دمشق: ٤٠ مليون دولار سنوياً عائدات زيارة مقام السيدة زينب

[sona78]

ذكرت وكالة الانباء السورية الرسمية (سانا) امس ان العائدات السنوية من زيارة السياح لمقام السيدة زينب الشيعي في الضاحية الجنوبية لدمشق بلغت ملياري ليرة (أربعين مليون دولار)، مؤكدة نية سوريا تطوير السياحة الدينية.
وقالت الوكالة ان »أعدادا هائلة من الزوار والسياح يؤمون مقام السيدة زينب شهريا ويقدرون بأكثر من مليوني سائح، كما يحقق هذا الموقع عائدات تقدر بملياري ليرة سورية سنويا«.
ويتدفق الزوار الشيعة من ايران والعراق والخليج ولبنان يوميا على مقام السيدة زينب وعلى مزار السيدة رقية في دمشق القديمة.
أضافت الوكالة »في إطار الاهتمام بالسياحة الدينية، حرصت سوريا على توفير الخدمات اللازمة لهذه السياحة وتطويرها بما يتلاءم مع النهضة العمرانية والثقافية والاجتماعية والسياحية«.
وأوردت الوكالة أن »عدد السياح وصل الى نحو ستة ملايين سائح« متوقعة أن »تصل عائدات السياحة خلال الاعوام الثلاثة المقبلة الى نحو ١٧٠ مليار ليرة سورية (٣ مليارات و٤٠٠ الف دولار). (أ ف ب)

جريدة السفير

[sona78]

شوي شوي رح نقلب السعودية الشيعية
ما عاد في سياحة بسورية بدها تطوير غير السياحة الدينية ؟؟؟
ويلي بتنتمي لطائفة واحدة
عجبي !!!!!!!!!!!!!!

[*Marwa*]

شو يعني هالمقامات هاي وشو الفايدة منها؟!

انو اوك أمكنـة تواجدوا فيها الناس الصالحيـن..بس يعني ازا رحنا عليها رح تحل البركة علينا لما؟!

هاد إسمو جـهـل.. يكفي انتحاباً على الموت يكفي انتحاباً على الماضي..احنا ولاد اليوم ولازم نعمل مشان حاضرنا!!

[souriana]

كاتب النص الأصلي : *Marwa*

شو يعني هالمقامات هاي وشو الفايدة منها؟!

انو اوك أمكنـة تواجدوا فيها الناس الصالحيـن..بس يعني ازا رحنا عليها رح تحل البركة علينا لما؟!

هاد إسمو جـهـل.. يكفي انتحاباً على الموت يكفي انتحاباً على الماضي..احنا ولاد اليوم ولازم نعمل مشان حاضرنا!!

يعني انا ما بصير حضاري بنظر حضرتك لحتى روح عالديسكو مثلا !!!
كل انسان حر بمعتقداتو, متل ما انتي ما بتعتقدي بصحة هالمواقع الدينية كمان في ناس بتامن فيها فمتل ما انتي حرة باعتقادك هنن كمان احرار باعتقادهم

[souriana]

كاتب النص الأصلي : sona78

شوي شوي رح نقلب السعودية الشيعية
ما عاد في سياحة بسورية بدها تطوير غير السياحة الدينية ؟؟؟
ويلي بتنتمي لطائفة واحدة
عجبي !!!!!!!!!!!!!!

بس تعدي عائدات الفاتيكان من الزوار اللي بيجو سنويا وقتا بتقولي اي مافي غير السياحة الدينية

[*Marwa*]

كاتب النص الأصلي : souriana

يعني انا ما بصير حضاري بنظر حضرتك لحتى روح عالديسكو مثلا !!!
كل انسان حر بمعتقداتو, متل ما انتي ما بتعتقدي بصحة هالمواقع الدينية كمان في ناس بتامن فيها فمتل ما انتي حرة باعتقادك هنن كمان احرار باعتقادهم

والله انا ما قلت انو مشان تكون حضاري لازم تروح عالديسكو..لكن انا برأيي التشبث بالقبور والاموات والاشيا اللي حسب رأيي مش رح تنفعنا هوي جهل أي نعم جهل ..

وتماما متل ما انتي قلت انو هني حرين باعتقادهم وانا حرة باعتقادي
معناها بينتج انو انا كمان حرة برأيي وتفكيري متل ما هني أحرار برأيهن..

[sona78]

كاتب النص الأصلي : souriana

بس تعدي عائدات الفاتيكان من الزوار اللي بيجو سنويا وقتا بتقولي اي مافي غير السياحة الدينية

لا لما بتعد عائدات فرنسا من متحف اللوفر بتوقع بتقول انو في سياحة غير السياحة الدينية

[souriana]

كاتب النص الأصلي : *Marwa*

والله انا ما قلت انو مشان تكون حضاري لازم تروح عالديسكو..لكن انا برأيي التشبث بالقبور والاموات والاشيا اللي حسب رأيي مش رح تنفعنا هوي جهل أي نعم جهل ..

وتماما متل ما انتي قلت انو هني حرين باعتقادهم وانا حرة باعتقادي
معناها بينتج انو انا كمان حرة برأيي وتفكيري متل ما هني أحرار برأيهن..

الاصح انو حريتك بتوقف لما بتوصلي لحدود حرية الاخرين, فـ انتي اعتقدي متل مابدك من دون ما تجرحي الاخرين

[souriana]

كاتب النص الأصلي : sona78

لا لما بتعد عائدات فرنسا من متحف اللوفر بتوقع بتقول انو في سياحة غير السياحة الدينية

ومين قلك انو ما في سياحة غير الدينية انا بعيني شفت لما رحت على تدمر مع جروب من الشباب والصبايا من البلد اللي انا فيه و شفت الاعداد الهائلة الموجودة بتدمر مو متل مامنسمع انو مافي سياحة

[*Marwa*]

كاتب النص الأصلي : souriana

الاصح انو حريتك بتوقف لما بتوصلي لحدود حرية الاخرين, فـ انتي اعتقدي متل مابدك من دون ما تجرحي الاخرين

يا اخي انا ما سبيتش عليهن!!! .. انا قلت انو حالة جهل وتخلف لما منتشبث بشي ميت بشي قبر بشي مكان بينما منقدر نعمل مشان اليوم ومشان الحي! (الحي يعني الانسان العايش بما انو ابقى من الميت )

يعني بمتل هالحالة عم أستحضر كتير "خبز وحشيش وقمر"..ولاّ كمان نزار قباني عم يسب ويجرح العالم؟!

أنا ما قصدت اجرح بالعالم او اسب على حدا أعوذ بالله... وازا هيك انفهم آي آم سوري !

[souriana]

هلأ بربك لما بتقولي لشخص انو متخلف وجاهل يعني ما بتكوني عم جرحيه ؟؟ عم تمدحيه مثلا ؟؟

[sona78]

كاتب النص الأصلي : souriana

ومين قلك انو ما في سياحة غير الدينية انا بعيني شفت لما رحت على تدمر مع جروب من الشباب والصبايا من البلد اللي انا فيه و شفت الاعداد الهائلة الموجودة بتدمر مو متل مامنسمع انو مافي سياحة

ما انا يلي قلت
حضرتك يلي قلت بردك الاول عن الفاتتيكان
والخبر متل ما نشور عم يدعي لتطوير السياحة الدينية
مو السياحة العامة
وبتوقع انو واقع السياحة السوري معروف لكتار بسوء ادراتو
فاذا انت عندك راي تاني بهالشي
انت حر

[ابو ريتا]

الله محييّ أصلك سوريانا ، لك روح حمص وبئس المصير

[ابو ريتا]

كاتب النص الأصلي : *Marwa*

شو يعني هالمقامات هاي وشو الفايدة منها؟!

هون بدك طولي بالك لأنو بهي الجملة عم تهيني ملايين البشر على هي الأرض

[*Marwa*]

كاتب النص الأصلي : souriana

هلأ بربك لما بتقولي لشخص انو متخلف وجاهل يعني ما بتكوني عم جرحيه ؟؟ عم تمدحيه مثلا ؟؟

يعني احكيلك بصراحة .. انا ليش عم جمّل بالواقع؟!..يعني هاد رأيي وانا مقتنعة فيه..انا بشوف انو اللي بروحوا و بقعدوا يجوحوا عالقبور والمقامات فش عندهن وعي وتوعية كافية (منيح هيك خففنا كلمة جهل مع انو والله انا مش شايفة انها مسبة لما بقول عن الشعب العربي والاسلامي خاصة انو عندو جهل لأنو هاد هو الواقع المؤلم)

أي نعم.. عندهن جهـل ديني قبل ما يكون جهل بمختلف مجالات الحياة (لأنو انا متل ما بعرف ومتل ما تعلمت البكاء والنوح عالمقابر والمقامات هوي شيء مكروه بل ومذموم بقى من ناحية دينية كمان الشي غلـط!)

بالنهاية هـاد رأيي وفقط رأيي..وصدقني هالرأي مش مبني لا ع اساس طائفي ولا قومي ولا اي شي! .. (يعني تحسباً مشان اي تفكير او استنتاج خاطىء)

[ابو ريتا]

كاتب النص الأصلي : sona78

لا لما بتعد عائدات فرنسا من متحف اللوفر بتوقع بتقول انو في سياحة غير السياحة الدينية

معليش بأغلب دول العالم في بالإضافة للسياحة العادية ، في كمان سياحة دينية وعنا بسوريا السياحة بشكل عام مستحيل توصل للسياحة الأوربية بمستواها والأسباب كتيرة لا داعي لذكرها ، بس بالنهاية ماشي الحال .

[ابو ريتا]

كاتب النص الأصلي : *Marwa*

بالنهاية هـاد رأيي وفقط رأيي..وصدقني هالرأي مش مبني لا ع اساس طائفي ولا قومي ولا اي شي! .. (يعني تحسباً مشان اي تفكير او استنتاج خاطىء)

اوكي هاد رأيك بس انت حطيتيها طج ، يعني خبط لزق ، كان فينك مثلا تكتبي بالرموز

[souriana]

كاتب النص الأصلي : ابو ريتا

معليش بأغلب دول العالم في بالإضافة للسياحة العادية ، في كمان سياحة دينية وعنا بسوريا السياحة بشكل عام مستحيل توصل للسياحة الأوربية بمستواها والأسباب كتيرة لا داعي لذكرها ، بس بالنهاية ماشي الحال .

بتوصل لمستوى اعلى من السياحة الاوروبية لكن السياحة عنا مهملة بشكل قاتل