شوية مسائل عالسريع

[hanny dagher]

يلا عن جديد

المسألة التامنة (سهلة كتير):

دخل عدد من الجمال الى حديقة تفاح . قطف الأول تفاحه , والثاني تفاحتان والثالث ثلاث تفاحات والرابع اربع تفاحات ... وهكذا .
في النهاية اقتسموا جميع التفاح الذي تم قطفه فكان نصيب كل واحد منهم بالتساوي 7 تفاحات .
كم عدد الجمال وكم عدد التفاح

اي هاتو لنشوف

[adel]

عدد الجمال 13
عدد التفاح 91
هات غيرا
كنت عم أنتظر جاد يحلها ما مبين لهلأ وينو

[hanny dagher]

جواب صح

صحي جاد وينو يللا هلأ شوية تانية وما بتلاقي غير مشرف


المسألة التاسعة:
في احصائيه لعدد سكان احدى المدن لاربع سنوات متتاليه وجد الباحثون
في نهاية السنه الاولى زاد عدد السكان بنسبة 25%
وفي نهاية السنه الثانيه زاد بنسبة 25%
وفي نهاية السنه الثالثه نقص عدد السكان بنسبة 25%
وفي نهاية السنه الرابعه نقص بنسبة 25% والسؤال
هل زاد عدد السكان ام نقص بعد نهاية السنه الرابعه عنه فبل بداية الاحصاء ؟
وكم تبلغ نسبة الزياده او النقصان لاقرب نسبه صحيحه ؟

[Willi]

كنت عم أنتظر جاد يحلها ما مبين لهلأ وينو

صحي جاد وينو يللا هلأ شوية تانية وما بتلاقي غير مشرف

ليكني بس متأخر
كان عندي شوية اشغال

المسألة التاسعة:

بس عندي سؤال
الزيادة والنقصان عن العدد الاصلي؟
يعني العدد الاول

ولا الاحصائيات ما الها دخل بالسنين اللي قبلها
كل سنة مستقلة لحالها

[hanny dagher]

ما السؤال اللي سالتو هوي اللعبة بالمسألة

قرا المسألة منيح وفكر فيا شوي وبتعرف الجواب على سؤالك حل المسألة

[adel]

مرحبا شباب
أنا بظن أنو عدد السكان نقص بنسبة 12% تقريبا

[hanny dagher]

ابو عديل علواه لو بتوضح كيف طلع معك الحل

[Willi]

صحيح انا مع عادل

بس طلع معي الجواب 12.11% نقصان

[adel]

كاتب النص الأصلي : hanny dagher

ابو عديل علواه لو بتوضح كيف طلع معك الحل

وقت بيزيد العدد بنسبة 25 % رح يصير أكبر وبالسنة التانية كمان رح يصير أكبر
واذا طرحنا منو نفس النسبة رح يكون العدد المطروح أكبر من العدد الي زاد مثال :
100+25%=125+25%=156.25
156.25-25%=117.19-25%=87.9
100-12%=88 اذا النسبة بشكل تقريبي هي 12%
يعني ما زبطت معي غير هيك

[Willi]

انا افترضت عدد السكان 100 وعملت نفس الحسابات اللي عملها عادل

بعدين رجعت فرضت انو عدد السكان 4 ورجعت عملت نفس الحسابات اللي عملها عادل

طلع معي الناتج كمان نفس الشي

[adel]

على كل حال أنا رح أعطيكون مسألة شفتا بأحد المواقع
يوجد في مزرعة أربعة كلاب تحرس المزرعة من اربع جهات ، لكل كلب لون وإسم .
جد لون كل كلب من خلال المعطيات التالية :
1. (تايجر) والكلب الأسود أصدقاء .
2. الكلب الأبيض و(تايجر) لم يلتقيا ولا مرة مع الكلب البني .
3. (بوبي) يحب أكل البسكويت .
4. الكلب الأسود و(بيل) يتخاصمان دائمًا .
5. الكلب الرمادي عضّ مرة (لاكي) في جولة عراك .

[adel]

كاتب النص الأصلي : Willi

انا افترضت عدد السكان 100 وعملت نفس الحسابات اللي عملها عادل

بعدين رجعت فرضت انو عدد السكان 4 ورجعت عملت نفس الحسابات اللي عملها عادل

طلع معي الناتج كمان نفس الشي

بظن جوابك صحيح أبو الجود

[hanny dagher]

طالما تنيناتكن اتفقتو عالجواب فمعد اغضر احكي

اما بالنسبة لمسالة عادل
فالحل متل ما طلع معي هيك :

تايجر هوي الكلب الرمادي
لاكي هوي الكلب الابيض
بوبي هوي الكلب الاسود
وبيل هوي الكلب البني

يللا اذا الجواب صح مشان حط مسألة جديدة
إذا لاء مشان ارجع فكر

[adel]

طيبة أبو الهن الجواب صحيح
هات وحدة لشوف (يعني مسألة)

[hanny dagher]

كاتب النص الأصلي : adel

طيبة أبو الهن الجواب صحيح
هات وحدة لشوف (يعني مسألة)

اي وانا صدقتك انك عم تحكي عالمسألة

مسوك وحدة حلوانك قصدي مسألة :


في شقة ريفية وضعت إحدى الساكنات ولتكن ريتا في الفرن المشترك 3 قطع من الحطب الذي تملكه اما الساكنة أميرة فوضعت 5 قطع والساكن هاني الذي لم يكن لديه حطب طلب الاذن من الساكنتين بان يطبخ طعامه على النار المشتركة ولتغطية التكاليف قام بدفع 8 ليرات للجارتين
كيف يجب على الجارتين ان تتقاسما هذه الليرات الثمانية ؟

هاتو لنشوف

[adel]

الصراحة المسألة حلوة وفيها خدعة بس حليتا
والجواب ريتا بتاخود ليرة وحدة وأميرة بتاخود 7 ليرات
والحل هوي حسبنا كلفة اشعال الفرن كاملة وطلعت 24 ليرة لأن هاني أكيد دفع ثلث الكلفة
معنى ذلك أن ثمن الحطبة الواحدة 3 ليرات
وبما أنون استخدموا الفرن تلاتتون فلازم يطلع عالواحد 8 ليرات
وأميرة وضعت 5 حطبات يعني 15 ليرة
أما ريتا فوضعت 3 حطبات يعني 9 ليرات
اذا ريتا بتاخود ليرة وبتكون دفعت 8 ليرات
وأميرة بتاخود 7 ليرات وبتكون دافعة أيضا 8 ليرات
فصلت الشرح كتير مهيك شلوني معك

[hanny dagher]

برافو عليك

بدك مسألة تانية معناتا

اي مسوك لكن

يا سيدي اجا لعنا رفيقو لجدي امس وشافني مهتم بحل هيك مسائل اجا قلي رح اعطي مسألة سهلة قلتلو هات لنشوف
قلي بسنة 1932 كان عمري بيساوي الرقمين الاخيرين من سنة ميلادي قلتلو لجدي عن هالشغلة الغريبة اجا قلي وانا كمان نفس الشي صاير معي

فقديش كان عمر رفيق جدي وجدو وقتا ؟

[Willi]

16 سنة ؟؟؟


1916 عيد ميلادو
ومن سنة ال1916 لسنة 1932 في 16 سنة
صح؟؟

اذا صح كتير مسهلو يا زلمة