أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات ادارية > بريد المنتدى

إضافة موضوع جديد  و الله هالموضوع مقفول ترى
 
أدوات الموضوع
قديم 20/07/2009   #1
شب و شيخ الشباب leonardo_dicabreo
عضو
 
الصورة الرمزية لـ leonardo_dicabreo
leonardo_dicabreo is offline
 
نورنا ب:
Sep 2008
المطرح:
Chicago
مشاركات:
1,965

إرسال خطاب ICQ إلى leonardo_dicabreo إرسال خطاب AIM إلى leonardo_dicabreo إرسال خطاب MSN إلى leonardo_dicabreo إرسال خطاب Yahoo إلى leonardo_dicabreo بعات رسالي عبر Skype™ ل  leonardo_dicabreo
افتراضي الى Yass : يعني ما كنّا نخلص من رب هالمخالفات ! !


يعني مش عارف انا عن رب هالشغله , يلي بمر يوم عليه بدون ما يخالفني بسبب وبدون سبب ما بيرتاح بضل شي ينقزه من تحت مشان يخالفني ! !

ياس :

يعني انته خالفتني على مشاركه ما فيها شي "وين الشباب والصّبايا" , صحيح انه الموضوع مو طق حنك مشان احكي هالكلمه بس السبب الرئيسي يلي خلاني اكتب هالكلمه انه بدي شوف ردّون على الصّور , لا اكتر ولا أقل.

هلأ , في شغله تانيه أنّه مضى عالمشاركه أكتر من شهر ونص , أنّه وينك لهلأ بيّنت ؟ نايم اشي ؟ كيف بسلموك مشرف اداري وانته مو عرفان شي عن الطّبخه ؟ ؟ ! !

هالمخالفه يلي بعتتها مو بمكانها بنوب , ولو اجتني من مضي يومين او اسبوع على تاريخ المشاركه بحكي اوك بس رح اعترض كمان , بس تيجيني مخالفه على مشاركه صرلي شهر ونص منزّلها , هالحكي مو مزبوط بنوب ! !

يعني انا شخصيّاً أنسيت اني شاركت بهالموضوع أصلاً ! !

فـــ ياريت ما تخلّي المشّادات الكلاميّه بينك وبين الاعضاء تؤدّي لانك تنزل فيهم بمخالفات عن جنب وطرف . . ! !

المشرف مو هيك المشرف لازم يكون : مسالم , صبور , متفاني لشغله ! !

أهلين
 
قديم 20/07/2009   #2
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


بسمعون بيقولو "أخيراً وليس آخراً" لهيك استشفيت انو آخرا بتجي بعد أخيرا

هاي يا حبيب قواعد البيت متل ما بيقولوا .. وهدول نحن ..
عاد لو حسيت هيك انك مثلا مـــــــــا إستسغتها لهال القواعد .. انو شلون يعني ما كتير هضمتها ، او ما خرطت مشطك بفرنك .. .. انو .. انو مثلا ما واتت صحتك .. (مثلا مثلا..)

فبهاي الحالي ... ما بعرف شو بدنا نقلك .. .. .. ما طالع معنا شي نقلك غير بيجوز انو .. انو ..
أحّــــــــط!

أحّط حبيب .. أحّط اي أحّط .. اي ما تتطلع فيي هيك بالورب .. ليش يعني زعجتك هاي بقا ..اخي الرقم الي طالبو بيئسفني قلك انو غلط ، و ما تعاود الإتصال بوقت لاحق ترى خلص الرقم غلط و احنا هذا الرقم شايلينو من الخدمة ولا يمكن رح بنردو .. (اي وحياة ولادي ، وو وحياتك ..)

اخي فهمت عليك ، سمعتك للأخير اي و شو يعني ..

انو .. انو و بيجوز اخي انتا تاني احسن واحد بالعالم ، انو شو .. شو يعني؟ شلون فيني اخدمك؟ (اصلن انا شو بيعرفني يعني مين التوب تين اوف زا وورلد! ولا لا تكون مفكر بعرف و عم خبي عليك ؟؟؟ )

بيجوز انتي احسن وحدي بحارتكون كلها، و احسن وحدي بالأقاليم العربيي وضواحيها!! لك اختي تاني احسن وحدي بآسيا و الحزام الأوراسي... و من قزوين للبحر الأسود بيحلفو بإسمك اي اختي بيجوز ازربيجان نفسها مستوحايين اسمها من زربجة رموشك.. و اوزباكستان من اوزبكت مناخيرك..(مثلا) اي ممكن حتى يكون قرغيزيا ترى سموها هيك كرمال انو شعرك القرغيزي!!.. اي ..
اي انو وشو يعني .. شو ؟

احط كمان مرة ، احححححط .. ما مهم حبيب قلتلك ما بينفع ، هاي بضاعتنا ، وهذا الي عنا .. احط و فرقنا ..
لاء..
لاء.. لا ما رح بنفصلك على مقاس صباطك قوانين ..هق .. لك يا خيو ما بينفع ما بينفع .. والله كان بودي اخدمك بس عاد ما بينفع !!
لكتير اسباب هلق ما تفوتني بالتفاصيل..ماني فاضي انا .. شو ما عندي غيرك ..
اخي خود عندك.. انو من اقربها ، اذا بدنا نفصلك قوانين على مقاس صباطك (مع حفظ الألقاب) .. بك تحط صباطك بوشنا! اي لكن .. ماهو بك ترفع رجلك، وتحط صباطك بوشنا تنقدر نفصل على مقاسو .. مووو.. اي هاي مثلا ما حدى بيستسيغها هون ترى، آخر مرة واحد رفع صباطو بوش واحد من الشباب هون بأخوية، قام اخينا راح خالعلو ضرص العقل!! (وحياتك ع الغالي هيك الي صار ... انا شو ألي مصلحة اكذب عليك .. ما عم زلّ بحرف.. وحياتي ولادي .. اي نعم ...)
لك يا اخي بعرف .. و عندي فكرة منيح على شقدو صباطك مهم و شقدو داعس على روص هون بالمنطقة (وضواحيها -بيجوز-)بعرف ، خبروني بهال الموضوع.. و انا ابديت استنكاري -وقتها- ، و انو اي طيب.. طز بهال الخبريي.. شو شو هلق .. ولا شي ، قلتلك ما بينفع و قلتك أحط ، فخلينا حبايب و احط .......................................


منشاني احط ..
لك منشان الملايكي احط..

إببوس ايدك احط..

ولووه ..
ايدي بزنارك..
هات هات شواربك لبوسا .. بس احط ..

حباب احط ..
اذا بتحب الله عمو .. احط ..



مشي الحال شباب .. خلص وعدني انو يأحّط ..
يالله كفو شغلكون .. بدو يكون عطلكون.. مو وو وو وو

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

 
إضافة موضوع جديد  و الله هالموضوع مقفول ترى


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 17:19 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.05107 seconds with 14 queries