مسؤول أممي: الجوع يهدد الصحة أكثر من إنفلونزا الخنازير

[sona78]

اكد عالم الاجتماع السويسري يان تسيغلر أن

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

تستغل على حساب فقراء العالم، وأنه بينما يستنفر الإعلام من أجل 45 شخصا توفوا بالفيروس خلال الأسابيع الماضية فإن "مائة ألف شخص يموتون يومياً من الجوع وتداعياته المباشرة".

ونقلت الوكالة الألمانية عن تسيغلر -الذي يعمل مستشارا لمجلس حقوق الإنسان التابع للأمم المتحدة- قوله في جنيف السبت إن الحملة التي تتبناها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

تثير مخاوف الناس ولا تتناسب مع المشاكل الحقيقية.

وأكد أنه من "التبجح" أن يظهر مسؤول من منظمة الصحة العالمية أمام وسائل الإعلام المختلفة قائلا إن فيروس أتش1 أن1 يهدد ملياري إنسان، مشيراً إلى أن مسؤولي المنظمة يتعاملون "بشكل غير مسؤول" مع التصريحات حول خطورة الفيروس.

وقال إنه لا ينكر أن منظمة الصحة العالمية ملزمة بمراقبة الصحة العالمية "ولكن عليها ألا تبالغ في تصوير الأشياء"، وأن تعطي كل حدث قدره الضروري من الاهتمام وألا تدخل الخوف في قلوب الناس لأنها تعرف أكثر مما يعرفه الناس من حقائق عن المرض.

وأضاف تسيغلر -الذي شغل من قبل منصب المقرر الخاص للأمم المتحدة للحق في الغذاء- أن نحو 953 مليون إنسان يعانون بشكل دائم من نقص التغذية، كما أن العالم يشهد وفاة طفل تحت سن عشر سنوات كل خمس ثوان، مضيفا "نحن نقبل ذلك وكأنه أمر طبيعي للغاية".

وأكد أنه "ليست هناك مؤتمرات صحفية عن هؤلاء الناس ولا استنفار دولي من أجلهم، في حين أن منظمة الصحة تدعو وسائل الإعلام يوميا لمقرها الرئيسي في جنيف لإطلاعها على آخر المستجدات الخاصة بإنفلونزا الخنازير".

وقال تسيغلر "عندما يتعلق الأمر بالكبار فإن الضمير العالمي يهتز، إن هذا يدل على العمى الذي أصابنا وعلى برودة عواطفنا المتدنية للغاية وتهكمنا من الواقع".

من الجزيرة نت


كما يرى البروفيسور السويسري أنه من المثير للدهشة أن يتم توجيه الإعلام في التعامل مع أزمة الخنازير، وقال إنه لن يستغرب لو تبين فيما بعد أن شركات الأدوية الكبرى هي الممسكة بدفة هذا التوجيه الإعلامي في ضوء الركود الذي أصابها جراء الأزمة المالية والاقتصادية العالمية.

وأضاف تسغلر أن إنفلونزا الطيور عادت على شركات الأدوية العملاقة بالمليارات من بيع الأدوية بعد أن كانت "تكدس" براءات الاختراع التي تمتلكها والخاصة بالعقاقير المضادة للإنفلونزا.

[saman]

انو عم تتولد عندي قناعة ما بعرف ازا صحيحة ولا لأ ... انو هالامراض يلي عم تطلع ... هيي امراض مفتعلة ... يعني في شخص (مدري من وين ومدري شو اتجاهو السياسي ) اتدخل لصنع هي الامراض ...
والغريب انو باول عهد بوش .. طلعت الجمرة الخبيثة ... وعند غزو العراق .. طلعت انفلونزا الطيور ... وهلأ على عهد اوباما طلعت انفلونزا الخنازير !
انو يمكن تكون هالشغلات صدفة .. بس مو متأكد ازا صدفة بريئة

[sona78]

للصراحة ...
انا هيك رايي كمان
من اول ما بلشت شغلة هالمرض تتتطور بهالشكل الدراماتيكي .....

[Abu ToNi]

الاهتمام العالمي بيتناسب طردا مع الضجة الاعلامية حول الخبر
المجاعة الافريقية ما عم يتم التعامل معها بشكل كافي لهيك ما عم تتحول لـ ( هم ) بالنسبة للبشرية
اضافة بان الاهتمام بالمجاعة مقتصر على الجمعيات الحقوقية والاغاثة الطبية بينما الأمراض المنتشرة عم تصير هلوسة لكل انسان كونه داخل دائرة امكانية الاصابة بالمرض .

سؤال براسي من زمان انه من قبل كان يطلع امراض فيروسية من هلنوع بس العلم ما كان يقدر يحللها ؟!
ولا الظاهرة هي حديثة ؟!

يمكن اذا عرفنا الاجابة على السؤال هاد ممكن نتوقع هل في فعلة فاعل ورا هلأحداث ولا مجرد تطور وطفرات من أصل الخليقة .

وردة لسونا ولنشاطها المستمر بنقل الأخبار

[باشق مجروح]

سؤال براسي من زمان انه من قبل كان يطلع امراض فيروسية من هلنوع بس العلم ما كان يقدر يحللها ؟!
ولا الظاهرة هي حديثة ؟!

الأمراض الفيروسية قديمة كتير و مسببة للموت عبر العصور
طبعاً وكانت كذلك حتى قبل اكتشاف العلم الها
الفيروس المسبب للانفلونزا هو فايروس كتير عندو قدرة ع تغيير خصائصو هلق لما يكون التغيير بسيط بيقدر جسمنا يعمل مضادات للهالفايروس بس لما يكون التغيير كبير متل الحالة الموجودة هلق المسماه خطأَ انفلونزا الخنازير ( طبعاً الخطأ شعبي ) هو نوع جديد تماماً وبالتالي جهاز المناعة الي عنا ما بيقدر يتعامل مع الفايروس بالمضادات المجهزة لفايروسات ذات خصائص أخرى وبالتالي بتكون العدوى كتير سهلة و خطيرة نظراً لأنو فايروس الانفلونزا قاتل اساساً مع تقدم مراحلو بجسم الانسان .
باختصار الفايروس كان يقتل الناس قبل حتى اكتشافه علمياً .

رأي شخصي :

الكوارث الي احدثتها الامراض سابقاً بسبب غياب التوعية عم نقدر نتجنبها حالياً بسبب وجود وسائل الاعلام و منظمات الصحة و الشغل الكبير والعظيم الي بتقوم فيو المراكز الصحية بكتير دول اضافة للتوعية بكل مكان .
ما لازم نحنا نوقف بوجه هالتوعية ونحكي عن تضخيم بموضوع متل هاد كان يتسبب بمقتل ملايين بل عشرات الملايين من البشر ايام نقص التوعية وضعف الامكانات .
بتقدرو تتخيلو حجم الكارثة البشرية لو ما عملت المكسيك كل الاجراءات متل تعطيل المدارس ومنع التجمعات والحجر الصحي والمعالجة ونشر التوعية لدرجة كبيرة بين كل الناس والتعاون الحاصل بين السطلت والسكان
اكيد اكبر بكتير من الحصار الي صار لهالمرض الحقيقي و الخطير .

[sona78]

كلامك يا باشق ما غلط
يعني ما عم قول ابدا انو المرض مانو موجود او انو السعي لحصرو بسرعة مانو ضروري
بس الفكرة متل ما انذكر برد سابق انو غالبا عم تصير الاوبئة مرافقة او سابقة لازمات او احداث عالمية
وعم يصير سرعة رهيبة بانتشار التحذيرات عنها وعن اضرارها
وفجاة بتختفي هالضجة حواليها ... وبيكون في ظرف عالمي جديد صار او اتحقق

يعني ما بنفي انو الصحة العالمية كانت ع صواب برفع الانذار .............. بس ما عم اقدر ضل صدق هالهجمات المرضية يلي عم تصيب عصرنا بهالشكل المستمر وتواترها مع الازمات ....
اضافة انو في امراض كتيرة قديمة كان لازم يرتفع فيها الانذار والتوعية وما صار بهالشكل العاملي يلي صاب الانفلونزا ( طيور ولا خنازير )والجمرة الخبيثة ......
ما بعرف بس برايي انو في شي مانو زابط

[باشق مجروح]

اهلين سونا .
بشوف انا انو نحنا فينا دايماً نربط بين اي حدثين عالميين ازا كان عندنا شعور بالمؤامرة وهالشعور بينبع من عدم ثقتنا او ضعف ثقتنا بالهيئات الدولية وشكنا الدائم بدوافعها واربتاطاتها . و بتكتر الروايات والتحليلات .
الصراحة انا ما شفت انو منظمة الصحة العالمية مثلاً قصرت بالتنبيه من اي خطر محدق بالانسان او اهتمت بشي على حساب شي . يعني بحس انو في عندها استقلالية بقدر اهميتها وحساسية وظيفتها و وجودها .
ومرات التضخيم الاعلامي بيكون كتير مفيد و نتائجو بتكون مرضية رغم اني بشوف انو بهالحالة ما في تضخيم اعلامي نظراً للخطورة الفعلية للفايروس على حياة الانسان و التهديد الي بتشكلو على الوجود البشري ككل .
الموضوع بنوب مانو مزحة واكبر من اي نظريات مؤامرة .