مقلاية أخوية ( ( 4 ))

[يمان Rooooonaldo]

مين بعدك؟

[Reemi]

كاتب النص الأصلي : BL@CK

3- تقعدو بمحل رايق لتحكيلو عن شي زاعجك

3 - hanny dagher + Reemi

شكرا كتير...ابدا ما كنت بتصور كل هالثقه.... يا رب كون قدها ...!

[BL@CK]

كاتب النص الأصلي : Reemi

شكرا كتير...ابدا ما كنت بتصور كل هالثقه.... يا رب كون قدها ...!

---

أنو أنا الي اسبوع بالتمام و الكمال .. و سألتو لبين ما شبعتو أسئلة ..

فهلأ بطلع أنا و منزت بالمقلاية مرسيل و للي ما بيعرف مرسيل

رح زت بعدي butterfly ..

[BL@CK]

كم سؤال عالخفيف

..

رح افترض أنو في تنيتين طبق الأصل منك .. لا تقليلي أنا جوهرة نادرة عمنقول افتراض ..

يعني في تنتين مرسيل


هلأ المطلوب منك كالآتي ..

1 - وصفيلي هالبنت (التانية طبعاً ) بكلمة .

2 - وصفيلي هالبنت بعشر كلمات

3 - احكي عنا بتلات سطور ..

تسّلي فيون هدول لبين ما ارجع من الفحص ..

[Spector]

بيبسي ولا كراش ؟

[هـــــــون]

رح افترض الله موجود ( افتراض )
ِA - يا سيادتك يا الله يا حضرة جنابك .. انت غلطت غلط كبير أنو ما عطيت هالخلق اللي خلقتون طريقة ليثبتو وجودك علمياً ..
B - وين العدل اللي وصفت حالك فيّو .. لا تجي تقلي في آخرة .. و هالعالم اللي عبتموت و بتتدبح و ين بتروح بهالمعاناة .. ليش برأيك لما أم بموت ابنا ظلم .. رح تتذكر الآخرة و لا رح يخطرلا الآخرة و لا أول كلمة رح تخطر في بالا نعما في رب هالحياة شو ظالم ..
C - بالأخير بهنيك على هالشهرة الواسعة اللي حققتا مع إنك ما بتستاهلا برأيي غلطت أغلاط كتيرة ..

يلعن ابو التخلّف

جواب غبي لسؤال اغبى ... بهنيكون

[SKY MONSTER]

كيفك butterfly
المهم خليني بلش اسئلتي

1- شو بتعنيلك المادة او المصاري يعني

2- من هي butterfly كإنسانة

3- على فرض انك صرتي رئيسة دولتك لمدة يومين شو راح تعملي

4- شو بيعنيلك الحب؟

5- ماذا اعتدتي ان تفعلي قبل النوم؟

6- شو اسوأ عادة عندك ومو قادرة تتخلصي منها؟

7- لو قدر لك العيش الف سنة كيف راح تقضيهن؟

8- ما هي الفضيلة من وجهة نظرك؟

9- احكيلي شي متعلقة فيه كتير غير النت

10- في سباقك مع الزمن بالتأكيد مررتي بمواقف لا تحبي ان تتكرر معك بتقدري تحكيلنا واحد منهم؟؟ شو هو

11- يعني بعتقد انو بالجولة الأولى بكفي صح؟ شكرا على اجوبتك مقدما وان شاء الله الجولة التانية راح تكون اسئلة السرعة ههههه لا ما بعرف بشوف شو بيطلع معي
سلام

[butterfly]

لك أنا مو كذبت عليك وقلتلك في قانون بيقول انو اللي افتتح المقلاية ما بينقلى

[butterfly]

كاتب النص الأصلي : BL@CK

هلأ المطلوب منك كالآتي ..
1 - وصفيلي هالبنت (التانية طبعاً ) بكلمة .
2 - وصفيلي هالبنت بعشر كلمات
3 - احكي عنا بتلات سطور ..
تسّلي فيون هدول لبين ما ارجع من الفحص ..

ما في تنين مني .. اختراع لا يتكرر
1- بكلمة وحدة " طاقة "
2- بعشر كلمات :
مجنونة - عفوية - هبولة - خلاقة - منطقية -انفعالية - نواحة - ايجابية - لحوحة - عندا ثقة كبيرة بحالا . .
3- تلت سطور : هادا يا سيدي هي البنت اللي اسما مرسيل .. شخص مدمن عالكتب والشوكولا والرقص والانترنت .. بتحب الدنيا كتير وعالغالب رايقة إذا ما حدث عكس ذلك .. كل أمورا بتمشي بسرعة بتحب بسرعة بتبكي بسرعة بتعصب بسرعة بتحكي بسرعة كلو بسرعة ..
خلصو التلت سطور

[butterfly]

كاتب النص الأصلي : Spector

بيبسي ولا كراش ؟

بيبسي

[الحاج متولي]

فراشة بالمقلاية؟؟؟؟؟؟؟؟
يا أهلين وسهلين .......و الله منورة....................هه هه هه هه هه
على كل الأحوال ......طباخ السم بيدوقوا
المهم
كام سؤال على الماشي
ليش سميتي حالك فراشة؟
أيا ساعة باليوم بتشوفيها أحلى شي؟؟
مين أكتر إنسان بتوثقي فيوا؟؟
شو البلد العربي التاني يلي بتحبي تعيشي فيوا؟؟
شو البلد الغربي التاني يلي بتحبي تعيشي فيوا؟؟

لو خيروكي إنك تستلمي منصب سياسي بالبلد أيا منصب بتختاري؟؟ و شو بتعملي؟؟
هلئ هدول كام واحد على الماشي ....بس في إلنا رجعة
تحياتي يا أحلى فراشة بالمنتدى
الحاج متولي



أما هدول الأسئلة فأنا رح إسألك ياهن نيابة عن حبيبي حسون شنوا مو فاضي وعم بيصيع بحلب
فمن بعد إذن حسون بيك جاوبينا


والسؤال كا التالي عطيني رأيك بالاعضاء التالية اسماءهم وبكل صراااااااااحة :



gazita
reemi
marioma alghzayala
hanny dagher
willli
layla
sezar
الحاج متولي
توت توت توت
butter fly
varon
ghazool
.hus
Barleb
tony 124
the light
سرسورة
محمد ابراهيم
goverment
صياد الطيور
اسير التشرد
المستحيل
the morrning
عاشقة علي
كوستا
YaSeR
abosleman
منوشه
spector
yamen_h

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ماد ماكس
وائل
مسطول ع طول
شامي من طوكيو
أمرأة من ورق
دلوعه سوريا
مايا*
لبندا
fofo besset syria


هادا اللي متزكرو هلأ واذا في حدا ناقص ذكروني فيه
ولاتنسي الصراااااحة التامية ولا مكولكة

[butterfly]

كاتب النص الأصلي : SKY MONSTER

كيفك butterfl

1- شو بتعنيلك المادة او المصاري يعني

شي ضروري .. وضروري كتير .. بس مابعرف قيمتو لأني شخص مبذر

2

كاتب النص الأصلي : SKY MONSTER

- من هي butterfly كإنسانة

شخص مابتقدر تعيش بدون الناس .. متفائلة .. مثالية شوي .. عندا احلام كتير حابب تحققا

3- على فرض انك صرتي رئيسة دولتك لمدة يومين شو راح تعملي

ولا شي بتنازل عن الحكم .. وبعمل انتخابات ..وبخلي الشعب يختار
السياسة مانا شغلتي

4- شو بيعنيلك الحب؟

الحب قرار مابعتقد بالحب اللي بيجي رغم عن ارادتنا وبيدوخنا دوخ .. بحس اني كبرت على هالقصص
الحب قرار والتزام وشعور تجاه شخص بيخلنا نكبر .. نسمو .. بيطالع أحلى ما فينا ..
شخص منحب كل شي حلو فيه وشايفين كل الأشيا اللي ما حلوة فيه .. بس رغم هيك حابينا ..
شخص بنتمنى نبدا الصبح ببوسة منو ونسكر عيوننا وهو جنبنا ..

بيكفي لهون ... شطحوا افكاري

[Ms. J.A]

باتترفلاي
"كيف اسمك هيك طالع" ؟؟!
شو شعورك ناحية الامور التالية
القضية
الغزو الفكري
والبطيخ

مين اكتر الشخصيات اللي بتحبيها
تاريخيا
فكريا

مين برأيك المذنب بالصراع الازلي بين القط والفأر توم ولا جيري ؟؟
هل برأيك نهاية سوار العسل كانت مأساوية ام درامية ؟؟

شو اكتر كتاب قرأتيه وأثر فيك ؟
شو اول صفحة بتقرأيها بالجريدة ؟!
شو الصفحة اللي ما بتقرأيها بالجريدة ؟!
فكرك لوين حنوصل؟
وما تقوليلي عالهاوية بزعل بعدين !

[butterfly]

5- ماذا اعتدتي ان تفعلي قبل النوم؟

بصلي ..

6- شو اسوأ عادة عندك ومو قادرة تتخلصي منها؟

البكي ... يا معلم شو ماحدا حاكاني .. نفخ بوشي بتلاقي هرو هالدمعات .. وماني قادرة الغيا ..

7- لو قدر لك العيش الف سنة كيف راح تقضيهن؟

ما بتمنى .. تعيش كتير وتخسر كتير ناس ... وبعدين رح ختير كتير .. ما بعرف كيف بدي قضيا ..
بشي محمية طبيعية لأنو رح كون طفرة

8- ما هي الفضيلة من وجهة نظرك؟

برجعلو بعدين .. بدو كتير مخمخة

9- احكيلي شي متعلقة فيه كتير غير النت

الكتب .. الشوكولا .. الرقص
الكتب .. هواية الطفولة .. بحب القراية كتير .. أجت أوقات أقرا وانا عم اتحمم انا وعم اكل ..
الشوكولا .. نقطة ضعفي .. ما بقدر قاومو ..
الرقص .. بحسو من اكتر وسائل التعبير ايجابية بحب كل انواعو من اللاتين دانس . لحتى الدبكة عالداعور ..

10- في سباقك مع الزمن بالتأكيد مررتي بمواقف لا تحبي ان تتكرر معك بتقدري تحكيلنا واحد منهم؟؟

تخليت عن شخص كتير بيحبني .. وكتير كان معلق أمال على وجودي بحياتو ..

11- يعني بعتقد انو بالجولة الأولى بكفي صح؟ شكرا على اجوبتك مقدما وان شاء الله الجولة التانية راح تكون اسئلة السرعة ههههه لا ما بعرف بشوف شو بيطلع معي

لسى في جولة تانية ...؟؟؟؟؟؟

يسلمو عالأسئلة حلوين كتير ..

[Maher 4x4]

شه شه شو صاير هون؟!

[butterfly]

كاتب النص الأصلي : الحاج متولي

gazita
reemi
marioma alghzayala
hanny dagher
willli

بدي أحكي عن كل خمسة سوا .. وبرجع بعدين للأسئلة ..
اغلبن بعرفن والن كتير محل بقلبي ..

Gazita
كتير هالبنت فرحة .. دايما فراشات وورود .. بكل حياتا بأخوية ما بتوقع أنها زعجت حدا .. كتير ايجابية كتير جنتل .. حتى وقت بيكون في موضوع وحابكة والناس عم تتخانق .. بتلاقيا رايقة وهادية ..


Reemi
هالبنت جدعة .. يعني قبضاي قد وقتا وما بينخاف عليها .. اجتماعية ناجحة كتير كتير كتير .. فيها تعمل علاقة مع كل الناس ما عندا مشكلة ابدا ً بالتعاطي مع حدا .. بحب فيها هالشي كتير وبحترمو

Marioma
هالبنت أكتر من طيوبة .. في بيناتنا اكل وعشرة وايام .. من اغلى الاشخاص على قلبي بأخوية ..
صوتا راااااااااااااائع ..

Hanny Dagher
طفلي المدلل هاني من الناس اللي ما بيورجيك كل شي عندو فرد مرة .. وكلما بتقرالو رد .. أنو بتتفاجئ هيك أنو والله هالزلمة فهمان مابو شي .. طيوب .. والكتف اللي فيك تبكي عليه ..
في شغلة ما بحبا فيه .. أنو زيادة بيساير الأغلبية .. وبيسوق مع سوقا

Willi
جادووووووووووووو ... عبقرينو .. ذكاء رهيب .. مع هضامة .. ( بس أحيانا وقت بيفرشا لهضامتو على بني ادم .. يا عدرااااااا شو بيكون دمو تقيل ) .. بحبو لجاد كتير .. أول شخص تعرفت عليه بأخوية .. وكتير كان استقبالو الي مميز يمكن لهيك ضليت بأخوية ..
اللي ما بحبا فيه أنو قاسي وفيو يحتد .. وانو ما بيعرف قدي غالي هو على قلبي


برجع كرمال الباقي ..

[Nirvana]

السؤال المعتاد ..
رأيك بـ:
التحشيش؟
أبو حشيشة؟



وشو هدفك في الحياة؟

[butterfly]

كاتب النص الأصلي : الحاج متولي

فراشة بالمقلاية؟؟؟؟؟؟؟؟
يا أهلين وسهلين .......و الله منورة....................هه هه هه هه هه
على كل الأحوال ......طباخ السم بيدوقوا

والله أنا حبابة ...

ليش سميتي حالك فراشة؟

رمز أنثوي طفولي محبب .. فرح ..
وفي مقطع ب " زوربا " بيكون عم يحكي عن فراشة .. هو من احلى المقاطع بالرواية على قلبي .. لهيك
اخترت هالأسم .. ونزلتا يمكن أول موضوع لألي بأخوية ..

أيا ساعة باليوم بتشوفيها أحلى شي؟؟

ساعة اللي بتبدا الشمس بتطلع ... وغالبا ً بضل سهرانة لشوفا

مين أكتر إنسان بتوثقي فيوا؟؟

مرسيل

شو البلد العربي التاني يلي بتحبي تعيشي فيوا؟؟

ما بحب عيش غير بسوريا ..
بس لو ولا بد .. فلبنان .

شو البلد الغربي التاني يلي بتحبي تعيشي فيوا؟؟

كمان شرحو .. بحب فرنسا .. أو اليونان

لو خيروكي إنك تستلمي منصب سياسي بالبلد أيا منصب بتختاري؟؟ و شو بتعملي؟؟

وزارة الشؤون الاجتماعية
أول شي لأني ما بحبا لديالا حج عارف تاني شي بدي اعمل كتير اشيا لزوي الاحتياجات الخاصة
ابتداءا بالمدارس.. لفرص حقيقية للعمل .. كتير كتير كتير كتير أشياء لازم تنعمل بهالمجال .. بعمل حملات تعليم لغة اشارة لغير الصم .. ما بعرف كتير قصص ..

هلئ هدول كام واحد على الماشي ....بس في إلنا رجعة
تحياتي يا أحلى فراشة بالمنتدى
الحاج متولي

كلو بدو يرجع .. أي أهلا وسهلا ..