واشنطن: على دمشق كشف "تعاونها النووي مع بيونجيانج"

[yass]

طالب البيت الابيض سورية بالاعلان عن تفاصيل "تعاونها السري مع كوريا الشمالية لبناء مفاعل نووي" في سورية بينما نفى سفير سورية في الولايات المتحدة عماد مصطفى وجود تعاون بين بلاده وبيونجيانج بهذا الشأن.

وقال البيت الابيض ان سورية حاولت اخفاء الادلة على قيامها بمثل هذه النشاطات وقامت بازالة الموقع الذي دمرته الطائرات الاسرائيلية في شهر سبتمبر/ايلول من العام الماضي بشكل كامل تقريبا.

كما وصف البيت الابيض التعاون كوريا الشمالية مع سورية بانه "خطير" ودليل على امتلاكها برنامجا نوويا عسكريا وقيامها بانشطة لنشر السلاح النووي.


"ادلة"

وجاءت هذه المطالبة في اعقاب تقديم مسؤولين في وكالة الاستخبارات المركزية الأمريكية CIA والبيت الابيض للكونجرس ما قالوا انها أدلة على وجود "تعاون بين كوريا الشمالية وسورية في المجال النووي لاغراض غير سلمية" خلال جلسة استماع سرية.

وقال مسؤولون امريكيون ان واشنطن قدمت شكوى ضد سورية الى وكالة الطاقة الذرية الدولية في فيينا، متهمة دمشق بخرق تعهداتها المنصوص عليها في اتفاقية منع انتشار الاسلحة النووية لعام 1970 والتي وقعت عليها.
وقد حضر جسلة الاستماع امام لجنة القوات المسلحة في مجلس الشيوخ مستشار الامن القومي الامريكي ستيفن هادلي ومدير وكالة الاستخبارات المركزية الامريكية مايكل هايدن.

ونقلت الانباء عن مسؤول امريكي فضل عدم الكشف عن اسمه قوله إن صور الأقمار الصناعية تثبت أن كوريين شماليين كانوا يعملون داخل "مفاعل سري سوري".

كما صرح مسؤول امريكي اخر إن المنشأة التي تم تدميرها كانت قادرة على انتاج البلوتونيوم المستخدم في الاسلحة النووية لو اكتمل بناؤها.

وكررت سورية نفيها وجود أي برنامج لديها لإنتاج أسلحة نووية أو وجود اتفاق مع كوريا الشمالية بهذا الشأن.
وتقول التقارير الإعلامية الأمريكية إن صور الأقمار الصناعية التي التقطتها إسرائيل تظهر تشابها مدهشا بين المنشأة السورية التي استهدفتها الغارة وبين مفاعل يونجبيون الكوري الشمالي.

الا ان المسؤولين الامريكيين يقولون إن المنشأة السورية لم تكن قد دخلت مرحلة التشغيل الفعلي، ولم يكن فيها وقود نووي.

ولم يعلق البيت الابيض على هذه التقارير، ولكن وزير الدفاع الامريكي روبرت جيتس قال إن كل المعلومات التي تتعلق بالموضوع ستجد طريقها الى النشر "قريبا".


نفي سوري

وقد وصف سفير سورية لدى واشنطن ما قيل انه تعاون بين كوريا الشمالية وسورية في المجال النووي بانه امر "يدعو للسخرية" نافيا وجود مثل هذا التعاون.

كما نفى مندوب سورية لدى الامم المتحدة بشار الجعفري وجود مثل هذا التعاون وقال "لم يكن هناك اي تعاون بين سورية وكوريا الشمالية البتة نحن ننفي هذه الشائعات جملة وتفصيلا."

كما نفت كوريا الشمالية من جانبها ان تكون قد قامت بنقل التقنية النووية الى سورية.

وقال عضو الكونجرس الجمهوري بيت هوكسترا، والذي حضر جلسة الاستماع، إن الأدلة الاستخباراتية تشير إلى "انتشار خطير للتكنولوجيا النووية في دول الشرق الأوسط وفي الدول التي ربما تعاونت في ذلك الأمر في آسيا".

ونقلت وكالة فرانس برس عن هوكسترا قوله إن الولايات المتحدة تحتاج إلى معلومات واضحة وجيدة ويمكن الوثوق فيها من الدول المتورطة في ذلك الأمر وذلك قبل أن يتم شطب اسم كوريا الشمالية من قائمة الدول الراعية للإرهاب.

ويأمل الرئيس الأمريكي جورج بوش الذي سيترك البيت الابيض في يناير 2009 تحقيق نجاح دبلوماسي كبير قبل رحيله من خلال إغلاق ملف الاسلحة النووية في كوريا الشمالية.

وقد يغذي اي تعاون فعلي بين كوريا الشمالية وسورية انتقادات المحافظين في الولايات المتحدة الذين يقولون إنه لا يمكن الوثوق بالنظام الكوري الشمالي وان ادارة بوش تخطىء عندما تعد كوريا الشمالية بتطبيع العلاقات معها مقابل تخليها عن انشطتها النووية.

وكانت كوريا الشمالية قد وافقت على التخلي عن أسلحتها النووية في مقابل شطب اسمها من قائمة الدول الراعية للإرهاب وتلقيها لمساعدات وذلك ضمن صفقة شاركت في صياغتها ست دول وهي الولايات المتحدة وروسيا وكوريا الجنوبية والصين واليابان وكوريا الشمالية في فبراير 2007.

ويقول مراسل بي بي سي في واشنطن إن هذه التقارير، سواء أكانت صحيحة أم لا، ستؤدي إلى إعاقة الاتفاق الكوري الشمالي مع الدول الخمس الذي يقضي بتخلي بيونج يانج عن أنشطتها النووية وتطبيع العلاقات مع الغرب.


بي بي سي العربية

[yass]

الخبر طلع امبارح المسا... لكن انتظرت لليوم مشان اشوف ردة الفعل بالصحف ووكالات الأنباء الأوربية و الأميركية..

بالصحافة الأوربية تبعيت اليوم في اجماع كاااااااامل على أن التقرير علاك مصدي و لا يوجد أي دليل عقلاني على أن الخبر صحيح أبدا.. و مو بس هيك انما في تناقض كبير بين الحكي اللي انقال بالأيام القليلة التالية و الدلائل اللي كانو يوعدو فيها ع أساس و بين الدلائل اللي قدموها..

طبعا عالأساس الجلسة كانت مغلقة لكن صار في تسريب للحكي و للدلائل المقدمة, و منشورة في العديد من الصحف (موقع الحقيقة ناشر جزء من الصور من ضمن خبر تكذيب هالدليل و كتأكيد على انو الصور لا تعني شيء لكن رأيت انو الأفضل عدم نشر الصور كون الموقع عسكري وممكن ندخل بمشاكل قانونية بغنى عنها)

- الصور فقط توضّح مبنى باطون عادي و الصور مأخوذة بوضح النهار و من أماكن متميزة و في عمال عم يشتغلو (يعني من الواضح انو مو مأخوذة خلسة أبدا... و أكيد لو مفاعل أو مشروع مفاعل ما حدا راح يقرب و ياخد صور بوجود العمال و أكيد في حراسة ما راح تخليه يصوّر على راحتو)

- في صورة لرجل يقول التقرير انو هاد رئيس وكالة الطاقة الذرية السورية مع رجل ذو ملامح شرقية (كوري صيني .. هيك شي) متصورين بحديقة.. و واقفين هنن للتصوير يعني كمان مو خلسة الصورة... فشو هالاجتماع السري اللي بهوي يعني؟؟ ها و وراهون سيارة مازدا 626 موديل 92 (طبعا كالدليل السابق لا داعي للقول انو سخيف)

- بالأيام الأولى قالو انو هاد مفاعل لأنو كان في مضخات ضخمة عم تجيب ماء من نهر الفرات للبناء و هاي مضخات التبريد... هلأ عم يقولو انو التبريد عن طريق الغاز! طيب اذا التبريد عن طريق الغاز ما بصير ينعمل مفاعل جنب نهر... في تناقض كبير جدا حسب رأي خبير سألتو "الحقيقة"

- و بالنهاية هاد الاقتباس من الخبر في موقع الحقيقة:

مع ذلك ، ثمة أغرب من كل ما سبق ذكره ، وهو حكاية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

، أحد أكبر خبراء التفتيش عن الأسلحة في العراق ، و"البطل" الأول الذي أعلن عن أن المنشأة التي قصفت هي مفاعل نووي . ماذا يقول أولبرايت الآن ؟ إليكم ما قاله لصحيفة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

يوم أمس :
" إن الولايات المتحدة وإسرائيل لم تحدد هوية أية منشآت لفصل البلوتونيوم أو منشآت للتسلح النووي (...) وعدم وجود هكذا منشآت يعطي القليل من الثقة بأن المفاعل هو جزء من برنامج تسلح نووي . فافتقاد ( المنشأة ) لوقود الفيول ، مدخلا أو منتجا ، هو أيضا أمر غريب و يقلل الثقة بأن لدى سوريا برنامجا للتسلح النووي " !

الرأي العام انو حركة علاك مصدي قصدها الحركشة بكوريا الشمالية لسبب ما..

تحية

[عاشق رويدا]

شو الفرق...في تعاون مع كوريا ولا مافي...
سوريا على لائحة الارهاب بالنسبة لاميركا ..
بس بتعرف اميركا بتدور على ادلة لانها بتحبش تظلم حدا

[بنفسجة]

شو سر طلعت هيك خبريات بهيك وقت
بعدين شكلون بدون يعملو فينا متل ماعملو بالعراق صور بتضحك وعلاك مصدي
وشكلو بوش مارح يطلع من البيت الابيض قبل ما يعملو شي عملة تجيب اجلو

[yass]

سر طلعة هالخبرية بهالوقت تكمن في انو في "استياء" أميركي من انو الاتصالات غير المباشرة بين سوريا و اسرائيل ما عم تتم عن طريقها .. ذاتا في استياء كبير من قبل اللوبي اليهودي بالكونغرس من بعد نشر هالتقرير لأنو مقتنعين انو معمول من أجل "تعثير" هالاتصالات.. هيك قريت و الله اعلم شو في بالكواليس

[ayhamm26]

ما بظن حدا رح ياخد ادارة بوش على محمل الجد بعد فضيحة العراق

بس هدا طبعا ما رح يمنع بوش من تنفيذ السيناريو اللي ببالو

اكتر شي لازم يضحك على هالخبر هو الشعب السوري لانو هيك دولة محطات كهربا متل العالم ما عم تعرف تمشيها لحتى تقدر تمشي مفاعل نووي

[بنفسجة]

يعني بوش سبق وضحك العالم عليه بخبرية العراق بس بالاخير نفذ يلي ببالو
ومش بعيد ينفذ يلي ببالو حاليا
بس انو مابعرف مدى صحة هالاستياء من الاتصالات يعني ما بتوقع اسرائيل تقدم على عمل شي بخصوص مفاوضات السلام بدون العودة الى امريكا
خاصة انو الرئيس صرح من يومين انو اي سلام لابد انو يكون تحت رعاية امريكية فما بعرف شو نتائج اتصالات لاتكون امركيا على اطلاع على فحواها او عاطية موافقة مبدائية عليها

[yass]

كاتب النص الأصلي : بنفسجة

يعني بوش سبق وضحك العالم عليه بخبرية العراق بس بالاخير نفذ يلي ببالو
ومش بعيد ينفذ يلي ببالو حاليا
بس انو مابعرف مدى صحة هالاستياء من الاتصالات يعني ما بتوقع اسرائيل تقدم على عمل شي بخصوص مفاوضات السلام بدون العودة الى امريكا
خاصة انو الرئيس صرح من يومين انو اي سلام لابد انو يكون تحت رعاية امريكية فما بعرف شو نتائج اتصالات لاتكون امركيا على اطلاع على فحواها او عاطية موافقة مبدائية عليها

الرعاية الأميركية مطلب للسوريين اكثر من ما هي مطلب اسرائيلي.. طبعا اسرائيل ما راح تعمل شي يأذي أميركا بس هنن خبراء بوضع أميركا تحت الأمر الواقع و خصوصا بفترات الانتخابات.. و من الواضح انو في نية كتير كبيرة لدى اسرائيل لتوقيع اتفاق سلام مع سوريا... و ما كتير بدها تكون الرعاية الأميركية موجودة لأنو -غالبا- ما كتير يهمها انو اميركا تقايض على حساب مصلحتها.. و سوريا تعرف هالشي و لهالسبب مصرة على الرعاية الأميركية... لأنو اتفاق برعاية اميركية تعني "الزام" أميركا بمصداقية هالاتفاق.. كضمان يعني...و أعتقد صحيحة هاللعبة

[بنفسجة]

كاتب النص الأصلي : yass

الرعاية الأميركية مطلب للسوريين اكثر من ما هي مطلب اسرائيلي.. طبعا اسرائيل ما راح تعمل شي يأذي أميركا بس هنن خبراء بوضع أميركا تحت الأمر الواقع و خصوصا بفترات الانتخابات.. و من الواضح انو في نية كتير كبيرة لدى اسرائيل لتوقيع اتفاق سلام مع سوريا... و ما كتير بدها تكون الرعاية الأميركية موجودة لأنو -غالبا- ما كتير يهمها انو اميركا تقايض على حساب مصلحتها.. و سوريا تعرف هالشي و لهالسبب مصرة على الرعاية الأميركية... لأنو اتفاق برعاية اميركية تعني "الزام" أميركا بمصداقية هالاتفاق.. كضمان يعني...و أعتقد صحيحة هاللعبة

اي كتير ممكن
بس كمان غريب كتير اسرائيل تبدي استعدادها للتخلي عن الجولان بكل ما يمثله لها من اهمية وهيك بشكل مفاجىء وبوقت غريب جدا
مش داخلة مخي ابدا هي الشغلة

[yass]

أي الجولان هلأ بهالوقت عم يكلفها اكتر ما يعطيها+ مافي شي بالشرعية الدولية معها بهالناحية..

من فترة منيحة بلشت الخطوات اللي تشير الى هالشي.. مثل السماح بتصدير التفاح تبع الجولان لسوريا.. و من فترة شهور طلع قرار انو بالتعاون مع الهلال الأحمر و المنظمات الدولية راح يكون في بالجولان امكانية استخراج مصدقات و وثائق هوية سورية...

[بنفسجة]

انا برايي انو الجولان لا يزال يعطي بسخاء لاسرائيل
وبتوقع منابع الماء يلي فيه بتكفي انو تبقى اسرائيل متمسكه فيه لاخر رمق
انا قصدت بالغريب انو من فترة مش بعيدة كانت اسرائيل تصرح انها لن تتنازل عن الجولان مهما كلف الامر
فشو صار هلا حتى كان سقف تفاوضها مع سوريا هو الجولان يعني من زمان المفاوضات كانت تتم على امتار من الجولان والان اسرائيل تقدمه هدية كجائزة طردية لعملية السلام
شكرا ياس على التوضيح

[صياد الطيور]

بعتقد كل الموضوع رداً على الأخبار الحلوة حول السلام مع اسرائيل و أنو يا سوريا اذا ما بتشتغلي متل ما بدنا فينا مننزع كل الطبخة ومنخلي بدل السلام ( الي بدهم ياه على مستوى اسرائيل ) حرب بحجة النووي
بس أهم شي أنو معظم الدول الأوربية تعاملت مع الموضوع بأنو بتكة اميركية جديدة