الإخوان المسلمون يحصرون برنامجهم في فرج المرأة ويشرّعون اغتصاب القاصرات!

[yass]

عريب الرنتاوي


بعيدا عن السياسة، كان مجلس الشعب المصري يشهد خلال الأشهر الماضية واحدة من "أسخن" جولات الصراع الاجتماعي بين "السلطة وحزبها الحاكم" من جهة، ونواب "الإخوان المسلمين" من جهة ثانية، وهذه المرة حول "ختان البنات" و"سن الزواج" و"إثبات نسب الطفل لأمه"، انتهت على الطريقة اللبنانية "لا غالب ولا مغلوب"، مع أننا كنا نتمنى - وبخلاف المألوف - أن تنتصر السلطة على المعارضة في هذه الجولة.

إسلاميو مصر، مدعومين من بعض "المحافظين" المبثوثين في مجلس الشعب، بمن في ذلك الحزب الحاكم، نجحوا في الإبقاء على ثغرة في "قانون الختان" تسمح بإجراء العملية في ظروف صحية محددة، ولا أدري أية ظروف يمكن أن تجعل من ختان الفتاة متطلبا وضروريا وعلاجيا، وكان المأمول أن لا يتضمن مشروع القانون فقرة من هذا النوع، وأن يكتفي بتجريم هذه العادة، التي يقول إخوان مصر أنها "أمر إسلامي" ويقول مجرّمو الختان بأنه عادة أفريقية - فرعونية كريهة، لطالما أزهقت حيوات مئات الفتيات وتسبب في آلام وعذابات جسدية ونفسية مبرحة لهن.



النصر الثاني الذي سجله إخوان مصر، تمثل في إسقاط المادة في "قانون الطفل" والتي تنص على رفع سن زواج الفتاة إلى 18 سنة، معارضو هذه المادة تذرّعوا بالخشية من تفشي الزواج العرفي، لكنهم بدل أن يغلظوا العقوبات على مقترفي فعلة الزواج من "القاصرات"، أباحوا هذا الزواج و"شرّعوه"، ودائما بالاستناد إلى مرجعيات دينية تحلل وتحرّم.


أما النصر الثالث، فقد سجّله مشرعو التيار الإخواني بعد أن ثارت ثائرتهم ضد مادة في القانون تخص من يطلق عليهن في أوروبا والعالم وصف "الأمهات العازبات"، حيث نجح القوم في إسقاط المادة التي تمنح المرأة الحق في الإبلاغ عن طفلها ونسبته إليها في حال تعذر معرفة الأب أو امتناعه عن الاعتراف بنسب طفله، التسوية التي تمت بين "السلطة والمعارضة" أتاحت المجال للمرأة لتسجيل طفلها باسمها لغايات إثبات واقعة الولادة لا أكثر، ما يبقي هؤلاء الأطفال في خانة اللقطاء، ويبقي أسماءهم مذيلة بـ"عار" لم يقترفوه، ويجعلهم يدفعون ثمنه مدى الحياة، وعند الممات يورثونه لأبنائهم من بعدهم، إن قدر لهم أن يتزوجوا وأن ينشئوا أسرا، وينجبوا أبناء وبنات.


هي انتصارات ثلاث سجلها إخوان مصر على سلطتها وحزبها الحاكم، بالنقاط وليس بالضربة القاضية الفنية، ودائما بذريعة رفض "الإملاءات الخارجية" والذود عن "الشرع والشريعة"، ولا أدري أية شريعة تجيز تعذيب القاصرات بالختان والزواج المبكر، وأية عدالة تلك التي تجعل إنسانا يدفع طوال حياته الثمن الباهظ لفعلة لم يقترفها، وأين هذا وذاك وتلك من ثقافة"وإذا الموؤدة سئلت.." و"...ولا تزر وازرة وزر أخرى"، وإذا كان رفع الظلم والمعاناة عن فتياتنا القاصرات، إملاء خارجيا، فأهلا ومرحبا بهذه الإملاءات وإلى المزيد منها.










الحقيقة

[TheLight]

إسلاميو مصر، مدعومين من بعض "المحافظين" المبثوثين في مجلس الشعب، بمن في ذلك الحزب الحاكم، نجحوا في الإبقاء على ثغرة في "قانون الختان" تسمح بإجراء العملية في ظروف صحية محددة،

وعلى اعتبار النساء ناقصات عقل ودين فهنالك دايما مبرر وظروف صحية محددة...

بدنا نقطع راس القط بليلة العرس.....



لي عودة...

[ماغنوم56]

لأ ياسين هي مو انتصارات للأخوان المسلمين هي ضربه للأسلام المعتدل
وطريقه ذكيه من حكومة حسني مبارك مشان يحسس الأخوان بأنهم
الهم سطوه في المجلس النيابي
والموضوع الو تفرعات كتير الها دخل بالسياسه
ما الها دخل بالدين

طبعا هاد رأي
تقبل مروري

[abosleman]

دائما بذريعة رفض "الإملاءات الخارجية" والذود عن "الشرع والشريعة"

عن اي شريعة وشرع عم يدافعوا شرع فصلو على
قياساتن وشرع اشك بانو الله قام بتشريعو

[BL@CK]

بس ك تنويه حتى قبل ما أقرا المقالة اللي ناقلا الحجي

أي محاولة للربط بين أخوان مصر و أخوان فلسطين "حماس" .. و أنو يا عمي هاي حال حماس و من هالقصص اللي شبعنا و ملينا منها ممنوعة منعا ً باتا ً ..

و قد أعوزرا من أنزرا

[المحارب العتيق]

بعتقد أنو العنوان أكبر من الموضوع بكتير . والأنتصارات المزعومة هي عبارة عن وجهات نظر . ويكفي عدم التصويت بالأجماع عليها . وبعتقد أنو الأخوان المسلميين حركو كتير شغلات بالحياة البرلمانية المصرية . وكان الهم مواقف واضحة . متل موقفهم من قانون الطوارئ . بس مو ذنبهم أذا ماقدروا يجيبوا أغلبية بالتصويت . بكل الأحوال المقال لايمثل الصورة كاملة . ويقصد الأساءة لتجربة الأخوان في مصر .

[Donald Duck]

ما بعرف اذا هالخبر صحيح ولا لأ ..

لانو ما صار الواحد يعرف مين يصدق ..

يعني اعجبني رد ماغنوم ..

تشوية صورة اخوان المسلمين في مصر .. دايما موجودة ..

يعني الدين ما بنص على الختان .. من وين هذه اجت !!

الله يرحم .. حسن البنا وسيد قطب ..

[المحارب العتيق]

كاتب النص الأصلي : Donald Duck

ما بعرف اذا هالخبر صحيح ولا لأ ..

لانو ما صار الواحد يعرف مين يصدق ..

يعني اعجبني رد ماغنوم ..

تشوية صورة اخوان المسلمين في مصر .. دايما موجودة ..

يعني الدين ما بنص على الختان .. من وين هذه اجت !!

الله يرحم .. حسن البنا وسيد قطب ..

صديقي الخبر هو فقط لتشويه تجربة الأخوان في مصر . والمقال لا يذكر كل تحركات الأخوان ضمن البرلمان المصري وما يسعون اليه . وهو ليس أكثر من عنوان كبير لتحريك المشاعر والغرائز

[handsome]

كاتب النص الأصلي : المحارب العتيق

صديقي الخبر هو فقط لتشويه تجربة الأخوان في مصر . والمقال لا يذكر كل تحركات الأخوان ضمن البرلمان المصري وما يسعون اليه . وهو ليس أكثر من عنوان كبير لتحريك المشاعر والغرائز

شلون يعني تشويه تجربة الاخوان؟؟ المقال فيو كذب شي؟؟ انا ماني حاسس هيك حركات بعيدة عن الاخوان
بعدين بيكفي هدول الشغلات لحتى نعرف لشو عما يسعو اخوان مصر !!!

[suryoyo]

طبعا التيار المطالب بختان البنات موجود بقوة قي مصر ... و الحكومة ما تريد تصدر قانون تحظره بشكل نهائي ... لاسباب ما نعرفها ..


بالحقيقة الشيئ الملفت للنظر في مصر ... الاخوان المسلمين حركة محضورة

لكن مقالاتهم تنشر بالجرائد الرسمية

وقادتهم يظهروا حوارات تلفزيونية بشكل دوري ..

و دخلوا تحت قبة البرلمان ...... كمستقلين



يا عيني على الديمقرلطية .... و خفاياها ......

[المحارب العتيق]

كاتب النص الأصلي : handsome

شلون يعني تشويه تجربة الاخوان؟؟ المقال فيو كذب شي؟؟ انا ماني حاسس هيك حركات بعيدة عن الاخوان
بعدين بيكفي هدول الشغلات لحتى نعرف لشو عما يسعو اخوان مصر !!!

يعني اذا ماغيرو قانون الزواج لتحت ال18 مشان يحافظوا على بناتهم من الزواج العرفي . يلي صار منتشر كتير بمصر وهو بيهضم كل حقوق المرأة أذا طلقت لأنو مافي شي عند الدولة بيثبت زواجها بيكونوا غلطو . بعدين على أساس لحنا بسورية الزواج بس لفوق ال18 . واذا بدك تحكي عن الغرب . فيك تحرم بنت من الجنس مهما كان عمرها ؟؟ . وليش ماذكر المقال شو عملو الأخوان مشان قانون الطوارئ . وموقفهم من قصة القضاة الخ . أصلا المقال بيقول أنو بصيغة لاغالب ولا مغلوب . يعني علمانيي مصر موافقين على القوانين . ولو مابدهم كان فشلوا التصويت وصوتوا ضد القرار . يعني بأختصار علمانيين مصر ممثلين بالحزب الحاكم هنن يلي بيتحكموا بأغلبيتهم بأي قرار . ولو كانوا ضدو كانو فشلوه . متل مابيفشلو غيرو

[منشد2006]

سلام عليكم شباب:

وأنا بحاول أفهم المشكلة لقيت مقال بيحكي عن موضوع الختان

ينقسم ختان الأنثى إلى قسمين:
1. الختان الشرعي: وهو قطع القلفة التي تغطي بظر الأنثى وهو شبيه لختان الذكور، ويعرف بالسنة.
2. الختان غير الشرعي: وهو قطع أي جزء زيادة على قلفة البظر ويشمل الختان الفرعوني (الكامل) والمتوسط والفرعوني المحسن وغيرهما.
وعليه فإن الختان الذي يقطع فيه جزء من البظر يدخل في الختان غير الشرعي فهو من درجات الفرعوني وليس من السنة.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هاد الموضوع كامل

هادا أولا

أما بالنسبة للنقطة الثانيةوالثالثة أنا أعارض وبشدة

أما الأولى بس حبيت أوضح الصورة من ناحية دينية فقط

شكرا

[Reemi]

أما بالنسبة للنقطة الثانيةوالثالثة أنا أعارض وبشدة

أما الأولى بس حبيت أوضح الصورة من ناحية دينية فقط

عفوا بس انا ما فهمت انت بتعارض شو؟


بعدين انت شرحتلنا الختان هاد بيعني انو انتي معو ؟

[handsome]

كاتب النص الأصلي : المحارب العتيق

يعني اذا ماغيرو قانون الزواج لتحت ال18 مشان يحافظوا على بناتهم من الزواج العرفي . يلي صار منتشر كتير بمصر وهو بيهضم كل حقوق المرأة أذا طلقت لأنو مافي شي عند الدولة بيثبت زواجها بيكونوا غلطو . بعدين على أساس لحنا بسورية الزواج بس لفوق ال18 . واذا بدك تحكي عن الغرب . فيك تحرم بنت من الجنس مهما كان عمرها ؟؟ . وليش ماذكر المقال شو عملو الأخوان مشان قانون الطوارئ . وموقفهم من قصة القضاة الخ . أصلا المقال بيقول أنو بصيغة لاغالب ولا مغلوب . يعني علمانيي مصر موافقين على القوانين . ولو مابدهم كان فشلوا التصويت وصوتوا ضد القرار . يعني بأختصار علمانيين مصر ممثلين بالحزب الحاكم هنن يلي بيتحكموا بأغلبيتهم بأي قرار . ولو كانوا ضدو كانو فشلوه . متل مابيفشلو غيرو

ليش خلص كل الشعب قرر انو اذا البنت ما تجوزت جوازر شرعي رح تتجوز جواز عرفي ؟؟ يعني كام بنت من البنات الي تحت ال 18 وبدا تتجوز وما قدرت لانو تحت السن القانوني رح تتجوز جواز عرفي؟

بعدين مين قال انو هادا شي كويس انو بسوريا لهلق سن الزواج بال 15 وال 13 سنة؟؟ يعني انتي وقت كان عمرك 15 سنة كنت قادر تتجوز وتبني عيلة وتعيش مرة وولاد؟؟

المقال مانو عما يحكي بشكل عام عن سياسات الاخوان بمصر, عما يركز على نقطة انو الاخوان عما يأثرو لهلق بالمجتمع المصري وبطريقة الحياة هنيك .. وعما يقضو على اي خطوة من العلمانين بمحاولة تطوير البلد شوي وتبعيد العادات السيئة المتفشية كترا بالمجتمع المصري...

[TheLight]

ممكن سؤال...بالنسبة للاخوة يللي دافعو عن تجربة الاخوان المسلمين بمصر...ممكن نسألكم سؤال...

بحكم دفاعكم عن هالتجربة...ممكن تعطونا ملخص عن هالتجربة وتبرزولنا اهم النقاط المضيئة فيها؟؟؟

[المحارب العتيق]

كاتب النص الأصلي : handsome

وعما يقضو على اي خطوة من العلمانين بمحاولة تطوير البلد شوي وتبعيد العادات السيئة المتفشية كترا بالمجتمع المصري...

صديقي مع أنو جوابك غير مقنع ( يعني مع القانون وفي زواج عرفي وبتقلي ماراح ينتشر الزواج العرفي ) ومابدي ضل ناقش بالأمور التلاتة يلي ذاكرهم المقال . لأنو المقال قاصد تشويه الصورة بتركيزو على قرارات معينة وأغفالو للباقي . بس لفتتني هي الجملة وهية بتناقد المقال يلي عمتدافع عنو . لأنو المقال ذاكر أنو القرارات كانت بالأتفاق بين العلمانيين والأخوان بصيغة لاغالب ولا مغلوب . يعني لو العلمانيين مابدهم القرار كانو صوتوا ضدو , ووقفوه لأنهم أغلبية . متل ماعملو برجع بذكرك بقانون الطوارئ . يعني بعتقد لو بدك تلوم المفروض تلوم العلمانيين لأنهم هنن يلي سمحوا بهيك قرار وهنن أغلبية . مو العكس


برجع بقول يلي بيهمني من الموضوع العنوان المضخم يلي بيحرك المشاعر . وأغفال باقي الحقيقة. أكيد مابيهمني قانونهم بيعملو ختان ولا لأ . لأنو يلي بدو يعمل أو يزوج في يعمل بدون مايستنى قوانين

[Donald Duck]

كاتب النص الأصلي : handsome

المقال مانو عما يحكي بشكل عام عن سياسات الاخوان بمصر, عما يركز على نقطة انو الاخوان عما يأثرو لهلق بالمجتمع المصري وبطريقة الحياة هنيك .. وعما يقضو على اي خطوة من العلمانين بمحاولة تطوير البلد شوي وتبعيد العادات السيئة المتفشية كترا بالمجتمع المصري...

كأنك متأكد من الخبر 100% ...

يعني معروف انو جماعة اخوان المسلمين بتم تشوية سمعتهم في مصر ..

بعدين الختان في مصر مو مصدره الاخوان .. لانو نسبة الختان 98% في مصر .. هيك انا شوفت في برنامج ..

يعني ما بظن انو الاخوان سبب ختان ال 98% ..

ولو عنجد الاخوان بأثروا بشكل سلبي ..

فلشو الشعب بختارهم في البرلمان ..

يعني مع كل الاضطهاد وسجن القيادات الي كل يوم في خبر عن سجن من الاخوان ..

ومع كل هالشي .. 88 مقعد في البرلمان ..

اخ منشد .. ختان البنات مو موجود بالاسلام ..

[المحارب العتيق]

كاتب النص الأصلي : TheLight

ممكن سؤال...بالنسبة للاخوة يللي دافعو عن تجربة الاخوان المسلمين بمصر...ممكن نسألكم سؤال...

بحكم دفاعكم عن هالتجربة...ممكن تعطونا ملخص عن هالتجربة وتبرزولنا اهم النقاط المضيئة فيها؟؟؟

والله ياشريك بيكفي أنهم عم يحاولوا . رغم أنهم أقلية يغيروا كتير من القوانين . متل قانون الطوارئ . وما يتعلق بالمحكمة العليا . وقانون الأحزاب . وحرية الصحافة وغيرها . بيضل برأيي أفضل من مجلس من لون واحد ويأتيه نوعية التصويت قبل الجلسة

وفي نقطة كتير مهمة . أنو مافيك تعتبر ماحصل تجربة . لأنهم لايملكون أي قرار وهم أقلية في البرلمان . أنا يلي بيحقلي طالبك بالعكس . ممكن تعطيني التجربة العلمانية ممثلة بالحزب الوطني الحاكم شو قدمت لمصر من 30 سنة لهلأ


عالهامش
رغم أنهم لم ينتخبوا من فراغ . بل يمثلون شعب أرادهم . لمتى سنظل نهاجم حركة الأخوان المسلميين . يعني بسورية منتحجج أنهم كانو أرهابيين ويعملوا تفجيرات . وهاد كلام سليم . بس حتى تجربة ديمقراطية سلمية مالكون قدرانين تشوفوها . وتهاجم بسبب وبدون سبب . وين الديمقراطية يلي بينادوا فيها العلمانيين