علماء السعوديه يحرمون القول بدوران الارض وليس كرويه

[أإأبو العبد]

كاتب النص الأصلي : Sun Shine Art

يعني هلى الارض طلعت مو كرويه عند الاسلام ؟؟

لا طبعا الارض كروية بالاسلام
بس على فكرة نفس الشخص الي افتى الفتوة رجع فيها
وهاد بيعني انو الفتاوى عبارة عن اجتهادات مابتلزم اي حد من انو يلتزم فيها
مش غلط الواحد يعرض هيك فتوى مشان يتم النقاش فيها
بس صاحب هالموضوع ماكان غرضو من هالموضوع او غيرو النقاش وهو شخصيا حكى هالحكي
بمعنى اصح انو هاد لعب ولاد صغار ونصيحة اخيرة
(يلي بيتك من قزاز لاترمي الناس بالحجارة)

[توم و جيري]

كاتب النص الأصلي : شمس سوريا

هفففففففففففففففففففف

هلاء دارو دارو

مالئو غير الارض يحيلو عليها

دخييييييييييل ربهن انا شو رايئين

بكرا بيئولو حرام نمشي عليها لانو من مخلوقات الله كمااان .......هع هع

لا تخافي قبل ميموت بنص ساعة بيحرم المشي عليها لان متوكل ..

[nour333]

اول شي وردة بغداد ضحكت جماعة اخوية على شيوخ سعوديه حتى بدت نواجذهم
بعدين عمالك بتحكي عن الشيخ عبدالعزيز بن باز وما ادراك من بن باز وحاطه عنوان علماء السعودية بتزكريني بأسلوب المجلات الرخيصه اللي بدها تبيع اعداد
والمصيبه انو في اعضاء ما سمعو ببن باز وبجوز بفكرو من هالشيوخ اللي بيطلعو ع الفضائيات وبقبضو بالدولار ويمكن ماحد عارف انو توفى يعني عم تاكلي بلحم ميت ولحوم العلماء مسمومه فما بالك بعالم كان تحت ايدو ملايين وختار الله ورسوله
هلا ما رح اسألك بمصادر معلوماتك اصلا ما بتهمني كلها بس شفت كلام ابو العبد انو تراجع عن فتوتو وعمر ما عالم عارض شي اثبتو العلم بالدليل القاطع
بعدين لما يقول القرآن لاالشمس ينبغي لها ان تدرك القمر ولا الليل سابق النهار وكل في فلك يسبحون كان القصد تعاقب الليل والنهار على الارض والفلك اي المدار يعني يسبحون بحركه دورانيه والارض فايته ضمنيا معهم.

[Black Orchid]

كاتب النص الأصلي : Sun Shine Art

انا ما فهمت شي ..شو الفتوى وشو صاير ..
حدا يشرحلنا بالمختصر االمفيد يرضى عليكون ..

يعني هلى الارض طلعت مو كرويه عند الاسلام ؟؟

الله يرحمك يا انشتاين ..

متل بعضه!! اذا الارض مدوره دوروا واذا مسطحه تسطحوا

[نور سلام]

الحقيقة انا لاقيت انو أنسب شي اني ادور على شي رد مقنع وان شاء الله اكون توفقت لأني لطشت مقالات عن اثبات كروية الارض ودورانها حول نفسها وبرضه مدعمة بايات قرانية عظيمة ويبدو تفسيرها اكثر توافقا مع العلم والاكتشاف الحديث .وعلى كل هالمواضيع هاي انا حطيتها برضه بقسم ملطوشات في منتداننا العزيز فيكم تتطلعوا عليها وتقارنوا........وبرضه مشكورة يا وردة بغداد

[عاشق الفطاير جبنة]

أنا يا شباب بحكم قعدتي بالسعودية سمعت كتييير نقاشات حول هاد الموضوع..
و كانت نقطة الخلاف الرئيسي .هو إنو الاسلام ما بيعارض العلم,بل انو بيجي يا موافق الو ..أو دال عليييه... كانت هي النقطة هي نقطة الخلاف.....فكااان من غير الممكن ان يذهب الشيييخ ابن الباز..الى القوول بكروية الارض..
و ما عندو دليييل على هالشي ... بس الشيوخ بالاخير اتفقوا على كروية الارض ...بس هيي بالفعل مسطحة....لانو في فرق بين شكل الارض,,و بين المنظر الظاهر منهااا

(( إلى الاخوة اللي تكلموا على الشيييخ......اذا ما بتعرفوو الشييخ لا تتكلموو please((


مع التحية

[عاشق الفطاير جبنة]

كمان أصلا الشييخ مات من قبل شيييييييي ..... 7-8 سنييييين

بقا كيف طالع هلفتوى الجهنمية؟؟؟؟؟؟؟؟؟؟؟؟؟؟؟؟؟ ؟؟؟؟؟؟

[الشميري]

كاتب النص الأصلي : راديا

جماعة لو بدنا نسقط الكلام المتواجد سلفا علينا يعني كلنا كافرين و مرتدين و اموالنا و اموال ابائنا لبيت مال المسلمين صح ولا لاء؟لانو هني هيك بدون..
لايمتى بدنا نظل بهالعتمة و التخلف و الجهل اه ؟لك بس بدي اعرف لايمتى ..ازا هدول اللي عم يدعو انون شيوخ و بيفهمو القران منيح وانون القلب النابض للاسلام و الحريصين عالرسالة و مدري شو من هالشعارات الرنانة يفكرو بس شوي قبل ما يحكو
ا شو الله بدو يحكي بالمشرمحي
بقى ما لازم نتقيد بالكلمة قد ما لازم نغوص بالمعنى اكتر و اكتر عم نحاكي عقل نحنا ..
في اية زغيرة بسورة الزمر الاية 5
بتقول انو :يُكَوِّرُ اللَّيْلَ عَلَى النَّهَارِ وَيُكَوِّرُ النَّهَارَ عَلَى اللَّيْل
طيب هاالشي بيدل ع انو الارض كروية ليه ؟
الليل و النهار قد بعضون ووقت ما يكون في ليل من هالميل و نهار من هالميل و كلمة يكور هون بتدعم المعنى لذلك نصين من النهار و الليل بس يلزقو ببعضون بيصيرو كرة ..
و هون فيكون تستفديو اكتر

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الله العالم

[Abu ToNi]

و ما عندو دليييل على هالشي ... بس الشيوخ بالاخير اتفقوا على كروية الارض ...بس هيي بالفعل مسطحة....لانو في فرق بين شكل الارض,,و بين المنظر الظاهر منهااا

سمعت صوت انّة غاليليو بقبره نتيجة البلوكة اللي انت هلق سفقته فيها على راسه

[باشق مجروح]

متأكدين هادا الموضوع بالقرن الـ 21 و لا رجع الزمن لورا ؟!

[suzaan]

الأرض كروية 100% وبتدور لكن كيف صار تعاقب الليل والنهار وكيف صارت الفصول الأربعة

عن جد شي غريب أول مرة بهيك شي

معقول الأرض ماعم تدور ؟؟

لكن كيف عم يصير الليل والنهار وكيف عم يصير صيف وشتا وهيك فصول

أما شي غرررررررررررررريب عن جد

[jovia]

كاتب النص الأصلي : suzaan

الأرض كروية 100% وبتدور لكن كيف صار تعاقب الليل والنهار وكيف صارت الفصول الأربعة

عن جد شي غريب أول مرة بهيك شي

معقول الأرض ماعم تدور ؟؟

لكن كيف عم يصير الليل والنهار وكيف عم يصير صيف وشتا وهيك فصول

أما شي غرررررررررررررريب عن جد

لا حبيبتي سوزان هي الشمس هي اللي عم تدور حولين الارض كرمال هيك من كتر الحركة صارت لهلوبة متل النار (نتيجة معئولة ما هيك )كرمال ما بتهم حدا وما نزعل حدا بالمنتدى

[suzaan]

هيك ونص ياقمر كلامك كلو صحيح

ولازم مانزعل حدا من اعضاء المنتدى مو

[لجين مهند قطيش]

كاتب النص الأصلي : nour333

اول شي وردة بغداد ضحكت جماعة اخوية على شيوخ سعوديه حتى بدت نواجذهم
بعدين عمالك بتحكي عن الشيخ عبدالعزيز بن باز وما ادراك من بن باز وحاطه عنوان علماء السعودية بتزكريني بأسلوب المجلات الرخيصه اللي بدها تبيع اعداد
والمصيبه انو في اعضاء ما سمعو ببن باز وبجوز بفكرو من هالشيوخ اللي بيطلعو ع الفضائيات وبقبضو بالدولار ويمكن ماحد عارف انو توفى يعني عم تاكلي بلحم ميت ولحوم العلماء مسمومه فما بالك بعالم كان تحت ايدو ملايين وختار الله ورسوله
هلا ما رح اسألك بمصادر معلوماتك اصلا ما بتهمني كلها بس شفت كلام ابو العبد انو تراجع عن فتوتو وعمر ما عالم عارض شي اثبتو العلم بالدليل القاطع
بعدين لما يقول القرآن لاالشمس ينبغي لها ان تدرك القمر ولا الليل سابق النهار وكل في فلك يسبحون كان القصد تعاقب الليل والنهار على الارض والفلك اي المدار يعني يسبحون بحركه دورانيه والارض فايته ضمنيا معهم.

كفيتي ووفيتي

جزاك الله خير اختي العزيزه ,,,

[أإأبو العبد]

سكرولنا هالموضوع الله يرضى عليكن

[لجين مهند قطيش]

كاتب النص الأصلي : أإأبو العبد

سكرولنا هالموضوع الله يرضى عليكن

ليه بدك تسكر الموضووع

حراااام عليك ياشيخ

كذا بتزعل وردة بغداد

لك هي تعبانه وعامله بحبشه عن السعوديه وطلع معها هالمووضوووع

وبالنهايه بدك تسكر المووضووع

لا حراام ,,,لاتزعلونها وردتنا وردة بغداد

[jovia]

كاتب النص الأصلي : لجين مهند قطيش

كفيتي ووفيتي

جزاك الله خير اختي العزيزه ,,,

لجين ما عم بقدر شوف ردك بشكل واضح والله كتير بيحول يا ريت تغيري لونك حبيبتي ياسميناتي انا جوفيا

[أإأبو العبد]

كاتب النص الأصلي : jovia

لجين ما عم بقدر شوف ردك

ومابقى تشوفي ردا من الان فصاعدا الانسة لجين طارت