أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > رقميات > كمبيوتر > إنترنت

إضافة موضوع جديد  إضافة رد
 
أدوات الموضوع
قديم 11/10/2009   #1
شب و شيخ الشباب achelious
مشرف
 
الصورة الرمزية لـ achelious
achelious is offline
 
نورنا ب:
Oct 2006
المطرح:
الغدّ
مشاركات:
2,008

افتراضي رمز الخطأ80048820


بما انو المسنجر عندي (ياهو, وهوتميل) إلها فترة كم يوم معجزة الله الي خلقني,
وعم تتفنن "بإجعازي" وبرموز للخطأ مختلفة أكتر من السمايلي!!
قلت بجمعلكون هون مسيرة بحبشة عن حلول لكل رمز لخطأ ابتسملي وأنا فايت عالهوتميل تحديدا ..
لأنو الياهو غسلت ايدي منو وهو متنح عالرمز 81003005 ومالو حلّة!!
فاا
رمز الخطأ 80048820

اليكم الحل ..


الخطوات ..

1_ سكر المسنجر نهائي من شريط ابدء (بتعملو خروج بكبسة بالزر اليمين للفارة عشعارو جنب الساعة وبتسكرو)

2_ بتروح عخيارت المتصفح الي عم تستخدمو >ثم بتختار من شريط المهام بنافذة الخيارات .. محتوى(conten)
وبتعمل مسح لحالة SSL الموجودة بمحتوى الشهادات!

3_ من تشغيل (RUN) بقائمة ابدأ بتنسخ الأمر التالي
regsvr32 softpub.dll wintrust.dll initpki.dll
>ثم موافق!

وبيجيك ع طول تنبيهين نجاح DIIRegisterServer في wintrust.
ورا بعض والتالت بيلحقن كمان دقيقتين!

بعدا بتجرب تفوت عالمسنجر واذا ما مشي الحال جرب بعد الريستارت

وإلا بتكون أمام رمز تاني للخطأ (متل ما صار معي)
وهو الرمز 80048862

وهاد حلتو انك تروح عخيارات المتصفح>>اتصالات>>إعدادات الشبكةLAN
وبتوقف خيار الكشف التلقائي عن الإعدادات!

هلئ إذا مامشي الحال انتبه عرمز الخطأ الجديد بيكون 80072ee7
وهاد بيعني انو محظور من قبل الكاسبر!!
ولحتى تتأكد انو هيك الوضع طفي الانتي فايروس انترنت سيكورتي وجرب فوت!
(أنا ما فات معي!)
فبتشيل الحظر عنو من البرنامج ..

بعدا بيطلعلك الخطأ 81000306
انو في مشكلة بالاتصال! وهون
من تشغيل (RUN) بقائمة ابدأ بتنسخ الأمر التالي
netsh int tcp set global autotuninglevel=disabled

هون بقى إذا ما اشتغل متل ماصار معي بترجع لتوقيع العضو الكريم (شامي للنخاع) وبتعمل فيه!!
ومشان ما ادور شو بيقول أنا بنقلك الصورة ..
في حيط تنين تلاتة أربعة والسقف والأرضية تم انطاح راسك فيون ليمشي الحال

بالمناسبة صبيحة اليوم التالي لهالحفلة بيجوز يسجل دخول نظامي المسنجر بدون وجعة قلب!
(متل ما صار معي اليوم!!)

وعالهامش
تحياتي لشخص عطاني بروكسي إلي بفوت منو عالأخوية بعنوانا الرئيسي زمان, سعودي هو .. البروكسي مش الشخص, الشخص هو أحمد الله يطولنا بعمرو ويحطلنا حلول بهالقسم لهالقصص هي قبل ما يخسرنا!!
اي هاد البروكسي ماعاد قراه ولا متصفح بالتالي ماعاد عم فوت عأخوية من عنوانا الرئيسي
والحالة تعبانة يا ليلى

لا أحتاجُ لتوقيعٍ .. فالصفحةُ بيضا
وتاريخُ اليوم ليس يعاد ..

اللحظةُ عندي توقيعٌ ..
إن جسمكِ كانَ ليَّ الصفحات
  رد مع اقتباس
قديم 11/10/2009   #2
شب و شيخ الشباب ابو ريتا
عضو
-- مستشــــــــــار --
 
الصورة الرمزية لـ ابو ريتا
ابو ريتا is offline
 
نورنا ب:
Dec 2007
المطرح:
Polska-Białystok
مشاركات:
3,282

افتراضي


في حل أسهل :
يترك رب و دين الكمبيوتر والنت

أجمل الأمهات ..... التي انتظرت ابنها ..... أجمل الأمهات التي انتظرته
وعاد .....
..... عاد مستشهدا .....
...... فبكت دمعتين و وردة ...... ولم تنزوي في ثياب الحداد

آه ياريتا على فقيدك ...

بحبك بلا ولا شي...
بحبك يا ضيعتي البعيدة بيت ياشوط...
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 19:31 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.03664 seconds with 12 queries