أنت مع قانون الإعدام ..

[yass]

كائن متوحش قتل من شعب ومن جيرانو اكتر من مليون بني ادم وياريت بلا ماننسى دم الشهداء السورين الي راحو بمعيتو بتفجيرات البولمنات ...يعني اذا ماكان حدى من عيلتك ميت علة ايدو بدك تترحمي عليةّ!!!
انا ضد عقوبة الاعدام بس في قاذورات بتاريح الانسانية اعتماد على جرائمهم بيفقدو محتواهن الانساني بعتقد ان عقوبة الاعدام بتلزمهن ..رغم انها مابتعمل شي لعوائل الضحايا
ملاحظة:هالي عم تتاسفو على اعدامو عدم بزمناتو 4 من عيلتي ..وبالتالي الي حابب يناقش بالموضوع لايتوقع اني راح كون حيادي ...يسلمن رفيقي علة موضوعك

أنا ضد الاعدام بشكل عام و ضد اعدام صدام بشكل خاص و لسبب بسيط... لأنو باعدامو حولوه لقديس و بطل, و هالشي بيغيظني

[Syrian Gay]

هللا لا تقلبو الموضوع لإعدام صدام بالتحديد

نحن عم نحكي على الاعدام بشكل عام

وتركونا بالاعدام المحلي بسوريا وبقانون الاعدام تبعنا

[لامار]

انا مع عقوبة الاعدام مشان اللي ما تربوا منيح يتربوا لانهن بشكلوا خطر علينا على المجتمع

[yass]

انا مع عقوبة الاعدام مشان اللي ما تربوا منيح يتربوا لانهن بشكلوا خطر علينا على المجتمع

صعب شوي أنو الواحد يتربى و هوي ميت ما هيك؟

[Rena]

انا بين مع وضد .....
يعني مثلاً انا ضد بجميع الحالات ...... بس بحالة الخيانة انا مع الاعدام .....
لان الانسان لما يتجرد من الانسانية يلي عندو لازم يموت ..... واكتر شي خيانة الوطن ....
وحتى ضد عقاب السارق ..... يلي بيسرق مشان ياكل مثلاً ..... او مشان يساعد اهلو .... وهيك شي مثلاً ... ما بصير يطبق بحقو اي نوع من العقوبات ....

[Rena]

كاتب النص الأصلي : yass

صعب شوي أنو الواحد يتربى و هوي ميت ما هيك؟

مظبوط .....
بس المصيبة انو المجتمع بهالايام هوي يلي بربي مو الاهل .....
ف لهيك ما الها لزمة هالمحاكم ....
الناس عم تربي بعضا ..... وعم تفسد بعضا ..... وانت وحظك اذا رح يطلعولك ولاد الحلال او الحرام .....

[ranran]

أنا ضد الإعدام لأني كإنسان ما من حقي ألغي حياة شخص تاني و هيك بكون حليت جريمة بجريمة تانية و لانو كل إنسان بستحق ياخد فرصة تانية لانو قابل للتغيير ..

بس المشكلة أنو هالأشخاص لازمن كوادر تأهلية و اجتماعية تساعدن يقدرو يندمجو بالمجتمع و يقللو عدوانيتن و ما بعرف اذا هالشي متوافر بالسجون السورية

طبعا هالأشخاص لازم يتحاكمو، لانو ما في مجتمع بمشي بلا قوانين و أنظمة و إلا بتسير الدنيا سايبة بس قتل القاتل ما رح يرجع الشخص اللي انقتل

و تطبيق عقوبة الاعدام أو لغيها ما رح تقلل من عدد المجرمين و الا كانت الدول اللي لاغية حكم الاعدام معباية قتالين قتلا عبتفتلو بالشوارع و بقتلو ع كيفن

[Syrian Gay]

كاتب النص الأصلي : ranran

أنا ضد الإعدام لأني كإنسان ما من حقي ألغي حياة شخص تاني و هيك بكون حليت جريمة بجريمة تانية و لانو كل إنسان بستحق ياخد فرصة تانية لانو قابل للتغيير ..

بس المشكلة أنو هالأشخاص لازمن كوادر تأهلية و اجتماعية تساعدن يقدرو يندمجو بالمجتمع و يقللو عدوانيتن و ما بعرف اذا هالشي متوافر بالسجون السورية

طبعا هالأشخاص لازم يتحاكمو، لانو ما في مجتمع بمشي بلا قوانين و أنظمة و إلا بتسير الدنيا سايبة بس قتل القاتل ما رح يرجع الشخص اللي انقتل

و تطبيق عقوبة الاعدام أو لغيها ما رح تقلل من عدد المجرمين و الا كانت الدول اللي لاغية حكم الاعدام معباية قتالين قتلا عبتفتلو بالشوارع و بقتلو ع كيفن

حكيكي سليم

واكتر شي فيو وجهة نظر هو يللي لونتو بالاحمر فوق

[Syrian Gay]

UP

الموضوع منيح بس بعتقد ما أخد حقو

[wwq]

انا مع الاعدام اذا كان المحكوم عليه قاتل على سبق الاصرار

بس اذا كان المحكوم عليه بالاعدام قتل بلغلط يعني متل حادث سياره او كان سياسي انا ضد الاعدام

[oliver68]

شكرا عالموضوع، عنجد حلو.
يا شباب لازم نعرف أول شي إنو نحنا عايشين ضمن مجتمع، مو كل واحد ساكن بضيعة لحالو، فتخيل حالك عايش بمجتمع أقصى عقوبة فيه لأبشع جريمة هيي الحبس المؤبد، فأكيد مارح يكون في رادع لأي مجرم أو أي مختل، فمشان هيك عقوبة الإعدام مهمة بقانون أي مجتمع، بس ما لازم تكون بهالسهولة أو بهالبساطة، لكن فينا نحصر عقوبة الإعدام بجرائم معينة، يعني الخيانة بجميع أنواعها وأشكالها والقتل مع سبق الإصرار والترصد والاغتصاب وبخاصة اغتصاب الأطفال، يعني لو كنت مشرع مستحيل واحد خاين مع وجود أدلة قاطعة لاشك فيها على خيانتو، روح والله حطو مؤبد، لأ لازم اعدمو عقابا إلو والأهم هوي ردعا لغيرو، بعدين واحد عاقل راشد يغتصب أطفال أو أي إنسان، ولا بأي شكل ممكن خليه عايش، لازم اعدمو مشان اخلص من شرو واردع غيرو، ونفس شي على القتل العمد، بس مو معقول واحد قتل التاني بالغلط روح اعدمو أو واحد بلحظة فورة دم قوية قتل إنسان روح اعدمو...
بس بالنهاية أنا مع عقوبة الإعدام لأنها ضرورية مشان تهذيب المجتمع وأفرادو، بس ضمن شروط وضوابط وتخصيص لجرائم معينة، مو لكلشي.
سلااااااااااااااااااام لكل الشباب الطيبة.

[Reemi]

حضرتي ضد .... بداية ما لازم اعطي نفسي الحق بالحكم عانتهاء حياة شخص آخر مهما كان الي اقترفوا ....

تانيا ... ردا ع مثال انعطى من قبل... انو لوهالشخص المعرض للاعدام كان قاتل حد من عيلتي اي بعيفو من الاعدام ..اكيد مو حباً فيه ولا حرصا عليه ..(لانو هوي لما قتل ما كان حريص عليي)..بس بعيفو لسبب اني اذا بقتلو يا هلترى هل ممكن اني حس براحه ... هل حل الدم بالدم هوي الطريقه الانجع والاسلم!!!!!!!

ما بتصور ابدا ...
لو بيرجعلي الخيار بجيب هالشخص لعندي بالبيت وبربطو وبضل اقتل فيه اقتل فيه لحتى يقول بس ما بعرف بعتقد هيدي عقوبه اكبر من الاعدام...مهمما وصلنا بانسانيتنا ما بتخيل اني ممكن سامح حد سرق مني ضحكه بوقت من الاوقات سرق حياة شخص كنت حبو ويحبني

[E L W A R]

والله أنا ازا بدي حط حالي محل حدا بحط حالي محل الروح اللي بتزهق أول مرة
يعني اللي بيعدم يعدم لانو أزهق روح (القتل و جرائم الحرب وغيرها من ازهاق الارواح)
او روج لشي بيزهق ارواح ( الاتجار على مستوى عالي للمخدرات وتهريبها للبلد - مهما كان هالبلد )
أما الازهقت روحو اول مرة شو هو ذنبو ؟؟؟
ذنبو انو بالبلد اللي عايش فيها المجرم اللي قتلو مو خايف من عقوبة الاعدام لانو مافي متل هالعقوبة
وانو باسوأ الاحوال رح ينسجن مؤبد ويطلع بعد شي عشر سنوات لحسن السير والسلوك ؟؟
يا أخي الكريم
أنا بحط نفسي بمكان الضحية
ولما كون انا الجاني الله لا يقيمني الانسان لازم يتحمل جزاء أفعاله
وتحياتي للجميع

[أبو شريك]

المسألة برأيي .. المجتمع أم الفرد ..؟

[maro18]

يعنى مجرمى الحرب والسفاحين مش بس ينعدموا مرة واحدة لا مرات
معاااااااااااااة
يعنى اللى قاتل شخص ودمر حياته وشرد عيلته شو بيستاهل غير الاعدام ويكون عبره لغيروا
حتى لو انحبس الدهر كله ما بيكفى
كمان ليكون عظة لغيروا انه اللى بيقتل بينقتل
والواحد كتير بيخاف على عمروا يعنى لما يعرف ان جريمته عقابها الاعدام بيراجع نفسوا قبل ما بيعملها غير ما يكون هينحبس بس

[ارسلان]

انا مع الاعدام بشكل خاص مش عام

بعدين تسمحلى اخالف شرطك واجيب نص ديني

الاية القرانية بتقول بسم الله الرحمن الرحيم ( ولكم في القصاص حياة يا اولى الالباب)

وممكن بعضكم يتسائل ليش ما قال ولكم في الحياة قصاص

لان الاسلام دين رحمة وسماحة ما اراد ان يصور الحياة كلها بشكل الموت والقتل والفعل ورد الفعل

[الحب الازرق]

لا للاعدام .. نعم للعقوبة
ولكن اين القضاء العادل ....
لا لا لا لا لا لا لا لا لا لا لا

[cresto]

انا مع عقوبة الاعدام