استبيان : لو كان قتل شخص واحد ما بيعتبر جريمة

[*Marwa*]

كاتب النص الأصلي : ooopss

يمكن انسانيتنا تمنعنا لو حتى كل القوانين بتسمحلنا
بس أحيانا في أشخاص حتى الانسانية ما بتشفعلهن
متل مجرمي الحرب المغتصبين ...الخ
مزبوط؟

يمكن هالناس هدول بلحظة معينة..أي نعم أتمكن من قتلهن..وخاصة ازا كانت لحظة من لحظات الحرب وشفت اعمالهن الشنيعة ..

[ooopss]

كاتب النص الأصلي : التقرير الجوال

انت هون قصدك القتل المبرّر؟

لا قصدي اذا كان مافي قانون أو دين ممكن يحاسبك عجريمة
انت منك لحالك اذا عرفت انو مافي عقاب عم يستناك ممكن ترتكب جريمة؟

[fernanda bachchan kfoury]

لو كان مابيعتبر جريمة مش كنت قتلت حدا
كنت قتلت كتاااااااااااااااااااااار

[black_iris]

كاتب النص الأصلي : hanny dagher

انو عم نتفق انا وياكي شوي شوي

مو نفس التخصص عمي .. ما بنختلف

كاتب النص الأصلي : ooopss

هلأ مزبوط أنا شخصيا ما بحسن اقتل
يمكن انسانيتنا تمنعنا لو حتى كل القوانين بتسمحلنا
بس أحيانا في أشخاص حتى الانسانية ما بتشفعلهن
متل مجرمي الحرب المغتصبين ...الخ
مزبوط؟

وكمان بهي الحاله صعب انو انا اقتل .. يمكن اني فكر انهم بيستاهلو هالمصير .. بس ما رح كون المنفذ
بتضل مسالة انهاء حياة انسان مسألة صعبه كتير

[ِAbu Alzooz]

يعني شي هلق مبدائيا شي 45

واحد

و لسا لفكر

في كمان

[التقرير الجوال]

اي هيك فينا نحكي شوي عن الجريمة و عقوبة القتل .. هلأ بالمجتمعات الغربية في شي او في معارضين كتير للـ Death penality كمان المحاكم ما بيتبعوها كتير .. فبتلاقي واحد قتل شي 4 و حكمو رح يكون مدى الحياة او هيك شي .. و في كتير بهالمجتمعات يللي بيايدو بشده عدم احلال ازهاق الأرواح مهما كانت الظروف .. و أنا بعرف ناس كتير ضد حكم الإعدام أو حتى القتل المبرر .
أما عن القتل إذا ما كان في عقاب فجد ممكن الواحد بيلجأ إلو و ممكن بأسهل ما بيتصور القاتل, يعني اذا صار في تداعيات لموضوع ما و الانسان نحط بموقف لا يُحسد علية فاحتمال كبير بيحصل القتل مع عدم وجود الرادع .
بس العبرة بتجي بعد القتل .. تداعيات القتل يللي رح بتحصل لنفسية القاتل إذا كان في عند ضمير حي .. أما إذا كان انسان مجرد من العواطف و المشاعر, فرح يعملها أكتر من مرّه .. أنا مرّة قرأت مقال عن التداعيات يللي بتحصل للقاتل بعد ارتكابه للجريمة .. لقو كتير من العسكر يللي شاركو بمعارك و قتلو بايديهن, لقو في كتير تغيرات بشخصيتهن و سلوكياتهن بعد الحرب " هاد مقياس اذا صح التعبير عن التداعيات يللي بتصير مع القاتل بشكل عام " .. و هون بدنا نحكي عن شخصيتين احداها مريضة يللي بتخطط للقتل و التانية بيصير معها القتل كنتيجة غير مرغوبة او لم يتم التخطيط لها .. نحكي عن الشخصية السوية, ما بظن أي انسان رح يساويها و الموضوع إلو تشعيبات .. بحيث اذا مثلاً انسان انظلم بحياتو و خسر كتير و صارت حياتو من دون معنى .. و بالجانب التاني من الطريق موجود مين دمّرلو حياتو او سلبو أعز ما يملك .. يعني مثلاً قتل ابنو او شخص حبيب ..
هون هالانسان السوي اذا سنحت الفرصة إلو بقتل غريمو باعتبار رفع العقوبة او الحساب .. شو رح يكون تصرفو؟
في ناس بتقتل و هاد امر بيرجع لشخصيتها و بنائها السيكولوجي و في ناس بتعف ..
من فترة كنت اتفرج على شخصية بيسموها Serial killer يعني انسان قتال قتلى .. قتل من عيلة شي 3 هيك بتذكر .. طبعا مش بس هيك عندو رصيد اجرامي حافل .. الحاصل حكمو بالاعدام .. بس العيلة يللي خسرت 3 أشخاص و كانو أبناء راحو حضرو مراسم دفنو وصرّحو بأنهن سامحو عن فعلو .
إذاً القتل و الاستعداد للقتل هوي استعداد سيكولوجي موجود عند البعض و غير موجود عند البعض, بحيث ممكن يساوي و إلا لأ من دون الدخول بأي رادع ديني او أخلاقي ..
موضوعك قيّم .. و كان المفروض عاطيتي أكتر من وقتك لاستكماله
شكراً

[Reemi]

انا ما فيني اقتل حد ما فيني اقتل صرصور حتى ..اذا ماشي بالشارع ودعست ع نمله وانتبهت اني دست عليها بكتآب فكيف انسان

[ooopss]

كاتب النص الأصلي : التقرير الجوال

إذاً القتل و الاستعداد للقتل هوي استعداد سيكولوجي موجود عند البعض و غير موجود عند البعض, بحيث ممكن يساوي و إلا لأ من دون الدخول بأي رادع ديني او أخلاقي ..
موضوعك قيّم .. و كان المفروض عاطيتي أكتر من وقتك لاستكماله
شكراً

شكرا عمعلوماتك
ممكن توضحلي رأيك أكتر أنو الرادع الديني أو الأخلاقي أو العقاب ما الو علاقة ؟

هي رجعنا للموضوع لأن حسيتو ما أخد حقو

[ِAbu Alzooz]

كاتب النص الأصلي : Reemi

انا ما فيني اقتل حد ما فيني اقتل صرصور حتى ..اذا ماشي بالشارع ودعست ع نمله وانتبهت اني دست عليها بكتآب فكيف انسان

اها

اي حمل المسدس

هاادا خوف

[achelious]

كاتب النص الأصلي : ooopss

لو كان قتل شخص واحد ما بيعتبر جريمة كنت بتقتل حدا ؟
اي او لا
عطونا أراءكن

إذا قصدك قانونيا بس!
ما بظن, العنف المادي مانو أسلوبي المفضل
بحب الإكراه.. في حال التعارض..

بس في حالة بيكون فيها للقتل عذر محل قانونا.. الدفاع عن النفس
انشالله ما حدا يضطرني.. دافع عن وجودي
يسلمو

[التقرير الجوال]

طيّب يا ستّي تكرمي ..
فيما يتعلّق بالرادع الديني او الأخلاقي او الإجتماعي و هاد كلّه واحد لأنو الدين درس لتعليم مكارم الأخلاق و ابقاء المجتمع ضمن سويّة لائقة .. خلينا هلأ نحكي بشكل أدق عن النزعة الاجرامية يللي موجوده بداخل البشر أو عند البعض .. ليش؟ و شو السبب ..
يقال بانو المجرم او القاتل غير سوي او مُختل عقلياً منشان هيك ارتكب جريمتو لأنها من أو أنكر الأشياء عالارض هي القتل .. منشان هيك عملو أبحاث كتير على دماغ الانسان و هون رح انقللك نتيجة من هالأبحاث .
شافو العلماء بانو القصور بالفص الجبهي للدماغ او منطقة ماقبل الفص الجبهي بيكون في بينها رابط مع السلوك العدواني و النزعه للجريمه أو متل مو كاتبين " الميول لارتكاب الجريمه " ..
و عند دراستهن لحجم المنطقة ما قبل الفص الجبهي بالدماغ و الميول البشرية للجريمه للربط مع النزعه العدوانية او السلوك يللي بيقود للجريمه .. تبيّن معهن بانو الرجال الأكثر عُرضة للغضب و العنف لديهم عيوب كثيره في المنطقة ماقبل الفص الجبهي يعني الـ Pre-Frontal lobe طبعاً الدراسة مش حتمية إنما دراسة استقصاء يعني مش فرضية نتائج الدراسة بحيث الناس مش بالضروره بيكون عندها هالخلل و بيكون في عندها سلوكية عدوانية او ميول للجريمة .
إذاً في شي خلل عضوي يقود الجسم لخلل وجداني
فيكي تطلعي على الرابط يللي أخدت منّو الدراسة و إذا محتاجة لأي توضيح أهلا و سهلا .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[بلاك 1]

تعو نجرب ننعمل يوم بالسنة للقتل وفيه الكل بيقتل اي حدا بس اوعا حدا يقرب علي

[حلم نور]

لو القتل مش حرام شرعا ودينا كان ممكن اكتر من شخص قتلتة وانت اولهم هههههه


اما لو مش هتكون جريمة قانونا وهتحاسب عنها فى الاخرة

اكيد لا والف لالالالالالالالالالالالا


الا لو كان دفاع عن النفس او العرض

[Sarita]

اي وليش لاء
يا ستي
مو بقتل واحد... بعمل ابادة جماعيي وعيوني مغمضة

[Sarita]

وازا بدك بذبح كمان
هاد من شان مصالحي هه
اما ازا كان منشان هيك بس زعجني فبكتفي بس بالتعزيب او التشويه
<<<وربي عم احكي جد
وشكرا

[sona78]

اي مغتصب لللاطفال مستعدة باني مو بس اقتلو لا وكمان خطو بأديي ع الخازوق..كيف بدي اتعامل مع واحد من منطلق انساني او قانوني او ديني وهو ما الو علاقة بكل هالشغلات ...

[طفوله]

لــو كان قــتل شخص ماديا بيعتبر فقط اجرام


فــ قتل شخص معنويـا بيــعتبر وحشية الاجرام



هنا السؤال ..

[بلاك 1]

انو كأنو انتي من الأصل حابة تقتلي حدا وبدك تعرفي كم واحد حيأيدك احكي احكي لاتخافي بنساعدك اذا بدك