قصة كنيسة مار يوحنا التى حولها المسلمون جامعاً

[shasho]

إخواني وأخواتي بأخوية
الموضوع هاد عبارة عن تاريخ, تاريخ فقط
أنا بعرف انه لما حدا بيحط موضوع بالأخوية, ما بيعود هالموضوع ملكه, وممكن للكل انهن يردوا عليه, وأنا موافق, بس سبب هالموضوع انه نتعلم درس من التاريخ, التاريخ لا يرحم.
وبظن انه هالإضاءة على فترة من تاريخ بلاد الشام ممكن يساعد على تقبّل مشروعي يللي عم أعمله وبدي حطّه بأخوية, ويللي هو بالمختصرمحاولة لجمع خلاصة الأفكار والآيات المشتركة بين الأديان الموجودة ببلاد الشام للوصول لصيغة تعايش بيقبل فيها كل الأطراف.
ما بدي اشرح عن المشروع كتيرمشان ما نروّح الـSuspense

[shasho]

في كتاب قديم عنوانه: "نزهةالأنام في محاسن الشام"، لمؤلفه أحد علماء القرن التاسع، أبي البقاء عبد الله بنمحمد البدري المصري الدمشقي.

يقول المؤلف نقلاً عن الحافظ بن عساكر: "لما فتح الله تعالى على المسلمين الشام بكماله (بلاد الشام كلها) ومن جملته دمشق المحروسةبجميع أعمالها, وأنزل الله رحمته فيها, وساق برّه إليها، كتب أمير المؤمنين وهو إذذاك أبو عبيدة رضي الله عنه كتاب أمان, وأقرّ بأيدي النصارى أربع عشرة كنيسة, وأخذ منهم نصف هذه الكنيسة، وأخذ منهم التي كانوا يسمونها كنيسة مر يحنا, بحكم أن البلد فتحه خالد بن الوليد رضي الله عنه من الباب الشرقي بالسيف, وأخذت النصارى الأمان من أبي عبيدة وهو على باب الجابية، فاختلفوا ثم اتفقوا على أن جعلوا نصف البلد صلحاً ونصفه عنوة، فأخذ المسلمون نصف هذه الكنيسة الشرقي, فجعله أبو عبيدة رضي الله عنه مسجدا,ً وكانت قد صارت إليه إمارة الشام فكان أول من صلى فيه أبو عبيدة رضي الله عنه ثم الصحابة بعده في البقعة التي يقال لها محراب الصحابة رضي الله عنهم.

ولم يكن الجدار مفتوحاً بمحراب محنى وإنما كان المسلمون يصلون عند هذه البقعة المباركة.

وكان المسلمون والنصارى يدخلون من باب واحد وهو باب المعبد الأصلي الذي كان في جهة القبلة مكان المحراب الكبير, الذي هو اليوم حسبما سلف لنا ذكره.

فينصرف النصارى إلى جهة الغرب لكنيستهم ويأخذالمسلمون يمنة إلى مسجدهم.

ولا يستطيع النصارى أن يجهروا بقراءة كتابهم ولايضربون بناقوس إجلالاً للصحابة رضي الله عنهم ومهابة لهم وخوفاً منهم!."

"وقال ابن عساكر: لما صارت الخلافة إلى الوليد بن عبد الملك, عزم على أخذ بقية هذه الكنيسة وإضافتها إلى ما بأيدي المسلمين وجعل الجميع مسجداً واحداً، وذلك لتأذَي المسلمين بسماع قراءة النصارى في الإنجيل ورفع أصواتهم في الصلاة، فأحبَّ أن يبعدهم عن المسلمين فطلب النصارى وسألهم أن يخرجوا عن بقيةالكنيسة ويعوّضهم إقطاعات كثيرة عرضها عليهم وأن يقرّ لهم أربع كنائس لم تدخل في العهد وهي كنيسة مريم وكنيسة المُصلَّبة وكلاهما داخل الباب الشرقي وكنيسة تل الجبن وكنيسة حميد بن درّة التي بدرب الصيقل، (سميت بهذا الاسم لأن الدرب أي الطريق كان إقطاعاً لحميد بن عمرو بن مساحق القرشي العامري وأمه درة بنت أبي هاشم خال معاوية بن أبي سفيان. وكان الخلفاء يمنحون الإقطاعات من الأراضي التي يحتلونها لمن شاؤوامن أتباعهم ) فأبوا ذلك أشدّ الأباء، فقال: أئتونا بعهدكم الذي بأيديكم في زمن الصحابة، فقُرئَ بحضرة الوليد، فإذا كنيسة توما التي كانت خارج باب توما لم تدخل في العهد، وكانت فيما يُقال أكبر من كنيسة مر يحنا فأقـرّهم على تلك الكنائس، وأخذ منهم بقية الكنيسة. ثم أمر الوليد بالهدم.

فجاءت أساقفة النصارى وقساوستهم وقد ندموا فقالوا يا أمير المؤمنين إنا نجد في كتبنا أن من يهدم هذه الكنيسة يجن، فقال أنا أحب أن أجن في الله، والله لا يهدم فيها أحد قبلي، ثم صعدالمنارة الغربية وكانت صومعة عظيمة، فإذا فيها راهب فأمره بالنزول منها فأبى الراهب، فأخذه بقفاه وحدّره منها ثم وقف على أعلى مكان منها فوق المذبح الأكبر الذي يسمونه الشاهد وأخذ فأساً وضرب أعلى حجر فألقاه، فتبادر الأمراء والأجناد إلى الهدم بالتكبير والتهليل، والنصارى تصرخ بالعويل على درج باب البريد وجيزون وقد اجتمعوا،فأمر الوليد صاحب الشرطة أن يضربهم، وهدم المسلمون جميع ما كان من آثارهم من المذابح والحنايا حتى بقي صرحةً مربعة.

ويتابع الكتاب قائلاً: "واستعمل الوليد في هذا المسجد خلقاً كثيراً من الصناع والمهندسين والمرخّمين. وكان المُسْتَحثّ على عمارته أخوه سليمان بن عبد الملك، ويقال أن الوليد بعث إلى ملك الروم يطلب منه صناعاً في الرخام والأحجار وغير ذلك ليعمروا هذا المسجد على ما يريد، وأرسل يتوعّده إن لم يفعل ليغزونَّ بلاده بالجيوش وليخربنَّ كل كنيسة في بلاده حتى القيامة التي بالقدس الشريف ويهدم كنيسة الرها وجميع آثار الروم (فليتأمل القارئ بهذا الابتزازأيضاً).

فبعث ملك الروم صناعاً كثيرة جداً وكتب إليه يقول له: إن كان أبوك فهم هذا الذي تصنعه وتركه فإنه لوصمة عليك، وإن لم يفهمه وفهمته أنت فإنه لوصمة عليه!

فأراد أن يكتب إليه الجواب، وإذا بالفرزدق الشاعر دخل عليه فأخبره بما كتبه ملك الروم فقال (الشاعر) يا أمير المؤمنين أنت جعلت أخاك سليمان هو القائم بأمر العمارة والجواب بنص القرآن، " ففهَّمناها سـليمان وكُلاًّ آتينا حكماً وعلماً!" (سورة الأنبياء 79 ) .

فأعجب ذلك الوليد وأرسل به جواباً لملك الروم. (هنا يظهر استهتار الوليد في استعماله لآية قرآنية قصد بهاالقرآن الملك سليمان الحكيم فأجاب بها يسخر بتأنيب ملك الروم له على قيامه بعمل ينافي الأصول والأخلاق.

ويذكر الدكتور فيليب حتي في كتابه "تاريخ سورية ولبنان وفلسطين" أن الوليد أرسل إلى إمبراطور الروم في طلب مئة من الفنانين اليونان لبناء المسجد، بينما يذكر ابن عساكر وكتاب العيون، أن عدد الصناع كان مئة ألف وأن بعضهم استخدموا في مكة والمدينة.

ويتابع الكتاب قائلاً: "وعن يزيد بن واقد قال: وكّلني الوليد على العمال في بناء الجامع فوجدنا فيه مغارة فعرّفنا الوليد, فلما كان الليل وافى وبين يديه الشمع فنزل فإذا هي كنيسة لطيفة ثلاثة أذرع في ثلاثة أذرع ، وإذا فيها صندوق, ففتح الصندوق فإذا فيه سفط (إناء) وفي السفط رأس يحيى بن زكريا.
فأمر الوليد بردّه إلى مكانه وقال: اجعلوا العمودالذي فوقه مُعيَّناً بين الأعمدة. فجعلوا عليه عموداً مسفّط الرأس ."
يتابع الكتاب قائلاً: "وقال بعض المؤرخين، أن الشرقية (أي المنارةالشرقية من الجامع) احترقت في سنة أربعين وسبعمائة فنقضت وجددت من أموال النصارى لكونهم اتّهموا بحرقها وأقرّ بعضهم بذلك، (إذا فُرض عليهم القبول بالتنازل عن الكنيسة فلا يُستبعد أيضاً أن يكون الإقرار قد فرض عليهم، فلم يكن كافياً أنهم قد استولوا على الكنيسة, ثم عمروا الجامع بأيدي المسيحيين، بل أيضاً كلما حدث حادث للجامع اتهموا المسيحيين به وفرضوا عليهم إصلاح الضرر من أموالهم!) ، فقامت على أحسن شكل، وقال بعض العلماء في المنارة الشرقية البيضاء التي ينزل عليها عيسى بن مريم عليه السلام في آخر الزمان بعد خروج الدجال كما ثبت في صحيح مسلم عن النواس بن سمعان والله أعلم.

يتابع الكتاب قائلاً: "ومن محاسن الشام ما وصف جامعَها به العلامة اليعقوبي، قال: مدينة دمشق جليلة قديمة وهي مدينة الشام في الجاهلية والإسلام.. وأما جامعها فليس في مدائن الإسلام أحسن منه، بناه الوليد في خلافته بالرخام والذهب سنة ثمان وثمانين.

" وينقل الكتاب عن مؤرخ آخر وهو الشيخ بن جبير،قوله: "وكان أبو عبيدة بن الجراح رضي الله عنه لما دخلها، صالح النصارى بأن أخذ نصف الكنيسة الشرقي فصيره مسجداً وبقي النصف الغربي للنصارى، فأخذه الوليد وأدخله فيالجامع (ضمّه إلى الجامع) بعد أن أرغبهم في التعويض عنه، فأبوا فأخذه قسراً!"

نفق قديم يربط بين الكنائس
أما في باحة الجامع،فهناك بقعة من الأرض تحت فناءٍ مسقوف، إذا ما وقف الزائر في منتصفها وضرب عليها بقدمه، فإنه يسمع صدىً عميقاً لهذه الضربات.
ومردّ ذلك هو أن هذه البقعة،حسب خبراء الآثار، كانت مدخلاً أو مخرجاً لنفق طويل يربط كنيسة القديس يوحنا (الجامع الأموي) بكنيسة حنانيا، وهي كنيسة صغيرة تبعد عن المكان بما يقل عن الميل،وتقع إلى الجهة الشمالية من الباب الشرقي لدمشق في نهاية طريق صغير يحمل اسم الكنيسة نفسها.
ولدخول هذه الكنيسة، ينبغي للزائر أن ينزل عدة درجات تحت الأرض وهناك يجد نهاية النفق في أسفل منتصف الحائط الغربي، وقد سدّ ببعض الأحجار خوفاً من دخول أحد إليه.

وقيل أن المسيحيين كانوا يستعملون هذا النفق للانتقال بين الكنيستين أو كمعبر هروب خوفاً منالاضطهاد.

وفي الستينات، خلال عمليات الحفر التي كانت تجري لتوسيع كنيسة الروم الأرثوذكس المعروفة بالمريمية، والواقعة بين كنيسة يوحنا وحنانيا، ظهرت أجزاء من النفق وقيل أن جماجم وهياكل بشرية عثر عليها في داخلها.

[القصاع 71]

تسلم يا حلو
موضوع جميل

[shasho]

كاتب النص الأصلي : القصاع 71

تسلم يا حلو
موضوع جميل

شكراً على مرورك ابن حارتي

[Barleb]

حلو كتير .. عما استنا مشروعك حبيب ..

[ليندا]

تسجيل متابعه

[ASH]

هلأ اخي الموضوع كتير حلو مافي شك بهذا يعني ...
ولي متابعه فيه للاخر ...

بس كمثال ما كان ممكن تعمل عنوان الموضوع " قصة كنيسة مار يوحنا التي تحولة إلى جامع
بدون زكر كلمة التي حولها المسلمين ..؟؟؟!!

انت حكتها خلاصة جمع الاديان يلي في بلاد الشام ، بس مو بهل عنوان انت عطية طابع للدين الاسلامي مخالف للفكره ؟؟

وتقبل تحياتي

[handsome]

الموضوع حلو مشكور خيو بالدرجة الاولة
بس ف كام فكرة ما كتير فهمتا بكون شاكر عالتوضيح

فجاءت أساقفة النصارى وقساوستهم وقد ندموا فقالوا يا أمير المؤمنين إنا نجد في كتبنا أن من يهدم هذه الكنيسة يجن، فقال أنا أحب أن أجن في الله، والله لا يهدم فيها أحد قبلي، ثم صعدالمنارة الغربية وكانت صومعة عظيمة، فإذا فيها راهب فأمره بالنزول منها فأبى الراهب، فأخذه بقفاه وحدّره منها ثم وقف على أعلى مكان منها فوق المذبح الأكبر الذي يسمونه الشاهد وأخذ فأساً وضرب أعلى حجر فألقاه، فتبادر الأمراء والأجناد إلى الهدم بالتكبير والتهليل، والنصارى تصرخ بالعويل على درج باب البريد وجيزون وقد اجتمعوا،فأمر الوليد صاحب الشرطة أن يضربهم، وهدم المسلمون جميع ما كان من آثارهم من المذابح والحنايا حتى بقي صرحةً مربعة

شو صار بهادا المشهد؟ ما فهمت منو شي؟
الراهب القسيس طلع عالمنارة .. بعدين هوي نفسو صار راهب اما الراهب هوي غير واحد؟
بعدين مين الي قتلو وهد اول حجر بالكنيسة؟

ويتابع الكتاب قائلاً: "وعن يزيد بن واقد قال: وكّلني الوليد على العمال في بناء الجامع فوجدنا فيه مغارة فعرّفنا الوليد, فلما كان الليل وافى وبين يديه الشمع فنزل فإذا هي كنيسة لطيفة ثلاثة أذرع في ثلاثة أذرع ، وإذا فيها صندوق, ففتح الصندوق فإذا فيه سفط (إناء) وفي السفط رأس يحيى بن زكريا.
فأمر الوليد بردّه إلى مكانه وقال: اجعلوا العمودالذي فوقه مُعيَّناً بين الأعمدة. فجعلوا عليه عموداً مسفّط الرأس

هلق اول الشي ما كانو عرفانين بهادا النفق, بعدين وقت عرفو نزل الوليد ولقى في كنيسة تحت!
بعدين مين هادا يحيى بن زكريا الي لقا راصو تحت؟

[shasho]

كاتب النص الأصلي : ASH

هلأ اخي الموضوع كتير حلو مافي شك بهذا يعني ...
ولي متابعه فيه للاخر ...

بس كمثال ما كان ممكن تعمل عنوان الموضوع " قصة كنيسة مار يوحنا التي تحولة إلى جامع
بدون زكر كلمة التي حولها المسلمين ..؟؟؟!!

انت حكتها خلاصة جمع الاديان يلي في بلاد الشام ، بس مو بهل عنوان انت عطية طابع للدين الاسلامي مخالف للفكره ؟؟

وتقبل تحياتي

أخي العزيز آش
بالبداية شكراً عالرأي الثمين
بالحقيقة الكنيسة ما تحولت لحالها وصارت جامع, وما حدا تاني حوّلها لجامع, هو الإحتلال الإسلامي أو الفتح الإسلامي -بحال كانت كلمة إحتلال ثقيلة على ضمائر البعض- هو نفسه بذاته يللي حوّلها لجامع.
يعني هالناحية مو متحملة مجاملات.
على كل حال أنا وكتار مسيحيين منزور هالجامع ومنعتز بوجوده, وكلما زارني أشخاص من خارج سوريا بيكون هالمعلم هاد برأس القائمة تبع الجولة السياحيّة تبعنا, لكن اليوم الصبح كان في موضوع عن هالصرح المهم وكان في تحوير للحقائق, وما بلوم يللي كتب
هالمعلومات لأنه في أشخاص متل الأستاذ سهيل زكّار ويللي هو وأحد من أعضاء اللجنة الدائمة بالجامع الأموي بيطلعلنا دايماً بالتلفزيون, وبيحكي عن أصل بناء الجامع لكن بتخونه ذاكرته لمّا بيخلص من فقرة معبد جوبيتر وبينط للفتح الإسلامي هيك بدون أي ذكر للعهد يللي كان فيها كاتدرائية يوحنا المعمدان

بكل الأحوال, ما قصدت انّي أثير الغرائز والضغائن بكتابتي لهالموضوع, بل قصدي مهّد لفكرة أخذ العبر من التاريخ مشان ما يكرر نفسه؟

كل الود والمحبّة

[shasho]

كاتب النص الأصلي : handsome

شو صار بهادا المشهد؟ ما فهمت منو شي؟
الراهب القسيس طلع عالمنارة .. بعدين هوي نفسو صار راهب اما الراهب هوي غير واحد؟
بعدين مين الي قتلو وهد اول حجر بالكنيسة؟

فجاءت أساقفة النصارى وقساوستهم وقد ندموا فقالوا يا أمير المؤمنين إنا نجد في كتبنا أن من يهدم هذه الكنيسة يجن، فقال (أمير المؤمنين) أنا أحب أن أجن في الله، (وحلف) والله لا يهدم فيها أحد قبلي، ثم صعد (أمير المؤمنين) المنارة الغربية وكانت صومعة عظيمة، فإذا فيها راهب فأمره (أمير المؤمنين) بالنزول منها فأبى الراهب، فأخذه (أمير المؤمنين) بقفاه وحدّره منها ثم وقف (أمير المؤمنين) على أعلى مكان منها فوق المذبح الأكبر الذي يسمونه الشاهد وأخذ (أمير المؤمنين) فأساً وضرب أعلى حجر فألقاه، فتبادر الأمراء والأجناد إلى الهدم بالتكبير والتهليل، والنصارى تصرخ بالعويل على درج باب البريد وجيزون وقد اجتمعوا،فأمر الوليد صاحب الشرطة أن يضربهم، وهدم المسلمون جميع ما كان من آثارهم من المذابح والحنايا حتى بقي صرحةً مربعة

والله هلكتني

[quote=handsome;789607
هلق اول الشي ما كانو عرفانين بهادا النفق, بعدين وقت عرفو نزل الوليد ولقى في كنيسة تحت!
بعدين مين هادا يحيى بن زكريا الي لقا راصو تحت؟
[/quote]

صح يا غالي ما كانوا عارفين ولمّا عرفوا نزل الوليد بالليل وعه شموع
ويحيى بن زكريا:
عند المسيحيين هو يوحنا المعمدان, بطل الفيلم, وهوّ بشّر بالمسيح, وكانت أمّه واسمها اليصابات ما عم تجيب أولاد, وأبوه انسان صالح, ولمّا الملاك جبريل بشّر ستنا مريم بحملها بالسيد المسيح بدون مس من رجل, راحت ستنا مريم وخبّرت قريبتها اليصابات, وقام تحرّك الجنين (يللي هو يوحنّا المعمدان) ببطن اليصابات وهالقصة هي هلأ بربطلك ياها
عند المسلمين هو النبي يحيى بن زكريّا, وردت قصته بالقرآن الكريم, لمّا الملاك خبّر أبوه زكريا بإنه رح يجيه ولد ويكمّل نسله بحسب نبوءات التوراة, فجاوب زكريا الملاك كيف وأنا صرت ختيار؟ فقالّه الملاك هيك ربك أمر, وقصة لقاء ستنا مريم باليصابات مذكورة كمان بالقرآن الكريم,"إني أرى من في بطني يسجد لمن في بطنك" أو بهالمعنى.

عنجد هلكتني
بس يتشكّرك عالسؤال والمرور حبيب القلب وسيم

[shasho]

اخواتي بارليب وليندا
هاد أجمل دعم بتلقّاه من سنة ال 2000 لهلأ,
بتشكّركن كتير وخلال كم يوم بس بيكون الموضوع على أخوية, وبانتظار نقدكن واقتراحاتكن.
تحيّاتي

[handsome]

كاتب النص الأصلي : shasho

فجاءت أساقفة النصارى وقساوستهم وقد ندموا فقالوا يا أمير المؤمنين إنا نجد في كتبنا أن من يهدم هذه الكنيسة يجن، فقال (أمير المؤمنين) أنا أحب أن أجن في الله، (وحلف) والله لا يهدم فيها أحد قبلي، ثم صعد (أمير المؤمنين) المنارة الغربية وكانت صومعة عظيمة، فإذا فيها راهب فأمره (أمير المؤمنين) بالنزول منها فأبى الراهب، فأخذه (أمير المؤمنين) بقفاه وحدّره منها ثم وقف (أمير المؤمنين) على أعلى مكان منها فوق المذبح الأكبر الذي يسمونه الشاهد وأخذ (أمير المؤمنين) فأساً وضرب أعلى حجر فألقاه، فتبادر الأمراء والأجناد إلى الهدم بالتكبير والتهليل، والنصارى تصرخ بالعويل على درج باب البريد وجيزون وقد اجتمعوا،فأمر الوليد صاحب الشرطة أن يضربهم، وهدم المسلمون جميع ما كان من آثارهم من المذابح والحنايا حتى بقي صرحةً مربعة

والله هلكتني



صح يا غالي ما كانوا عارفين ولمّا عرفوا نزل الوليد بالليل وعه شموع
ويحيى بن زكريا:
عند المسيحيين هو يوحنا المعمدان, بطل الفيلم, وهوّ بشّر بالمسيح, وكانت أمّه واسمها اليصابات ما عم تجيب أولاد, وأبوه انسان صالح, ولمّا الملاك جبريل بشّر ستنا مريم بحملها بالسيد المسيح بدون مس من رجل, راحت ستنا مريم وخبّرت قريبتها اليصابات, وقام تحرّك الجنين (يللي هو يوحنّا المعمدان) ببطن اليصابات وهالقصة هي هلأ بربطلك ياها
عند المسلمين هو النبي يحيى بن زكريّا, وردت قصته بالقرآن الكريم, لمّا الملاك خبّر أبوه زكريا بإنه رح يجيه ولد ويكمّل نسله بحسب نبوءات التوراة, فجاوب زكريا الملاك كيف وأنا صرت ختيار؟ فقالّه الملاك هيك ربك أمر, وقصة لقاء ستنا مريم باليصابات مذكورة كمان بالقرآن الكريم,"إني أرى من في بطني يسجد لمن في بطنك" أو بهالمعنى.

عنجد هلكتني
بس يتشكّرك عالسؤال والمرور حبيب القلب وسيم

عراصي حارتك خيو , هلق توضحت الفكرة اكتر
وانا اول مرة بعرف انو جايبين سيرة يوحنا المعمدان ( يحيى بن زكريا) بالقران
بس عكل الاحوال عزبتك معي كتير وهلكتك اكتر , بس لانو حبيت القصة فحبيت افهمة مظبوط
عكل الاحوال خيو مشكور كتير مرة تاني وانشالله منردلك اياها بالافراح
عراصي شاشو

[shasho]

حبيبي عم امزح
اوعك تاخد على خاطرك
أخوية يعني

[ASH]

كاتب النص الأصلي : shasho

أخي العزيز آش
بالبداية شكراً عالرأي الثمين
بالحقيقة الكنيسة ما تحولت لحالها وصارت جامع, وما حدا تاني حوّلها لجامع, هو الإحتلال الإسلامي أو الفتح الإسلامي -بحال كانت كلمة إحتلال ثقيلة على ضمائر البعض- هو نفسه بذاته يللي حوّلها لجامع.
يعني هالناحية مو متحملة مجاملات.
على كل حال أنا وكتار مسيحيين منزور هالجامع ومنعتز بوجوده, وكلما زارني أشخاص من خارج سوريا بيكون هالمعلم هاد برأس القائمة تبع الجولة السياحيّة تبعنا, لكن اليوم الصبح كان في موضوع عن هالصرح المهم وكان في تحوير للحقائق, وما بلوم يللي كتب
هالمعلومات لأنه في أشخاص متل الأستاذ سهيل زكّار ويللي هو وأحد من أعضاء اللجنة الدائمة بالجامع الأموي بيطلعلنا دايماً بالتلفزيون, وبيحكي عن أصل بناء الجامع لكن بتخونه ذاكرته لمّا بيخلص من فقرة معبد جوبيتر وبينط للفتح الإسلامي هيك بدون أي ذكر للعهد يللي كان فيها كاتدرائية يوحنا المعمدان

بكل الأحوال, ما قصدت انّي أثير الغرائز والضغائن بكتابتي لهالموضوع, بل قصدي مهّد لفكرة أخذ العبر من التاريخ مشان ما يكرر نفسه؟

كل الود والمحبّة

اخي الكريم انت اول شي فهمت حكي بطريقه غلط انا ماعم احكيلك ما تحكي و انا بشجعك بالعكس و بدعمك بالفكره و عن جد هل شي لح يكون اكثر من رائع و لح كون بنتظارو ...

بس بنرجع لردك مره تانيه ، رجعة حكية الغزو الأسلامي ؟ بس هي فتوحات يعني الاسلام لما فات ما راح باد الكل و رجع وطن عالم من جديد ؟؟؟؟ بعدين يا اخي كان في شي اسمو الجزيه يعني ما غصب اخوانا المسيحيه على الاسلام و هل شي باين انو سوريا فيها نسبة مسيحيه كبيره كتير و كلنا شعب واحد و بحياتنا ما ختلفنا مشان موضوع دين ، فيعين هوه مو غزو يا صاحبي ، لما بدنا نحكي على الغزو ممكن نشوف الغزو الصليبي مثلا لانو هدنك اجو من قاره تانيه لعنى مشان قضيه هنه مالهم فيها شي ...

و اخي حقك انا ما بحكي انو الشيخ مدري شو اسمو ما اسقط دور الجامع ككنيسه من قبل ، بس هاد مو معناه انو كلنا من نفس الافكار ..

وبرجع بقلك بنتظار مشروعك و عن جد بتمنالك كل خير و تقبل تحياتي

[ASH]

فجاءت أساقفة النصارى وقساوستهم وقد ندموا فقالوا يا أمير المؤمنين إنا نجد في كتبنا أن من يهدم هذه الكنيسة يجن، فقال (أمير المؤمنين) أنا أحب أن أجن في الله، (وحلف) والله لا يهدم فيها أحد قبلي، ثم صعد (أمير المؤمنين)المنارة الغربية وكانت صومعة عظيمة، فإذا فيها راهب فأمره (أمير المؤمنين) بالنزول منها فأبى الراهب، فأخذه (أمير المؤمنين) بقفاه وحدّره منها ثم وقف (أمير المؤمنين) على أعلى مكان منها فوق المذبح الأكبر الذي يسمونه الشاهد وأخذ (أمير المؤمنين) فأساً وضرب أعلى حجر فألقاه، فتبادر الأمراء والأجناد إلى الهدم بالتكبير والتهليل، والنصارى تصرخ بالعويل على درج باب البريد وجيزون وقد اجتمعوا،فأمر الوليد صاحب الشرطة أن يضربهم، وهدم المسلمون جميع ما كان من آثارهم من المذابح والحنايا حتى بقي صرحةً مربعة

هاد الحكي غلط

كيف قنعني فيه او احكيلك بس انزل علشام خدني و ارجيني معلش ؟؟؟ كيف هدها و كيف الرسومات لهلا موجوده داخل الكنيسه و كيف النقوش كلها متل ما هيه على المأذن الاربعه ؟؟؟

يعني انو يا حكولي شي نصدقو يا لا ، و بعدين مين هل امير المؤمنين يلي عمل هيك ، و من وين مستقين هل اخبار من اي مرجع تاريخي مثلا " يا ريت مرجع تاريخي محايد يعني لا تابع لاسلام ولا لمسيحيه" يعني هل حكي اديش بقرأ عن تاريخ دمش و عن الاموي و كيف كان و كيف صار بس اول مره بسمع هل حكي ...

الخليه عمر بن الخطاب لما دخل القدس ، النصارى عطو مفتاحها طواعيه ، فكيف بدمشق لح يصرخو النصارى و تضربهم الشرطه ؟؟؟ يا ريت بس تفهمني و بدي بالتحديد يعني

[x52]

الله محييك وانا بأيدك بالمشروع بس متل ما قال خينا اش ما في شي اسمو الغزو الاسلامي اسما فتوحات

وتحياتي مرة تانية

[shasho]

أخي الغالي آش
بدي حاول وضّحلك وجهة نظري من جديد, ورجاءً تفكّر فيها بتجرّد من العاطفة الدينيّة, ياريت نفكّر تاريخ وسياسة فقط

كاتب النص الأصلي : ASH

رجعة حكية الغزو الأسلامي ؟ بس هي فتوحات يعني الاسلام لما فات ما راح باد الكل و رجع وطن عالم من جديد ؟؟؟؟

حبيبنا ليش إذا المحتل ما أباد الكل ووطّن عالم من جديد بيصير اسمها فتوحات؟
معناتها ليش زعلانين من الغبي بوش؟ ما أباد الأفغان والعراقيين, هو بس عم يبيد يللي عم يقاوموا فتوحاته!!!! وليكه ما جاب أميركان وعمللهم مستوطنات بالعراق!!!!!
معقول كلامك هاد يا حبيب؟
الغزو لمّا ناس آمنين وعندهن نظام وكيان وبيجي حدا من غير بلد -مو شرط من غير قارّة- وإلاّ كانت الأمم المتحدة ذكرت هالشي بالمواد يللي بتشرح الإحتلال.
هلأ ممكن حدا يقول انه بلاد الشام كانت تحت حكم المحتلين الروم, وجاء الإسلام وحررهم!!!
مين طلب منهن هالشي؟ مثلا يعني
وليش استولى الغزاة عالأراضي وصار يوهبها ويهديها ويبيعها ويتصرّف فيها؟
و بالمناسبة كيف صاروا بيملكوا أراضِ؟
هاد احتلال يا غالي

هلأ النقطة التانية:

كاتب النص الأصلي : ASH

بعدين يا اخي كان في شي اسمو الجزيه يعني ما غصب اخوانا المسيحيه على الاسلام و هل شي باين انو سوريا فيها نسبة مسيحيه كبيره كتير و كلنا شعب واحد و بحياتنا ما ختلفنا مشان موضوع دين
و اخي حقك انا ما بحكي انو الشيخ مدري شو اسمو ما اسقط دور الجامع ككنيسه من قبل ، بس هاد مو معناه انو كلنا من نفس الافكار ..

دخلك؟
شو هي الجزية؟
مو ضريبة إحتلال؟
طيب مو نفس هالشي عم يعمله الكيان الغاصب بالفلسطينيين؟
ليش هون مسموح وهونيك ممنوع؟
لمّا بتكون عايش ببلدك وإلك معتقدك, وبيجي إنسان من بلد تانية بيحتل أرضك وبيستلم القيادة على أرضك وبيخيّرك يا بتعتنق معتقدي يا إمّا بتدفع جزية ( يعني جزاء ما قررت أن تبقى عليه) بيكون هالقرار عادل؟
لما الأميركان بيحتلّوا العراق, بيدوّروا على ناس موالية إلهن تدير شؤون البلد, ويللي بيرفض.... شوف الأخبار بتعرف لحالك الجواب؟

أمّا بخصوص نسبة المسيحيّين واليهود الكبيرة بسوريا (ضل اليهود ساكنين بسوريا لنهاية القرن الماضي):
شو رأيك انه المحتلين ما شجّعوا أهل الأرض على الإسلام بالفترة الأولى للإحتلال؟
لا بل في عندي أدلّة على هالشي, باحتلال بلاد الشام
تقدّم أصحاب الأرض المستضعفين (لأنه احتُلّت أرضن) تقدّموا بعهد على نفسهن لعمر بن الخطّاب مشان ينولوا الأمان من القتل, وزاد عمر على هالعهد بنود إضافيّة لحتّى يوافق عليه, وهالعهد اسمه "العهدة العمريّة", وفي عندي نسخة منها.
أنا مو كتير ميّال انّي انشرها لأنها بتثير الضغائن, وبتدل على عنصريّة وقهر, إذا بتحب ببعتلك ياها عالخاص, والمثير إنه هالعهد ما أعطي لأي بلد احتلّته الجيوش الإسلامية بعد بلاد الشام, بتحب تعرف ليش من وجهة نظري؟
لمّا وصل الإحتلال لسوريا (الطبيعيّة) كان هالجيش متوسط القوّة والتجهيز وحالفه الحظ ببلاد الشام انه امبراطورية الروم كانت بحالة أُفول, وجيشها ضعيف ومشتّت,
وقضيّة الجزية أدخلت الأموال لبيت المال بغزارة (سوريا بلاد خير وتجارة وأموال), ولمّا استولى الغزاة على الأراضي والبساتين والإقطاعات (متل المنطقة الخضراء ببغداد) صاروا ينتفعوا بغلالها ويبيعوها لبلدهن الأم (شبه الجزيرة العربية أو بلاد الحجاز), بس لمّا قوي الجيش بسبب الأموال هي, صارت البلدان المحتلّة ما تنعطى عهد, أسلم وبتخدم بجيش المسلمين, وبيطلعلك حصّة من الغنائم والسبايا والغلمان أو إدفع الجزية ولمّا يخلص مالك بدك تأسلم مشان ما تنقتل.
يعني متل ما قال هارون الرشيد للغيمة : أمطري أنّى شئتِ فخراجكِ لي

أخيراً الأستاذ سهيل زكّار مو شيخ, هوّ باحث تاريخي, ومزوّر لتاريخ المسجد الأموي الكبير , طبعاً هاد رأيي الشخصي

وبخصوص "نحنا شعب واحد وبحياتنا ما اختلفنا على دين" فهاد هوّ عين ما أبحث عنّه
وانشالله لهون بدنا نوصل, وهالشي بدّه مقوّمات وحوارنا هاد هوّ واحد من أهم مقوّمات التعايش مشان كلّنا نتعلّم الدرس

سلامي واحترامي إلك وللجميع

[shasho]

كاتب النص الأصلي : ASH

هاد الحكي غلط

كيف قنعني فيه او احكيلك بس انزل علشام خدني و ارجيني معلش ؟؟؟ كيف هدها و كيف الرسومات لهلا موجوده داخل الكنيسه و كيف النقوش كلها متل ما هيه على المأذن الاربعه ؟؟؟

يعني انو يا حكولي شي نصدقو يا لا ، و بعدين مين هل امير المؤمنين يلي عمل هيك ، و من وين مستقين هل اخبار من اي مرجع تاريخي مثلا " يا ريت مرجع تاريخي محايد يعني لا تابع لاسلام ولا لمسيحيه" يعني هل حكي اديش بقرأ عن تاريخ دمش و عن الاموي و كيف كان و كيف صار بس اول مره بسمع هل حكي ...

الخليه عمر بن الخطاب لما دخل القدس ، النصارى عطو مفتاحها طواعيه ، فكيف بدمشق لح يصرخو النصارى و تضربهم الشرطه ؟؟؟ يا ريت بس تفهمني و بدي بالتحديد يعني

معلمنا, الكتاب اسمه نزهة الأنام في محاسن الشام, وموجود بالمكتبات بطباعة جديدة, ومؤلفه عالم مسلم عاصر الغزو الإسلامي وعاش ببلاد الشام ووصف دمشق وغوطتها وذكر تفاصيل عنها بهداك العصر.
وأنا ما طلبت مرجع محايد, أنا عم اعرض عليك مرجع إسلامي,
بالنسبة للخليفة وبالنسبة للنقوش, هي النقوش ضلّت على المآذن, رجاءً رجاع للنص أعلاه:
وقال ابن عساكر: لما صارت الخلافة إلى الوليد بن عبد الملك, عزم على أخذ بقية هذه الكنيسة وإضافتها إلى ما بأيدي المسلمين وجعل الجميع مسجداً واحداً
وهاد كمان مرجع اسلامي ابن عساكر
وكمان إذا بتراجع النص بتشوف انه هالخليفة بعت رسالة لملك الروم وطلب منّه مهندسين وبنّائين
ويتابع الكتاب قائلاً: "واستعمل الوليد في هذا المسجد خلقاً كثيراً من الصناع والمهندسين والمرخّمين. وكان المُسْتَحثّ على عمارته أخوه سليمان بن عبد الملك، ويقال أن الوليد بعث إلى ملك الروم يطلب منه صناعاً في الرخام والأحجار وغير ذلك ليعمروا هذا المسجد على ما يريد، وأرسل يتوعّده إن لم يفعل ليغزونَّ بلاده بالجيوش وليخربنَّ كل كنيسة في بلاده حتى القيامة التي بالقدس الشريف ويهدم كنيسة الرها وجميع آثار الروم
يعني طراز البناء ما تغيّر لأن المهندسين روم رغم تغيّر استخدام هالبناء

ومعك حق مشان موضوع عدم قراءتك لهيك قصص عن تاريخ دمشق, وأنا كمان ما كنت بعرف هالأحداث لكنّي اجتهدت وبحثت

كل الحب والإحترام