|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
15/10/2006
|
#1 | ||||||
|
عضو
-- أخ لهلوب --
 |
موضوع كتير مهم أرجوكم أرجوكم المشاركة!!!!
موقع أخوية
المسؤولون والمشرفون وحتى المؤسسون لهذا الموقع الرائع تحياتي لكم . بصراحة راح أكتب بالعامية مو منشاني بس ، و منشان الكل وبعرف إنو يمكن هالنص مو محلو هون بس بتمنى تخلو اليوم بالصدفة كنت عم بتصفح موقعنا أخوية وعم بدخل للأقسام ياللي لسه ما دخلتها وبالصدفة دخلت على قسم إسمو الفساد ويا سلا م شو قسم !!!!! الشباب عم يحكوا شروي غروي وعم بيسبوا الكبير والصغير ويمكن عم يسبوا بعض بصراحة ما قدرت كمل قراءة وصراحة أنا كتير تفاجأت وانصدمت المهم أكيد إنتوا عم تتساءلوا شو بدي ؟؟!! ياللي بدي ياه أو بالأحرى ياللي بتمناه إنو ينحذف هيك قسم وكل قسم مشابه بغض النظر عن إنو أنا مع النظام ولا ضد ، أو إنو في فساد ولا ما في ، وبغض النظر عن أي شي . وطبعاً إنتوا ممكن ما تاخدوا على حكيي من شان هيك بتمنى الموضوع يتثبت وينعرض للتصويت وتشوفوا حضرتكم نتيجة التصويت وتقرروا بعدها و صدقوني ما عم بحكي من فوق الأسطيح وما عم بحكي غير لأني غيران على هالموقع وياللي بعتبرو موقعي لإني عضو فيه ما أكتر وشكرا إلكن لإنكم تحملتوا كل هالعي . nanno
خلقني الله وأبدع تكويني
وبث روح التحدي في شراييني وهناك فخر يشرفني فخور بأني فلسطيني |
||||||
|
15/10/2006
|
#3 | ||||||
|
القــــــــــــــــــائم
|
اذا بتروحي على http://www.akhawia.net/forumdisplay.php?f=15
بتلاقي شرح قسم الفساد التالي "بيوم من الأيام رح نمحي هال القسم ونمحي كل مواضيعو ونمسح هال الكلمة من عقولنا .. بدنا ها الكلمة تطلع من قواميسنا .. ومن هلق لهداك اليوم رح نفتح ملفات الفساد هون، ورح نشوف شو فينا نعمل نحو مسح واعدام هال المصطلح والفعل البغيض من مجتمعنا .." احنا منتمنى نحزف القسم ، و من يوم انشأنا القسم قلنا انو بيوم من الأيم رح نمحي هال القسم و نمحي مواضيعو ونمحي الكلمة من عقولنا .. بس اسا ما اجا هداك اليوم .. !
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !
|
||||||
|
15/10/2006
|
#4 | ||||||
|
مختار
|
عيش يا غزال لينبت الحشيش
"أوقفوا حجب أخوية في سوريا"
------------------- يا نبع المحبه.... عينك عَ وطنا ------------------- فلتحيا سوريا للأبد واكسيرها للخلود سيكون دماء محبيها .. ------------------- ساعدنا في الاشراف... استخدم زر المشاركة العاطلة |
||||||
|
16/10/2006
|
#5 | |||||||
|
عضو
-- أخ لهلوب --
|
اقتباس:
 وتانيا أنا ما قلت انو ما عنا فساد وما قلت ما نحكي عن الفساد بس الطريقة ياللي عم ينعرض فيها الموضوع شوي بشعة وأنا عم بحكي من غيرتي على أخوية شو راح يكون رد فعل أي زائر لما يفوت ويقرأ الكلام الحلو والرش ياللي عم يحكو الشباب عنا  و على كل حال شكرا على مشاركتك واعطاءك رأيك  |
|||||||
|
16/10/2006
|
#6 | |||||||||
|
القــــــــــــــــــائم
|
اقتباس:
هيك معناها اقتراح حزف القسم صار ما بقا مطروح .. اقتباس:
المواضيع بيطرحها الأعضاء، و طريقة طرحهم للمواضيع هيي طريقة الأعضاء ، (اقصد بهذا مالنا علاقة بطريقة الطرح .. مش احنا الي عم نطرح المواضيع هونيك ..9 هلق منجي مجددا للطريقة، انا ما فهمت شو قصدك عن الطريقة، يعني كيف الطريقة بشعة (متل اي موضوع او مواضيع مثلا؟) لو بتحددلنا بدقة منشان نقدر نكون على نفس الموجة .. (طبعا ضمنيا انا ما عم بنتقد الطريقة الي عم ينطرح فيها ، لان الفساد كيف ما انطرح بيفضل بزاته ابشع من الطريقة الي عم ينطرح فيها ، عرفت كيف، هوي بحد ذاتو شيئ مقيت وبغيض وبشع جدا ، ومهما كانت الطريقة شيت الطرح بشعة ، مش رح تكون شيئ امام بشاعة الفساد بنفسه ، بس عم بحكي عن الطريقة كرمال قول انو ممكن ببعض الأحيان يكون في تبلّي، يعني اتهامات جزافية بدون دلائل او قرائن، هاي طريقة بالطرح مش مقبولة عامة بأخوية سواء بالفساد او بأي قسم آخر) اقتباس:
شو رح يحكو عنا ؟؟؟؟ رح يحكو انو احنا شعب صادق مع نفسو ! رح يحكو انو احنا الشعب مغلوب على امرو ، ورغم ذلك عم يعمل الي بطاتو ، على الأقل بفضح ملفات الفساد !! رح يحكو انو احنا ناس عم نفكر _ونجّرب_ نتطور ، عم نفكر نعالج المشاكل بجد ، بالمواجهة مش بطمر الرأس بالرمال كالنعام!! .. |
|||||||||
|
16/10/2006
|
#7 | ||||||
|
عضو
-- أخ لهلوب --
|
يا عيني حكيك كلو منطقي
بس شو عرفك إنو ياللي عم ينطرح مش تبلي ان كان مدح أو حتى ذم على أي أساس ؟؟؟!!! أنا ببساطة ممكن أقول والله مبارح قرأت إنو فلان عمل صفقة حشيش مع فلان وأبنيلك قصور وأعمرلك بنايات وبعدين ما هيك منكون صادقين مع نفسنا لما واحد بينتقل من نقد الموضوع لنقد ياللي كاتبو وشوي تاني بسبوا بعضهن والله أعلم كم مشاركة صار محزوف لأنها ما بتتناسب و القراء حكيك على عيني وراسي و ياريت منلاقي طريقة لنساعد شعبنا وحالنا بس حلو الانسان يدور على أكثر الطرق حضارية وشكرا لأنك عم تستحمل تعليقي وعم تعطيني رأيك شكرا مرة تانية |
||||||
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 11:31 (بحسب عمك غرينتش الكبير +3)