هل لي أن اعلم؟

[تغيير4]

بداية اتمنى أنا لا يتم منعي من الرد بالبريد..فحرماني حق الدفاع عن نفسي امر غير مقبول ابدا..

ممكن تحكي بطريقة طبيعية وبلا هالخفة الدم مع ناس مافي بينك وبينون هالمحبة الزايدة والمونة؟

ان كنت تنزعجين من مخاطبتك بمودة فهذا امر خاص بك..وانا احترمه..ولن استخدمه معك ان كانت هذه رغبتك..
اما بالنسبة للموانة..فلا اعتقد ان هنالك شيء من هذا القبيل فحسب علمي هكذا نخاطب الناس الغرباء..
ولكن يبدو ان هناك اختلاف بالتقاليد ومعاني المفردات..وهذا لا يعني ان اغير من اسلوبي في الكلام..

لعلمك هاد الاسم كمان بدو يتغير لأنو مخالف لقانون اساسي باخوية عدم التعرض للأديان وكريم المعتقدات واستخدام اسم الله يعتبر تعرض لكل الأديان مو لدين واحد

كيف يعتبر استخدام اسم "الله" تعرضا للاديان؟..
اكثر الاسماء انتشارا في العالم هو "محمد"..ولا ارى في ذلك تعرضا للاسلام..
علي أحمد سعيد إسبر..لقب نفسه بـ "ادونيس"..وهو اله..ولم اجد في ذلك تعرضا للاديان..

بداية حابب نبهك على انو لا تضيّع وقتك بالتسجيل بعضويات تانية طالما ما زلت تستخدم اسم "الله" مهما غيّرت به أو استخدمت أسماء أخرى خاصة بالذات الإلهية.

اعلم ذلك عزيزي..لكني اردت طريقة للتعريف عن نفسي بعد ان منعتموني من الرد في البريد حيث يرد الزوار..
وكما ذكرت سابقا ان حرماني حق الدفاع عن نفسي امر غير مقبول..

منتدانا سقف حرياتو عالي, و لكن نعتقد انو بما يخص العقائد و المشاعر الدينية لازم يكون في حد, و حتى هالحد واصلين فيه إلى درجة عالية جداً, لكن انو عضو يعمل عضوية باسم الرب و يتحدّث بلسانه فهذا فيه دخول إلى الجرح بمشاعر أعضاء كثيرين.

كلامك يفاجئني..فانا لم ادعي يوما اني رب احد..ولم اقل لأحد أنا ربك..ولم ادخل يوما في نقاش ديني أو يمس الديني..ولم اجرح احد..والاسم يبقى مجرد اسم..

ومن الغير المنطقي ان يتم التعامل معي والتحيز ضدي بناء على اسم.. ولا ارى فرقا بين ذلك وبين التحيز ضد لون او عرق..
وعند وصولي لهذا المنتدى رحب بي عدد كبير من الاعضاء ومن بينهم اداريين..ولم يقل لي احد انني اخالف القوانين.. وشاركت ولم اتلقى تنبيها واحدا..

فاتمنى ان يبقى سقف الحرية هنا عاليا..

وشكرا لك..

[Reemi]

ان كنت تنزعجين من مخاطبتك بمودة فهذا امر خاص بك..وانا احترمه..ولن استخدمه معك ان كانت هذه رغبتك..
اما بالنسبة للموانة..فلا اعتقد ان هنالك شيء من هذا القبيل فحسب علمي هكذا نخاطب الناس الغرباء..
ولكن يبدو ان هناك اختلاف بالتقاليد ومعاني المفردات..وهذا لا يعني ان اغير من اسلوبي في الكلام..

نعم أنزعج من استعمال كلمة ابنتي أو أبنائي معي أو مع أشخاص لاتعرفهم من الإداريين

ومشان التقاليد فتقاليدنا مابتخلينا نتقبل هيك طريقة بالمخاطبة وتحديداً برجع بقلك بأي مونة عم تحاكينا بصيغة أبنائي؟ يعني لا جد مقبولة ولا خفة دم مقبولة

كيف يعتبر استخدام اسم "الله" تعرضا للاديان؟..

عن جد عم تسأل ولاصار هون كمان موضوع تسلية بالنسبة إلك؟

اكثر الاسماء انتشارا في العالم هو "محمد"..ولا ارى في ذلك تعرضا للاسلام..

شي مرة سمعت عن واحد اسمو محمد عم يحكي بطريقة محمد النبي؟؟

سؤال تاني شي مرة سمعت واحد اسمو (الله) بأي لغة تحبباً بالله؟؟

اسماء الانبياء هي اسماء بشر وبيجوز التشبه فيون بيس مابتصور اتباع اي دين بيقبلو انو واحد يتشبه بالله

علي أحمد سعيد إسبر..لقب نفسه بـ "ادونيس"..وهو اله..ولم اجد في ذلك تعرضا للاديان..

لقب نفسه بأدونيس بس ما أخد اسم الله ومشي بالقصة..

ولعلمك انت خالفت اكتر من مرة قوانين اخوية وتعرضت للاديان بعدة مشاركات من نوع انكارك لأديان معينة او تسخيفك لما ورد فيها (وانت عرفان بالضبط عن اي مشاركات عم احكي).. ومن خلال استعمال اسم (الله) كنت عم تتعرض لصلب الاديان.. واعتمدت بكل مشاركاتك على طريقة حكي معيتة مع الأعضاء فيها استهزاء دائم على الذات الإلهية

وعند وصولي لهذا المنتدى رحب بي عدد كبير من الاعضاء ومن بينهم اداريين

يعني اذا في اعضاء ناسبون هالوضع هاد هالشي مابيغير من وضع انو الاسم يلي عم تستخدمو بيشكل استخدامو حساسية عند فئة كبيرة من الاعضاء..

ولعلمك هلأ اذا بيفوت حدا بيحط مواضيع دينية في ناس بيناسبون واذا واحد بيفوت بيحط نكت سيئة في ناس بيناسبون واذا بيفوت حدا بيحط صور جنسية في ناس بيناسبون.. بقا مشان هيك في قوانين واعراف بأخوية وبالفعل هالاعراف والقوانين سقفها كتير كتير عالي بس بيبقى الها سقف هو حرية الناس الاخرين واحترامون..

بقا رجاءً حاج نضحك على بعض

نصيحة صغيرة:
اذا حابب تشارك باخوية وهدفك المشاركة والفائدة الك وللاعضاء وتكون ضمن سقف الحرية الموجود باخوية فيك ببساطة تغير اسمك وتستعمل اسم طبيعي مابيهين معتقدات الناس وانا بضمنلك انك تتمتع بكامل الحرية بما يضمن حرية الاخرين طبعاً

[تغيير4]

ارجو منك عدم استخدام عبارات مثل "خفة دم" "الموضوع تسلاية" "حاج نضحك عبعض"..لأن في ذلك تسخيفا لمحاورك..

كاتب النص الأصلي : Reemi

نعم أنزعج من استعمال كلمة ابنتي أو أبنائي معي أو مع أشخاص لاتعرفهم من الإداريين

وقد قلت لك اني لن اخاطبك لهذه الطريقة ما مادمت هذه رغبتك..انتي..أما عدا ذلك فهذا ليس من شأنك ..

كاتب النص الأصلي : Reemi

شي مرة سمعت عن واحد اسمو محمد عم يحكي بطريقة محمد النبي؟؟

سؤال تاني شي مرة سمعت واحد اسمو (الله) بأي لغة تحبباً بالله؟؟

افهم من كلامك انك تعلمين ماهي طريقة كلام النبي محمد وطريقة كلام الله..وعلى هذا الاساس اجريتي المقارنة!
كنت ارجو ان تكون حجتك افضل من ذلك..

كاتب النص الأصلي : Reemi

ولعلمك انت خالفت اكتر من مرة قوانين اخوية وتعرضت للاديان بعدة مشاركات من نوع انكارك لأديان معينة او تسخيفك لما ورد فيها (وانت عرفان بالضبط عن اي مشاركات عم احكي).. ومن خلال استعمال اسم (الله) كنت عم تتعرض لصلب الاديان.. واعتمدت بكل مشاركاتك على طريقة حكي معيتة مع الأعضاء فيها استهزاء دائم على الذات الإلهية

ارجو ان تقرني كلماتك بدليل..
ثم اذا كنت قد قمت بمخالفة قوانين اخوية لماذا لم يتم تنبيهي في حينها؟؟
ولماذا لم يتم الاعتراض على اسمي؟؟ولماذا لم يطلب مني تغييره؟؟

كاتب النص الأصلي : Reemi

يعني اذا في اعضاء ناسبون هالوضع هاد هالشي مابيغير من وضع انو الاسم يلي عم تستخدمو بيشكل استخدامو حساسية عند فئة كبيرة من الاعضاء..

ولعلمك هلأ اذا بيفوت حدا بيحط مواضيع دينية في ناس بيناسبون واذا واحد بيفوت بيحط نكت سيئة في ناس بيناسبون واذا بيفوت حدا بيحط صور جنسية في ناس بيناسبون..

ارجو ان لا تجتزأي الكلام فهنا بيت القصيد:"ولم يقل لي احد انني اخالف القوانين.. وشاركت ولم اتلقى تنبيها واحدا.."

كاتب النص الأصلي : Reemi

نصيحة صغيرة:
اذا حابب تشارك باخوية وهدفك المشاركة والفائدة الك وللاعضاء وتكون ضمن سقف الحرية الموجود باخوية فيك ببساطة تغير اسمك وتستعمل اسم طبيعي مابيهين معتقدات الناس وانا بضمنلك انك تتمتع بكامل الحرية بما يضمن حرية الاخرين طبعاً

شكرا لكي عزيزتي(إذا كنتي تسمحين بهذه نبرة)
ولكنم ببساطة لم تتركوا لي مجالا..منعتموني من المشاركة بأي شكل..
فكيف لي -ان اردت- ان اطلب تغيير اسمي وانا محروم من المشاركة بالبريد أو حتى ارسال رسالة خاصة!؟..

[تغيير4]

قيل:"المتهم بريء حتى تثبت ادانته"..

وما زلت انتظر ادلة على الاتهامات التي وجهت إلي..

1. التحدث بلسان الرب..
2. انكاري لاديان معينة و تسخيفي لبعض ما ورد فيها..
3. التحدث بطريقة فيها استهزاء على الذات الالهية..

وقد لفت انتباهي في موضوع قديم..

كاتب النص الأصلي : Hus

اما عن المقدسات ،
احنا بأخوية منوصي بإحترام المقدسات والرموز عامة ,,, (نوصي بذلك ، فلا نحن نتبنى هذا النمط ولا نحن ندين مخالفتة) ..

هلق منجي على المقدسات ،، (وهون رح بحكي برأيي الشخصي ومن ثم رأيي اخوية ) ،
انا بفضل لو بيتم احترام المقدسات والرموز . ... وشيئ جميل ورائع لو كل الناس بتحترم مقدسات كل الناس ..

بس هون بتظهر مشكلة لا مخرج منها ألا وهي ،
ما هي المقدسات ، شو تعريفها ، وشو القائمة الي ممكن نعملها بتشمل كل المقدسات !!!!!

يعني لو تمكنت البشرية من حصر المقدسات والرموز في قائمة واحدة فأنا اكيد ان السواد الأعظم من البشر او خليني قول انا اكيد ان اكثر من 99% من الليبراليين حتى حيكونو مع احترامها ....

*طبعا هون عم نستند لنقطة انو ما بدنا نهمل حق اي فئة بالمقدسات ، وانّا لن نلزم الأخرين بما لا يلزمنا !

طيب عند المسيحيين في مثلا المسيح ومريم .... عند الإسلام القرآن ومحمد (ص) ..
....حلو
بس عند عبادي الشيطان (وهدول بشر متلنا واذا احنا ما منآمن بمعتقدهم لا يعني سلبهم حق الإعتقاد وحقهم علينا بإحترام مقدساتهم) .. بيآمنو بالشيطان الرجيم!!!!!
وعبادي الأوثان (وكمان هدول بشر متلنا ) بيقدسو شوية حجراة ، وبالهند بيقدسو البقرة !! وبما بعرف وين بيقدس فرج المرأة !! الخ الخ الخ ...........

يعني اذا حصرت مقدسات كل ملل ونحل البشرية ستخلص لقائمة لا نهائية ـ، او بالأحرى ستجد كل شيئ محيط بك هو مقدس! (عند طائفة معينة او زمرة معينة !!)

+ يعني بيصير اذا عملت كركتير على الشيطان بينطو عبادي الشيطان انو يابا ما حقك تنتهك مقدساتنا !
+ واذا رسمتلك شي بقرة بالغلط بينطو شوية هنود بيقلولك يابا شلون بترسم البقرة الطاهرة بهيك صورة بشعة ،
+ واذا واحد سب ام واحد تاني ، بينطلك زمرة اميركان بيقلك هذا الكذا مقدس وما بيصير تستخدمو بالسباب !!!

وقيس على ذلك !!
شقد رح بتصير الحياة صعبة ولا تتطاق لو كل فئة او زمرة طالبت كل فآت الأرض بإحترام مقدساتها وعدم المساس بهم ؟.؟؟؟؟؟؟؟؟؟؟؟ وكم سيعيق هذا تقدم البشرية و كم سيعيق الحراك الثقافي الإنساني بالعقد الإجتماعي (سواء بمجتمع صغير بلدة او بمجتمع كبير يشمل ويضم كل ابناء الأسرة البشرية ؟؟)

نهاية اعزائي اتمنى ان لا تكون افعالكم ناتجة عن آراء ومواقف مسبقة..تحمل الخطأ والصواب..واتمنى اكثر من ذلك أن لا تسيئو الظن بي.. أو بنواياي..

تحية وشكر لكم ..

[تغيير4]

احاسب على اتهامات لا دليل عليها..ثم تؤجل محاكمتي الى اجل غير مسمى..

ايوجد هنا ايضا..
قانون طوارئ؟

[Government]

كاتب النص الأصلي : تغيير4

وقد لفت انتباهي في موضوع قديم..



نهاية اعزائي اتمنى ان لا تكون افعالكم ناتجة عن آراء ومواقف مسبقة..تحمل الخطأ والصواب..واتمنى اكثر من ذلك أن لا تسيئو الظن بي.. أو بنواياي..

..

هلأ انا صراحة بدي قول شوية حكي بخصوص موضوع .. والقصة اللي عملتا قصة اتهامات وماشابه
هلأ اول الشي انتي اقتبست رد للحكيم .. ويمكن اعتبرتو انو هو بوقف بصالحك بغمار هالمعركة الحوارية للدفاع عن نفسك .. انو مشان الرد .. الحكيم زكر انو قصة المقدسات هي صعبة تنحصر شوي وزكر انو في مشكلة رح يتم مواجهتا بخصوص القصة .. مابعرف انو ازا انت فهمت انو هادا الشي يخلي قوانين الاخوية ماتلغي قصة احترام المعتقدات عن كافة الديانات بالعكس هو زكر انو رح نواجه مشكلة بقصة احترام المقدسات لكل الطوائف والملل الموجودة بس هون بالعكس القصد انو شوي نفكر قبل مانكتب اي كلمة بالاخوية بكلشي ممكن يمسو هالشي اللي عمكتبو من ديانات او طوائف او معتقدات هادا اللي استنبطو نوعا ما من حكي الحكيم اللي اقتبستو انت.. وهادا الشي طبعا بديق كتير سقف الحرية اللي زكرولك ياه سايقا بس هون بالعكس .. عمنشوف الاخوية سقف الحرية فيا عالي جدا متل مازكرولك وفي شغلات مابتم التدقيق فيا بدرجة كبيرة وبتم التغاضي عنا مشان مايصير خنقة وحفاظا ع حرية اوسه بالتعبير .. ويضل سقف الحرية اللي بنحكى عنو باخوية دائما عالي متل مو معروف بس طبعا شقد ماعلي هالسقف بدي موجود بالاخير وصعب انو يخترق !! .. وانت باختيارك لا سم الله فانت عبتمس شي مقدس عند تلت طوائف او اكتير .. فهون بيستوجب التوقف عندا .. لانو الحرية هون صارت تتعارض مع مبادئ الاخوية
وبالنهاي انا مابعرف قصدك ع المزبوط من اقتباسك لرد الحكيم وفي حال كان انو لمصلحتك فبتمنى كون وضحتلك الفكرة ..

قيل:"المتهم بريء حتى تثبت ادانته"..

وما زلت انتظر ادلة على الاتهامات التي وجهت إلي..

1. التحدث بلسان الرب..
2. انكاري لاديان معينة و تسخيفي لبعض ما ورد فيها..
3. التحدث بطريقة فيها استهزاء على الذات الالهية..

هلأ مشان الجزء هادا يعني القصة ماصارت اتهامات ودفاع وهالشي
بس مشان النقطة الاولى واستغرابك منا فانو بما انك انت سجلت باسم الله فهادا معناتو انو اي كلمة بتبوح فيا انت هي تحدث بلسان الرب ,, وطبعا لاتجي تقلي هلأ ازا كل واحد اسمو محمد حكة معناتو حكى بلسان النبي محمد .. طبعا هون خلينا نكون واقعيين ولانضحك ع بعضنا لانو محمد شي واسم الله شي تاني .. غير مقبول وامر مو طبيعي حدا يتسمى بهالاسم ..
بقى انو عبتنكر انو انت عبتحكي بلسان الرب !!
ومشان انكارك للاديان وماورد فيها فانا بصراحة ماتبعت ردودك بشكل عام فلزلك مامر علي هيك شي او ماشفت رد لالك بهالخصوص فمشان هيك مافيني احكم

ومشان النقطة التالتة
انو يا اخي الله شي مقدس .. والمقدس جاي من القداسة هلأ مارح اتفطحل عليك لغويا .. بس انو القداسة هي الشي اللي بكون الو نوع من الخصوصية الميزة عن اي شئ اخر .. ولايمكن التعدي عليه
وانو مقدس .. ومابظن انك جاهل عن المعنى الحقيقي او الروحي لهالكلمة .. وانت باستخدام لاسم الزات الالهية فهادا فانت بهالطريقة بتمس قداسة هادا الشي وانت بمجرد مسك واقترابك من خصوصية هادا الشي فهادا يعتبر استهزاء بزاتو .. يا اخي رح قربلك ياها بشكل اوضح هلأ مثلا شخص كان من النوع الزليل وهيك انو مثلا مستواه شوي نازل او منحط نوعا ما .. حب يسمي حالو باسم شي رئيس لدولة ما اسمو كزا ابن كزا الفلاني واستخدم اسمو الكامل .. وطبعا ضل بتعمل بحياتو اليومية بنفس الطريقة المنحطة وباستخدام اسم هالمسؤول الفلاني مثلا .. فالبتالي هادا رح ياثر بشكل كبير ع صاحب الاسم المستخدم في حال حدا من اتباعو او جماعتو تعامل مع هالشخص المنحط المنتحل شخصية المسؤول الفلاني ..
بقى الفصة عندك صاير نفس الشي

[تغيير4]

كنت قد طلبت سابقا أن لا يتم استخدام عبارات مثل "ولانضحك ع بعضنا" لأن في ذلك اهانة لي..ولكن الأمر اصبح اعتياديا فلا يوجد اهانة اكبر من سياسة التجاهل التي استخدمت معي .. وكاني نكرة.. فشكرا..

كاتب النص الأصلي : Government

هلأ اول الشي انتي اقتبست رد للحكيم .. ويمكن اعتبرتو انو هو بوقف بصالحك بغمار هالمعركة الحوارية للدفاع عن نفسك .. انو مشان الرد .. الحكيم زكر انو قصة المقدسات هي صعبة تنحصر شوي وزكر انو في مشكلة رح يتم مواجهتا بخصوص القصة .. مابعرف انو ازا انت فهمت انو هادا الشي يخلي قوانين الاخوية ماتلغي قصة احترام المعتقدات عن كافة الديانات بالعكس هو زكر انو رح نواجه مشكلة بقصة احترام المقدسات لكل الطوائف والملل الموجودة بس هون بالعكس القصد انو شوي نفكر قبل مانكتب اي كلمة بالاخوية بكلشي ممكن يمسو هالشي اللي عمكتبو من ديانات او طوائف او معتقدات هادا اللي استنبطو نوعا ما من حكي الحكيم اللي اقتبستو انت.. وهادا الشي طبعا بديق كتير سقف الحرية اللي زكرولك ياه سايقا بس هون بالعكس .. عمنشوف الاخوية سقف الحرية فيا عالي جدا متل مازكرولك وفي شغلات مابتم التدقيق فيا بدرجة كبيرة وبتم التغاضي عنا مشان مايصير خنقة وحفاظا ع حرية اوسه بالتعبير .. ويضل سقف الحرية اللي بنحكى عنو باخوية دائما عالي متل مو معروف بس طبعا شقد ماعلي هالسقف بدي موجود بالاخير وصعب انو يخترق !! .. وانت باختيارك لا سم الله فانت عبتمس شي مقدس عند تلت طوائف او اكتير .. فهون بيستوجب التوقف عندا .. لانو الحرية هون صارت تتعارض مع مبادئ الاخوية
وبالنهاي انا مابعرف قصدك ع المزبوط من اقتباسك لرد الحكيم وفي حال كان انو لمصلحتك فبتمنى كون وضحتلك الفكرة ..

فقد اريد ان انبه اني لم اتعرض لأي من الديانات أو الملل أو الطوائف..

كاتب النص الأصلي : Government

هلأ مشان الجزء هادا يعني القصة ماصارت اتهامات ودفاع وهالشي
بس مشان النقطة الاولى واستغرابك منا فانو بما انك انت سجلت باسم الله فهادا معناتو انو اي كلمة بتبوح فيا انت هي تحدث بلسان الرب ,, وطبعا لاتجي تقلي هلأ ازا كل واحد اسمو محمد حكة معناتو حكى بلسان النبي محمد .. طبعا هون خلينا نكون واقعيين ولانضحك ع بعضنا لانو محمد شي واسم الله شي تاني .. غير مقبول وامر مو طبيعي حدا يتسمى بهالاسم ..
بقى انو عبتنكر انو انت عبتحكي بلسان الرب !!

اتمنى عليك ان تبين الفرق بين الاسمين وكيف يمكن لأي اسم ان يكون جريمة..ولماذا يكون الأمر غير مقبول وبحسب من.. فقد قرأت على لسان مشرفتكم Reemi انكم لا تعملون حسب تحليلات شخصية..فحسب تحليلات من احاسب..

كاتب النص الأصلي : Government

ومشان انكارك للاديان وماورد فيها فانا بصراحة ماتبعت ردودك بشكل عام فلزلك مامر علي هيك شي او ماشفت رد لالك بهالخصوص فمشان هيك مافيني احكم

ووعد مني أنك لن ترى..

كاتب النص الأصلي : Government

ومشان النقطة التالتة
انو يا اخي الله شي مقدس .. والمقدس جاي من القداسة هلأ مارح اتفطحل عليك لغويا .. بس انو القداسة هي الشي اللي بكون الو نوع من الخصوصية الميزة عن اي شئ اخر .. ولايمكن التعدي عليه
وانو مقدس .. ومابظن انك جاهل عن المعنى الحقيقي او الروحي لهالكلمة .. وانت باستخدام لاسم الزات الالهية فهادا فانت بهالطريقة بتمس قداسة هادا الشي وانت بمجرد مسك واقترابك من خصوصية هادا الشي فهادا يعتبر استهزاء بزاتو .. يا اخي رح قربلك ياها بشكل اوضح هلأ مثلا شخص كان من النوع الزليل وهيك انو مثلا مستواه شوي نازل او منحط نوعا ما .. حب يسمي حالو باسم شي رئيس لدولة ما اسمو كزا ابن كزا الفلاني واستخدم اسمو الكامل .. وطبعا ضل بتعمل بحياتو اليومية بنفس الطريقة المنحطة وباستخدام اسم هالمسؤول الفلاني مثلا .. فالبتالي هادا رح ياثر بشكل كبير ع صاحب الاسم المستخدم في حال حدا من اتباعو او جماعتو تعامل مع هالشخص المنحط المنتحل شخصية المسؤول الفلاني ..
بقى الفصة عندك صاير نفس الشي

يذكرني كلامك اخي العزيز باحدى حلقات مسلسل مرايا.. عندما يريد مواطن ان يسمي ابنه "الماجد صباح" (وهو اسم مسؤول كبير) وكيف تظهر العراقيل في وجهه..

بالنهاية يا عزيزي فاسمك حكومة.. وهل يعني انك تتحدث باسم الحكومة..وقد علمت ان للحكومة قدسية تفوق قدسية الله على ما يبدو..

نهاية الاسم يبقى اسم..يبدأ وينتهي عند حدود الاسم..وما دام كل هذا الجدل حول الاسم فقط..
فانا اطالب باستعادة عضويتي الأولى "تغيير اداري 1" بعد ان تم تغيير الاسم..

[تغيير4]

كاتب النص الأصلي : yass

أرجو ان تتفهّم هذه المسألة و أهلاً و سهلاً بك في المنتدى إن أحببت, بغير أسلوب

كاتب النص الأصلي : Reemi

ذا حابب تشارك باخوية وهدفك المشاركة والفائدة الك وللاعضاء وتكون ضمن سقف الحرية الموجود باخوية فيك ببساطة تغير اسمك وتستعمل اسم طبيعي مابيهين معتقدات الناس وانا بضمنلك انك تتمتع بكامل الحرية بما يضمن حرية الاخرين طبعاً

اريد لو سمحتم أو ان لم يكن هناك مانع ان استعيد عضويتي الأولى والقدرة على المشاركة بها مجددا بعد ان تغيير الاسم ...

تحياتي

[yass]

كاتب النص الأصلي : تغيير4

اريد لو سمحتم أو ان لم يكن هناك مانع ان استعيد عضويتي الأولى والقدرة على المشاركة بها مجددا بعد ان تغيير الاسم ...

تحياتي

مافي مشكلة....

اذا وصلتلك نقطة اعتراضنا على استخدامك اسم "الله" و التحدّث بلسانه, ما عندنا أي مشكلة بإنك تستعيد عضويتك باسم آخر و تشارك كأي عضو تاني

يا ريت تقلي شو الاسم اللي حابب يتغيّر إليه