الانطباع الاول من زيارتي لبلدي.

[المحارب العتيق]

كاتب النص الأصلي : yass

أعرف انو ما قصدك علي (لأنو أعرف بشكل جيد شو أكتب و شو أقصد)...

المشكلة بذكر أي ظاهرة انو رأسا تعمل اسقاط وحيد و هو:




بشكل تعرّي أي كلام من معانيه.. و تخلي أي فكرة خالية المعاني كون عم تقرر انو اللي عم يحكي أو ينتقد هاد مشكلتو مع الاسلام... و هاد عدو الاسلام...

على كل أنا حكيت قبلا رأيي بالظاهرة.. و ما بعتقد كتير ينفع هلأ نقعد نناقش هالنقطة كتير... لأنو ما بعتقد فينا نوصل لشي

لك ياسين شبك . أقرا الردود شوي وتمعن بالكلام ,. أنا ماقلت مشكلتو مع الاسلام . أنا قلت انو ملاقي الاسلام هو المشكلة .
رجاع أقرا الردود وشوف كيف بلش فرز الناس شي أخوان وشي سلفيين وشي قاعدة . أنا يلي كتبت هاد الكلام ؟
ماحدا عم يحكي مثلا عن المشكلة التطرف للمعتقد مهما كان . يلي عم ينذكر بسهولة المتدينين المسلمين وبس . مع أنو كل متديني الديانات الأخرى بيطلقو اللحى وبيلبسو أزيائهم الدينية
أنت يلي بردك وأسقاطك عم تجرد الكلام من معانية . لما بتسخف ردي بأني عم أقول فلان عدو الاسلام . مع اني ماقلت هاد الشي

[المحارب العتيق]

كاتب النص الأصلي : sandra

ما فينا ننكر تزايد وجود هالظاهرتين بمجتمعنا

أي غائب عن البلد . بيلاحظ امور تغيرت بغيابو حسب أهتمامو أو مايحدث معو . وبسهولة أنتي كبنت حتلاحظي أزدياد التلطيش . الشي يلي ممكن مايحس فيه شب . ممكن تكون نسبة التلطيش ذاتها بس بسبب غيابك لفترة طويلة بدولة مافيها أي شي من هاد . حتحسي أنو في ازدياد

هلأ أنا شخص لما بسافر وبرجع بحس مثلا أنو في أزدياد كبير بالتخلف المدني ( كل مايمت للحياة المدنية بصلة )

وفي غيري بيرجع بيقول أنو في غلاء . وتالت بيقول أنو كتران الجهل والأمية . ورابع بقول أنو في
أزدياد بالدعارة وهكذا

[oliver68]

كاتب النص الأصلي : المحارب العتيق

حبيب قصة اطلاق اللحية انا لما ذكرتها . استشهدت فيها من كلام صاحب الموضوع . بس يظهر انك قريت الموضوع الرئيسي والرد الأخير بس . صرتلي بعصور ظلام من طريقة التحريم. وبنفس الوقت عم تقول أنو المسلم قبل غيرو عم يعمل المحرم . كيف هالتناقض مابعرف

أنا مستغرب إنك ما عمبتلاحظ هالتناقد الموجود!!! بعدين جماعة الدين المبدئ تبعهن إذا لم تكن معنا فأنت علينا، وإذا ما كنت موافق رأيي فإنتي منافق أو إسلامك مو كامل، شو بحياتك ما سمعت شيخ يا زلمي؟؟؟
بعدين أنا فعلا قرات الموضوع الرئيسي، لأن ما بدي فوت بجدالات تبعدنا عن الموضوع الرئيسي وناخد من وراها مخالفة. نحنا قوم بيتحكم رجال الدين بحياتنا وحريتنا الشخصية بحجة الدين، يعني متل حكم الكنيسة بالقرون الوسطى، ومو مشان شي، بس لأن معروف إنو الدين هوي الشي يللي برخصللك تتحكم بحياة شعب بدون أي مقاومة، وعلى فكرة هادا مو عيب بالدين، هادا عيب بيللي بينتمي لهالدين.

[Abu ToNi]

زبدة الحديث

نحنا قوم بيتحكم رجال الدين بحياتنا وحريتنا الشخصية بحجة الدين، يعني متل حكم الكنيسة بالقرون الوسطى، ومو مشان شي، بس لأن معروف إنو الدين هوي الشي يللي برخصللك تتحكم بحياة شعب بدون أي مقاومة، وعلى فكرة هادا مو عيب بالدين، هادا عيب بيللي بينتمي لهالدين.

وبعتقد الهدف من الموضوع يطرح هاي المشكلة ...
متل ما قلنا ومتل ما دائما منقول ... الحل بفصل الدين عن الدولة من جهة وفصل المعتقدات عن الممارسات من جهة تانية واعطاء الدين مكانته اللي بيستحقا بحيث انه يعتبر نوع من انواع العلاقة الشخصية بين العابد والمعبود .. بين المؤمن والقوة العليا اللي بآمن فيها دون فرض اي ممارسات او اي تشاريع من اي نوع آخر ....

العلمانية حلمنا ...

[ست الكل]

العنزة السارحة غير مبارحة ...هي هيي عوارض شي وخيم نحنا نطرينو ...

[مسطول على طول]

كاتب النص الأصلي : yass

يا ريت بالله تحكيلنا عنها حضرتك

تعا أنا بحكيلك وبراعيك (باختصار)

بزمناتو خيو كان في حركة شعبية اسمها (رجال الدعوة) هدول الي بيدعو الناس لدينهم لمذهبهم ومن هل القصص هي الحركة ماكانت سياسية ولا عندها شي اسمو برنامج حزب اوشي من هاد بتقدر تقول حركة دينية اجتماعية هي نمعنعت بـــ1983 او بعد بسنة مابقا اذكور , المهم السبب مجهول بس بيقولو السبب غير مرخصة وبيقولو كمان أنو ماعاد بدون متل هيك قصص ,


بس يقال وعلى زمت الراوي أنو الاخوة الايرانين مساوين جماعة وعم يشتغلو على راسك ياتاجر

وبنفس الوقت كل شغلون علاك مصدي مالح يستفيدو شي يلي صار بالعراق قسمهم اكتر ماهنن مقسمين والكراهية هيي الي عم تزيد مو شي تاني , كرهو بعضون كرهو بعضون .. عرفت مو

وتاني شي مو كانو حوارك انتة ودورا صار جانبي

ع فكرة تزاولت من هل الجدال العقيم بيناتكم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وانتي روقيي حالك ياس قلبو طيب وانتي لكبيرة هاد اذا مو ختيارة المنتدى

صحي كيفون لولاد ؟

[باشق مجروح]

ردي لكل من يهمه الأمر :
انا مو غريب عن الجو والوضع بالبلد ومالي غبي لقارن وضع بلدي بوضع بلد اوروبي منفتح .. لما عم قول انو الوضع متغير بالبلد فأنا بعني ظواهر جديدة ولباس جديد وعدد اشخاص محيطين متغيرين باتجاه محدد.
الظواهر كلها وصلتني لنتيحة انو في مد سلفي بالبلد .. وانتشار كبير للأفكار المتشددة بين اوساط حتى الشيوخ المعتدلين ..
انا مبارحة كنت صافن بكم حالة وصلت انو نحنا وصلنا لمرحلة مو بس بالبلد بل بكل المنطقة وهي صراع بين تيارين متشددين احدهما متشدد للعلمانية والتاني متشدد للتدين وفي صراع بيناتهون وهالصراع عم يلغي او يضعف بشكل او بآخر الصوت الوسطي او المعتدل.
انا هون ما بكون جزء من اي تيار على الاطلاق ولكن بشوف انو بخاف توصل التيارات الاسلامية لحد تشكل خطر حقيقي على حياتنا وحريتنا بادارة تفاصيل حياتنا .. لانو بلش شي اسمو قيود مجتمع متزايدة .
المد الديني بالبلد لا يمكن اخفاؤه فوضوحه فاق الحد .....
وشكرا.

[oliver68]

كاتب النص الأصلي : باشق مجروح

ردي لكل من يهمه الأمر :
انا مو غريب عن الجو والوضع بالبلد ومالي غبي لقارن وضع بلدي بوضع بلد اوروبي منفتح .. لما عم قول انو الوضع متغير بالبلد فأنا بعني ظواهر جديدة ولباس جديد وعدد اشخاص محيطين متغيرين باتجاه محدد.
الظواهر كلها وصلتني لنتيحة انو في مد سلفي بالبلد .. وانتشار كبير للأفكار المتشددة بين اوساط حتى الشيوخ المعتدلين ..
انا مبارحة كنت صافن بكم حالة وصلت انو نحنا وصلنا لمرحلة مو بس بالبلد بل بكل المنطقة وهي صراع بين تيارين متشددين احدهما متشدد للعلمانية والتاني متشدد للتدين وفي صراع بيناتهون وهالصراع عم يلغي او يضعف بشكل او بآخر الصوت الوسطي او المعتدل.
انا هون ما بكون جزء من اي تيار على الاطلاق ولكن بشوف انو بخاف توصل التيارات الاسلامية لحد تشكل خطر حقيقي على حياتنا وحريتنا بادارة تفاصيل حياتنا .. لانو بلش شي اسمو قيود مجتمع متزايدة .
المد الديني بالبلد لا يمكن اخفاؤه فوضوحه فاق الحد .....
وشكرا.

كلامك مزبوط مية بالمية، وانا قلت قبل هيك، إنو سلفي يعني خليجي، والخليجي معو مصاري، والإعلام تبعو قوي جدا، إنتي سماع هي أشرطة الكاسيت تبع عذاب القبر وأهوال يوم القيامة، عمقللك فلم رعب مو درس ديني، وكل القائمين عليها سلفيين، يعني خليجيين، وزاد الطين بلة إنو شعائرنا المقدسة عندهن، فصاروا هنن "سفراء الإسلام" للمسلمين وغير المسلمين، ما شفت الملك عبد الله ملك السعودية شلون قابل بابا الفاتيكان، وكأن مكانة الملك بالنسبة للمسلمين متل مكانة بابا الفاتيكان للمسيحيين،فبمصاريهن صاروا يرهبوا العالم مشان يصيروا متلهن، فبسياسة الترهيب العالم بطبيعتها بتخاف وبتروح عالطريق السليم، لا بدي نام بين القبور ولا شوف منامات وحشة، صار التحريم هوي سيايتنا وشعارنا، وشي طبيعي هيك توجه متطرف يتولد ضدو تطرف معاكس، وهي برأيي أسباب التغيير يللي لاحظتها بالبلد.

[sandra]

كاتب النص الأصلي : المحارب العتيق

أي غائب عن البلد . بيلاحظ امور تغيرت بغيابو حسب أهتمامو أو مايحدث معو . وبسهولة أنتي كبنت حتلاحظي أزدياد التلطيش . الشي يلي ممكن مايحس فيه شب . ممكن تكون نسبة التلطيش ذاتها بس بسبب غيابك لفترة طويلة بدولة مافيها أي شي من هاد . حتحسي أنو في ازدياد

هلأ أنا شخص لما بسافر وبرجع بحس مثلا أنو في أزدياد كبير بالتخلف المدني ( كل مايمت للحياة المدنية بصلة )

وفي غيري بيرجع بيقول أنو في غلاء . وتالت بيقول أنو كتران الجهل والأمية . ورابع بقول أنو في
أزدياد بالدعارة وهكذا

يا صديقي ... بالنهاية أنا بنت البلد وبعرفا منيح وكل ما بكون رح انزل بحضر حالي للأشيا السيئة ومع هالشي بتفاجأ
بالنسبة لموضوع التلطيش فيك تقرا رد حسن وهو شب ولاحظ هالشي وهو جاي من قطر ... يعني مو من أميركا ولا أوروبا لنقول عندهم ما في تلطيش وإجا لهون وشاف هالظاهرة
وحتى لو ما كانت زادت الظاهرة ...فبعتقد لازم الشعب يصير حضاري أكتر ويبطل هالحركات

وهي صراع بين تيارين متشددين احدهما متشدد للعلمانية والتاني متشدد للتدين وفي صراع بيناتهون وهالصراع عم يلغي او يضعف بشكل او بآخر الصوت الوسطي او المعتدل

إي ما عاد في عنا اعتدال

بخاف توصل التيارات الاسلامية لحد تشكل خطر حقيقي على حياتنا وحريتنا بادارة تفاصيل حياتنا .. لانو بلش شي اسمو قيود مجتمع متزايدة .
المد الديني بالبلد لا يمكن اخفاؤه فوضوحه فاق الحد .....

الإيمان مش عيب ولا التدين بس بشرط ما يأثر على علاقات الأفراد مع بعضها ولا يقيد حرية الفكر والإبداع بطريقة قاسية ومفروضة فرض
المشكلة أنو التدين عم يقيد كتير تصرفات الأفراد بعمري ما كنت اسمع عن حدا إذا ابنو حابب يتعلم موسيقى بدو يروح يستفتي أو البنت المحجبة ما بيصير تشيل حجابها أمام البنت من غير دين وبعمروا ما كان يصير نوع من فرض الرأي الديني بالقعدة على بقية الناس حتى لو من غير دين.

[المحارب العتيق]

كاتب النص الأصلي : sandra

بالنسبة لموضوع التلطيش فيك تقرا رد حسن وهو شب ولاحظ هالشي وهو جاي من قطر ... يعني مو من أميركا ولا أوروبا لنقول عندهم ما في تلطيش وإجا لهون وشاف هالظاهرة
وحتى لو ما كانت زادت الظاهرة ...فبعتقد لازم الشعب يصير حضاري أكتر ويبطل هالحركات

بالنسبة لموضوع التلطيش بعتقد حتى الخليج أفضل منا . ويمكن ماحدا بيسبقنا بالعالم غير مصر
أما أنو الشعب يصير حضاري . أكيد رح قلون

[habiba2008]

3am tabe3 eroudoud men fatra ou bsrarha cheyfe enou fi chabab fehmou sah elkhatar yali 3am ihaded el islam wel arabe bchakl 3am elmed el ghalat ladine el islami rah idamer enas ou ikhali sorethon abcha3 ama echou3oub etanya men dyanat oujhra
lazem tfarkou bin islam ou tatarouf ou lel asaf ma 3ad fi din halyene wa enama tatarouf estaghal el awda3 el iktisadya wel ijtima3ya elmouzrya lachou3oub elmantika la itewasa3 ou yentacher bichakl asra3 ou nerja3 la nafs el elmasdar kelou men tajhtit eladka israel ou amrika
tab3an bimousa3adet aghba kadet el arab
tahyati

[Sun Shine Art]

للاسف شي بحزن وبيزعج .....
لان نحن شعوب لن نتفق ابدا ولن نرسى ع برا ابدا ........

بزمانته كنا نشوف بالعيله الوحده اختلافات بالمذاهب والانتمائات السياسيه والدينيه وعيلتي احد العيل ...كان بالحاره عنا جنب بيتنا مسيحيه وجنب المسيحيه علويين وع الطرف التاني سنه وبالطرف التاني كمان ديانه اخر.....
وكانت سوريا بمرحله من المراحل متل العيله التي تجمع كل الطوائف والمذاهب والانتمائات بس لما نوصل لشي معين ان كان بالدوله او الافراد او المجتمع كان الدين اخر شي بينحسب له حساب او يحكم ع الشخص ن خلاله
اما الان بعتبر السبب نحن قبل ايا حدا ....
تاني شي بلوم السعوديه ...وايران ....وحزب الله مع محبتي واحترامي لحسن نصر الله ......

بس للاسف التعصب الديني الموجود حاليا له اسباب عده ومنها ما ذكرت ..........
بس للاسف ع وطن ؟؟؟؟؟؟؟؟؟؟؟؟؟؟؟؟؟؟؟؟