نحن لا نصلح للمقاومة_ تجوزنا بدنا ننستر اسقى ايام الفضيحة.

[شاهد عيان مجهول]

كتير ما بنسمع عن عمليات فدائية ومحاولات هون وهونيك لحتى نتغلب علي العدوا وبدنا نقاوم وبدنا ننتصر والقصة عم تزيد وعم تكبر بس الناتج كتير بسيط ويكاد لا يقارن بالعناء الدي نكابده وعدد القتلى والدمار الدي تحققه تصرفات غير مسؤلة من قبل جماعة معينة بس لتحقق اغراض سياسية بحتة في الوصول الى الحكم باسم الله والوطن .

يا جماعة انا مو بس ضد حزب الله فقط انا ضد كل الجماعات الي حاملة سلاح وقال شو عم بتقاتل متل حماس، الجهاد الاسلامي، فتح الاسلام , وغيرون كتير ما بدي عدد حتى ما انسى حدا يعتب علي بعدين السبب بسيط وساهل كتير، اتبتت التجربة انوا كل الجماعات المسلحة لا تجلب للحكم الا القتلة والمجرمين والدكتاتورية والامتلة حواليك كتير يعني كل حرامي او قتال قتلة ومطلوب للقانون بيروح ينضم للمقاومة وبعدين بيصير مجرم قانوني باوراق رسمية، وصدقوني المناخ في المنطقة كتير خصب لمتل هيك شغلات.

في البداية بيقولوا نحن مقاومة وبدنا نطالع الاحتلال, الناس بتفرح وبتساعد بالمال وبالارواح على اساس بدنا دولة بلا احتلال وبلا استعمار - اقصد اسرائيلي على فكرة - واول ما هدول المقاومين البواسل الشجعان ينجحوا, يستلموا اهل البلد وخود علي سلب ونهب وقتل واغتصاب وفساد ورشوة ومخدرات ودعارة، على قولة المتل تجوزنا بدنا ننستر اسقى ايام الفضيحة

لا حتى اتبت انوا حطينا حالنا في موقف كتير صعب حابب أطرح كتير تساؤلات في الموضوع الا ساسي، وفي كتير تساؤلات ليس لها أجوبة حول لبنان او فلسطين او ما يحدت في المنطقة وهي كلاتي

حق عودة اللاجئون الى فلسطين,قدر عدد اللاجئين والمهجرين الفلسطينيين في نهاية العام 2002 بنحو 7 ملايين شخص، ويشمل هذا العدد اللاجئين عام 1948 المسجلين لدى وكالة الغوث الدولية (3.97 مليون)، اللاجئين عام 1948 غير المسجلين لدى الوكالة (1.54 مليون)، اللاجئين للمرة الاولى في العام 1967 (753000)، والمهجرين في الداخل لعام 1948 (في داخل اسرائيل/فلسطين 1948) (274000)، والمهجرين في الداخل لعام 1967 (في الأراضي الفلسطينية المحتلة عام 1967) نحو (140000). ويشكل اللاجئون عموما نحو ثلاثة أرباع الشعب الفلسطيني (9.3 مليون), بتعرف انوا العرب بيفاوضوا على قيام دولة فلسطين على الضفة والقطاع.

وادا بنعرف انو ا ما في دولة من غير حق عودة هون بيضهر السؤال ,يعني كيف بدك ترجع تلات ارباع الشعب الفلسطيني الى الضفة والقطاع، خاصة ادا عرفنا انو الضفة والقطاع بتشكل حوالي 20% من ارض فلسطين التاريخية ؟ هدا متل الي بدوا يملى 20 لتر ماء في وعاء حجمه 5 لتر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

عدد اليهود في ما يعرف بدولة اسرائيل حوالي 7,184,000 نسمة في 80 % من دولة فلسطين, وفي كتير من الصوات الي غير مسؤلة بتقول انو والله بيرجعوا من محل ما اجو, بقلك ان كتير منن جايين من دول عربية فادا رجعنالك اليهود لعندك وصاروا جيرانك بدك تكون ملاك طاهر وتتعايش معن بكل سلام صح ؟

العمليات الفدائية الي بتصير في اسرائيل عن طريق حماس او غير حماس تؤدي ال قتل أطفال دون سن العاشرة, هدا والله الا اجرام حقيقي, أرجوك لا تقلي انو الي بيقتل اطفالنا بدنا نقتل اطفالون لانو ساعتها انت متلك متلون, فهل عندك سبب مقنع لتواجه به العالم , في المقابل ترد اسرئيل بشراسة على هده العمليات وتقتل اضعاف مضاعفة من الابرياء, فمن يقتل طفل يهودي في عملية فدائية فهو بقصد او بدون قصد يقتل عشرة اطفال فلسطينيين, فكم من الابرياء نحتاج لنقتل في سبيل الله والوطن ؟

في شئ أخير نسيت ان اضيفة على الموضوع, انوا في حماس, فتح, الجهاد الإسلامي, حزب الله, امل, والعديد من هده الحركات، انوا لو فرضنا انو نجحنا بها الاسلوب ان تقوم دولة بأي شكل من الاشكال, فما الدي سيؤل اليه حال هده الحركات , طبعا راح تقول انوا في كل امن وسلام بيكونوا مشكورين عملوا واجبهن وزيادة وراح يندمجوا في في الشعب ويسلموا سلاحن بكل ثقة للجيش او للحكومة ويرجعوا ناس عاديين , ولك هدا بالحلم , والله لتقومن حرب اهلية تاكل الاخضر واليابس , ساعتها وساعتها بس فيك تقوللي انوا ادا كان في سبيل الله والوطن قتالهم او في سبيل شئ اخر ؟؟؟؟؟؟؟؟؟؟؟؟؟؟

عفوا


أخيرا ادا في حدا بدو يسب ويلعن فيني عشان الموضوع, فما بدي حدا يأنبه ضميره لأنه سبني , واعلن انني اسمح لكل مشارك ان يشتمني ويسبني ونعتني باي وصف ادا كان هدا راح يحقق المعجزة ويخرج اليهود من فلسطين ؟

[i m sam]

اولا اي عاقل لا يرضى أن تجمع حزب الله أو المقاومة الفسلطينية مهما كان اسمها بشي اسمو فتح الاسلام ..... هاد امر وهدف وهداك هدف تاني وامر تاني
من ناحية تانية بعيدا عن كل التسميات يلي ذكرتها الكل معترف انو اسرائيل دولة محتلة ومستعمرة لفلسطين " الا اذا كنت بتعتبر غير هيك " عطيني مثال عن محتل او مستعمر دخل بلد وطلع منها بدون ثورة او بدون مقاومة يعني طلع هيك انو انا بدي السلام للبشرية وطلع. وأنا كتير بحبكم وهي بلدكم والسلام عليكم.
من فيتنام الى العراق الى سورية والاحتلال العثماني والفرنسي بعدو أو البريطاني الى ...الى... ما حدا ترك ومشي هيك ما حدا دخل بلد وطلع الا بعد ما اهل البلد قاومو واستشهدوا وقَتلوا وبعدين أخدوا الحرية بمثل هي الشغلات " الاحتلال يعني " أنا أؤمن بالمثل القائل " ماأخد بالقوة لا يسترد الا بالقوة"
بالنسبة لحق العودة هي نقطة واسعة وبدها دراساتها بس هي بتجي بعدين يعني اولا عطيني وطني بعدين منحل مين بدو يرجع ومين بدو يضل .
بالنسبة لنقطة التفجيرات باسرائيل يعني برأيي هي شغلتين اولا باسرائيل باعتباري الشخصي أنا مافي حدا مدني لانو خلينا نقول على فرض انو اليهود يلي هنن من سكان فلسطين قبل القرن 20 نسبتهم %25 من اليهود الموجودين هلق طيب الباقي وين سكن بأرض مين ببيت مين
مو بأرض الفلسطيني او اغتصبت بيتو او مزرعتو طيب هاد مدني بكون مدني لما الحرب بالعراق وانا بروح بقصف مواطنين أمريكيين بكاليفورنيا هاد اسمو مدني اما مو شخص أخد بيتي وبدي قول عنو مدني .
الشغلة التانية عطيني قنابل ذكية وصواريخ دقيقة الاهداف ودبابات وطيران وانا بضمنلك انو المقاومة ما رح تضرب الا الثكنات العسكرية .
فتمنع عني السلاح يلي بكافئك وبتمنع عن اولادي الاكل والشرب وبتقتل اخي وابي شو بقيان بهي الدنيا مشان عيشوا ولا شو بدو يطلع بايدي غير هيك لما بشوف ابني عم يبكي وبدوا ياكل او موجوع بدو دوا وانت مانع عني هالشي اي بدي ااقتلك ولو كنت اخي ومن لحمي ودمي .

]في شئ أخير نسيت ان اضيفة على الموضوع, انوا في حماس, فتح, الجهاد الإسلامي, حزب الله, امل, والعديد من هده الحركات، انوا لو فرضنا انو نجحنا بها الاسلوب ان تقوم دولة بأي شكل من الاشكال, فما الدي سيؤل اليه حال هده الحركات , طبعا راح تقول انوا في كل امن وسلام بيكونوا مشكورين عملوا واجبهن وزيادة وراح يندمجوا في في الشعب ويسلموا سلاحن بكل ثقة للجيش او للحكومة ويرجعوا ناس عاديين , ولك هدا بالحلم , والله لتقومن حرب اهلية تاكل الاخضر واليابس , ساعتها وساعتها بس فيك تقوللي انوا ادا كان في سبيل الله والوطن قتالهم او في سبيل شئ اخر ؟؟؟؟؟؟؟؟؟؟؟؟؟؟

عطيني بديل عن المقاومة لحتى تناقش هاد المستقبل بس بالاول عطيني شي بالحاضر يأمنلي تحرير بلدي .

]أخيرا ادا في حدا بدو يسب ويلعن فيني عشان الموضوع, فما بدي حدا يأنبه ضميره لأنه سبني , واعلن انني اسمح لكل مشارك ان يشتمني ويسبني ونعتني باي وصف ادا كان هدا راح يحقق المعجزة ويخرج اليهود من فلسطين ؟

ما بتوقع انو في بهالمنتدى حدا بيتعامل بالنقاش مع أي شخص بهاد الاسلوب يلي ذكرتوا .
تحية

[VivaSyria]

بداية أضم صوتي لصوت الصديق سام :

كاتب النص الأصلي : i m sam

اولا اي عاقل لا يرضى أن تجمع حزب الله أو المقاومة الفسلطينية مهما كان اسمها بشي اسمو فتح الاسلام ..... هاد امر وهدف وهداك هدف تاني وامر تاني

وأطالبك بالتميز بين الحالتين مع العلم أن حزب الله وحماس وكل حركات المقاوامة الفلسطينية ليسوا بملائكة لكن لانستطيع أبداً دمجهم ببوتقة واحدة مع تنظيم إرهابي مجرم كفتح الإسلام وجند الشام وماشابه... فيرجى التمييز بين الحالتين....

بالعودة للموضوع: بالفعل بالأونة الأخيرة وقعت بعض الفصائل التي امتهنت المقاومة الشريفة ضد إسرائيل بالمحظور بإستخدامها السلاح ضد أبناء وطنها... حزب الله- فتج- حماس- الجهاد الإسلامي وكل مواطن شريف في لبنان وفلسطين ومهما اختلف توجهه السياسي أو الفكري لا يوجد مايشفع له في هذه الدنيا إستعمال سلاحه ضد أخيه الفلسطيني أو اللبناني... مهما اختلفة الأهواء والتطلعات والأهداف والسياسيات والأفكار لكن إتجاه البندقية واحد ومعروف ولا يجب أن يتغير تحت أي ضغط كان... ومن ينقل البندقية من كتف إلى أخر ليوجهها إلى أبناء وطنه ما هو بأحسن حال من العدو... لكنني أفضل أن أبقى متفائلاً وأن أعتبرها حالات شاذة وليست نهجاً أو مبدأً وسوف يعود الوضع إلى طبيعته وإلى أساسه...

حركات المقاومة هي أمر مشروع بكل الشرائع والأعراف والمواثيق الدولية ولنا أن نقرأ عبر التاريخ الطويل عدة حالات لثورات في أغلب دول العالم ولأعمال مقاومة مسلحة أو أهلية ضد الإحتلال أو الديكتاتورية... فطالما كان سلاح المقاومين بمايتفق والحق وألشرعية والمصالح الوطنية والإرادة الشعبية فلا جدال حوله...

أتفق معك حول موضوع أن بعض الأنظمة والحكومات تستغل فكرة المقاومة ووجودها لترسيخ قبضتها على الشعوب بحجة الممانعة ودعمها... لكن هذا لن يعمينا عن أن المقاومة حق وواجب لجميع الدول المسلوب أي حق لها من دولة معادية...

وللحديث بقية

[i m sam]

بالفعل بالأونة الأخيرة وقعت بعض الفصائل التي امتهنت المقاومة الشريفة ضد إسرائيل بالمحظور بإستخدامها السلاح ضد أبناء وطنها... حزب الله- فتج- حماس- الجهاد الإسلامي وكل مواطن شريف في لبنان وفلسطين ومهما اختلف توجهه السياسي أو الفكري لا يوجد مايشفع له في هذه الدنيا إستعمال سلاحه ضد أخيه الفلسطيني أو اللبناني... مهما اختلفة الأهواء والتطلعات والأهداف والسياسيات والأفكار لكن إتجاه البندقية واحد ومعروف ولا يجب أن يتغير تحت أي ضغط كان... ومن ينقل البندقية من كتف إلى أخر ليوجهها إلى أبناء وطنه ما هو بأحسن حال من العدو... لكنني أفضل أن أبقى متفائلاً وأن أعتبرها حالات شاذة وليست نهجاً أو مبدأً وسوف يعود الوضع إلى طبيعته وإلى أساسه...

100%
وأرجو انو يتجاوزوا هيك حالات ولا عاد تصير مرة تانية انما هي متل ما تفضلت " شاذة"

[شاهد عيان مجهول]

كاتب النص الأصلي : i m sam

اولا اي عاقل لا يرضى أن تجمع حزب الله أو المقاومة الفسلطينية مهما كان اسمها بشي اسمو فتح الاسلام ..... هاد امر وهدف وهداك هدف تاني وامر تاني
من ناحية تانية بعيدا عن كل التسميات يلي ذكرتها الكل معترف انو اسرائيل دولة محتلة ومستعمرة لفلسطين " الا اذا كنت بتعتبر غير هيك " عطيني مثال عن محتل او مستعمر دخل بلد وطلع منها بدون ثورة او بدون مقاومة يعني طلع هيك انو انا بدي السلام للبشرية وطلع. وأنا كتير بحبكم وهي بلدكم والسلام عليكم.
من فيتنام الى العراق الى سورية والاحتلال العثماني والفرنسي بعدو أو البريطاني الى ...الى... ما حدا ترك ومشي هيك ما حدا دخل بلد وطلع الا بعد ما اهل البلد قاومو واستشهدوا وقَتلوا وبعدين أخدوا الحرية بمثل هي الشغلات " الاحتلال يعني " أنا أؤمن بالمثل القائل " ماأخد بالقوة لا يسترد الا بالقوة"
بالنسبة لحق العودة هي نقطة واسعة وبدها دراساتها بس هي بتجي بعدين يعني اولا عطيني وطني بعدين منحل مين بدو يرجع ومين بدو يضل .
بالنسبة لنقطة التفجيرات باسرائيل يعني برأيي هي شغلتين اولا باسرائيل باعتباري الشخصي أنا مافي حدا مدني لانو خلينا نقول على فرض انو اليهود يلي هنن من سكان فلسطين قبل القرن 20 نسبتهم %25 من اليهود الموجودين هلق طيب الباقي وين سكن بأرض مين ببيت مين
مو بأرض الفلسطيني او اغتصبت بيتو او مزرعتو طيب هاد مدني بكون مدني لما الحرب بالعراق وانا بروح بقصف مواطنين أمريكيين بكاليفورنيا هاد اسمو مدني اما مو شخص أخد بيتي وبدي قول عنو مدني .
الشغلة التانية عطيني قنابل ذكية وصواريخ دقيقة الاهداف ودبابات وطيران وانا بضمنلك انو المقاومة ما رح تضرب الا الثكنات العسكرية .
فتمنع عني السلاح يلي بكافئك وبتمنع عن اولادي الاكل والشرب وبتقتل اخي وابي شو بقيان بهي الدنيا مشان عيشوا ولا شو بدو يطلع بايدي غير هيك لما بشوف ابني عم يبكي وبدوا ياكل او موجوع بدو دوا وانت مانع عني هالشي اي بدي ااقتلك ولو كنت اخي ومن لحمي ودمي .
عطيني بديل عن المقاومة لحتى تناقش هاد المستقبل بس بالاول عطيني شي بالحاضر يأمنلي تحرير بلدي .
ما بتوقع انو في بهالمنتدى حدا بيتعامل بالنقاش مع أي شخص بهاد الاسلوب يلي ذكرتوا .
تحية

أنا بأقدملك ما آل اليه حال الشعب بسبب المقاومة وانتم عم تحكوا بالكرامة والعزة وهده الشعارات الي لا فائدة منها, يا أخي حاجة نغطي سموات بقبوات نحن عم نخسر والسبب هو المقاومة فالملاحظ في جميع الثوارت والانتفاضات، أننا نحن الفلسطينيون والعرب من يفتعل الصدام أو الحرب، وأننا نحن الطرف الخاسر في النهاية، فعندما وضعت الحرب العالمية الثانية أوزارها وتمخضت عن قيام دولة إسرائيل، حينها رفض العرب قرار التقسيم وأصروا على فلسطين الكاملة غير المنقوصة، بل وأعلنوا الحرب على الدولة " اللقيطة "، فتمخضت تلك الحرب عن ارتكاب المجازر والتشريد وطرد الفلسطينيين بالقوة من أراضيهم فيما عرف بالنكبة الكبرى، ثم أعلنا الحرب في 1967 وكان النتيجة خسارة سيناء وغزة والضفة والجولان في طرفة عين. يقول الشاعر مطر ساخراً من سرعة خسارتنا للمعارك ( تم ترم تم ترم الله أكبر فوق كيد المعتدي .. تنتهي الحرب لدينا إذ تبتدي ) ويقول نزار ( كلامنا أطول من سيوفنا ) !
بعدها، انطلقت الثورة من الأردن لكي تقاتل خارج الشرعية الدولية فتمارس الإرهاب وتخطف الطائرات وتتصادم مع شرعية النظام الأردني الحاكم وإرادة القوى العظمى، فينتهي الصدام بمجازر أيلول الفظيعة ويتم خروج الثورة إلى لبنان، وهناك لم تتم الاستفادة من دروس الأردن، بل استمر الصدام مع الشرعية الدولية وشرعية الدولة اللبنانية لينتهي الصدام عام 1982 بمجازر صبرا وشاتيلا وخروج آخر للثورة. يعلق الشاعر العربي على استمرار النكبات وتوالي الانكسارات فيقول ( عائدون، ولقد عاد الأسى للمرة الألف، فلا عدنا، ولا هم يحزنون ).

[i_miss_syria]

//* تعديل اداري *//

وعلى العموم الشعب اليهودي المأنشح ما بدو غير مقاومة أساسها حرب عصابات وكر وفر وناس مابتخاف من شي وأنا احييهم و اناديهم واشد على اياديهم واقبل تربة الأحرار تحت نعالهم واقول افديهم.

ولا بدك الكل ساكت, الرؤساء والحكومات والشعب وال وال وال *

[marochka]

بس انو إذا جينا معك وقلنا طيب بلا مقاومة، شو برأيك رح يصير؟ رح تزدهر بلادنا وتعم الديمقراطية؟ ولا اسرائيل واميركا رح يبطلو حروبن الباردة والسخنة ومن جميع الأنواع.
ما حدا فينا حابب الحرب والقتل والعمليات، بس منطق أنو الحق بكل المشاكل على المقاومة فهاد شوي ظالم، يمكن حركات المقاومة الموجودة هلأ فيها نواحي سلبية ويمكن بعدين نختلف معا إذا وصلت للحكم، ويمكن من هلأ نعترض على ممارسات غلط ممكن تصدر عنا، بس ما فينا نعترض على مقاومتا للاحتلال