"يوريكا" جريدة الأخوية

[Dndoshy]

تم الاقرار بمشرع الابادة الجماعية لجميع الشعوب المتبنية لشعار"يا أخي بس تركونا نعيش.."
وقد وقعت عليه جميع الدول الشقيقة والمنظمات المعنية بدحر حقوق الانسان وأجهزة حفظ الأمـ* والاستقرار..

وتم تأجيل جلسة معارضة هذا القرار الى الأجل البعيد البعيد العاجل..



كان معكم لتّات أبو لعية(هاد أخوه لحكيان أبو لعية)من موقع الأحداث التي تجري عادة في رأس أبو حشيشة

[suryoyo]

كاتب النص الأصلي : Nirvana

في آخر الأخبار البايتة والفايتة ببعضا أعلن مسؤول ما في مكان ما عن استمرار حملته في محاربة الفقر، وحلف يمين إنو ما يخلي ولا فقير في مكان ما.. وصرح أنه قد أوكل مهمة محاربة الفقر إلى المسائيل الصغار اللي تحت إيدو... الذين قاموا بدورهم بإعداد كافة الوسائل والتسهيلات للنجاح في مهمة مكافحة الفقير... فقد قاموا بلا فقر بتوزيع نشرة توعية ووقاية من الفقر...

1. عدم الاقتراب من أي فقير والحفاظ على مسافة 100 متر بينك وبينو.
2. التقيد بإجراءات الحيطة والحذر عند التعامل مع اي فقير وذلك بوضع مبلغ محترم في جيبك، يفضل بالجيبة اللي بقميصك، حتى تشعر بالكبرة وما تصيبك العدوى.
3. أخذ المطاعيم الوقائية كل آخر شهر حتى ما يطير راتبك من أول الشهر.

طفران اخو مفلس ما عرف وين نحصل المطاعيم

[Nirvana]

كاتب النص الأصلي : suryoyo

طفران اخو مفلس ما عرف وين نحصل المطاعيم

عادة من الماما أوالبابا أوالأصدقاء أوالحبايب أو البنك أو الشغل أو أي حدا معو كاش وإلك وش عليه!

[Dndoshy]

حالة الطقس من عبكرا لمبارح..

مشمس جزئيا في بعض الاقساممع بقاء درجة حرارة المواضيع بين الفاترة والمتجمدة نسبيا..
مع احتمال نزول بعض من زخات المخالفات على بعض الاعضاء الاشقياء..



كان معكم بردان ابن عبد الشوفاج من موقع الأحداث التي تجري كالعادة في رأس أبو حشيشة

[Dndoshy]

في ظل الصراع الدائر بين الفريقين(الموالاة والمعارضة)تم نقل المواجهات الى ساحة الصالون
باعتبار جميع الطرق المؤدية الى بقية ساحات الاعتصام تم غلقها..
وتفيد التقارير الاخيرة بوقوع عدد من المصابات بين منتوف شعرها ومقروص خدها..( )
ونتيجة ذلك قد تأخذ هذه الاحتجاجات منحى أخر ..


سوف نوافيكم بأهم الستجدات..

كان معكم لتات أبو لعية من الصالون.

[MadMax]

كاتب النص الأصلي : Dndoshy

كان معكم لتات أبو لعية .

عاشت الأسامي والله






عالهامش .. اشتقنا لهالموضوع .. صرلو فترة نايم ..


و اشتقنا لنيرفانا كمان

[LiOnHeArT.3LA2]

مهو يسعد الله .. علقت ..

[Dndoshy]

كاتب النص الأصلي : MadMax

عاشت الأسامي والله






عالهامش .. اشتقنا لهالموضوع .. صرلو فترة نايم ..


و اشتقنا لنيرفانا كمان

هالموضوع حلو كتير..من شي شهرين وأنا مفكر اكتب فيه بس مستنا حدا ميشان ينكشو..


عالهامش..هالنيرفانا شغلة..ثروة قومية (من بعد اذنك ها )

[Nirvana]

كاتب النص الأصلي : MadMax

عالهامش .. اشتقنا لهالموضوع .. صرلو فترة نايم ..


و اشتقنا لنيرفانا كمان

أنا بالأكتر ... وأنا بتمنى انو ما يرجع ينام بس بتعرف راس ما بتحزر عليه.

[Nirvana]

كاتب النص الأصلي : Dndoshy

عالهامش..هالنيرفانا شغلة..ثروة قومية (من بعد اذنك ها )

الفضل كلو لـ... شكراً.

[abosleman]

عم قول آخر فترة عم يجيني كتير اخبار من يوريكا
بس ولا خبر كان فيه انو زعيمة التحشيش الاولى كبيرتنا
نيرفانا .. هووووون يا ويلكم والله

[saman]

انو اسمحولي انا اعلامي المستقبل (مو قناة المستقبل .. المستقبل يعني الفيوتشر الفوتور بالفرنساوي ) .. اسمحولي .. انقل لكم الاجواء الدائرة بالصالون .. بما اني في قلب الحدث .. واكلت شظية قبل شوي .. بـ عشر كيلو تي ان تي

تدور الآن صراعات عنيفة بالمخدات .. في الصالون ... .. بس هل الوضع مستتب شوي بعد رد أحد المشرفين المتقاعدين يلي ما فهمت عليه كلمة
وجاءت تصريحات المشرف المتقاعد .... بعد الاعتصامات المنددة بسياسة المشرفين ... والتي طالبت بتغيير ليستا المشرفين (ما رح يطلع معن شي ) ... از صرّح .. بالغاء المشرفين من الوجود .. وانهاء مدة اقامتهم على وجه الكرة الأخوية ... وطالب بتنفيذ اشد العقوبات بشأنهم ... وفوق ذلك .. طالب بالسلطة الذاتية اللامركزية لكل عضو

كان معكم بهارات ابو رشة - يوريكا اخوية - الصالون

[Nirvana]

كاتب النص الأصلي : abosleman

عم قول آخر فترة عم يجيني كتير اخبار من يوريكا
بس ولا خبر كان فيه انو زعيمة التحشيش الاولى كبيرتنا
نيرفانا .. هووووون يا ويلكم والله

... أهلا أهلا... أخجلتم تواضعنا

يلا بدنا تحشيش هداك الأيام بهمتك ...

[abosleman]

كاتب النص الأصلي : Nirvana

... أهلا أهلا... أخجلتم تواضعنا

يلا بدنا تحشيش هداك الأيام بهمتك ...

تحشيش هداك ... ويقال في روايات أخرى هديك ... الايام راح مع هداك الايام
بس هي الايام إلها تحشيش خاص .. ومن نوع خاص .. تحشيش مفعم بالصمت ..
بس بركي هلئ بهمتك .. بتوصيلنا على شوية حشيش من تلك الايام ..
لنعمل تحشيش على وزن تحشيش هداك الايام .. ويتماشى مع الواقع الحالي ..
وكما يقال .. الله يلعن اللي بيعرف شو يقال .. المهم

تحياتنا ..

[Nirvana]

كاتب النص الأصلي : abosleman

تحشيش هداك ... ويقال في روايات أخرى هديك ... الايام راح مع هداك الايام
بس هي الايام إلها تحشيش خاص .. ومن نوع خاص .. تحشيش مفعم بالصمت ..
بس بركي هلئ بهمتك .. بتوصيلنا على شوية حشيش من تلك الايام ..
لنعمل تحشيش على وزن تحشيش هداك الايام .. ويتماشى مع الواقع الحالي ..
وكما يقال .. الله يلعن اللي بيعرف شو يقال .. المهم

تحياتنا ..

شو بدي اعمل .. خطأ غير مطبعي ... خطأ نظري ...

لكن مهم انو ينقال...

[Dndoshy]

خبر عاجل..

تم الامساك بأحد الاعضاء بالجرم المشهود عند قيامه بكتابة أحد الردود البايخة البايتة في محاولة منه لضرب الذوق التحشيشي الاخوي..

وعلى ذلك تم اعتقاله على ذمة التحقيق والافراج عنه في اليوم التالي لعدم وجود أي قانون يحرم كتابة الردود البايخة في أخوية..

كالعادة كان معكم لتات أبو لعية من راس أبو حشيشة

[Dndoshy]

في اخر الاخبار على الساحة التخويتية..
توجه رئيس حمصستان"حمصي وبئس المصير" الى بلاد ما بين بين للقاء الرئيس "قاضي العرب شنق حالو"..

وخلال الزيارة تمت مناقشة الاوضاع المتردية التي وصلت اليها المنطقة من حيث انخفاض معدل البطالة وتنامي ظاهرة النشاط اليومي للسكان وعدم الحيلولة دون اقاف حملات منع التدخين والتحشيش والتعدي على محاسنها..

وقد تطرق الرئيسان خلال الزيارة الى المشكلة التي تعاني منها جمهورية صينولافيتيا الشعبية من حيث ديناميكية الزواجاذا خلال أقل من عشرطعشر سنة لن يبقى فيها اي من الجنس الطيف وعلى ذلك قد تضر الى استيرادهم من أقرب مصدر موثوق(الدول الشقيقة)..

لتات أبو لعية نشّف حلقو وعصر مخو لأبو حشيشة ما طلع معو أكتر من هيك..منكمل بأحداث الزيارة مرة الجاي..رأس أبو حشيشة

[Nirvana]

في آخر التطورات غير المتطورة ... أعلن مراسلنا من دولة شايف البحر شو كبييييييييييييييييير عن استمرار الصراع بين الأطراف المنازعة وليس المتنازعة حول اقتسام البحر... حيث ابدى الطرف الأول رغبته في بناء جدار فاصل على طول البحر... بينما استنكر الطرف الثاني ذلك، وأكّد على تمسّكه بموقفه كالضبع الجائع لوضع حدود أمنية ومراكز تفتيش فاصلة حتى لا تختلط الأسماك حرصاً على الأمن الوطني وخوفاً من التهديدات الخارجية.
هذا وقد فشلت الجهود الدولية المتمثلة بحامل شعلة السلام أبو حشيشة في تهدئة النفوس زاعماً أن كلا الطرفين يفضّلان الإبر.

مراسلكم المخضرم شربان مية البحر!