ياترى عيب الرجال يبكي

[كل شى اوهام]

والله البكى للرجال مو عيب مو شى بعيبوا..شى عادى
بس على حسب الوقف يعنى اذا بيستاهل انو يبكى ولا لا...
وترى الدمع منظف للعين ههههههه طبيعى سبحان الله وبريح الئلب..

[Placebo]

بعض المرات البكاء بيكون أحسن دواء للشخص يللي بيكون متحطم ومكتئب.. والدموع يللي عم تنزل منو بتكون غسيل للوجع يللي بقلبوا للشخص ... لأنو الواحد إذا ما بيبكي على موقف مؤلم هو فيه بيحس انو راسو رح ينفجر .. لذا البكاء بيكون أحسن دواء لهالأمر ..

[mey]

الرجل انسان و الانسان لما تكون عليه ضغوطات كتيرة لازم ينفجر باحدى اللحظات و البكي احسن طريقة لتفريغ هالشحنات السالبة
يعنى لابد انو تجى لحظة و بيبكي فيها الرجل* بس الاحسن يكون بينو و بين حالو *

[ASH]

معناهاا القصه الشب يبكي او لا
بس شو هل موضوع يلي لح يبكي ؟

[ماس]

كاتب النص الأصلي : كل شى اوهام

والله البكى للرجال مو عيب مو شى بعيبوا..شى عادى
بس على حسب الوقف يعنى اذا بيستاهل انو يبكى ولا لا...
وترى الدمع منظف للعين ههههههه طبيعى سبحان الله وبريح الئلب..

ميرسي للرد بس لو قرأت توقيعك ماكنت كتبت المشاركة

[lovestory]

طبعا عيب هدا ناقص

[Damask Rose]

كاتب النص الأصلي : lovestory

طبعا عيب هدا ناقص

ليش lovedtory
ليش عيب
مو هاي شغلة حطها فينا ربنا
شو انت ما بتبكي
ولا عمرك بكيت؟؟؟؟؟؟؟؟؟؟؟؟؟؟؟؟؟؟؟؟:s hock:
والله طلعت قبضاي

[la-vierge]

لالالالالالالالالالالالال الالالالالالالالا أكيد مش عيب

[la-vierge]

البكاء بعمرو ما كان ضعف بالشخصية بالعكس الدموع بتخليك تتأكد أنو هالشاب في عندو قلب بيحس به و يرأف على الناس
و أكيد ما بقول أنو الشاب اللي ما بيبكي ما عندو رحمة لانو اللي متاكدة منو أنو الشاب اللي ما بيبكي قدام الناس أكيد بيبكي و هو لحالو منفرد بس لازم يعرف انو هالشي غلط و لازم يعرف انو لو بكي قدام حدى مش عيب او حرام
الرسول صلى الله عليه و سلم كان عم يبكي و مستحيل أي حدى يقول انو الرسول ضعيف أو شي هيك

[demon0084]

دموع الرجال أصدق الدموع.....
لأنو الصبايا على النكشة بيبكوا.....
لاتزعلوا بس هي الواقع..

[واحــــــــد]

أنا بعمري ما بكيت بس وقتلي كنت بالفلوفة

[la-vierge]

كاتب النص الأصلي : demon0084

دموع الرجال أصدق الدموع.....
لأنو الصبايا على النكشة بيبكوا.....
لاتزعلوا بس هي الواقع..

مو كل البنات بيبكو على نكشة لانو انا مثلا ما ببكي على نكشات ببكي على شي بيوجع عن جد
و قولك انو الواقع فهذا غلط لانو مو صحيح دايما

[nanoosh rose]

لاء ابدا مو عيب بالعكس بتعكس انو هو كتير من جوى حساس وهي الصفة نادر ما تكون موجودة بالرجال

[demon0084]

ماتزعل la-vierge بجوز أنت هيك بس الأغلبيه لا

[demon0084]

كاتب النص الأصلي : noor shabaan

لاء ابدا مو عيب بالعكس بتعكس انو هو كتير من جوى حساس وهي الصفة نادر ما تكون موجودة بالرجال

حطيت أيدك على الجرح

[lady yana]

كاتب النص الأصلي : ASH

ولله انا ابكي ما ابكي ابكي ما ابكي ما بعرف

هلا شوفو الواحد بيجي عليه وقت بيبكي انا مثلا مبارح أرطة اصبعتي اعدة بزاوية البيت ابكي ساعه صرعت الدنيه لاجى ابي عطاني خمس ريالات و سكتت لووووول

اوكي لنكون عم نحكي بجديه ، اخي شوف الواحد بيبكي بس السؤال امتى و هل الموقف بيستاهل الواحد يبكي عليه او هل شخص انك تبكي عليه ؟؟؟

انا عن نفسي ما بتزكر حالي بكية من شي سنتين يمكن ، مع انو مرية بظروف نحرق قلبي عليها و فرطة بس مع هيك ما بعرف ليش ما بكية مع انو نفر الدم من منخيري بس ما بكية

يعني بنرجع لشغلة انو على حسب الموقف وانا هلا ماني عم شوف موقف بيخليني ابكي ، غير الموت او فقدان شخص عن جد فقدتو لاسباب مو بايدي او ايدو وبس

ههههههههههههههههههه ضحكتني بس الرجال بني ادم من دم ولحم واحاسيس ومشاعر ولازم يبكي هاد ما بيأثر بشي عروجولتو ولما الرجال بيبكي بحس بفرحة بتغمرني لأنه بيرجع بزكرني انه انسان مو حيط

[عكيدحلب]

دموع المرأة اكبر سلاح مكر وخداع بايدها
ولسى عما تقولي انو الشباب باردين المشاعر وماعندهم احساس

كاتب النص الأصلي : سميه

بصراحة انا بحب شوف الرجال بيبكي
مولاني بحب اهينه
بس بحسه ساعتها قريب من قلبي

[عكيدحلب]

والله بتعدي علي اوقات بدفع كل عمري بس تنزل دمعة من عيوني
لانو دمعة الرجل صادقة وبتزيل الهم على الاقل الشخص مابيبقى حابس الحزن بقلبو