|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
07/12/2005
|
#38 | ||||||
|
عضو
-- زعيـــــــم --
|
اخ ديدات واخواني الافاضل انتم بهذا قد ترفعتم عن تفاهات هذا القسم وحاولوا استغلال فكركم الراقي ومواهبكم العظيمة في المواقع الاكثر نفعا..........
اريد التوضيح اني سجلت في عشرات المنتديات الخليجية و اللبنانية و الاجنبية والمصرية و في الاغلبية كان هناك اقسام كحوار الاديان لكن الفرق بين القسم هنا وهناك شاسع هناك تجدهم يتحاورون بادب و احترام للراي الاخر و بتلاقي اولاد البلد الوحدة بيحبو بعض متل الاخوة اما نحنا السوريين كالعادة ناشرين غسيلنا الوسخ و اي مشاركة وقحة كانت تحذف بدون عنصرية بهديك المنتديات و لما شفت مندى سوري حبيت سجل فيه لاني مغترب عن سوريا ومشتاقيتلها بس لما شفت هالمنتدى و مستواه والاشراف فيه!!!!!!!!!!!!!!!!!!!!!1انصدمت و الله سجلت بمنتديات مختلفة وما راح اذكر اسما ء حتى ما يتهموني اني عمروج لمنتديات اخرى بس هديك المنتديات كانت راقية وعمستوى ............الا هالمنتدى كل شي فيه متردي مع انه اعضاؤه عندهن مواهب عظيمة ..........بس المشكلة انعدام المحبة و الديمقلراطية في التحاور......................... و الله يصلح الاحوال
i am your angel
آخر تعديل السورية المشتاقة يوم 07/12/2005 في 22:48. |
||||||
|
07/12/2005
|
#39 | ||||||
|
عضو
-- زعيـــــــم --
|
يا اخواني المسلمين....................يا اخواني المسيحيين
ما بيصير تنقلب الشغلة لقتال كاننا اعداء نحنا عرب و هي حمل غربية علينا لتفكيك العرب(على اساس هنه كتير موحدين) لازم نكون واعيين للحملات الغربية اذا الاخوة و اولاد البلد الوحدة هيك عميعملوا ببعض فاذن لانلوم اعدائنا شو ما عملوا فينا في متل مصري بيقول :انا واخوي على ابن عمي وانا وابن عمي على الغريب يعني هيك رح تنتشر الاحقاد مو بس بين اعضاء المنتدى المسلمين والمسيحيين لا رح تنتشر الاحقاد بكل البلد اذا ضلينا هيك...........خلص فرطوها حبية انتو ولاد سورية وولاد العرب ما بيصير تعملوا هيك كل واحد يحترم التاني وخلص  و اذا لساتكن زعلانين من شغلات قديمة انسوها........ديانتنا مع اختلافها في شي مشترك بينها سواء الاسلام او المسيحية و لازم ندور عالشي المشترك بينها ونناقشه مشان نزداد قرب من بعض و نزداد حب لبعض ........و هالاشيا ء المشتركة بين الاسلام والمسيحيين الاخلاق التي دعت اليها الديانتين \التسامح\الصدق\المحبة... اما اذا ضلينا عمنسب ونشتم و نلعن ببعض فيا مسلم و يا مسيحي ماراح ينوبك الا تطاول على ديانتك اكتر واكتر وهي قصة ما بتخلص...........  و هيك منضل بالقاع و منضل غرقانين اما اذل تحاورنا منرتقي ومنعلا ومنصون كرامة ديانتنا من السب.لانه لما حدا من اي دين عميسب الدين الاخر عمتنردله المسبة مضاعفة عشرات المرات........... و المسبات كتيرة وما بتخلص.............لهيك فضوها ...والله يوفقكن |
||||||
|
07/12/2005
|
#40 | ||||||||
|
مشرف متقاعد
|
انو الموضوع انتسى وانت رجعتي فتحتيه ليش؟؟
بس في عندي تعليق بسيط اقتباس:
اقتباس:
يمكن منتدى اخوية هوي المنتدى الوحيد اللي ما بتفرق فيه شو جنسيتك او شو دينك هوي الوحيد اللي فيه ديمقراطية بالتعامل واكتر المنتديات فيه محبة انا لما سجلت بمنتدى اخوية تركت كلشي منتديات مسجل فيها مع انو كنت عضو الي قيمتي فيها لان المنتديات كلهون ولو حطهون سوا ما بيوصلو لمستوى اخوية مع العلم انو المنتديات هيي منتديات معروفة كتير للعلم انو بواحد من هالمنتديات على عيد الميلاد هديك السنة حطيت موضوع معايدة بعيد الميلاد ضل يومين ما حدا من الاعضاء رد عليه وبعدين انحذف لسى كتير وكتير انا بقلك اي مشكلة المنتدى الوحيدة هيي الاشراف بس انا بتحدى حدا يجيب منتدى ادارتو بتشتغل قد ادارة هالمنتدى قلتلك شايف منتديات كتير ومسجل بمنتديات كتير بس متل اخوية ما لقيت لا تفهمي من حكيي اني عم هاجمك بس هاد رأيي باخوية |
||||||||
|
08/12/2005
|
#42 | ||||||
|
عضو
-- مستشــــــــــار --
  |
طبعا قديم اكتير وانا مستغرب ليش نكشو...
وانا مع ويلي بكل حرف الو...
one day love asked friendship ..why r u in this life if am in it?friendship answered:to put laugh again instead of tears u have caused ....
jesus i trust u... |
||||||
ااااااااااااااااااااااااه|
08/12/2005
|
#44 | ||||||
|
القــــــــــــــــــائم
|
انا ما قريت الصفحات الخمس للموضوع هذا _لديق الوقت فأستسمحكم ان لم اوفي بردي المداخلات الي لم أقرأها_
عموما بودي التعليق على شيئ واحد ووحيد الا وهو موضوع الحزف بحيث اتكرر هذا كتير الكل يفخر و يتطاوس بالمنتديات الأخرى والمواقع الأخرى التي اي اسائة بها تحزف بلحظتها و اي عضو مسيئ يتم شطبه وايقافه الخ الخ الخ .. *بغد النظر عن احترامي لتلك المواقع _فأنا بالغالب لا احترم اي موقع يقوم بهذا العمل_ بدي احكي كلمتين احنا كإدارة او اشراف احب على قلبنا حزف اي موضوع فيه 1% اسائة متوقعة وحزف اي عضو لمجرد انشك انو يابا حيعمل مشاغبة ويوجعلنا راصنا _احب على قلبنا هنا تأتي بمعنى الأسهل لنا وليس من باب ان هذا خيارنا ورأينا ابدا_ لكن انطلاقا من احترامنا لإنسانية كل فرد (كإنسان بشري بما تحمل الكلمة في طياتها من سلبيات وايجابيات) ما منحزف الأعضاء ولا منوقف الأعضاء بسبب اسائات ضمن حدود معينة يا جماعة العضو الي ما بتشوف منو غير كلشي منيح هذا عضو ممثل كذاب غشاش !!!!!!!!!!!!!! يا جماعة العيلة الواحدة .. الأخوة بين بعض ... الأب وابنو .. لك مصارين البطن بتتقاتل!! .. هيك طبع البشر فيهم ايجابيات وفيهم سلبيات .. والي ما منشوف غير ايجابياتو ما بيعني بنووووووووووب انو بني آدم محترم ومنيح .. بل بيعني انو ممثل قدير و كذاب ومنافق كبير!! .. واحنا منتعامل انطلاقا من هذا ليس اكثر.. وعليه لمن واحد يحط مسبة مثلا .. او اسائة مثلا.. او ايتها كلمة او فكرة برات الطريق مثلا.. ما منحزف العضو ولا منحزف الموضوع ... لانو اخوية ليست يوتوبيا افلاطون .. ولا كانت ولا رح بتكون اخوية مرآة لحياتنا الإجتماعية على الأرض .. واحنا ببيتنا منعيط ومنصرخ.. مع رفقاتنا واحب الأشخاص النا منعصب و منتصرف تصرفات برات الطريق أوقات .. الخ ! واطلاقا وقطعيا احنا ما منتعامل مع الأعضاء هنا وتصرفاتهم في تقييمهم بمعنى .. اذا دخل عضو وحط مسبة ما منقول هذا عضو وسخ وانما هذا عضو ما قادر يضبط نفسو اذا دخل عضو وحط صورة اباحية ما منقول هذا عضو سيئ وانما هذا عضو مسيئ (سواء نتيجة مشاكل المجتمع الكبتية الي عايشين فيه او لان هو نفسه حابب يسيئ ) _ وهيك على هال المنوال .. عم تفهمو قصدي ؟؟ برجع وبلقى الضوء على نقطة منشان ما تنفهم غلط معيار الحزف (للموضوع او العضو ) بأخوية يتوقف على انتهاك هذا العضو لحريات الأخرين .. لمن عضو يسيئ فهم معنى الحرية و يتعدى بيه على حريات الأخرين منبتدى نتعامل معه من هال الباب وبس .. -- طيب ضمن نفس الموضوع بحكي عن الديمقراطية واضح الى حد بعيد جرعة الديمقراطية و جرعة الحرياة المتاحة بالموقع (وهون بنوه لنقطة احنا ما عم نعطي الأفراد حريتهم فهذا حق الأفراد وانما احنا عم نمتنع عن سلب هذا الحق من الأفراد _كما يفعلو بمواقع اخرى_ سواء على النت او غيرو) برجع بوضح هاي النقطة الحرية هي حق والحقوق من موقعنا هي شيئ يؤخذ ولا يمنح .. بمعنى احنا كإدارة او الحكومة مثلا او اي سلطة ليست هي من يمنح الحرية للأفراد كهبة او كمكرمة ... الحرية هي حق الفرد و السلطات عليها حماية الحق والإمتناع عن انتهاكه الي بيصير بالمجتمعات ان بيقلك مثلا الحرية بأميركا احسن من الحرية بسوريا هون الي عم بيصير انو الحكومة الأميركية تمنتع عن انتهاك حريات الأفراد بقدر اكبر من امتناع الحكومة السورية وليس ان الحكومة الأميركية عم تعطي الأفراد حرية اكبر من ما تعطيه الحكومة السورية بمعنى ان الحرية هي حق من حقوق كل بني آدم وبأي محل بالدنيا بس السلطات هي بتقود هذا الحق او ما بتقودو *فضلا قرائة العبارتين السابقتين بتأني لأن فيهم لب الفكرة احنا هون ما منقوض الحريات فقط (منشان ما تفهمو انو يابا احنا عاطينكم مكرمة وهبة مننا انو عم نعطيكم حريتكم .. احنا ان كان لنا فضل _كسلطة هنا_ هو اننا لا نقوم بتقويض حريتكم فقط فقط فقط) بباقي المواقع (او للتخصيص بالمواقع الي عم تحكو انو بيحزفو فيها المسئين والمواقع ماشية متل الساعة و مابتلاقي عضو مسيئ ) ما عم يعملو اكتر من انتهاك حريات الأفراد وسلبهم اياها لمن ادخل على اتخنها موقع وحط اسائة ويحزفوني ... فالموقع هذا وصرمايتي بنفس الخانة .. هني قيموني كشخص من اسائة واحدة وحزفوني وانتهكو حريتي وحقي بالكلام والكتابة و و و و و .. !!! هني شو بيعرفو عني .. هني شو شافو مني غير هال الإسائة .. الخ الخ عم تفهمو شو قصدي ؟؟؟؟ عم تفهمو انو الموقع الي بيحزف الأعضاء على ضوء اسائة واحدة او على ضوء مشاغبة واحدة او او او .. هني مواقع الأشباح و القوارير المفرغة؟؟؟؟؟؟؟ هاي المواقع الي فيها مش بشر متلنا ... بإيجابياتهم وسلبياتهم و بشريتهم وآدميتهم .. الي فيها هني شلة اكروباتات عم يرقصو على فرد رجل ....................... الي فيها هني شلة روبوتات ما بيعرفو غير يزقفو و يهللو و يظلغطو .. ما بيعرفو غير يقولو .. مشاركة رائعة (واساسا الي كاتب المشاركة ما بيعرف عن شو المشاركة والي قراها ما قراها ...) يسلم ايديك على هال المشاركة الرهيبة (وايديه بتكون بدها كسر على هال المقالة المجوفة) ما بيعرفو غير يطرشقو قلوب وورود يمين وشمال وهني لو شافو وردة حقيقية بشي جنينة بيدوسوها بدون ما يهتز رباط السباط تبعون (شفلي على هالبلاغة) يا سيدي ما علينا .. اخر شي ضل وضح ان في شعرة بين الفوضى والديمقراطية .. بين العبثية والحرية.. واحنا بنحاول دوم نحافظ على هال الشعرة قائمة.. ببعض المرات منفشل .. (اعترف اننا بشر ) لكن هذا جزء من الإصطفاء الطبيعي.. جزء من داروينية النت والمواقع .. مع الوقت الأعضاء الي بيحبو المواقع الي ماشية ع الساعة الي بيحزفو العضو والمشاركة والما بعرف شو بحجة النظام .. هذول الأعضاء مع الوقت ما رح يلاقو الوضع هون مواتيهم ورح يتركو الموقع ، و بيضل بالموقع الناس الي عرفاني شو عم نحكي احنا وعرفاني انو المواقع او اخوية هوي مرآة حقيقية للواقع.. وعرفاني انو الديمقراطية و الحرية جزء من بشريتنا .. وجزء من انسانيتنا..
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !
|
||||||
|
08/12/2005
|
#45 | |||||||
|
عضو
-- زعيـــــــم --
|
اقتباس:
alkalam yally kolto mo nazareia eza kalamk sa7 ma3naha mafy ensan mnee7?
بتمنى كل صاروخ يتحول لقطعة خبز تطعمي كل جوعان بهالعالم .... كل دبابة تتحول للعبة يلعبو فيها الأطفال
من أقوال ( مجود ). |
|||||||
|
08/12/2005
|
#46 | |||||||
|
عضو
-- زعيـــــــم --
|
اقتباس:
عمبيجرح بالدينين و ما حدا مننا بيرضا عدينه!!!!!!!!!!!!! بعدين انا نكشته لهالموضوع حتى افهم شو صاير بقسم حوار الاديان قبل ما سجل بالمنتدى لانه الردود اللي كانت على موضوعي اللي انت حطيت فيه ردود كانت عمتحكي عن شغلات انا ما فهمتها متل الانسحاب والحسيني وكتير شغلات فمو معقول ضلني متل الاطرش بالزفة مو فهمانة الردود اللي بموضوعي!!!!!!!!!!!!!يعدين هل كان لازم استاذن قبل المشاركة بالمواضيع ولا كل واحد بيحط قوانين عغيره!!!! انا ماني قاصدتك لكني قاصده كل اللي انتقدوني بكلمة "الموضوع قديم" .................................................. .................................................. ........................ و بحب قلك انو انت الك كل الحرية برايك بالمنتدى وانا ما دخلني فيك بس اكبر دليل انو المنتدى مو عمستوى : و ضع المشرفين لقسم متل حوار الاديان مع عدم معرفتهن بالابعاد اللي ممكن يسببها عدم حذف قسم حوار الاديان رغم التطاولات و بحب حط تنويه:اذا كانوا حابين يخلوا هالقسم فيسمو (صراع الاديان)متل ما قلي احد الاخوة سابقا بعدين المشرفين كيف بيخلو هيك قسم شغال رغم انه عميعمل احزاب دينينة بالمنتدى واحقاد بين الاعضاء اخوية منتدى حلو بجميع اقسامة .........و برقي اعضاؤه...لكن قسم صراع الاديان خرب صورته .................................................. .................................................. ........................ يعني ردودي عهالموضوع كانت متسامحة ونزيهة عكس الردود اللي فيها سب و تحدي ومع هيك كان هاد راي الاعضاء فيني للاسف!!!!!!!!!!! "عمتنكش مواضيع قديمة"  رغم اني حاولت الاصلاح ..........بس الظاهر ما في مجال........... و شكرا لقبولي بينكن بهالطريقة  وشكر خاص الك اخ wilii وانا ما اعتبرت هالشي هجوم  |
|||||||
|
08/12/2005
|
#47 | ||||||
|
عضو
-- زعيـــــــم --
|
اخ dr hus اذا كنت درعاوي انا بحييك
 تانيا اذا بتسمي التعدي على الاديان والتجريح بالاخرين "حرية" فانت غلطان و ياريت تعيد حساباتك ............لانه الحرية انك تاخد راحتك بالكلام دون التعدي على الاخرين ........ وجرح مشاعرهم باسلوب تهكم كبعض الاعضاء بذاك القسم .......... وشكرا الك |
||||||
|
08/12/2005
|
#48 | |||||||
|
القــــــــــــــــــائم
|
انا ماني درعاوي ! اش معنى درعاوي؟؟
اقتباس:
انا ماني غلطان .. _ولا انت غلطاني_ بوضح بمثال: انا رفيقتي بتلبس تنورة قصيرة .. في ناس بيعتبرو التنورة القصيرة تعدي على حرية الآخرين (وهي شريحة كبيرة من الإسلاميين منشان انكون واضحين ومباشرين بحديثنا ..) انا و صاحبة التنورة منعتبر هذا حرية فردية شخصية مطلقة وكاملة .. احنا مننظر من نيح ان الي بيحس حالو مخلوع (من الداخل) ومضعضع (من جوا) ومشرزم(بالنفس) ما يتطلع ما حدى ضاربو على ايدو والتانيين بيعتبرو انو كيف بدك ياني شوف تنورة وما اطلع ؟؟ واذا اتطلعت بدي اشتهي؟؟ واذا اشتهيت بدي ازني بالفكر او بالنظر او حتى بالفعل؟؟ هذا خلاف كبير مانو ثانوي ابدا.. ابدا .. هذا الحرية من مفهومين .. وكل بيقيس على نفسه.. مثال 2: تعي نتخيل انو في قناة اباحية عربية فتحت ؟؟ بتقوم الدنيا وما بتقعد.. بيجوز كتير -وبشكل جدي عم بحكي- ينطرح هيك موضوع بجامعة الدول العربية مثلا.. بالوقت الي في كذا ميت قناة اباحية اجنباوية على الديش! طيب هلق العربان شايفين انو يابا لو فتحت قناة اباحية عربية بالتالي رح يتفسدو الشبيبة العربية الملائكية .. بس هذا الحكي ملغوم ومدسوس وحقو فرنغين وهوي وكعب كندرتك بفرد خانة.. لانو القنواة الإباحية موجودة موجودة .. والي بدو يشوفها بيقلب عليها وبيشوفها !! والي ما بدو يشوفها ما حدى رح يجيبو يربطو بالكرسي ويقلو يابا غصب عنك بك اتشوفها؟؟؟؟؟؟ اخيرا انا اذا بدي سب الدين المسيحي (وهون بتحفظ على كلمة مسبة واسائة لان فكرة ان كل شيئ متاح على الطاولة وكل شيئ قابل للنقاش لا تعني الإسائة لأي دين لكن تفهم من بعض الأشخاص على انها اسائة ) طيب اذا انا بدي سب الدين المسيحي .. انا سواء بالمنتدى ولا بغيرو رح سبو؟؟؟ انا وقاعد عم اتناقش مع رفقاتي رح سبو .. انا وعم بحكي مع جاري رح سبو .. طب وين المشكلة لمن اجي سبو على منصة المنتدى .. ؟؟؟ ليش بتقوم الدنيا وبتقعد لمن اجي سبو على منصة المنتدى ......... ما انا لمن بدي كون عم سبو للدين المسيحي بكون عم سبو بغير محلات اساسا .. فبلعكس لمن واحد هوي جواتو بيسب الدين الإسلامي لو خليتو يسب الدين الإسلامي بالعلن 1- بينفس (بينفس الكره والغضب والحقد والإرهاب الدفين جواه ) 2- بيتيح فرصة للإصلاح (يعني لمن شوف واحد عم بيسب الإسلام بقلو ليش عم بتسبو بيقلي كرمال كذا بقوم بوضحلو الكذا بيقوم بيبطل يسبو في حين لو هوي ما سبو للدين رح بيضل الكذا غير واضح جواتو ورح بيضل موقف الكره من الدين الإسلامي راسخ جواتو وهذا شخص مهدد بالإنفجار بأي لحظة .. يعني ممكن ينفجر فيي وفيكي ويطيرنا ويطير المجتمع معو ...) عم تفهو قصدي شي؟؟؟ برجع بقول مع تحفظي الشديد على كلمة سباب لان الي عم بيصير ليس سباب وانما هوي نقاش عادي جدا لكن يفهم من بعض الأشخاص بحسب عقيدتهم على انه سباب .. على الرغ من هذا كله ولو كان السباب هو سباب بحت .. صرف .. فهو شيئ ايجابي ونحن ندعو الناس كلها الي بيكرهو بعض يسبو بعض منشان يفرغو شحنات الحقد الي جواتون ويتيحو فرصة للمسبوبين يوضحو للسابين ما يحتاج ايضاح احبائي الي بيكره التاني يسبو بعينو ... لك اي اي عينك عينو بزوق بوشو وسبو من هلق للصبح بس اصحك ثم اصحك تجيب حزام ناسف وتروح تفجر حالك فيه واتفجرو واتفجر الدنيا معك .. منشان صحتكم ومنشان صحة المجتمع ضلو سبو بعض وضلو نفسو كل الكره الي جواتكم لتشبعو .. بس اصحكم تتركو الكره ينتفخ جواتكون متل البالون لحتى توصلو لمرحلة يا تنفجرو من الكره يا اتفجرو الدنيا والمجتمع واتفجرونا معكم من الكره الغبي الي اساسا لو اتنفس من الأول ما كان صار علينا وعليكم شي .. عُلم؟ |
|||||||
|
08/12/2005
|
#50 | ||||||
|
عضو
-- زعيـــــــم --
|
اولا درعاوي يعني من درعا لانه كلمة يابا بتدل عهالشي
.................................................. ................................. تانيا شو قولك بواحد اجا لعندك وضل يلعنك انت ودينك بتسكتله؟؟؟؟؟؟؟؟؟؟؟؟؟؟ هيك ما حدا رح يسكت لحدا ورح تصير مدابح..... بعدين بالنسبة للباس هي تعتبر حرية ...و هالشي بيرجع للمبادئ اللي مقتنع فيها الانسان و لما بنت بتلبس تنورة قصيرة بتكون هي حريتها الشخصية وبوجهة نظري هاد مو تعدي عالاخرين اما لما واحد بسب التاني هدا هو التعدي........ اصلا كلمة "تعدي" تعني انك تخرج من اطار حدودك ........... يعني تفوت بخصوصيات الاخرين.........عمتفهمني و اذا كل واحد بده يسب و يلعن التاني ........فالمخافر و المستشفيات رح تصير متل التمشاية اليومية الروحة عليها.......... ما ني ضد التفاهم لكن بادب ودون سب...انا ما قلت احكروا اللي جواتكن وخزنوا .انا قلت ناقشوه بحدود الادب....علم ؟؟؟؟؟؟؟؟؟ |
||||||
|
08/12/2005
|
#51 | |||||
|
مسجّل
|
اقتباس:
|
|||||
|
08/12/2005
|
#52 | |||||||
|
القــــــــــــــــــائم
|
اقتباس:
 .. هلق هيك بتكون رديت يعني بالحجة شلون بدي قلك .. جبت الديب من ديلو ..  يفدح حريشك على هال النباهة والبداهة وروح الفكاهة يفدح حريشك على هال النباهة والبداهة وروح الفكاهة يفدح حريشك على هال النباهة والبداهة وروح الفكاهة |
|||||||
|
08/12/2005
|
#53 | |||||
|
مسجّل
|
اقتباس:
ههههههههههههههههههه هذه اول مرة أرى شخص يضحك على خيبته ؟؟؟؟ ولك حمص ؟؟؟؟ |
|||||
|
08/12/2005
|
#54 | ||||||
|
عضو
-- زعيـــــــم --
|
شكرا كتييييييييييير اخي dr hus على التوقيع اللي حطيته
وهدا شرف الي...........و تحياتي ملاحظة: حدا قلك قبلي انو دمك عسل؟؟؟؟ |
||||||
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:27 (بحسب عمك غرينتش الكبير +3)