اعتقال آصف شوكت

[المحارب العتيق]

فخار يكسر بعضو

[MadMax]

كاتب النص الأصلي : yass

هاي ما اختلفنا عليها... بس يظل السؤال انو معسكر "براني" و للا " من جوا"

يمكن معسكر من جوا مرتبط بمعسكر براني





بس ع قولة ابراهيم الامين .....صار أي خبر بيصدر من خلال خدام ..... بيفقد مصداقيتو أمام الشارع السوري

[صياد الطيور]

الموضوع التاني بموقع قناة العربية



خلال حفل تخريج للضباط
آصف شوكت يظهر على التلفزيون السوري في نفي لـ"شائعة" اعتقاله


بث التلفزيون السوري الرسمي لقطات للواء آصف شوكت رئيس الاستخبارات العسكرية وصهر الرئيس السوري، ضمن تقرير تلفزيوني لحفل تخريج دفعة ضباط جديدة في الأكاديمية العسكرية العليا، وذلك في إطار الرد على شائعات اعتقاله.

واعتبرت الأوساط الإعلامية أن بث هذا الشريط في هذا التوقيت هو نفي غير مباشر لـ"شائعات" عن حصول خلاف بين الرئيس السوري بشار الأسد وزوج شقيقته آصف شوكت، وأن الأخير وضع تحت الإقامة الجبرية، في حين أن زوجته بشرى الأسد شقيقة الرئيس السوري غادرت إلى فرنسا وهناك تقدمت بطلب لجوء وتم رفض طلبها.
وظهر شوكت ضمن تقرير مصور لحفل تخريج دورة ضباط القيادة والأركان ودورة الأركان في الأكاديمية العسكرية العليا أقيم الخميس الماضي تحت رعاية الرئيس السوري بشار الأسد، وناب عنه في حضور الحفل العماد حسن توركماني نائب القائد العام ووزير الدفاع، بحسب تقرير نشرته صحيفة "الشرق الأوسط" الأحد 13-4-2008.

وتضمن الشريط لقطات للواء شوكت مع عدد من كبار ضباط القيادة العامة والتشكيلات ومديري الكليات والمعاهد العسكرية وبعض الملحقين العسكريين وحشدا من المدعوين.‏

ويشار إلى أن الأخبار والتقارير المصورة فيما يخص الشؤون العسكرية في سورية تصدر حصرا عن الإدارة السياسية، وتتولى وسائل الإعلام السورية بثها ونشرها كما هي.

وكانت صحف ومواقع إلكترونية، ومعظمها مقربة من أطراف معارضة سورية، تداولت شائعة اعتقال آصف شوكت.

وأكد "المرصد السوري لحقوق الإنسان" خبر اعتقال أجهزة الأمن السورية آصف شوكت، وأشار المرصد إلى أنّ ذلك يأتي تحسّباً لعملية انقلابية ضد نظام الرئيس بشار الأسد.

ونقل المرصد عن مركز بحثي أمريكي معلومات تفيد أنّ المسؤول العسكري لحزب الله عماد مغنية، الذي كان قد تم اغتياله في دمشق، كان قد أبلغ الرئيس بشار الأسد قبل استهدافه أنّ آصف شوكت بدأ بإجراء اتصالات مع وكالة الاستخبارات المركزية الأمريكية وربما بات يخطط للإطاحة بالرئيس السوري.

وكان نائب الرئيس السوري عبد الحليم خدام قد كشف في حديث مع صحيفة "المستقبل" اللبنانية قبل أيام، نبأ اختفاء آصف شوكت، وأنّ تعليمات صدرت من الرئيس بشار الأسد شخصياً تقضي بمنعه من مغادرة الأراضي السورية.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[فاوست]

انا لا أعتقد بأن أصف أجبر على حضور الحفل بس كمان وارد جداً يكون أصف شوكت نحي عن أدارة المخابرات

البعض عم يقول انو أصف هرب وثائق مع بشرى للخارج وبالتالي حمى نفسه لكن كله يبقى إشاعات
وهذه الإشاعات لاتدل إلى على شيء واحد وأخص هنا فيه جماعة الموالاة

الا يدل هذا على طبيعة النظام العائلية؟ وبالتالي على ديكتاتوريته وتسلطه؟وبالتالي عدم وطنيته!!؟

[فاوست]

السفير السوري في واشنطن عماد مصطفى إن "مجموعات صهيونية" هي التي تقف وراء ترويج ما ينشره بعض الإعلام العربي والمعارض عن اعتقالات في أوساط كبار ضباط الجيش أو الأستخبارات السورية وإدراج إسم السيد ( آصف شوكت

عن كلنا شركاء

لكن لحد الأن لا يوجد نفي رسمي،وحتى لو سماه موقع كلنا شركاء نفي رسمي،ليس رسمياً بكونه لم يصدر عن وكالة سانا مثلاً والتي تنسبه بدورها لمسؤول في وزارة الإعلام السورية أو مصادر رسمية سوريا
ثانياً الخبر لم ينفي الإعتقال بل قال جهات صهيونية هي التي تروج لهذا

ثالثاً:إن ما قاله مصطفى هو شيء تحليلي

[MadMax]

كاتب النص الأصلي : فاوست

الا يدل هذا على طبيعة النظام العائلية؟ وبالتالي على ديكتاتوريته وتسلطه؟وبالتالي عدم وطنيته!!؟

لكن لحد الأن لا يوجد نفي رسمي،وحتى لو سماه موقع كلنا شركاء نفي رسمي،ليس رسمياً بكونه لم يصدر عن وكالة سانا مثلاً والتي تنسبه بدورها لمسؤول في وزارة الإعلام السورية أو مصادر رسمية سوريا
ثانياً الخبر لم ينفي الإعتقال بل قال جهات صهيونية هي التي تروج لهذا

من جهة عم تحاول تقنعنا بصحة الاشاعة
و من جهة تانية عم تقول أنو النظام بسوريا عائلي

و هالأمرين ..... بيتناقضوا مع بعض

[فاوست]

من جهة عم تحاول تقنعنا بصحة الاشاعة
و من جهة تانية عم تقول أنو النظام بسوريا عائلي

و هالأمرين ..... بيتناقضوا مع بعض

لأ انا ما عم أقنع بصحة الإشاعة بس أنا قلت أنو التصريح يلي قام فيه عماد مصطفى لا ينفي وليس بكافي
تاني شي إذا تم إعتقال أصف شوكت فعلاً هل هذا بينكر الصفة العائلية للنظام أكيد لأ بل على العكس بيذكرنا بطبيعة النظام العائلية وأنو أصف صهر بشار
يعني ممكن صار في مشكلة بيناتن وانتهت بإعتقالوا مع العلم أني مش مصدق موضوع إعتقالوا

بس صديقي في حدا فينا ينكر انو النظام عائلي؟؟؟
يعني حافظ الأسد باسل الأسد ماهر الأسد بشار الأسد ومن ثم أصف شوكت حافظ مخلوف أبن خالو عاطف نجيب أبن عمتو وعلي مخلوف من العائلة أيضاً وذو الهمة شاليش وكثيرين أخرين

هلق سؤال ليش أحياناً منشوف صورة موجودة على الحيطان مثلاً أو على السيارات أو بفروع الامن
لكل من حافظ وبشار وماهر يعني الثالوث المقدس يعني بس يعني ؟
هلق موضوع التوريث لبشار وفهمنا وانو ياأخي هي إرادة الشعب(شوف هالكذبة)
طيب هل تسليم الصهر أصف المخابرات العسكرية إرادة الشعب أيضاً شو مافي غير بالبلد
طيب ماهر الاسد الاخ تسليمو الحرس الجمهوري شو كمان إرداة الشعب ومافي غيرو بالبلد
والمثال ينطبق على كل المسؤولين من عائلة الأسد وأخوالهم وأبناء عمومتهم وخالتهم وأنسبائهم

[MadMax]

كاتب النص الأصلي : فاوست

بس صديقي في حدا فينا ينكر انو النظام عائلي؟؟؟
يعني حافظ الأسد باسل الأسد ماهر الأسد بشار الأسد ومن ثم أصف شوكت حافظ مخلوف أبن خالو عاطف نجيب أبن عمتو وعلي مخلوف من العائلة أيضاً وذو الهمة شاليش وكثيرين أخرين

هلق سؤال ليش أحياناً منشوف صورة موجودة على الحيطان مثلاً أو على السيارات أو بفروع الامن
لكل من حافظ وبشار وماهر يعني الثالوث المقدس يعني بس يعني ؟
هلق موضوع التوريث لبشار وفهمنا وانو ياأخي هي إرادة الشعب(شوف هالكذبة)
طيب هل تسليم الصهر أصف المخابرات العسكرية إرادة الشعب أيضاً شو مافي غير بالبلد
طيب ماهر الاسد الاخ تسليمو الحرس الجمهوري شو كمان إرداة الشعب ومافي غيرو بالبلد
والمثال ينطبق على كل المسؤولين من عائلة الأسد وأخوالهم وأبناء عمومتهم وخالتهم وأنسبائهم

مشان هيك ...
المفروض ما تفوت براسك الاشاعة كلا

[هدوء البحر]

انو شو رأيكم بلي مكتوب على اعتقال اصف شوكت على موقع احرار سوريا

يعني معئول لهدرجة

[صياد الطيور]

كاتب النص الأصلي : فاوست

لأبس صديقي في حدا فينا ينكر انو النظام عائلي؟؟؟
يعني حافظ الأسد باسل الأسد ماهر الأسد بشار الأسد ومن ثم أصف شوكت حافظ مخلوف أبن خالو عاطف نجيب أبن عمتو وعلي مخلوف من العائلة أيضاً وذو الهمة شاليش وكثيرين أخرين

الموضوع موجود بكتير من دول العالم ... و كمان في دول ما فيها هالشغلة
بس سوريا كدولة مواجهة و معرض نظامها للانقلاب و للاختراق و للحركات الداخلية و للأحزاب و مدري شو .. بيضطر رئيس دولة متل الدكتور بشار الأسد لوضع أشخاص ثقة و معرفة و أقارب بالمراكز الحساسة الي بيضمن وقوفهم لجانبو بحال حدوث أي شي بالبلد
الحرب الأخيرة على العراق شفنا الخيانات الي ادت لسقوط بغداد و الي لولاها ما سقطت بغداد بهالسهولة
هالشي خلنا قيادتنا تفكر بشد أكبر بحالات مماثلة عنا ..
يعني مين ممكن يحمي الأخ الرئيس أكتر من أخوه المستلم الفرقة الرابعة مو الحرس الجمهوري و هي فرقة مهام خاصة
يعني خود الموضوع لنطاق أصغير بكتير كتير .. لما شي حدا بيروح على شي فندق و بيستلم مدير عام فيه .. أول شي بيعملو أنو يوظف معارفو وأصدقائو بالمراكز الحساسة بالفندق متل شيف المطبخ و المدير المالي و مدراء المطاعم و المستودعات ..

نحن ما عنا مانع أنو يعين الاقرباء اذا كانوا مفيدين ( يعني اذا كان عنا شو ممكن نساوي ؟ ) بس التمييز الي عم تتعامل فيه بعض الادارات سخيف ووقح .. بس كمان .. أنا ما سمعت ولا مرة بحركات غير مناسبة من قبل ماهر الأسد ( مع العلم بأنو آصف شوكت كان مستلم منصب رفيع المستوى قبل ما يفكر أنو يتزوج ببشرى ) يعني آصف مو من المقربين ولا من العائلة و لا من المحبوبين حتى

[M@hmoud]

هللق اش طلع معكو....معتقلينو لآصف شوكت ولا لأ

أنا ما سمعت ولا مرة بحركات غير مناسبة من قبل ماهر الأسد

أبناء الرئيس حافظ الاسد الله يرحمو ماحدا سمع عنهون شي ابدا مو كويس وهالشي بيفتخر فيه

يعني الرئيس حافظ رباهون ترباية عا اصولها...مو متل عدي وقصي الله يرحمهون هللق

[whiterose]

new tv
كذبت الخبر

[فاوست]

الموضوع موجود بكتير من دول العالم ... و كمان في دول ما فيها هالشغلة
بس سوريا كدولة مواجهة و معرض نظامها للانقلاب و للاختراق و للحركات الداخلية و للأحزاب و مدري شو .. بيضطر رئيس دولة متل الدكتور بشار الأسد لوضع أشخاص ثقة و معرفة و أقارب بالمراكز الحساسة الي بيضمن وقوفهم لجانبو بحال حدوث أي شي بالبلد
الحرب الأخيرة على العراق شفنا الخيانات الي ادت لسقوط بغداد و الي لولاها ما سقطت بغداد بهالسهولة
هالشي خلنا قيادتنا تفكر بشد أكبر بحالات مماثلة عنا ..
يعني مين ممكن يحمي الأخ الرئيس أكتر من أخوه المستلم الفرقة الرابعة مو الحرس الجمهوري و هي فرقة مهام خاصة
يعني خود الموضوع لنطاق أصغير بكتير كتير .. لما شي حدا بيروح على شي فندق و بيستلم مدير عام فيه .. أول شي بيعملو أنو يوظف معارفو وأصدقائو بالمراكز الحساسة بالفندق متل شيف المطبخ و المدير المالي و مدراء المطاعم و المستودعات ..

نحن ما عنا مانع أنو يعين الاقرباء اذا كانوا مفيدين ( يعني اذا كان عنا شو ممكن نساوي ؟ ) بس التمييز الي عم تتعامل فيه بعض الادارات سخيف ووقح .. بس كمان .. أنا ما سمعت ولا مرة بحركات غير مناسبة من قبل ماهر الأسد ( مع العلم بأنو آصف شوكت كان مستلم منصب رفيع المستوى قبل ما يفكر أنو يتزوج ببشرى ) يعني آصف مو من المقربين ولا من العائلة و لا من المحبوبين حتى

هلق بشرفك أنت مقتنع بهالحكي؟؟

طيب رح أيجي معك
ليش النظام السوري معرض للإختراق والحركات الداخلية ومدري شو؟
يعني هادا إعتراف منك انو النظام بسوريا ما إلو شعبية ؟؟
بعدين ليش السوريين كخة يعني نحن بدولة مؤوسساتية ولا مزرعة لحتى نحكي بهالمنطق
بعدين أبن العم بزعل منك مقارنتك مع العراق مو منطقية أبداً لانو بالعراق النظام كان عائلي أيضاً يعني اولاد عم صدام وأبناء عشريرتو وطبعاً ولادو
بعدين هادا الشي مو من عدور بشار حتى نقول أنو هو عملو بعد العراق يعني على دور والده حافظ كان موجود كمان
بالنسبة لأصف زادت صلاحيتو بعد زاوجو من بشرى

اخر شي مابدنا نكذب على بعض ،النظام بسوريا نظام جبان لانو ما عندو ثقة الشعب وبالتالي هو ما بيثق بالشعب نظام هو نظام عائلي قائم على المصالح وأتت بتعرف هادا الشي يا شباب ياريت ما نبرر الأخطاء هي لانو ما عاد في شي يتخبا هاد شي حقيقي وواقعي ومافيني نكذب فيه أو نبررو

بعدين انت قلت أنو بعض الإدارات ببتعامل بتيمييز وبشكل وقح يعني على مستوى شركة أو دائرة تعيين الأقارب بيكون شي ء سيء جداً فكيف على متسوى دولة

الدولة مش ملك لبشار ولا لبيت الأسد الدولة ملك لكل السوريين

[Nihal Atsiz]

كما قال السيد وليد جنبلاط تعليقا على اغتيال عماد مغنية في قلب العاصمة دمشق ( ها هم ينهشون بعضهم البعض)
صدقت يا وليد بيك

[MadMax]

كاتب النص الأصلي : بيبرس تركمان

كما قال السيد وليد جنبلاط تعليقا على اغتيال عماد مغنية في قلب العاصمة دمشق ( ها هم ينهشون بعضهم البعض)
صدقت يا وليد بيك

يضرب من بين البكوات





و على فكرة ... كل ما هاجم البيك تبعك النظام السوري
عم تزيد شعبية النظام

[صياد الطيور]

أتفه رجل ممكن تسمع اقواله هو وليد جن بلاط ( ما فيي قول عنو رجل سياسة ) لأنو أبعد رجل عن السياسة
أحمق .. أهبل .. كذاب ... لعنك الله يا وليد بيك

[sezar]

وين أيام شفرات البيك ولا قلام البيك
كانت تحكي و شغل أصلي
هلق ما ضل شي أصلي

[صياد الطيور]

يلعن أخت التحشيش