سؤال صريح للشباب والصبايا ؟؟؟

[jovia]

كاتب النص الأصلي : suzaan

اول شي لما المرا مابتكون عاملة شي حرام زوجها يتزوج عليها

بس بالنسبة الي ماباخود واحد متزوج قبلي ولا عليي

بس عن جد طرح حلو

اول شي مشكورة على مرورك تاني شي في كتير نسوان بيكونو ما في احلا من هيك بالرغم من كونون أوادم وبنات عالم وناس ومو مقصرات باللي الون واللي عليهون ازواجون بيتزوجو عليهن يمكن يكون السبب مو بالمرى ويمكن باحيان تانية تكون هي كل السبب

[reeemty]

أكيد لأ .. ومستحيل كمان.. لانو في وحدة تانية و اولاد هدول رح يتدمروا ..
كيف بدي ابني سعادتي على حساب غيري؟؟

[nour333]

كاتب النص الأصلي : MadMax

أنو ...
إذا أكلنا كل يوم موز .. كل يوم موز ......... منموّز بعدين



لازم يوم موز .. يوم تفاح .. يوم فريز .... ولا بأس يشي يوم مانجا

لو حطيت متال البيض لملون كان افضل يعني ازا كان ملون بأحمر او بأصفر او تنفسجي بالاخير بس اتقشرو بضل بيض

كاتب النص الأصلي : Nay

صاير دمك خفيف هاليومين..
..
الجمع بين الزوجات هوي دعارة لكن برعاية الشرع والقانون..
متل ما اقتضى التطور الانساني الغاء العبودية بالاسلام مع انها غير محرمة بالنص التشريعي..
كمان يجب الغاء الزواج من اكثر من امرأة في الاسلام تماشيا مع التطور الانساني..

والله انا معك 100% ما شي الحال بس لو بدنا نمشي على نظريتك يا ريت بالاول تحلي موضوع العنوسة والمطلقان والارامل بعدين انا بأكدلك رح روح قوص كل رجال متزوج واولهم خالي

[طوروس]

[quote=nour333;1253865]لو حطيت متال البيض لملون كان افضل يعني ازا كان ملون بأحمر او بأصفر او تنفسجي بالاخير بس اتقشرو بضل بيض

والله انا معك 100% ما شي الحال بس لو بدنا نمشي على نظريتك يا ريت بالاول تحلي موضوع العنوسة والمطلقان والارامل بعدين انا بأكدلك رح روح قوص كل رجال متزوج واولهم خالي[/quote

والله وانا معك 100%ماشي الحال بس انو لو اجا يوم عدد الرجال اكتر من عدد النسوان ياترى رح تطالب النسوان بتعدد الازواج ؟؟؟؟؟

وبعدين سبحانه وتعالى يعني خلقلنا هالمشكلة ومالقالها حل انو شو كان بدو فيها

وكمان سبحانه وتعالى كان زبطلو لادم 24 حوا يعني ليش قطعو هالقطعة

هاي كلها مبررات للضحك على الاخلاق نعم تعدد الزوجات دعارة باوراق نظامية

تقبلو مروري



يسعد صباحك ياشام

[nour333]

كاتب النص الأصلي : طوروس;1253866
[SIZE=5

والله وانا معك 100%ماشي الحال بس انو لو اجا يوم عدد الرجال اكتر من عدد النسوان ياترى رح تطالب النسوان بتعدد الازواج ؟؟؟؟؟[/size]

وبعدين سبحانه وتعالى يعني خلقلنا هالمشكلة ومالقالها حل انو شو كان بدو فيها

وكمان سبحانه وتعالى كان زبطلو لادم 24 حوا يعني ليش قطعو هالقطعة

هاي كلها مبررات للضحك على الاخلاق نعم تعدد الزوجات دعارة باوراق نظامية

تقبلو مروري



يسعد صباحك ياشام

ببساطه ارجع لتاريخ ما عمرا صارت انو عدد لرجال زاد لسبب بسيط الرجال شغلهم اقسى ومعرضين للأعمال الخطرة اكتر حروب مهن بناء ...........الخ
اضافة الى الهرمونات الانثوية بتحمي المرأة من الجلطان حتى سن الامل
صارت زيادة عدد لرجال بالصين وقت ما اجهضو الاناث بسبب قانون الطفل الواحد

بس برجع بقلكم حلو موضوع العوانس والمطلقات والارامل حتى قوص لرجال المتزوجين بأكتر من وحده
بعدين الاسلام ما حط التعدد التعدد موجود قبل الاسلام الاسلام نظمو وحصروا
والتعدد هلا موجود تحت مسميات اخرى الصديقات وازا حطينا العقود على جهة فالغرب عندو تعدد صديقات اكتر منا بكتيير وعندن تعدد اصدقاء كمان

[طوروس]

رح افترض انو ولامرة صار بالتاريخ انو قلب التوازن معناتها مش ممكن يقلب والغي فكرة تعدد الازواج

شو ميشان مشكلة الارامل والمطلقات والعوانس

العوانس عم يضلو عوانس طول مافي لحم رخص ورخيص عم ينباع لانو ماحدا عم يتجوز مرة تانية حتى يكسب

ثواب واجر وماحدا بياخد بنت 30 سنة اذا بيقدر ياخد بنت 20

وشوفي نسبة العوانس بمجتمعات مشهورة بتعدد الزوجات بدون ماسمي عم تزيد مو عم تنقص

وكذلك نسبة الارامل عينك تشوف لما واحد عمرو 70 سنة عم ياخد بنت 14 هلق مابدي اشرح كيف عم ياخدها

انو مشترى او تبادل تجاري بس بعد كام سنة هاي رح تكون ارملة وطبعا اذا مانها مليانة دراهم ماحدا بيفكر فيها

انو حدا بيتجوز ارملة على شو طيب شو انقطعت النسوان من الدني واذا ماكان عندها صبر ايوب تتحمل مجتمعها

الخاص خدي على دعارة

واما المطلقات جزء كبير من مشكلتهن تعدد الزوجات اما لانها بترفض تكون درجة تانية بالبيت وبيقول المتل ((مافي

حرة بتقبل عليها ضرة)) والامثال هني جزء من موروثنا الفكري

او بيكون لانو البيك شاف غيرها واستحلى وبيجوز بطلقتو الشخصية مليانة ومابتوسع حرام ماقدامو الا الطلاق

ورح اعطيكي مثل عجوز سعودي تزوج 85 مرة والرجال بدو يكمل على ال100 طبعا هالحكي بمقابلة معو على

التلفزيون ولما سالوه كيف بيحدد الزوجة اللي بدو يطلقها كان جوابو بالقرعة اللي الله رايدلها تتطلق بيطلع اسمها

تخيلي يزبط وشروعو ويكمل على 100 زواج انو مو هادا لحالو بيكون ترك وراه 96 مطلقة طبعا اخونا حالة خاصة بس

انو موجود بالمجتمع ومبسوط ومو عم يخبي حالو

حل مشكلة الارامل والمطلقات والعوانس هوي مشروع فكري ماالو علاقة بدين ولا مذهب لما الواحد بيتزوج وحدة

ماشافها بحياتو احتمال الانفصال من اول اسبوع بيساوي احتمال الاستمرار

طولت بالرد كتير بس بالاخر انو منشغل عقولنا منرتقي لمستوى العقل

منشغل غريزتنا مننزل لمستوى الغريزة والي رجعة تانية على موضوع العلاقات بالغرب

تقبلو مروري



يسعد صباحك ياشام

[ورده بغداد]

كاتب النص الأصلي : nour333

لو حطيت متال البيض لملون كان افضل يعني ازا كان ملون بأحمر او بأصفر او تنفسجي بالاخير بس اتقشرو بضل بيض

شو جاب البيض عالنسوان

لو قشرتي البيضه تطلع بيضه

بس لو قشرتي المرأه شو بيطلع ؟؟؟؟

[suzaan]

اول شي شكرا جوفيا على تعليقك

وتاني شي نور كل كلامك درر وصحيح

وصحيح الأسلام نظم تعدد الزوجات بس مو يكون المرا

مافيها شي وأدمية ومنيحة ويروح طم غم يتزوج عليها إلا إذا هي مقصرة

بس ألي انا عم شوفو الرجال عم يتزوج على الفاضي والمليان

وتالت شي نحنا شبهنا البيض بالمرا تشبيه معنوي مو لفظي عرفتي هلا ليش

[nour333]

كاتب النص الأصلي : suzaan

اول شي شكرا جوفيا على تعليقك

وتاني شي نور كل كلامك درر وصحيح

وصحيح الأسلام نظم تعدد الزوجات بس مو يكون المرا

مافيها شي وأدمية ومنيحة ويروح طم غم يتزوج عليها إلا إذا هي مقصرة

بس ألي انا عم شوفو الرجال عم يتزوج على الفاضي والمليان

وتالت شي نحنا شبهنا البيض بالمرا تشبيه معنوي مو لفظي عرفتي هلا ليش

شوفي كتير من لرجال بستخدمو هالحق ليظلمو المرأة متل استخدام حقهم بالطلاق وكتير حقوق اعطيت لرجل لتكليف لا لتشريف
بس عارفه الظلم ظلمات يعني هالرجل اللي مبسوط انو اقوى من المرأة وظلمها انسان غبي عارفة ليش لأنو المظلوم قضيتو بيستلمها محامي بارع هو الله
انا مو بحب التعدد وبتمنى اني اموت او قد ما بحب امي بتمناها تموت ولا تشوف ضرة بس انا واقعية مرات التعدد بكون اهون الضررين عنا بالعالم العربي ما فيها المرأة تصاحب وتنجب طفل وهي ام عزبه ما الها غير عقد زواج صحيح لنقول انو في رجال كتير مناسبين الها بس ما خبط بيتها غير واحد مجوز بجوز انا وانت وبنات كتير تقول انا عايشة ملكة عند اهلي وما بدي هيك جوازه بس بنات كتير بدا هالشي ليه نفرض عليهم وضع معين

[suzaan]

يعني بتعرفي معلمت الدين عم تقلنا بالدرس

أنو الوحدة لما زوجها بيقلها انا بدي أتزوج عليكي وجبلك دهب

وفيلا وسفرك وأعطيكي مصاري بيكون عندها عادي يتزوج عليها

اما لمن بيطنشها وطول النهار والليل برا البيت مع رفقاتوا وبعدين بيطقها زواجة عليها

أصعب عليها من انو يقلها يعني هيك بتعرف من غيروا مو منو وبيكون قلبها أنجرح كتير

[jovia]

كاتب النص الأصلي : suzaan

يعني بتعرفي معلمت الدين عم تقلنا بالدرس

أنو الوحدة لما زوجها بيقلها انا بدي أتزوج عليكي وجبلك دهب

وفيلا وسفرك وأعطيكي مصاري بيكون عندها عادي يتزوج عليها

اما لمن بيطنشها وطول النهار والليل برا البيت مع رفقاتوا وبعدين بيطقها زواجة عليها

أصعب عليها من انو يقلها يعني هيك بتعرف من غيروا مو منو وبيكون قلبها أنجرح كتير

هلا سوزان اي مراة بتقول هاد الكلام ((انو حيعوضها زوجها بالمصاري والدهب وكنوز الدنية )) بتكون عم تحكيه عن غير تجربة وبالتالي ازا زوجها طلب منها يتزوج عليها يمكن بتلم عليه امة محمد وعيسى لهيك انا بقلك انو لو كان زوجي اللي طلب مني يتزوج ويعوضني بالمصاري والفلل ما حارضى لانو اهم من كل المصاري بالنسبة الي الحنان والحب واني متاكدة انو حننام على فرشة وحدة اخر الليل بتقلها بالكون كلو وانا متاكدة انو اي مرى ما حتستوعب هالفكرة وازا استوعبتها بتكون مجروحة من جوى وغصبن عنها وحاكمتها الظروف ومشكورة سوزان

[suzaan]

العفو جوفيا
بس هي قالت أنو لمن بدو يطلقها
بدو يجرحها وقالت يعني لارجال ولا مصاري
لأ شي أحسن من بلا شي مو ؟؟

[jovia]

كاتب النص الأصلي : suzaan

العفو جوفيا
بس هي قالت أنو لمن بدو يطلقها
بدو يجرحها وقالت يعني لارجال ولا مصاري
لأ شي أحسن من بلا شي مو ؟؟

اي مبلى سوزان كلامك جواهر وبرجع لنفس الكلام اللي كتبتو انو بتوافئ المراة لما بتكون مجبورة او لما بتكون الظروف ضاغطة عليها هلا انا ما عم بحكي عن تجربة الله يخليلي زوجي من شان هيك انا بأيد انو المراة او البنت تضمن مستقبلها وتأمن حالها شلون ما اجت لانو الزمن غدار والله وكلامك درر يا سوزانو وهيدول مني الك

[suzaan]

الله يخليكون لبعض ويهنيكون ويبسطكون يارب على طول

تسلمي على

وكلامك كلوا صحيح ودرر

[fernanda bachchan kfoury]

من المؤكد انك راسمه صورة حلوه لزوج المستقبل


وشي اكيد انك محددة مواصفات خاصة تتمناها كل فتاة



ولكن وبكل صراحة ....

لو صدف وجاءك من ترضين خلقه ودينه وفيه كل المواصفات التى تحلمين بها وعمره مناسب لك وعيبه الوحيد


انه متزوج ولديه اولاد ....


فهل ترضين به دون تردد ام لديك شروط ؟؟ ولماذا ؟

ليش لارضى فيو؟ شو ئلو الرجال بهالدني؟ ولّا البابا والماما داعيين عليي ؟

او ترفضين ان تكوني الزوجه الثانية ؟؟ ولماذا ؟

برفض اتزوجو اولا لانو لح كون الزوجة التانية (حتى لو ماكان عندو ولاد برفض اتزوجو)
فمابالك وقت بيكون عندو ولاد وماشالله لوكانو دزينة وبعدين حرام لانو بالاول الزوجة التانية بتكون حنونة وبس تاخد الرجال بترميلو ولادو وهوي متل الاجدب بيروح بياخد ولادو ولادو لعند ستن وجدن ليربوهن so ما بقبل كيف لو كانت الظروف

[روميو و جولييت]

كاتب النص الأصلي : jovia

وسؤال للشباب كرمال يناقشو وما يكونو برات الموضوع


شو الاسباب الي بتخليك تتزوج على زوجتك ؟

ولو كانت عاديه وما فيها علة ليش بتتزوج


لانو بمجتمعنا العربي كتير رجال بيتزوجو كتير من غير اي سبب

يا ترى هوي بس زواج للمتعه

لو كان ما في ولا سبب يخليك تتزوج على زوجتك ؟؟


اتمنى ان نناقش الموضوع بجديه وبصراحه
مع خالص التقدير للجميع

ما بحسن جوابك غير عن نفسي لأنو كل رجل عندو اسبابو

انا عني ما بعملا ويكون عندي زوجتين في آن واحد

يمكن أتزوج وحدة تانية بس مو على الزوجة الأولى

[mimo all the time]

انا بدي احكي بشغلة جديدة ومن خلال استطلاعاتي الكبيرة وعلى عدة فئات...
ياترى الشب حاليا قادر يتزوج بالاول او يأمن الحد الادنى من المعيشة الكريمة بهالظروف حتى يفكر بالتانية ؟؟؟!!
وبامكانو يختار شريكة حياتو اللي يحبها بدون ما يقاتل ويحارب ؟؟!!
بس تنحل هالامور منرجع للحالات الاستثنائية

مشكوووووووورة عالطرح الجميل

تحيتي

[nour333]

كاتب النص الأصلي : mimo all the time

انا بدي احكي بشغلة جديدة ومن خلال استطلاعاتي الكبيرة وعلى عدة فئات...
ياترى الشب حاليا قادر يتزوج بالاول او يأمن الحد الادنى من المعيشة الكريمة بهالظروف حتى يفكر بالتانية ؟؟؟!!
وبامكانو يختار شريكة حياتو اللي يحبها بدون ما يقاتل ويحارب ؟؟!!
بس تنحل هالامور منرجع للحالات الاستثنائية

مشكوووووووورة عالطرح الجميل

تحيتي

انت عارف عنا الزلمة بس يربعن يعني يصير بالاربعينات بصير بدو يجرب حظو مرة تانيه وبهاد السن بكون كون حالو