الأعمال الدرامية .. والمسلسلات .. السورية في شهر رمضان ..

[Reemi]

كاتب النص الأصلي : matya

هوي لو انتاج وبس كتير منيح..بس كل ما ينتج مسلسل بيدخل لحالو دور بطولة

وما بيلبقلو

قولك
يلعنو .

[saman]

قولك
يلعنو .

غلييييييييييييظ يمكن ما حبيتلو غير مسلسل القيد ..ومسلسل خان الحرير والباقي كلو بيقرف
وبعد عيونك يا محسن

[الفيلسوفة]

متحمسة لفنجان الدم بس لانو فيو جمالو وغسانو ..

وبقعة ضو اكيد ..

[MaTyA]

كاتب النص الأصلي : الفيلسوفة

وبقعة ضو اكيد ..

يس يس بقعة ضوء كتير متحمستلو انا

في لسّة بنكتب ان شاء الله عن صراع على الرمال..و.. عرب لندن

شو في لسة مسلسلات سمعتو عنها .. لشوف ادا فينا نجيب اخبار عنها .. ما بعرف الكل لانو

سمعتو بـ اناشيد المطر؟ عجبتني كتير فكرتو..هوي مسلسل من 3 اجزاء كل جزء 10 حلقات بيجمعها المطر
والـ 3 من اخراج هيثم حقي..والـ 3 اجزاء بيحملو 3 عناوين فيها كلمة مطر..والعمل كلو اسمو اناشيد المطر

بنحكي عنو اكتر بعدين..

[sandra]

طيب يلي ما عندو قنوات عربي ما حيشوف شي ؟؟؟
حدا عندو اسم شي موقع بيفيدنا

[MaTyA]

كاتب النص الأصلي : sandra

طيب يلي ما عندو قنوات عربي ما حيشوف شي ؟؟؟
حدا عندو اسم شي موقع بيفيدنا

بذكر سامر حط موقع في القنوات وهيك.. بس ما بعرف ادا بتلاقي طلبك ..
ما فيكِ تطلبي يضيفولك محطات عربية؟

[MaTyA]

من الأعمال السورية في رمضان لهذا العام :

~11~

مسلسل " أناشيد المطر"
وهو عبارة عن ثلاثة أجزاء كل جزء عشر حلقات يجمعها المطر

الجزء الاول بعنوان <<مطر الربيع>>

الكاتبة: أمل حنا

إخراج : سيف الدين سبيعي
إنتاج: Real film .. تابعة لشركة اوربت
القناة العارضة : اوربت



بطولة :
غسان مسعود، سمر سامي، رامي حنا، قمر خلف، خالد القيش

.
.

الجزء الثاني بعنوان <<رائحة المطر>>

الكاتب: غسان زكريا

إخراج : إيناس حقي
إنتاج: Real film .. تابعة لشركة اوربت
القناة العارضة : اوربت



بطولة :
سعد لوستان، سوسن أرشيد، أمانة والي، زهير عبد الكريم

.
.

الجزء الثالث بعنوان <<موعد مع المطر>>

الكاتب: رافي وهبة

إخراج : ناجي طعمي
إنتاج: Real film .. تابعة لشركة اوربت
القناة العارضة : اوربت



بطولة :
فرح بسيسو، نادين خوري، رافي وهبة، عبد الهادي الصباغ، صباح بركات، طلحت حمدي، اندريه سكاف.
.
.

طبعًا هالعمل من أعمال الشركة التي يديرها هيثم حقي لموسم رمضان 2008، هالمشروع لـ هيثم حقي .. وهو يللي بيدير شركة Reel Films productions

[Reemi]

اوربت

[MaTyA]

من الأعمال السورية في رمضان لهذا العام :

~12~

الجزء الثاني من مسلسل الحصرم الشامي ويحمل عنوان
" الحصرم الشامي.. يوميات الدم والنار"

إخراج : سيف الدين سبيعي
إنتاج: Real film .. تابعة لشركة اوربت
القناة العارضة :اوربت



بطولة :
عباس النوري، فارس الحلو، خالد تاجا، قصي خولي، نادين خوري، ضحى الدبس، ناجي جبر، حسن عويتي، رضوان عقيلي، قمر خلف، سوسن ارشيد، نضال سيجري، قيس الشيخ نجيب، نضال نجم، وسواهم...
.
.

في هذا الجزء يتناول الكاتب دمشق بدايات القرن التاسع مستنداً في ذلك على مذكرات الحلاق البديري الذي اعتمد عليه أيضاً في صياغة الجزء الأول.

كما كشف هيثم حقي أن مشروع الحصرم الشامي لن ينتهي عند هذا الحد فهناك جزءٌ ثالث سوف يتناول دخول جيش إبراهيم باشا إلى دمشق ومحاولة التجديد الأولى على حد تعبير حقي أما الجزء الرابع فسوف يتناول دمشق أواسط القرن العشرين ومحاولة التحديث الثانية.

[MaTyA]

كاتب النص الأصلي : Reemi

اوربت

هاد اللي زعجني .. هيك كمان اولاد القيمرية .. على اوربت ..
باعتبار انو انتاج الشركة التابعة لاوربت يللي بيديرها هيثم حقي

[MaTyA]

من الأعمال السورية في رمضان لهذا العام //سيريا نيوز//:

~13~

" صراع على الرمال"

العمل: ملحمة عربية.

تأليف: هاني السعدي

إخراج : حاتم علي
إنتاج: شركة صورة للانتاج الفني
القناة العارضة: تلفزيون دبي

بطولة : صبا مبارك – منى واصف- رنا أبيض – ميرنا شلفون – قمر خلف – فيلدا سمور – أناهيد فياض .

قصّة العمل :
تدور أحداثها في الصحراء, مع مطلع القرن الثامن عشر, وتنسجها مصائر أشخاص مختلفين, يجمعهم الحب, وتفرقهم الحرب, ومابين الالتقاء والفراق, تدور قصص عاشقين وطامعين, أبطال ولصوص, لتكتب قصة على رمال متحركة, يتناقلها الرواة, شعراً لملحمة تحاول أن تتجاوز القصص في سيرتها الأولى, لتطرح أسئلة أكثر شمولاً, حول الحب, والفروسية, والوفاء, والثأر, والخيانة, أسئلة هي جوهر الدراما, في كل زمان ومكان.

.
.

[MaTyA]

صور من مسلسل صراع على الرمال
.
.

حاتم علي مخرج المسلسل



.
.


.
.

صبا مبارك في مشهد من العمل

[MaTyA]

من الأعمال السورية في رمضان لهذا العام//صدى سوريا//:

~14~

" عرب لندن"

نص وإخراج : أنور القوادري

إنتاج: شركة «إيبلا» للإنتاج الفني التي يديرها الفنان عابد فهد
القناة العارضة: روتانا خليجية ( شفتها بإعلان)

بطولة :

من سوريا: واحة الراهب، باسل خياط، قصي خولي، جهاد سعد، فاتن عمري وهي ممثلة سورية مقيمة في لندن.
من مصر: توفيق عبد الحميد ،نيرمين الفقي ،نهال عنبر
من لبنان: سيرين عبد النور
من السعودية: عبد الإله السناني
من الإمارات: إبراهيم الزجالي
كما يشارك في المسلسل ممثلون إنكليز ويونانيون و أوروبيون.


قصّة العمل :
يغادر شاب سوري ( يلعب هذا الدور عابد فهد) إلى لندن بحثاً عن مال يؤهله للزواج من حبيبته وفي اليوم الذي يحصل فيه على الإقامة في لندن تتزوج حبيبته في سوريا.


وصف العمل :
يطرح المسلسل قضايا العرب المهاجرين إلى أوروبا حيث يحمل الجيل الأول معه تقاليد وعادات المجتمع العربي الشرقي فيصطدم هذا الجيل بعلاقات إنسانية مختلفة وثقافة مختلفة، وهذا الأمر يتسبب بشرخ كبير بين الجيل الأول والثاني ثم يتعمق هذا الشرخ مع الجيل الثالث الذي يشعر أنه منتم لهذه القارة وبالتالي يرفض أي اعتراف بهويته الأصلية التي تظل تلاحقه وهنا يحدث هذا التمزق بين انتماء جديد وهوية قديمة كما يعالج العمل قضايا إنسانية عديدة إضافة إلى علاقة العرب بعضهم ببعض في «لندن» عبر شخصيات عديدة ومتنوعة ومتباينة» ، وتفاعل هؤلاء مع قضايا العالم العربي بدءاً من حرب الخليج الثانية مروراً باتفاق أوسلو وما تبع ذلك من أحداث جسيمة مرت على العالم العربي، ويلفت عابد فهد إلى أن هناك مقاربة ولكن بطريقة ليست مباشرة للصدام الثقافي الحاصل بين الشرق والغرب.

[MaTyA]

انا شفت على روتانا خليجية اعلان عن مسلسل عرب لندن.. كان انو عابد فهد بدو يحكي جملة بالعربي..
يقطع فيها كتير باعتبار انو ينسى الكلمة بالعربي .. متل انو :

يا ريت لو... كنت بتكون... الخ...

يعني هالاسلوب .. انو ما يقدر يكمل الجملة للاخير بالعربي لانو ينسى الكلمات

[MaTyA]

+

بدي قول شغلة .. انو الجزء التاني من مسلسل الحصرم الشامي من تأليف فؤاد حميرة ..

بتذكر هوي يللي كتب مسلسل غزلان في غابة الذئاب .

[Reemi]

فؤاد حميره رائع

[MaTyA]

كاتب النص الأصلي : Reemi

فؤاد حميره رائع

بالتمثيل لا .. لكن كـ كاتب اي ..

او يمكن بالتمثيل ما عجبني لانو دورو كان مكروه بمسلسل غزلان ..

[MaTyA]

من الأعمال السورية في رمضان لهذا العام:

~15~

" الحوت"

تأليف : كمال مرة
إخراج : رضوان شاهين
انتاج : عاج

بقية المعلومات ( الممثلين + قصة العمل + القناة العارضة والتوقيت )
بتقدروا تطلعوا عليها من خلال موضوع انكتب بالاخوية :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -