الحضارة العربية لم تنتهي الا انها في حالة ركود !؟

[المحارب العتيق]

كاتب النص الأصلي : المتشائل

رجعت ... ع السريع هيك ...

مشكلة الفكر العربي ... هو ابتلاع انجازات الحضارات الأخرى ... ونسبها إلى نفسه بغير وجه الحق ... الاشوريين والاراميين ... وغيرها اصبحو عرب ... فقد تم ابتلاع حضاراتهم ... لو رجعنا كما يقول البعض ... " إسماعيل .. جد العرب " اي ان العرب هم نسل اسماعيل ... فمن وين صارت الحضارات الموضودة ببلاد الشام قبل اسماعيل عربا ؟؟؟ !!! يعني فسرولي ياها منطقيا ؟؟

رح برجع ... بس روق من عجقة الجامعة ....

جبتلك أسماء علماء عرب . في منون كان عايش بالقرن الثالث عشر ميلادي . وفي منون قبل وأنت لسا بتتهرب بكلام تعميمي وبتقلي أبتلعوا الحضارات الأخرى .
ناقش بأدلة عن كلامك . علماء عرب ولدوا بقرطبة بعد 13 قرن ميلادي وكان ألهون اكتشافات بتقلي أبتلعوا الحضارات الأشوريين والأراميين ونسبوها لأنفسهم
بقا ياريت ماتكمل بكلام تعميمي كبير متل الشعارات .
قبل هلأ رديت على كل كلمة أنت كاتبها وضحضت كلامك فالمفروض أن كانت معلوماتك صحيحة ترجع ترد على كل كلمة أنا كتبتها . مو ترجع تخلط الحابل بالنابل على طريقة استمرار الكذبة يجعلها حقيقة

[المحارب العتيق]

كاتب النص الأصلي : sandra 82

نعم للأسف ، مناهجنا الخرفة تدرس التاريخ المزور
فالسريان عرب والأشوريين عرب والفراعنة عرب والبابليين عرب والقائمة تطول
ولربما سيصبح الاتراك عرب أيضاً أو حتى الأرمن في المستقبل رح يصير اسمهم عرب كمان مين بيعرف

غريب هذا الكلام السطحي . فلا أفكار فيه سوى كره وتسفيه للعرب
على كل حال ياريت تحطيلي من هم العرب برأيك تحديدا" . ومنذ متى توجد قومية عربية ودولة عربية وأمتدادها ومكانها حسب رأيك . لنجري مقارنة بسيطة حسب كلامك أن كانت تلك القومية أو الدولة حضارية أم لا . مع مفهوم الحضارة . ولنجري مقارنة بسيطة بين الحضارة العربية وأي حضارة تختارينها من تلك التي من المفروض أنها كانت حضارة وأن العرب أبتلعوها

[sandra]

كاتب النص الأصلي : المحارب العتيق

جبتلك أسماء علماء عرب . في منون كان عايش بالقرن الثالث عشر ميلادي . وفي منون قبل وأنت لسا بتتهرب بكلام تعميمي وبتقلي أبتلعوا الحضارات الأخرى .
ناقش بأدلة عن كلامك . علماء عرب ولدوا بقرطبة بعد 13 قرن ميلادي وكان ألهون اكتشافات بتقلي أبتلعوا الحضارات الأشوريين والأراميين ونسبوها لأنفسهم
بقا ياريت ماتكمل بكلام تعميمي كبير متل الشعارات .

أهلا بالمحارب العتيق بس عندي تعليق صغير
بالنسبة لموضوع السريانية والأشورية والأرامية فهي حضارات ظهرت قبل الميلاد بكثير
تحياتي

[المحارب العتيق]

كاتب النص الأصلي : sandra 82

أهلا بالمحارب العتيق بس عندي تعليق صغير
بالنسبة لموضوع السريانية والأشورية والأرامية فهي حضارات ظهرت قبل الميلاد بكثير
تحياتي

تماما" يعني العلماء العرب جابو أكتشافات صرلها أكتر من الفين سنة ونسبوها لأنفسهم
يعني هي الأكتشافات كانت سرية وماحدا دريان فيها
ولا العمار يلي عملوه ببغداد بقرطبة وغيرها كانو الأشوريين معمرينوا وماحدا شايفو وساكنو

[yass]

في حضارة معرّاوية ... لأ مافي؟ أبو العلاء المعرّي مو من هنيك؟

وجود علماء عرب لا يعني وجود حضارة صفتها عربية.. هؤلاء العلماء كانو جزءا من حضارة اسلامية.. و الحديث عن حضارة عربية و أمة عربية ما لو وجود قبل نهاية القرن الـ 19 و بداية الـ 20.

[المحارب العتيق]

كاتب النص الأصلي : yass

في حضارة معرّاوية ... لأ مافي؟ أبو العلاء المعرّي مو من هنيك؟

وجود علماء عرب لا يعني وجود حضارة صفتها عربية.. هؤلاء العلماء كانو جزءا من حضارة اسلامية.. و الحديث عن حضارة عربية و أمة عربية ما لو وجود قبل نهاية القرن الـ 19 و بداية الـ 20.

حلو وين كانو العرب . على أنو أساس بنيت هاد التحليل

[sandra]

كاتب النص الأصلي : عطر البرتقال

الدراسة لا املك عنها معلومات
بل شاهدت احد الدعاة على التلفاز يقول ذلك
لقد فكرت جيدا الان بما قاله....بصراحة لا اعتقد ان ذلك صحيح....لانني ارى ان الله سبحانه وتعالى خلق الناس كلهم نفس بعضهم....واخي الاكبر مني لما شاف النقاش هاد قال لي ان هذه هي مجرد نكته على ان البيئة التي يعيش فيها الطفل العربي بيئة غير صالحة......وهذا صحيح
لا يوجد تشتيت بالموضوع.....لان المعظم هنا يقول ان الشعب العربي والعرب لا يوجد بهم خير وهو شعب اتكالي لم يقدم انجاز حقيقي للحضارة الانسانية....طيب لو جبنا احد اطفال العرب وعيشناه في بيئة تتوفر فيها كل اساليب التنشئة الصالحة والظروف الجيدة...شو رح يسير؟؟
يعني يا ساندرا......الي اقوله انه ليش نظل نقول انه العرب ما فيهم خير وهمة شعب فاسد لا يصلح لاي شيء....الظروف هيا السبب صح
ليش ما نغير الظروف بايدنا؟؟يعني اطلعي حوليكي....مو شاطرين غير بالنقد والحكي الي ما منه فايدة....ولما نيجي نقول خلينا نتحرك ونغير ونتحسن ونعمل شي......يجولك ويقولو بلا عواطف وعمرنا ما رح نتغير هيك و...و...و
اي والله اشي يزهق

مع محبتي وتقديري
اختك عطر البرتقال

يا عزيزتي عطر البرتقال
توقعت أن تكون نتائج هذا البحث غير علمية
من الأفضل تكون معالجتنا لهيك مواضيع علمية وما تكون متعلقة بالعواطف أنا بحترم كونك من أصل عربي وما عم نحكي بطريقة عنصربة عن العرب
لكن الموضوع هو عن تزييف التاريخ ونسب كل شيء للعرب
وبالتأكيد نحن نتمتى تغيير الشعوب العربية وان تصحى من سباتها العميق ولكن كيف نتوقع هذه الصحوة إن كان العرب يبكون على أطلال تاريخهم وحتى في هذا نسبوا لنفسهم تاريح شعوب أخرى
على كل نتمتى هذه الصحوة لهذه الشعوب
تحياتي

[yass]

كاتب النص الأصلي : المحارب العتيق

حلو وين كانو العرب . على أنو أساس بنيت هاد التحليل

على أساس انو قبل ما الشريف حسين يخترع القومية العربية مشان يبرر تحالفو مع الانكليز ضد العثمانيين ما كان في قومية عربية و لا أمة عربية... و العرب كانو شعب من كومة شعوب تشكل أمة اسلامية بمختلف تسمياتها و انشطاراتها.. انجازاتهون من ضمن انجازات هالحضارة

اللي صار بعدين انو القوميين العرب أرادوا الاستحواذ على ما ليس لهم من حيث "تعريب" ما ليس عربيا ...

[المحارب العتيق]

كاتب النص الأصلي : sandra 82

يا عزيزتي عطر البرتقال
الموضوع هو عن تزييف التاريخ ونسب كل شيء للعرب
وبالتأكيد نحن نتمتى تغيير الشعوب العربية وان تصحى من سباتها العميق ولكن كيف نتوقع هذه الصحوة إن كان العرب يبكون على أطلال تاريخهم وحتى في هذا نسبوا لنفسهم تاريح شعوب أخرى
على كل نتمتى هذه الصحوة لهذه الشعوب
تحياتي

جد حتبكوني لهل الدرجة
ماعملنا شي بنوب
ألاف السنين ماعملنا ولا شي
صديقتي القصة مو قصة نسب التاريخ للعرب . القصة بهاد التعميم يلي عمينكتب بهاد الموضوع هو محاولة نسب التاريخ العربي لغير العرب

[suryoyo]

كاتب النص الأصلي : yass

في حضارة معرّاوية ... لأ مافي؟ أبو العلاء المعرّي مو من هنيك؟

وجود علماء عرب لا يعني وجود حضارة صفتها عربية.. هؤلاء العلماء كانو جزءا من حضارة اسلامية.. و الحديث عن حضارة عربية و أمة عربية ما لو وجود قبل نهاية القرن الـ 19 و بداية الـ 20.

مرحبا بيك اخي ياس ..

بس هو مجدر خاطرة ...

الحضارة تنتمي الى ديانة معينة ... او الى العلم و الابداع المتعلق بالبشر في ذلك المكان و الزمان ....


مجرد تسائل

[wwq]

شو هل الحكي مين هاد الي عم يقول انو ما في حضاره عربيه ؟؟؟

يا سيدي راح نحكي بلعلم الكل بيعرف انو المصريين القداء (الفراعنه) محنطين وبكل بساطه عملو فحص للحمض النووي d n a لهل الموميأت و تبين انو نفس الحمض النوي تبع المصريين هلأ
بس هون حطنا الجمال !!!!
بنط واحد بقلك هدون الفراعنه ما الون علاقه بلعرب ...وانا بقلو مزبوط هل الحكي
و بنط تاني بقول انو هل الشي هاد آرامي و ما الون علاقه فيه العرب كمان مزبوط
بس بيت القصيد انو هادول اجدادنا و نحن صرنا نحكي عربي و من الطبيعي انو انسب هل العمل هاد او هل الفن هاد الي مزبوط و لآ لأ
لأنو انا جد جد جد جدي يمكن ما كان عربي وانا هلأ صرت عربي شو العمل

[sandra]

كاتب النص الأصلي : المحارب العتيق

غريب هذا الكلام السطحي . فلا أفكار فيه سوى كره وتسفيه للعرب
على كل حال ياريت تحطيلي من هم العرب برأيك تحديدا" . ومنذ متى توجد قومية عربية ودولة عربية وأمتدادها ومكانها حسب رأيك . لنجري مقارنة بسيطة حسب كلامك أن كانت تلك القومية أو الدولة حضارية أم لا . مع مفهوم الحضارة . ولنجري مقارنة بسيطة بين الحضارة العربية وأي حضارة تختارينها من تلك التي من المفروض أنها كانت حضارة وأن العرب أبتلعوها

أول شي مالك حق بتقييم دوافعي ونواياي
تاني شي كلامي اللي انت اقتبستو هو ترديد لكلامكم ونسب كل شي للعرب
تالت شي ياريت ترجع للصفحة الخامسة وتكمل قراءة الردود
وأخيراً ليش ما تعطونا تعريف للعروبة اللي عم تدافعوا عنها

[yass]

كاتب النص الأصلي : suryoyo

مرحبا بيك اخي ياس ..

بس هو مجدر خاطرة ...

الحضارة تنتمي الى ديانة معينة ... او الى العلم و الابداع المتعلق بالبشر في ذلك المكان و الزمان ....


مجرد تسائل

أي هاد يجي موضوع تاني... الحضارة نعم نتاج انساني.. بس لما بقصد انو حضارة اسلامية فانما اقصد انو هي نتاج مجموعة من البشر اجتمعت نتيجة الدين الاسلامي

[yass]

يا سيدي راح نحكي بلعلم الكل بيعرف انو المصريين القداء (الفراعنه) محنطين وبكل بساطه عملو فحص للحمض النووي d n a لهل الموميأت و تبين انو نفس الحمض النوي تبع المصريين هلأ
بس هون حطنا الجمال !!!!

طيب هاي اشرحولي ياها يا جماعة... مو زابطة معي لأنو

[sandra]

كاتب النص الأصلي : المحارب العتيق

تماما" يعني العلماء العرب جابو أكتشافات صرلها أكتر من الفين سنة ونسبوها لأنفسهم
يعني هي الأكتشافات كانت سرية وماحدا دريان فيها
ولا العمار يلي عملوه ببغداد بقرطبة وغيرها كانو الأشوريين معمرينوا وماحدا شايفو وساكنو

أنت حكيت عن علماء بالقرن 13 ميلادي
ونحن عم نحكي عن حضارات كانت قبل الميلاد
يا ترى مين كان قبل التاني معناها! هون بيت القصيد

[المحارب العتيق]

كاتب النص الأصلي : yass

على أساس انو قبل ما الشريف حسين يخترع القومية العربية مشان يبرر تحالفو مع الانكليز ضد العثمانيين ما كان في قومية عربية و لا أمة عربية.
القصة مو انو الشريف حسين أخترع القومية أو أوجدها
القصة هي أستنهاض العرب تحت رايته ليتخلص من حكم العثمانيين
.. و العرب كانو شعب من كومة شعوب تشكل أمة اسلامية بمختلف تسمياتها و انشطاراتها
لكن العرب هم العمق للأسلام في بداياته على الاقل . ونحن لانتحدث عن حضارة طشقند مثلا . أو أي حضارة نشأت في زمن الدولة الأسلامية . نحن نتحدث عن مافعله العرب في مكان تواجدهم . رغم البعد الحضاري الذي حملوه معهم
.. انجازاتهون من ضمن انجازات هالحضارة
على فرض أنه من ضمنها . مع أننا أستثنينا العلماء العرب بالسان . الا أن هذا لاينكر وجود خصارة عربية على هذه الأرض من دولة قوية ومارس ونشر للعلوم وعمران وغيره
اللي صار بعدين انو القوميين العرب أرادوا الاستحواذ على ما ليس لهم من حيث "تعريب" ما ليس عربيا ...

بعدين هاد كلام تاني بعيد عن فكرة الموضوع يلي بتقول أنو العرب ماعندون غير شوية أطلال بيبكو عليها مع أنون مو هنن بنوها

[suryoyo]

كاتب النص الأصلي : yass

أي هاد يجي موضوع تاني... الحضارة نعم نتاج انساني.. بس لما بقصد انو حضارة اسلامية فانما اقصد انو هي نتاج مجموعة من البشر اجتمعت نتيجة الدين الاسلامي

فعلا انا اؤيد فتح موضوع جديد ...

و يمكن يكون كلامك صحيح .. لكن كثير من العلماء ما كانوا مسلمين .. و القائمة تطول

لكن الشيئ الجامع لكل هؤلاء العلماء انهم درسوا في بغداد و في دمشق و باقي دور العلم في العالم


بعدين نفتح موضوع جديد .. احسن


على راسي ابن العم

[المحارب العتيق]

كاتب النص الأصلي : sandra 82

أنت حكيت عن علماء بالقرن 13 ميلادي
ونحن عم نحكي عن حضارات كانت قبل الميلاد
يا ترى مين كان قبل التاني معناها! هون بيت القصيد

من كلامك معناها لحنا هلأ أسياد أميركا وماعندهون حضارة لأنو أنوجدت دولتنا قبلون
بألك عالم كان عايش بعد اكتر من الفين سنة من وجود الأشوريين وأكتشف الدورة الدموية بتقوللي مين نوجد قبل
يعني الاشوريين هنن يلي اكتشفوا الدورة الدموية بس ماكان حدا دريان والعرب بس وجدوا هاد الأكتشاف ونسبوه لأنفسهم
مايطلعو الأشوريين هنن يلي أكتشفوا المريخ وهنن يلي أخترعوا الكومبيوتر وهنن أخترعو الموجات اللاسلكية ولحنا مخدوعين