ربما...وداعا..

[Nabilove]

كاتب النص الأصلي : yass

بالنسبة لرد الأخ نبيلوف اللي جدا آلمني صراحة لأنو ما توقعت منو يحكم بهالشكل المتسرّع و الظالم لأنو تعودنا منو الموضوعية رغم الاختلاف بالرأي..... حابب بس احكي شغلة وحدة بخصوص المحسوبيات و العلاقات. أنا مشرف سابق للمنبر و علاقتي جيدة مع زملاءي المشرفين... أنا تنحذفلي ردود و مواضيعي تنقل متلي متل غيري... و لسا ما صارلي شهر آكل مخالفة.... تنتهي بـ 17 الشهر


تحية ليلي تفهمونا, و ليلي ما تفهمونا, وحتى ليلي عملونا ولاد كلب على آخر هالمسا

لا اخي ياس المسالة لا تصل لهذا الحد فالاختلاف لا يفسد للود قضية و كما ان الكلام ليس موجه لك شخصيا بل للاشراف بصفة عامة فبعض المواضيع مخالفة و مثيرة لحفيظة الاخر يتم التغاضي عنها و مواضيع اخرى يتم حذفها بدون سبب. انت تمتلك القدرة على الاعتراف بالغلط و هذه خصلة حميدة و مطلوبة في المشرفين و الاعضاءلكن غيرك لايهتم بالامر يحذف الوضوع دون وجه حق و عندما تسؤله عن السبب يقول مخالف و عندما تساله اين المخالفة بيطنش هذا عن تجربة شخصية. الشفافية تضمن التفاهم.
عموما الكلام جاء كمصارحة و مكاشفة بين الاعضاء و الاشراف حتى تكون العلاقة فيما بيننا صحية و شفافة حتى يرتقي المنتدى اكثر و اكثر.

[باشق مجروح]

لا شئ للتعليق عليه في رد بلاك..
أما ذه لايت
ردك كلو تجريح و مو بمكانو.
اساءة هائلة لا تغتفر للعضوة العزيزة والغالية بيتي فلسطين الي هي بيجوز ما قدرت تفرق بطيبة قلب بين التنبيه والمخالفة
واساءة لا معنى لها لعضو تركنا ونحنا عم نودعو وشوي وشوي رح يتسكر هالموضوع.
وفسحة للتعبير عن رأي الاعضاء بسياسة المشرفين.......
مسخرة منظمة هي هالطريقة بالاقتباس.
كأننا قاعدين بغرفة تحقيق.

- بما انو علاء لساتو عالمسنجر -
حب يحكي كلمة لحتى ما يصير كتير بالموضوع شوشرة
و تنحط النقط عالحروف

اخواااااااااااااااااااااا اااااااااااااااااتي... ذا لايت ..بلاك ...ياس....

اذا عم تحكو عليي انا انااااا قلت انو انا تارك اخوية بس...ومرسيل مالا علاقة ومرسيل انسانة حساسة كتير والها مشاركات وخربشات رائعة وعم تعمل واجبها لا اكتر ولا اقل
وهالحكي للي عم يدافعو عنّي..قبل يلي عم يقاتلوني...
روقو شوي عالمشرفين .. المشرفين بيغلطو وبيتحاسبو هوي اكيد ما بيتحاسبو كتير .. لانو متل ازا ما عجبني موضوع لباشق ما برد عليه ولا بقلو اعور بعينك.. بس يمكن يحاسبو بعضن برايفت او مسنجر... والمشرفين كلياتن هون أوادم وولاد عالم وناس

هدا الموضوع مو موضوع لذم اي واحد من المشرفين وبالاخص مرسيل...

يعني ببساطة هوي توديعة لألي .. لاني حبيت اترك هالمنتدى بس لا اكتر ولا اقل ..

[yass]

كاتب النص الأصلي : Nabilove

لا اخي ياس المسالة لا تصل لهذا الحد فالاختلاف لا يفسد للود قضية و كما ان الكلام ليس موجه لك شخصيا بل للاشراف بصفة عامة فبعض المواضيع مخالفة و مثيرة لحفيظة الاخر يتم التغاضي عنها و مواضيع اخرى يتم حذفها بدون سبب. انت تمتلك القدرة على الاعتراف بالغلط و هذه خصلة حميدة و مطلوبة في المشرفين و الاعضاءلكن غيرك لايهتم بالامر يحذف الوضوع دون وجه حق و عندما تسؤله عن السبب يقول مخالف و عندما تساله اين المخالفة بيطنش هذا عن تجربة شخصية. الشفافية تضمن التفاهم.
عموما الكلام جاء كمصارحة و مكاشفة بين الاعضاء و الاشراف حتى تكون العلاقة فيما بيننا صحية و شفافة حتى يرتقي المنتدى اكثر و اكثر.

حابب منك بس تقرا رد أخي Thelight اللي فيه كل ما يتعلّق بهذه المشكلة و تحكم بنفسك اذا مرسيل غلطت على هالشخص بهالحالة. ما بدي منك تقلي رأيك ابدا, بس بدي منك تقرا التفاصيل و تحط نفسك للحظة واحدة مطرح مرسيل انو شو شعورك و انت عم تتهم بتطفيش هالعضو هاد..

متل ما قلتلك, ما في داعي تقول رأيك بس فكّر فيه.. أنا بيكفيني هالشي

[بنفسجة]

رسالة الى تائه

انت بتعرف
انو نحنا بنحبك
واكيد انت بتحبنا
وبتعرف انك اخدت من قلب كل شخص باخوية قطعة فيا ريت لاتهرب فيها وتتركنا لان رح نضل بلا قطع قلبية
لهيك انت رح ترجع عاجلا ام اجلا
وان واثقة من يلي عم قولو
مش رح ترجع مان شي الا مشان القلوب يلي اخدت انت قطعة منها
قلوب يلي بيحبوك هيك بتقول
واكبر المشاكل بتنحل
وياريت لو سمحتو نبطل تعليق بالموضوع
لان في ناس كتير بتحبو ومابدها ياه يطلع حتى لو كان غلطان
عمرو الغلط ما كان خطيئة تستحق ان نترك من نحب من اجلها

[باشق مجروح]

كاتب النص الأصلي : TheLight

فاتني هالرد علّق عليه بردي السابق....

بس ممكن تعطينا مثال عن استجحاس شي حدا من المشرفين ألكون؟؟

وشكرا سلف...

في خدمة حوار بناء وهادف...ولو أنّي من زمان مقتنع أنو ثقافة الحوار انتحرت...

كنت عم رد على واحد عم يقول بما معناه انو ما بدو حدا يعلمو الاشراف
سو
أنا قلت انو المشرفين معصومين ونحنا جحاش شو بيفهمنا
يعني مو مضطر أعطي أمثلة لأنو ردي مو اتهام بل جملة استنكارية لهالرد:

و بالنسبة للسيدة أو آنسة اللي جاية على ما يبدو يعلمنا اشراف

بعرف عن مين قصدو بس لو كان مع مين ما بدو يحكي مو هاد الاسلوب الصحيح
أنو حوار هادئ بدك ياه هاد وانتي تتقول انو انتحرت ثقافة الحوار

[yass]

و بالنسبة للسيدة أو آنسة اللي جاية على ما يبدو يعلمنا اشراف

هاد الكلام أنا حكيتو ردا على

وبعدين هيي اللي اختارت تكون مشرفة والاشراف مو هالقصة الكبيرة يعني بلا ما نكبر روس بعض

يعني من الظلم انو نشوف بس كلام طرف من الناس و مشاعر طرف من الناس... شو نحنا حجر يعني ما عنا مشاعر صديقي باشق (أنا معتبرك زميل من المميزين لهالشي كتبت صديق, اذا زاعجتك بنشينلها لكلمة صديق مو مشكلة)

[TheLight]

كاتب النص الأصلي : باشق مجروح

لا شئ للتعليق عليه في رد بلاك..
أما ذه لايت
ردك كلو تجريح و مو بمكانو.
اساءة هائلة لا تغتفر للعضوة العزيزة والغالية بيتي فلسطين الي هي بيجوز ما قدرت تفرق بطيبة قلب بين التنبيه والمخالفة

لا تغتفر؟؟؟
بطيبة قلب؟؟
كل اسلوبها وكل ردودها بتقلي طيبة قلب...؟؟؟

مشاعر رفقاتكون بينخاف عليها....
ام مشاعر المشرفين فهي ع الصرماية العتيقة...المشرفين يللي عم يشتغلو طواعية باخوية...

هي هي المسخرة المنظمة...اذذا وجد شي اسمو مسخرة منظمة...

للأسف بالفعل ضيعان الوقت يللي بيضيعو الواحد ليرد ع البعض
انا حواري انتهى هون لأنو للاسف الولد ولد ولو عمر بلد....

[باشق مجروح]

الى ذا لايت..
شكرا الك يا معلمنا
يا أبو الحوار
يا ديمقراطي
أنا اكتشفت انو بدك ناس مفصلة على زوقك لتقبل انك تتحاور معها.
مشان هيك عم تقول انو ثقافة الحوار انتحرت
وبقية الناس عندك ولاد وصعاليك و شو بيوصلهون لمستواك ليناقشوك..
أعوذ بالله شو نحنا بالنسبة الك أصلاَ.


أما ردي على الصديق ياس:

كاتب النص الأصلي : yass

يعني من الظلم انو نشوف بس كلام طرف من الناس و مشاعر طرف من الناس... شو نحنا حجر يعني ما عنا مشاعر صديقي باشق (أنا معتبرك زميل من المميزين لهالشي كتبت صديق, اذا زاعجتك بنشينلها لكلمة صديق مو مشكلة)

أنا بعرف انو انتي رديت على بيتي فلسطين الي كانت عم تحكي عن مارسيل
أنا قصدي هو التالي:
انو المفهوم من حكيك انو مو اي عضو بيقدر يعلم المشرفين الاشراف وهالشي بيدل انو نحنا مو من هالمستوى
رغم اني بحب مارسيل كتير كمان.
وشفت انو قصد بيتي هو ايصال العلاقة بين المشرف والعضو الى الاخوة وشفت بردك التكبر.
مع اني والله بعتبرك كمان صديق وبحبك وبحب ردودك

[Nabilove]

كاتب النص الأصلي : yass

حابب منك بس تقرا رد أخي Thelight اللي فيه كل ما يتعلّق بهذه المشكلة و تحكم بنفسك اذا مرسيل غلطت على هالشخص بهالحالة. ما بدي منك تقلي رأيك ابدا, بس بدي منك تقرا التفاصيل و تحط نفسك للحظة واحدة مطرح مرسيل انو شو شعورك و انت عم تتهم بتطفيش هالعضو هاد..

متل ما قلتلك, ما في داعي تقول رأيك بس فكّر فيه.. أنا بيكفيني هالشي

لو لاحظت ردودي ستجد اني لم اتهم مرسيل باي شيء فهي قامت بعملها مادام الاخ علاء لم يشر الى ان موضعه منقول لكن انا تحدثت بصفة عامة على الاشراف دون تحديد اي شخص , يعني هذا الموضوع كان مناسبة لوضع العلاقة مشرف-عضو تحت المجهر ليس الا .
اما انت اخي ياس تعليقي كان على المشاحنة التي كانت بينك و بين الضوة بيتي و ليس على ادائك كمشرف.
الملفت للنظر ان المشرفين و المشرفين السابقين متحالفين و نفس الشيء بالنسبة للاعضاء اي ان العلاقة بيننا هي افقية و ليس عمودية كل شريحة لها موقف من الشريحة الاخرى و هذا مؤشر على خلل ما
تحياتي

[Nabilove]

كاتب النص الأصلي : TheLight

لا تغتفر؟؟؟
بطيبة قلب؟؟
كل اسلوبها وكل ردودها بتقلي طيبة قلب...؟؟؟

مشاعر رفقاتكون بينخاف عليها....
ام مشاعر المشرفين فهي ع الصرماية العتيقة...المشرفين يللي عم يشتغلو طواعية باخوية...

هي هي المسخرة المنظمة...اذذا وجد شي اسمو مسخرة منظمة...

للأسف بالفعل ضيعان الوقت يللي بيضيعو الواحد ليرد ع البعض
انا حواري انتهى هون لأنو للاسف الولد ولد ولو عمر بلد....

باي حق تنتقص من قيمة عضو؟؟ نعيب على الانظمة العربية ظلمها و طغيانها و ترفعها عن شعوبها لكن عندما نتولى سلطة و ان كانت رمزية نقوم بما يقومون به.
يا اخي لا تمن علينا بان الاشراف طواعية و بدون مقابل مادي و ما الى ذلك, فالمسؤولية مسؤولية سواء اكانت بمقابل او بغير مقابل(لا اتحدث عن مارسيل لكن عن الاشراف بصفة عامة) و من حق شعب المنتدى الذي هو الاعضاء ان يعلق على اداء مسيريه و ان يكون النقاش مفتوحا دائما اما اذا بقيت في برجك العاجي و نظرت الى العضو على انه شيء تافه فحين ذاك تتحول العلاقة لصراع عوض ان تكون مبنية على التفاهم

[yass]

أنا ماني فهمان ليش يا باشق عم تعطي لنفسك الحق انو تحوّل الامر الى شخصي و عم تمنع او تحرّم هالأمر علينا... يعني انت عم تقول انو أنك شفت بردي متكبّر, مستغرب فعلا

أول شي اسمحلي قلك على اعتبار عم نحكي على بساط أحمدي (أحلى انواع الكلام عندي بصراحة) انو ردودك على ذالايت ظالمة بل و ظالمة جدا.... هاد رأي أخي تعا نحكي آراء. انت زعلك على رفيقك ما خلاك تشوف الغلط تبعو... يا أخي طيب غلطو واضح وهو بيعرف انو غلطان, ليش لكل هالمسرحية, و تركة المنتدى ليش؟؟؟ يعني أنا صارلي بالمنتدى من فتح تقريبا, و الشهر الماضي أكلت مخالفة من زميلنا كهربجي اللي لما هو فات عالمنتدى أنا كنت متقاعد من الاشراف... أي مزبوط انزعجت بس اترك المنتدى؟؟؟ شقفة مخالفة, و اساسا ما مبينة للاعضاء يعني اذا ما بتحكي فيها ما حدا بيعرف, شو المشكلة؟ بيعرف حالو غلطان.....وين المشكلة؟؟


ذالايت مجرد عمل سرد لوقائع موجودة أمامنا جميعا, يعني معليش أنا متفهّم انو الاخ صديقك و متألم على تركو للمنتدى ( و على فكرة تركو للمنتدى تم بارادتو, ما حدا جبرو, يعني لو كل اللي بياكلو مخالفات بيتركو المنتدى كان كلنا تركنا و أنا أولهون) بس يا ترى الألم هاد بيمنعك تقدّر انو أنا أو ذا لايت أو بلاك كمان نحب مرسيل و ما بدنا تنمس بسوء و خاصة لما ما تستحق هالسوء متل هالحالة؟


هلأ برجع على قضية التكبّر, صديقي انت مركّز على ردي هاد:

و بالنسبة للسيدة أو آنسة اللي جاية على ما يبدو يعلمنا اشراف

اللي سبق و قلتلك انو كان ردا على

وبعدين هيي اللي اختارت تكون مشرفة والاشراف مو هالقصة الكبيرة يعني بلا ما نكبر روس بعض

طيب أنا عندي تعليق على هالشغلة: يعني اذا هيي مشرفة لازم تتحمّل اهانات؟؟؟ أو لازم تتحمّل اتهامات باطلة؟؟ أنا بعرف انو سياسيي الدول الغربية في برواتبهون قسم من المال تعويض عن الجانب الشخصي من الاهانات, و في اهانات ما بيسكتو عليها متل الاتهام الغير مثبت بالفساد.... نحنا لا راتب عنا و لا شي, بالعكس جهد و مال الله وكيلك بيكلفنا, و أكيد مرسيل بقد أغلبنا مجتمعين (كمشرفين) تشتغل و تتعب و الجهد واضح بأقسامها... و بعرف لأنو مريت بمرحلة شبيهة سابقا كمشرف انو هاد عمل تطوعي, بيعملو الواحد لأنو بدو يفيد, الاشراف مو منصب و لا جاه و لا سيارة, الاشراف مجهود مضاف يقوم فيه ناس متطوعين, و لما تكون متطوع غالبا تعرف انو ما حدا راح يشكرك ( و بصراحة هو الشكر حلو و لو مو منتظرو) و ما بدنا انو العالم تشكر المشرفين... بس انو اساءة هيك متل اتهام باطل الله وكيلك مؤلمة, يعني اللي بدو يزت حكي ع مرسيل بس بدي ياه يفكر بالكتاب اللي نزلو من المكتبة من وصلة خارجية قديه قعدت مرسيل تنقل كتب على وصلات خارجية كرمال مشكلة المرفقات, و على سرعة النت بسوريا قديه اخد معها وقت و جهد نقل كل هالكتب.... اخي لا تشكر... بس انو كمان لا تتهم باطل..

برجع على ردود بيتي... انا لما رديت ردي اللي زعجك كانت هي رادة ما يلي

روح عنا ياه كلك مشرف ما تفكر حالك شي وزير وبتخوفنا
وانت اللي بتكزب ما بسمحلك حط لحكيك حدود احسنلك

هاد كان رد بعد مرتين تأكيد انو مو مخالفة انما تنويه, و حابب تنسى غضب و تقلي انو اذا ما فيو اساءة هالرد, انا ما غلطت عليها.... عم قلها انو عم تفتري لأنو ما أكلت مخالفة و الاثبات سهل و جابو ذالايت... و انا حابب أعرف بشو

وانت اللي بتكزب

لأنو هاي الكلمة بدون اثبات اهانة كبرى بحقي, و لأ ماني مجبور استحملها و اسكت لأني مشرف... لا و براس امي


غير هيك أنا معتبر انو عدا كذَاب نعتتني بالغبي لما قالت

يييييييييي باينتو فهمك بطيء عيني لك

و كمان فيك تعتبر ردي رد على قولها

وعلى شو هيي بتعطي خلق الله تنويهات وهالتخابيص اه كل راس ابوها تنئلو للموضوع
او تحكيلي ما تحطي هاد هون ولا الشغلة بس تنويهات وهالقصص وانت كمان اطلع من الموضوع احسن

هاي مو دروس اشراف اخي باشق؟؟ و بتقلي متكبّر أنا؟


لما للمرة الثالثة أصريت انو هي مو آخدة مخالفة انما تنويه و قلتلها معليش جل من لا يخطئ اعترفي بغلطك و اعتذري ردت

هههههههههه ضحكتني عمو ما بعتزر انا منيييييييح ما بعتزر وما رح اعتزر وما بدي رد عليك
زهئتني

شو يعني الاعتذار بس واجب عالمشرفين يا شباب؟؟؟


عموما أنا ما عندي مشكلة اني اعتذر عن جملتي اذا كتير معتبرها مزعجة بعد كل هالحكي مو مشكلة... بشرط انو كل من اساء لمشرف بدون وجه حق يعتذر, و اللي عندو شكوى يحطها بالبريد لأنو هنيك مكانها. ما عندي أي مشكلة أبدا اني اعتذر, و كلامي هلأ بهاللحظة ماني معتبرو خاطئ بنوب, بس اذا تم سحب الاساءات و الاعتذار عنها أنا أول المعتذرين و بدون أي مشكلة...


كختام لهالرد بس حابب قول انو المشرفين قبل ما يكونو مشرفين هنن أعضاء, و عندهم نفس مشاكل الاعضاء و عليهم أضعاف مضاعفة من الالتزامات ( مو منية أبدا... بس تذكير) و في من اللي بهالموضوع عاجلا أم آجلا كمان راح يصيرو مشرفين (اذا حبو) و بتمنى بس يصيرو مشرفين و يعودو ما يلحقو رسائل خاصة و تبليغات يتذكرونا... بس هيك



راح وقّف كلام لأنو رغم انو في كلام كتير تاني أعتقد انو هالحكي كافي لشرح موقفنا كمشرفين (هو ماني ناطق باسمهون... بس انو)


آسف جدا للاطالة

[sweetbaby]

من بعد رد ياس مالي حكي طبعا....
ومافيني قول غير بس اقرو الحكي مزبوط وافهمو

[butterfly]

مرحبا .. أخواتي ..

المخالفة :
نقلت " عشر مواضيع ل تائه في النور " .. كلها مخالفة لهالأسباب :
1. منقولة فمكانا مانو قسم الخواطر : بيحق للي عم يكتبو انو ما تضيع كتاباتن بالزحمة لأنو في اشخاص عم ينقلو مواضيع بكثرة ... وبيحق للي عم يقرا ويمدح انو يمدح العضو على شي عاملو وألا منكون عم نخدع بعض . والقسم رح ينحرف عن مسارو إذا تعبى منقولات ..
2. منقولة دون التصريح أنها منقولة : وهادا الشي فيه عدم احترام للشخص اللي كاتب الخاطرة وفيه عدم امانة ادبية ..

الردود اللي صارت :
ما في داعي كان لكل هالخناقة .. ما كان في داعي علاء يترك ..
في حدة اكتر من اللازم بالتعاطي مع القصص
روووووووووووقووووووووو ..

وبعدين هيي اللي اختارت تكون مشرفة والاشراف مو هالقصة الكبيرة يعني بلا ما نكبر روس بعض

و

وعلى شو هيي بتعطي خلق الله تنويهات وهالتخابيص اه كل راس ابوها تنئلو للموضوع

كيف بدي ناقش ؟ بهالطريقة ؟؟؟
هادا تهجم وخناق مانو نقاش وماني مضطرة لا اليوم ولا بكرة اني ناقش إذا وتيرة الصوت أعلى مما بيناسبني
او الاسلوب تهجمي ...
لهيك اللي عم يدافع عن حق بيتي بالتعبير ... بقلو انو هية انتقصتو وقت انتقل حقا بالتعبير للتهجم .. ما للحوار

العلاقة بين المشرفين والاعضاء :
من وين عم نجيب المشرفين ؟ من المريخ ؟ ما هني كانو اعضاء ولا زالو اعضاء .. لا زالو بيقرو وبيشوفو وبيستمتعو وبيشاركو ..
معن صلاحيات لتسيير العمل بأخوية .. لا اكتر ولا اقل ..
بدكن تناقشو سير العمل بأخوية .. ناقشو بموضوعية .. بس حكي عام وبدون روابط وديكتاتورية وبيروقراطية ومابعرف شو .. من دون ما توضحولنا او توضحو للأعضاء شو الخطأ اللي عم يصير بدقة
( يعني ما تقلي في ديكتاتورية وفي انحياز وفي ... وفي .. ) وين في ؟ ومع مين ؟ وشو صاير ؟
واكيد ما فيك تناقش سير عمل المشرفين بموضوع وداع لشخص .. يمكن المشرفين ما يقروه حتى

[باشق مجروح]

ياس كلامك منطقي ومزبوط زعلنا على علاء كبير بس يعني بحس حالي مقيد ومأسور بمواضيع المنتدى الا مواضيع الهبل والمسابقات.
يعني رح حط شوية أمثلة مشان ما تقول شو هاد عم يخبص:
في موضوع عن الحجاب أنا حطيتو ويمكن انت بتتزكرو وحزفو كهربجي واليوم حط هو موضوع عن انو هو السبب بأزمات سورية من لما نولد رغم اني مو ضد بس شو دخل هالشي بمنبر أخوية الحر رغم انو قصدو هاد غير مباشر بس مو هاد المكان المناسب ورغم هالشي أنا رديت وحطيت رد بالموضوع.
كمان شغلة: في موضوع حطو سامان عن رأي الانسانية بالامام الحسين و رغم تهجم أحد الأعضاء وردينا عليه بكل هدوء تم حزف الموضوع.
كمان شغلة: منلاقي مخالفات كتير بالمنتدى بتننسا وبيطنش عنها رغم اننا منكون منبهين لنفس السبب و ما منخبر عنها لأنو مو اسلوب حلو برأيي.
غبر حزف بعض الردود واغفال بعضها ليحس الواحد حالو مسجون وما بيقدر يتنفس....
وأنا مع مارسيل لأني بحب هالبنت مدري ليش..
على كلن أنا ضد الاسائة للمشرفين وما بشوف ردي على ذا لايت طالم وازا بدك اقرأ آخر شي كتبو...

[yass]

طيب يا باشق أوكي معليش انت عندك هالملاحظات عن الاشراف, على عيني و راسي... ليش ما شفتلك موضوع بالبريد حول هالموضوع؟ يعني وجد هالقسم كلو منشان هيك أمور... يعني ليش مخبينها بقلوبكون يا عيني؟؟

و مشان ذالايت... معليش باشق اسمحلي, الزلمة بأول رد ما حكى شي برا الطريق... شرح شو صار و مزعوج متل ما انت كنت مزعوج, يعني اذا كلامو زعجك أكيد بتوافقني انو كمان كلامك و كلام الاخ نبيلوف بشكل خاص آلمني, يا أخي المشاعر بالطرفين موجودة, و ردو الاخير كمان كان على ردك اللي حطيتو انت, و لا بدي اقتبس و لا بدي جيب وودي ... ما بدي افتح جبهة جديدة الله وكيلك تعبت, بدي اخلص هالقصة البشعة و ارجع عالمنبر....

أنا اليوم حكيت كتير....بيكفي على ما أظن. و بتمنى انو بكرا او بعدو الموضوع هاد ينحذف بطلب من صديقك علاء لأنو يكون رجع عالأخوية و انتفت الحاجة لهالموضوع..

بالنهاية كلنا أعضاء بمنتدى اسمو أخوية .... يعني اسم المنتدى بيكفي

[التقرير الجوال]

سلاماً للأطراف المتناظره او بالأحرى المتخالفه.


في عندي كلمتين بدي احكيهن.....
أنا بآمن بوجود أعضاء جادين بأخويه" من دون ذكر أسماء"
تائه في النور...... بغض النظر عن تقييم المشكله, أقول لك: اذا كنت مقتنع بأفكارك فاستخدم أسلحه " الفكر, القلم" و توجه لبريد المنتدى.! أما ما فعلته فهو طريقه "مع احترامي لشخصك" إنهزاميه.
لا تستطيع ابداء أو فرض "رأي" ممكن لاسباب عدة.!
و لكن تستطيع أن تسمع صوتك...و تجذب الاصوات التي سوف تكون بين مؤيد و معارض.
ان لم يكن لك ما صبوت إليه فابتسم و حول هزيمتط الى محبه.
المخالفه شيئ طبيعي و متوقع عندما تحيد خارج مسار المألوف من قوانين هذا المنتدى, هي ليست لتقييم شخصك أو المحاوله للنيل منه... فأنت أكثر العارفين بقدراتك و مراكز انطلاقاتك .
أيرضيك أن نقول هي مجرد وسيله للتعامل مع الحدث الغير مألوق في هذا المنتدى

بالمناسبه ان كان لك أحباء و قرّاء وأناس ممن تقرأ لهم....فيجب عليك العوده حاملاً ورده بيضاء لمن تظن بأنه ظلمك
و لا تنسى الابتسامه فهي دواءٌ لكل داء.

[sandra]

المشرفين متلنا متلون ومافي انسان معصوم عن الخطأ
وأوقات رأي المشرف الشخصي بيلعب دور سلبي بالحكم عالأمور والمشاركات
بس من عندي بوجهلون تحية لأن عم يتعبو معنا وعم يعطو من وقتون مشاننا

بالنسبة لخلاف اليوم وتهجم الأعضاء عالمشرفين بالقصص اللي صارت كان ما معون حق أبداً حسب ما شفت
لأن المشرفة عملت وفق القوانين وماكان في داعي ليصير اللي صار ولفتح قصص تانية ويشتغل التبلي وتأليف اتهامات .
والموضوع من اساسو بصراحة مالو معنى ومو مستاهل
بس هلا لازم نفتح صفحة جديدة
لأن مالازم تبقى هيك العلاقات متوترة بين المشرفين والاعضاء

[yass]

سلاماً للأطراف المتناظره او بالأحرى المتخالفه.

في عندي كلمتين بدي احكيهن.....
أنا بآمن بوجود أعضاء جادين بأخويه" من دون ذكر أسماء"
تائه في النور...... بغض النظر عن تقييم المشكله, أقول لك: اذا كنت مقتنع بأفكارك فاستخدم أسلحه " الفكر, القلم" و توجه لبريد المنتدى.! أما ما فعلته فهو طريقه "مع احترامي لشخصك" إنهزاميه.
لا تستطيع ابداء أو فرض "رأي" ممكن لاسباب عدة.!
و لكن تستطيع أن تسمع صوتك...و تجذب الاصوات التي سوف تكون بين مؤيد و معارض.
ان لم يكن لك ما صبوت إليه فابتسم و حول هزيمتط الى محبه.
المخالفه شيئ طبيعي و متوقع عندما تحيد خارج مسار المألوف من قوانين هذا المنتدى, هي ليست لتقييم شخصك أو المحاوله للنيل منه... فأنت أكثر العارفين بقدراتك و مراكز انطلاقاتك .
أيرضيك أن نقول هي مجرد وسيله للتعامل مع الحدث الغير مألوق في هذا المنتدى

بالمناسبه ان كان لك أحباء و قرّاء وأناس ممن تقرأ لهم....فيجب عليك العوده حاملاً ورده بيضاء لمن تظن بأنه ظلمك
و لا تنسى الابتسامه فهي دواءٌ لكل داء.

ياشباب الزميل هاد مو مشرف ها

بدي ركز على جملة حبيتها

المخالفه شيئ طبيعي و متوقع عندما تحيد خارج مسار المألوف من قوانين هذا المنتدى, هي ليست لتقييم شخصك أو المحاوله للنيل منه...

جملة ممتازة و أحيي صاحبها