سؤال بسيط و لكن يستحق التفكير

[maroun]

الكل يعلم ان ميليشيا حزب الله. هي تنظيم مسلح مدعوم و موول من قبل ايران و سوريا و الدعم هو اقتصادي و عسكري و لوجيستي. الكل يعلم ايضاً ان اهداف هذا الحزب العلنية و من دون الخوض بالايديولوجية هي محاربة اسرائيل من الاراضي اللبنانية. كل فترة يقوم هذا ا لحزب بحركشة اسرائيل التي تقوم بدورها برد وحشي يطال اولاً المدنيين و البنية التحتية للدولة اللبنانية. السؤال موجه هنا للمؤيدين او المعارضين لهذا الحزب من الغير لبنانيين. اي الدول ا لاخرى

و السؤال هو هل تقبل ان ينطلق حزب مثل حزب الله من اراضي دولتك لقتال اسرائيل و ما هو السبب؟؟

ملاحظة الرجاء عدم هت المراجل و اخذ الموضوع من ابعاده السياسية و السيادية و الاقتصادية فقط.

[yass]

بدي توضيح بسيط: السؤال هو هل تقبل بعمليات تنظيم مقاوم مسلح ما بدون النظر الى ايديولوجيته أم حزب الله بالذات؟

[maroun]

سؤال رائع. انا بئلك شو رأيك بلحالتين

[yass]

طيب. في حال الكلام عن فصيل مقاتل يتفق مع أفكاري و له اسلوب عمل مناسب لامانع لدي طالما أنه يتمتع بدعم شعبي و مسؤوول عن أعماله

بالنسبة لحزب الله.... بصراحة يصعب علي تصوّر فصيل من هذا النوع في سوريا اذ أن التركيبة الشعبية لسوريا مختلفة تماما عن لبنان, لكن مبدئيا قد انتظر أسلوب عمله و موقف الشعب منه لكي أحكم عليه


بعرف كلامي براغماتي كتير مبدئيا لكن ماعم يخطر ببالي هلأ طريقة تعبير مناسبة, لكن لي عودة بشيء أفضل

تحية

[butterfly]

• بداية بدي قول أنو اجتزاء تاريخ مقاومة حزب الله .. بالحرب الأخيرة بس .. هو إجحاف بحق الحزب
• بخصوص السؤال .. : ككل بنية حزب الله .برفض وجوده في سوريا :
  
• كحزب ديني
• كميليشيا مسلحة خارج إطار الجيش
  
• كحزب ممول من دولة خارجية .
  

شكرا ً

[rawad]

أكيد ما بوافق على وجود اي حزب ببلدي بتكون أهدافو العلني محاربة إسرائيل بس.. بغض النظر عن الايديولوجية ... لإنو من وجهة نظري انو ايديولوجية الحزب وأهدافو المستقبلية أهم من ممارساتو وهي اللي بتحدد النتيجة اللي بدك ياه من محاربة إسرائيل (يعني انك تحارب إسرائيل وتوصل للي بدك ياه أو بس تحارب إسرائيل لتسجيل موقف مو أكثر)...
بعدين ممكن الحزب اللي بدو يحارب إسرائيل يكون رجعي أو انفصالي بجي انا بأيدو بس لأنو عم يحارب إسرائيل من وجهة نظري (لأ)...
ودمتم

[maroun]

كاتب النص الأصلي : yass

طيب. في حال الكلام عن فصيل مقاتل يتفق مع أفكاري و له اسلوب عمل مناسب لامانع لدي طالما أنه يتمتع بدعم شعبي و مسؤوول عن أعماله

بالنسبة لحزب الله.... بصراحة يصعب علي تصوّر فصيل من هذا النوع في سوريا اذ أن التركيبة الشعبية لسوريا مختلفة تماما عن لبنان, لكن مبدئيا قد انتظر أسلوب عمله و موقف الشعب منه لكي أحكم عليه


بعرف كلامي براغماتي كتير مبدئيا لكن ماعم يخطر ببالي هلأ طريقة تعبير مناسبة, لكن لي عودة بشيء أفضل

تحية

انا بتفق معك الى حد ما .حيث انا اعتقد انه مافي اختلاف شاسع بين تركيبة الشعبين و لكن الفرق هو في التركيبة السياسيو و اللي هي السبب المباشر لوجد متل هكذا تنظيم في لبنان و عدمه في سوريا. هنا قد نقف و نقول يعني هل الحرية الحزبية ستجلب التطرف الحزبي خاصة و انو في متل او شبيه الى حد ما في تاريخ سوريا و اللي هو الاخوان المسلمون. بعدين اخ ياس كلامك فيه عقلانية ما يعني انه صحيح او على الاقل فيه شيء من الصحة لانه لاتوجد حقيقة واحدة للامور و انما عدة حقائق.

اما بالنسبة للدعم الشعبي بصراحة اشك ان يكون اي وجود مسلح على ارض سورية سيلاقي اي تأييد و ذلك لما ستجره مثل هكذاتنظيمات من عواقب وخيمةعلى الشعب و البلد ككل

[yass]

بعدين اخ ياس كلامك فيه عقلانية ما يعني انه صحيح او على الاقل فيه شيء من الصحة لانه لاتوجد حقيقة واحدة للامور و انما عدة حقائق.

الحقيقة المطلقة مفهوم لا أؤمن به أبدا

بالنسبة للتنظيم المسلح المقاوم.... لو في عنا حكومة ديمقراطية حقيقية و دولة مؤسسات أكيد ما بوافق على وجودو تحت أي ظرف من ظروف ولكن حاليا للأسف بالوضع الحالي للجيش يمكن أن أتقبل وجوده

[maroun]

كاتب النص الأصلي : butterfly

• بداية بدي قول أنو اجتزاء تاريخ مقاومة حزب الله .. بالحرب الأخيرة بس .. هو إجحاف بحق الحزب
• بخصوص السؤال .. : ككل بنية حزب الله .برفض وجوده في سوريا :
• كحزب ديني
• كميليشيا مسلحة خارج إطار الجيش
• كحزب ممول من دولة خارجية .

شكرا ً

بالعكس انا ما اجتزأة تاريخ الحزب بس لخصتو بكل تواضع.. فينا نجيب غير متل من التاريخ اللبناني و الذي ادى الى الجتياح الاسرائيلي 1982 و السبب المباشر كان حركة فتح و الفصائل الفلسطينية المسلحة و مناوشتها لاسرائيل من داخل لبنان و التي ادت للاجتياح كما ذكرت لو انو بعرف كتار عندن غير رأي بخصوص الاجتياح. و لكن ما اود قوله هو ان التواجدات المسلحة في لبنان ادت الى عواقب و خيمة دفع تمنها الابرياء.

يعني من قولك انه امر مرفوض وجود حزب الله. فعجبي من المصفقين له. و شكراً على الصراحة الجميلة

[yass]

على فكرة....

حركة أمل لم ترفض الاجتياح الاسرائيلي الأول للبنان, و مشهورة مشاهد رمي الرز و الورود على الجنود الاسرائيليين عند دخولهم... و السبب كان التذمر من التجاوزات التي حصلت من قبل الميليشيات الفلسطينية

[maroun]

كاتب النص الأصلي : yass

الحقيقة المطلقة مفهوم لا أؤمن به أبدا

بالنسبة للتنظيم المسلح المقاوم.... لو في عنا حكومة ديمقراطية حقيقية و دولة مؤسسات أكيد ما بوافق على وجودو تحت أي ظرف من ظروف ولكن حاليا للأسف بالوضع الحالي للجيش يمكن أن أتقبل وجوده

كلامك رائع طيب لماذا لا نقوم كأبناء شعب ببناء الدولة و من ثم المؤسسات و من ثم الشعبو من ثم الجيش و بعدين بلتفت لاسرائيل يعني اسرائيل لمل رح واجها بي ميليشيا و اخسر الالاف من شعبي شو بكون استفدت انا؟ ليش مثلاً ما ببني دولة قوية و بناء صف واحد قبل الدخول في مواجهة مع اسرائيل يعني موقف حزب الله و غيره من التنظيمات هو كمن يقارع طواحين الهواء. خاصة و ان مثل هكذا تنظيمات تكون خارج اطار جيش الدولة يعني بدهون يحررو و هن اصلاً خارجين عن القانون و الدستور.

[maroun]

كاتب النص الأصلي : yass

على فكرة....

حركة أمل لم ترفض الاجتياح الاسرائيلي الأول للبنان, و مشهورة مشاهد رمي الرز و الورود على الجنود الاسرائيليين عند دخولهم... و السبب كان التذمر من التجاوزات التي حصلت من قبل الميليشيات الفلسطينية

اعرف اخي و هذا اكبر دليل على كلامي او المثال الذي ضربته بخصوص الفصائل الفلسطينية. اي انه لا احد يقبل بتدخل ميليشيات بامور الدولة

[yass]

كاتب النص الأصلي : maroun

كلامك رائع طيب لماذا لا نقوم كأبناء شعب ببناء الدولة و من ثم المؤسسات و من ثم الشعبو من ثم الجيش و بعدين بلتفت لاسرائيل يعني اسرائيل لمل رح واجها بي ميليشيا و اخسر الالاف من شعبي شو بكون استفدت انا؟ ليش مثلاً ما ببني دولة قوية و بناء صف واحد قبل الدخول في مواجهة مع اسرائيل يعني موقف حزب الله و غيره من التنظيمات هو كمن يقارع طواحين الهواء. خاصة و ان مثل هكذا تنظيمات تكون خارج اطار جيش الدولة يعني بدهون يحررو و هن اصلاً خارجين عن القانون و الدستور.

بدك ياني أحكيها يعني

خيو لو أنا لبناني ما بقبل حزب الله و خصوصا بعد ما دخل البرلمان و الحكومة. حزب الله كميليشيا لازم عالقليلة تكزن تحت تصرّف قيادة الجيش اللبناني. و ما دامو مسلح ما بيجوز يدخل العملية السياسية بالبلد

بالنسبة لسوريا... الطريق اللي عم تذكرو طويييييييييييييييييل كتير, و هو الطريق الصحيح طبعا لكن ما بعرف.... بالوضع الراهن صعب شوي

[maroun]

كاتب النص الأصلي : rawad

أكيد ما بوافق على وجود اي حزب ببلدي بتكون أهدافو العلني محاربة إسرائيل بس.. بغض النظر عن الايديولوجية ... لإنو من وجهة نظري انو ايديولوجية الحزب وأهدافو المستقبلية أهم من ممارساتو وهي اللي بتحدد النتيجة اللي بدك ياه من محاربة إسرائيل (يعني انك تحارب إسرائيل وتوصل للي بدك ياه أو بس تحارب إسرائيل لتسجيل موقف مو أكثر)...
بعدين ممكن الحزب اللي بدو يحارب إسرائيل يكون رجعي أو انفصالي بجي انا بأيدو بس لأنو عم يحارب إسرائيل من وجهة نظري (لأ)...
ودمتم

كلام جميل و ما عليه غبار

[butterfly]

كاتب النص الأصلي : maroun

يعني من قولك انه امر مرفوض وجود حزب الله. فعجبي من المصفقين له. و شكراً على الصراحة الجميلة

لأ لأ لأ ... انا قلت برفض وجوده بسوريا ...
ما قلت انو حزب الله امر مرفوض ..

[maroun]

كاتب النص الأصلي : yass

بدك ياني أحكيها يعني

خيو لو أنا لبناني ما بقبل حزب الله و خصوصا بعد ما دخل البرلمان و الحكومة. حزب الله كميليشيا لازم عالقليلة تكزن تحت تصرّف قيادة الجيش اللبناني. و ما دامو مسلح ما بيجوز يدخل العملية السياسية بالبلد

بالنسبة لسوريا... الطريق اللي عم تذكرو طويييييييييييييييييل كتير, و هو الطريق الصحيح طبعا لكن ما بعرف.... بالوضع الراهن صعب شوي

كلام سليم 100% و لكن مع انو طويل بس النتيجة مضمونة يعني خلي طويل بس مضمون احسن من بصلة محروءة و اخر شي نصير يا اما بي القبور او معوقين و مشمهين يعني يا ستار على هيك بلد نص شعبو ميت و التاني معوق هادا ولازلنا نقاوم يعني عيش يا.......

[maroun]

كاتب النص الأصلي : butterfly

لأ لأ لأ ... انا قلت برفض وجوده بسوريا ...
ما قلت انو حزب الله امر مرفوض ..

هاههاهاها ايه يعني بنقبل بس بعيد عنا حلوي هي . بس بصراحة كفكرة حزب الله هو ردة فعل على شي صار بس لازم يفرطوها بئى يعني بوزمو بما فيه الكفاية

[COSTA]

يعني مسخرة فعلا .....
عم تتناقشو بشي ميت .....
تركتو الاحياء وعم تتناقشو بالميت ....