إعترافــات .. !

[Haje]

غريب! ما في ولا واحد هون من أعضاء المنتدى اليوم تعاطف مع مجرمي فتح الاسلام .
ولكن أكترهم زعلوا وبكوا ورثوا وهاجوا وماجوا أمس على 8 انقتلوا بالبوكمال وال8 من أعضاء فتح الاسلام.
يا ترى مو غريب هالتناقض ؟ يمّا عادي

[VivaSyria]

كاتب النص الأصلي : Haje

غريب! ما في ولا واحد هون من أعضاء المنتدى اليوم تعاطف مع مجرمي فتح الاسلام .
ولكن أكترهم زعلوا وبكوا ورثوا وهاجوا وماجوا أمس على 8 انقتلوا بالبوكمال وال8 من أعضاء فتح الاسلام.
يا ترى مو غريب هالتناقض ؟ يمّا عادي

تناقض مين هاد؟؟ شو عم تحكي انتي ولا هيك أي شي؟؟

مين قال انو يلي استشهدوا بغارة البوكمال هدول من ارهابي فتح الإسلام؟؟ يعني من وين معلوماتك ولا عندك نتائج التحقيق يلي نحنا ما منعرفها؟؟ الغريب حتى أميركا ما قالت انو يلي استشهدوا بهالغارة من فتح الاسلام أو جند الشام أو القاعده !!!

وفي هون نقطه حابب ذكرك فيها انو في بين الشهداء نساء وأطفال مابتصور انك حسبتيون على فتح الاسلام كمان... ولعلمك اذا في ارهابي انقتل بهالغارة فإنذكر بتقارير صحفية أمريكية وبريطانية انو تم سحب جثتو للتأكد من انو المطلوب... وفي تقارير عن سحب الأجهزة الأمنية لجثث تانيه ومانها ضمن الشهداء المدنيين التمانه يلي حضرنك نسبتيون بكل بساطه لفتح الاسلام...

نقطه أخيره حتى لو كانوا الشهداء هنن مجرمين متل ما وصفتيون نحنا ما منقبل ينقتلو على أرضنا بإيد أمريكية ... بس بعذرك اذا النظام مو هامو شو عم يصير بالشعب وعم يموت العالم من الجوع فشو همو اذا الاميركان ساعدوه وقتلولون كم واحد... عادي يعني مافي عتب عليكي...

ياريت تتحلي بشوية موضوعية لما يكون في على المحك أرواح ناس... القصة مو بهالبساطة حتى تجي حضرتك وبكل "..." تتطلقي التهم على ناس ميتين...

وشكراً.

[صياد الطيور]

كاتب النص الأصلي : Haje

غريب! ما في ولا واحد هون من أعضاء المنتدى اليوم تعاطف مع مجرمي فتح الاسلام .
ولكن أكترهم زعلوا وبكوا ورثوا وهاجوا وماجوا أمس على 8 انقتلوا بالبوكمال وال8 من أعضاء فتح الاسلام.
يا ترى مو غريب هالتناقض ؟ يمّا عادي

شكلو الاعلام الغربي مأثر فيك كتير

[Haje]

تناقض مين هاد؟؟ شو عم تحكي انتي ولا هيك أي شي؟؟

هادا يا سيدي تناقض واضح في الموقف، مو هيك أي شي. أنتَ بتتباكى على مجرمين في البوكمال، وبتلعن مجرمين في الشام، والمجرمين يللي بالشام من فصيلة المجرمين يللي بالبوكمال . فكيف تازبطت معك هاي؟

مين قال انو يلي استشهدوا بغارة البوكمال هدول من ارهابي فتح الإسلام؟؟ يعني من وين معلوماتك ولا عندك نتائج التحقيق يلي نحنا ما منعرفها؟؟ الغريب حتى أميركا ما قالت انو يلي استشهدوا بهالغارة من فتح الاسلام أو جند الشام أو القاعده !!!
ومين قالك أنو اللي انقتلوا بالبوكمال، منّون من ارهابيي فتح الاسلام ؟ عندك دليل؟ تفضل هاتو. أما أنا فعندي دليل، ودليلي هوّي : الأميركان والعراقيين ما لهم مصلحة بقتل مدنيين سوريين. بالمناسبة قولك: " الغريب حتى أميركا ما قالت أنو يللي استشهدوا .. من فتح الاسلام.." مالو معنى. لأنو الاميركان مو محتاجين يقولوا شي. فالغارة آالت كل شي.
وفي هون نقطه حابب ذكرك فيها انو في بين الشهداء نساء وأطفال مابتصور انك حسبتيون على فتح الاسلام كمان...
ما عندك أي دليل على أنو في بين القتلى نساء وأطفال. وحتى لو وجد قتلى من نساء وأطفال فبيكونوا راحوا بالغلط، الأميركان ما بيقتلوا أطفال ونساء عمداً، اللي بيقتل نساء وأطفال هنن الارهابيين.
ولعلمك اذا في ارهابي انقتل بهالغارة فإنذكر بتقارير صحفية أمريكية وبريطانية انو تم سحب جثتو للتأكد من انو المطلوب... وفي تقارير عن سحب الأجهزة الأمنية لجثث تانيه ومانها ضمن الشهداء المدنيين التمانه يلي حضرنك نسبتيون بكل بساطه لفتح الاسلام...

كل العالم بتعرف أنو الارهابيين بيتسللوا عن طريق سوريا لتنفيذ عمليات إجرامية في العراق وعندون أوكار على الحدود العراقية . وكلام الصحف الأمريكية والبريطانية هو كلام جرايد، وليس معلومات استخباراتية.

نقطه أخيره حتى لو كانوا الشهداء هنن مجرمين متل ما وصفتيون نحنا ما منقبل ينقتلو على أرضنا بإيد أمريكية ... بس بعذرك اذا النظام مو هامو شو عم يصير بالشعب وعم يموت العالم من الجوع فشو همو اذا الاميركان ساعدوه وقتلولون كم واحد... عادي يعني مافي عتب عليكي...

أنتَ ما تقبل مجرم ينقتل على أرضك، بس بتقبل آلاف الضحايا الأبرياء ينقتلوا بالعراق.
بعدين مين أنتَ لتقبل أو ما تقبل ؟ الحكومة السورية تعهدت في مؤتمر وزراء الخارجية العرب أنها تضب حدودها، وتمنع المتسللين. وإلا رح يكون من حق العراق وقوات التحالف التصرف مع الارهابيين داخل الحدود السورية.
واضح يا سيدي أنك مش فهمان القضية وواضح كمان أديشك موضوعي وأديش تفكيرك سليم لمّا بتسمي المجرمين شهداء.

ياريت تتحلي بشوية موضوعية لما يكون في على المحك أرواح ناس... القصة مو بهالبساطة حتى تجي حضرتك وبكل "..." تتطلقي التهم على ناس ميتين...

خليك أنتَ الموضوعي إذن وروح أبكي على الشهدا الأبرياء اللي سقطوا بالشام . وخلي البكاء على المجرمين لحكومتك السورية المتواطئة مع الاميركان.

[Haje]

شكلو الاعلام الغربي مأثر فيك كتير

والله أفحمتني يا صياد . شو بتصطاد بلا زغرة ؟
ليك ، كلمة وحده بئلك ياها وبس : من حسن حظي أنو الاعلام العربي مو مأثر فيي .

[VivaSyria]

هادا يا سيدي تناقض واضح في الموقف، مو هيك أي شي. أنتَ بتتباكى على مجرمين في البوكمال، وبتلعن مجرمين في الشام، والمجرمين يللي بالشام من فصيلة المجرمين يللي بالبوكمال . فكيف تازبطت معك هاي؟

شوفي احترمي حالك ولاعد تقولي مجرمين... هي صارت اسما قلة أدب... هدول الشهداء الأبرياء أشرف من انك تجيبي اسمون على لسانك...

الارهابيين يلي ضربو بالشام هدول ضربو بلدي وشعبي... اما الرجال وخمس شباب ولادو ومرتو وعمال بناء مدنيين هدول مو مجرمين.. هدول ضحايا الاجرام الامريكي والغطاء العراقي الرسمي" بأكد انو الرسمي لأنو الشعب العراقي الشريف مابيقبل أبداً بهيك عدوان"...

ومين قالك أنو اللي انقتلوا بالبوكمال، منّون من ارهابيي فتح الاسلام ؟ عندك دليل؟ تفضل هاتو. أما أنا فعندي دليل، ودليلي هوّي : الأميركان والعراقيين ما لهم مصلحة بقتل مدنيين سوريين. بالمناسبة قولك: " الغريب حتى أميركا ما قالت أنو يللي استشهدوا .. من فتح الاسلام.." مالو معنى. لأنو الاميركان مو محتاجين يقولوا شي. فالغارة آالت كل شي.

يلعن رب هالزمن يلي صار انو البني أدم يلي مو ارهابي لازم يجيب دليل.. غريبة هالسخافة انو بدو يجيب دليل انو هو مو ارهابي... طيب ولاد الكلب يلي قتلون مايجيبو دليل انو ارهابيين؟؟

عيب هيك ما؟؟ هاد منطق ولاد شوارع وعصابات مو منطق بشر ودول... المتهم مدان حتى يثبت العكس... أو أضرب من هيك الانسان الآمن هو ارهابي حتى يثبت العكس... أو لازم يكون كلب للأمريكان مشان يرضو عنو...

ما عندك أي دليل على أنو في بين القتلى نساء وأطفال. وحتى لو وجد قتلى من نساء وأطفال فبيكونوا راحوا بالغلط، الأميركان ما بيقتلوا أطفال ونساء عمداً، اللي بيقتل نساء وأطفال هنن الارهابيين.

ياعيب الشوم بس.. بالفعل هزلت... برجع بقلك القاتل هو يلي بدو يبرر اجرامو مو المقتول... غريب عن جد

راحو بالغلط الأطفال والنساء؟؟؟ هالكلام أرخص من اني جاوب عليه...

كل العالم بتعرف أنو الارهابيين بيتسللوا عن طريق سوريا لتنفيذ عمليات إجرامية في العراق وعندون أوكار على الحدود العراقية . وكلام الصحف الأمريكية والبريطانية هو كلام جرايد، وليس معلومات استخباراتية.

تركنالك المعلومات الدقيقة لإلك... والمصادر الاستخباراتيه الموثوقة كمان لإلك... نحنا جماعه على قدنا منعرف نقرا جرايد ونسمع أخبار... انتي معلوماتك أكبر من هيك.. وبالفعل واضحة أديش محترمة هالمعلومات والمصادر والتفكير

أنتَ ما تقبل مجرم ينقتل على أرضك، بس بتقبل آلاف الضحايا الأبرياء ينقتلوا بالعراق.
بعدين مين أنتَ لتقبل أو ما تقبل ؟ الحكومة السورية تعهدت في مؤتمر وزراء الخارجية العرب أنها تضب حدودها، وتمنع المتسللين. وإلا رح يكون من حق العراق وقوات التحالف التصرف مع الارهابيين داخل الحدود السورية.
واضح يا سيدي أنك مش فهمان القضية وواضح كمان أديشك موضوعي وأديش تفكيرك سليم لمّا بتسمي المجرمين شهداء.

ماحدا الو حق يقتل حدا على ارضي... واذا في ناس رضيانين بالاحتلال وعم يهللو ويغنو للمحتل هدول بنظري خونة وسفلة... يلي بيقبل وجود الأجنبي على ارضو هو خاين وعميل... ومابيستحق الحياة على هالأرض...
الحكومة السورية اتعهدت واذا الحكي كان صحيح انو في متسللين تروح أميركا تحاسب الحكومة... مو تتقاوى على الشعب الفقير المسكين..

خليك أنتَ الموضوعي إذن وروح أبكي على الشهدا الأبرياء اللي سقطوا بالشام . وخلي البكاء على المجرمين لحكومتك السورية المتواطئة مع الاميركان.

كل ولاد بلدي ببكي عليون... واي مجرم لازم يتحاسب وفق الاسس القانونية.. ومنطق العصابات والاجرام مابيعجب غير المجرمين والسفلة والمرتزقة تبعوتون...

مسخرة.

[صياد الطيور]

عيني
انت من أي مخابرات ؟
يعني جاي تبيضي وجه مين ؟

يعني كل الناس غلط و أنت و الاميركان صح ؟
هي مهمتك الجديدة الي جندوك فيها ؟ تحسني و تبيضي وجه الاميركان و تقنعينا بشي مستحيل ؟

[ظل جيفارا]

كاتب النص الأصلي : Haje

تناقض مين هاد؟؟ شو عم تحكي انتي ولا هيك أي شي؟؟

هادا يا سيدي تناقض واضح في الموقف، مو هيك أي شي. أنتَ بتتباكى على مجرمين في البوكمال، وبتلعن مجرمين في الشام، والمجرمين يللي بالشام من فصيلة المجرمين يللي بالبوكمال . فكيف تازبطت معك هاي؟

مين قال انو يلي استشهدوا بغارة البوكمال هدول من ارهابي فتح الإسلام؟؟ يعني من وين معلوماتك ولا عندك نتائج التحقيق يلي نحنا ما منعرفها؟؟ الغريب حتى أميركا ما قالت انو يلي استشهدوا بهالغارة من فتح الاسلام أو جند الشام أو القاعده !!!
ومين قالك أنو اللي انقتلوا بالبوكمال، منّون من ارهابيي فتح الاسلام ؟ عندك دليل؟ تفضل هاتو. أما أنا فعندي دليل، ودليلي هوّي : الأميركان والعراقيين ما لهم مصلحة بقتل مدنيين سوريين. بالمناسبة قولك: " الغريب حتى أميركا ما قالت أنو يللي استشهدوا .. من فتح الاسلام.." مالو معنى. لأنو الاميركان مو محتاجين يقولوا شي. فالغارة آالت كل شي.
وفي هون نقطه حابب ذكرك فيها انو في بين الشهداء نساء وأطفال مابتصور انك حسبتيون على فتح الاسلام كمان...
ما عندك أي دليل على أنو في بين القتلى نساء وأطفال. وحتى لو وجد قتلى من نساء وأطفال فبيكونوا راحوا بالغلط، الأميركان ما بيقتلوا أطفال ونساء عمداً، اللي بيقتل نساء وأطفال هنن الارهابيين.
ولعلمك اذا في ارهابي انقتل بهالغارة فإنذكر بتقارير صحفية أمريكية وبريطانية انو تم سحب جثتو للتأكد من انو المطلوب... وفي تقارير عن سحب الأجهزة الأمنية لجثث تانيه ومانها ضمن الشهداء المدنيين التمانه يلي حضرنك نسبتيون بكل بساطه لفتح الاسلام...

كل العالم بتعرف أنو الارهابيين بيتسللوا عن طريق سوريا لتنفيذ عمليات إجرامية في العراق وعندون أوكار على الحدود العراقية . وكلام الصحف الأمريكية والبريطانية هو كلام جرايد، وليس معلومات استخباراتية.

نقطه أخيره حتى لو كانوا الشهداء هنن مجرمين متل ما وصفتيون نحنا ما منقبل ينقتلو على أرضنا بإيد أمريكية ... بس بعذرك اذا النظام مو هامو شو عم يصير بالشعب وعم يموت العالم من الجوع فشو همو اذا الاميركان ساعدوه وقتلولون كم واحد... عادي يعني مافي عتب عليكي...

أنتَ ما تقبل مجرم ينقتل على أرضك، بس بتقبل آلاف الضحايا الأبرياء ينقتلوا بالعراق.
بعدين مين أنتَ لتقبل أو ما تقبل ؟ الحكومة السورية تعهدت في مؤتمر وزراء الخارجية العرب أنها تضب حدودها، وتمنع المتسللين. وإلا رح يكون من حق العراق وقوات التحالف التصرف مع الارهابيين داخل الحدود السورية.
واضح يا سيدي أنك مش فهمان القضية وواضح كمان أديشك موضوعي وأديش تفكيرك سليم لمّا بتسمي المجرمين شهداء.

ياريت تتحلي بشوية موضوعية لما يكون في على المحك أرواح ناس... القصة مو بهالبساطة حتى تجي حضرتك وبكل "..." تتطلقي التهم على ناس ميتين...

خليك أنتَ الموضوعي إذن وروح أبكي على الشهدا الأبرياء اللي سقطوا بالشام . وخلي البكاء على المجرمين لحكومتك السورية المتواطئة مع الاميركان.

لأ هني بصراحة الاميركان محترمين ما بيقتلوا نساء وأطفال ما إلهن بالعادة يعني هني بالعادة بالكتير إغتصاب جماعي ..بالكتير أبو غريب يعني ..
خلص إنتا وياه اللي بيحكي عن الأميركان شغلة مو منيحة بدي إلعن ربه
ولك شو قصتك إنتي وين عايشة أكيد عم تمزحي معنا...
تحياتي الحارة
اظل جيفارا

[Haje]

شوفي احترمي حالك ولاعد تقولي مجرمين... هي صارت اسما قلة أدب...
لا ،، رعبتني دخيلك يا ماما !
هدول الشهداء الأبرياء أشرف من انك تجيبي اسمون على لسانك...
الشهدا هنن اللي بيسقطوا بساح الوغى دفاعاً عن قضية من قضايا الأمة الشريفة. أما اللي بيأووا أرهابيين ويقدموا لهم خدمات، ويتاجروا بالأسلحة، ويشاركوا في التفجيرات وقتل الأبرياء. فهدول ما بتنطبق عليهم الشهادة ، هدول مجرمين شئت أم أبيت.

الارهابيين يلي ضربو بالشام هدول ضربو بلدي وشعبي... اما الرجال وخمس شباب ولادو ومرتو وعمال بناء مدنيين هدول مو مجرمين.. هدول ضحايا الاجرام الامريكي والغطاء العراقي الرسمي" بأكد انو الرسمي لأنو الشعب العراقي الشريف مابيقبل أبداً بهيك عدوان"...
أنتَ للأسف ما قدرت للآن تربط بين التنين، لأنو عقلك مغيب، خريج مدارس البعث . لذلك ما ح أعتب عليك. رح حاول فهمك القضية باختصار شديد:
الحكومة السورية بتلعب بذكاء بورقة الإرهابيين الاسلامويين، بتمسك فيون للضغط على الأميركان لتحمي حالها من السقوط. و لكن الارهابيين ما عليهم أمان، فريق منون اللي هوّ فتح الاسلام انقلب على النظام السوري راعيه. بتحريض من الحريري والسعودية. وهذا ما دفع النظام ، أن يسمح للأميركان بضرب أوكارون على الحدود السورية العراقية. يعني كان هناك تنسيق سري بين الطرفين. ولاحظ أنو رد فعل النظام على ضرب الأوكار ما كان جدي ، ومو بس هيك بل قام النظام مباشرة بعرض محاكمة المجرمين للتغطية على الحدث. وكذلك ما اهتم العالم بالغارة الأميركية لانو الكل بيعرف أنو اللي انقتلوا كانوا من الارهابيين ومن اللي تخصصوا بتقديم الخدمات ألون. فأرهابي من المغرب أو السودان أو اليمن أو السعودية مثلاً لازم يكون له ناس أدلاء على نقاط العبور تساعدو، وإلا كيف بيئدر لحالو يدخل العراق ليفجر حزامو أو سيارتو.
و بعدين صحح معلوماتك وبلا ما ترمي الكلام من دون وعي: الشعب العراقي هوّ اللي عم ينقتل مو حكومتو وهوّ اللي عم يلعن الحكومة السورية لأنها ما عم تتخذ اجراءات حازمة لمنع تسلل الارهابيين عبر حدودها.

يلعن رب هالزمن يلي صار انو البني أدم يلي مو ارهابي لازم يجيب دليل.. غريبة هالسخافة انو بدو يجيب دليل انو هو مو ارهابي... طيب ولاد الكلب يلي قتلون مايجيبو دليل انو ارهابيين؟؟

عيب هيك ما؟؟ هاد منطق ولاد شوارع وعصابات مو منطق بشر ودول... المتهم مدان حتى يثبت العكس... أو أضرب من هيك الانسان الآمن هو ارهابي حتى يثبت العكس... أو لازم يكون كلب للأمريكان مشان يرضو عنو...

يعني أنت بهالزعيق والنعيق رح تئدر اتغطي على جرائم الارهابيين؟ رح تئدر تقنع العالم أنو الارهابيين ما عمال يتسللوا من الحدود السورية؟ استخدم عقلك يا أخي ولو مرة وحده، وتجنب هالأسلوب الرخيص في الحوار




اقتباس:

ياعيب الشوم بس.. بالفعل هزلت... برجع بقلك القاتل هو يلي بدو يبرر اجرامو مو المقتول... غريب عن جد

راحو بالغلط الأطفال والنساء؟؟؟ هالكلام أرخص من اني جاوب عليه...

أنا طلبت منك تجيب دليل واحد على أنو اللي انقتلوا كانوا أبرياء، أو دليل يثبت أنو كان بين القتلى أطفال ونساء متل ما حضرتك عم تدعي. رحت تهربت وصرت تتلهّى بقصيدة هجاء لتغطي على عجزك.


اقتباس:

تركنالك المعلومات الدقيقة لإلك... والمصادر الاستخباراتيه الموثوقة كمان لإلك... نحنا جماعه على قدنا منعرف نقرا جرايد ونسمع أخبار... انتي معلوماتك أكبر من هيك.. وبالفعل واضحة أديش محترمة هالمعلومات والمصادر والتفكير

هادا مو أسلوب حوار أو مناظرة، أو سجال، أو تبادل معلومات وأفكار، هادا أسلوب العاجزين المفلسين. إذا أنتَ مفلس خلي الدور لغيرك



اقتباس:


ماحدا الو حق يقتل حدا على ارضي... واذا في ناس رضيانين بالاحتلال وعم يهللو ويغنو للمحتل هدول بنظري خونة وسفلة... يلي بيقبل وجود الأجنبي على ارضو هو خاين وعميل... ومابيستحق الحياة على هالأرض...
الحكومة السورية اتعهدت واذا الحكي كان صحيح انو في متسللين تروح أميركا تحاسب الحكومة... مو تتقاوى على الشعب الفقير المسكين..

شفت أديش أنك شاطر بالتحليل السياسي؟! القوات الأمريكية يا شاطر مخولة بإحلال السلام في العراق، احلال السلام مسؤوليتها. وليست مخوّلة بالدخول في صراع عسكري مع النظام السوري، لذلك بتسعى لمكافحة الارهاب من وين من أجا.
وبعدين لأيش لتحاسب النظام السوري؟ مادام النظام السوري عم يبدي استعدادو للتعاون معها على ضرب الارهابيين؟
ثمّ وين أرضك يا مسكين؟ أنتَ بأرضك بين أيادي النظام متل القملة المفروكة، ما بتسترجي ترفع راسك لفوق. لو كنت وطني وبتحب شعبك حب حقيقي كنت تظاهرت وقاومت تعسف المخابرات اللي راكبين فوق كتافك ؟ قل لي :ليش ما تظاهرت لما اعتقلوا المخابرات شباب أبرياء من المنتدى؟ وين عنجهيتك الوطنية ؟ وين حبك لأرضك وشعبك؟ وين رجولتك ؟ شاطر على الأميركان لأنو الأميركان ما بيعتقلوك ولا بيأذوك ولا ح يحطوك بيت خالتك.

اقتباس:

كل ولاد بلدي ببكي عليون... واي مجرم لازم يتحاسب وفق الاسس القانونية.. ومنطق العصابات والاجرام مابيعجب غير المجرمين والسفلة والمرتزقة تبعوتون...

مسخرة.
المسخرة الحقيقة لما تطلع أنتَ وغيرك في مظاهرات حاشدة ضد أميركا. وبعد يوم ولا تنين بتصف بالدور مذلول ساعات طويلة أمام السفارة الاميركية لتشحد الهجرة على بلاد الاميركان.

[Haje]

عيني
انت من أي مخابرات ؟
يعني جاي تبيضي وجه مين ؟

يعني كل الناس غلط و أنت و الاميركان صح ؟
هي مهمتك الجديدة الي جندوك فيها ؟ تحسني و تبيضي وجه الاميركان و تقنعينا بشي مستحيل

كنت مفكرتك صياد أسوده ونمورة، طلعت صياد برغش ودبان.
اسمع لألك: الأميركان ما بيجندوا للأسف وحده درويشة متلي يا دوب معها بكالوريا، كل معلوماتها السياسية بتستمدها من أبوها اللي أرغم على الهجرة ع الهرب من (سوريا ياحبيبتي )بعد ما دفع 15 سنة من حياتو في معتقلات حافظ الاسد. الاميركان بيجندوا رؤساء دول ، وزرا ورؤساء وزرا، وضباط كبار بالجيش والمخابرات، وقادة أحزاب. فشو بتئدر وحده متلي تقدم لون معلومات؟ أو تعقد معون صفقات؟
ويكون بعلمك أني ما بحاول أبيض وجه الاميركان، لأنو وجههم أبيض خلقه حتى لو كان أسود. اللي بحاجة للتبيض هو وجه الخنوعين المستعبدين المنتهكين الغارقين بسواد المذلة في العالم التالت.

[yass]

لو سمحتو بلا شخصنة بالحوارات.. على ما أعتقد هون كلنا أعضاء على قد حالنا و مافي داعي لهالطريقة بالكلام و لهالارهاب الكلامي...


و شكرا لتعاونكم

[صياد الطيور]

هي مشكلة الي بيساوي حالو قبضاي و صاحب مبدأ و ( فهمان ) بس لما بيكون برا البلد
و لما بيرجع ... أول واحد بيطلع بالمسيرات و هو عم يهتف للقائد

الاميركان بيجندو الي متلك و الي أقل منك و الي ممكن ما تشيليه من أرضو

أما أعجابك الشديد فيهم فهي ما بقدر قلك غير أنها مصيبة مضاعفة لأنو دماغك و تفكيرك مغسول تماماً ( أكتر من غسيل دماغ الارهابيين الي كنت عم تحكي عنهم )
بس شو بدنا نفيدك ..... صعب

لأنو عقلك مغيب، خريج مدارس البعث . لذلك ما ح أعتب عليك

هي لمين لـ VivaSyria
هي أكتر شي بتضحك بكل حديثك ... معناها لسا ما بتعرفيه لأخونا

[yass]

ويكون بعلمك أني ما بحاول أبيض وجه الاميركان، لأنو وجههم أبيض خلقه حتى لو كان أسود. اللي بحاجة للتبيض هو وجه الخنوعين المستعبدين المنتهكين الغارقين بسواد المذلة في العالم التالت.

كل شي حكيتي عنو.. كل شي ها.. ممكن يكون قابل للأخذ و العطا إلا بياض وجه السياسة الأميركية.. اللي هيي سياسة و أسلوب عمل مجرم بنظر جزء مهم حتى من الداخل الأميركي..

مين موّل كل التنظيمات الارهابية بآخر خمسين سنة غير الأميركان (و انقلبت عليهون جزئيا.. كون وجودها هو دافع للأميركان للاستمرار بالمنطقة)

مين دعم كل الأنظمة العربية, من السوري و انتي طالعة, غير الأميركان؟

مين تحالف مع صدّام حسين غير الأميركان؟

شو اسرائيل؟ غير نظام ارهابي دموي.. ما قادر يبرر جزء بسيط من جرائمو حتى ألصق حلفائو؟

مين عامل من أكثر الحكومات تخلّفا و قذارة و همجية و بدائية, اللي هو النظام السعودي, حليفها الوثيق غير الأميركان؟

مزبوط من خيبتنا مستوطين حيطنا... لكن مانهون ملائكة الله على الأرض, مجرمون كحكوماتنا تماما.. و شركائهم بكل الألعاب من الألف إلى الياء... و مو رايحة إلا على المعتّرين...

يبقى اعمليني جاهل و طابور خامس و خرّيج مدارس البعث... ع راحتك.. لكن يكون بعلمك انو اسلوب علاوة الصوت و المزاودة و التخوين و الاتهام.. هو اسلوب مدارس البعث بالضبط


و شكرا

[yass]

أما بخصوص لعبة النظام السوري الخاصة بتحركات الارهابيين من و الى العراق, فما رح شكك بشي... لكن رح قول انو مانو شرشبيل و الأميركان هنن السنافر.. لو ما الأميركان بدهون يفوتو ارهابيين على العراق و يعملو عمليات ارهابية لتبرير استمرار وجودهم بحجة انفلات الوضع, كان ما دخلت نملة وحدة على العراق.. يعني راقصين تانغو من النوع الردئ, و لذلك كل شوي واحد يدوس رجل التاني

لكان معقول جيش أقوى دولة بالعالم عاجز عن ضبط حدود مافيها لا جبال و لا غابات و لا شي.. برّية.. أرض منبسطة تماما.. و بنفس الوقت بدو دولة متل سوريا تكون قادرة على ما هيي عاجزة عنو؟ شو هالمسخرة؟ لكان صارعين سمانا بالأقمار الصناعية اللي تجيب نمرة رجل النملة.. و ما بيشوفو شاحنات العتاد (لأنو في عتاد.. ما هيك.. مش بس ناس شايلة سكاكين مطبخ عم يفوتو).


فانو هون بمنطقتنا و للأسف للكل نصيب متوازي من القذارة.. ما حدا انظف من حدا... فلذلك قصة بياض وجه الأميركان ما بتمشي.. مهما علّيتي صوتك و عملتي كل مين قال عكسك .. كل الشغلات اللي حكيتي عنهون..

[Haje]

لأ هني بصراحة الاميركان محترمين ما بيقتلوا نساء وأطفال ما إلهن بالعادة يعني هني بالعادة بالكتير إغتصاب جماعي ..بالكتير أبو غريب يعني ..
خلص إنتا وياه اللي بيحكي عن الأميركان شغلة مو منيحة بدي إلعن ربه
ولك شو قصتك إنتي وين عايشة أكيد عم تمزحي معنا...
تحياتي الحارة
اظل جيفارا


أنا ما عم أمزح يا محترم ، انا ما دخلت على المنتدى لأطق حنك، دخلت لأفيد وأستفيد.
انا عايشه ببلد فيه هوا نضيف، فتّح لي عيوني على الحقيقة، وعرفني على حقوقي وواجباتي، وهداني حرية التفكير والقول .
ولحتى ما تظن أني بدافع عن الجيش الأميركي، رح أقلك :بعض الجنود الاميركان ارتكبوا جرائم إنسانية في العراق. بس أنت للأسف نسيت تذكر أو تناسيت أنو هالجنود المجرمين تقدموا للعدالة والمحاكمة وتمت معاقبتهم على جرائمهم.

[Haje]

الأخ المحترم ياس
بشكرك على المداخلة الغنية بالتساؤلات والأفكار والوقائع . بس لأني الليلة تعبت مش أدرانه رد عليها، رح أأجل الرد لبوكرا أو لوقت آخر ، شكرا لتفهمك

[مايا *]

كاتب النص الأصلي : Haje

انا عايشه ببلد فيه هوا نضيف، فتّح لي عيوني على الحقيقة، وعرفني على حقوقي وواجباتي، وهداني حرية التفكير والقول .
.

و أنـــا عمـ قول شو الإبداع الي نزّل عليي فجأة .. تاري من البلد .. !
عـ فكرة ماعاد في شي ينحكى بالموضوع ..

بس :

بتستمدها من أبوها اللي أرغم على الهجرة ع الهرب من (سوريا ياحبيبتي )بعد ما دفع 15 سنة من حياتو في معتقلات حافظ الاسد. الاميركان بيجندوا رؤساء دول ، وزرا ورؤساء وزرا، وضباط كبار بالجيش والمخابرات، وقادة أحزاب. فشو بتئدر وحده متلي تقدم لون معلومات؟ أو تعقد معون صفقات؟

رغمـ هلـ الشي .. ما ممكن ننزل بمستوى التضحية هاي لنقول :

لاميركان، لأنو وجههم أبيض خلقه

[yass]

كاتب النص الأصلي : Haje

الأخ المحترم ياس
بشكرك على المداخلة الغنية بالتساؤلات والأفكار والوقائع . بس لأني الليلة تعبت مش أدرانه رد عليها، رح أأجل الرد لبوكرا أو لوقت آخر ، شكرا لتفهمك

أوكي بالانتظار..

و يا ريت لو بهالفترة شوي تراجعي نفسك بخصوص وتيرة الحوار, هون نحنا منتدى حواري و قديه ما خبطنا ببعض ما رح نقرر شي مصيري لحياة الأمة... فلذلك رجاءا نحافظ على الهدوء, و ما حدا مات من الحكي و لا من السماع... و الرأي بعمرو ما كان حجرة إن ضربنا حدا فيها بتفج راسو...


و شكرا, و بانتظار حوار أكثر هدوءا لمافيه الفائدة للجميع


طاب مساؤك