|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
04/02/2006
|
#1 | ||||||
|
شبه عضو
-- اخ حرٍك --
|
الي صار بالسفارة الدنماركية ........... عيب
حبيت علق على هالموضوع لانو كتير عصبني وهزلي بدني
وانا شايفة الي عم بيصير بالشام الي بعتبرها من ارقى بلاد العالم يعني شو كان بيصير لو انو طلعوا مظاهرة محترمة وحكوا يلي بدهن ياه بس بدون انفعالات زايدة عن اللزوم وما الها داعي ابدا لانو هيدا الشي بصراحة ما عكس غير وجهة نظر كتير سيئة عن البلد وتصرفات شعبها بعدين عندي نقطة صغيرة هلء كل الي شاركو بهالمظاهرة وانفعلوا كتير و ورجونا شطارتهن يا ترى بيحبو الدين كل هالقد وبيطبقوا سنة الرسول صلى الله عليه وسلم بحذافيرها انا اتحدى انو يكونوا هيك لانو لو كانو بيفهموا الدين الاسلامي صح ابدا ما كانو اتصرفوا هيك لانو الدين الاسلامي دين محبة وسلام صحيح نحنا ما لازم نسكت عن الي صار بس تكون تصرفاتنا واعية اكتر لانه الي شفته عالتلفزيون بنشرات الاخبار عن الشام والي صار فيها بصراحة وبدون ما حدا يزعل مني شي بيخجل
كفاني أموت على أرضها ..
وأدفن فيها .. وتحت ثراها أذوب وأفنى .. وأبعث عشباً على أرضها .. وأبعث زهرة .. تعبث بها كف طفل نمته بلادي .. كفاني أظل بحضن بلادي .. تراباً وعشباً وزهرة .. |
||||||
|
|
04/02/2006
|
#2 | ||||
|
عضو
-- مستشــــــــــار --
  |
حبيبتي عيوني كيف بدك ياهن يردوا ؟ شفنا كتير المظاهرات السلمية اللي حضرتك بتحكي عنا شو بتعطي  مفعول  هه عن شو عم تحكي يا فهيمة عصرك غير هيك ما بيتربو وخلي العالم كلو يحسب مليون حساب قبل ما يفكر يقرب على حبيبنا المصطفى وخلينا الوسائل السلمية إلك ولأمثالك ومعلومة لإلك جربت كتير دول الوسائل السلمية وكانت الدنمارك تقول حرية الرأي بس هلأ خليها تقول حرية الرأي بعدين الاسلام أنا معك انو دين محبة وسلام بس مو مع الأعداء بل يجب مقاتلتن للرمق الأخير بأبي أنت وأمي يا رسول الله وطوبى لأبطال الشام نصرة سيد الخلق لا تكون الا بالدم
صديقي الله .
لا أحسدك على معرفتك مصير كل منا . لأنك قد تبكي على مصير حزين بينما صاحبه سهران يضحك. وتعرف الفرح قبل وقوعه فلا ترى مثلنا لذة المفاجأة. .... |
||||
|
|
|
04/02/2006
|
#3 | ||||||
|
مشرف متقاعد
|
بستغرب انو في عالم موافقة على العمل الاجرامي اللي عملوه هالبهايم
اما شغلة الحساب يا معلم فالحساب اللي رح يحسبوه النا هوي شعب متخلف شعب ارهابي شعب بجم شعب نوري شعب حمار هاد الحساب
مافي امل
يلعن ابو التخلف ضاع الهدف ابرة ليساعد هلق لصلاح وعدتو بقى رئيدة زدير, اسيرا فهيم رايح |
||||||
|
|
|
04/02/2006
|
#4 | ||||
|
عضو
-- مستشــــــــــار --
|
طيب معقول تنهز صورة الرسول بـ كاريكاتور , كل هلقد عقلكن صغير ,
ما حدا كان ألو خبر بالصور ألى ما قام المسلمين بالرد عليهم و عملوها قصة , معقول أيمانكم يوقف على كاريكاتور , أنت فكرك الدانمارك ما بتقدر ترد بالقوة و أنو الأتحاد الاوروبي رح يوقف مع الدنمارك , وبعدين أذا تسكرت السفارة الدنماركية و النرويجية و السويدية و الفرنسية بسوريا مين المتضرر ؟ , لا يكون رح تنضرب ميزانية الأتحاد الأوروبي , ولا رح يبطلو يستوردو سيارات و أكل و ألكترونيات من عنا ؟ متل ما قال ويلي شعب متخلف شعب ارهابي شعب بجم شعب نوري شعب حمار تحياتي
أن خدعونا مرة .. تباً لهم , أن خدعونا مرتين .. تباً لنا
Amarta <3 ܒܪܠܝܒ |
||||
|
|
|
04/02/2006
|
#5 | ||||
|
عضو
-- مستشــــــــــار --
|
بحب قلك انو: المتخلف هو اللي بيفكر بوجهة نظر أعداؤه فيه الارهابي هو اللي بيعتدي ع مقدسات الآخرين بالأول مو اللي بيرد ع الاعتداء البجم هو اللي بيسكت عن اهانة نبيو أو بيلجأ للوسائل السلمية اللي جوابها عند الأعداء هو حرية الرأي أما النوري بقى سيدي فهو اللي بيدافع عن ناس مانن شايفينو قدامن أو معبرينو والحمار أخيرا هو اللي لساتو رغم كل شي صار وبيصير بيفكر انو وجهة نظر الأعداء رح تتغير نحونا فالمبلول ما بيخاف من زخ المطر وللحق دائما أعداء |
||||
|
|
|
05/02/2006
|
#6 | |||||||||||
|
مشرف متقاعد
|
اقتباس:
اقتباس:
مع العلم انو ما بيطلع بأيدو غير انو يأذي حالو ويأذي اللي حواليه اقتباس:
اقتباس:
حبيب لا تخبص اقتباس:
الحمار هوي اللي بيعمل شي مشان يبين للتاني انو هوي متل ما قال يعني وصفو الرسول بأنو رسول ارهاب بحرق السفارة الاسلام بتعولهون رسالة وقالولهون معكون كل الحق رسولنا رسول ارهاب ونحنا من تربايتو الارهابية عملنا هيك وبالنهاي الحمار هوي اللي بيأذي بلدو وكل بالو عم يأذي بلد تانية |
|||||||||||
|
|
|
05/02/2006
|
#8 | ||||
|
عضو
-- مستشــــــــــار --
|
مع احترامي الشديد للجميع ما في حدا بيقدر يفرض وجهة نظره ع الآخر وأنا مقتنع متل ملايين من بني ديني بصحة اللي عملو الشعب الأبي البار بسوريا وما حدا بيغيرلي قناعتي ولمعلوماتك اللي صار بالدنمارك وغيرها صار تحدي للمسلمين بكل أنحاء الأرض والرسومات بدون أدنى شك لو مهما اشتدت ما بتوصل لشراك نعل النبي وأنا برأيي على العكس العالم ما اتـأكدلها انو نحنا ارهابيين بقدر ما لاحظت قديش غالي علينا النبي الكريم صلى الله عليه وعلى آله وسلم وبالنهاية خلينا صحاب أحسن |
||||
|
|
|
05/02/2006
|
#11 | |||||
|
عضو
-- مستشــــــــــار --
|
اقتباس:
لبكو بشو عم تفكر عبقرية زمانها بالبناااااااااااااااء منقلها اقتصاد بلاد و رزق عبيد بتقلنا بناء بنصحك تنتقلي ع القسم الاقتصادي لأنو يخزي العين حولك شو محللة اقتصادية بارعة قال بناء قااااااااال ههههههههههههههههههههه  |
|||||
|
|
|
05/02/2006
|
#13 | |||||
|
عضو
-- أخ لهلوب --
|
اقتباس:
أي عليك أن لا تنسى بأن المبنى الذي يحتوي على السفارة الدنماركية يحتوي أيضا على السفارة السويدية و سفارة دولة أخرى .. ثم لكي تعبر عن محبتك للنبي محمد و لتعبر عن إستيائك من ما فعله الدنماركيون ليس من اللائق لشخص محترم و لمتبعي عقيدة محترمة أن يفعلو ما فعلو .. إلا في حالة واحدة .. هي أن الرسومات جاءت صائبة بناءا على ما يراه الدنماركيون من أتباع محمد . فكما تعلم .. "من ثمارهم تعرفونهم" .. و هم نظرو إلى ثمارنا و عرفونا .. |
|||||
|
|
|
05/02/2006
|
#15 | ||||||
|
شبه عضو
-- اخ حرٍك --
|
كان قصدي بالفكرة يا استاذ انو قول انو كل شغلة حرق السفارة ما بتاثر على الدنمارك ولا بشي
لانهن حملو حالهن ومشيو عبلادهن ولا كانك عملتلهن شي بالعكس بس طلعت سيط على حالك انك مواطن همجي وبربري وما عندك قوة ولا بايدك شي يهزهن بس في كتير اساليب تانية بتقدر تكسرلهن ايديهن فيها ومن اولها شغلة المقاطعة والمقاطعة مو بس انك تقاطع الاكل والشرب المقاطعة بالاساس عبارة عن مبدا انك تتخلى عن كل شي الو علاقة بهالبلد مهما كانت حاجتك الو وطبعا المقاطعة على مدة طويلة كتير مو شغلة ساعتين تلاته حتى تنكسر شوكتهن ويعرفو انهن شو ما عملوا تحت عنوان حرية التعبير نحنا كمان عنا الحرية انو نقاطعهن بدون تفكير بالموضوع لانو الشغلة شغلة مبدأ |
||||||
|
|
|
05/02/2006
|
#16 | ||||||
|
عضو
-- أخ لهلوب --
|
باشق باشق باشق الله حيك و الله عراسي
خيو أنت كفيت و وفيت و أنا بأيدك بكل كلمة قلتها و عم تقولها و بدك تقولها باشق باشق باشق شكرا كتير
و لقد ذكرتك و الرماح نواهل مني و بيض الهند تقطر من دمي
فوددت تقبيـــل السيــــــوف لأنها لمعت كبارق ثغرك المتبسم بيض الهند : السيوف, بكسر الباء |
||||||
|
|
|
05/02/2006
|
#17 | ||||||
|
مشرف
  |
رسول الله عندما ادناه اهل يثرب سامحهم
مين بيحب الرسول بيتبع اخلاقه لاترد الاساءة بالاساءة تاني شي اي الموقفيت اصعب لما رميو القران بالمراحيض وداسوا عليه وبالو عليه اما عندموا رسمو رسوم سخيفة لاتقدم ولاتوخر بس ياعيب الشوم ياحبف على السوريين انون يعملوا هيك SYRIA
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
"حسام*عاشق من فلسطين*ناطرك" We Ask The Syrian Government to STOP Banning Akhawia"
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 12:56 (بحسب عمك غرينتش الكبير +3)