|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
16/10/2005
|
#19 | ||||||
|
مختار
|
و لك انتو جماعة حمص
 مو شايفين بالدنية غير حمص نزلتو عل شام و شايفين كيف صايرة  لك مطرح تحط رجلك فيو مو صفيان  و علما انو هي واجهة البلد و بعدين حبيبي الإصلاح مو بالبلاط المقبع و دخنة السرفيس و عجقة باصات النقل الداخلي لأ انتو بتعرفو شو جوانب الإصلاح يعني هي رصيف يلي حولين القيادة القومية خيلة و من أحلى ما يكوون بخلوك تمشي علي لك بطقة الشمس و مافي فيّ غير هنيك كان العسكري يقلي نزيل عن الرصيف هي مجرد مثال تافه  مع ذلك مو هون لازم يكون الإصلاح الإصلاح الحقيقي هو يبدا من اللب و بعيد القشور بتصير بتجواوب من اللب الصالح و لا عد حدا يجيب سيرة الأرصفة و يقول تعو شوفو حمص ما أحلاها لأنو هي المسائل أسهل شي يضحكو فيا علينا مشان نقول في اصلاح بس ما حدا رح يصدق غير يلي ناوي يعيش يوم بيوم يلي مو ناوي يعيّش ولاده بهناء  سلام
"أوقفوا حجب أخوية في سوريا"
------------------- يا نبع المحبه.... عينك عَ وطنا ------------------- فلتحيا سوريا للأبد واكسيرها للخلود سيكون دماء محبيها .. ------------------- ساعدنا في الاشراف... استخدم زر المشاركة العاطلة |
||||||
|
|
16/10/2005
|
#20 | |||||||
|
مشرف متقاعد
|
اقتباس:
يعني ماتقارنلي ياها بدول أوربا و أميركا مثلا بالنسبة للدول العربية أنا متأكد أنو عيشة بسوريا أشرفلي 10000 مرة من أي بلد عربي تاني بعدين نحن تبعوت حمص مقتنعين بحمص شبها حمص يعني مابدي قلك أنو كاملة بس ظبطوها شيل القشور التعديل يلي عم يصير بالقضاء هلق كمان قشور ؟ بس فهمني شو هو اللب بالنسبة ألك ؟ و برجع بأكد نحن مانا صح بالعكس في أخطاء كتير و في فساد كتير بس مابقلك أنو مافي أمل سلاماتي ألك سيزارو 
و يا صبحة هاتي الصينيا و صبي الشاي ليكي و ليا
آخر تعديل here i am يوم 16/10/2005 في 02:20. |
|||||||
|
|
|
16/10/2005
|
#21 | ||||||
|
مختار
|
حبيبي مجود
انا مو قصديحمص بالذات او شي الله يخليلكون ياها  بس قصدي انو مالازم نحجم موضوع الإصلاح بمعناه المادي بس لازم يكون على جميع الأصعدة انا مارح اسكوت عن موضوع الإصلاح لحتى يلتغ نظام الطوارئ و ماعد شوف ولا جيب عسكري داخل المدن و المناطق المدنية ولا شوف شرطة عسكرية ماشية تلطم بهاد و هداك هاد اللب يلي لازم يتغير طبعا هدول يلي تزكرتون هلأ بس طبعا في كتيير و انا ما عم قلك تصير سوريا متل أوربا او أميركا لأ كمان هيك ما بصير انا بدي سوريا ترجع متل أيام أول لك اي معلش ترجع للعشرينات لك كان الفرنسي بالبلد و مافي هيك مشاكل بس نحنا شاطرين نستقوي عل غريب و تحياتي |
||||||
|
|
|
16/10/2005
|
#22 | ||||||
|
عضو
-- مستشــــــــــار --
 |
يعني بكل دول العالم السيارات العسكرية بتدخل جوا المدينة ... وبيكون ألها شغل
وبكل دول العالم الشرطة موجودة بكل مكان ...اذا مو الشرطة العسكرية ..العادية يعني ... التصرف هادا طبيعي ... ولا كيف بدك تضبط البلد .. وعمري ما شفت الشرطة العسكرية عم تتحارش بحد ..ولا بتضرب بحدا بدك سوريا ترجع من أول ... كيف يعني ؟؟؟ بدك كل كم يوم انقلاب و تفجيرات و مظاهرات ...
ســــــــــــــــــوريا قلعة الصمود العربي
|
||||||
|
|
|
17/10/2005
|
#23 | ||||||
|
مختار
|
لا مو كل دول العالم السيارات العسكرية بتفوت عل المدن
مثلا هون بالدوحة بحياتك ما بتشوف سيارة عسكرية لك صحيح انو اكبر تجمع للقوات الأمريكية بس وحياة الحكومة يلي بتحبا ما بتشوف الون حس او اثر دولة بتحتر شعبها و حرياتو ما بتخلي الجيش يمشي براحتو و بالنسبة للشرطة انا ما جبت سيرة لأنو اسمون امن داخلي فهي شغلتو التواجد وين ما كان بس والله كمان و انت ماشي بامان الله ما تلاقي غير واحد واقف جنبك وشو معو روسية (بارودة) و مدني كمان هيك بنص الشام بكون بيت شي كلب من الكلاب بشي بناية بالحارة مشان يفرض شخصيتو عل موضوع بيوزع زلمو على مبدا المافيات  هاد يلي انا عم احكي عنو |
||||||
|
|
|
17/10/2005
|
#24 | |||||||
|
مشرف متقاعد
|
اقتباس:
بس هي تبع الروسيات و المافية و الله لسى مامرقت على راسي و ماسمعت فيها |
|||||||
|
|
|
17/10/2005
|
#25 | ||||||
|
عضو
-- مستشــــــــــار --
|
حبيب أنت عم تقارنها بقطر ...
قطر عندها جيش ..عندها وجود قوات ...قارنها بدول قريبة سياسياً وعسكريا وحتى الجيش الأميركي ..ليش فكرك ما بيفوت ..لأنو محترم ..أكيد لأ لأنو بيخاف الأحتكاك مع الناس بعدين بدو يدخل على المدن شو بدو يساوي ؟؟؟؟ اذا كل شي واصلو محل ما هو ..شو بدو بالنزلة أما شركي واقف بمكان مهمتو ...شو بدك ياه يحمل بدل الروسية ..عصاية مثلاً ؟؟؟ |
||||||
|
|
|
17/10/2005
|
#26 | ||||||
|
مختار
|
اي طبعا ازا فات شو بدو يساوي مو هاد انا يلي عم احكي الجيش عنا ليش لينحط القطع تبعو بنص المدن لك عند المرديان في كتيبة معقولة هيي
و بعدين مشان الزلم يلي معون روسيات شفلي بالله يلي بوقفو عند مقرات احزب لك حزب سياسي كما هوي مفروض شو الو معنى عنصر مخابرات يلطي قدامو و بنص الشام و معو روسية و لا تقلي هات مثال لأني رح قلك روح على اي فرع لحزب البعث و شوف بعينك يعني هلأ عم تناقشو بموضيع مفروغ منها و مو هي المطلوب اصلاحه هي بتجي تحصيل حاصل |
||||||
|
|
|
18/10/2005
|
#27 | ||||||
|
مشرف متقاعد
|
اول شي سيزار مابدي ينقلب نقاشنا ل خناقة ...
بس انته عم تقارن دولةقطر(اللي تلات رباعا يهود) مع سوريا .... اي وطبعا ما رح تلاقي قطع عسكرية هونيك بداخل المدينة ..لأنو كلها على بعضها ما بتسوا (ضرطة بسوق النحاسين ) من كتر مانها صغيرة ...وبعدين هيي بحالة حرب مع اسرائيل شي ؟؟؟ اكيد لأ ...لأنو كيف الواحد بدو يقاتل حالو .. اما سوريا ..فهيي محاصرة من كل الجهات (شرامي* لبنان من جهة و مناي* اسرائيل من جهة و اميركا حيشا السامعين من جهة ) ومابدك يكون في قطع عسكرية جوا المدينة ؟؟ يعني لما بتصير شي حرب لا سمح الله ...العساكر السوريين بيقولوا للأميركان stop لا تضربوا المدينة لسا ما وصلنا هلق نحن عالطريق وبدنا شي نص ساعة لنوصل ...بس نوصل بتقدروا تضربوا صواريخكن .. هيك بدك يعني ؟؟؟
زياد رحباني بقلبنا كلنا... كانت حفلة العمر
---------------------- يا أخي انا عالسياسة ما بقرب ... الموسيقى احلى الشي ... روااااق .. ---------------------- منحبك يا دكتور بشار .. ---------------------- jesus I trust in you.. --------------------- akhawia where the fine syrian people used to meet اخر ايامك .. |
||||||
|
|
|
18/10/2005
|
#30 | ||||||
|
مختار
|
 هلأ عندك تلت احتمالين مافي غيرو انو الزلمة راحت علي فرضا فرضا فرضا راح الزلمة و انضرب على قلبو و اشتكى يعني ممكن يفتحولو محضر ليش لأ بس هات يصير شي و بعدين العسكري مو بكيفو اجا سرق هل سرقات مأمور من يلي أعلى منو سماع هل قصة : أثناء احداث حماة و يلي صار فيها كتير مجازر و انتهاكات (مو هاد المهم) المهم انو في ضابط كان عم يأمر العساكر انو يشلحو النسوان الذهب يلي لابسينو آم في عسكري عم يشلح الحروة سوارة و ما عم تنشلح من أيدها آم الضابط و ببساطة بقلو قطاع ايدها و وقت العسكري ما قبل الضابط حبسو و خلى عسكري تاني ينفذ المطلوب هي مثال آخر على لا مبالاة أغلبية الضباط مشان هيك الحقوق مهضومة |
||||||
|
|
|
19/10/2005
|
#33 | |||||
|
شبه عضو
-- أخ لهلوب --
|
اقتباس:
شكرا على المشاركات خذوا حريتكم بس مشان الله ما ينتحر أحد  بعدين يؤلوا:انتحر بسبب كرامته لأن ابداع حاول يورط الزلمة يشتكي وبعدين صاحب الخضار اعترض بشدة شو قال: ابني كلهن حرامية ولصوص نهار بدك تخرب بيتي؟ ههههههههههههههههههه بيتي اصلو خربان خربان.. بلا امة عربية واحدة عنا حفنة صغيرة متحكمة في رقاب الشعب الغلبان  |
|||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 22:13 (بحسب عمك غرينتش الكبير +3)