ... الطفل هون ما عم تصلو رسالة واضحة عن المقبول وغير المقبول

وحبيت فكرة المواقف وكيف منواجها وناطرة الباقي



اقتباس:
كاتب النص الأصلي : Nay عرض المشاركة
شكرا ابو النجب.. انت المشجع الوحيد..

وأنا مشجعة كمان




// وأنّ حضورك في دمي مسكُ الختام //
  رد مع اقتباس
قديم 06/12/2009   #7
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : sandra عرض المشاركة
كتير مهمة هالنقطة بنظري
بلاحظ كتير ولاد بيحاولو ياخدون إذن من الأم بعمل شي ولما بترفض بيحاولو فوراً مع الأب لأن عادة بيمرق هيك قصص والعكس صحيح
هالشي كتير غلط لأن بتأثر عموضوع الرسائل يلي ذكرتيها بنفس المشاركة ... الطفل هون ما عم تصلو رسالة واضحة عن المقبول وغير المقبول

وحبيت فكرة المواقف وكيف منواجها وناطرة الباقي






وأنا مشجعة كمان



شكرا ساندرا..
اذا شفتي شي خطأ بتمنى انو تساعديني بتصحيحو.. بحكم انو انا عم اعتمد بالغالب على ذاكرتي السمعية.. يعني الموضوع مو منقول..
شكرا الك
  رد مع اقتباس
قديم 06/12/2009   #8
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


تقنية العزل:
بعتبر انو تقنية العزل هيي تقنية كتير مفيدة للأطفال العصبيين خاصة.. الطفل بس يعصب بيكون غير قادر على التواصل.. وما بيسمع شي .. لا خناق ولا مسايرة.. مشان هيك لازم ياخد وقتو ليرجع يهدا..
من جهة تانية لازم الطفل يعرف انو الاهل ما رح يحكو معو اذا كان معصب.. واذا ما كان مهذب..
تقنية العزل بتعني انو يقعد الطفل بغرفة لحالو بدون ما ينقفل عليه الباب بس بيتسكر تسكير.. وبدون ما تطفي الضو..
يعزل الطفل لمدة دقيقة لكل سنة من عمرو يعني اللي عمرو 3 سنين 3 دقائق واللي 4 سنين 4 دقايق............... بعد مرور الفترة بتدخل الى الغرفة واذا كان الطفل هادئ معناها انو هوي مستعد للحديث.. واذا صرخ بوجهك معناتا هوي بحاجة لتكرار فترة العزل مرة تانية.. ممكن بالفترات الاولى تستمر نوبة الغضب مدة 20 دقيقة وانت كل 4 دقائق لازم تفوت وتشوفو اذا سكت وتقلو اذا سكتت منحكي...
- خلال صريخ الطفل والعياط ... لازم يكون كلامك قليل وصارم.. ولا تكتر حكي فوق راسو لأنو هوي ما رح يفهم شي.. خدو على الغرفة بدون ما تعصب وبدون ما تورجيه انو قدر يستفزك..
- قلة الادب والوقاحة تواجه فورا بغرفة العزل وبدون تقديم مبررات مطولة منك.. فقط جملة مقتضبة بتشرح سبب العزل
- بعد ما يهدا الولد بتحاول شرح المشكلة بدون كتر حكي.. وضمة وبوسة بحنية بس بدون ضحك كتير
- تقف بشكل موازي لطول الطفل مو انت واقف وهوي قصير ويضطر يرفع راسو ليشوفك.. ولا تقترب زيادة وقت التوبيخ خلي مسافة لابأس بها بيناتكون.. ولا تفنجر عيونك.. ولاتعيط..
خلي صوتك واطي وصارم..
- في حالات من الشغب بيجوز انت تعتبرها لاتستدعي العزل ممكن انك تواجهها بتجاهل الطفل وعدم اعارتو اي انتباه سلبي او ايجابي يعني طنش على الاخيييييييييييير
  رد مع اقتباس
قديم 06/12/2009   #9
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


تقنية بقعة المزعجين او كرسي المزعجين:
هي التقنية هيي نفس تقنية العزل بالمعنى العام للكلمة.. بس ما بيكون الطفل بغرفة منفصلة.. بيكون على كرسي معين او سجادة صغيرة.. هوي بيعرف مسبقا انو هي السجادة او الكرسي مخصص للاطفال المزعجين.. وكمان لازم الطفل يقعد عليها لمدة دقيقة عن كل سنة من عمرو..
ممكن انو يكون مواجه للحيط.. واذا نزل عن الكرسي لازم يتم ارجاعو مرة تانية حتى لو تكرر نزولو عن الكرسي مرات عديدة..
  رد مع اقتباس
قديم 07/12/2009   #10
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


تقنية البرنامج اليومي..
الطفل على خلاف الراشدين بيحب الروتين.. بمعنى اخر الروتين بيريحو
يجب عمل كرتونة كبيرة فيها الاعمال اليومية ..

وقت الفيقة.. وقت الفطور.. وقت الرسم .. وقت اللعب.. وقت الغدا.. موعد رجعة البابا.. وهيك وأمام كل موعد رسمة رمزية ليفهم الطفل هلكلام شو معناتو يعني موعد الفيقة قدامو صورة شمس ووقت الرسم قدامو الوان..وهيك..
هيدي التقنية كتير يتفيد للأمهات اللي ما بيشتغلو وااطفال اللي ما بيروحو روضة بشكل خاص.. كتير بيكون حلو اذا اشترك الطفل بإعداد اللوحة وهادا بيساعدة على فهم آلية العمل واعتبارها لعبة عم يلعبها..

تقنية النقاط او الوجوه الضاحكة
هيدي التقنية بتعتمد على تجميع الطفل لنقاط لما بيمتنع عن العمل السيء.. عن قول الكلام البذيء او حتى التبول خارج الواليت او بالفراش او اللعب بالاعضاء التناسلية او نكش الانف او حتى قضم الاظافر.. طبعا التقنية تستخدم لحل مشكلة وحدة من هدول المشاكل مو الكل سوا
نقوم بعمل كرتونة ملصقة على الحائط وجدول يقسم حسب ايام الاسبوع وكل يوم 3 اقسام وتلصق وجوه ضاحكة او زعلانة عند قيام الطفل بسلوك جيد او سيء.. ونقوم باعداد الوجوه بمساعدة الاطفال ..
لما بيجمع الولد عدد من الوجوه الضاحكة انت بتحددو بيحصل على هدية صغيرة
  رد مع اقتباس
قديم 08/12/2009   #11
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


ومتل ماتحاكينا عالماسنجر ..انا طبعت هالتقنيات و ازا في استفسار رح خبّرك ....

يسلمو ناي
  رد مع اقتباس
قديم 08/12/2009   #12
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


هلاء بالنسبة لهدول التقنيات ...

بدنا نستعملون مع بعض ...!!

ولا نجرب وحدة وازا فشلت نشوف غيرا ..؟
  رد مع اقتباس
قديم 08/12/2009   #13
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


كلو سوا ابو نجبو

تقنية العزل.. بمواجهة نوبات الغضب

تقنية النقاط متل ما حكيت من قبل بمواجهة المشاكل اللي الها علاقة بالعادة.. يعني قرط الاظافر او مص الاصبع او التبول او الكلمات البذيئة.. بس بهي الحال بدك تختار من هدول المشاكل وحدة.. واذا بتلاقي انو فيك تمرق شي مشكلة مرقها..
انا مثلا بمرق أحيانا لما بتقول بنتي حمار لرفقاتها... وبلاقي الاولوية لمشاكل تانية بشوفها اهم.. وكل أب او ام الو رأي مختلف..

تقنية البرنامج اليومي : كمان فيك تستعملها مع باقي التقنيات

كلو بيمشي مع بعض.. وبيكمل بعض..
وفيك تختار اللي بتشوفو مناسب الك .. انا ما بطبق تقنية البرنامج لأنو ظروفي ما بتساعدني من جهة ولأني فوضوية بطبعي من جهة تانية..
بس لما بتخربط او بتتنازل او تتراجع بتكون هدمت كلشي عملتو وبدك ترجع من الاول.. اهم شي يكون الواحد صارم وحنون بنفس الوقت..
  رد مع اقتباس
قديم 08/12/2009   #14
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


والله خايف أخبّص ...

يعني صرلون كل هالمدّة الماضية بدون توجيه...

وهلاء بدنا نطبق هالتقنيات ...


بتظنّي بيتجاوبو الولاد معهون ...؟
  رد مع اقتباس
قديم 08/12/2009   #15
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : ابو نجبو عرض المشاركة
والله خايف أخبّص ...

يعني صرلون كل هالمدّة الماضية بدون توجيه...

وهلاء بدنا نطبق هالتقنيات ...


بتظنّي بيتجاوبو الولاد معهون ...؟
اهم شي تعمل تقنية العزل.. او بقعة المزعجين.. الولاد الكتير عصبيين أحسن يكون العزل بغرفة مو على كرسي..
بعدين شوي شوي.. لانو تبع النقاط والبرنامج بدون رواق.. رغم انو انا شفت ببرنامج سوبر ناني عم يطبقو كل التقنيات سوا
  رد مع اقتباس
قديم 08/12/2009   #16
صبيّة و ست الصبايا sandra
مشرف
 
الصورة الرمزية لـ sandra
sandra is offline
 
نورنا ب:
Dec 2007
مشاركات:
3,859

افتراضي


ناي


هلا مشان سؤال ابو نجبو
هو صحيح كلما كان التوجيه أبكر .. بيكون أسهل
بس اعتقد هالتقنيات يلي ذكرتا ناي مجدية
وخصوصاً ...
اقتباس:
خبيرة التربية جو فروست صاحبة برنامج سوبر ناني
بصراحة فظيعة أنا هالبرنامج بشوفو كل مرة بنزل إجازة لسوريا وبيطلع عال ام بي سي 4

في حالات كنت شوف الطفل فيها عن جد خارج السيطرة بس هي من خلال تطبيقها لهالتقنيات كانت فعلاً تأثر فيه
وبالأخير يتجاوب الطفل

و متل ما قالت ناي هالتقنيات بدون رواق



  رد مع اقتباس
قديم 08/12/2009   #17
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : sandra عرض المشاركة
ناي


هلا مشان سؤال ابو نجبو
هو صحيح كلما كان التوجيه أبكر .. بيكون أسهل
بس اعتقد هالتقنيات يلي ذكرتا ناي مجدية
وخصوصاً ...

بصراحة فظيعة أنا هالبرنامج بشوفو كل مرة بنزل إجازة لسوريا وبيطلع عال ام بي سي 4

في حالات كنت شوف الطفل فيها عن جد خارج السيطرة بس هي من خلال تطبيقها لهالتقنيات كانت فعلاً تأثر فيه
وبالأخير يتجاوب الطفل

و متل ما قالت ناي هالتقنيات بدون رواق


بس ساندرا أول شي بيتعب الواحد كتير لمدة شي اسبوع او عشر أيام .. بس بعدين بيرتاح كتير.. انو يكون عندك طفل هادي ولطيف وحنون ومهذب.. هادا شي ما بيجي الا بعد تعب.. بس بيريحك على المدى الطويل..

هلأ مثلا انا بنوتي الصغيرة.. بغض النظر عن كل فصولها الناقصة..
اتعودت من عمر سنة ونص انو بس تفرد ألعابها هيي اللي بدا ترجع تضبهون.. وأحيانا كنا نتقاتل أنا وياها.. وتضل تلك بالالعاب أكتر من ساعتين .. وهيي مزعوجة ومعصبة.. وأحيانا بتعيط.. بس مرة ورا مرة صارت تعرف انو انا مستحيل انا ضبلها ألعابها.. وصارت ما تكركب كتير.. ونفس الشي مع الالوان.. ومع الاواعي..
وهادا الشي ريحني.. لأنو مو منطقي الام تضب ألعاب الولد 5 او ست مرات باليوم.. او انو ضل راكدة ورا فوضاها كل النهار...
  رد مع اقتباس
قديم 09/12/2009   #18
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


اقتباس:
كاتب النص الأصلي : sandra عرض المشاركة
ناي


هلا مشان سؤال ابو نجبو
هو صحيح كلما كان التوجيه أبكر .. بيكون أسهل
بس اعتقد هالتقنيات يلي ذكرتا ناي مجدية
وخصوصاً ...

بصراحة فظيعة أنا هالبرنامج بشوفو كل مرة بنزل إجازة لسوريا وبيطلع عال ام بي سي 4

في حالات كنت شوف الطفل فيها عن جد خارج السيطرة بس هي من خلال تطبيقها لهالتقنيات كانت فعلاً تأثر فيه
وبالأخير يتجاوب الطفل

و متل ما قالت ناي هالتقنيات بدون رواق


رح بلّش فيهون ...

وخبّركون بالتطورات أول بأول ...
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 09:09 (بحسب عمك غرينتش الكبير +3)


Powered by vBulletin® Copyright ©2000 - 2022, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.17126 seconds with 12 queries