*** مقلايـــــــــــ (أخويــــــة 7) ـــــــــــــة ***

[THE_unforgiven]

المقلاية ...
وهل يخفى القمر ...
موضوع صار اعتيادي بالأخوية ...
.
.
طبعا الأسلوب صار معروف ..
منجي منحمي الزيتات .. ومنشعل تحت هالنار .. ومنزتلنا شي عضو بهالمقلاية ..
ومنقليه شوي شوي ...
الجديد بهالمقلاية .. انو جبنا تيفال بدل الألمنيوم ..
وفي كم قانون جديد .. انشالله يتطبقو ..
.
.
.
.
.

القوانين حسب التعديل السابع فهي على الشكل التالي :

- عدد ايام القلي هوي جمعة .. وثلاث ايام لطرح الاسئلة ...بعد هيك مافيك تسأل عيني ..
- نوع الزيت المستعمل لا يهم (المهم خال من الكوليسترول ولا يؤذي المشاعر أو يمس أمور شخصية جداً ... ونرجو التفهم .. )
- عدد الأسئلة قد ما بدكن .. بس ياريت تنحصر الأسئلة برد واحد .. يعني مو كل شوي ينطرح سؤال ..
- تمنع الأسئلة بعد انتهاء فترة انقلاء العضو ..
- يحق للعضو الإمتناع عن الإجابة عن سبع أسئلة من مجمل أسئلة المقلاية شيتو (جايي من رقم المقلاية ) .. ع شرط انو تكون موزعة بين الأسئلة .. يعني ... مابيحقلو يرفض الإجابة عن أكتر من سؤال واحد ضمن مجموعة أسئلة عضو معين ..
- يرجى عدم اثقال العضو المتعرض للقلي بعدد كبير من الأسئلة .. وذلك لضمان جودة الزيتات .. وضمان سلامة العضو بعد الخروج من القلي .. وصلاحيته للأكل .. يعني إذا كان في عشرطعش سؤال لسا ماجاوب عليهن ... طولو بالكن شوي .. ما ضروري تخلوهن عشرينطعش ..
- ياريت بلا ردود تنكيتية ... يعني مشان انو نحافظ عالمستوى .,. ف يرحم بيكن إذا ما كتير ضروري الرد .. بلاه ..
- وأخيراً وليس آخراً .. يمنع قلي عضو قلُي في المقلاية السابقه (6) سابقاً ..

---------------------------------
طبعا .. بعد شهر رمضان .. وبعد الصيام .. وبعد العيد .. صار بدها كم أكلة زفر ...
المقلاية جاهزة والزيتات جاهزين ..
يلا .. نبلش ...
go
go
go
.
.
.

[THE_unforgiven]

منفتتح المقلاية الإصدار رقم -7-...

ب الزعيم أبو جوزيف

يللا ...

اسألتي .. خفاف ظراف .. بيحققوا ميثاق الامم المتحدة وقوانين الصحة العالمية .. وانشالله ماتنحرق بزيتاتي ..

.
.
.
- كيف بتشوف أخوية بهالأيام .. وبالأيام الجايي ...
- شو حلمك بهالحياة .. وهل حققتو وللا لسا ...
- عروس الأحلام تبعك ... شو مواصفاتا... هل هيي حقيقة ام حلم ..
- هل انتا حر بقراراتك .. وشو هيي القرارات اللي ندمت عليها بحياتك ...
- شو أكتر 3 كلمات عربية بتكرهن ...
- سمي الأعضاء اللي بتتمنا تشوفهن وش لوش ..
- شو هوي التوب 10 بأعضاء الأخوية ...
- شو تقديرك للأوضاع بعد 50 سنة
- كلمة بتوجهها لأعضاء .. هني بيعرفو حالهن .. بس بدون ماتسميهن ...
- هل انتي من جماعة التحشيش (دخان أو أركيلة .. ) وإذا لأ .. شو موقفك منهن ..
- 3 أعضاء ماهضمتهن ..
- هل انتا عايش الحياة اللي كنت بتحلم فيها ... وإذا لأ .. شو هيي ؟
- هل في أعضاء تغيرو بنظرك بعد ما حكيت معهن مباشر (نت او لقاء مباشر .. ) ؟
- شغلات بتفتقدها بهالإيام ..
- محلات بتتمنا تزورها ! ؟
- شعور صرلك زمان ماحسيت فيه ...
- شعور بتكرهو ..
- شو هيي أصعب لحظة بحياتك ...
- لو سلموك رئاسة دولة عظمى شو بتغيري ...
- معك مليار ليرة .. شو بتعمل فيهن ..
- بتآمن بالقضاء والقدر , بالسحر , وجود كائنات غريبة ع الأرض أو ع غير كواكب ..
- شغلة غريبة صارت معك .. ومافهمتها ..
- 3 أفلام .. بيستحقو ينحضرو بنظرك ..
- بتتمنا تغيري بهالشغلات .. وإذا اي .. فسر ليش ولشو :
جنسك , عمرك , جنسيتك , وضعك الإجتماعي , نظرة حدى بيهمك شايفك فيها بالغلط .. , مسؤوول أجنبي ..
- بتتمني تعيش بالقرن التاسع عشر ؟
- لو رجع الزمن لورا .. شو كنت بتحب يصير ..
- هل انت راضي عن الكرة الأرضية بوضعها الحالي ... شو نظرتك للأمور التالية : بيئة - فقر - نكبات - ثروات طبيعية موارد غير متجددة - مستقبل السيارات - ..
- قديش تقديرك لدوام الرخاء المعيشي الحالي ...
- شو بتعنيلك هالكلمات .. (THE UNFORGIVEN مو اسمي .. بقصد ك كلمة مجردة .. , الحب , الرحمة , الموت , الموبايل , الوقت , أخوية , البحر , الهدوء , السعادة , العذاب , الجنة , 2008 , كل عام وانتي بخير , الشر , السخافة , الأمل , النقطة (.) , الفراغ ( ) , الجنون , الوحدة , الجوع , النوم , النت , الأطفال , الكره , البغض , العطاء , الغباء ... )
- مين بتحب أكتر .. امك أو أبوك ؟ وليش ..
- اختك ولا أخوك ؟
- سوريا ولا فرنسا ؟
- برشلونة ولا الريال ؟
- أو ... !؟
- أو ؟
- كلمة للبشر ... !
- انت شو ب3 كلمات ... !؟
- لو كان بإيدك تطلع عالفضاء .. مين بتاخد معك من أخوية ..
- رأيك بحدا بتحبو ب3 كلمات ...
- شخص بأخوية .. بتحسو كفو ؟ وشو احساسك إذا طلبت منو طلب وماطلع كفو ...
- بتتمنا تعيش مع شخص معين عالقمر مثلا .. او بشي محل لحالكن .. وبلا إزعاجات وهموم الحياة ..
- بتتمنا الموت لحدا ... وإذا اي لمين وليش ...
- شو رأيك بقضية فلسطين والعراق ..
- قسم بأخوية .. بتشوف انو لازم يتم فيه تطوير ..
- تغييرات بتحب تعملها بأخوية ..
- لو كنتي طير .. وين كنتي بتروح ..
- تخيل حالك بالتايتنك .. وكل ركاب التايتنك من أخوية .... وصار اللي صار .. وغرقت التايتنك ...
ومعك قارب نجاة بيساع 10 راكب ... مين بتحطي من هدول بهالقارب ..
(hanny dagher - jida -gazita - Willi - سرسورة -لاوديسا - وائل 76 - GOVERMENT
نيرفانا - اThe morning - القلب المنادي - ليندا - * marwa * - Reemi - lucky
مسطول على طول - محمد ابراهيم - bl@ck- butterfly abosleman - abu guzef - Nirvana - Barleb
spector- roaa - ronaldooooo - HUS - madmax - marioma alghazalyea- fofo besset syria - ماس
cuty - ABU WILLIAM- ASH - was616im - وشم الجمال - sweetbaby - Syrian Gay yass - كهربجي
The morning - Governmen - COSTA- phoenixbird - handsome - dimozi
vivasyria- Raw - suryoyo - اللامنتمي - قرصان الأدريكاتيك - -TheLight-الحاج متولي
انا - abo joseph - gabriel - انت - شخص غير هدول .. )

- ناس بتفتقدهن إذا غابو عن أخوية أكتر من شهر ..
- اعتبرني مارد ... وبدك حققلك 5 أمنيات ... شو هني .. وفيكي تخبرني وحدة بالسر ..
- لو كنت بجزيرة متر بمتر بنص البحر .. وإجت سفينة وبالصدفة فيها عدو قديم الك .. بتطلع ولا بتفضل تضل لحالك عالجزيرة ..
- اعتبر حالك ع قمة افرست .. وعندك خيارين .. اما بتزت حالك .. او بياكلك وحش ..
شو بتعمل ...
- شو أكتر شي بتخاف منو .. وبصدق ..
* فيكي تعددي أكتر من شغلة ...
- شو أكتر شي بتحبو ...
- اي أو لأ ..
- لأ أو مابتعرفي ..
- هل حسيت بوقت من الأوقات باليأس .. هل تمنيت انك لو مانك موجود عالأرض ..
- هل بتحس انو العالم سخيف بهالأيام .. وهل في شغلات بتفكر فيها .. وبتخاف تطلعيها لبرا خوفا من عدم تفهم الآخرين إلك ..
- مين الشخص اللي بتلجألو وقت بتكون مزعوج وعايز مساعدة ..
- حكمة بتحلها ...
- شو أحلى غنية لفيروز عندك ..
- إذا كان معك فرد .. وخيروك بين انو تقتل حالك .. او تقتل حدا عزيز عليك كتير ... شو بتعمل .. متل كأنو تضحية ..
- هل في سر ماحدا بيعرفو غيرك .... إذا أي .. شو ممكن تعمل إذا اتفشى من قبل حدا عرفت انو كان بيعرفو ..
- هل ممكن تضحي بحالك مشان شخص حبيتو .. (مثلا بكلية أو شي شغلة .. )
- إذا عرفت انو بوقت معين لا سمح الله رح تموتي .. شو بتعمل .. شو الشغلات أو الطلبات اللي بتتمنا تحققها قبل ماتموت ... او في شغلات معينة بتحب تصلحها او تعترف فيها .. او حتى ممكن تنتدم ع شغلات عملتها .. وشو هني ..
- غنية أجنبية بتحبا كتير ....
- إذا خيروك أهلك بين عروس غنية .. وبين عروس فقيرة بس بتحبها .. شو بتختار ..
- وأخيراً وليس آخراً ... هل زعجتك بأسئلتي .. ؟! ..

.
.
.
.
THE,unforgiven ,,, "

[روعة1]

طيب لكان بما انو اصبح ابو جوزيف اللي بالمقلاية.. فــ منبلش..

مرحبا ابا جوزيفاه..

بداية:

_ مين هو ابو جوزيف..؟؟
_ و هل انت راضي عن نفسك..؟؟
___________________

1- احلى طرفة صارت معك..؟؟
2-مين هو اقرب الناس الك..؟؟ و يا ترى اذا هل المقرب الك جرحك بتسامحو..؟؟
3-اعز اصدقائك هون بأخوية او ع النت بشكل عام مين..؟؟
4- اخوية شو قدمتلك من ايجابيات..؟؟ و هل هو موقعك المفضل متل ما ذاكر ببروفايلك..؟؟
___________________
_ بأي عمر بتعتقد البنت قادرة على الزواج..؟؟ و كذلك الشب..؟؟
_ هل انت ضد او مع انو تتزوج بنت اكبر منك..؟؟
_رأيك بعقوبة الاعدام..؟؟
___________________
شو بيعنولك الكلمات هدول:

_الحب
_الصداقة
_الجولان
_الصداقة
_الشعر
_الغربة

_________________

_مين هو افضل مطرب و مطربة عندك..؟؟
_الممثل و الممثلة عندك..؟؟
_لونك المفضل..؟؟
_اكلتك المفضلة..؟؟
اكتر اكلة بتكرها..؟؟
__________________

و هيك منكون خلصنا تحقيق عفوا اصدي اسئلة..

و انشالله ما نكون طولنا عليك..

[satoman]

حلو كتير كتير وينو ي ابو جوزيف بلشت الطبخه

[sweetbaby]

ابو جوزيف...ز عيوني ياعلاء انت..
بماانك بتحب اسئلتي المعتادين كتييير..
فبتحمل حالك ع شي مقلاية قديمة... وبتحطون وبتجاوب عليون مفهوم؟ لانو مالي حيل انا

يلا ياماما يلا

[VivaSyria]

هع اجا يلي مابيرحم

اي علوء بتعرف طبعاً انو مو خرج تتهرب من ولا سؤال مشان ما إرجعلك.... بلشنا:

برأيك بشو ممكن يفرق انتخاب ماكين أو أوباما بالنسبة لملفات الشرق الأوسط؟

شو رأيك بالإنترنت كوسيلة لتبادل المشاعر والعواطف... وهل الحب على الانترنت وارد؟

شو وضعك العاطفي؟ احكي ها لاخبي شي بقلبك

رأيك بهالأشخاص بسطرين:

محمد ابراهيم الملقب بمولانا

أبو سارة

ريمي

ريتا (هي يلي حاطه سؤال فوقي)

غابرييل

حضرتي

شو رأيك برجال الدين المسيحي والإسلامي بصراحة؟

سؤال أخير برأبك اذا واحد لقا رفيقو متصل فيه الساعه سبعه الصبح.. شو بيكون بدو؟؟


حاجتك هلأ... بيجوز ارجعلك اذا اتهربتلك من شي جواب...

[اكليل الورد]

يا سلاااااااااام انا بحب هيك طبخات حااميه

النا عوده بس لكون جهزتلي وليمه من الاسأله الدسمه ومنرجع

ترقبونا

[was616im]

ابو جوزيف هون اي والله بعد زمان يا صاحبي...الك وحشة يا منظوم
المهم خيو مشان ما يقولو عم نعمل سبام ... سؤالي هو :
بشو مشغول هالايام لحتى نادرا ما يلقطك حدا عالمسنجر ؟؟

[fofo besset syria]

لك اهلين...ابن العم هون...لك اهلا وسهلا نورت وشرفت المقلاية

سؤال واحد فقط لا غير...كيفك انتا هالايام؟

سؤال تاني..موبايلك من امبارح ما بعرف شو صايرلو...ما عم يعلق الخط..لا برن ولا شي..ببئى ساكت..لا تكون عاملا قصدا مشان ما ضل صارعتك انا

[The morning]

- وأخيراً وليس آخراً .. يمنع قلي عضو قلُي سابقاً ..

كاتب النص الأصلي : THE_unforgiven

منفتتح المقلاية الإصدار رقم -7-...

ب الزعيم أبو جوزيف

الزعيم أبو جوزيف انقلى سـابقا

hanny dagher - jida -gazita - Willi - سرسورة -لاوديسا - وائل 76 - GOVERMENT
نيرفانا - اThe morning - القلب المنادي - ليندا - * marwa * - Reemi - lucky
مسطول على طول - محمد ابراهيم - bl@ck- butterfly abosleman - abu guzef - Nirvana - Barleb
spector- roaa - ronaldooooo - HUS - madmax - marioma alghazalyea- fofo besset syria - ماس
cuty - ABU WILLIAM- ASH - was616im - وشم الجمال - sweetbaby - Syrian Gay yass - كهربجي
The morning - Governmen - COSTA- phoenixbird - handsome - dimozi
vivasyria- Raw - suryoyo - اللامنتمي - قرصان الأدريكاتيك - -TheLight-الحاج متولي black_iris - zen

[Reemi]

كاتب النص الأصلي : The morning

الزعيم أبو جوزيف انقلى سـابقا

شوش المهم ما يكون انقلى بالمقلايه 6 ..ما قبل ذلك ما مشكلي ..!

حذفنا باقي الردود ..الله يرضى عليكون الي عندو سؤال يحطو الي ما عندو يروح يوزع سلامات غير هون

[اكليل الورد]

ممممممممم يلا بلشنا (الله يعين)

مين هو ابو جوزيف (بطاقتك الشخصيه)..

شو هو هدفك في الحياه؟

شو بيعنولك هالاشخص؟
( الام . الاب. الاخ. الاخت. الصديق .الحبيبه.)

لو معك 10 ورود لمين بتهديهم 5 من الاعضاء و5 من برات المنتدى ..

شو اخر كلمه بتمنى تسمعها بحياتك ؟

مين اغلى شخص على قلبك ومستحيل تنساه لو شو ماصار؟

اكتر انسان وقف معك وانت بأشد الحاجه للي مين يوقف معك ويساعدك؟

الصداقه هي عباره عن شو بالنسبه الك؟

والحب هو عباره عن شو بالنسبه الك؟

الحياه هي عباره عن شو بالنسبه الك؟

احلى موقف حصل بحياتك ومستحيل تنساه؟

اصعب موقف صار بحياتك وبس تتذكرو لهلق بتدمع ؟

شو بتعنيلك الكلمات هاي
( الوفاء. المحبه.الاحترام.الخيانه.ال� �ذب.الفراق)

مين اكتر 5 اعضاء نفسك تشوفهم فيس توفيس(وجها لوجهه)

قول رأيك ب5 اعضاء موجودين بالمنتدى وانا رقم 6 انا معهم يعني

بتفضل الزواج عن حب او بدون حب وليش؟ وانت كيف نفسك تتزوج؟

شو هي اكتر البلاد اللي كان نفسك تروحها ورحتها واللي نفسك هلق تروحها ومارحتها؟

لو خيروك بين امك او ابوك مين بتختار وليش؟(واحد بس)

لو خيروك بين اختك واخوك مين بتختار وليش؟(واحد بس)

لو خيروك بين حبيبتك وصديقك مين بتختار وليش؟(واحد بس)



وهيك خلصو اسألتي بتمنى ماكوت تقلت عليك العيار وتقوم تحترق بالزيتات


عقبال قومتك بالسلامه

تحياتي

[ِAbu Alzooz]

لأنو أبو العل فاضي ممممم

[هشام ابو شرار]

يالطيف شو هالاسئلة معجوقة متل أسئلة لجنة التحقيق الدولية...

[بنفسجة]

وين المقلي ؟؟؟

[ِAbu Alzooz]

كاتب النص الأصلي : بنفسجة

وين المقلي ؟؟؟

حاكينا المقلي عندو مشكلة بالجهاز

هيك مبارح ما بعرف اذا اليوم تصلحت

و على كل حال على الوعد يا كمون

[بنفسجة]

كاتب النص الأصلي : ABU WILLIAM

حاكينا المقلي عندو مشكلة بالجهاز

هيك مبارح ما بعرف اذا اليوم تصلحت

و على كل حال على الوعد يا كمون

كترانين اعطال الكومبيوترات هالايام تقول موسم اعطال

[Abu Guzef]

يعني مقلايتي

سوري انو كان في مشكلة بالتلفون ف ما ئدرت فوت لليوم

لنبلش سهرتنا للصبح اليوم