هل سينتحر حسام حسام قبل ان يسترجعه ملتس؟ - صفحة 2

نمر سوريا · 30/11/2005

أنا أحييك here i am و أتفق معك في كل ما قلته .......
و لكنك أخطأت خطأً ًً فادحاً حين جمعت ( فريد الغادري ) و ( نهاد الغادري ) في نفس الخانة .........
صحيح أن الأول هو ابن الثاني و أنهما معارضان ...
و لكن فريد الغادري هو من المعارضة السلبية الساعية إلى السلطة و المال بأي ثمن حتى
لو كان الشعب و الكرامة و السيادة .............
أما نهاد فهو من فئة المعارضين الوطنيين و الشرفاء ...
و هو رئيس تحرير صحيفة المحرر العربي الرائعة ...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

و يمكنك متابعة أفكاره و كتاباته في الصفحة الثانية من الصحيفة المذكورة ...
و هي في معظمها تكون قراءة واقعية و منطقية للأحداث التي تخص سوريا
و هو يدافع عن سوريا في أي ضغط تتعرض له ................
و في أغلب الأحيان يختتم كتابته بالقول :
( ليس دفاعاً عن النظام ... و لكن دفاعاً عن سوريا )

أبو النسيم · 01/12/2005

قبل ما بلش نقاش بتمنا أنو ما حدى يفكرني عم دافع عن شخص الغادري
أنا عم ناقش لوضح وجهة نظر وحاول أمحي من الصورة السيئة يلي رسمها النطام للمعارضة

بعدين ميت بوسة لحبيب قلبي here i am و أنا أول مرة بتناقش

اقتباس:

ماننسى وعودو القوية لليهود بالمتاحف ولا ننسى حبو البريئ ل أميركا

هل الكلام بيتم كلام جرايد وبعبعة صحفية وتشهير مو أكتر والزلمة نفى أنو يكون وعد هيك وعد
بعدين لحطك بصورة الموضوع
يلي أعطى هي التصريحات هو نبيل فياض الكاتب والباحث والناقد الفكري المعروف ويلي أنا بحطو على راسي من فوق من شدة أعجابي بكلامو ونقدو ا للفكر الديني العفن

نبيل فياض كان منظم لحزب الأصلاح السوري الذي يتزعمه الغادري بعد فتره تبين أنو في خلاف صار بين الغادري وفياض على زعامة الحزب المهم فياض نسحب من الحزب مصار يشهر بلغادري والغادري نفس الشي صار يشهر بزلمة

هلق أهم نقطة لتعرف مصداقية فياض بنقل الكلام وأنو هو زلمة بيجوز الأمن دازو على الغادري
أنو فياض حضر الاجتماع مع الغادري والمسؤلين الأسرائيلين وقت كلن بحزب الإصلاح وبعد ماترك الحزب وعلقت بين التنين ظهر المخبى وظهرت هي الاجتماعات

هلق عندي تسائل ليش نبيل فياض ما عتقلو الأمن السوري والزلمة صرح علانية أو ألتقى بمسؤلين أسرائيلين هو والغادري والدكتور كمال البواني المعارض الشريف وصاحب الفكر النير اللبرالي ومن معارضي الداخل ومن مؤسسي حركة ربيع دمشق ليش اعتقلوه وشهرو فيه وبيجوز يحكموه مؤبد والزلمة كان واضح وصريح وشفاف مع السلطة وصرح أنو مانو مع أي تدخل عسكري

يعني ما عفهم واحد بيشوف أسرائيلين معليش واحد بيلتقي مع الأمريكان مو معليش

هي مصداقية برئيك ما عم أفهم هل النظام شلون ماشي

بعدين لقلك شغلة المعارضين السورين في الخارج وعلى اختلاف انتماءهم السياسي من أخوان لتحالف ديمقراطي لوطنين أحرار ............................الخ من جماعة المعارضة المنفية بيتمو أحسن وأشرف من أي مسؤل بهل النظام العفن في شوية تحفظ مني على الأخوان بس الجماعة موضحين أنو مانون متل ما صورون النظام وهلق أنا ضدد أي نظام ديني بدو يدر البلد

و إذا بدك بشرح لك عن هل النقطة لبكرة

أخر شغله أنت بتعرف كيف الأعلام السوري مهزلة و مسخره لأبعد الحدود ما في مصداقية ولا شفافية
أعلام القطيع هي أسلم وصف ألو

أنا أتحدى أي شخص يكون قارئ عن التنظيمات المعارضة وفهمان تمام مين هن الأشخاص يلي بيديرو هل التنظيمات بتحدى يحط وحده على أي تنظيم

ما عدى الأخوان
و الإصلاح بدو قعدة ونقاش طويل

بقى سياسة التخوين والتظليل الإعلامي ما عاد تنفع سدقني يلي بدو يشوف الطرف الأخر ما بدو يطلع من منظور السلطة بدك يكون حيادي شوي بعدين تختار يلي بتلاقي أنسب

ولقلق شغلة النظام السوري الحالي من أكثر الأنظمة التي مرت على سوريا أستبداد وطائفية و خيانة

يا أخي الرئيس بشار ومن حوله مستعدين يحرقوا البلد مع ناسها بس مشان يتمو على الكرسي

وسدقني مستعدين يبوسوا رجلها لأمريكا ويحطوها على راسون المهم الكرسي والمنصب

و أمريكا مانها أحسن أمريكا بتهمها مصلحتها وهل الكلام المعسول عن الديمقراطية كلام فاضي أمريكا بدها نظام على كيفها أذا كان عهل النظام لين ومطيع بتخليه بلحكم و أذا رفس بتشيلوا

متل صدام وهلق نحنى أذا رفس نظامنا كتير بدون يدوسوه ويشيلوه

ولي عودة

here i am · 01/12/2005

أبو النسيم حبيب القلب
أنا ماني هون بموقف محامي الدفاع عالنظام ولاني الرسول المبشر بأهداف النظام
حتى بالأصل مابشارك بالمنبر غير لأنو الموضوع استفزني
أنا مع سياسة سوريا بهالفترة و ضد أي واحد بيوقف ضد سوريا برجع و بقلك كرمال الشعب
و الشي يلي خلاني اتدايق هو تشويهون ل هسام و الطريقة يلي عم يتعدو فيها على شخص كان منيح أو كان خاين بلحظة من اللحظات وقف جنب بلدو
أما مشان الغادري فاياسيدي الله ييسرلو و أنت قلت أعلام و عم يضربو ببعض و الأعلام كلو حطو تحت باطك يعني ممكن يكون الشي يلي نحكى صح و ممكن هالشي يكون غلط
سيدنا ....
القصة و مافيها يابني سوريا يا أيها الشعب المهجن و الغير مهجن و يلي على طريق التهجين يلي بدكون تسمون سمون
إذا بهالأيام ماكنا جنب بعض أكلنا هوا
لا أميركا بتفيدنا ولا غيرها ......
لك يلي بدي أفهمو هالكره يلي حاملينو علينا العرب كلون فيني افهمو ليش ؟؟؟
260 مقال كويتي كلون ضد سوريا ولا مقال واحد صف معنا
17 قناة أخبارية كل أخبارها ضد سوريا و لا وحدة معنا
مانا هلق بباب الصراعات الداخلية خلونا نسكت هالطاقة يلي انفتحت علينا و بعدين لكل حادث حديث
انشالله تكون وصلت الفكرة
تحياتي

نمر سوريا · 01/12/2005

اقتباس:

نبيل فياض كان منظم لحزب الأصلاح السوري الذي يتزعمه الغادري

يا أخي .. منشان القرود حدد عن أي غادري عم تحكي ؟

اقتباس:

و أمريكا مانها أحسن أمريكا بتهمها مصلحتها وهل الكلام المعسول عن الديمقراطية كلام فاضي أمريكا بدها نظام على كيفها أذا كان عهل النظام لين ومطيع بتخليه بلحكم و أذا رفس بتشيلوا

ما بختلف معك بهالشي

اقتباس:

متل صدام وهلق نحنى أذا رفس نظامنا كتير بدون يدوسوه ويشيلوه

أول شي نحنا مو متل صدام ...
تاني شي : أمريكا ما كان بخطر عبالها تهاجم العراق لو أنو عندها شك 1/100 بوجود أسلحة دمار شامل . شوف كوريا الشمالية .. بتسترجي أمريكا تطلق صاروخ واحد عليها ؟؟؟؟؟؟؟؟؟؟؟؟؟؟
بعدين ما يخطر ببالك و لا ببال أي واحد تاني أنو أمريكا بتفكر مجرد تفكير بضرب سوريا
لأنو اسرائيل قريبة مننا و أي صاروخ مهما كان قديم و ضعيف بإمكانه الوصول لاسرائيل من أراضينا
و هالشي ما بتقبلو اسرائيل بأي شكل من الأشكال و رح ترضخ بسرعة
و أقوى دليل هو حزب الله ! ........... شوف شو عمل بالاسرائيلية
و حرب تشرين ! ................ شوف شو عملت
يعني اسرائيل رغم تطور جيشها و قوة اسلحتها بس ما بتملك الجندي الشجاع ........
و ما بتقدر لا هي و لا أمريكا تستخدم السلاح النووي ضدنا مخافة أن يؤثر على ارض اسرائيل
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ
و كداخل أنا مو راضي أبداً من الحال ....... فساد و فقر و واسطة ........
بس حرية الرأي موجودة ! و نحنا أكتر بلد عربي بيسمح بحرية التعبير بعد لبنان
و بإمكان أي واحد يسب الحكومة ساعة ما بيريد ...
أنا شخصياً بلعن منيب صائم الدهر اذا انقطعت الكهربا 5 دقايق .
و بلعن بشير المنجد اذا بيتعطل الهاتف .
و أي واحد فينو يحكي بالسياسة الداخلية و الخارجية و قدام مين ما بدو ........
يعني ما عادت المخابرات تدقق متل الأول
و اذا بتقول غير هيك بتكون مانك صادق ( مع احترامي الك ) .
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
الله يرحم ايام حافظ الأسد . ( فقط كسياسة خارجية ) .

**zen** · 01/12/2005

اقتباس:

كاتب النص الأصلي : majood76

حاج يـــا
لك مين بدو عراق تانية... مين قال انو المعارضة الحقيقية بدها مساندة خارجية ... ليش عم ننكل ببعض
لسا حاطين نقرنا بنقر بعض ..
اي دولة حضارية فيها معارضة .. و دور هالمعارضة ايجابي مو سلبي ...
افهمو المعارضة مظبوط بعدين علقو و انتقدوها
------------------------------------------------------------------------------------------------------
منين طلع هاد هسام بيك ...
و ليش هلأ رجع لسوريا ... ليش اصلا رضي انو يشهد ضد بلدو .. لو تحت اي ضغط .. ايا كان اذا كان انسان بتهمو مصلحة بلدو لازم ما يستسلم للضغوط .. و طالما شهد ضد بلدو .. هاد بيعني انو خائن ... لو رجع بكلامو .. لو شو ما كان ...
انا هالقصة كلها ما ركبت براسي ... في خفايا و شغلات عويصة نحنا ما درينا و لا رح ندرا فيها ...
يعني بصراحة البارحة تابعت المؤتمر الصحفي .. بقرف

ممكن تفهمينا شو هي المعارضة
جماعة اعلان دمشق ؟؟؟؟؟؟؟؟؟؟
اللبواني طلع على اميركا ليبحث سبل التغير بسوريا
باين عليه انو انشان مثالي طلع على اميركا
ولا جماعة الغادري الي بدو يبني متحف لليهود بنص الشام والي ساوم السطة على رئاسة الوزراء ةلما ما قبلوا صار بدو الرئاسة من اميركا
ولا جماعة الكونغرس الاميركي السوري
اما الاخوان المسلمين المجرمين
مين خبريني
انا معارضة بس من نوع تاني معارض لكشي خطاء
ومع كلشي صح
انو بالنسبةو الكون سوريا بتصير متحررة سياسيا
لما بيصير الانسان بيقدر يسب على الرئيس
ولما الوزراء بيتهم بعض
ولما بتفلت الامور وقتها بتصير ديمقراطية

نمر سوريا · 01/12/2005

وحش يا زين وحش .......... كلنا معك

مدق · 01/12/2005

اقتباس:

اللبواني طلع على اميركا

وهيدا من عنااااااااااااااااااااااا ااا وهيدا من عنا وهيدا من عنااااااااااااااااااااااا اااااا وهيدا من عنا !!!!

خاين من عنااااااااااااااااااااااا ااا وخاين من عنا وخاين من عنااااااااااااااااااااااا ااااا وخاين من عنا !!!

هيك صيحات الأخوية المزبوطة

شفتو شلون !!!

أبو النسيم · 01/12/2005

يا جماعة مابدنا نزاود على بعض ونبيع وطنيات لبعض أذا مصلحة أمريكا بتصب بمصلحة الشعب السوري وبدها عنجد ديمقراطية حقيقية أنا أول واحد بصف مع أمريكا

أمى أذا كان العرض تنصيب ديكتاتور وديمقراطية مقنعه أنا أول واحد بحمل السلاح ضدها

وبنسبه لموضوع النظام سدقوني أذا مرت أزمه ميلس على خير وحيات الشباب ( أنا ما بحلف بالله لأنو ماني نمعترف فيه)

وحيات الشباب أذا الأخوية ما بتسكر وأذا ما بتزوروني بسجن أو بنكون بزنزانة وحدة

أنا بدي أعتزل العمل السياسي

بكرة لح يتفرعنو وماعاد حدى
يردهون

ودمتم للحرية

agha · 02/12/2005

قال يافرعون مين فرعنك قلون مالقيت حدا يردني..........

sezar · 07/12/2005

نكوشة

و كمان بدي قلو لمجد ما حدا ضد سوريا هون

و بقول للباقي و زين خصوصا

انا تعبت عن الشعب بسبب سياسة لحس البوصطار حاجة
انهرا البوط من كتر اللحس الشعب عند هيك حكومة مو أكتر من (كوالا بتلمع لحالا)

سلام

here i am · 07/12/2005

سيزارو كل القصة أنو نحن مع سوريا هلق ولا لاء ؟؟
و خوفا عالشعب السوري مو أكتر
و سيزارو وحياة عينك لاعاد في بساطير متل أول ولا لحس ياعمي و الله البلد لقدام
بس بالنسبة بس مارح أرجع قلك نحن صح بس نحن بلد متل كل بلد فيها عطل و فيها منيح
و مالازم نسكت عالعاطل بس صدقني صرنا أحسن من كتير بلاد و ماشيين

Barada · 01/01/2006

أخبار هسام هسام بعد اعترافات خدام؟

shadi · 01/01/2006

والله بصراحة شو ماكان هسام وشو ما كان النظام فا احسن نظام بيلبق لشعبنا هيدا هو وغير هيك ما بيلبقلنا وحاج نشمت العالم فينا وكل واحد ياخد موقف مدري من وين نابع من حقد على شي موظف او قاضي او شي شرطي سير او مدري شو
مشكور ياأمور

fady juventus · 02/01/2006

اقتباس:

كاتب النص الأصلي : Barada

أخبار هسام هسام بعد اعترافات خدام؟

!!!!؟؟؟؟