سؤال بسيط و لكن يستحق التفكير

[MadMax]

كاتب النص الأصلي : maroun

[
بينما الطرف الاخر مو سامعين غير صوت حسن و عون؟؟؟ كيف فسرها لو سمحت

يعني برأيك .. كرامي و فرنجية و ارسلان و وهاب ميشيل المر و كتير غيرون .... هدول مو معارضة ..!!

مظبوط بس لمل اصلاً يكون حزي لبناني مو made in iran

هاد كلام غوغائي ..... بس عموماً.... أحسن ما يكونو صنعوا باسرائيل أو بفرنسا أو بالولايات المتحدة

انا اول مرة بسمع منك .هات الدليل ازا عندك بعدين لو عندهم ليش ما بيستعملو ؟؟؟

اذا صحيح لسا مو سمعان هالحكي .... فمشكلتك كبيرة
أما ليش ما عم يستعملوه ...فبأكدلك .. أنو بوقتو رح يستعملوه

مين ناطرين يا ترى؟؟

ناطرين نفس الامر ... يللي بينطروه قبل كل تحرك أو تصريح

...بس عـ حد علمي صواريخ حزب الله عم بينزلوها منل الكملين اللي جايي من ايران عن طريق سوريا و بمباركة بشار عم توصل بانتظام و اخر استعمال لهال صواريخ و الاسلحة كان حرب تموز

أي أكيد
و هون الفرق .... سلاح حزب الله عرفنا لوين موجه ...بس يا ترى سلاح القوا و المستقبل لوين ..؟؟

تحليل خنفشاري؟؟؟ اوف؟؟ على كلن الجواب شرح اللي فوء بس يصير حزب الله حزب لبناني بمشروع سياسي لبناني مو باجندة ايرانية/سورية ساعتها اهلاً و سهلآ و قبل هيك يسلم سلاحو مو عايشين ببرية نحن

يا ريت تحكيلنا شوي ... عن الاجندة الامريكية الاسرائيلية
أو الفرنسية السعودية ..... لأن يمكن عندك معلومات غنية عنها ..

[yass]

كاتب النص الأصلي : maroun

يبدو حضرتك بلشت بالتحليللات الخنشارية
هوهو يبدو حضرتك ما عندك خبر بيشي بس بشرفكون رسو على بر ساعة بتقولو بيت الجمييل و المسيحية جابو اسرائيل ساعة سوريا.....اولاً يا عزيزي اسرائيل فاتيت لتقضي على التنظيمات الفلسطينية و اولهل حركة فتح. تاني شي لمل اسرائيل فاتت اول من هلل و طبل و زمر لها كان حركة امل لتخلها من الفلسطينيين... تالت شي بيت الجمييل و تحديداً بشير الجمييل مو بحاجة حدة يعطيون شي لان الشيخ بشير الله كان كل المسيحيين واقفين بصفو و مهيء ليفوت انتخابات و فعلاً تم انتخابه 74 صوت مع...مقابل 4 ضد بالبرلمان و اغتيل بعد اسبوعين على يد القوميين واللي نفذ الكلب حبيب الشرتوني بمباركة سورية طبعاً...اما العلاقة مع اسرائيل كان فقط للسلاح و ليس الا

هون اسمحلي... علاقة بشير جميّل (التي ندم عليها لاحقا, على فكرة) مع اسرائيل معروفة و معترف بها, و بدأت العلاقة من قبل أبوه بيير جميّل. و موجودة مصادر كثيرة و بشهادات من داخل الكتائب (جوزيف أبو خليل, كريم بقرادوني...) عندك برنامج حرب لبنان تبع الجزيرة جدا حيادي و موضوعي و في شهادات من الطرفين و من أطراف محايدة أخرى و حتى شهادات صحفيين اسرائيليين

[MadMax]

كاتب النص الأصلي : maroun

تالت شي بيت الجمييل و تحديداً بشير الجمييل مو بحاجة حدة يعطيون شي لان الشيخ بشير الله كان كل المسيحيين واقفين بصفو و مهيء ليفوت انتخابات و فعلاً تم انتخابه 74 صوت مع...مقابل 4 ضد بالبرلمان و اغتيل بعد اسبوعين على يد القوميين واللي نفذ الكلب حبيب الشرتوني بمباركة سورية طبعاً...اما العلاقة مع اسرائيل كان فقط للسلاح و ليس الا

على فكرة ..... كتير عم تسيء لمسيحيي لبنان بهالكلمة
و خاصة مع اعترافك انو السلاح يللي حارب فيه بشير اليسار اللبناني كان مصدرو اسرائيل

[yass]

في ناحية تانية بخصوص التصويتات بمجلس النواب أيام الحرب. بشير جميّل انتخب بحماية اسرائيلية (و بعدين تشاكلو لأنو بشير ما كان مستعد يوقع لاسرائيل على بياض مقابل معروفها ... و هو ال X الكبرى في اغتيال بشير الجميّل) مثل ما سليمان فرنجية انتخب بحماية سورية. كانو بيعملو حواجز بمناطق سكن النواب اللي بيعرفو انو راح يصوتو ضد و يسمحو بس بالعدد الكافي لتأمين النصاب و انجاح التصويت.


بانتخاب بشير جميّل كان في حضر تجوّل و بيروت كانت معزولة تماما بين الشرقية (كتائب ووطنيين أحرار) و الغربية (الحركة الوطنية, تقدمي اشتراكي, حركة أمل) و الجلسة صارت بالشرقية و فهمك كفاية

[اية الرحمان]

طيب مادخل حكيي بالموضوع بدي ماد وكوستا عالمسنجر ضروري ضروري

[MadMax]

كاتب النص الأصلي : yass

عم نحكي مبدئيا أو نظريا ما بيصير تنظيم مسلح خارج الجيش الرسمي.... و اذا غضينا النظر على اعتبار هاي قوة مقاومة de facto لكن انو هالقوة المقاومة تدخل البرلمان هاي تخينة, لسبب بسيط. في حزب يتميز عن باقي الأحزاب في انو مسلّح و هالشي ديمقراطيا ما بيجوز

هلأ اذا بدك تحكي من باب الديمقراطية المثالية .... اي معك حق
بس بنفس الوقت .... ما بتقدر تلغي حق دستوري عم فئة كبيرة من الشعب ....
كل ذنبها انها عم تدافع عن الوطن

, و بيجوز كمان بتحكيلي انو مستحيل حزب الله يقلب اتجاه البندقية نحو الداخلو هون أنا بقللك الزمن قلاّب... حزب الله بدء كبديل لحركة أمل ( و على فكرة دارت عدة معارك بين الطرفين) و ضد الوجود السوري بلبنان ( كمان صار في مواجهات طاحنة مع القوات السورية)

هو في بكل تاريخ حزب الله ... قتال داخلي وحيد هو مع حركة امل باقليم التفاح
ويللي كتير العالم عم تتذكرو و تتغنى فيه هالايام لأن مافي غيرو

[yass]

هو في بكل تاريخ حزب الله ... قتال داخلي وحيد هو مع حركة امل باقليم التفاح
ويللي كتير العالم عم تتذكرو و تتغنى فيه هالايام لأن مافي غيرو

و بالضاحية ببيروت ضد أمل و الجيش السوري

[maroun]

مبين من هاللهجة يللي عم تحكي فيها .... أنو جوابك مو صادق
بعدين لا تنسى أنو بشير الجميل ( يللي حضرتك كتير معجب فيه ) هو أول مين عمل ميلشيات مسلحة بلبنان بحجة مواجهة الفلسطينيين
بعدين لما ما قدر ... استعان عليهون بالاسرائيليين


.

والله يامعلم كلامي صح و عطيتك الدليل ازا بتحب تصدق. بعدين سبب تشكيل ميليشيات كان فعلاً لمواجهت الفلسطينيين اللي كانو و لازالو لليوم عاملين دولة داخل الدولة و فاصلين حالون عن لبنان و نازلين ضرب باسرائيل من داخل الاراضي اللبنانية.... على فكرة قبل هيك اكالوها من الاردن و طلعهون الملك حسين و بوقتها قصف المخيمات بالمدفع و الدبابات الخ و اكالوها بسوريا لما طلعو من لبنان حافظ الاسد طلعو بحراً على تونس... طلع عرفات و راح على لبنان من الاردن بس و قتها ما حدى حكي من الدول العربية بس لما فاتو على لبنان عملو نفس الشي اللبنانيين و نتيجة الانفتاح السياسي الكبير عالم و قفو بصفهم و عالم ضدهم و بالاخر شتعلت الحرب لانون قلتلك بدون يعملو دولة داخل الدولة اما عن الاستعانة باليهود قلتلك برضو كانت فقط شراء اسلحة و الله حرين نشتري من القرود الزرق... بعدين على فكرة شترينا من العراق, التشيكوسلوفاكية, المانيا, الخ



طيب شو يللي أثقل ميزانية الاحتلال الاسرائيلي بنظرك ...
مو عمليت حزب الله ..؟؟
بصراحة هالنظرة المتطرفة و المتعصبة ( لجماعة عم يقدموا أرواحون في سبيل الوطن )
فيها كثير من القرف


لا حبيب اللي اثقل الميزانية هو الركود الاقتصادي بشكل عام الى جانب مخطتات كبرة و مواعز امريكيية

بعدين ازا كل واحد قال رأيو بتقلو مقرف و الله شوف هو في حل من تنين يا اما مابتطعاطة مع اصحاب الرأي المقرف يا اما بتكسر عـ انفك بصلة و بتتحاور بأدب

[maroun]

كاتب النص الأصلي : Madmax

على فكرة ..... كتير عم تسيء لمسيحيي لبنان بهالكلمة
و خاصة مع اعترافك انو السلاح يللي حارب فيه بشير اليسار اللبناني كان مصدرو اسرائيل

و الله الاردن و مصر ماشاءالله يعني اسرائيل تمتلك نصفهم شو صوفتنا بس حمرة؟؟؟؟ ماشيين عـ مبدأ يحق لي ما لا يحق لغيري؟؟؟

[MadMax]

[quote=maroun;827505]

.

الفلسطينيين اللي كانو و لازالو لليوم عاملين دولة داخل الدولة و فاصلين حالون عن لبنان و نازلين ضرب باسرائيل من داخل الاراضي اللبنانية....

يللي وصّل الفلسطينيين لهالحالة بلبنان .... هو الوضع المزري يللي عايشينو
و ظرفهون الحياتية يللي بتفتقد لأدنى شروط الحياة البشرية و يللي عم تفرضها عليهون الحكومة اللبنانية

طلع عرفات و راح على لبنان من الاردن بس و قتها ما حدى حكي من الدول العربية

لا مو صح .... حتى انو الاعتراض السوري ...وصل لحد التدخل العسكري لحماية الفلسطينيين

اما عن الاستعانة باليهود قلتلك برضو كانت فقط شراء اسلحة و الله حرين نشتري من القرود الزرق... بعدين على فكرة شترينا من العراق, التشيكوسلوفاكية, المانيا, الخ

كمان مو دقيق هالكلام
أول شي الاسلحة ما كانت تشرى من اسرائيل
كانت تقدم وفق شروط معروفة
و بعدين العلاقات ما اقتصرت على الاسلحة .... بشير الجميل هو يللي طلب من الاسرائيليين يدخلوا لبنان
و أصر أنهون يحتلو بيروت

لا حبيب اللي اثقل الميزانية هو الركود الاقتصادي بشكل عام

يعني من السذاجة نقول أنو اسرائيل أخدت هيك قرار استراتيجي بسبب ركود اقتصادي

[اية الرحمان]

وحياتكن دول المشرق او الدول العربية ككل ان ما استولت عليها اسرائيل فبتكون عايشة بدكتاتورية درجة اولى يعني يا صباط اليهودي يا صباط اخي رحمة الله ما بحقلها تنزل تحت شايلينها لوقت العوزة .................................قال لنهاية العالم اتجمعو بالجامع الاموي بلكي نزل سيدنا عيسى وانتو هونيك فراح تشمو رحمة الله وتتنفسو مو بس اسرائيل الظالمة

[MadMax]

كاتب النص الأصلي : maroun

و الله الاردن و مصر ماشاءالله يعني اسرائيل تمتلك نصفهم شو صوفتنا بس حمرة؟؟؟؟ ماشيين عـ مبدأ يحق لي ما لا يحق لغيري؟؟؟

اذا هيك .... صار حديث آخر
يعني اذا عم تخانقوا ...دفاعاً عن حقكون بالعلاقة مع اسرائيل ..... فمبروكة عليكون هالعلاقة










بس تبقوا لا تنكروها

[maroun]

يعني برأيك .. كرامي و فرنجية و ارسلان و وهاب ميشيل المر و كتير غيرون .... هدول مو معارضة ..!!


المعارضة الحقيقية هم عون و حسونة و تاني شي قلتلك يتفاضلو يسمعونا صوتهم الساحة امام الجميع.


هاد كلام غوغائي ..... بس عموماً.... أحسن ما يكونو صنعوا باسرائيل أو بفرنسا أو بالولايات المتحدة


و الله اتضح مين الغوغائي بي اخر اعتصام لحسونة و جماعته ولعو الشوارع نار... هي تحضر مو؟؟؟

اذا صحيح لسا مو سمعان هالحكي .... فمشكلتك كبيرة
أما ليش ما عم يستعملوه ...فبأكدلك .. أنو بوقتو رح يستعملوه


الظاهر عند حضرتك معلومات ما حدا عندو هي...لو كان عندهم سلاح كان حسونة اكل راس العالم بيخطاباته بس هو عارف ان ما حدى عندو سلاح غيرو هو.


ناطرين نفس الامر ... يللي بينطروه قبل كل تحرك أو تصريح

و شو هالامر؟؟؟؟ يعني اكتر من الغوغاء اللي عملوها و اللي صار بيجاعة بيروت؟؟؟؟


أي أكيد
و هون الفرق .... سلاح حزب الله عرفنا لوين موجه ...بس يا ترى سلاح القوا و المستقبل لوين ..؟؟


بس الاحلة تعرف شو مصدرو حضرتك عم تعملي مواعظ و طنية عن صفقة السلاح الاسرائيلية و اللي نشرت بمصاري يعني مدفوع تمنها . بس سلاح حسن جاي ببلاش من ايران. يعني تفضل فسرلي شو الدافع من وراه؟؟؟ الله يخليك وطنيات و الحكي الفاضي تبع مواجهة اسرائيل هي اسطوانة مشروخة فلعاب غيرة.

يا ريت تحكيلنا شوي ... عن الاجندة الامريكية الاسرائيلية
أو الفرنسية السعودية ..... لأن يمكن عندك معلومات غنية عنها .

والله بس تحكيلي عن الاجندة الايرانية بحكيلك عن اجندة امريكا و تفسرلي سبب ضخ المال الايراني على حزب الله و ضخ السلاح

[maroun]

.


يللي وصّل الفلسطينيين لهالحالة بلبنان .... هو الوضع المزري يللي عايشينو
و ظرفهون الحياتية يللي بتفتقد لأدنى شروط الحياة البشرية و يللي عم تفرضها عليهون الحكومة اللبنانية


رد لو سمحت عن اللي قلتو ان حركة فتح نكبت برا الاردن و من سوريا لاحقاً. فما تحور الامور و تاخد اللي بدك ياه و طنش الباقي

لا مو صح .... حتى انو الاعتراض السوري ...وصل لحد التدخل العسكري لحماية الفلسطينيين

هاه شفة ان معلوماتك غلط راجع التاريخ يا حباب


كمان مو دقيق هالكلام
أول شي الاسلحة ما كانت تشرى من اسرائيل
كانت تقدم وفق شروط معروفة

ازا عندك نسخة من الشروط تفضل عطينا نسخة... الاسلحة مدفوع تمنها و ذكرتلك الدول اللي نشرى منها الاسلحة. كلامك جايبو من كريم بقردوني اللي من اجل مناصب و اعتبارات مارح خوض فيها حكي هاد الكلام و كلامك جايبو منو اللي انعرض بحرب لبنان على الجزيرة.


و بعدين العلاقات ما اقتصرت على الاسلحة .... بشير الجميل هو يللي طلب من الاسرائيليين يدخلوا لبنان
و أصر أنهون يحتلو بيروت

و الله امرك عجب ساعة بتقلي دخل سوريا ساعة دخل اسرائيل. يبدو جهلك ببشير الجمييل و حزب الكتائب كبير كتير. لمعلوملتك حزب الكتائب تأسس لمقاومة الاحتلال الفرنسي و معروف فضل بيت الجمييل بتحريري لبنان منهم. تانياً بشير الجمييل انتخب رئيس للبنان لانه الوحيد اللي بيعمرو ما تكلم عن الغاء الاخر في لبنان و طول عمرو خطابو عن الـ 10452 كم مربع اللي أغتيل بسببها. من تحت ايدين القوميين السوريين بالتنسيق مع الجيش السوري. تالتاً بشير الجمييل لو فعلاً تعامل مع اسرائيل و دخلها على بيروت ما كان أغتيل و هم مو جودين. الا اذا كنت تعني ان الاطراف المسؤلة عن اغتيالو هم اسرائيليين فابتكون ساعتها تقول ان القوميين السوريين هم عملاء الاسرائيليين.


يعني من السذاجة نقول أنو اسرائيل أخدت هيك قرار استراتيجي بسبب ركود اقتصادي

و من السذاجة اكتر انك تقول ان فلول حزب الله استطاعت دحر ألت الحرب الاسرائيلية. خليك منطقي يعني معقول كم وا حد و كم صاروخ طلعو اسرائيل. تخينة شوي يعني لو بيقولو انن هن اللي نكدو عيشت الاسرائيليين و مللولهم يعني بتنبلع. بس حررو والله اللي بيسمع بيقول حزب الله جيش لك روح يا شيخ ارحمو عقول البشر.

[maroun]

اذا هيك .... صار حديث آخر
يعني اذا عم تخانقوا ...دفاعاً عن حقكون بالعلاقة مع اسرائيل ..... فمبروكة عليكون هالعلاقة




ما حدا نكر و انا من قال لك انه تم شراء اسلحة لا اكثر و لا اقل و تاني شي اكررلك بشير الجمييل قدمو الكثير من اجل الـ 10452 كم مربع قبل ما حسونة يخلق و لمل الشيخ بشير كان ينادي بالتعايش ووقف الحرب و ينادي بالـ 10452 كم مربع كان حسن عم يتعلم فك الحرف في ايران و يتشرب كيفية قيام الثورة و كيف يطبقها على لبنان

و اكرر لك لو بشير الجمييل كان متعامل مع اسرائيل كان بعدو للان رئيس لبنان متل ما صاير بغير دول فالله يخليك فلقتونة مزايادات. قبل اتهام الاخرين ابحثو في تاريخكم فلن يريحكم ما ستجدون




بس تبقوا لا تنكروها

[maroun]

كاتب النص الأصلي : yass

في ناحية تانية بخصوص التصويتات بمجلس النواب أيام الحرب. بشير جميّل انتخب بحماية اسرائيلية (و بعدين تشاكلو لأنو بشير ما كان مستعد يوقع لاسرائيل على بياض مقابل معروفها ... و هو ال X الكبرى في اغتيال بشير الجميّل) مثل ما سليمان فرنجية انتخب بحماية سورية. كانو بيعملو حواجز بمناطق سكن النواب اللي بيعرفو انو راح يصوتو ضد و يسمحو بس بالعدد الكافي لتأمين النصاب و انجاح التصويت.


بانتخاب بشير جميّل كان في حضر تجوّل و بيروت كانت معزولة تماما بين الشرقية (كتائب ووطنيين أحرار) و الغربية (الحركة الوطنية, تقدمي اشتراكي, حركة أمل) و الجلسة صارت بالشرقية و فهمك كفاية

اخي ياس كلامك اسمحلي فيه تبلي و كثير من عدم الصحة لانه جاي هالكلام من برنامج اصلاً كل المشتركين فيه ازلام النظام السوري و على رأسون بقردوني. يعني ما احلاهم يقولون لك و الله سوريا عملت و الفلسطينيين عملو و كذا عملو من الطبيعي التحيز.
تم انتخاب الشيخ بشير لانه كان الوحيد اللي يملك مشروع فض النزاع واللي نادى بالشعار المشهور الـ 10452 كم مربع و بنفس الوقت كان كلو ملتهي بيقتل و ضرب و اكالة الاتهامات. يا اخي بشير الجمييل لم تتعدى علاقته باسرائيل مجرد شراء السلاح والله ازا هم و عدو نفسهم باشياء تانية هذا يعود لهم و انا اعطيتك اسامي الدول اللي تم شراء سلاح منها و اعتقد ان الكل يوافقني الرأي ان الدفاع عن النفس حق و ان الفلسطينيين تمادو كثيراً في لبنان و قبلها حولو نفس الشي بالاردن و ما قدرو و لاحقاً في سوريا و برضو بلا نتيجة السبب في نجاحهم النسبي في لبنان هو الحرية السياسية و اللي الكل يعلم انه جماعة وقفت معهم و جماعة ضد اليسار و التقدميين..... موضوع طويل و ليس هو موضوعنا....

[MadMax]

كاتب النص الأصلي : maroun

المعارضة الحقيقية هم عون و حسونة و تاني شي قلتلك يتفاضلو يسمعونا صوتهم الساحة امام الجميع.

أصواتون مسموعة ....و يومياً ..... بس مبين حضرتك ما بتسمع غير اعلام المستقبل ...و ناقصك كتير معلومات

الظاهر عند حضرتك معلومات ما حدا عندو هي...لو كان عندهم سلاح كان حسونة اكل راس العالم بيخطاباته بس هو عارف ان ما حدى عندو سلاح غيرو هو.

طول عمرو صوت حزب الله عالي .... حتى من أيام الحرب الأهلية بالتمانينات
بس كمان طول عمرو خطابو موجه لأسرائيل و أذنابها
و يللي فيه شوكة بتنعرو ..... و مبين الاذناب هلأ بلشت تتحسس

بس الاحلة تعرف شو مصدرو حضرتك عم تعملي مواعظ و طنية عن صفقة السلاح الاسرائيلية و اللي نشرت بمصاري يعني مدفوع تمنها . بس سلاح حسن جاي ببلاش من ايران. يعني تفضل فسرلي شو الدافع من وراه؟؟؟ الله يخليك وطنيات و الحكي الفاضي تبع مواجهة اسرائيل هي اسطوانة مشروخة فلعاب غيرة.

يعني بيكفي الواحد يسمع منك هالجملة .... ليعرف السطحية و الخيانة بخطابكون
يعني قد ما تلعي .... ما حدا رح يصدق هالعلاقة البريئة بينكون و بين اسرائيل

.

والله بس تحكيلي عن الاجندة الايرانية بحكيلك عن اجندة امريكا و تفسرلي سبب ضخ المال الايراني على حزب الله و ضخ السلاح

و شو يللي زاعجكون من تزايد قوة حزب الله بوجه اسرائيل
الا اذا كنتو انتو و اسرائيل واحد

[MadMax]

كاتب النص الأصلي : maroun

.

ازا عندك نسخة من الشروط تفضل عطينا نسخة..
.

الشروط معروفة ..... هي الأجندة يللي عم تنفذوها حالياً
.

الاسلحة مدفوع تمنها و ذكرتلك الدول اللي نشرى منها الاسلحة.

هلأ من كل عقلك عم تحكي هالحكي .... أنو الكتائب كانت علاقتها باسرائيل مجرد شراء الأسلحة
اذا من عقلك عم تحكي ... لنبطّل نناقشك ....لأنو بتكون على درجة من السذاجة و الجهل ...
بحيث ما تستوعب شي من كل شي عم ينحكي

و الله امرك عجب ساعة بتقلي دخل سوريا ساعة دخل اسرائيل.

ارجع اقرا ردودي منيح ... أنا ولا مرة قلت انو بشير يللي دخّل سوريا

يبدو جهلك ببشير الجمييل و حزب الكتائب كبير كتير. لمعلوملتك حزب الكتائب تأسس لمقاومة الاحتلال الفرنسي و معروف فضل بيت الجمييل بتحريري لبنان منهم. تانياً بشير الجمييل انتخب رئيس للبنان لانه الوحيد اللي بيعمرو ما تكلم عن الغاء الاخر في لبنان و طول عمرو خطابو عن الـ 10452 كم مربع اللي أغتيل بسببها. من تحت ايدين القوميين السوريين بالتنسيق مع الجيش السوري.

بكيتني يا زلمي بهالوصف الوجداني

تالتاً بشير الجمييل لو فعلاً تعامل مع اسرائيل و دخلها على بيروت ما كان أغتيل و هم مو جودين.

ليش مستغرب عادي
كتير اغتيل عملاء لأسرائيل أثناء وجودها .....و بشير واحد منهون

و من السذاجة اكتر انك تقول ان فلول حزب الله استطاعت دحر ألت الحرب الاسرائيلية. خليك منطقي يعني معقول كم وا حد و كم صاروخ طلعو اسرائيل.

غريب أمرك
ساعة بتحكي عن ضخامة حجم السلاح يللي عم يجي لحزب الله من ايران
و ساعة بتقول انو كل يللي عندهون كم صاروخ
اعتمد شي مرة و خلصنا

. بس حررو والله اللي بيسمع بيقول حزب الله جيش لك روح يا شيخ ارحمو عقول البشر

لا تشد على حالك كتير .... مو منيح مشان صحتك