أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > رقميات > التصميم والجرافيكس والحركات الشيك

إضافة موضوع جديد  و الله هالموضوع مقفول ترى
 
أدوات الموضوع
قديم 24/06/2009   #73
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي


اقتباس:
كاتب النص الأصلي : Abu ToNi عرض المشاركة
انتبهت عندك نموذج التعليق مشلوح النص عليسار متل الانكليزي
فانه عندي اقتراح للكل
نزلي القالب عندك ( حطيت بالصفحة اللي قبل هي صورة لطريقة تنزيل القالب )
وارفعيلي ياه على الفور شيرد وانا بنزله وبشوف فين لازمه تعديل بقلك عليه وبتعدليه عندك

شو ديل ؟

الحكي نفسه لقرصان الأدرياتيك ولكل مين عنده هلمشكلة

القالب عندي ياه ليكو بالداكيومنتس بس لاحكيلك شغله أوّل .. آخر مرّه عدلت على القالب راح كل شي ادز و كل الترتيب و ضليت اشتغل عليها ليله كامله من الـ 11 للـ 5 صباحا ً لذلك حاليا ً مافي عندي أيّ نيّه أني حتّى جرّب افتح على الصفحه تبع القالب ..

بس شكرا ً لمساعيك اب طوني

من يومها صار القمر أكبر :)

______

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

 
قديم 24/06/2009   #74
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


اقتباس:
القالب عندي ياه ليكو بالداكيومنتس بس لاحكيلك شغله أوّل .. آخر مرّه عدلت على القالب راح كل شي ادز و كل الترتيب و ضليت اشتغل عليها ليله كامله من الـ 11 للـ 5 صباحا ً لذلك حاليا ً مافي عندي أيّ نيّه أني حتّى جرّب افتح على الصفحه تبع القالب ..

بس شكرا ً لمساعيك اب طوني
شوش فيكي تعملي مدونة جديدة تسميها test مثلاً .. وتجربي فيها ... بس تلاقي كل الامور تمام بتنسخي القالب وبتزتيه .. مانها مشكلة كبيرة يعني

اوا ازا بتحبي بعتيلي القالب وخبريني شو بدك وبقلك شو لازم تعملي ( من مبدأ انو عم علم كيف تصيدي السمكة مو كيف تاكليها )

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

 
قديم 25/06/2009   #75
شب و شيخ الشباب kosayka2
عضو
-- زعيـــــــم --
 
الصورة الرمزية لـ kosayka2
kosayka2 is offline
 
نورنا ب:
Nov 2007
المطرح:
في بيت نجوى
مشاركات:
1,486

افتراضي


طيب خيو

هلق كيف فيني غير الصورة تبع القالب الاساسي ؟؟

و حط صورة من عندي ؟؟؟؟؟؟؟

إن كون إعاقاتنا أقل وضوحا من إعاقات إخوتنا , هذا لا يعني أنها أقل واقعية
.
.
.
إيمان و نور
لأن العطاء هو الأخذ
www.saydat-alwehdah.org
 
قديم 25/06/2009   #76
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : kosayka2 عرض المشاركة
طيب خيو

هلق كيف فيني غير الصورة تبع القالب الاساسي ؟؟

و حط صورة من عندي ؟؟؟؟؟؟؟
الأرض مقابل السلام
عطيني لينك مدونتك لئلك كيف
غير هيك ما عندي

رايحة تزور
كوخ مسحور
 
قديم 29/06/2009   #77
صبيّة و ست الصبايا Sarita
عضو
-- زعيـــــــم --
 
الصورة الرمزية لـ Sarita
Sarita is offline
 
نورنا ب:
Jun 2006
المطرح:
زغرتا/ Genova
مشاركات:
1,403

افتراضي


أول شي صباح الخير
تاني شي
مقهورة كتيير لانو شوي تانيي بدي اخبط راسي بالحيط
اللي عيزتو منك يا اب طوني انو كبف فيي حط ألبوم الصور او اتصل بنا او....
كروبط خارجية لحالها ببلوغر
ولا مافي هالخاصية ببلوغر؟لاني حاولت كزا مرة بس ما نفعت

اشتاق الى رائحة تراب وطني..

حنايا الوطن
على
مذكرات من...الجنة
http://diaries-from-heaven.blogspot.com/
 
قديم 29/06/2009   #78
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : Sarita عرض المشاركة
أول شي صباح الخير
تاني شي
مقهورة كتيير لانو شوي تانيي بدي اخبط راسي بالحيط
اللي عيزتو منك يا اب طوني انو كبف فيي حط ألبوم الصور او اتصل بنا او....
كروبط خارجية لحالها ببلوغر
ولا مافي هالخاصية ببلوغر؟لاني حاولت كزا مرة بس ما نفعت
طبعا فينك تعملي كل هلشي
بس وين بدك تحطي ألبوم الصور ؟ وين بدك تحطي اتصل بنا ؟
انه بدك ياها تكون على شكل شريط عرضاني متل بالاخوية عنا ( لوحة التحكم شيتك - س و ج - .... )
هيك بدك ياه ولا يكون بالعمود على جنب ؟

اذا بدك ياها هلقصص كلها تكون على العمود اللي على جنب فطولي بالك علي شي ساعة وحدة بس لنسق الصور وحطلكن كيف بتقدروا تعملوا ديكور المدونة على كيف كيفكن


---------------------------------
قصي وين لينك المدونة
 
قديم 29/06/2009   #79
صبيّة و ست الصبايا Sarita
عضو
-- زعيـــــــم --
 
الصورة الرمزية لـ Sarita
Sarita is offline
 
نورنا ب:
Jun 2006
المطرح:
زغرتا/ Genova
مشاركات:
1,403

افتراضي


اقتباس:
طبعا فينك تعملي كل هلشي
بس وين بدك تحطي ألبوم الصور ؟ وين بدك تحطي اتصل بنا ؟
انه بدك ياها تكون على شكل شريط عرضاني متل بالاخوية عنا ( لوحة التحكم شيتك - س و ج - .... )
هيك بدك ياه ولا يكون بالعمود على جنب ؟

اذا بدك ياها هلقصص كلها تكون على العمود اللي على جنب فطولي بالك علي شي ساعة وحدة بس لنسق الصور وحطلكن كيف بتقدروا تعملوا ديكور المدونة على كيف كيفكن
هات التنين لشوف ومنكم نستفيد
هاد ازا ما في عزاب يعني
كلو الا عزابكون اب طوني
 
قديم 29/06/2009   #80
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


بخصوص الشريط العرضاني بالصفحة تبع لوحة التحكم شيتك - س و ج - ..
هاد بيجي مع القالب الواحد بيقدر يعدل عليه تعديل ما فينه يعمل شي بهلخصوص

وبخصوص الشريط العامودي الممتد على طول الصفحة فهاد بدي احكي فيه بالتفصيل الممل جدا جدا جدا بالرد اللي بعد هاد مباشرة
عم حضر الصور هلق لحتى نزل الرد

بخصوص الازعاج والعذاب .. لو ما بدي بشكل طوعي اعمل هلشي ما كنت بالاصل نزلت الموضوع هاد
فما بقى بدي اسمع كلمات متل عذاب وتعذيب .. قلبي رقيق ما بيستحمل هيك كلمات جارحة

 
قديم 29/06/2009   #81
شب و شيخ الشباب kosayka2
عضو
-- زعيـــــــم --
 
الصورة الرمزية لـ kosayka2
kosayka2 is offline
 
نورنا ب:
Nov 2007
المطرح:
في بيت نجوى
مشاركات:
1,486

افتراضي


اقتباس:
كاتب النص الأصلي : Abu ToNi عرض المشاركة
الأرض مقابل السلام
عطيني لينك مدونتك لئلك كيف
غير هيك ما عندي
انت بتعرفني ابو طوني
انا ما بمشي بالتهديد و لا أرضى بأنصاف الحلول ........

بالنسبة للصورة ظبطناها من القالب
يعني فعلا انا هلق لحتى تعرفت على لغة xml يلي لقيتها بسيطة و حلوة

بس الفكرة انو إضافة كلمة أقرأ المزيد (read more ) ما كانت تزبط لا بقرد و لا بدب

و من شان مدونتي انا هلق بلشت فيها و بعدها ببداياتها لان عم سوي مدونة للجمعية يلي انا فيها

بس متل ما بقولو عمول خير و كب بالبحر هاد هو لينك مدونتي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



و بس بدي رأيك بالمدونة يلي عم سويها لجمعيتي جمعية إيمان و نور
انت عارفها أكيد

و هاد هو لينك المدونة .........

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



أحلى أبو طونياه
 
قديم 29/06/2009   #82
شب و شيخ الشباب قرصان الأدرياتيك
عضو
-- زعيـــــــم --
 
الصورة الرمزية لـ قرصان الأدرياتيك
قرصان الأدرياتيك is offline
 
نورنا ب:
Jan 2008
مشاركات:
1,446

افتراضي


اقتباس:
كاتب النص الأصلي : Abu ToNi عرض المشاركة
اهلين بالقرصانيتو
خيو قالبك انت بالذات المستعمل بمدونتك المشتركة ( مو الرابطة يعني ) هوي قالب كلاسيكي تقليدي جاية من البوغ سبوت نفسه فجاية مخصص للإنكليزي بشكل أساسي كقوائم وكمحاذاة النص حتى
فالتعديل اللي لازم ينعمل بكون على الـ html نفسه من بعد ما ترفع القالب على مدونتك
القصة شوي عويصة لان لازم اتضيف كودات متل متل وتعدل بكودات تانية
اوقات بكون عندك مكتوب
كود:
text-align:left;
وأوقات بتكون ما مكتوبة بالاصل مطلوب منك انت اتضيفها بالأماكن اللي لازم تنضاف عندك
وتعدلها لتصير بهاد الشكل
كود:
text-align:right;
وبمحلات تانية لازم ما تغير فيها شي
يعني القصة مانها ثابتة أبدا ومالها قاعدة انك بتعمل 1 2 3
لكل قالب وفي اله شي خاص فيه .. اكتر ما هنالك بقلك نزل القالب كاملاً عندك وانسفلي .. قصدي ابعتلي ياه لعدلك فيك وارجع اعطيك ياه لتحطه بمدونتك

هاموش : ليش ما بتغير قالب مدونتك الاصلي ؟ وليش بالأصل ما عم تكتب بالمدونة
تسلم يا طيّب عَ ردّك الواضح والحلو متلك... أنا برأيي تنتبه عَ حالك شنّو أنت كتير حلو! .

أنا ما صار معي بالقالب هيك شي بس عملت لتنين من الشباب الطيبة مدونات وعم يصير معن هالحالة، صارت معي وعم تكمل معن... هلا أنا حبيت أستفسر وأعرف السبب، وإذا كانوا مضطرين عالتغيير فبنستعين فيك شنّو أنت المعين الوحيد بهيك قضيّة. وسامحنا على اقتطاع وقتك غير المثمّن وما إلى هنالك من عبارات على نفس الموال...

شغلة قبل ما أنسى: عيب يا رجل الواحد يتصل بالتاني... وهاد التاني مو أنو ما بيرد، لك ما بيرجع يتصل وهالشي ألو معنى واحد مو أكتر، ومو كتير صعب يفهمو الأول! الهيئة أنتو الحلبيّة هيك لأنك رقم تنين من هالفصيلة... وعَ كل حال أنا توبت أتصل ببني بشر من حلب لا أنت ولا هداك يللي عاملي حالو بلا انتماء... شي بيطفر! إذا حدا حب يسأل فأهلاً وسهلاً ومحدا حب لحفض القرد!

بالنسبة لقالب مدونتي فمو عَ بالي غيرو... حالياً ماني فاضيلو... بس أنت لاقيلي قالب أحلى وأنظم وأرتب ومن عيوني بسفئلك ياه تغيير أبدي نهيوي أخروي...
فأمّا ليش ما عم أكتب، فلأسباب كتيرة أهمها أنو شفت متابعة الإعلام بكل ما ينبثق عنو من صحافة وإذاعة وغيرو وغيراتو ما بيعرض إلا لوجهات نظر خاصّة وافتقادو للحيادية خلاني أبتعد عنو مع خيط صغير بيجمعني فيه بالقضايا يللي بتهمني ويللي بتهم الإنسان بشكل عام، يعني إنسان الإنسانية بدون شكل ولون ودين وعرق...
فأما عن النهفات الأدبية يللي كنت أكتبها بالمدونة فهي بحاجة لمراجعة وتدقيق أكتر من ناحية اللغة والأسلوب والفنون اللغويّة، ومن ناحية التوسّع بالأفكار نوعاً ما... ولهالسبب بالذات ما عم أنشر كل شي عم أكتب حابب خبي أشيا إذا فكرت أنشر بالمستقبل شي كتاب أو ما شابه.

وهيك بيكون خلصت حديثي معك يابو بياض .

Mors ultima ratio
.
www.tuesillevir.blogspot.com
 
قديم 29/06/2009   #83
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي ديكور المدونة


بقصد بالديكور القوائم والصور واللينكات اللي تنحط على القوائم الجانبية للمدونات
المدونة مش بس نشر الاشيا اللي عم اكتبها
المدونة فيها شي احلى من هيك بكتير .. المدونة تماما متل الغرفة الخاصة فيك
كل واحد حر باختيار الديكور المناسب لمدونته لتصير مطابقة لذوقه الشخصي

وقت عم نحكي على الديكور ما منكون عم نحكي على قالب المدونة ابدا
كل حكينا هون على القائمة الجانبية ( أو القوائم الجانبية اذا كان القالب بالأصل فيه أكتر من عمود )

وقت منحكي على القوائم الجانبية بيطلع قدامنا أكتر من سؤال
شو بدي حط فيها ؟
شو بالاصل الخيارات اللي فيني حطها ؟
كيف بقدر ضيف أشياء عليها ؟

شو بدك تحط فيها ... هممممممم ظريف هلسؤال
الديكور ما بعبر بس على ذوق الشخص ... الديكور بكتير من الأوقات بعبر عن توجهات الشخص وافكاره وآراءه
يعني وقت بتفوت انت على مدونة وبتشوف واحد حاطط صورة وكاتب تحتها ( اوقفوا جرائم الشرف )
بكون صار عندك صورة واضحة تماما عن راي صاحب المدونة بقضية جرائم الشرف

هلق يمكن شوي انا عقدتها للقصص ..مو شرط يكون كلشي عم تحطه اله دلالات خطيرة ومعاني دفينة
بتقدر تحط صورة بتحبها او صورة رسمتا
هلشي بفوتنا بالسؤال التاني تبع شو الخيارات اللي فينك تحطها
حكمة بالحياة بتحبها او سطور وكلمات بتعنيلك بصفة فردية
كمثال عشوائي على الاشياء اللي شباب* الاخوية حاطينا
ياسين حاطط مقتطفات من رسالة لوالده
ذا مورنينغ حاطة موقع برنامج التعليم للصم والبكم
مرسيل حاطة لينك موقع بسمة لدعم الاطفال المصابين بالسرطان
قرصان الادرياتيك حاطط ألبوم صور
زين حاطط صورة لحمامة السلام وصورة تانية لغيفارا
حضرتنا حاطط صورة رسمتا بزمناتي

المهم انك تكون مقتنع بالشي اللي عم تحطه وما عم تنشره بس مشان العالم تقول : واو صاحب المدونة كتير عميق ومفكر
يعني على سبيل المثال لا الحصر
Nay اذا فكرت تعمل مدونة فشي كتير طبيعي تحط صورة موقع نساء سوريا أو تحط فعالية من فعاليات الموقع متل عريضة ايقاف جرائم الشرف أو حملة جنسيتي لي ولأولادي .
سوا ربينا ممكن يخصص كل فترة والتانية مربع يحط فيها "كاريكاتير الاسبوع " او هيك شي بما أنه بحب عالم الكاريكاتير وبتابع اخباره
عم اعطي امثلة على التوجهات وكيف ممكن المدونة تعبر عن الشخص بالديكور تبعها وقبل ما يقرا الزائر أيا حرف بصير عنده طابع مسبق عن الشخص اللي عم يقراله وهلشي بريح القارئ لدرجة كتير كبيرة وقت بيعرف شو نوع الافكار اللي بيحملها هلشخص اللي عم ينشر هون .


كيف بقدر ضيف الادوات والصناديق على القائمة:
هون جينا على الحكي العملي واللي بيجي منه بالفحص .

منفوت على موقع البلوغر blogger منسجل دخول على المدونة
من الصفحة الرئيسية منختار التخطيط
اتوتوماتيكيا مننتقل لصفحة "عناصر الصفحة "
بالشكل التالي



طبعا طريقة توزيع القوائم بتختلف من مدونة لتانية بحسب القالب
منفقش على "اضافة اداة " بيطلع بالعادة 20 أداة بصنفها الموقع على انها ( أدوات اساسية )

بدي اشرح أهم الشغلات اللي ممكن واحدنا يستعملها بمدونته :

مربع بحث :: هي جديد ضايفها الغوغل لخدمة المدونات تبع البلوغ سبوت
نص :: متل حكمة أو قول شهير أو تنبيه حابب اتحطه للقارئ اللي عم يتصفح مدونتك
صورة :: بتقدر تحط صورة مع لينك ( انك وقت تفقش عليها ينتقل المستخدم لصفحة انت بتحددها ) هي كتير بتستعمل مشان اذا بدك مثلا تحط موقع الاخوية .. بتحط الصورة تبع الموقع ( الموجودة بأعلى الصفحة ) وبتعمل انه وقت بينقر الواحد على الصورة ينتقل لصفحة الاخوية الرئيسية
عرض شرائح :: هي في طريقة خاصة مشان تحدد انت الصور اللي بدك تنعرض .. في الها علاقة بموقع فليكر منحكي عليها في حال حدا حابب يستعملها منقله شو يعمل
شريط فيديو :: بتحمّل الفيديو على صفحتك فورا بحيث المستخدم ينقر على صورة الفيديو ويشوف الفيلم مباشرة من صفحتك بلا ما ينتقل على موقع تاني
استطلاع رأي :: متل الاستفتاء اللي عنا بالاخوية ، بتقدر تحدد تاريخ اغلاق الاستفتاء وهيك اشياء
قائمة المدونات الالكترونية :: هي القائمة حكى عنها حج ياسين بشكل مفصل تحت عنوان التشبيك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



الفرق بين هي الاداة وبين قائمة الروابط
هوي انه قائمة الروابط بتقدر تحط فيها رابط أي موقع بدك وبشكل ثابت
بينما التانية خاصة بالمدونات .. مو ضروري تعرف كيف عم تشتغل .. المهم تعرف انه شغلتها اتجيب آخر تدوينة كتبها الشخص اللي عم اتابع مدونته وحاطط الرابط تبعها بالقائمة عندك وتحطه تحت اسمه
بتفيدك هلأشياء لتعرف شو آخر التدوينات اللي حطها الشخص اللي مشبك مدونته عندك .
التسميات :: وقت بالمحل اللي بتنشر فيه التدوينات بتلاقي موجود من تحت مربع صغير جنب كلمة النشر .. هاد المربع بفيدك بالتصنيف والتسميات
يعني ولنفرض انا كتبت تدوينة وحطيت الها التسميات التالية من تحت ( تحشيش ، سنافر ، أدب ساخر ، مجتمع ) (ضروري نفصل بين الوحدة والتانية بفاصلة مشان يعرف انه كل وحدة تصنيف منفصل عن التاني )
ومع الأيام كتبت تدوينة تانية تحت بند وحيد ( مجتمع )
القائمة هي اللي بدي ضيفها لحالها بتطالع التسميات اللي انت مستخدمها وجنبها عدد التدوينات المدرجة تحتا
بحيث انه وقت بينقر الزائر اللي جاية على مدونتك على كلمة (مجتمع ) يطلعله كل التدوينات اللي ضفت عليها تسمية المجتمع من تحت
ان شاء الله تكون وصلت الفكرة .. اذا ما وصلت خبروني لحطلكن صور وضح فيها شو القصد .
ارتباطات اشتراكات :: هي بتسمح للمتصفحين يتابعوا مدونتك عن طريق برامج قراءة الـ Rss
بتكون عم تقدم خدمة للزائر اللي حب صفحتك وحابب يتابع كل اخبارها بانك اتضيف هي الاداة على صفحتك .

أرشيف المدونة الإلكترونية :: بيعمل متل شجرة للتدوينات اللي انت حاطها وبصنفها زمنيا
بحيث يسهل عليك تقدر ترجعلها مع الايام
فينك تحطط طريقة الارشفة وطريقة عرض الارشيف بحسب الشي اللي بريحك
كمان بتكون عم تقدم خدمة للزائر اذا ضفتله هي الاداة .


أخيرا في صندوق اسمه HTML/JavaScript
هاد ما جبنا سيرته فوق ابدا ، مو لأنه ما منستعمل
بالعكس هاد أهم شي تقريبا بين الادوات كلها
والحكي عنه لحاله بده مشاركة لتنشرح فكرته وطريقة استخدامه بطريقة كافية .


بعد ما نزلت الاداة اللي بدك ياها وظبتطها على مراقك
وقبل ما تعمل حفظ للتغيرات اللي عملتها بالصفحة تبعك بتعمل ترتيب للاشياء اللي ضفتا بحسب الشي اللي بريحك
عملية ترتيب طريقة عرض الادوات من اسهل ما يكون
بالنقر والسحب برتب الاشياء بحسب ما بدي ياها تظهر .. تماما متل وقت برتب تسلسل الفايلات داخل شي فولدر عندي على الكومبيوتر
سحب وافلات يعني للصندوق بكون تغير محله على الصفحة تبع مدونتك





شباب* : قبل ما ينتفضوا فتيات الاخوية ويبلشوا يشدولي شعري الشباب بقصد فيها الفئة العمرية ذكورا واناثا

آخر تعديل Abu ToNi يوم 29/06/2009 في 17:17.
 
قديم 29/06/2009   #84
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : kosayka2 عرض المشاركة
انت بتعرفني ابو طوني
انا ما بمشي بالتهديد و لا أرضى بأنصاف الحلول ........

بالنسبة للصورة ظبطناها من القالب
يعني فعلا انا هلق لحتى تعرفت على لغة xml يلي لقيتها بسيطة و حلوة

بس الفكرة انو إضافة كلمة أقرأ المزيد (read more ) ما كانت تزبط لا بقرد و لا بدب

و من شان مدونتي انا هلق بلشت فيها و بعدها ببداياتها لان عم سوي مدونة للجمعية يلي انا فيها

بس متل ما بقولو عمول خير و كب بالبحر هاد هو لينك مدونتي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



و بس بدي رأيك بالمدونة يلي عم سويها لجمعيتي جمعية إيمان و نور
انت عارفها أكيد

و هاد هو لينك المدونة .........

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



أحلى أبو طونياه
مزبوط حكيك
اللي درس لغة برمجة (ايا لغة كانت ) بيستسهل كتير الاتش تي ام ال لأنها بسيطة إلى حد ما
بالك اني عامل دورات مثلا
كله على التجريب والتخبيص مرة ومرتين بالاخير بيمشي حاله
فتت على المدونتين وشفتن
مدونة ايمان ونور كتييييييييييييييييييييييي يييييير حلوة
اختيارك للقالب اكتر من ناجح والالوان كلشي زابط فيها وبشكل احترافي بهنيك على الجهد الحلو اللي واضح فيها
وفي الي سؤال ما بعرف اذا بحقلي اسأل بس انه يعني سؤال ما حدا بيعتب علي
كيف قدرت تعمل الجداول بالتدوينة ؟
انك قسمت صفحة التدوينة لجداول وكتبتا
بالعادة بضطر اعمل الجدول بشكل صورة لحطه بشي محل
في شي طريقه لأقدر حطه بشكل مباشر متل ما انت عامله ؟
 
قديم 29/06/2009   #85
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : قرصان الأدرياتيك عرض المشاركة
تسلم يا طيّب عَ ردّك الواضح والحلو متلك... أنا برأيي تنتبه عَ حالك شنّو أنت كتير حلو! .
الله ما كان جاب الغلا

اقتباس:
أنا ما صار معي بالقالب هيك شي بس عملت لتنين من الشباب الطيبة مدونات وعم يصير معن هالحالة، صارت معي وعم تكمل معن... هلا أنا حبيت أستفسر وأعرف السبب، وإذا كانوا مضطرين عالتغيير فبنستعين فيك شنّو أنت المعين الوحيد بهيك قضيّة. وسامحنا على اقتطاع وقتك غير المثمّن وما إلى هنالك من عبارات على نفس الموال...
سامحناك سامحناك
بس لازم نفرض على المراجعيين الحضور الشخصي لتمشية المعاملات
هيك ما بيمشي الحال علطالعة والنازلة تكحلني بطلتك البهية
عم نمزح ولو .. احلى قرصانيتو
بس عنجد ما عم امزح بخصوص تزبيط القالب قلن للشباب يعطوك ياه وانت بدورك بعتلي ياه لزبطلن ياه
من طرف قرصانيتو هدول مو حا يا الله
اقتباس:
شغلة قبل ما أنسى: عيب يا رجل الواحد يتصل بالتاني... وهاد التاني مو أنو ما بيرد، لك ما بيرجع يتصل وهالشي ألو معنى واحد مو أكتر، ومو كتير صعب يفهمو الأول! الهيئة أنتو الحلبيّة هيك لأنك رقم تنين من هالفصيلة... وعَ كل حال أنا توبت أتصل ببني بشر من حلب لا أنت ولا هداك يللي عاملي حالو بلا انتماء... شي بيطفر! إذا حدا حب يسأل فأهلاً وسهلاً ومحدا حب لحفض القرد!
يا زلمة انت ما بنمشى لا قدامك ولا وراك ( ترا الجملة هي مالها اي دلالات غير انك متطلب كتير وأي فهم خاطئ للجملة لسنا مسؤولين عنه بأي شكل من الاشكال )
انه مواعيد تلفوناتك اخت ملحوشة
بكل الاحوال مو هون محل شدشدة الشعر .. منتصافى بغير محل ( يلعن ديبك فضحتنا قدام العربان )

اقتباس:

بالنسبة لقالب مدونتي فمو عَ بالي غيرو... حالياً ماني فاضيلو... بس أنت لاقيلي قالب أحلى وأنظم وأرتب ومن عيوني بسفئلك ياه تغيير أبدي نهيوي أخروي...
ها
اذا هيك المشكلة فمحلولة هلق ببحبشلك على شي بيزبط معك ... مع انه بعرف ذوقك وما بيعجبك العجب بس منحاول ما منخسر شي
المهم اقدر حملك منية بشي قصة .. وفي سبيل الغاية تبرر كل الوسائل والتنازلات

اقتباس:
فأمّا ليش ما عم أكتب، فلأسباب كتيرة أهمها أنو شفت متابعة الإعلام بكل ما ينبثق عنو من صحافة وإذاعة وغيرو وغيراتو ما بيعرض إلا لوجهات نظر خاصّة وافتقادو للحيادية خلاني أبتعد عنو مع خيط صغير بيجمعني فيه بالقضايا يللي بتهمني ويللي بتهم الإنسان بشكل عام، يعني إنسان الإنسانية بدون شكل ولون ودين وعرق...
بس انت مدونتك مانها مصدر اعلامي
أنت آخد منحى اليوميات وماشي فيه
وبعتقد انه في كتير عالم متلي معجبة باسلوبك ومتابعة لتدويناتك
وما حدا عم يطالبك بالحياد .. بالعكس انت متلي بتعرف أنه الحياد يبزق من الفم متله متل الماء الفاتر
الموضوعية بتكفي كإطار للكتابة ومن خلال متابعتي الك خلال السنين الماضية بعتقد انك من أكتر الاشخاص اللي بقرالهن وبحس بموضوعيتن بالحديث

اقتباس:
فأما عن النهفات الأدبية يللي كنت أكتبها بالمدونة فهي بحاجة لمراجعة وتدقيق أكتر من ناحية اللغة والأسلوب والفنون اللغويّة، ومن ناحية التوسّع بالأفكار نوعاً ما... ولهالسبب بالذات ما عم أنشر كل شي عم أكتب حابب خبي أشيا إذا فكرت أنشر بالمستقبل شي كتاب أو ما شابه.
ما تصعب القصص ولووووو
يعني اذا نصبت كلمة بدل ما ترفعها ما رح تخرب الدنيا

من النهفات تبع البلوغ انك بتقدر تشوف العالم اللي مستعملين اللينك تبع مدونتك بصفحاتن الشخصية ( هي خدمة من غوغل بحكيلكن كيف بتستعملوها مع الأيام )
فأحدى الصفحات كانت ناشرة اسم مدونتي بس مع التشكيل تبعها والشدات وهلقصص
اكلت القصة مني تقريبا 0,0001 ثانية لأعرف انك انت اللي مستعملها بهلطريقة وبالفعل صدقت حواسي
اقتباس:

وهيك بيكون خلصت حديثي معك يابو بياض .
ما بدي رد عليك حتى ما اخسر حق الرد بالمستقبل
لهيك بدي اتحفظ على الاجابة وساحتفظ بحق الرد للمرة الجاية
 
قديم 29/06/2009   #86
شب و شيخ الشباب kosayka2
عضو
-- زعيـــــــم --
 
الصورة الرمزية لـ kosayka2
kosayka2 is offline
 
نورنا ب:
Nov 2007
المطرح:
في بيت نجوى
مشاركات:
1,486

افتراضي


اقتباس:
كاتب النص الأصلي : Abu ToNi عرض المشاركة
مزبوط حكيك
اللي درس لغة برمجة (ايا لغة كانت ) بيستسهل كتير الاتش تي ام ال لأنها بسيطة إلى حد ما
بالك اني عامل دورات مثلا
كله على التجريب والتخبيص مرة ومرتين بالاخير بيمشي حاله
يعني عنجد انا متلك فكرة التعلم الذاتي بأي شي أفضل من مية دورة

اقتباس:
كاتب النص الأصلي : Abu ToNi عرض المشاركة
فتت على المدونتين وشفتن
مدونة ايمان ونور كتييييييييييييييييييييييي يييييير حلوة
اختيارك للقالب اكتر من ناجح والالوان كلشي زابط فيها وبشكل احترافي بهنيك على الجهد الحلو اللي واضح فيها
يعني فعلا فرحتني من كل قلبي
لان المدونة بعدني ما فرجيتها لحدا بالجمعية
و بعدها ناقصة كتير و انت أول رأي بسمعو بخصوص المدونة
انشالله بعد شي اسبوعين رح نشتريلها نطاق و نسويها نظامية و رح تصير كاملة
لأن بعد في عشرات المقالات عن التعرف على الأخر و تقبل الأخر و حياة الشخص ذو الإحتياجات الخاصة
و .......... و غيرها
بس انو فعلا رايك يعني عطاني دافع كتير حلو



اقتباس:
كاتب النص الأصلي : Abu ToNi عرض المشاركة
وفي الي سؤال ما بعرف اذا بحقلي اسأل بس انه يعني سؤال ما حدا بيعتب علي
كيف قدرت تعمل الجداول بالتدوينة ؟
انك قسمت صفحة التدوينة لجداول وكتبتا
بالعادة بضطر اعمل الجدول بشكل صورة لحطه بشي محل
في شي طريقه لأقدر حطه بشكل مباشر متل ما انت عامله ؟
[/quote]

تمام هلق بالنسبة لهي الفكرة انا عم اكتب النص يلي بدي نزلو على الورد
و نسقو متل ما بدي
و بيحط الجداول يلي بدي ياها كلها من الورد

و لما خلص بالأخير بعمل نسخ من الورد على مكان كاتبة الرسالة بالمدونة
و ينتسخ متل ما هو

و أحلى تحيات أبو طونياه
 
قديم 01/07/2009   #87
شب و شيخ الشباب رجل من ورق
عضو
-- زعيـــــــم --
 
الصورة الرمزية لـ رجل من ورق
رجل من ورق is offline
 
نورنا ب:
Aug 2008
المطرح:
ببحر بعيد
مشاركات:
1,989

إرسال خطاب MSN إلى رجل من ورق
افتراضي


طب مثلا انا نقلت مكاتبي للورد بريس وبدي دوكر المدونة ساعدونا بللا

قم واضرب المستحيل بقبضتك اليسرى
انت تستطيع ذلك
http://themanofpapers.wordpress.com
 
قديم 01/07/2009   #88
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


اقتباس:
طب مثلا انا نقلت مكاتبي للورد بريس وبدي دوكر المدونة ساعدونا بللا
شو رأيك تحط شو بدك ،

متل اللي طالع بميكرو وعميقلو خدني عالبيت
 
قديم 01/07/2009   #89
شب و شيخ الشباب kosayka2
عضو
-- زعيـــــــم --
 
الصورة الرمزية لـ kosayka2
kosayka2 is offline
 
نورنا ب:
Nov 2007
المطرح:
في بيت نجوى
مشاركات:
1,486

افتراضي


مراحب ابو طوني

خيو بدي منك شغلة

هلق بمدونة ايمان ونور في عندي مشكلة

و اللي هي انو بالهيدر الفوقاني ما فيني انتقل لاي وحد منهون الا اذا كنت بالصفحة الرئيسية

يعني لوضح أكتر
أفض اني انا بصفحة "ما هي إيمان و نور " و بدي روح على صفحة " تطوع معنا "

يلي بصير أنو ما فيني روح على الصفحة ألا اذا ارجعت على الصفحة الرئيسية

فعندك شي حل؟؟؟؟؟؟؟
 
قديم 01/07/2009   #90
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي


عمـّي ابو طوني جبتلك سـؤال مافي منـّو بالسوق (( توصايه ))

أنـّو انظر الشكل :




هاد اللي بالأحمر رح يجنني .. لكن ما بدي غيّر الفورمات تبع عرض تاريخ التدوينه .. فـهات لنـشوف شو خرج نخترع كرمال هي المظاهره الحمراء ما عاد تطلع ؟
 
إضافة موضوع جديد  و الله هالموضوع مقفول ترى


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:58 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.17975 seconds with 12 queries