الرجال اكثر عنفا

[nour333]

في شغلة أصح انو الاقوى اكثر عنفا

يعني ليه لرجال اكثر عنفا لأنهم اجمالا وعبرالتاريخ اقوى جسديا من المرأة وهاد صح مع وجود استثناءات يعني ازا نفوذ المرأة اكبر من الرجل ممكن تمارس العنف عليه بس وقت ما يكونو متساويين بهالشي بعتقد الرجل بيوخد هالشرف لسبب اللي ذكرتو بالأول

وفي كمان نوع هو عنف الرجل على الرجل او عنف المرأة على المرأة
انتو عارفيين لو نسلم زمام الأمور لنساء رح يكون اكبر المتضررين هن النساء ورح تقول المرأة وين ايام سي السيد مو مصدقيين شوفو البنات اللي الهم رئيسة بالعمل قديش بعانو
لأنو العنف مو ضروري يكون جسدي ممكن يكون نفسي والمرأة فنانه بهيك انواع

[جاد81]

هل لقوانين الطبيعة علاقة بالموضووع

نظرة الإنسان (الذكر) للإنسان ( المرأة)

الإنسا يعبث بقوانين الطبيعة و يأتي بالأخطاء ثم يتجادل عن ماهية الاخطاء دون النظر لمن إرتكب الخطأ


و فهمكم كفاية

[Abu ToNi]

كاتب النص الأصلي : Nay

ما بعرف شو سبب ظهور الهة وملكات متل عشتار وافروديت واليسا وزنوبيا وكيليوباترا.. وشو اللي اختلف..
مابعرف.. الدين المسيحي ابدى صورة غاية في الجمال للمرأة وللتعاطف معها..
والدين الاسلامي كان قفزة نوعية في احترام المرأة اذا بدنا ننظر لوضعها بهديك المنطقة قبل الاسلام
شو اللي كرس هيدا التخلف.. وهي السيطرة وجعل العلاقة بين الجنسين في تراجع نحو السيطرة الكلية بدل الانفتاح

هل السلطة الذكورية او ثقافة البادية بحسب ما شخصيا بحب سميا فرضت هلشي علينا ؟
بكل الازمنة كانت المرأة منقوصة الحقوق ومهدورة الامكانيات .. اذا قدرنا نأهمل وأد البنات فاكيد مافينا نأهمل عملية تقديم الجواري كهدية من ملك لملك ..
بأفضل احوال المرأة عبر التاريخ كانت عما تعاني من سلطة القوي او السلطة الذكورية
بس ما وصلت ولا مرة للحد اللي نحن هلق فيه من الذل والخنوع

يمكن يقلي البعض نظرتي طائفية ونظرتي مانها موضوعية وعيب على شخص بيعتبر نفسه علماني يحكي بالشكل هاد ... اللي بعرفه بأن المرأة وقت بتم اعتبارها نصف رجل بالمحاكم وربع رجل بالفراش ما عاد اسمها كائن بشري .. بتصفي ارباع وانصاف لا تملك شيء .. وان ملكت فهي غير قادرة على تقديم ما تملك

المشكلة صديقي انو النساء اللي متلي على جنبون سيف بيلتقو مع الرجال الي متلك ومتل ابي واخي وما بيحتاجو للسيف..
بس النساء المقهورات غير قادرات على ادراك الظلم حتى.. ولا استيعاب انو هنن مخلوقات الها حقوق..

كمثال صغير لوصلك فكرتي ، خلينا نتفق على صحة المعادلة التالية :

جرائم الشرف == وحشية وسلطة ذكورية

بديهيا التخلص من الجرائم هي بتم عن طريق تجريم الفعل الذكوري الوحشي وادانته
طب شو ممكن انا كشب اعمل واصرخ وقول بوج بنت بتشوف الجرائم هي خطوة صحيحة وبتباركها وبتشد على ايد مرتكبينا !!
انه اذا مبسوطة بوضعا وتخلفا والذل اللي عايشة فيه لشو انا عما نادي وصرخ واعلق مع العالم وآكلي كام سبة بنص عيني علماشي !؟

[suryoyo]

كاتب النص الأصلي : Nay

صحيح لكن في مجتمع لا مكان فيه لراي المرأة حتى بأصغر التفاهات ..لا يحق لنا تحميلها مسؤولية اي قرار .. فكيف اذا كان على مستوى حرب

هذا المجتمع متغير .... و لكن بكثير احيان ظلم المرأة ...

هذا المجتمع تسلطي على الكل ...


فالشاب قد لا يستطيع اتخاذ قرارات مهمة و حتى الزواج ... بمفرده


يعني بلا فرض قوة ... صعب الشخص يعيش بحرية ضمن هذا المجتمع التسلطي



و لكن هي حلقة مفرغة ... كلما تماشينا مع قيود المجتمع ... زادت القيود شدة ...... و كلما زادت القيود زدنا تماشيا مع التقاليد المجتمعية !

[mmafia]

والله أنا شايف انو النساء أكثر عدوانيه في حل هما بدهم مثلا الشخصيات الحديديه السياسيه ذات الصلابه كانت من النساء من مارغريت تاتشر مرورا بغولدا مائير ومادلين البرايت وكندليسا وتسيبي ليفيني والحرب الأخيره على غزه عندما كانت تهدد قبل اسبوع من الحرب من دوله عربيه بحمله على غزه واكدت ذالله بلأفعال في غزي مع العلم انو كان في خلال الحرب كتير مجندات في العمليه العسكريه شاركو .
مجرد رأي

[Nay]

شكرا للجميع.. بعتذر النتعم يحشش وما عم اقدر رد..
محبتي..

[الاء النور]

طبعا المجتمه هلا صار زكوري ما في مكان للمراة غير كمنضفة او الة توليد حتى التعليم بالزور عم تتعلم

المجتمع مش رح يطور حتى تتغير الذهنيات مش يعني تفكير الرجل بس كمان المراة اللي راضية بوضعها

[عياش]

كاتب النص الأصلي : الاء النور

طبعا المجتمه هلا صار زكوري ما في مكان للمراة غير كمنضفة او الة توليد حتى التعليم بالزور عم تتعلم

المجتمع مش رح يطور حتى تتغير الذهنيات مش يعني تفكير الرجل بس كمان المراة اللي راضية بوضعها

أنا برأي إنو المجتمع العربي لا يسير للأمام بموضوع تحرير المراة يعني دمشق التي قامت فيها اول مظاهرة نسائية اليوم نسائها من خلف الخمار لا تقوى على مواجهة المجتمع بوحه مكشوف وبظن المسؤولية بوزعة بالتساوي بين الرجل والمرأة وبكثير من الأحيان المرأة عم تكون عدوة نفسها بامتياز وهي أصل البلاء لأن ما فيك تحرر انسان ما مقتنع إنو هو مقيد أو يعشق جنازير قيده.

[مجنون يحكي وعاقل يسمع]

غدرتونا بهالموضوع الراقي والرائع وبهالإيجابات اللي بتدل على رقي اجتماعي وتطور عقلاني عند معظم الصبايا والشباب المشاركين مع أنو أنا عم جمّع كتير من هالأفكار بموضوع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[وسن22]

..

يمكن لأنو في الحالة الجنسية تكون سادية الرجل أعلى في حين تعلو الأنثى مسحة مازوخية
طبعا في الحدود الطبيعي وليس المرضي - إذا علمنا أن لدى كل فرد سويّ نزعتان سادية و مازوخية في الحدود الطبيعية -
قد يكون هذا هو أصل طغيان الذكورة على الأنوثة
أيضا قد تكون الحقيقة عكس ذلك تماما
وهي أن تسلط الذكر سياسيا واقتصاديا وبالتالي اجتماعيا فرض نفسه في الفراش وفي الميول الجنسية وشكّلها بهذه الطريقة

وردة لناي

[عياش]

يمكن لأنو في الحالة الجنسية تكون سادية الرجل أعلى في حين تعلو الأنثى مسحة مازوخية
طبعا في الحدود الطبيعي وليس المرضي - إذا علمنا أن لدى كل فرد سويّ نزعتان سادية و مازوخية في الحدود الطبيعية -
قد يكون هذا هو أصل طغيان الذكورة على الأنوثة
أيضا قد تكون الحقيقة عكس ذلك تماما
وهي أن تسلط الذكر سياسيا واقتصاديا وبالتالي اجتماعيا فرض نفسه في الفراش وفي الميول الجنسية وشكّلها بهذه الطريقة

لا تنسي إنو هالنزعات لما أسسلها فرويد كانت ع اساس المجتمع الذكوري وبالتالي قد تكون حصيلة للتطور الاجتماعي مو نزعة نفسية ولادية بالعكس مفروضة ع اساس المجتمع والتربية

[Abu ToNi]

كاتب النص الأصلي : وسن22

..

يمكن لأنو في الحالة الجنسية تكون سادية الرجل أعلى في حين تعلو الأنثى مسحة مازوخية
طبعا في الحدود الطبيعي وليس المرضي - إذا علمنا أن لدى كل فرد سويّ نزعتان سادية و مازوخية في الحدود الطبيعية -
قد يكون هذا هو أصل طغيان الذكورة على الأنوثة
أيضا قد تكون الحقيقة عكس ذلك تماما
وهي أن تسلط الذكر سياسيا واقتصاديا وبالتالي اجتماعيا فرض نفسه في الفراش وفي الميول الجنسية وشكّلها بهذه الطريقة

وردة لناي

السادية والمازوخية افعال شذوذ جنسي " غير طبيعية " مانا مرتبطة ابدا بالجنس ( كـذكر او انثى )
ميول لليكون الشخص معتدي او ضيحة اعتداء جسدي ..
بس غير مضبوطة ومتناسبة بين ذكر = سادي ، انثى = مازوخية
مافي شي بيدعم النظرية السابقة .. شخصيا انا على علاقة بشخصاية جدا سادية معي انه عندا ولع بضربي كفوف هي انا قدامك عندي دليل شخصي على عدم وجود رابط للجنس والافعال السادية او المازوخية


ويا هلا فيكي وهي وردة الك

[Abu ToNi]

كاتب النص الأصلي : Jina

....

خلص روقي روقي انا السادي خلص لا تفضحينا قدام الاجانب

[..Jimy]

كاتب النص الأصلي : Abu ToNi

سادية معي انه عندا ولع بضربي كفوف

كاتب النص الأصلي : Jina

....

يعني بنفهم من هالحكي انو "جينا" ....امك

[وسن22]

كاتب النص الأصلي : عياش

لا تنسي إنو هالنزعات لما أسسلها فرويد كانت ع اساس المجتمع الذكوري وبالتالي قد تكون حصيلة للتطور الاجتماعي مو نزعة نفسية ولادية بالعكس مفروضة ع اساس المجتمع والتربية

انا قلت :

أيضا قد تكون الحقيقة عكس ذلك تماما
وهي أن تسلط الذكر سياسيا واقتصاديا وبالتالي اجتماعيا فرض نفسه في الفراش وفي الميول الجنسية وشكّلها بهذه الطريقة

وهيك بيدور الدولاب
بحيث أن هذه الميول السادية المازوخية - المنعكسة من التسلط الذكوري المجتمعي - تكرّس بدورها هذا التسلط الذكوري في الحياة العامة

وهاكزا دواليك للاسف


.

[وسن22]

كاتب النص الأصلي : Abu ToNi

السادية والمازوخية افعال شذوذ جنسي " غير طبيعية " مانا مرتبطة ابدا بالجنس ( كـذكر او انثى )
ميول لليكون الشخص معتدي او ضيحة اعتداء جسدي ..
بس غير مضبوطة ومتناسبة بين ذكر = سادي ، انثى = مازوخية
مافي شي بيدعم النظرية السابقة .. شخصيا انا على علاقة بشخصاية جدا سادية معي انه عندا ولع بضربي كفوف هي انا قدامك عندي دليل شخصي على عدم وجود رابط للجنس والافعال السادية او المازوخية


ويا هلا فيكي وهي وردة الك

ماني متأكدة بس كأني قرأت فرويد بيقول انو كل الامراض النفسية دوافعها طبيعية موجودة بالانسان اصلا بس بتكون مرضية لما تزيد عن الحد الطبيعي
وبظن كمان انو كل انسان ذكر وأنثى لديه ميول سادية ومازوخية بحد معين

بيئاتنا العربية (التقليدية) تربي البنت ع المازوخية إجمالا


ثانكس ع الوردة
والله يهنيك بالكفوف


.

[عياش]

كاتب النص الأصلي : وسن22

انا قلت :

أيضا قد تكون الحقيقة عكس ذلك تماما
وهي أن تسلط الذكر سياسيا واقتصاديا وبالتالي اجتماعيا فرض نفسه في الفراش وفي الميول الجنسية وشكّلها بهذه الطريقة

وهيك بيدور الدولاب
بحيث أن هذه الميول السادية المازوخية - المنعكسة من التسلط الذكوري المجتمعي - تكرّس بدورها هذا التسلط الذكوري في الحياة العامة

وهاكزا دواليك للاسف


.

هذا كلام منطقي ولا تنسي إنو الشرق لا يعترف بأي متعة للمراة في الفراش أصلا اسمها حرمة وبالتالي هذا الأمر بيفرض على النساء خصوصا من البيئات المحافظة الالتزام فقط بامتاع الرجل بعيدا عن التفكير بأي متعة شخصية على اعتبار هذا الأمر تابو اجتماعي وهذا ما يعزز سلطة الرجل في الفراش وفي غير الفراش.

بيكفي نظرة على مصر والسودان وموضوع ختان الإناث يلي بيطهر هذا الأمر بوضوح.

والله لو أجا فرويد هلق لكنا درسنا عقد وعقد.