انواع الاطفال المتوفرين بالاسواق ......... شوف الي بناسبك و اشتري

[moh84]

أنواع الأولاد بالتفصيل..الي بعجبك اشتريه

وعلى الدفاعت و بدون كفالات بنكية

:
:

اسمعوني...... الموضوع طويل شوي ........... بس مسلي كتير كتير.... يللا نقرأ سوى




(1) - الطفل البريء ( الهبيله )

هذا في البيت معاك عال العال
لكن تعال شوفه في المدرسة ولا مع أخوانه
مسكين كل يوم ونو واحد ضاربه كف و واحد ضاربه شلوت والاولاد مسوين فيه إلي ما يتسوى
وكتير بتطلع عليه ندب والتشوهات مع الزمن
لأنه ما بدافع عن حالو
و ننصح بإنك تحكي لأبوك يدخله دورة كاراتيه ولا كيك بوكسينج ولّا اشي

*------------*

(2) -الطفل العنيد :

هذا النوع راسه ياااااااااااااااابس
و لو قلت له " يمين " بيروح شمال
لكن صدق أو لا تصدق هذا أسهل صنف ممكن تتعامل معاه
كل ما بدك شي منه قول العكس
لا تاكل
لا تقعد
لا تلبس
و هو راح يستجيب إلها بالعكس و بسوي إلي براسك
لكن هو بشكل مشكلة لو كان إله إخوان في نفس العمر أو قريب منه
لأن راح يحصل تضارب في فيوزاتهم و بعدين بتحول إلي ولد متبلد المشاعر و يصير لا يستجيب إلك ولا لغيرك
و هاي حالة مهم تتفاداها

*------------*

(3) - الطفل المادي $$$ :

هذا واحد ما تقدر تتعامل معاه إلا و إنت عندك شي
يا شلن يا بريزه يا ربع على حسب عقله
و هذا بيعاني لمن يدخل المدرسة .. لأنه بيتوقع مصاري و بزنس من مدرسينه
و تكبر المشكلة لمن هو يكبر .. لأن لمن بدو يكبر بدو يطلب أشياء أغلى
و هذا النوع بقعدك علحديده
والأسوء من هيك إذا كان فتان.....ياحبيبي
بيسوي لك مشكلة مع ابوك وامك
لو شافك تعاكس بيقول ((والله غير اقول لبوي))
ولّا لو سرقت السيارة بيقول ((والله لخلي ابوي يلعن يومك))
و تصير باستمرار تعطيه و تعطيه
فـ حاول دااااايماً تفقده الوعي عن طريق الضرب المبرح ( ألعن يومه )
عشان ينسى إلي صار بعد ما يرجع له وعيه

*------------*

(4) - الطفل المستقوي

هذا بعّد عنه
بس جاهز كفوف و بكسات و وشلليت
كل يوم ونه مدير المدرسه متصل بالحج ابوك
و آخر شي لمن يكبر ما راح يدخل جامعة
بيروح يشتغل بودي جارد....لواحد خليجي
و مشكلة لو كان عنده خوات
لأنه بيكلف الحج لمن يسوي فيهم تشوهات تتطلب عمليات تجميل
فـ لو كان اخوك واحد زي هيك
خلي الحج يوديه مدرسه عسكريه من يوم تشوف الحالة بدت عنده

*------------*

(5) - الطفل الدلوووووع :

يووووووه هذا مشكله عويصه

تلقى كل الناس يلقبوه "دلوع ماما"
لدرجة ممكن أمه تخيط اواعيها بأواعيه من كثر ما هو ملزق فيها
لو بدها تروح على عرس راح معها .. لو عندها مشوار نشب فيها
هذا يبدا يسبب مشكلة لمن يصير عمره فوق الـ 15
لأن بيطلع شكله غلط و هو قاعد في حضن أمه
و مشكلته .. أسلوبه بالصياح
تلقاه 24 ساعة صياااااااح و إزعاااااااااج و قللللللق
على أسباب تافهة
و هذا ينصح في حالته إنك تخيط فمه لأنه بسوي لك أزمة نفسيه

*------------*

(6)- الطفل السئلجي

هذا عشانه اخترعوا المثل ( الولاد ما بينعطو عين)
بيجي عليك وبحكيلك
ليش النملة ما بتطير ؟
لأن ما عندها أجنحة !!
طيب ليش ؟
-- لأنها مو من الحشرات الطائرة
= طيب ليش ؟
-- لأنها حشرة أرضية
= طيب ليش ؟
-- لاحوووووووووول خلاص انطم
= طيب ليش ؟
--
هذا الحل الوحيد إنك تشتري خيزرانة وعلى صباحه...ورم وجهه توريم ..
خله يعرف إن الله حق
أو لو كنت إنسان ما تتعامل بلضرب .. فاشتر إله كتب
و كلما سألك شي قلو : روح اقرأ عن الموضوع
و مع الوقت بيصير ما يسال .. لأنه متعاجز يقرا

*------------*

(7) - الطفل الي حاطط اجره بركاب :

هذا لا عمرك تشيل عينك عنه
هذا نووووع حالته مستعصية مالها حل !!
لو سرحت عنه دقيقة .. تلقاه فتح الباب و طلع
ما عنده وقت
هذا لا تخلي ابوك يشتري له سيارة لمن يصير عمره 35 يمكن يكون عقل هذاك الوقت
بس شاطر في الرياضيات و الهندسة
و ممكن يشتغل في تصليح الطرق
لأنه بدو يمر بشوارع طقع من كثر ما بلف فيها
و هذا يشكل أكبر نسبة من الاولاد المذكرين في أيامنا هاي

*------------*

8- الطفل الطموح "بالعكس" :

هذا الطفل لمن تسأله : شو بدك تصير يا شاطر لمن تكبر
بيقولك : بدي أصير دكتور
كيف تعرف لو كان طموح " بالعكس"
بيرد عليك بأجوبة مثل : ما راح أصير شي بدي اتزوج وحدة شقرا تصرف علي .. ولا بدي صير حرامي أسرق بنوك .. ولا بدي صير مجرم أقتل الناس
هذا ما تقدر تسوي له شي أبداً أبداً
بس لو بدك تخدم المجتمع روح بلّغ عنه الشرطة
عشان يحطو عيونهم عليه من هسه

*------------*


(9) - الطفل الملسون :


يوووو هذا دايماً ارسله مع خواتك لمن يطلعو من البيت و خايف عليهم
هذا ممكن يسكت زلم لو بدو
ملسووووون و وقح بشكل
طبعاً من وقت لوقت انكشو .. عشان تشوف شو تعلم كلمات جديدة
و لو لقيت وحدة وسخه و مالها داعي اعطيه بكس و نضمنلك ما عاد يستخدمها
بس نذكرك إنه لو اجا عمه ولا جده قال تعال سلّم
لا تستغرب لو قاللهم أشياء مثل : (بشتغل عندك انا) ولا (إنت إلي تعال ) ولا حتى ( يا حمار احكي معي منيح)

وقح وقح .. بس بنفع سياسي

*------------*

(10)- الطفل أبو الرادارات :

هذا النوع انتبه منه
هذا لا عمرك تحكي أو تسوي تصرف قدامه
هذا لو قعد مع واحد
فـضّح كل أسرار البيت
ممكن تتطور حالته إلي التجسس
و صدقني ألعن شي إنها توصل للتجسس على مكالمات أخته مع صديقاتها
لأن هذا بدو يوّلد مشاااااكل مالها نهاية
فأحسن شي إنك يا تقص لسانه
يا إما تحبسه في غرفة لمن يعقل
و يقال إنه يتعدى هاي المرحلة بعد سن البلوغ .. فإن شاء الله إله حل
لكن إياااااااااك تطنش الوضع
لأنه بتتطور الامور عنده .. حتى بيصير يسأل عن كل شي
كل شي : مين ؟ وين ؟ متى ؟ مع من ؟ مين قال ؟

*------------*

(11) - الطفل العلكة :


هذا سمي العلكة كناية عن اللزقه
هذا يستجيب لمؤثرات عديدة
منها : البنطلون - البلوزه - المفتاح - البوت
لأنه مجرد ما يحس إن في حد في البيت بدو يطلع على طول بيلبس البوت وبركب السيارة
حتى لو ضيوف و اجو بدهم يطلعو من بيتكم .. لا تستغرب لو راح معاهم
هذا لازم في حالته تشتري لزق و سلاسل حديد
لأنك بتحتاج تلزقه في كرسي ولّا شي
حتى داااااايماً قبل ما تطلع من البيت اطلّع على رجلك يمكن يكون ملزق عليها
هذا داااااايماً يكون فيه علامة مميزة مثل دعسة رجل , ضربة شلوت , شي زي هيك
*------------*


منقول

[فلسطيني للأبد]

يسلمو كتير
ذكرتني بمسرحية غوار!!!!

[moh84]

كاتب النص الأصلي : فلسطيني للأبد

يسلمو كتير
ذكرتني بمسرحية غوار!!!!

مرسي كتير الك و الله هيك رايح يصيرفينا عن قريب بس استنالك كم يوم بس
في بضاعة جاي من الصين اشي على كيفك
ههههههههههههههههههههههه

[فلسطيني للأبد]

هههههههههههههههههههه

يسلمو مرة تانية

[adam_best]

مالازمني ولا واحد...
أنا ولادي كابسهم مخلل

[moh84]

كاتب النص الأصلي : adam_best

مالازمني ولا واحد...
أنا ولادي كابسهم مخلل

يتربو بمرتبانك سوري يتربو بعزك
هههههههههههههههههههههههههههههههههههههه

[Eh@Ab]

عنجد هدول اطفال مجرمين بس اخوي دلوع

عنجد بغيزني

[moh84]

كاتب النص الأصلي : Eh@Ab

عنجد هدول اطفال مجرمين بس اخوي دلوع

عنجد بغيزني

شوفلك حل مناسب او روح على السوق وبدله بنوع تاني يناسب
هههههههههههههههههههههه
بمزح الله يخليكو لبعض و ما يحرمكم من بعض

[shosho cat]

ما عجبوني ...
طب بلاقي عندك تشكيله تانيه....؟؟؟

[moh84]

كاتب النص الأصلي : shosho cat

ما عجبوني ...
طب بلاقي عندك تشكيله تانيه....؟؟؟

تعالي بكرا بجوز تلاقي هو هاليومين جايني قصات جديدة من الصين بس انا حاطت عليها ليبل تركي عشان اغش الزباين
شايفة الضمير الي عندي
هههههههههههههههههههههههههههههه

[shosho cat]

كاتب النص الأصلي : moh84

تعالي بكرا بجوز تلاقي هو هاليومين جايني قصات جديدة من الصين بس انا حاطت عليها ليبل تركي عشان اغش الزباين
شايفة الضمير الي عندي
ههههههههههههههههههههههههه ههههه

دخيلك شو زكي...
صيني وحاطط عليه ليبل تركي ...
بدو يبين من سحبت عيونو انو صيني..

[moh84]

كاتب النص الأصلي : shosho cat

دخيلك شو زكي...
صيني وحاطط عليه ليبل تركي ...
بدو يبين من سحبت عيونو انو صيني..

مهو التياسة من الي بدو يشتري
هههههههههههههههههههههههه
الناس ما بتتفرج على مضمون البضاعة بتتفرج على الليبل
فهمتي قصدي يا امورة على العموم ازا بدك في عنا بضاعة محلية الصنع بينفعك شي منها

[shosho cat]

كاتب النص الأصلي : moh84

مهو التياسة من الي بدو يشتري
هههههههههههههههههههههههه
الناس ما بتتفرج على مضمون البضاعة بتتفرج على الليبل
فهمتي قصدي يا امورة على العموم ازا بدك في عنا بضاعة محلية الصنع بينفعك شي منها

ايه بيمشي الحال....

بمر هاليومين ...بس بدك تراعيني بالسعر.

بدي اياه ولد اخرس علشان ما ينق كتير

باي

[moh84]

كاتب النص الأصلي : shosho cat

ايه بيمشي الحال....

بمر هاليومين ...بس بدك تراعيني بالسعر.

بدي اياه ولد اخرس علشان ما ينق كتير

باي

تكرم عينك كمان بعملك خصم 80% على سعر التكلفة انتِ شايفة السوق داقر هاليومين
و كمان خدي فوق الولد كمان واحد سبير قطع غيار يعني بيلزم
باي