أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > درجة تانية > السقيفة

إضافة موضوع جديد  إضافة رد
 
أدوات الموضوع
قديم 03/07/2008   #1
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي عالتنكة...صفحات من مذكرات صاحب بسطة


ملاحظة قبل مانبلش ...
اي تشابه بين الي راح يكون مكتوب هون مع اي اختراع او شي او شخص او فكرة او مادة بتعرفوها فهوه من محض الصدفة ولاتمت لعالم الواقع بشي وانشالله الله يحفظ البلدية ومدير هيئة الطرقات عالتسهيلات الضريبية الي عم يوفروها النا والي شخصيا والي صرح قبل فترة من امام البسطة تبعي(بعد مااخذ الي فيه النصيب)ان تركهن النا عم نشتغل بهالشارع هاد من باب الدعم والتاخي لاخواننا الاشقاء في الشعب الصيني العظيم
الشخصيات الواردة بمذكراتي معظمها واقعية والخيالي هاد ناتج عن خيالي

ملاحظة منشان تعرفوا
1-وضعي العائلي ,انا اعذب بشكل اختياري (منشان الصبايا الي معنا)
2-الموهلات :معي شي متل الي عندكنياه بس يمكن اقدم
3-الهوايات :التشفيط والتدخين من علي التنكة ومن امام البسطة ومرات بكتب خواطر

ومن هلق شو ماحكيتوا ماراح ازعل لاني اوبن مايند
اهلا وسهلا فيكن





اسكر اسكر اسكر...فهذا العالم مملوء بالليل
  رد مع اقتباس
قديم 03/07/2008   #2
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي الرفيق وسام


هلق اعذروني عن ذكر اسماء العيل منشان الخصوصية
المميزات الفنية والتعبوية :وسام يملك معمل كحول بدم يعني ارجيه القنينة بيدوخ افتح القنينة بيختفي
عند قلب كتير طيب
يعني رغم اني دائما كنت انصح ان يعمل اختصاص بمهنة وحدة (يعني اعتمادا علي الاسلوب الاكاديمي الي اتبعنا بالجامعة) بس هالزلمة متل القرد من مطرح للتاني وكل مرة بيطلع بفنة
صحيح وسام طالب مفتوح ..اسف تعليم مفتوح بس يعني حسب ماقلي ان هالكلمة هيه الحقيقة الوحيدة بهالنوع من التعليم والي راح تظل معك للمستقبل والي الكل راح يعترفلك عليها بعد مابتتخرج ...باذن الله
  رد مع اقتباس
قديم 03/07/2008   #3
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي يوم الخميس


يعني كل يوم خميس وبعتبار ان انا والرفيق تنيناتنا منا متزوجين وبالتالي ماعنا شي نعمل يوم الخميس فبنجيب الارغلية ونعمرها قدام البسطا وللصبح ويعني هاد بيكون شي شبيه للاسلوب العمل الاشتراكي والي بيكون العامل عم يمارس هوايات وعم يستمتع خلال فترة العمل تبع
كان ابو نيسان جاي من لبنان
سالت لك شو عم تعمل هونيك
قلي ان عم يتابع قضية التحقيق باغتيال الشهيد رفيق الحريري وبهالمناسبة هونيك الاخوة اللبنانين داعمينوا بكيس كزبرة
  رد مع اقتباس
قديم 03/07/2008   #4
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي كيس كزبرة + راس ارغيلة +فحمة


-اسحاب رفيق
-ياسيدي مرات بزعل علي هالاوروبين
-ليش
-كل يوم بيطورولك شي لهالارغيلة ,يعني شي بيطلعولك نوع جديد معسل وشي بيعمل نبريش مابيعدي وشي بتكبس زر بتطلع الدخنة لحالها لتمك ,بس بيناتنا, بيظلو غشمة !!
-لعما ليش يعني والله انا بشوف ان حالهم ماشي واراغيلهن بتظوي
-لك اجدب ماالاوروبين نسيانين يطورو اهم قطعة بالارغيلة؟
-قصدك القصبة ؟
-لا
-طيب الطاسة يعني من جوا بيحطولها كوندشن
-هاي عملوها بس لسا ماحزرت
-شو يعني الفحمة؟
-قربت ياسيدي ,بس القطعة الاهم ما الفحمة بل اليه التحكم بالفحمة
-التحكم بالفحمة ؟
-يعني حط الفحمة بالنص او تحط 3 فحمات بيحترق الراس معك عالحارك وبيصير بدك نفخ بالراس وساعتها مافيك لا تستلذ ولاتسلطن فيها عالمضبوط
يعني فيك تقول بدك تخلي الفحمة مابتلدع كتير وبنفس الوقت مابتطفي بنوب ,لانها اذا ولعت كتير حرقت واذا طفت ....بطل فينا نكفي ارغلة
-شو رايك ان انا لسا فيني طورلك فكرتك
-يالله شو ارجيني والله طوريامعلم
-نقيم الفحمة ....ونشغل الارغيلة عالزورة
-والله بيصير وساعتها بيصير اسم الاليه التحكم بالراس عن بعد
-قال اوروبين قال ...لك نحنا رب الارغيلة لسا جايين يتشاطرو
  رد مع اقتباس
قديم 03/07/2008   #5
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي بضاعة مضروبة


داك اليوم المورد جابلي بضاعة غير شكل
ارانب عالبطارية ...يعني قلت جاي عيد الفلنطاين عالطريق وفيهن يمشوا برياحة
المشكلة ان بعد ماراح اجيت بدي جرب البضاعة
الارنب بعد مابتحطلو البطارية بيضوي شو بيمشي وبعدين بيصير يخبص يعني شي بينط شي بيحط وشي بيرفس من ورا,دخلكن هالق انا شو بدي اعمل يعني بخليه ببطاريتو عم يخبص ولا قييمن وبتاجر فيه علي ان اخرس ؟؟
معكن للفلنطاين لتردو علي
  رد مع اقتباس
قديم 03/07/2008   #6
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


وللـ الصبح مو ..

انا وعفكرة يعني .. عجبوني . ليش مابعرف .


إذا أنصت قليلاً ........ فسوف تسمع صوت السنافر

عفكرة ... حمص أنا حاميها
  رد مع اقتباس
قديم 03/07/2008   #7
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


اقتباس:
كاتب النص الأصلي : شوط ياقمر عرض المشاركة
وللـ الصبح مو ..

انا وعفكرة يعني .. عجبوني . ليش مابعرف .


ابو ريتا (المثقف) هاد بيسلم عليك وبيقلك بلالك تكفي قرايت هالمذكرات لان باخرتن راح يجيبوا اخرتك
من ناحيتي بقلك وقبل مالم البسطة ...يجبر الله بخاطرك

ملاحظة:الاحداث الواردة اعلاه وادناه منها تحشيش بس بدها صفنة ...يعني مضبوط ان ماحدا فاضي بس انت وقاعد عالتنكة بتجيك افكار ولا ارسطو ....هلق لو اتفشكلت بكتاب لافلاطون مقيومة من الصفحة الاولي(اسم الكاتب يعني) بتكفي فيه اكثر من سطرين قبل ماتكب بالحاوية؟؟
هلق المشكلة بتطلع بافلاطون ساعتها ولا فيك ....بعتقد ان العطل من المنشا

آخر تعديل اممي يوم 03/07/2008 في 04:40.
  رد مع اقتباس
قديم 03/07/2008   #8
شب و شيخ الشباب شوط ياقمر
مشرف متقاعد
 
الصورة الرمزية لـ شوط ياقمر
شوط ياقمر is offline
 
نورنا ب:
Oct 2006
المطرح:
حومص مو حيثما
مشاركات:
1,221

افتراضي


سلامات مبجلات مبجلات إلى المخضرم والمفدا .. أبو ريتا .. ومن ناحية الآخرة .. لك الله مابيطلع بـ إيدو . فا عمتحكي بـ أبو ريتا .

ولاتلم . كأنو حرك الشغل . تسبب خيي تسبب . وكــــفي .
  رد مع اقتباس
قديم 03/07/2008   #9
صبيّة و ست الصبايا بنفسجة
عضو
-- مستشــــــــــار --
 
الصورة الرمزية لـ بنفسجة
بنفسجة is offline
 
نورنا ب:
Jun 2007
المطرح:
ضيعة تشرين
مشاركات:
5,641

افتراضي



بتخلوني بسط معكون

ياوطني يسعد صباحك
متى الحزن يطلق سراحك
الابتسامة النبيلة هي التي تخرج من قلب يبكي هكذا انا قررت
((((*(*(*(*(*(*(*عصابة الملوك *)*)*)*)*)*)*) ))))
  رد مع اقتباس
قديم 03/07/2008   #10
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


كمل كمل كمل

وحياة سواد عينيك يا حبيبي غيرك ما يحلالي
we ask syrian goverment to stop panding akhawia
نقسم سنبقى لاننا وارضنا والحق اكثرية
  رد مع اقتباس
قديم 03/07/2008   #11
صبيّة و ست الصبايا marioma alghzayala
مشرف متقاعد
 
الصورة الرمزية لـ marioma alghzayala
marioma alghzayala is offline
 
نورنا ب:
Nov 2005
المطرح:
SyRiA - DaMaS - HoMs
مشاركات:
7,105

افتراضي


اقتباس:
كاتب النص الأصلي : بنفسجة عرض المشاركة

بتخلوني بسط معكون

بس يا بنت ... ما عنا تقعد هيك قعدات نحنا .....

.عم نسمع ..

انا بحبك وانت بتحبني ..وفخار يطبش بعضو




i miss you ....:sosad:

الخطأ الوحيد الذي يرتكبه الانسان هو الخطأ الذي لايتعلم منه شيئاً.
  رد مع اقتباس
قديم 03/07/2008   #12
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


بعد فترة من لما بتبلش بتبحلق بالعالم الي رايحة والي جاية قدامك بالشارع راح تنتبه ان معظمن الهن شي كتير مشترك ,يعني ملامحن ,ممارسات الحياتية احاسيسن وكتير شغلات تانية
كلن بيفيقوا وبينامو وبياكلوا بيسمعوا وبيحكوا وبيروحو للتواليت
الشب ناطر شي بنت لينام معها والصبايا ناطرين عريس الغفلة حتى الفلومة الي بتصير معنا تقريبا ذاتها
هلق صحيح ان كل واحد عند اسلوب بس المعدن واحد ,شي بيشبه هاللعب الي علي كيس الخيش الي قدامي والفرق بين اللعبة والتانية شي فرق صغير بالتصنيع بيعطيها شكلها المميز
مابعرف بس مرات بفكر ان كلنا عايشين نفس الحياة مع مراعات الفوارق الزمنية لنكباتنا ونجاحاتنا وان كلنا ماشين بنفس الدويرة الي عم تدور من لما خلق هالكون لدرجة ان صار عندي ثقة ان اذا جمعت 10 اشخاص وقاطعت بين ذواكرهن واحلامهن فيك تلاقي شبه بنسبة 90%
ومن هالاستنتاج الخطير يمكن انا وبو سومر عايشين نفس الشي

بو سومر:ر(مدير عام كان جارنا لماكان موضف وحاليا بيملك نص احدا المحافظات عنا من خلال راتب الي بيساوي 15 الف ليرة )

طيب اذا كانت كل اللعب فيه الطفل بينبسط فيها وكلها بالنهاية رايحة للكسر فليش لتنباع لعبة ب5 ليرات علي بسطا والتانية ب5000 ليرة بواجهة محل بابو رمانة....بتعرفوا يعني رغم اني برفض قانون القناعة بس عندي ركبة السرفيس عالواقف فيها بتحسسني بانسانيتي اكتر بكتير من طلعتي بشبوحة الرفيق بوسومر...ولو روحت علي حالي شرف ان يكون بوسومر شوفيري

  رد مع اقتباس
قديم 03/07/2008   #13
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي هلق لكون مثقف نازم كون شيوعي؟؟


لما كنت بالجامعة كان في شب بيلبس صيفا وشتائا طائية مع دقن طويلة وكوفية هالشب ماكان بيدخن غير حمرة طويلة وكلما دق الكوز بالجرة بينتقد كل السياسات العالمية والمحلية وكان كلما قعد معنا فاول كلمة بحكيها ان عنا بالحزب وتاني كلمة هدول منشقين وخونة اما الكلمات المتلاحقة التالية فيه برجوازية,دياليكتيك,نضال شعوب ,مرورا بالتحرر الجنسي ووصولا الي زوال اميركا القريب
مرة مسكت وحشرت بالزاوية وطلبت من ان يفسر شو اهداف حزب او شو عم يعمل هالحزب اليوم منشان الوطن او انت فيك تلخصلي هالفكرة تبعك باي شي يمكن افهم ...الزلمة قلب ارنب وصار يتئتئ وماعاد عرف شو بدو يحكي وقلي هاي بدها قعدة طويلة
بعد فترة ولاجل الصدفة اتعرفت عشبيبة شيوعية بالفعل فهمانة وسالتن عن الرفيق ابو خالد...
طلع هالابو خالد مابيحمل من الحزب الشيوعي غير كلمة رفيق وشوية اكسيسوارات تلزم كل شاب اليوم من شان يكون مثقف بمجتمع شبه الارغيلة من فوق بيضوي ومن تحت بيبقبق

ملاحظة:ابو خالد اليوم حولك في كل مكان فوعكن انت وعم تفتح علبة الببيبسي لان يمكن بينطلكن من قلبها ابو خالد ولو كان المنتج اميركي بس التعليب بيظل وطني
  رد مع اقتباس
قديم 04/07/2008   #14
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي كرنوب


ااااااااااااااخ منو ....
كرنوب ...اي كرنوب لاتستغربوا لان منها غلط مطبعي
هاد ياسيدي مصطلع اطلقت علي لعبة عندي عالبسطة ماعم تهدي,ويعني يوميا بتشوف العالم عم تتهافت عليها
كوصف لشكلها هيه عبارة عن مزيج من ارنب وكلب ودب بهيئة لعبة
الي اخترعها كان عندوا فكرة ان يعمل لعبة متل الجوكر وين ماشلفتها بتمشي
يعني اذا حطيتها مع الاراانيب بياكل جزر
ومع الكلاب بيعويي اعلي شي
ومع الدببة بتلاقي دب بخمس نجوم


هلق اذا اليوم انبعث دارون للحياة عن جديد دخلكن مع مين راح يصنف هالكرنوب ؟ان ينسب لوحدة من السلاسل الماضية يعني ؟مابعتقد
هلق يمكن كان بيصنف علي ان قفزة طبيعية في عالم الحيونة بس الي انا متاكد من ان ايام دارون ماكان في هيك نوع من الحيوانات او اذا بدنا نكون اكثر دقة وين ماكان عايش داروين كانت الكرانيب قليلة كتير ....ما الكرنوب هوه فخر الانتاج الوطني وهوه المنتج البلدي الوحيد الي مصرحلي بيعو عالبسطة
  رد مع اقتباس
قديم 04/07/2008   #15
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


اسف ان مارديت مباشرة بس يعني في عجقة بالشغل ماعم نلحق

اقتباس:
كاتب النص الأصلي : بنفسجة عرض المشاركة

بتخلوني بسط معكون

كل الي هون مبسطين علي نفس البسطة ...خديلك شي ارنب للتسلاية


[quote=phoenixbird;1047668]كمل كمل كمل[/
quote]


مكمل يارفيق في كم وحدة جايين عالطريق من الي بيحبن قلبك ...

اقتباس:
كاتب النص الأصلي : marioma alghzayala عرض المشاركة
بس يا بنت ... ما عنا تقعد هيك قعدات نحنا .....

.عم نسمع ..

هون السمع ماكتير عم يهم ....بس نورت البسطة
  رد مع اقتباس
قديم 04/07/2008   #16
شب و شيخ الشباب ِAbu Alzooz
عضو
-- مستشــــــــــار --
 
الصورة الرمزية لـ ِAbu Alzooz
ِAbu Alzooz is offline
 
نورنا ب:
Jul 2005
المطرح:
السما السابعة
مشاركات:
3,586

افتراضي


اقتباس:
كاتب النص الأصلي : اممي عرض المشاركة
ااااااااااااااخ منو ....
كرنوب ...اي كرنوب لاتستغربوا لان منها غلط مطبعي
هاد ياسيدي مصطلع اطلقت علي لعبة عندي عالبسطة ماعم تهدي,ويعني يوميا بتشوف العالم عم تتهافت عليها
كوصف لشكلها هيه عبارة عن مزيج من ارنب وكلب ودب بهيئة لعبة
الي اخترعها كان عندوا فكرة ان يعمل لعبة متل الجوكر وين ماشلفتها بتمشي
يعني اذا حطيتها مع الاراانيب بياكل جزر
ومع الكلاب بيعويي اعلي شي
ومع الدببة بتلاقي دب بخمس نجوم


هلق اذا اليوم انبعث دارون للحياة عن جديد دخلكن مع مين راح يصنف هالكرنوب ؟ان ينسب لوحدة من السلاسل الماضية يعني ؟مابعتقد
هلق يمكن كان بيصنف علي ان قفزة طبيعية في عالم الحيونة بس الي انا متاكد من ان ايام دارون ماكان في هيك نوع من الحيوانات او اذا بدنا نكون اكثر دقة وين ماكان عايش داروين كانت الكرانيب قليلة كتير ....ما الكرنوب هوه فخر الانتاج الوطني وهوه المنتج البلدي الوحيد الي مصرحلي بيعو عالبسطة
عطينا شي تلاتة من هادا الكرنوب


*** لنصير مزبلة و بدون تاريخ ***

"محمد الماغوط "

حطم سيفك , تناول فأسك , و اتبعني و ازرع السلام و المحبة في كبد الأرض

"رسالة الرب بعل إلى شعبه السوري "

عالوعد يا كمون


أخوية ... أبو وليام على طول الدرب
  رد مع اقتباس
قديم 04/07/2008   #17
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


اقتباس:
كاتب النص الأصلي : ABU WILLIAM عرض المشاركة
عطينا شي تلاتة من هادا الكرنوب


يارفيق من كتر ما الكرانيب معباية البلد ففيك بشكل عشوائي تسحب 5 عينات من الشارع ليطلعلك منن طلبك
  رد مع اقتباس
قديم 04/07/2008   #18
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


في شب هلق بعتلي برايفت ان ليش هالمذكرات بالسقيفة ؟يعني مكانهن يفترض يكون بارز اكثر منشان هالشعب يشوفها ويعتبر ...
بس اذا كانت هالمذكرات لواحد عايش بالسقيفة من لما الله خلقنا واذا كان القراء (اذا وجدو)معظمهن من نفس الطبقة فليش لنحط بمطرح تاني خصوصا ان البلدية هاليومين عم تمر علي كل البسطات الي عم تحاول تطلع برات هالسقيفة لتعفطهن ...فلشو هالوجعة الراس خلي هالمشاركة مابتنعد يعني متلها متل كل مشاركة بهالحياة بلاعداد....ماهالسقيفة هوه المطرح الوحيد الحيقيقي عنا بالحارة.
كاسكن
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 12:13 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.12631 seconds with 12 queries