الوسواس القهري.. قربب جدا

[Nay]

كاتب النص الأصلي : ooopss

ـ الوراثة، فحوالي30% من أقارب المريض يكون لديهم نفس الاضطراب. كما أن ظهور الاضطراب في التوائم وحيدة البويضة أعلى من ثنائية البويضة. ويتداخل العامل الوراثي مع العامل البيئي، فتأثير الوالدة مثلاً، المصابة بالوسوسة في تصرفاتها، سينعكس على شخصية أطفالها سواء وراثيا أو بيئيا.

شكرا كتير هي المعلومات كتير مهمة ... اتذكرت انو قرات من زمان بمقال عن نفس الموضوع نسب مئوية للوراثة بها المرض
يعني اذا كان الام عندا الامرض كم نسبة توريثها للمرض لاولادها واذا كان الاب كم واذا كان الاثنين كم ومتذكرة انو نسبة توريث الام للمرض اكبر يكتير من نسبة الاب..
اذا حدا عندو المعلومات...لو سمحتو...

[Nay]

كاتب النص الأصلي : التقرير الجوال

ناهيك عن الأثار الجانبية يللي بيعملها البروزاك و في حالات هوس اتسجلت بسبب استخدام البروزاك و بيقولو بأنو استخدام أدوية الـ SSRIs كان الها صلة بوفاة 12 حالة بالسنة الأخيرة متل ما انذكر بهالرابط

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

السؤال يللي بيطرح نفسو باعتبار هالادوية ما بتساعد عالشفاء التام و في إلها أضرار و منها الخطيرة يللي ما فينا نتجاهلها .. فليش عم تنوصف كتير .. يعني البروزاك متل ما بيقولو بيخلّي الناس سعداء و بتمارس حياتها بنشاط و فاعلية طبيعيتين بس جسم الانسان من حقل تجارب و اثبات فعالية الدواء على نطاق ضيق مش بالضرورة يكون هوي الحل ..

يسلمووووووو على المشاركة...
الحقيقة في شب صديق الي مات من اربع سنين تقريبا.. كان مصاب باكتئاب شديد وصار تضارب بالتشخيص انو صار الاكتئاب فصام ولا لاا انو هي هلوسات بسبب حالة متقدمة من الاكتئاب ولا بسبب الفصام...
الحقيقة انو مات بسبب الجرعات الكبيرة اللي كانت موصوفة الو يعني كان ياخد ادوية كتييييييييير ..ولما راح على المشفى شخصو الاطباء سبب الوفاء انو تسمم دوائي..
هلق الملفت بالموضوع انو الشب اتعالج بالادوية واتعالج بجلسات الكهربا اللي زعجتني كتير شخصيا...
بس ما تعالج ابدا علاج سلوكي.. رغم انو هوي كان يراجع طبيب مهم كتير بسوريا لمدة خمس سنوات يعني قبل ما يتفاقم وضعو بكتير...

[Nay]

كتير فرحت انكون اهتميتو بالموضوع...
لانو بالساعات الاولى قلت الموضوع ما مشي حالو وخاصة انو هادا تاني موضوع بنزلو بالاخوية.. واول موضوع فشل فشلا ذريعا مع اني حسيت انو مهم وانساني كتير...
قلت لحالي بلكي انا شغل تنظير زيادة عن اللزوم
لكم مني كل المحبة

[Reemi]

شكرا عالموضوع المهم ...
اكتشفت انو عندي هالاعراض ..بس عم حاول احيانا احيانا اني اتغلب عليهن وخصوصي قصة التاكيد من الاشياء لانها مزعجه ومتعبه بصراحه..احيانا بقفل باب البيت وبنزل..بوصل لاخر الشارع برجع بتاكد اذا قفلتو اولا ..وبعمل نفس الشي مع الصوبيا وكبسات التدفئة وموتور الميي

كاتب النص الأصلي : Nay

لأعراض والتصرفات السلوكية المرتبطة بمرض الوسواس القهري مختلفة وواسعة المجال.
التأكد من الأشياء مرات ومرات مثل التأكد من إغلاق الأبواب والأقفال والمواقد
التساؤل بشكل مستمر عن "ماذا لو"؟ … تخزين الأشياء التي لا تبدو ذات قيمة كبيرة -- كأن يقوم الشخص بجمع القطع الصغيرة من الفتل ونسالة الكتان من مجفف الثياب.و يقوم الشخص عادة بادخار هذه الأشياء في ظل إدراك يقول "ماذا لو احتجت هذه الأشياء في يوم ما؟" أو أنه لا يستطيع أن يقرر ما الذي يتخلى عنه؟ .

كاتب النص الأصلي : ooopss

ـ طبيعة الشخصية، أي الشخصية الوسواسية التي تتصف بالصلابة وعدم المرونة وصعوبة التكيف والتأقلم للظواهر المختلفة.

[Nay]

انا احيانا بيصير معي شغلة عجيبة... انو لما بيكون بالاكل في دجاج اكتر شي بصير بتخيل انو هي فخد الجاجة وكيف كان عم يركض او انو جناحا وكيف كان عم يتحرك وكيف كان مليان ريش ونتفو الريشات عنو بالماكينة وبصير اتخيل الفروج عم يدور بالنتافة تبع الريش.. وبتصير نفسي بتلعي.. من كم يوم كنا معزومين على غدا بضيعة والجماعة عملو مشاوي ولما حطو الاكل انا بلشت تلعي نفسي والعلة اون مربيين دجاج وصارو الجاجات يتمشو حوالينا يعني الجو تبعي اكتمل ما عاد في داعي للخيلالات كل شي لايف....وخجلت وخفت انو الناس ينتبهو عليي والغريب انو انا ما لي نباتية يعني مالي ضد الدبح بس هالشغلة عم تصير معي غريبة كتير وغليظة..
ما بعرف اذا الها علاقة بشي مشكلة نفسية عندي ولا لأ..لانو عم تتكرر كتير وتزعجني..

[sandra]

اي اي كل واحد بهالدنيا الو وساوسو
بقا في منها بتكون طبيعية متل وسواسي يلي رح أحكي عنو بعدين ومنها مرضي
ناي أنا برأيي أنو بعد ما تختمي موضوعك ونحكي عنو بشكل علمي ونظري من كل الجوانب
تفتح لباب للأعضاء المستمعين والمتتبعين للموضوع ويحكولنا إذا في عندهم شي وسواس .. شو هو وإيمتا ابتدا وكيف بيحسو تجاهو ومنحاول تفكر بطرق للحل سوا
وطبعاً رح احكيلكم عن وسواسي أنا كمان
انتظرونا

[THE_unforgiven]

بعرف واحد منصاب فيه .. ومكتر ... بس بعتقد مافي أمل ..
لأن كتير تصرفاتو زايدة عن حدها .. بالوسوسة . وبتوقع اجتاز مرحلة امكانية العلاج ..

[Nay]

كاتب النص الأصلي : THE PUNISHER

بعرف واحد منصاب فيه .. ومكتر ... بس بعتقد مافي أمل ..
لأن كتير تصرفاتو زايدة عن حدها .. بالوسوسة . وبتوقع اجتاز مرحلة امكانية العلاج ..

شو عن جد حكيلنا عنو شوي لانو انا بصراحة ما شفت شخص مريض بالوسواس القهري بس سمعت وقريت وشفت ببرنامج الدكتور فيل..عن جد بس يصحلك حكيلنا شوي عنو..
شكرا على المرور

[Nay]

كاتب النص الأصلي : sandra

اي اي كل واحد بهالدنيا الو وساوسو
بقا في منها بتكون طبيعية متل وسواسي يلي رح أحكي عنو بعدين ومنها مرضي
ناي أنا برأيي أنو بعد ما تختمي موضوعك ونحكي عنو بشكل علمي ونظري من كل الجوانب
تفتح لباب للأعضاء المستمعين والمتتبعين للموضوع ويحكولنا إذا في عندهم شي وسواس .. شو هو وإيمتا ابتدا وكيف بيحسو تجاهو ومنحاول تفكر بطرق للحل سوا
وطبعاً رح احكيلكم عن وسواسي أنا كمان
انتظرونا

هلا هلا.. بهالشمعة الحلوي.. على قولة الحماصنة..
اي الموضوع بتوقع اخد حدو من الناحية العلمية.. وكتتتر.. شو بتحبي تحكي احكيلنا..

[sandra]

على فكرة في مصطلح تاني لهاللاضطراب وهو الأفكار التسلطية القهرية أو الأندفاعية القهرية
هلا ليش أفكار تسلطية قهرية
لأن بتسيطر على المريض فكرة أو صورة لمنظر معين وبالرغم من علم المريض بتفاهة هالأفكار الوسواسية وأنها ما بتستحق الاهتمام .. إلا إنها بتستحوذ على معظم تفكيرو وبيحاول بالبداية ما يستسلم لها ... لكن مع مرور الوقت بيستسلم

أفكار اندفاعية قهرية
لأن بيشعر المريض أنه سيقوم بأعمال لا يرغبها بل تخيفه في كثير من الأحيان ...
مثال من واقع الحياة .. بنت بترادوها فكرة خنق أخوها الصغير كلما حضنتو وهالفكرة معيشتها بحالة رعب من لحظة الضعف
أو شخص بيخطرلو دايماً بأنه بيبوح بأشيا خطيرة بعملو رح تأدي للهلاك مع انو ما بيكون عم يقول شي خطير
أو الواحد بيضل بيغسل ايديه كلما لمس شي لدرجة اصابته بالأكزيما رغم معرفتو بأنو ما مسك شي وسخ وتصرفو مالو داعي

[sandra]

كاتب النص الأصلي : Nay

هلا هلا.. بهالشمعة الحلوي.. على قولة الحماصنة..
اي الموضوع بتوقع اخد حدو من الناحية العلمية.. وكتتتر.. شو بتحبي تحكي احكيلنا..

هلا فيكي أنتي يلي منورة القسم
جاييتكم بكر ا بالسيرة وبحكيلكم عن قصص رفيقتي كمان وشو تحليل هالوساوس بس هيك يروق راسي

هلا لفت نظري سؤالك

يعني اذا كان الام عندا الامرض كم نسبة توريثها للمرض لاولادها واذا كان الاب كم واذا كان الاثنين كم ومتذكرة انو نسبة توريث الام للمرض اكبر يكتير من نسبة الاب..
اذا حدا عندو المعلومات...لو سمحتو...

ما عندي فكرة عن دقة هالكلام من الناحية الوراثية بس عندي تعليق صغير
العامل الوراثي بيتداخل مع العامل البيئي وصعب الفصل بينهم
بحكم التنشئة الاجتماعية وملازمة الأم لأطفالها أكتر من الأب ...انعكاس تصرفات الوالدة على الأطفال رح يكون أقوى من تأثير الأب
هاد رأي شخصي على فكرة

[sandra]

موضوع متصل باضطراب الوسواس القهري

اضطراب قضم الأظافر بالأسنان Onychophagia

[HHA2020]

مسائكم ورد،،
كيفكم..
شكرا واااااااااايد ع الموضوع
بصراحه المعلومات مرررة
عجبتني وخاصة اني عامله مشروع التخرج
تبعي عن الصحة النفسية
وتحدثت فيه عن الوسواس القهري..

[sandra]

من النظريات التي فسرت المرض

المنظور السيكودينامي
لاحظ فرويد المرض و سماه العصاب الوسواسي و يشير المرض بأن الانسان تأتيه قوة داخلية بفعل أفعال لا يرضي عنها و قد اعطي فرويد تفسيرين للمرض :
1. تثبيت في المرحلة الشرجية : الوسواس يثبت عند تثبت في مرحلة شرجية 2-4 سنوات اذا الانسان تعرض في المرحلة لمعاملة قاسية من قبل امه من ناحية النظافة يثبت عنده الوسواس القهري .. كما يعتقد أيضا بنظرية (النكوص) أو الرجوع إلى المرحلة الشرجية Anal Stage من مراحل النمو الأولى في تطور شخصية الإنسان وذلك عند تعرضه للضغوط .
2. تكوين ضدي عكسي
عبارة عن أحد الميكانيزمات اللا شعورية .... مثال أم لديها 10 أطفال وحملت بطفل غير مرغوب به فيظهر عليها تأنيب الظمير مما يؤدي إلى حماية زائدة .
يقوم الفرد بأنماط من سلوك تعويضية و تهدف مخفض للتوتر الذي يكون لدى الشخص
صاحب الوسواس القهري يعتبر صاحب أنا أعلى قاسي و معذب و يقحم الأنا في اشياء قاسية و يؤدي لتعاسة المريض

المدرسة السلوكية
و تنظر المدرسة السلوكية المعرفية للوسواس القهري و نظرتها للامراض النفسية علي انها عادات شرطية متعلمة تم اكتسابها بطريقة خاطئة .
و في حالة الوسواس يقوم الفرد بفعل قهري او الافكار لاختزال القلق و هذه العملية و تكرارها سرعان ما يؤدي الي تدعيم الفكرة القهرية و لكن اداء السلوك القهري يمنع القلق لفترة طويلة ..
وتبعا لنظرية الاستجابة الشرطية فإن بعض العوامل المحايدة في حياة المريض تصبح مصاحبة أو مهيجة للقلق والخوف ولذلك يلجأ المريض لتخفيف وساوسه (الأفكار المتسلطة أو الجزء الخفي من المرض) إلى القيام بال(السلوك القهري أو الجزء الظاهر من المرض) وعندما يجد المريض أن قيامه بالطقوس يخفف قلقه فإنه يدخل في حلقة مفرغة بين هذه الأشياء: فكره – قلق – طقوس. وهكذا.

تفسير بيولوجي
1. يدعم التوائم المتماثلة و توائم غير متماثلة لوجود انتشار واسع بين التؤائم متماثلة اكثرمن التوائم غير المثماثلة 2. الاقارب تنتشر بينهم امراض ذهانية
العلاقة بين الوسواس و الذهان قوية ، كثير من الامراض الوسواس يتطور لذهان .
3 . أثبتت دراسات التخطيط الكهربي للدماغ (EEG) ودراسات الهرمونات وجود اختلالات شبيهة بتلك الموجودة في الاكتئاب كتأخر وصول المريض لمرحلة حركة العين السريعة REM أثناء النوم وكذلك قصور تأثر هرمون النمو بعد حقن مادة الكلونيدين.
4. كوريسندوم قال ان سبب الوسواس القهري اختلال في جهاز عصبي حيث تبدي بعض مناطق المخ لدي مريض الوسواس القهري انشطة شاذة نتيجة نقص هرمون سيروتين و الذي يقل كثيرا في مرض الوسواس
5. الصور الاشعاعيه للدماغ (المقطعية والرنين المغناطيسي) أثبتت وجود اختلال بوظائف بعض فصوص الدماغ (الفص الأمامي) , نواة الكودات, ومناطق أخرى. كما أظهرت الفحوصات المتقدمة والمعقدة ك PET وجود نشاط مفرط في عمليات الأيض وتدفق الدم في بعض مناطق الدماغ. الأشعة المقطعية والرنين المغناطيسي يظهر أيضا وجود ضمور في بعض الأجزاء الداخلية والعميقة في الدماغ.

[Nay]

يسلمو ساندرا على اغنائك للموضوع..
انا كنت مفكرة انو الوسواس القهري.. سببو بيولوجي محض يعني انو الو علاقة بحركة الاعصاب والكهربا داخل الدماغ .. وما كنت بعرف انو في مدراس بترجع المرض لمشاكل سلوكية.. معرفية..
يسلمو ..

[sandra]

لا بالعكس ناي
الوسواس القهري من الاضطرابات النفسية وبعتقد أنا كتير بأساسو النفسي أكتر من البيولوجي
وعلى هالأساس رح نحكي شوي عن طرق علاجو

على كل حال حبيت حط هون رابط لموضوع بيتطرق بشكل خفيف للوسواس القهري

الأمراض النفسية .. بين العلم والطب والشعوذة

[sandra]

ينقسم علاج الوسواس القهري الى قسمين ، علاج دوائي وعلاج نفسي

العلاج الدوائي:
مثلما ذكرت ناي ..... بعض الدراسات أثبتت فاعلية العلاج الدوائي ثبت فعالية دواء الكلوميبرامين
والأدوية ثلاثية الحلقات المضادة للاكتئاب ........ بعض الأدوية المضادة للاكتئاب ولها مفعول جيد على الوسواس القهري، خاصة بعد ظهور الادوية المعروفة بمثبطات إعادة مادة السيروكسات وهي من أهم الادوية الحديثة في علاج الوسواس القهري وقد يحتاج المريض الى جرعات أعلى في علاج الوسواس القهري عنه في علاج الاكتئاب.

تعاطي الدواء

من المهم جدا أن يقوم المريض بأخذ الدواء إذا ما وصفه الطبيب المختص له، خصوصا أن الأدوية في الوقت الحالي وصلت إلى مرحلة متقدمة، على سبيل المثال الحبوب التي تسمى بـ: بروزاك (Prozac) هذا النوع من الدواء ينتمي إلى مجموعة (SSRI أو Selective Serotonin Reuptake Inhibitor)، ويقوم هذا الدواء بزيادة نسبة مادة السيروتونين في المخ بحيث يستعيد المخ نشاطه الطبيعي وتزول الأفكار السلبية، ويتميز هذا الدواء بأعراض جانبية طفيفة لا تكاك تؤثر على المتعاطي، وكما تبين صفحة الدواء على الإنترنت أن الأعراض الجانبية تزول بعد فترة من التعاطي، والجدير بالذكر أن هذا الدواء لا يدمن عليه متعاطيه بل أنه يقدر أن تركه في أي وقت يشاء.

ولكن المشكلة في تعاطي هذا النوع من الدواء أنه يحتاج إلى عدد من الأسابيع حتى يبدأ بالتأثير الإيجابي على المريض، وهذه هي المشكلة، وخصوصا أن المريض على عجلة من أمره، واليأس والإحباط ينخران في تفكيره، لذلك قد يترك المريض الدواء مبكرا، والمشكلة الأخرى أن بعض الأطباء الذين يصفون الدواء للمريض لا يكاك أن يؤدوا دورهم في تبيان كيفية عمل الدواء والمدة التي يستغرق الدواء قبل أن يحصل التأثير المطلوب.

يتبع.........

[sandra]

مشكلة العلاج الدوائي هو وجود الأعراض الجانبية للدواء
وببعض الحالات لا يمكن التوقف عن العلاج الدوائي حتى مع تحسن الحالة
ولهيك بفضل شخصياً العلاج النفسي ويلي رح نشرحو لاحقاً